الشربوت مشروب سوداني


الشربوت مشروب سوداني

المكونات

كيلو بلح ، بهارات صحيحة (زنجبيل، غرنجال، قرفة، هبهان)

الطريقة

يغسل البلح جيدا ويوضع فى وعاء عميق

تضاف البهارات

يغلى ماء يكفى لغمره ويضاف للبلح

(في هذه الوصفة  البلح لا يغلى فى النار حتى يكون الشربوت صافى؛ ولكن يمكن غليه)

ويغطي ويترك لمدة 24 ساعة (يوم)

يصفى الشربوت بعد ذلك ويوضع فى الثلاحة ليبرد

يشرب قبل ان يتغير طعمه ورائحته

بعض الناس تضيف قليل جدا من خميرة البيرة

او قليل من الحلومر

حتى يصبح مذاقه حادق

About these ads

31 comments on “الشربوت مشروب سوداني

  1. حيرتينى ياسمسمة بأختيارك للمواضيع والله كل حاجة عايزاها بلدى وأفرنجى لقيتها يعطيك العافية.

  2. رائع جدا الشربوت انا كنت بغلي البلح لكن نعمله انشاء الله بنفس الطريقة الوصفتيها لانه شكلها مغري ورائع في الكباية

  3. سماسم كل عام وانتي بخير عملت الشربوت لمدة 24ساعة حسيتة حالي سكر سكر اضيفت علية شوية موي وخليتة12 ساعة زيادة اصبح تقيل ذي العسل او الشيرا المركزة وفية زبد من فوق اشربة ولا بروح فيها ههههههههههههههه

    • وانت بخير
      صفتيهو؟ قاعد في التلاجة؟ طعمه متغير؟
      علي حسب لو في التلاجة او معمه ما تغير ممكن تشربيهو يا هنااااااية
      بعدين الحلاوة دي من نوع التمر زيدهو مويه باردة اذا ثقيل
      رسلي لي كباية اضوقو واقول ليك
      ههههههه

  4. samsmaya kafk mashkora 3ala almwad3 alhlwa albt5taryha de bes 3ndi soal ana fe amrica bes dayra asalk ma3ndna altmar bta3 alsudan momkn a3mlo be zee hg al3gwa da wala mabnf3 argo alrd lane most3gla

    • وانت بالف خير يا رزان
      شوفي ردي لاحدي الاخوات اسمها اميمة سألت نفس سؤالك فقلت ليها
      (والله يا اميمة ما جربتو لكن لو قالو لي اعمليهو بالعجوة
      بخلي الموية سخنة بس ما لدرجة الغليان لانو العجوة لينة
      لما يبرد بدخلو التلاجة (طبعا البهارلازم) واخليهو 12 ساعة واصفيه
      واشرب ما ادي الجنبي
      هههههههههههه)
      ياريت لو عملتيهو تعالي قولي لينا رايك
      عشان البنات كلهم يستفيدو :)

  5. السلام عليكم ورحمة الله وبركاته
    شكراً جزيلاً وفقكم الله لما فيه الخير لجميع الناس
    ودمتم ذخراً لكل خير ووفاء
    ارجو معرفة: الغرنجال …

  6. simsimya kafk enshallha koyesa bnesba llshrboot walhi tl3 hlo y3ni momkn azol tani y3mlo bl3gwa lo dayra tashofi sorto ana mswraho bes wareni a5tha lak wan taslmi enshallha

    • تسلم اخي
      يسمي في الخليج الخولنجان GALANGAL وهو يشبه الزنجبيل الي حد كبير
      ولكن لونه ارجواني ورائحته قوية

  7. كل عام وانتم بحير يااطعم والذ ناس،،بسألأ من شربوت بتعمل من الرز؟؟شربتو مرة عن ناس حلو شديييد وعايزة اعملو

  8. السلام عليكم ورحمة الله،كل سنة وانتو طيبين،انا برضو سمعتا بي شربوت الرز دا يا سمسماية طريقتو كيف دا؟

  9. يا سميه انا بحب الشربوت جدا لكن ما بعرف اعملو …ولكن بعد ده الشافني شاداهو كل يوم ما كضب
    بس الله يكتر البلح
    وناس ريم وابوهم الله يعينهم ههههههه

  10. ياخي ريحتو جاتني والله من غير مبالغة من شدة ما نفسي فيهو الله يديك العافية من بكره بوصي العامل شربوت يرسل لي .. يا الله جك بس

  11. الجنزبيل ماصحيح بودرة بنفع والغرنجال برضو ناس بره ديل اصلو حاجاتنا دي شلهتا كدا

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل الخروج / تغيير )

Twitter picture

You are commenting using your Twitter account. تسجيل الخروج / تغيير )

Facebook photo

You are commenting using your Facebook account. تسجيل الخروج / تغيير )

Google+ photo

You are commenting using your Google+ account. تسجيل الخروج / تغيير )

Connecting to %s