لحم مطبوخ


لحم مطبوخ

المكونات:

½ كيلو لحم عجل صافي، ½ كيلو بطاطس، بصلة

فلفل اخضر، ملح،فلفل، بدرة ثوم، بهارات، عصير ليمون

زيت للتحمير، بقدونس مفروم

الطريقة:

يقطع اللحم الي مكعبات متوسطة ويتبل بالملح والثوم

والفلفل والبهار وعصير الليمون ويترك لمدة ساعة

تحمر قطع اللحم في الزيت حتي يصبح لونها بني

ثم ترفع في سلك لتصفي الزيت

توضع في قدر ضغط مع قليل من الماء

والملح والفلفل الاخضر حتي تبدأ في النضج

يقطع البصل ويشوح علي النار

ويضاف البطاطس بعد تقطيعة مكعبات

ويقلب مع اضافة الملح والفلفل

ثم تضاف اللحم لتكمل النضج مع البطاطس

تترك علي نار متوسطة وتقلب من حين الي اخر

حتي يستوي تماما ويضاف البقدونس وترفع من النار

وتقدم مع الارز المطبوخ

33 تعليقات على “لحم مطبوخ

  1. بعد اذنك ياسمسمايه ممكن امد يدي واكل لي لقمه00000 الله طاااااااااااااااااااااعمه طعامه 000انا وzeena شبعنا جنس شبع بس عايزين لينا كباية بيبسي باااااره0000تسلم اياديك

    • اتفضلي يا ام اماسي
      الشبع دا عايز كباية شاي احمر بـ حرجل
      بالمناسبة زينة شقيقتي الوحيدة
      يعني بنتين

      مودتي

  2. حلوة تسلم ايدك
    ممكن نضيف ليها صويا صوص ماعارفه اتخيل لى ممكن تتطلع احلى
    بالهناء

  3. ياسلااااااام هسي بقوم بعمل لي كباية شاي بحرجل وبجي باكل تاني لانو البيبسي هضم لي سريع 000 واحلي سلاااااااااااااااااام لاحلي زينة وماتنسي ياسمسمايه انا اختك التالته ولا ماكده يااختي000 بالمناسبه شوفي المفاجأه في البريد بتاعك

    • كيف ما اختي اختي ونص كمان
      انا بنتظرك قايلة قبيييييييل فتحت الميل
      وما شاء الله تبارك الله
      وكمااااااان رديت🙂

  4. الحمدللة جيت لحقت باقى اللحم ام اماسى وزينا بكونوا ماخلو غير العظام حتى شربن الشاى والبييبسى انشاءاللة بالهناء

    • ليه الباقي يا ام سارة ؟
      حقك محفوووووووظ كمان انا بنساك
      تعالي جاي ومدي ايدك
      واقيفي مع اخواتك ام اماسي وزينة
      مودتي

  5. انا يعنى بنت عمك ماتضيفونى للعقد الفريد وتحية خاااااااااااااااصة لشقيقتك زينا وربنا يخليكم لبعض

  6. ياسمسماية اعملى اضافة للايميل حقى عندك فىالهوت ميل وانا بعمل ليك اضافةومن خلالك بشيل حق ام اماسى دا اذا ماعندكم مانع

  7. جميله تسلم ايدك
    عايزه اسالك الرز ده حمرتي ليهو بصله لاني متاكده عندك طريقه غير ياريت تورينا ودمتي

    • اهلا بت العمده
      الارز دا تحديدا حمرت البصلة مع الثوم وقبل مت تحمر كويس كبيت الرز
      عشان يحمر معاهم لكن اهم شي في التحمير القرفة المسحون
      طعمها عجيب وهي بتتحمر مع البصل
      وبعدين الباقي عادي🙂

  8. والله الليلة البريد ماراضى يفتح نهائيا لكن بحاول تانى واول مايفتح بعمل ليك اضافة ومشكووووووووووووووورة وماقصرتى

  9. تسلم يدك انا تقريبا بعمله بنفس الشكل بس مع بعض الاضافات جربى يا سمسمه بضيف جزر وكوسا وبازنجان كلو مقطع مربعات بس انا اول بضيف البصل يدبل شويه بعدين اللحم اقلبه شويه حتى ابدا اضيف الجزر والبطاطس وبعدعشره دقايق تقريبا اضيف باقى الخضار والملح وشويه كزبره خضراء واخر شى نص ملعقه صغيره كركم حق الاكل ده بيخلى لون الخضار روعه ده كلو على نار هاديه واخر شى بضيف عصير الطماطم مع ربع كاس مويه وبس نخليه يستوى وبالهنا انشاءالله اكون قدرت وصفت جربوها يمكن تحبوها

    • تسلمي يا ام احمد وصلت الوصفة
      بعمل بطريقة دي مرات مع المعكرونة بعمل برضو مع الدجاج
      لكن ان شاء الله اجرب طريقتك
      مودتي

  10. كيفك يا سمساية المطبخ معاك متعة والوصفات اكتر من رائعة تسلمى وربنا يحفظك ان شاء الله

  11. سمسماية تسلم ايدكوما تتخيلي قدر شنو اتعلمتة منك حاجات بس عندي مشكلة ما لقيت ليها حل قدر ما اعمل اللحمة مقلبة ولا محمرة بتطلع قوية جربتة مطري اللحوم والكربونات والسفن اب وكل شي والليمون والخل وببهرة مرات قبل يوم او قبل كم ساعة بس فشلتة وما عرفتة السبب وعند الناس اشوفة تدوب في الخشم اعمل شنو

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s