برياني بالدجاج


برياني بالدجاج

المكونات:

دجاجة كبيرة،  أرز (بسمتي) الكمية حسب حاجتك

بصلة مبشورة، ثوم مبشور، ملح، فلفل، قرفة مطحونة

بهارات متنوعة ، ثوم مطحون، 2 م ص كركم، 3 م ك زيت

الخطوات:

يغسل الدجاج يقطع الي نصفين ويتبل بالملح والفلفل والثوم المطحون

والبهارات بالاضافة الي م ص كركرم يترك لمدة ساعة اواكثر

يوضع  علي الشبك ويدخل الفرن حتي يحمر لونه

هذه الطريقة تقلل من الدسامة بالتخلص من الدهن.

في هذ الوقت يجهز الارز

ينقع الارز ثم يصفي ثم يوضع في ماء مغلي لمد 3 دقائق

ثم يغسل بماء بارد ويصفي من الماء

يشوح البصل والثوم المفروم في الزيت حتي يدبل

يضاف له مقدار من الماء حتي يبدأ في الغليان

وتوضع الدجاجة ويغط ويترك علي النار لمدة 7 دقائق

يضاف  الكركم والملح الي الارز ويقلب

ثم يضاف الي الدجاج وتخفض النار ويترك ليستوي تماما

مع النقليب الخفيف ان احتاج

يترك ليبرد قليلا ثم يقدم بالهنا

47 تعليقات على “برياني بالدجاج

  1. رهيييييييييييييييييب واحلى شى قرون الشطة دى بتخلى للاكل طعم تانى بس لنا قبل كدا جربتو ماظبط معاى يعنى الارز طلع ذى الارز المفلفل مافية طعم غير الملح يعنى احسن شى يكون عندك شوربة دجاج للارز ولارايك شنو

    • لا والله طعمو غير المفلفل
      لانو بتخلي الدجاج شوية في النار وبتنزل المزة
      وبعدين بتضيفي الارز فوق الدجاج يعني بيتم
      النضج فوق المزة
      يعني بيكون ممزمز 🙂

  2. ماشاءالله تبارك الله 0000 تححححححفه والطعم اكيييييد احلي0000كبسه صحيه ميه الميه وكمان بتنفع لناس الرجيم (في اليوم المفتوح ) ومريحه للمعده لانها غير دسمه
    انا تاني بمسك في وصفتك دي قوي عشان ارتاح من كبسة المطاعم 00ر بنا يحفظك ويحميك

    • تسلمي يا ام اماسي
      فعلا صحية لانو لا دهون ولا نشا كتير بعد نقع الارز وغليه
      والله خفيف تاكلي منو اكبر كمية بدون ما تحسي التخمة

  3. هههههههههههههههههه بحليفتها عديل كدا اكيد كان حقك ابداع كالعاده شغلك عجيب ومنظم

    • حسيت كأنوا قاعدين لينا في حوش
      ونتونس ههههههههههههههه
      بحليفتي وانت ما طالباني حليفة ههههههههههههههه

  4. سكتينا يا سمسماية…ماعارفة أقول ليك شنو…ما شاء الله… بكرة ان شاء الله بطبقها..

  5. يابنات 000 اسمعو كلام الاستاذة واعملو الكبسه دي اخييييييير من الكبس الجاهزه الدمرتنا ووصلتنا 90 كيلو (هههههههه فضحت نفسي الليله معاكم ) … مع تحيات (ابله نظيره).

    • الوزن دا خليهو ساااااااااااي ما تتكلمي عنو
      لانو سيرتو بتعمل لي النفساني😦

      ياريت لو تديني نظام ينزل الوزن ما ضروري سريع
      بس ما برااااااااااااحة🙂

  6. ya simsimaya……walahi ma arfa agool laik shno, inti zoula belgd raheeba o italmta minik kateeeeer. al haga al waheed al lisa ma amlteha laina (o ana muhtaaaaaaaara feeha) al aseeda al bel zbadi bemaluha kaif

  7. هههههههههههههه الوزن كلنا خرباااااااااان انا ماعارفة كنت حاساك ياسمسماية تكونى ضعيفة انا 85 وقابل للزيادةهههههههههههه خلونا نعمل ريجيم جماعى اول شى كل واحدة تكتب وزنة وام اماسى عشان هى الدكتورة تورينا البرنامج ونبدأ كلنا سوا ولارايكم

  8. الدكتوره كلما تعمل رجيم وزنها بزيد 0000كل يوم انا ببدا اعمل رجيم وبالليل ببقي رجم عديييييل بخش علي المطبخ وبقضي علي الاخضر واليابس 0000اعمل شنو ياجماعه احترت عدييييييل 00والله كمان جبت جهاز السير من اليومارك استعملتو 5 مرات وركنتو بعداك000 ويا ام ساره مع وصفات سمسمه الرهييييييييبه دي حانقدر نعمل رجيم؟
    انا بديكم اننننننننننننننننننننظمه للرجيم لكن السؤال هل حاتعملو بيها ؟ مااااااا أظن

    • مين سمعك يا ام اماسي والعجب انا ببدا كويس ممكن شهر 🙂 بس بعداك بيبدأ يفك شوية شوية لحدى ما انبهل عديييييييييل
      ويبيقي الموضوع out of control النقص يزيد بالاضعااااااااااااف😦

