بسبوسة


بسبوسة

المقادير:

1 علبة قشطة التاج، 2بيض، ½ كاس سكر
½  كاس زيت، ¾ كاس جوز هند، ¾ كاس سميد
ملعقة نشا، 1 م ص فانيليا ،1 م ص باكنج بودر

شيرا

الوجه

1 علبة قشطة التاج، 1 كيس كريمة دريم ويب

الطريقة:

تخلط القشطة والسكر والزيت وجوزالهند والبيض جيدا

يضاف السميد وباقي المقادير وتخلط جيدا

تصب في صينيه مدهونه

مقادير الوجه

توضع القشطة في سكرية في الثلاجة لتبرد

يضاف اليها كريمة وتخفق حتي يثقل قوامها)

نضع القسطة بالكريمة  في كيس لكي يسهل استخدامها

نقوم بتشكيل القشطه على وجه البسبوسه على شكل شبكة او

كما تحبين

تدخل الفرن الى ان تحمر

تصب عليها الشيرة وتبرد وبالعافيه

021020093961

التزيين بالمربي وما تبقي من كريمة القشطة

33 تعليقات على “بسبوسة

  1. تسلم ايدك شكلها جميل جدا 00بس عندى سؤال مقدار الكاس ده هل هو نفسه الكوب حق القياس ولا شنو ياريت تفيدينى افادك الله

  2. رووووعه والله جننتينا بشغلك العجيب ومهما علقت وكتبت صدقيني يعجز قلمي عن التسطير لان ماتقدميه لنا يفوق الوصف ولك جزيل الشكر وياريت ياسمسمايه تعملي لينا البسيمه لاني بمووت فيها وجربت وصفات كتيره وماضبطت معاي ومرات بتطلع نص نص اكيييد لو عملتي لينا وصفتك حتكون توب واكرر شكري

  3. تسسسسسسسسسلمي واقسم بالله لو عندنا مواقع بتهتم بالمراه وشئونها وكيفية تعليمها علي النت او وسائل الاعلام لكنتي انت الفائزه السودانيه الاولي التي تستحق وسام الابداع وفي انتظار البسيمه علي احر من الجمر

  4. ياسمسم شغل حلو على البسبوسه وكمان احلى شى انو فيها قشطه ودريم ويب بيخلى طعم البسبوسه جنان عندى ليكى طريقه كمان جربتها وطلعت حلوه 3كوب سميد+كوب سكر+كوب زيت+كوب زبادى+نص كوب جوز هند+ملعقه كبيره باكنج بودر واخلطى مع بعض لو لقيتيها تقيله شديد كبى حليب سايل طبعا القياس حسب الكوب وطبعا الشيره ساهله …..تصدقى يا سمسم طلعت زى بسبوسه السودان البنشتريها من البقاله طعم وشكل لذيذ ساهله وما بتاخد زمن

    • ام احمد كيفك
      وصفة سهلة ان شاء الله ارفعها في مشاركات الزوار
      وطبقها وايد ح تطلع حلوة مدام بتعمليها🙂

  5. سمسماية يارايعة ،،وصفاتك حلوة والبسبوسة شكلها لذيذة شديد،،عندي سؤال،نماهي احسن انوع السميد؟؟لانه في انواع متعدد محلية ومستوردة وخشنه وناعمة فاحسن نوع يضبط البسبوسبة ايهم؟
    وعندي سؤال تاني في فطيرة اسمها محفظة صلاح ادريس ياريت لو تورينا بعملوها كيف
    ولكي جزيل الشكر

    • انت وين يا وردة؟
      انا بستخدم السميد (السامولينا) بيكون ناعم
      لان النعومة بتخليهو متماسك بعدين ما يتفتت من بعد يستوي وتسقيهو
      انتو بتجيبو الاسماء دي من وين؟ محفظة صلاح ادريس
      زماان ولا هسي هههههههههه
      ان شاء الله لو تسهلت معاي بعمله ليك
      تحياتي🙂

  6. السلام عليكم ورحمة الله اختي الرايعة،،انا في الخرطوم،،جربتا كم نوع سمولينا ما ظبطت معاي البسبوسة عشان كدا كنتا بستفسر من احسن نوع،،تسلمي ياسمسماية وفي انتظار الجديد

  7. ازيك يا رايعة انت…هسى قايمة عليها اسويها…بس الدريم ويب ما عندى…ح اجربا بالقشطة بس…يا ريت تطلع حلوة زيك

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s