تارت البطاطس بحشو اللحم


تارت البطاطس بحشو اللحم

المكونات:

½ كيلو بطاطس مسلوق ، ½ كيلو لحم مفروم معصج

3 بيضات مفصولة، 3 م ك شوفان (قابلة للزيادة)

بصلة متوسطة مفرومة، ثو مفروم، جزرمبشور،

بقدونس مفروم، فلفل اخضر مفروم

ملح ، فلفل، جبن مبشور

الخطوات:

يخلط الخضار المفروم مع اللحم ويمكن اضافة ملح

يهرس البطاطس ناعم يضاف الملح والفلفل

يؤخذ مقدار من البطاطس تقربيا ¼ الكمية وتوضع جانبا

يضاف الي ¾ كمية البطاطسالمتبقية  الشوفان وصفار البيض

ويعجن جيدا حتى نحصل علي عجينة ويمكن اضافة شوفان ان احتاج

يبطن بها قالب التارت ويضاف خليط اللحم والخضار

يخفق بياض البيض ويضاف لة البطاطس المتبقي

وتحصل علي عجينة سائلة نوعا ما

تصب فوق اللحم ثم يضاف علي الوجه جبنة مبشورة

يدخل الفرن علي درجة حرارة متوسطة حتي يصبح ذهبي

يترك ليبرد ثم يقدم

Bookmark and Share

34 تعليقات على “تارت البطاطس بحشو اللحم

  1. ,والله يا سميه الواحد زاتو ما عارف يقول شنو بس ربي يديكي العافيه
    وعلي فكره انا بكون في قمه السعاده لما تصلني رسائلك

  2. عليك الله ياام ساره مش لينا حق نطلع مظاهرات ونكسر الدنيا كلها 0000000سبحان الله شووووفي الابداع ده
    ماشاءالله تبارك الله ماشاءالله تبارك الله ماشاءالله تبارك الله ربنا يحفظك 00باذن الله بكررررررره بسويهو0000وتسلمي يامبدعه

  3. برجع وبقول ليك تااااااني ياسمسه والله حققتي رقم قياااااااسي في الابداع والفن والطعامه والحلاوه 00ياحلوه انتي
    تسسسسسسسسسسسسسسسسلمي

  4. يابنية بسحروك

    تارت ماكدة وذاد وجدي

    الله يحفظك يا سمسم ويديك الفي بالك

    • هنوها تسلمي
      والله ضحكتمي وسويتي زي المثل البقول
      شكارتها دلاكتها امها وخالتها
      هههههههههههههههه
      تسلمي والله مرورك يدعمني جدا دمتي لي وفية
      ما عارفة بفرح لما القي منك تعليق اختي
      مودتي

  5. السلااااام عليكم يا أخواتنا والله اشتقت ليكم
    ما شاء الله يا سمسماية والله جد فنانة …. أكلاتك بسيطة وظريفة و مبتكرة في نفس الوقت…. ليهم حق الثنائي (أم أماسي و أم سارة ) يطلعوا مظاهرات….ان شاء الله أجربها وأوافيك بالتجربة والنتيجة.

    • والله يا ام لينة عارفة دايما بحب تكون الوصفة مكوناتها متوفرة هنا
      وممكن اي ست بيت تقدر تعملها مع مراعاة الطعم والاخراج
      يعني تكون حلو برة وجوة
      لانو هنا نحنا كتير من المكونات للوصفات المعقدة غير متوفرة او ما في متناول اليد فاذا استطعنا بالبسيط تشكيل وتنويع الوصفات نكون ما قصرنا واضفنا للمائدة السودانية

      (ما صدقت انت علقتي وتفتحت كلااااااااااام ) هههههههههههههههههههه
      مودتي

  6. أم أماسي ازيك وكييف أمورك …. باين عليك راس هوس وبتاعت شغب….. وشكلك كده برضو من عشاق مجلة ميكي… ما شاء الله ربنا يحفظ أولادك والبيبي ده أوعكم تحقروا بيهو بكرة يكبر و يمشيكم على عجين ما تلخبطوش…
    كيفك يا أم السارة … أتحفتينا بي أكلات ظريفة (مطبق وملاح نعيمية مبتكر وغيره) لكن حيرتوني ما عارفة أعمل شنو ولا شنو …كيف ظهرك ان شاء الله أحسن …

  7. سؤال فني يا سمسماية : فائدة الشوفان شنو؟ وهل يمكن استبداله بأي شئ أو حتى الاستغناء عنه؟

    • سلام يا ام لينه مشتااااااقين غياب ليه؟
      الشوفان بيلم ليك عجينة البطاطس ممكن تعملي بقسماط
      لكن بتعرفي فوائد الشوفان الغذائية بالاضافة الي مذاقه غير البقسماط

  8. مبدعة بالجد مبدعة ربنا يحفظك ويخليك ويديك العافية ودايما تتحفينا بالجديد والجديد مع خالص حبى

  9. سمسماية هسه التارت في الفرن وريحته فاحت…رهيييبة… بعد اتذوقه كمان بكلمك بالطعم.

  10. ممتازة ….قمت باضافة بسيطة…شوية جوز طيب مع اللحمة ( ودايما بضيفه معاها وكمان للباشميل بيدي طعم جمييل) وبرضو أضفت شوووية ثوم بودرة مع خلطتي البطاطس والبيض العليا والسفلى….. أكثر من رائعة و……… خمس نجمات.

  11. تستاهلى النجوم واكتر لانو ماتعطيك حقك وتستاهلى المظاهرات وانا معاهم اهتف واقول الابداع والفن وكمان الذوق انتى ياحبيبه تسلمى وربنا يحفظك ودايما مبدعه ماشا الله تبارك الله

  12. وااااو .. مره مره تشهي ..

    تسلم الأيادي يا سمسووومتي ..

    كنت ح اسألك عن الصوص .. بس قريت إجابتك

    على الأخت ريم … بصراحة أشهى تارت بطاطا .. شوووفته

    ^^

  13. ما شاء الله عليك يا سمسماية , كل أكلاتك حقت البطاطس مبدعة , بس ممكن تورينا طريقة عمل الصوص ده كيف ؟

  14. احلي مساء عليكم
    وبالجد ابداع ياسمسمه والي الامام دائما
    انا متزوجه لي سنه ونص وعمري 22 سنه ومابعرف اطبخ
    الحل شنو؟
    زوجي بقول لي صعب تفهم زول ماعايز يفهم
    مع العلم بان ماما طباخه ماهره جدا
    وانا يادوب بعمل سلطات
    ياريت توريني كم وصفه حلوه بسيطه اعملها
    واتمني اكون زي اختك الصغيره
    وتعلميني حبه حبه

  15. اهلا ملاك
    ربي يسعدك ان شاء الله
    أكيد اختي الصغيرة او بنتي ان شئتي
    اي سؤال انا حاضرة ومعاي هنا اخواتك وخالاتك بيساعدوك
    مري عل كل الوصفات واكيد بتلاقي حاجات كتيرة تعمليها
    دا رابط الوصفات ما عليك الا تعملي كليك علي الصورة
    https://simsimaya.wordpress.com/%D8%B1%D9%88%D8%A7%D8%A8%D8%B7-%D8%A7%D9%84%D9%88%D8%B5%D9%81%D8%A7%D8%AA/

    مودتي🙂

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s