  9. هههههههههه دي مشكله كبييييييره 00والله الواحد بقي ماقادر يعاين لروحه في المرايه00 والحمدلله علي كل شئ00
    ربنا يعين ياسمسمه

  10. السلام عليكم و رحمه الله و بركاته
    بصراحه انا عجبتنى مدونتك جدا و احب اعمل تبادل روابط معاها عنوانها هو
    http://neddle-crafts.blogspot.com
    هى للمراه عن اشغال الابره و الاشغال اليدويه و الباترونات
    زوريها و اذا وافقتي بلغيني ب ايميل او ب تعليق بعنوان مدونتك علشان اضيفه
    و شكرااااااااااااااااااااا

  11. شكله شهى وطعمه جنان حلوه الوصفه وساهله وبسيطه ماشاءلله عليكى يا سمسمايه تسلم يدك وموفقه دايما

  12. ههههههه حبيت النقاش اللي فوق

    إن شاء الله تخسوا .. عشان تاكلوا براحتكم ..

    امممم برياني لذيذ .. تتسلم دياتك سمسومتي ..

    = )

  13. يا سمسمه اولا احب اشكرك جدا دايما نتعلم منك الكثير والجديد عملت بريانى الدجاج وطلع لذيذ وحلو طعمو يجنن

  14. سمسماية يا رائعة و راقية..بالجد انا بحبك في الله واستفدت منك جددددا.. شكلو رائع البريانى وان شاء الله حاسويهو🙂 لو سمحتى يا سمسمايه مره اكلت حاجة عجبتنى بس ما بعرف طريقتها قالو لى اسمها قراقير.. شكلها زى القرقور ومحشية..نفسي اعرف طريقتها يا سمسمايه لو ممكن..مشكووورة

    • هبه معليش ما شفت سؤالك
      والله انا احبكم في الله وهدفي انكم تعرفوا الحاجة الماعارفنها حبا لله
      وربنا يتقبل منا ومنكم
      ان شاء الله القرقور جاااااي

    • تونه كيفك
      بالنسبة لسؤالك عن بهار البرياني
      برياني كلمة تستخدم للاكل الاساسها ارز
      والبهارات سميت عليها وهي مجموعة من البهارات اغلبها التي تدخل في البرياني الحق الهنود نستخدمها ولكن الطعم الطاغي
      يمكن ان يكون الزعفران او الحلتيت او الهيل الحبشي
      ودي البهارات الغريبة علينا
      ارجو ان اكون قد اجبت 🙂

  15. ماشاء الله تبارك الله تسلم يدك …هنا فى اسيا الاكل معظمو لو ما كلو عندهم رز بالانواع والاشكال …اى نوع ممكن انقعو يارائعه؟؟والبهار الهندى اسمو قارام ماسالا وجمييييل جدا ومستذاق……..الونسه جد حلوووووووووووه بتاعتكم ذكرتنى اللمه …سلام منى ليك و لكل صديقات المدونه ولام أماسى شكلها ظريييييفه وست بيت تمام……مشكوره

  16. ممكن تنقي كل انواع الارز وتصفيها وتغسليها دا بخلي الارز يكون مفلفل لانه اغلب النشا طلع
    بس في الاستواء لازم تضبطي كمية الموية عشان ما يتلبك معاك
    وتسلمي كلك ذوق

  17. تسلم يديك ي سمسمايه
    انا اسي جربتا الاكله
    بس كان عندي طلب ي ريت تحددي لينا مقدار المويه و الرز عشان تكون اوضح و اهل
    انا بحب اي حااجه لمن اجي اجربا تكون طرية العمل و المقادير واضحه
    بس والله اسي جربتها طلعت رهيبه و انا طبعا لسه بنوته و بتعلم في الطبيخ عشان عرسي قرب دعواتك ي عسل
    والله انا اتعلمتا من الموقع حقك حجات كتيييييير و ماشااله كلها ظبطت
    و خطيبي مبسوووووووط مني و الحمدلله
    :)))))

  18. 3amalto w tala3 7ilo shdeed, taslam yeekik ya Simsmaya, rbna ydeeki al3afya w ydeeky alfi maradik inshallah, jazaky Allah kher..

  19. انا بقي عاوزه طريقة زيادة وزن من غير ما تقولو لي اكلي كتير ….

    حبيت بس اقول لي سمسايه شكراً علي المجهود وعلي انك هونتي علينا الغربه بي انك قللتي غربة المطبخ
    طبخاتك لذيذه

  20. سمسمايه انا متابعاك من مده على صمت لكن والله بتتحفينا باشياء رائعه كروعتك ربنا يعطيك حتى يرضيك

  21. عملتو امبارح بس اختلط الحابل بالنابل ،، الرز بقي عصيدة كترت الموية عشان كدا مع اني في الاول كنت ماشة كويس،،بس لن ايأس وبكرا ح اجربو تاني والله يسهل..ماحصل جربت حاجة من مدونتك وماظبطت شكلو البرياني مانجح معاي عشان يكف العين هههههه
    ممكن اعمل مستردة بدل الكركم؟

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s