الفسيخ علي الطريقة السودانية


الفسيخ علي الطريقة السودانية
DSC0767777

المقادير:

فسيخ، بصلة متوسطة مقطعة شرايح رفيعة،م ص ثوم مفروم،
م ك صلصلة، قليل من الزيت،فول سوداني مطحون،
فلفل اخضر، فلفل اسود، كزبرة، عصير طماطم، عصير ليمون

الطريقة:

يغسل الفسيخ جيدا ثم يفرم بالمفرمة اليدوية
للتخلص من الشوك

DSC06625999

يشوح البصل والثوم في الزيت

حتى يذبل البصل ويميل الى الاصفرار

يضاف الفسيخ الى البصل ويقلب

ثم يضاف الفلفل الاخضر بعد نزع البذر

يضاف عصير الطماطم والصلصة يقلب

DSC07625999

يترك علي نار متوسطة لمدة 20 قيقة او حتى ينضج

يذاب الفول السوداني ثم يضاف الى الفسيخ
تضاف البهارات وعصير الليمون وقليل من الثوم ويقلب جيدا

يغطي القدر ويترك على نا هادئة لمدة 5-7 دقائق

DSC07652999

يقدم مع الخبز والبصل الابيض والشطة

ويمكن ان يقدم مع القراصة السودانية

DSC0766999

61 تعليقات على “الفسيخ علي الطريقة السودانية

  1. العنوان يوحي بأننا سنتعرف على طريقة عمل الفسيخ

    لكن اكتشفت أنها طريقة لأكله

    العنوان المقترح
    أكل الفسيخ على الطريقة السودانية
    شكرا لما تقدمينه

  2. قربت ادخل يدي في الصحن لكن الشاشه منعتني
    تسلمي ع الفسيخ السمح دي .. لكن فيه حلاة طعم
    امممممممممممم
    للاسف ماعندنا فسيخ عشان نعملمو …
    بارك الله فيكي

  3. أف أف أف طولو بالكم يا جماعة الخير لهلدرجة !!!!

    أنا عارف انو الفسيخ مصري أو بالاحرى فرعوني …

    شو ها بعد ناقص انو يكون في فسيخ لبناني و اردني و و سوري و عراقي و امراتي و يمني و بحريني و باكستاني و امريكي و برتغالي و امريكي و أندونيسي و فلبيني و فرنسي و ايطالي و اسباني و الماني و سعودي و كويتي و سوري الخ…

    • بس الفسيخ المصري طعمه مخلتف تماما عن السوداني
      ده حتي المصري مجفف وبعد يتعمل بتطلع في ريحه مش حلوه خالص ..
      بس لما تجرب السوداني عمرك ماحاتاكل فسيخ مصري مره تانيه

  4. المشكلة إننا لما بناكل الفسيخ فى مصر بناكله من باب التغيير والإبتعاد عن الخضار المطبوخ بالصلصة والبهارات لكن بالشكل دة (هو ممكن يكون طعمه مختلف وجميل) هايكون أكلة تقيلة أوى مش مجرد فسيخ وبصل أخضر وعيش بلدى (بالردة) وليمون زى ما بنعمل هنا.
    بس مايمنعش نجرب الطعم دة ,وشكراً على المجهود والتوضيح المفصل بالصور.

  5. رووعه بالجد طريقتك وكمان تشهى انو الواحد ياكل فسيخ كل يوم ماشاءالله عليكى تسلم يدك وبالتوفيق دايما

  6. ياسمسماية اذا جبت الفسيخ صحيح وعايزة افرمة واحتف بة جاهز في الثلاجة الخطوات شنو واكون ممنونةمعليش في كلمة احتف في حرف ناقص تمية من عندك هههههه عندي خسران

  7. سلامات يا سمسمايه الوصفه جميله خالص شكرا جزيلا
    لما طبقتها فرمتا الفسيخ بالمفرمه وبرضو بعد الطبخ طلع فيهو شوك .. ما عرفتا الغلط وين افيديييينى
    تسلمى

    • بيكون مصفي المفرمة الخارجي اخرامه كبيرة لو ناعمة ما بيكون في شوك
      انا كوالي بعمل كدا ما بيكون فيهو شوك

  8. شكرا على الرد .. وفعلا المصفى اخرامو كبيره اصلها المفرمه جديده وانا لاحظتا انها مختلفه..

