لفات القرفة (سينامون) Cinnamon Rolls


لفات القرفة (سينامون) Cinnamon Rolls

المقادير:

العجينة:

4 – ½4 كوب دقيق، 3 م ك سكر، 1 كوب حليب، فانيليا

2 بيض، ½1 م ك خميرة، ½ كوب زبدة (113 جرام)، ملح

الحشوة:

¾ كوب سكر بني(اساسي)، ½ كوب زبدة (113 جرام)،

¼ كوب دقيق، 1 م ك قرفة

التغطية:

1 كوب جينة سائلة، علبة قشطة، سكر

الخطوات:

تذوب الزبدة وتضاف الي الحليب الدافيء تم يضاف البيض والفانيليا ويخفق

يخلط الدقيق مع بقية المكونات الجافة تم يضاف خليط الحليب

وتعجن حتي الحصول علي عجينة ملساء وتترك لمدة ساعة

يضاف الزبدذ الي بقية  مقادير الحشوة  وتخلط جميعا

ويمكن اسنخدام مضرب السلك (الافضل)

بعد مرور الوقت تفرد العجينة وتوضع عليها الحشوة وتوزع بطريقة جيدة

تلف العجينة علي شكل اسطواني

ثم نقطع الي حلقات ترص في صينية الفرن ن ممسوحة بقليل من الزيت

(يمكن استخدام ورق الزبذة)

تدخل الي الثلاجة لمدة 8 -24 ساعة

ثم تخرج وتترك لمدة ½ ساعة ثم تدخل الفرن

وتترك لنبرد وفي هذا الوقت يتم اعداد كريمة الجبنة بخلط جميع المكونات

بعد ان يبرد تضاف الكريمة ويمكن تركه بدون كريمة

 

36 تعليقات على “لفات القرفة (سينامون) Cinnamon Rolls

  1. لكن ما ابدااااااااااااااااااااااع…شكلها روعه…نفسى من زمان اعملو بس كل مرة بخاف ما يظبط…بس اكييييييييد ح اجربو …بس اجيب السكر البنى ده…تسلمى يا عسل

  2. لككن ما بالغتي يا سمسماية ما شاء الله تبارك الله ابداااااااااااااااااااع

  3. ما شاء الله….ما عارفين ذاتو نقول شنو….مافي تعبير مناسب….. رهيبة ومبدعة ورائدة بالجد.

  4. تسلم إيدك علي الروعة دي_من زمان نفسي أتعلمو_لو سمحتي بس الكوب دا قصدك بيهو كم جرام 150 ولا 250

  5. ام براءة وزينة وام لينة (مشتااقة) وتوتا وهنوها وسمسم وشيما وغادة وسوكا تشكرااات يا حبايبي🙂
    تسعدني جدا تعليقاتكن

  6. ياسمساية جبنة كيري مع حليب محلي تضربيهم في الخلاط وتجعليهم تغطية من فوق للكيك بعد استواء الكيك وتدخليهم مرة تانية الفرن تصفر من فوق شوية بتطلع رائعة

  7. الله يخليك يا سمسم الاولاد ما تتخيلى بيحبوه كيف
    سامح بيقول لك تستاهلى يكون عندك محل حلويات كبير لشغلك الجميل دا
    تسلمى

    • حبيبي سامح وسلمي علية كتيير وقولي له خالتو سمسماية بتشكرك علي ذوقك ربنا يحفظه ان شاء الله
      مشتاااااقة يا ونجى

  8. سمسمة ياعسل أمبارح جربتا وبديت أعملا_سايباها من بالليل في التلاجة_وهسي منتظراها تتخمر وتفور شوية عشان أدخلا الفرن_أنتظرووووووني

  9. طلع روووعة ياسمسماية_بس ماكبير زي الإنتي عملتيهو طلع لي ميني سينامون لكن طعمو فظيع وعملت معاهو صلصة الشيكولاتة وفي الحشوة بتاعتو زيدتا من عندي فول سوداني ومعلقة بدرة شيكولاتة_ تسلمي ياسمسمة علي الوصفة _سؤالي لي طلع لي صغير وتاني حسيت الفرن كان سخن لانو طلع
    محمر شديييد أنا سيبتو في درجة200 وفرني بتاع البوتجاز_تفتكري كانت عالية عليهو_؟ _معليش علي الكلام الكتير بس عشان المرة الجاية يطلع لي نفس بتاعك _شكرا

    • تمام يا شيما والشيكولاتة ح تكوووون ابدااااع
      بالنسبة للحجم
      اذا العجينة من البداية في الساعة الاولي تضاعف حجمها فالمشكلة ما بتكون في طريقة العجن والخميرة
      نجي نشوف سمك العجينها وحجمها عند اللف ودا البيخليها تكبر بمعتي لو عايزاها كبيرة خلي العجينة سمكها اكبر واحتمال لانه البرد برضو ما بيخلي الخميرة تتفاعل زي الصيف
      كدي جربي تاني

  10. عملت العجينه وماكملتها دخلتها الثلاجه بتنفع تانى يوم يوم اكملها افيدييييييييييييييينى ؟؟؟؟؟؟؟مشكوره

    • انت العسل يا نون والله بزيارتك المدونة نورت🙂
      ايوة يانون ممكن يتعمل في البيت لكن العسل يكون عسل اسود ما غيره
      بتخلطي لكل كوب سكر ابيض ملعقة ونص عسل أسود

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s