دجاج بروستد


دجاج بروستد

المقادير:

دجاجة  مقطعة الي 6-7 قطع، 1 كوب دقيق، 1كوب نشا

ملح، 1 م ك بهار مشكل، 1 م ص فلفل، 1 م ص شطة( اختيارية🙂 )

2 بيضة، عصير ليمون ، 1 م ك خل، زيت غزير للتحمير

الخطوات:

يضاف عصير الليمون والخل والملح وقليل من الفلفل

الي قطع الدجاج وتترك ½ ساعة تقريبا

في وعاء يخلط الدقيق والنشا والفلفل والبهار المشكل والشطة والملح

توضع قطع الدجاج في خلطة الدقيق وترفع

تكمل كل القطع يخفق البيض جيدا

توضع قطع الدجاج واحدة واحدة في البيض وتقلب جيدا

ثم ترفع لتوضع مرة اخري في خليط الدقيق

تحمر قطع الدجاج في الزيت الحار في وعاء عميق (حلة) لتكون مغمورة في الزيت

وتغطي حتي يستوي جيدا ويستحسن استخدام مصفي التحمير بالزيت

ويمكن استخدام القلاية الكهربائية

39 تعليقات على “دجاج بروستد

  1. يا سلام عليك ياراااااائعه تسلم الايادى…………………….من حلو لاحلى ماااااااشاء الله تبارك الله

  2. طبعا بدون اي شك حاجة رهيبة ما دام هي من يدك يا سماسم…

    صحة وعافية عليكم يا رب

    عارفة لو نقصتي من النشا ملعقة وبدالها خليتي كاسترد يطلع لك اللون ولا احلى من كده كمان🙂

  3. مبالغة …شكله ولا كنتاكي فعلا على قول زينة….تق تق 2000 ذكرتني بي أم أماسي بزيادة الكاسترد دي….
    والله يا سمسماية أنا جربت الطريقة دي قبل كده وفشلت ما عارفة السبب .. بيطلع لي الدجاج نئ حول العظم وفكرت اخليه في الزيت فترة أطول، احترقت الطبقة الخارجية … ارجو المساعدة

    • كيفك يا ام لينه ان شاء الله ام اماسي ربنا يرجع لينا تااااااني
      بيكون نيئ يا ام لينه او شئ لازم الزيت يكون كتييير ولانك بتكوني ما غطيته الغطاء بياخر مدة الاستواء وبياخد وقت كافي عشان يستوي ونا بيحرق لانه البخار والركوبة ما بخلو الزيت حار شديد
      ممكن تجري حلة الضغط
      تختي الزيت (لازم يكون غزير) في الحلة لما يسخن تختي قطع الدجاج في المصفي البيجي مع الحلة ونتقفلي عليه شديد وتخليها 25 دقيقة
      ولما يبرد شوية وتنفسي الحلة كويس افتحيها وارفع الدجاج

      • شكرا سمسماية على اهتمامك (المعهود) وان شاء الله اجرب أغطيه ، أما القلاية الكهربائية دي ما عندي …. ماشاء الله كلامك كلام خبرة

  4. ربنا يفتحها عليك دنيا و آخره ياسمسمايه
    اليوم جربته الدجاج دا وحمرته بحلة البريستو، والله النتيجة ادهشتني وزوجي تعليقو ( تمام مافي كلام)، ولا دجاج KFC ،،،،
    ربنا يجزيك عننا كل خير يارب،،،،،

  5. ام لينا
    لما الزيت يكون ساخن شديد بتتحرق الطبقة الفوق شديد والجوا يظل نئ فخلي النار وسط يعني الزيت مايسخن خااالص

  6. شكرا يا هنوها على اهتمامك …. وصدقيني اتعقدت من الدجاج تماما لكن ان شاء الله امشي بي نصائحك انتي وسمسماية …. ربنا يخليكم لينا

  7. ازيك يا سمسماية وياكل الحبايب كيفكم حاجة لاكن ماتخلص عديييييييييييييل كدة بس مامكن استخدم بهارات البرستد بدل البهارات دى ولارايك شنو

  8. والله انك عسل وعرفت الحل منك يااجمل سمسم لاني عملتها قبل كده وطلع الدجاج نئ لكن عرفت السر ربي يرزقك كل ماتتمني

  9. ياااااااربي خلي لينا سمسومتنا العسل دي معلمة الطبخ من الدرجة الاولى يااخي دا ما دماااار عديييل كدة تاني البيك ولا بنمشي عليه
    والله اتمنييت أقابلك انا برة السودان وأهلي في أركويت م47

  10. ربي يخليك لشبابك ويسعدك يا غالية
    وان شاء الله نتقابل لما تجي السوان
    تلاقينا ام لينه وانا وكان لقاء طيب وما شاء الله علقتنا مستمرة هي بامريكا وجاءت للسودان زيارة
    دمتي بخير🙂

  11. لكي كل التحايا العذبة ياسمسومة الرائعة بقدر ما اتحفتينا بروائعك ياغالية ربنا يعلم كم استفدنا منك في ميزان الحسنات ربي ما يحرمنا منك ومن جديدك

    بالنسبة للدجاج ماممكن اسلقها شوية انشاء الله نص استواء عشان لما تتحمر ما تكون نئية ولا رايك شنو
    بانتظار ابداعتك

  12. تسلللللللللللللللم أيــــــــــــــاديكي يا سمسماية طبعا امبارح عملتها طلع رهييييييب زوجي قال لى انتى الليلة جبتي الاكل دا من كنتاكي ولى من وين ؟ ههههه والله عجييب شديد طلع تسلم اياديكي الراقية الرقيقة أتحفينــــــا كل مرة بالله بالحاجات التحفة دي

  13. سلام عليكم ي سمسمايه وجزاك الله كل خير بالنسبه لطريقه البروستد جد جد روووووووووووووعه وانا جربتها اليوم وطلعت تحفه تسلم ايدك ي رب

  14. تسلم يدك يا مبدعه ماشاء الله عليك .. ممكن لو سمحتِ تعملي الكستليته ؟ مشكوره مقدما و يارب في ميزان حسناتك

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s