  9. السلام عليكم ياعسل الفسيخ ابدااااااااااااااع عملتو والتطبيق في ملف التعريف نزلية

  10. اللة جاني من السودان انتي ناسية انحنا ناس الجبنة والفسيخ لكن جاني من منطقة اسمها الدرادر في النيل الابيض انتي عارفة جاني كتير بقيت اعمل تقلية السمك منو اعملها بالتونة واضيف ليها ملعقتين فسيخ طعم لايقاوم كانو سمك طازج

  11. تسلم ايدك لكن خسارة انا بره السودان وما عندنا رايك شنو ترسليه لى واكون شاكرة

  12. الاخت سمية
    اولا اشكرك جزيل الشكر على مجهودك الانتى بتبزليه لاجلنا ولفائدة المراة السودانية . بالجد بالجد انا معجبة جداً بوصفاتك الرهيبة والمميزة والبتديك احساس انوا الزول قاعد جوة المطبخ .
    بالنسبة للفسيخ انا نفسى اكون متميزة فيه .. جبتو وفرمتو ذى ماقالت الاخت طلع فيه شوك ماناعم . وفعلا اخرام المكنة كبير كيف اقدر اتحصل على اخرام صغيرة تطلع لى عجينة ناعمة خالية من الشوك وزوجى بحبوا شديد نفسى اعرفوا واظبطوا وماهى افضل انواع الفسيخ احجاموا يعنى المتوسط ولا الصغير شديد .
    معليش الليلة طولت عليك ..
    بالنسبة لى (بل ) الفسيخ بالماء اديه كم يوم عشان يتبل ويخف الملح الفيه ؟
    وشكرا ربنا يديك العافية ويحقق كل الامانى

  13. السلام عليكم اختي بنت النيل
    يا ستي لا شكر علي واجب وانا حاضرة ان شاء الله
    تعرفي انه المفرمة اليدوية هي احسن لانه فتحاتها بتكون صغيرة
    لكن لو عندك مصفي الخضار بعد ما تفرمي الفسيخ حليهو بي موية بسيطة ما تكوت تقيلة عشات القوام بعدين
    وصفيه بالمصفي والاخرانه صغيرة
    بعدين ما ببل الفيسخ بالموية بغسلوا طوالة بس بخلي الموية كتيرة لحدي الملح ما ينزل منه
    والفسيخ بعتمد علي نوع انا بفضل الحجم المتوسط لان الكبير لحنه بيكون شوية مسيخ
    ان شاء الله اكون افدتك

  14. ملاحظه ياسمسم …ممكن يتعمل بنفس الطريقه بس بالتونه وبيطلع طعمو حلو بدون رائحه هههههههههههههه

    • اهلا منهل فعلا بالتونة بتعمل وانا عملته كتير تحايل لما ما يكون الفسيخ موجود😦 ويطلع في راسي اعمل فسيخ بس في فرق بسيط في الطعم
      مودتي🙂

  15. سلام زينة ….انا لي اسبوع بفتح صفحة الفسيخ وسلطة الاسود بصورة يومية…وهسه قررت اجرب فسيخ التونة ده عسى ولعل يشفي غليلي…..

    • ان شاء الله يا ام لينة بيمشي الحال بس الفسيخ الاصلي لا يعلي عليه وزي ما قالت زينة فسيخ التونة ما بيقع للزول في حضرة الفسيخ

  16. عملتو لي لي ضيوف طالبنو طلب وطلع رهيب ودعيت ليك دعا وانشاله في ميزان حسناتك اصلي برة السودان ومعاك ما محتاجة كل يوم اتصل علي امي ربنا اديك العافية

  17. شكرا على الوصفة الجميلة اختي

    حقيقة الشعب السوداني شعب عظيم وفنان
    وله فنون في الطبخ تجعلنا مذهولين..

