اسباب نجاح الكيك

اسباب نجاح الكيك

ح نتكلم عن اسباب نجاح الكيك الكيك بانواعه يعتمد نجاحه على المقادير وما قلت المكونات عشان كدا لازم توفري الاكواب والملاعق المعيارية ولو قدرتوا تجيبوا ميزان بتكون قطعتي نص المسافة. الالتزام والالتزام التام بالكمية او المقدار المكتوب لو بالجراو او بالكوب والاصل هو الجرام ولكن يمن تحويله للعيار بالكوب. البيض من المكونات الاساسية لازم يكون جديد ودرجة حراتة بدرجة حرارة الغرفة يعني لو في التلاجة يطلع قبل وقت كافي في الحالات البيكون فيها خفق البيض مع السكر بنحفق الاول البيض وبعد 2-3 دقائق بنضيف السكر بالتدريج لحد ما تخلص الكمية والسرعات بتختلف من البطئ الاول متوسطة في الثاني وسرعة عالية في المرحلة التالتة لو بقي فى زيت بنضيفه برضو شويه شوية والخفاق شغال ولو مفروض نفصل الصفار من البياض لازم نتأكد انه تم الفصل بصورة ممتازة عشان دا بعدين بيأثر في نجاح خفق البياض لازم السكرية اوالحاجة الفصلتي فيها تكون نضيفة وناشفة من الموية وكذلك ريش المضرب برضو تكون جافة ونخفق لحدي ما تحسي نه بقي كتله واحدة مرات الوصفة بتكون بالزبدة ودي لازم تطلع من التلاجة برضو قبل مدة بالنسبة للدقيق لما تغربليه بيدخل الهوا بين ذرات الدقيق بيساعد في انتفاخ الكيكة لو قال ليك يقلب الدقيق بملعقة خشبية فلازم نلتزم لانه ارتفاع الكيكه هنا بيعتمد علي الهواء الموجود فداخل البيض المخفوق وذرات الدقيق لو عاوزين نستبدل جزء من الدقيق بالكاكاو بيكون بنفس المقدار وبرضو نغربل الكاكاو عشان ما يكرضمن بعدين معانا في خلطه مع الدقيق. لو في حليب في الوصفة بيضاف التناوب مع الدقيق البنخلط معاهو المكونات الجافة السكر لو قال سكر ناعم يبقي ناعم ولو قال خش يكون خشن الباكنج باودر بيخلي للكيكة مسام بالذات الدسمة اما الكربونات لا تستخدم الا في حالة استخدام الكاكاو لانه عندها طعم غير محبب وتاني بتأثر في اللون في حالة الكاكاو الحاجتين ديل ما بيظهرو بالنسبة للقالب لازم تمسحي بزيت اوشمن ترشي عليه دقيق او كاكاو في حالة كيكة الشيكولاته ولازم يكون حجمه مناسب مع كمية الخليط. قي حاجة مهمه تانية وهي درجه حرارة الفرن لازم نولع الفرن قبل بمسافة اقل شئ 10 دقائق نوزن علي درجة الحرارة المذكورة ولكن بصفة عامة درجة حرارة الكيك في الفرن 175-190 مئوية الكيكة الاسفنجية بقعل مدة اقل من الدسمة في الفرن لكن نرجع نقول كمية العجين في القالب وحجم الكيكة هم البحددوا المدة ولكن يبقى اختبار القشة هو الفاصل يستعمل رف الشبك لوضع قوالب الكيك ويكون في الوسط بالضبط اذا كان الفرن جيد وبيوزع الحرارة تمام ما بنحتاج نشعل الشواية ابدا تحميل السطح يعتمد على انتقال الحرارة للاعلى برضو ما بنفتح الفرن اثناء الخبز قبل مرور15 دقيقة ولما نفتح نرجع نقفل باب الفرن ببطئ عشان ما ندخل الهواء البارد الكيكة لازم تخليها خمس دقايق بعد تطلع من الفرن حتي تقلبيها في رف سلك لحدي ما تبرد تماما حتي تقطعيخا كدا ما بتفتت والتقطيع بيكون شكله حلو لانها بعد تبرد بتتماسك كويس في حالة انكم عاوزين تزيينوها لازم ترد وياريت تبيت في التلاجة بعدين تتزين وبعد التزيين تدخل التلاجة تاني لحدي وقت تقطيعها لو كنتوا عاوزين تحشوها وتراعوا انه الطبقات متساوية في الحجم . مثلا لو عندي 3 طبقات ح افرد الحشوة في الطبقة الاول وانت بتحددي سمك الحشوة وبتختوا الطبقة الثانية عليها مع الضغط الخفيف وبتدخل التلاجة تاني اقل شئ نص قبل ما تختوا طبقة الحشوة التانية وتخوتوا طبقة الكيك التالتة وعلي التلاجة دا كله عشان تتماس الطبقات قبل ما تغلفيها من برا يعني بعد كل خطوت نسيبها تبرد ح تلاقي لما تقطعي كيكة محشية بطريقة رائعة ومتماسكة والقطعة بتكون حلوة

تحرير

Advertisements