بان كيك Pancake


بان كيك Pancake

المقادير:

1 كوب دقيق،  1 كوب حليب، 1 بيضة مفصول البياض

½1 م ص باكنج بودر، 1 م ك سكر، ¼ م ص ملح،

فانيليا، 2 م ك سمن أو (زبدة)

(قمت بمضاعفة المقدار🙂 )

الخطوات:

يخفق بياض البيض حتي يجمد

في وعاء عميق يوضع الدقيق والسكر والملح وصفار البيض

والباكنج بودر والسمن والحليب والفانيليا

ويخفق جيدا بمضرب السلك

يضاف بياض البيض ويقلب حتي يتجانس مع الخليط

استخدمت آلة البيتزا الصغيرة الكهربائية

يمكنك استخدام المقلاة او الصاج بوضعها علي النار

تخبز جميع القطع ويمكن ان تقدم مع القشدة والعسل

او كما تحبي حلو او مالح

49 تعليقات على “بان كيك Pancake

  1. يشرفنى أكون أول المعلقين على البانكيك البفتح النفس دا…….يا سلام عليك يا ست الذوق ابدااااااااااااااع تسلمى يارب العالمين ماشاء الله تبارك الله

  2. السلام عليكم ياسمسماية استفيدت منك كثير وكلو بظبط معاى بس عايز اسال بالنسبة للبانكيك المالح نعملوا بشنو وشكرا على مجهودك الرائع والمتقن ودمتى بصحة وعافية

  3. ربى يديكى الصحة والعافية ويديكى اللى فى بالك ، فى الصورة الفوق صفار بيضة ولا بيضتين يا سمسم وربى يسلمك من كل شر

  4. سؤال محرج شوية يا سمسم ، بما انك فى السودان الدقيق اللى بتستعمليهو مخصوص ولا أسمر ولا ويتا ولا اى نوع والسلام ، معليش سمسومة أعفى لينا

    • ولا يهمك يا كوثر
      بستخدم دقيق سيقا العادي (الاخضر )
      دايما الدقيق العادي يخليك تستخدميه في اكثر الاشياء
      المخصوص بتلاقيه مطاط فما بحب استخدمه

  5. السلام عليكم و شكرا جزيلا علي الوصفة الرائعة. جربتها الليلة و حازت علي اعجاب الاولاد و ابوهم. بس استعملت طوة عادية وشكلو ما طلع عمل اسطوات زى حقك ..ما شاء اللة.
    برضو بجرب في الشريق بعد ما نجح المرة الفاتت بفضل اقتراحاتك للجو البارد. مستنياهو يضاعف في الصينيه علشان اخبزو. المرة دي اضيفت كربونات و انشاء اللة يطلع كويس.
    الف شكر ليك وكل سنة و انت بخير و عافية.
    فاطمة

  6. معليش نسيت اسألك عن وصفة للمخللات السودانية الاصلية. لو عندك اكون جد شاكرة لانو البسألو كلو بيقول بيشترو الجاهز. الف شكر و معليش علي الأسئلة و الطلبات.
    فاطمة

  7. تسلللللللللللللللللللللللللللللللللللمى يا سمسم وربى يمتعك دنيا وآخرة وناوية عليهو الجمعة بإذن الله

  8. سلامات سمسماية

    تسلم ايدك علمتني طريقة مختلفة لبان كيك افكارك جميل ومفيد في نفس الوقت تسلمي وانا في انتظار وموضوع الكيك او الجاتو حاجه خفيفه لشاي الصباح او المساء

  9. جربتوا يا سمسمة وطلع رهييببببب تسلم الأيادى
    ما عايزة أكرر الكلام اللى إتقال قبل كده وإنى أستفدت من الموقع ده كتير أكيد إنت متأكده من كده بس عايزة أشكرك على كرمك علينا وشرحك الوافى وطريقة تقديمك الرائعة
    جعلها الله فى موازين حسناتك