    بما أني عذوبي ه عذابي

    قررت تجربة وصفتك هنا

    وهي ممتازة جدا.. والنتيجة أمامي الان .. اتفضلو معي

  18. معاكم ابو عمارجزاك الله الف خير بس عندي اضافة للاخوات عن خلط الفسيخ نحن في القرن 21 عشرين واي شي في متناول اليد اذهبن السوق واي واحد عندو مفرمة تفرم الفسيخ تخلي ليك زي الزبادي ،،،،وشكر ا

  19. الف شكر على الطريقة مع انه الان اصبح الفسيخ يعبأ فى عبوات كبودرة وطبعا يطبخ بذات الطريقة ,,

    لكن هنالك طريقة لطبخ الفسيخ دون فرمه اى ان الفسيخة كاملة وبكل شوكها ..

    ياخى طعمه لذيذ بشكل رغم مشاكل الشوك ومخاطر ابتلاع شوكة … ههههههههه

    ممكن تدينا طريقة الطهى للفسيخ بكامل هيئته دون فرمه او تكسير اوصاله ؟؟؟

  20. شكرا علي وصفه الفسيخ الجميله ,انا بجيني الفسيخ جاهز من السودان بقولوا لي اعملي ليهو دكوة ولصله بس ما بطلع سمح ما عارفه المشكله وين .نفسي في الفسيخ الكامل بدون فرم رهييييييييييييب احييي ممممم

  21. تحياتى اختى سمسماية وجميع الاخوات اول مرة ادخل الموقع وبالجد تسلم ايدك وجزيتى خيرا اليوم جربتة سلطة التونة كانت روعة .بالنسبة للاخوات البرة وبيسالوا عن الفسيخ ممكن يكون بدلو الساردين (مش التونة )ويتعمل بنفس الطريقة بس مابحتاج نار كتير نفس الطعم مافى فرق

  22. سماسم عندي جردل فسيخ عايزة احتفظ بيهو جاهز ماعارفة بعد الفرم احمصة بزيت وشمار وكسبرة ولا كيف ارجو الافادة

    • يا ستي انا لما اجيب الفيسخ بالجردل اول شئ بغسله عادي بموية من الماسورة وبخليه لاحدي ما ينزل الموية ويجف بعدين بفرمه واقسمه في برطمان مقاس الطبخة وبدخله الفريزر يجمد بشيل برطمان لما احتاجه واعمله🙂
      انت لو عايزة تعمليه قلبيه في زيت لحدي ما يجف اضيف ليه كزبرة ولما يبرد ختيه في البرطمان وعلي الفريزر

  23. مبالغة امبارح قمت من النوم وعلي المطبخ عديل اول شي عجنت عجين القراصة وبعد داك بديت اعمل الفسيخ زي ماقلتي ولما خلص كانت القراصة جاهزة والله منن شدت ماطلع حلو اتصلت براجلي يستاذن نص ساعة من الشغل عشان يجي يفطر معانا. اللة يديكي العافية وصفاتك مظبوووووووطة بالميزان

  24. ﻓﺴﻴﺦ ﺭﻫﻴﺐ . ﻟﻮ ﺳﻤﺤﺘﻲ ﺩﺍﻳﺮﻩ ﻃﺮﻳﻘﻪ ﻋﻤﻞ ﺍﻟﻜﺒﺪﺓ ﺍﻟﺴﻮﺩﺍﻧﻴﻪ ﻣﻴﻪ ﺍﻟﻤﻴﻪ🙂

  25. وحاتك إنتي يا الغالية طبقت وصفتك كما هي، فما كان من أصدقائي الخواجات إلا أن تركوا لي المنزل وأقل واحد فيهم قال لي عليك اللعنة. ولكن بعد إنتهاء الطبخ تلذذت بالطعم الشهي ثم خرجت للتدخين، وعندما عدت وجدتهم يلحسون في الحلة وأقل واحد فيهم يقول that was awesome

    • هههههههه
      كنت تقول ليهم عليكم اللعنة كملتو عليّ الفسيخ
      ان شاء الله صحة وعافية عليك
      فعلا اثناء الطبخ الريحة بتكون قوية لكن السمك في الاصل ريحتو قوية من قبل ما يبقي فسيخ
      انت لقيتو وين في البلد ديك؟

  26. سلام سميه اليوم عملت دمعه الدجاج ع طريقتك وكانت أول مرة وعملت الفسيخ بجد روووعة تسلم ايدك

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s