طريقة عمل عصيدة الذرة


طريقة عمل عصيدة الذرة

المكونات والخطوات:

مقدار  من عجين الذرة  المخمر مسبقا، ملح

استخدمت كوبين من العجين وقوامة اثقل من قوام عجين الكسرة بقليل

وضعت كوبين من الماء والملح علي النار حتي تغلي

يضاف العجين مع التحريك وسوف تلاحظي بسرعة

اصبح تقيل استمري في التحريك حتي يثقل اكثر

عندها  تخفض النار ويضاف ربع كوب ما بارد

(يعتمد مقدار الماء علي القوام الذي تفضلين)

وتترك لتغلي لمدة 5 دقائق ثم تحرك حتي تمتزج

وتترك حتي تستوي

ويختبر النضوج بوضع اصبعك في الماء ووضعه

علي العصيدة ان خرج نظيف دل علي النضج

يمسح قالب بالزيت او يبلل بالماء

وتصب العصيدة

تترك حتي تبرد تماما ثم تقلب في صحن

ويضاف الملاح

والبهنا

13 تعليقات على “طريقة عمل عصيدة الذرة

  1. ما شاء الله تسلمى يا سمسماية … والله أنا أول عصيدة عملتها كان عندها شلل إهتزازى ولما حطيت عليها الملاح إختلط الحابل بالنابل لكن شوية شوية الواحد بقى خبرة

  2. سماسم جد ابدااااااااع يعني عصيدتنا نحردها و لا شنو ………….ما شاء الله تبارك الله و الدقيق ماعندك

  3. ياسمسم يعني لو عايزة اعمل كمية كبيرة لازم مع كل 2كوب ماء احط 2 كوب عجين وللا كيف؟ ياريت تنقذينا قبل رمضان دا
    : تسلمي

    • بيعتمد علي ثقل (قوام) العجين كل ما كان تخين الموية بتزيدانت مبدئيا اعنلي كدا واثناء النضوج بتحسي اذا تحتاج ماء ولا لا

  4. ألمقادير غير وضح ارجو التوضيح الطريقه لاني سعوديه مش فهم الطريقه أبي اعملها السنه في رمضأن عشان زوجي سوداني ابوه جأي ضيف عندنا ابي ابيض الوجه وكون شكر لكم لو ارسالتولي طريقة ملح الشرموط

  5. ام عبد العزيز ملاح الشرموط موجود هنا بإسم ملاح التقلية اعملي بحث وحتلقيه موضح سمسماية ما قصرت الله يديها العافية
    والله لو كنت ساكنة جنبي كنت ضيفتهم ليك وريحتك هههه

  6. تسلمي يا سمسماية على الوصفات الحلوى ربنا يجعلو في ميزان حسناتك والله العصيدة دي مجهجهاني شديد مابتظبط معاي عملت القادير دي لكن طلعت لونة داكن ما بيضاء وليييينة ياريت توريني السبب شنو

    • اللون يا ريفان بيكون من نوع الدقيق
      ولينه لانه كترتي الموية دايما الموية دي الزول بيكبها شزية شوية عشان تظبطي القوام

  7. تسلمي كتييييير ياسمسمايه والله انا متغرب وبحضر في ماجستير خارج البلد بس نعني موقعك ده كتييييييييييير وربنا يجعلو في ميزان حسناتك…بالنسبه للعصيده دي جهجهتني شويه وهنا مالاقي الدقيق المناسب لاني جربتها بدقيق ذره(عيش ريف لانو حقنا داك مافي😦 ) وجاطت جوطه شدييييييده هههههه…في بدائل دقيق تاني ؟

  8. السلام عليكم
    اختي الفاضلة جربت الطريقة وماشاء الله النتيجة ممتازة
    لكن لدي تساؤل هل عصيدة الدخن نفس الطريقة ؟

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s