    • يا مي يكفيني انه الوصفات بطلع معاكم رهييييبة
      وان شاء الله ربنا يجزيكم انتم ايضا الخير
      وربنا يتقبل

  10. طيب ياغاليه حاب اسال عن وصفه المكورنه البارده الامريكيه وين راحت دورت عليها في الموقع مالقيتها ارجوك افيديني زوجي طالبها مني

    • بعض التدوينات فيها مشكلة لكن الوصفةك
      المعكرونة الباردة
      المقادير:

      ½ كيس معكرونة (225 جرام)، 4 م ك مايونيز، ½ م ص خردل

      1 م ك كاتشب،كوب ذرة (سادة)، 1 فلفل اخض و احمر (كبير)،

      1 طماطم كبيرة، كوب جبنة قشوان مقطعة مكعبات صغيرة

      زيتون اسود شرائح،عبوة مارتديلا دجاج، ملح، فلفل
      الطريقة:

      تسلق المعكرونة كما مبين في العبوة وتصفي وتترك في مصفي

      يقطع الفلفل الاخضر والاحمر مكعبات صغيرة

      يقطع الطماطم الي مكعبات صغيرة

      نقطع شرائح المارتديلا الي مربعات صغيرة

      يضاف المايونيز والخردل والكاتشب والفلفل والملح

      الي المعكرونة ويقلب جيدا حتي يمتزج الجميع

      تضاف بقية المكونات الي خليط المعكرونة

      وتقلب بخفة

  11. الله عليك يا سمسومتي

    والله أنتي طباخة خطيرة .. بتمنى أكون مثلك ..

    ولكنه مستحيل .. !_!

  12. تسلم ايدك يا سمسمايه ما شاء الله تبارك الله الصوره تجنن,,هسي ماشه اعملها..بس عندي استفسار بسيط مكنه البيتزا بتتلقي وين وسعرها في حدود كم؟؟ وشكرا ليك

    • اهلا تغريد بصراحة انا جبتها من الامارات لكن هنا في السودان قالوا موجودة ان شاء الله اسأل منها واكلمك هي وين وسعرها

  13. طيب ياعسل لو ماضربتا بياض البيض بالمضرب ح يحصل شنو .ايه الفرق. ولا ده عشان تكون مرتفعه. ارجو الرد ومشكوره كتييييييييييييييييييييير

    • ممكن تحشيها بس لازم تكون رهيفة شوية وبتكون ذي الكريب (الكانولي) لانه البان كيك بيكون حلو
      يا حلو

  14. سمسماية الغالية .أول زولة أشوف البان الكيك الرهيب لكن ما شفتينى اللوم دا كيف …….ههههههههه

    لاحظته انو بالصاح بيحمر سريع وماعندى آلة البيتزا ماممكن أختو فى فرن منخفض

    • سلااامات ام مصطفي حقك علي ولك العتبي حتي ترضي
      بالفرن ما ممكن يا غالية لكن بالصاج ممكن تتحكمي في الحرارة
      دمتي

  15. العفو يا غالية يا ذوق ………….بس بشاغل فيك شرف لى التعليق والاستفسار فى مدونتك ………..

    مشكوووووره على الافادة

  16. قالوا البنى ادم لساااااااااااااااااان
    يسلم لسانك استمتعت اكتر بردودك اشكرك بشدة على قمة الذوق
    موووووووووووووووودتى
    بالمناسبة جيت اخش اشوف البان كيك ،عملت بتاعى اليوم من راسى والله ،جيت اقارن لقيت الفكرة الروعة بتاعت فصل الصفار والبياض تسلمى ………………..

  17. ايديك العافية ,,, انا احمد ولدى نفسو فيهو كنت بعمل ليهو الجاهز لكن هسسسسسع ماشا اعمل ليهو بتاعك, بس ياريت تورينى انتى مقاساتك دى بالكوب المعيارى والملعقة برضو؟ اشكرك ياذوق

  18. كل سنة وانتي طيبة يا سمسماية وربنا يحقق الامنيات من فضلك اريد معرفة طريقة البان كيك المالح وشكرا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s