مديدة الحلبة


مديدة الحلبة

تصنع مديدة الحلبة فى الغالب للمراة  بعد الولادة لانها تساعد على نزول الحليب

تعريف: الجردقة الترابية

يشبه طعمها الكربونات وتستخدم فى المطبخ السودانى من استخدامتها

مديدة الحلبة وتوجد فى العطاررات ومحلات بيع البهرات

المقادير:

قليل من السمن ، 3م ك حلبة،2م ك جردقة، 2 كوب حليب، 2كوب دقيق، ذرة ملح،

سكر للتحلية (الكمية حسب الرغبة)، قليل من القرفة المسحونة (نكهة)

الطريقة:

يذاب الجردقة فى كوب ماء وتترك حتى تترسب وتصفى الماء

يقدح السمن وتضاف الحلبة وتقلى فى الزيت

يضاف اليها كوب ماء وذرة الملح وتغطى وتترك لتستوى على نار متوسطة لمدة ثلث ساعة

يضاف الحليب الى الحلبة ويترك حتى يغلى

يصفى الحليب (ويمكن تركه دون ان يصفى) ويوضع على النار مرة اخرى

يخلط الدقيق مع ماء الجردقة ويمكن اضافة ماء حتى تكون سائلة توعا ما

يصب العجين السائل (يصفى ليكون ناعما)على مغلى الحليب بالتدريج مع الاستمرار فى التحريك حتى يتماسك

يترك على النار حتى يستوى ثم يضاف السكر ويترك لمدة دقيقتين

تصب المديدة فى سكرية ويمكن اضافة قليل من اللبن والسمن على سطح المديدة وتقدم دافئة

41 تعليقات على “مديدة الحلبة

  1. اموت في مديدة الحلبة خصوصا ايام الشتاء……..
    بس كنت بسأل هل الجردقة الترابية هى العطرون؟وللا كل واحد براهو؟؟؟؟؟؟؟؟؟
    و لو استخدمتا الكربونات هل بدينى نفس اللون الاصفر؟؟؟؟؟؟

    • مرحبا بك اخت زهرة78
      الجردقة تسمى العطرون فى بعض انحاء السودان
      بس العطرون بيكون حجرى ويضع على النار لحرقه
      ومن ثم نقعه فى الماء واستخدام ماءه
      يمكن استخدام قليل من الكربونات ان لم تجدى العطرون
      اي استفسار انا حاضرة
      ولك مني التحية

  2. احلي حلي في الدنيا مديده الحلبه ولا يخلو من بيتنا00
    ياسمسمه انا مرات بضيف ليهو ملعقة 2 م نشأ + م ك كستر ومرات بدل الدقيق بستعمل طحين الارز المطحون وطعمه بكون غييير ( بس ماتضحكي علي هههههه)

  3. غايتو يا ام اماسي غيرتي ملامحة المديدة بحاجات الرهيبة دي بس انا اللون بطلع معاي ذي الموجودة في الحلة دي لكن الموجودة في الكورة دي لونها رهيب وروني كيف تتطلع زيها طبعا مهما كبيت عطرون مابنفع

  4. سلام و شكرا شدييد علي الوصفه الحلوه تسلم ايدك حابه اسالك لو ما عندي جردقه و لا عطرون استخدم كربونات بس عادي؟ و لو ايوة الكميه قدر شنو ووريني الطريقه بليييز و شكرا شدييييد

    • ممكن مدام ر تتعمل بالكربونات كتير ناس بتعملها بيها
      اذا عملتي نفس المقادير الموجودة دي اعملي نص م ص كربونات

      ومراااااااااااحب

  5. أم سارة فتحتي نفسنا للمديدة وعملتها اليوم ويا سمسماية مقاديرك مضبوووووطة ….عملت بيكنج صودا…. ربنا يجزيك كل خير أول مرة أعمل مديدة حلبة وتنجح.

    • والله يا ام سارة ما بحمر الحلبة شديد زي ما في الصور
      لكن اعتقد من الجردقة 🙂
      الناس طوالي بتسأل من اللون دا جا من وين ^_*

  6. انا عملتها وطبقتها طلعت رووعة
    عزيزتي عايزة افرق بين العطرون والكربونات والجردقة الترابية والويكاب
    انا مبتدئة ساعديني

    • الحمد لله طلعت معاااااااك روعة
      الكربونات تشبة الباكنج بودر وتتباع في علبة في البقالات
      اما باقي الحاجات بتكون في العطارات او تجار البهارات
      العطرون هو حجر جيري بيكون لون ابيض
      والجردقة بتكون زي تراب البحر وان كان اونها افتح شوية
      اما الويكاب فبيتعمل من قصب الدخن بيحرق وبتحجر
      ولكل طعمه المميز وان كان في تقارب في المذاق

  7. تسلم يدك علي هل مديده لو سمحتو اريد اسجل معكم كيف السجل وشكرا بصراحه في عجبتني الاطباق ابي اشارك وراح تعملون خير معي لاني سعوديه بتزوج بسوداني ولا اعرف اسوي اكلاتكم الحلوه ياريت تسعدوني ام عبد العزيز

  8. السلام عليكم ياسمسماية
    الكوب الانتي بتستخدمي الكوب العادي 250مل ده وتسلم يدك علي المديدة شكلها رهيييييب

  9. لو سمحتي باريت توضحي لي طريقة قلي الحلبة يعني لازم النار تكون واطية ولا عالية ومدة القلي لأني حاولت اعملها بس حسيتها قربت تحرق

  10. سلام سمسماية طبعا عاوزة اضيف حاجة جديدة للحلبة ممكن تضيفى ملعقة كبيرة سامولينا مع الدقيق وبتديك طعم رائع جدا

    • نعم يمكن سحنها ولكن افضل عدم سحنها لانها عندما تكون مسحونه تضفي القليل من الطعم المر وبعض الناس لا يحبون المرارة الناتجة من الحلبه في حالة سحنها

  11. انا عندى الجردقهمن زمان كل ما الغاليه امى ترسلى اغراض الا القاها وماعارفه اعمله فى شنو وبعمل مديدة الحلبه ونفسى فى الطعم الحادق واللون الغامق ده وبحمر الحلبه لكن اصلو ابى يجى معاى اللون بسسسسسسسسسسسسسسسسسسسس الليله سويته بوصفتك طلعت ابدااااااااااااااااع شكرا كثيرا

  12. ربنا يديك العافية يا سمسماية بالجد انتي رائعة – اليوم انا ماشة لي قريبة زوجي ولدت وقلت اشيل ليها معاي حاجه وفكرت في مديدة الحلبة دي بس كان راسي مقطوع لاني حتي ما قادرة اتخيل بيعملوها كيف لكن زوجي قال لي ادخلي مطبخ سمسماية وما ح تحتاري وفعلا صدق والله – علي فكرة زوجي عضو معاكم في منظمة كفالة الأيتام وهو من المعجبين بي مطبخ سمسماية – ربنا يحفظك ويخليك يا رب..

  13. اللون رهيييييب لكن . . ومن محاسن الصدف عنذي جردقة ح اجربا بيها لأول مرة يارب تطلع لي فاقع لونها يسر الناظرين

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s