لحمة مع الكبدة


لحمة مع الكبدة

المكونات:

1 كيلو لحم ضأن مقطع مكعبات، ½ كبدة ضأن مقطعة مكعبات ومغسولة جيدا
¹⁄3 كوب زيت الزيتون، 1 م ص من البهار المشكل
½ م ص فلفل اسود، ½1 م ص ملح

الخطوات:

نضع اللحمة والزيت في حلة على النار ونقلبها حتى تخرج تجف ثم نضع البهار والملح ونقلب جيدا
إن كان نوع اللحم طري وجيد فإنه لن يحتاج الى زيادة ماء وانما سيكفي تقليبه قليلا بزيت الزيتون

اما ان كان لا ينضج سريعا  نضيف حوالي½ كوب من الماء الحار

ونخفض النار الى هادئة جدا حتى ينضج اللحم تماما وتنشف الماء

نضيف الكبدة ونقلبها مع اللحم حوالي الربع ساعة اضافية اي حتى تخرج مائها ويجف

من تطبيقاتي في دورة لائحة الشيف 

24 تعليقات على “لحمة مع الكبدة

    • يا زينة ياريت تعمليها في العيد
      وياريات ياريت تجهزي البهار والله ابداااااااااااااع
      عشان تلخمي ابو الشباااااااااااااب
      هههههههههههههههه

  1. بالجد فنااااااانه ويديك العافيه

    يا ريت يا عسل طريقه القلوب (لانها دائما بتزفر معاي)

    • شوفي يا غادة القلب انا بعملو مع الكبدة والكلاوي
      بس في الاول لما تقطعي القلب غسليهو كويس بموية وملح وخليه يصفي الموية
      وقلبيهو في الزيت في الاول لحدي ما نشف وتضيفي الكلاوي وتقلبي لما تجف تضيفي البهار (ياريت المشكل) والملح ح تشمي ريحة شهية وبعداك الكبدة وتقلبيهاوتغطيها لما تستوي
      وكل سنة وانت طيبة

  2. واللة مبدعة مبدعة وافكار حلوة شديد اكيد بجربها يوم الاربعاء كان ربنا احيانا وكمان فكرة القلوب رائعة بعدين عايزة اسأل من المرارة بعد احمرها بحس الكرشة عاصية شديد ملستكة

    • ان شاء الله بالنسبة للكرشه لو حسيتي انها ح تكون ملستكة اسلقيها في الاول
      موية وملح ولو عندك ورق غار ولما تتستويانشليها وختيها في مصفي ولحقيها باقي الحاجات وحمريها معاهم

    • لا يا ام سارة البابريكا فلفل حلو
      البهار الحلو عندنا في السودان اسمه الكباب الصيني
      بيشبه الفلفل الاسود بس حبته كبيرة

  3. الاخت سمسماية

    والله مبدعه وحاجه جميله جدا تشهي بالمناسبة بالصدفه لقيت مطبخك واتصفحت في الملف واعجبت به كثيرا ومن غير مبالغه لي حوالي 8 ساعات بالتمام الله يعطيك الف الف عافيه

    • اهلا وسهلا ومرحب بيك اخت نهي ويسعدني جدا ان اجد منك هذا الوقت
      لتمنحني ومدونتي اياه فلك الشكر
      واتمني ان تعجبك الوصفات
      وكل عام وانت بخير وعافية

  4. ما شاء الله تبارك الله ….فن ….فتحت قسم وصفات الأضحية ولقيتك منظمة كل شئ كما عهدناك…..ماشاء الله ربنا يزيدك ح أعيد وأكرر انو المدونة دي مرجع عظيييييييييييييم وتاني وتالت ما شاء الله ماشاء الله…..

    • تسلمي اختي ماجدولين وانت بالف الف الف خير
      والله دائما لما اجد تعليقك اشعر بسعادة
      لانك كما قلت لك انت من الأوائل وستبقين
      لك التحية

  5. كل عام وانتىبخير يا سمسم
    شكرا على الروائع يا غاليه
    بسأل يا سمسم الشيه ممكن تتعمل فى البتوجاز وكيف
    عشان بكره ان شاء الله
    تسلمى يا عسل

    • ممكن تختي الصاجبتاع اللحمة لحدي ما يسخن شديد وترمي فيه الشية
      طبعا بتكوني مطعماها وجاهزة وتقلبي اللحمة لحدي ما تجف وتنجض ما بتغطي الصاج
      ولما تستوي اعملي ولعي ليك جمرة وختي زيت في فنجان وختيه نص اللحمة وارمي الجمرة وغطيها
      كويس عشان الدخان ما يطلع ويشيل في اللحمة
      وكل سنة طيبة

  6. سمسماية العسل كل سنة وانت طبيبة ماشاء الله تبارك الله ياسمسماية جهزت لينا كل حاجة للعيد ونحن عينا التطبيق بس انا عندى سؤال بالنسبة للبهار المشكل ده فلت اسم فى السودان كباب الصينى لو سمحت ورينا العبوة بتاعت شكلها كيف لان انا فى السعوديه ماعارفة اسم شنو هنا معليش معزبنك معانا بالمناسبة ياسمسمايه انا جربت كرات الحليب الهندية وطلعت رهيببببببببة وشكرا لك

    • شوفي يا ام ذياد يشبه الفلفل بس حب كبير أسمه بهار حلو او كباب صيني او كبيبة صينية
      بس في السعودية (موجود بكل فروووع بنده بقسم المكسرات اللي اسمه مهباج اظن تلاقون جميع انواع البهارات من ظمنها البهار الحلو يبيعه حب ومطحون اللي تبين)
      الكلام بين الاقواس نقلته ليمك علي لسان وحدة موجودة بالسعودية
      ان شاء الله اكون افدتك

  7. يااستاذه عزبتيني بالكبده دي عذاب لكن ياني العملته والعجب الشربوت وتسلمي يارائعه والله مابتخلينا نحتار .وكل سنة وانت وعيلتك بالف خير

  8. كل عام وانتم بخير الغالية سمسمة والصديقات ربنا يوعدنا حج مبرور وتقبل صالح الاعمال والدعوات
    اللهم امين .. فضلا غاليتى سمسمة ماذا تقصدى بالبهار المشكل هل هو بهار البريانى مثلا .
    وكل شكرى
    . تقبلى مرورى
    مودتى وحبى

    • البهار المشكل
      البهار المشكل والذي يستخدم في تدبيل الاصناف في المطاعم الكبيرة
      وهو صنف عالمي معتمد
      المقادير:
      كباب صيني (البهار الحلو)،هبهان،قرنفل،قرفة،فلفل اسود
      لكل 2 م ك من الكباب الصيني 1 م ك من بقية الاصناف
      تخلط جميعا ثم تطحن خشن نوعا ما
      وتحفظ في علبة محكم

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s