سلطة التونة بالطحينة


سلطة التونة بالطحينة

المكونات:

علبة تونة، 3-4 م ك طحينة، بصلة صغيرة مبشورة

1 م ص ثوم مفروم، ملح،  فلفل، 2 م ك زيت

عصير ليمونة، خل ابيض، ملح ليمون، 2 مثلث جبنة

الخطوات :

نضع الزيت والبصل والتوم علي النار مع التقليب حتي يدبل

ثم نضيق قليل من الماء وتترك حتي تبدا في الغليان ثم ترفع

تضاف الجبنة وتخلط جيدا

تصفي التونة من الزيت او الماء (يفضل تكون في الماء)

ثم تضاف الي البصل مع التقليب حتي ينعم لحم التونة

تضاف الطحينة وتقلب ويمكن اضافة قليل من الماء ان احتاج

واخيرا يصاف الملح والفلفل والخل وملح اليمون حسب الزوق

ويمكن اضافة قليل من الفلفل الاخضر واطراف البصل الخضراء

بعد تقطيعها ناعمة

وتقدم ويمكن اضافة زيت سمسم علي الوجه

35 تعليقات على “سلطة التونة بالطحينة

  1. عملتها اليوم لاولادي في العشاء وطلعت وااااااااااااااااااااااااااااااااااااو
    ده شنو ياسمسايه الوصفات الفظيعه بتجيبيها من وين
    والله بتجننننن وطعم خييييييال وعيالي كل واحد فيهم برسل ليك تحيه كبيييييييييييره وتسلم ايدك يارب

    • ربي يحفظهم ان شاء الله ام اماسي
      احلي تحية ليهم (بحب الاطفال جدا)
      والله الوصفة دي تحديد من دقنوسي دا مرات بخش المطبخ ما بكون عارفة ح اعمل شنو
      بس بتكون الكاميرا معاي وببدا الحاجة واثنا ما بعمل بتجي فكرة طايرة كدا ولا كدا
      في حاجات بتكون معروفة بس بعملها بطريقتي

      مودتي

  2. بالمناسبه كل مااعمل عزومه للأسر السودانيه بعمل من 6-7 من وصفاتك وتعليقهم دائما ( ده شغل خمسه نجوم ) ( والله اكلك احسن من اكل هيلتون ) وتعليقاتهم لو كتبتها ليك بتملأ الصفحه وبقول ليهم دي من سودانيه مبدعه اسمها سمسمايه بس دعواتكم ليها والله بدعو ليك بالخير لانهم بطلعو مبسوطين وخاصه ابو العيال وتسلمي لينا يارب

  3. ربي يسلمك ام اماسي
    والله الدعوات دي زادي
    وان شاء الله ربنا يقبل
    وزي ما فلت يكون لينا علم ينتفع بيهو واوصدقة جارية
    بعد الممات (بعد عمر طووييييييييييييييل- ما شديد)

    مودتي

  4. ههههههههه دقنوسي دي حلوه وياريت دقنوسنا يكون زي حقك عشان نجنن الناس بالاكل الحلو ذي ماجننتينا بوصفاتك العجييييييييه وانشاءالله ربنا يديك ود الحلال اللي يسعدك في الدنيا ويجعل ليكم في كل خطوه معا ذاد للاخره امد الله في عمرك وعمر الجميع يارب وعلي طول دعواتنا ليك لان دعوة المسلم لاخيه المسلم مستجابه وانتي كمان ادعي لينا

  5. امس كنت برة البيت عندى اخوى جاء من السودان جيت اخر الليل عشان كدا ماشفت الابداعات دى الا الصباح طبعا ذوووووووووووووووق وتانى بدعى فى الصلاه وبقول ياربى تدينى دقنوس ذى دقنوس سمسماية وتدى سمسماية العريس الهايش وكباب درايش وتسعد ام اماسى وربنا يحفظكم انشاءالله

