كعك بطعم الجبن والفلفل الحار


كعك بطعم الجبن والفلفل الحار

المكونات:

2 كوب دقيق، 2 م ص باكنج بودر، 1 م ص ملح

½ كوب زبدة، 2 بيص، 3 م ك فلفل حار مفروم

¼ كوب جبنة قشوان مقطعة صغير،

للوجه

1 بيضة، م ك زيت، سمسم

الخطوات:

يقلب الفلفل الحار مع ½ م ك زبدة علي النار لمدة دقيقتين

ترفع من النار وبنثر عليها قليل من الدقيق وتترك لتبرد

يخلط الدقيق والملح والباكنج بودر جيدا

يخفق البيض والزبد جيدا تم يضاف الدقيق تدريجيا

يضاف الفلفل الحار والجبنة وتعجن جيدا

تفرد العجينة وتقطع حسب الرغية

يدهن الوجه بخليط البيض والزيت وينثر قليل من السمسم

تخيز في فرن متوسط الحرارة

يترك يبرد تم استمتعي بطعم لايقوم

26 تعليقات على “كعك بطعم الجبن والفلفل الحار

  1. والله الليلة ذكرتيتيني المطعم الباكستاني الجنبنا اشترينا حلويات طلعت كلها قرون شطة

    تسلمي سمسم

  2. شكلها كده طعمها مجنون…. ابداع والله لكن يا سمسماية بصراحة عاوزة أسأل من بدري وخجلانة تضحكي علي ..الجبنة القشوان دي شنو؟ ):

  3. سمسم داير وصيه منك ومن الاخوات وقتى كله ضايع فى المطبخ اها انتوا فى المعتاد بتعملوا شنو وتخزنوا شنوا فى الفريزر ساعدونى بافكاركم
    مشكورين

    • سلام ونجي ..فعلا الوقت كلو ضايع في المطبخ …نحن بنحب الطبايخ عشان كده بجهز شوربة ودمعة (من غير صلصة) وبقسمهم في أوعية بلاستيك في الفريزر… مرات كتيرة بجهز الكفتة واجمدها …وغالبا برضو بجهز اللحمة المفرومة (عصاج)للفطاير… واللحوم المحمرة والدجاج بطعمهم واجمدهم الى حين استخدامهم….برضو بحب اعمل الطعمية من الصفر فبجهز العجين بس ما بضع البيكنج باودر الا لمن اقرب ارميها واقسمه في اكياس في الفريزر…بعمل برضو سلطة أسود بالطحينة بكمية (ما كتيرة خالص) وبخليها في التلاجة وكذلك الحمص. ان شاء الله أكون أفدتك وكمان عاوزين نسمع من الاخوات عشان نستفيد منهن.

    • الحربم ديل ما قصرن معاك
      بضيف ممكن تعملي الكفتة ةتلفيها ترصيها وتدخليها الفرن ولما تجمد تختيها في كيس نايلون
      برضو الفطائر والسمبوسة بنفس الطريقة ولما تجي تعمليها لو بالفرن خليها تسيح ولو بالزيت عشر دقائق والزيت يكون حار لانو ح يبرد اول ما ترمي الفطائر
      وبالنسبة للحوم ممكن توضبيها وتتبليها حسب ما انت ناوية تعمليها
      وتجمديها بعيد عن بعضها ولما تجمد تخنيها في كيس عشان يكون سهل ان نسيح وتكتب علي الكيس عشان تعرفيها
      لو تذكرت حاجو بجي تااني

  4. تسلمى حبيبتى سمسم والله افكار جميله ممكن اطبقها اكيد حتوفر على
    انا الفريزر عندى ما فيه حاجه جاهزه كلو نى ههههههههههه
    عشان كدا اظن تعبانه
    شكرا يا عسل
    ونشوف باقى الشابات كمان

  5. سلام سماسم ابداااااااااااع يعني ما شاء الله ما ملحقين حاجة انت تجري و نحنا ورااااااااااااك بي مساااااااااافة اه ا اه نفسنا اتقطع هههههههههههههههههههه

  6. ونجي سلالالالالالالالالالالالام ام لينا ما قصرت و برضو كمان ممكن تعجني عجينة الفطاير و تخليها بالفريزر لوقت الزنقة و الضيوف الغير متوقعينو برضو سبكة التقلية و النعيميةو ممكن تحشي المحشي و تخليه بالفريزر و الله ما فضل لينا غير نقطع السلطة و نخليها في الفريزر ههههههههههه من عدم الوقت

  7. اهلا زينه شفتى الشقاوه دى كيف الحاجه الوحيده المرتاحه منها قشير الثوم وهرسه
    لقيت نوع مجمد
    المحشى لما تطلعيه من الفريزر لاحظت الرز بيكون مفتفت ما حلو المشكله منى ولا عادى بيكون كدا

  8. يا سمسماية على ذكر المحشي …منتظرين منك وصفة سمسماوية للمحشي باي نوع من انواع الخضار … ودمتي

  9. مرحبا سمسماية وربنا يديك الفاعية مطبخك رهيب انا مشتركة جديدة عايزة اسالك ممكمن بدل جبنة قشوان اسخدم جبنة شنو ؟؟

  10. سلام أم تبيان ومرحب بيك….سمسماية كانت قالت لي في سؤال سابق (فوق) انو ممكن نستخدم الجبنة الشيدر….ودمتي

  11. تسلمي يا سمسماية .. يا رايعة .. انا بحب الحاجات الغريبة زي دي .. سهله و جميلة .. ح اطبقها و اقول ليكي

  12. الله يوفقك كل طبخاتك روعه روعه انا نسيت مواقع كثيره على النت الا موقعك دايم لم اجي اكتب طبخات اتذكر موقعك وادخل على طول ليكي اول شي

    انت صراحه اقوى شي

    الله يديم عليك الصحه والعافيه ويكفيك شر الحساد امين

  13. السلام عليكم طبعا اكتشفت الموقع ده و ماشاءالله عليك يا سمسمايه موقعك اكثر من رائع جربت من عندك الفطير السوداني وكنت ما بعرف اعمله مع اني بحبه جدا وطلع حاجه جميله كل الاهل هنا اعجبوا بيه ورغم اني بدرس طلبه سياحه وفنادق في المعهد العالي للتربيه النوعيه عمل الحلويات الا انه مطبخنا السوداني يكسب بارك الله فيكي ودمتي

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s