الارز بالسجق بطعم الشواء


الارز بالسجق بطعم الشواء

المكونات:

½ كيلو سجق، 2 كوب أرز (بسمتي)

بصلة مبشورة، ثوم مبشور، ملح، فلفل

بقدونس مفروم، قطعة زبدة صغيرة

الخطوات:

يوضع السجق علي الشبك ويدخل الفرن حتي يحمر لونه

مع مراعاة عدم تركه مدة طويلة

يترك ليبرد

ينقع الارز ثم يصفي ثم يوضع في ماء مغلي لمد 3 دقائق

ثم يغسل بماء بارد ويصفي من الماء

يقطع السجق الي قطع متوسطة

يضاف الارز والبصل والثوم

ويضاف الية قليل من الماء الساخن ويرفع علي نار منخفضة

ويضاف الملح والفلفل ويغطي حتى يستوي الارز

يضاف الزبد والبقدونس ويقلب بخفة

ليكسب طعم الشواء نضع قليل من الزيت في فنجان

تم نضعه في وسط الارز وتوضع عليه جمرة ويغطي

ويقدم

23 تعليقات على “الارز بالسجق بطعم الشواء

  1. واااااااااااااااااااااو 0000 خيييييييال والله 0000 شكلي حااقوم بالصحن برررررراي بس بخلي قطعتين صغار لام ساره000
    بالمناسبه ياسمسمايه نحن فاقدين سجق السودان الرائع صدقييني عندنا عشرات الانواع من السجق لكن واااااااع زفاره شديده00000احلي من السجق السوداني ماااااشفت عشان كده انا شلت الصحن كلو 00000 وتسلمي ياغاليه

  2. يا ام اماسى انا فطرتة هسى بسجوك قبل ماادخل النت كنت حاسة انك بتكملى الصحن طبعا انا من عشاق السجق بكل انواعة بس بحب القوصى فى السودان وبحب امريكانا فى السعوديةوبعدين المحشى لحمة مفرومة دا مرات بتحرق مع الزيت كأنو فية سكر ولاشنو ماعارفة المهم ماحلو بس ماعارفين الحشوة التانية دى بحشوه كيف حق المصانع؟تسلم الايادى ياسمسماية

  3. الله انا بحب السجوق لكن فى الخليخ مافى اوطعمه ماحلو زى السودان علشان كده خلوا ليه الصحن دا عليكم الله بموت لو مااكلتوا اتفقنا ههههه تسلم الايادى ياري طاعم وحلو الله يديك العافيه يارب

  4. الله انا بحب السجوك لكن فى الخليخ مافى اوطعمه ماحلو زى السودان علشان كده خلوا ليه الصحن دا عليكم الله بموت لو مااكلتوا اتفقنا ههههه تسلم الايادى ياري طاعم وحلو الله يديك العافيه يارب

  5. رهيييب ولايقاااااااااااااااااوم والله زمان من السجق السودانى ياسمسم رسلى لى الطبق ده شويه ملعقه او ملعقتين بس وارجعه

  6. سمسماية ماشاءالله عليك عقدتينا بوصفاتك الجميلة
    بس عندى طلب لو مابتقل عليك تقدرى تجيبى لى وصفة لعمل السجق والبيرقر فى البيت واكون شاكرة ليك جدا

  7. سمسماية….. انا بثني على طلب الأخت أم آية …..الأكلة شكلها رهيب وخصوصا بعد حركة الفحمة دي لكن ما تنفع الا بي سجقنا السوداني المتميز.

  8. تسلمى ياسمية ياعسل على سرعة الرد
    انا عايزة خلطة للسجوك عشان اعملو براى فى البيت عندى الماكينة بتاعتو بس ماحصل الخلطة ظبطت معاى ززى سجوك السودان

  9. انا كمان عندي القمع حقو بس عايزه اعرف البهارات حقتو وهل هولحمه مفرومه بس ولا معاها حاجه لانو في ناس قالو بيضيفو ليهو بطاطس مسلوق

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s