    • حمدا لله علي السلام ان سارة
      وان شاء الله ربنا يديك وام اماسي دقنوسات احسن من حقي وانا واثقة انها كدا
      وربنا يدينا ان شاء الله حتي يرضينا

    • مساء الخير
      الدنيا بقت ليل
      بالنهار بكون في الشغل برجع مهدودة
      والايام دي سخاااااااااانة الحمد لله

  6. انا بحب التونة بس الليمون والخل والزبادى وكل الحوامض مابحبها الابكميات قليلة جدا لكن اكيد بجربها

  7. والله انا من المتابعين لكل شي من ايدك وأعجز عن حتى الكلام بس انا ما اقدر اعيش من غير سمسماية ربنا يحفظها من كل شر ويديها على على قدر نيتها هند

  8. سلام سمسماية
    اليومين دي اتخصصت في أكلاتك…. عملت السلطة وكالعادة حاجة جميلة جدا وبسيطة … ربنا يحفظك..
    وهسه اليانسون في الفرن لمن يخلص بوافيك بالنتيجة …

      • عجيب عجيب وغريب…… حاجة روعة…. لا أملك الا أن أقول ربنا يجزيك كل خير واحسان على الوصفات دي ووضعها بين أيادينا بكل أناقة و بساطة….الى الأمام

  9. والله حاجة روعة روعة روعة تسلم يدك ياسمسماية
    وانا قررت اتعلم الطبخ علي يدك لاني جديدة
    والليلة جايني ضيوف ان شاء الله حااعملها ليهم
    جزاك الله خير

    • ممكن طبعا عصي الليمون الطازج اول بديل الحامض
      المهم لازم تكون فيها حداقة شوية عشان طعم التونة
      وريحتها النافذة تقل 🙂

  10. مرحبا والله انا طالبه منك وصفه سريعه للقراصه دورتا عليها في الموقع مالقيتها زوجي طالبها مني وانا كل مااعملها مابتظبط معايا ارجوكككي ساعديني

      • جزاكي الله خيرا انتي شخصيه رائعه .انا كنتا بعمل بدل الباكنج باودر خميره وبتطلع ياما قويه اونيئه ايه الفرق .
        وراح اعمل طريقتك وراح اخبرك انشاء الله

      • بالنسبة للباكنج بودر او الخميرة ما في فرق كبير كلو تخمير
        لكن بتكوني بتعجني العجين قوي شوية والتار عالية ما بتخلي العجين يستوي
        تاني خلي العجين لين شوية ونترك متوسطة

  11. السلام عليكم صراحه انا اول مرة ادخل الموقع دا بس وصفاتوكتيييييييير حلوة انا ما بعرف اطبخ ولا عندي نفس في الاكل انا طالبه جامعيه واضطريت ادخل المطبخ بعد سفر امي الي المغرب لقضاء اجازتها مع اهلها وشكرا ليك علي لوصفات الحلوة دي

  12. سمسمايه والله عندي بكره عزومه غداء وماعارفه اعمل شنو وانا لسه عروس جديده ماعندي بالمطبخ كتير ردي لي عليك الله سرييييييييييييييييييييع

    • لازم نعرف عدد الناس ولو عندهم طلبان ولا المنيو عليك
      المهم لازم مقبلات والشوربة وسناك(فطائر او بيتزا) والطبق الرئيسي وبالاضافة الي الحلو
      وعلي عدد الناس بتحددي الكميات والانواع

    • السلام عليكم ياسمسمايه
      انا اصبحت ماقدر اعمل حاجه من غير ماارجع ليك – وزوجى يقول لى لوعايز حاجه شوفى سمسمايه فى النت- ربنا اعطىيك الزوج الى اسعدك – (لكن ماراجل مره زى حلاتى كده ) ورطه
      المهم سوالى ممكن جبنه بيضاء غير المثلثات
      تسلمى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s