حلاوة فولية


حلاوة فولية

المكونات:

2 كوب سكر، 2 كوب فول صحيح، 1كوب فول مدروش

2 م ك ماء، 1 م ص كربونات، 1 م ص سمن

(الفول بدون ملح)

الخطوات:

يوضع السكر في وعاء عميق علي النار حتي يذوب

تضاف الماء والسمن  يترك حتي يمتزج

يضاف الفول الصحيح ويحرك

تضاف الكربونات ويحرك حتي يمتزج جيدا

يضاف الفول المدروش ويخلط جيدا

تصبي الخليط في صينية مدهونة استعملت ورق الذبدة

ويفرد بالنشاب بعد مسحه بقليل من الزيت للحصول علي السمك المطلوب

يقسم عرضيا بسكين حاد ويترك يبرد ثم يكسر حسب الذوق

36 تعليقات على “حلاوة فولية

  1. تعقيب: حلاوة فولية « آخر الزمان

  2. تسلم يدك ياغالية والله رهيبه اولادى بحبوها شديد اكيد بجربها السكر دا بودره؟لكن كملى جميلك واعملى لينا حلاوة مولد السمسمية والفوليه حقت الدقيق وشكرا ليك يارائعة

  3. جربت حلاوة فولية طلعت رهيبة وحاولت اتشاطر واعمل سمسمية لكن ماطلعت ذى حلاوة مولد طلع لونها احمر وفيها حموضة لانى عملت السكر كرميل ياريت تورينى اعملها كيف ؟لك الشكر

  4. كلام حلو يا ام ساره
    وبعدين لازم الزول يجرب وتجربة بتعلم الواحد صح؟
    وان شاء الله اعمل ليكم السمسمية
    حقت المولد والعاديو

    سؤال بر النص
    انتي معنا هنا في السودان ولا بره
    مودتي

    • اهلا باهل الدويم امضينا فترة طويلة في بخت الرضا
      كان يعمل ابي في المناهج التربوية
      ودرست في نهر عنجة
      وجزء من المتوسطة في الاميرية بنات

      سمية

      مودتي

  5. بخت الرضا درست فيها الجامعه والاميريه درست فيها الثانوى انا ماحضرت المتوسطة انا الدفعة الثالثة من ناس ثامنه على العموم لينا الشرف بزيارتك للدويم وانشاءالله تتكرر تانى واكون هناك وربنا يحفظك

  6. ماشاءالله ماشاءالله ماشاءالله عليك ياسيدة المطبخ السوداني والعالمي ربنات يحفظك وجزاك الله خير لاننا استفدنا من وصفاتك كثيرا وتستاهلي تكوني اول شيف بتلفزيون السودان لاننا حقيقة بنفتقر لهذا الابداع

  7. تسلمى يا سمسماية زى ماقلت ليك أنا جديدة فى المدونة بتاعتك الرايعة دى و على طول بديت أجرب أى حاجة بديت بحلاوة الفولية لأنى بحبها شديد من زمان لكن ما كنت بعملها بالطريقة دى لكن بالجد تسلم إيدك و على قول الأخوات منتظرين حلاوة السمسمية

  8. سلام ي ست البيت
    عملت الفوليه اسه ومستنياها تبرد بس ممكن اعرف ليه الكربونات؟ عشان عملت لي رغوه كدا فدايره اعرف فايدتها شنو؟ وبعد تبرد نوريك الطعم كيف

    • ربي يسلمك
      الكربونات اول شيئ بتخلي الفول والسكر يمتوجوا مع بعض
      وثانيا بتكون هشة ويتدي طعم مالح مع حلاوة
      تسلمي انتظرك

  9. طلعت رهييبه
    والله اكلتها لما لساني ورم هههههههههههههههه

    تسلمي ي اعز اخت ويديك العافيه

  10. تسلم الايادى سمعت عنك كتيير من اختى ام ريم لو عرفتيها بس اول مرة اشوف مدونتك من خلال الفولية البحبها شديد وحبيت انقلا لى الموقع المشتركة فيه ..

    جزاك الله خير

  11. يا اخت ام ريم انتي قصدك ام ريم اخت ام اماسي وا واحدة ثانية اذا كان هي ياريت تساليها عن ام اماسي هي بخير وجات من السودان ولا لا اكون ممنونة

  12. علقت قبل ما اجرب كان عندى فول ما عارفه اعمل بيهو شنو وبعد ما قريت ونفذت الله يبارك فيك ذكرتينى الابتدائى بالفوليه ……يا سلاااااام عليك طلعت مظبوطه لكن بتنشف شديد كيف اقطعها مظبوبط

    • تسلمي انت بعد تفرديها في ورق الذبدة السمك العايزاه حدديها بالسكين دي ما في الصور ولما تبرد بتكسر معاك بسهولة
      معليش الرد متأخر

  13. جميله جدا جدا وشغل محترفين
    الوصفه بتكون احلي لوقمتي باضافة نص كوي CORN SYRUP
    والبديل ليهو العسل ده بخلي حلوي الفوليه تكون متماسكه ومامقرمشه شديد
    شكرا للابداع

  14. تسلمي ام آية بالنسبة لـ CORN SYRUP غير متوفر عندنا هنا عشان كدا بنمشي الحال بالموجود وبنجتهد يطلع باحسن طعم وشكل🙂

  15. تسلمي يامبدعه
    اليوم عملت ال peanut brittle بمقاديرك وطلعت حلوه جدا بس قمت باضافة شوية عسل مع السكر وادتني تنيجه حلوه
    بالنسبه للكورن سيرب مهم جدا في كثير من الوصفات اتمني ان تبحثي عنه بشده وتقومي باضافته لبعض الوصفات وتشوفي الروعه وشكرا مره اخري

  16. السلام عليكم يا سمسمة بصراحة وصفاتك شكلها كلها قمة فى الروعة انا اول مرة ادخل المطبخ بتاعك بس اندهشت وعندى رغبة اجرب كل الوصفات بالجد انت رائعة

  17. سمية حلاوة فولية شكلها رهيييييييييب ذكرتينا ايام الابتدائي,الكربونات دي ياها بيكربونات الصوديوم؟

  18. الرايعة سمسمايةو بقية الأخوات

    انا فتشت البقالات الكبيرة في الخرطوم و ما لاقية ورق الزبدة
    دلوني لو سمحتوا

    • موجود ورق الزبدة فى بقالة الاحسان شاؤع الزعيم الازهرى قبل ما تصلى صينية الملتقى وانتى ماشة شرق بتكون على يدك الشمال وفاتحة حنوب

  19. معليش اتلخمت مع الفولية ونسيت أقول تسسسسسسسسسسلم ايدك ومتشوقة للسمسمية بتاعت المولد وباقي الحلاوات
    ودمتي بصحة وعافية

  20. يديكي الف عافية يا مبدعة ..
    حلاوة لذيذة جدا..
    وصفاتك كلها اي واحدة اروع من التانية..
    بس لو سمحت تنزلي لينا وصفة الفولية بتاعت المولد الملونة و الهشة ديك!!
    في ناس بيقولو عليها ( هريسة)
    و لك مني كل الشكر

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s