بسكويت اليانسون


بسكويت اليانسون

المقادير:

كوب زيت، كوب سكر،3 كوب دقيق(+أو -)حسب العجن

4 بيضات، م ك يانسون، 2 م ص باكنج بودر

ذرة ملح،

الطريقة:

في وعاء عميق يخفق البيض والزيت والسكر والفانيليا حتي يصبح الخليط متجانس

يضاف اليانسون ويخلط

يخلط الباكنج بودر والملح والدقيق جيداويضاف الي خليك البيض حتى تتكون عجينة ملساء

يصب الخليط في صينية  ويخبز في فرن متوسط الحرارة حتى يحمر الوجه

يخرج ويترك حتى تهدأ حرارته وقطع الي اجزاء حسب الرغبة

يرص في صينية ويدخل الي الفرن حتى يحمر من الجهات الأخري

ويقدم

About these ads

26 comments on “بسكويت اليانسون

  1. جميل جدا كل ابتكاراتك ربنا يحفظك انشاءاللة ياريت تعملى لينا عجينة الكنافة وبسكويت الايسكريم اكون ممنونة

  2. وصفه رهيبه جدا يالله ممكن تجربي وصفتي واعطيني الرد ( 6 مط دقيق نشأ+3مط كاسترد اصفر +3مط دقيق ارز مطحون جاهز +4بيض+ كوب سكر مطحون +2مط خل+نصف كوب زيت +مط باكنج باودر+2 مط حليب بودره+ فنيليا + 8 مط دقيق ) بخلاط العصير نخلط الزيت + السكر + البيض+ الخل+الفانيليا مدة 3 دقائق ثم نضيف باقي المقادير (النواشف) +مك حبة البركه ونعجن باليد بتكون عندك عجينه ملزقه فكيها ب 4 مط زيت او ممكن تزودي الزيت شويه لحد ماتفك العجينه وبططيها بيدك في الصينيه ودخليها الفرن والله رهيييب ومابتدي الجنبك ولا حته جربيهو بسرعه وردي علي
    ( مط= يعني ملعقة طعام كبيره ) لانها بتكون هشه مرات بزيدها ربع كوب حليب عشان تكون قويه شويه

    • ام اماسي مداخلاتك تسرني جدا
      وان شاء الله اجرب الوصفة بكرة باذن الله
      بس دقيق الارز ما عندي بستبدلوا باي نوع او بزاوج بينهم
      المهم يعنى الحبة السوداء بدل اليانسون ولا مع بعض

      مودتي

  3. هلا ومرحبا بالشيف سمسايه وانا كمان ردك بفرحني جدا هذا يدل علي اهتمامك بأخواتك المهتمات جدا بمدونتك وياستي ممكن تعملي طحين ارز بالارز بتاعنا العادي بتجيبي الرز بتنقعيهو نصف ساعه ثم جففيهو وبعد ذلك اطحنيهو جيدا ثم استعمليهو في الوصفه والرز ده كمان بستعملو في( ملاح النعيميه بدل الدقيق ) وممكن تستغني عنه لكن بطحين الارز بكون فظيع وبدي هشاشه روعه للبسكويت وطحين الرز لازم يكون ناااااااااااااعم وانشاءالله تزبط معاك الوصفه ( المقدار بكوب جبن البوك 250 جرام) نعم الحبه السوداء بدل اليانسون وممكن ياستي تعملي يانسون او تحمصي سمسم علي حسب ماتريدي واي سوال انا تحت الامر لك تحياتي

    • سلامات يا عسل
      انا بكم ابقي وجدا بهتم بالتعليقات
      بس ح اقول ليك حاجة بس ما تزعلي مني
      عملت البسكويت وبالارز وطلع عجيييييييب مبالغة هش والطعم غير
      كأنو جاااااااااهز
      لقيتيني كيق؟
      لو قدرت ح انزل ليك صور
      وان شا ءالله بكرة بكتب الوصفة كلها

      مودتي

  4. ياااااااااااه فرحتيني جددددددا واشكرك علي اهتمامك ولقيتك زي ماكنت متصوراك مبدعه بمعني الكلمه وانا منتظره علي احر من الجمر عشان اشوف الوصفه ودائما انا وعيالي قبل كل شي بنفتح المدونه بتاعتك عشان نستمتع باحلي طعام واروع الوصفات وبالمناسبه انا عندي وصفات رهيبه و كل مره بنزل ليك منها وتطبقيها ولك الف الف الف تحيه

  5. مساء الخير الاخت سمسمايه يديك العافيه عند سؤال عن بسكويت اليانسون لمازا يتشقق او يتكسر عند التقطيع

    • اتبعتي نفس الخطوات والمقادير؟
      اذا نعم ، احتمال بتقطعيه وهو حار
      بعدين لازم السكينة تكون حادة وتقطعيه بخفة

  6. هسى الفرن شغال…عملتو بس زدته الدقيق كوب عشان بفضل العجين يكون متماسك شوية…طلع رايع…

  7. تسلمى على اليانسون الرائع لكن انا سمعتة اليانسون بالنشادر هل هو احسن بالباكنج باودر

  8. بالجد يا سمسماية ما عارفة اقول ليكي شنو على الحاجات الجميلة دي ،انا من زماااااااان نفسي اعرف كيف بيعملوا انواع البسكويتات و القرقوش ، ربنا يباركك و يجازي تعبك و اجتهادك

  9. عملتة البسكويت دا مرتين المرة الاولي اتفنفت شديد وا نجض من جوة كويس حتة اني لمن قطعتعتة من جو لقيتو عجين لحدي ما دخلتة عشان يكمل النجاض كان في واحد كانو مدخلاة للمرة الاولي
    المرة الثانية بدل الدقيق ختيت كورنفلور يعني زديادة في المقدار قايتو الحال مشي معاي الطعم بيطلع رهيب لكن بزعل علي البيتكسر شديد لانوا بيكون كثير ارجوكي انصحيني اعمل شنو

  10. انا عملت كل الخطوات وكنت محضره 3 اكواب دقيق ولما بدأـ اضيف لقيت العجين بقى متماسك عند حوالى كوبين ونص ودخلتها الفرن على كده ومستنياها تبرد ياريتنى قريت التعليقات شايفه الاخوات زادوا الدقيق مش نقصوه تفتكروا ايه باظت اخفيها بسرعه قبل ما حد يشوف هههه ولا ايه

  11. مساء الخير الاخت سمسمايه وجدت الموقع قبل فتره قصيره وكان زوجي يتمني ان اصبح مثلك ساسعي جاهده ان اكون بأذ الله .عملت بسكويت اليانسون وطلع رووووووووووعه وميه ميه ربنا يديك الصحه والعافيه ويجعلو في ميزان حسناتك ومزيدا من التقدم والنجاح

  12. انا حاولت انقص الزيت بربع كبايه فنقص لدقيق ب3/4 كبايه واهو ف الفرن ما عارفه حيحصل شنو

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s