بسكويت العيد
المقادير :
1 كيلو دقيق ، 1كوب سكر ، 1كوب زيت، 1كوب حليب دافئ، وقية نشادر،
م ك باكنج بودر, فانيليا، من 4_5 بيضات، رشة ملح، رشة قرفة (اختياري)
الطريقة:
يوضع السكر والزيت والبيض ويخفق جيدا ثم تضاف الفانيليا والقرفة
يوضع النشادر فى اللبن الدافى يحرك حتى يتفاعل ويصب فى الخليط السابق
يضاف الملح والباكنج بودر الى الدقيق ويضاف الى الخليط السابق قليل قليل ويعجن
تتكون عجينة ملساء سهلة التشكيل. تترك لمدة نصف ساعة
يجب دهن الصينية جيدا اولا
يقطع العجين بواسطة قمع مخصص يربط على المفرمة اليدوية او الكهربائية
يقطع العجين الى اشكال طولية وتلف قليل قبل ان توضع على الصينية
يخبز البسكويت فى نار متوسطة حتى يصبح لونه ذهبيا
الله يوفقك ويسعدك .. ويجزاك عنا الف خير
مشكووووووووورة اختى بنت الديره
واااااااااو انتى فتحتى نفسى ميرسى جااااااااااااااا
اختى ابي اعرف الله يجزاكي خير
وقية نشادر، يعني كم ملعقه كبيره
وكيلو دقيق = 6 كاسات تقريبا
صباحك زين سمسماية
كنتا حابة اعرف انا ما عندي الشكل البستعملو في قطع البسكويت ممكن اقطعو بي القمع بتاع الكريمة ولا بكون خفيف
مع شكري
مرحب ام احمد
هل تقصدي استخدام القمع مع الماكينة اليدوية اذا كان المقصود كدا ممكن طبعا وا بيطلع هش لانو اصلا القمع بيكون رفيع الشكل ولما يستوي بينتفخ
لكن طبعا القمع مع الكيس ما ممكن لانو العجينة يعتبر قوية علي الكيس
لو عندك مكبس بتي فور ممكن تستخدمي القمع بتاعو كحل
مودتي
ماممكن لأن القمع مايتحمل العجينه بتاعت البسكويت أحسن تشوفى ليكى قطاعه بسكويت ,,,
لكن اذا كانت العجينه لينه ممكن تتحمل .
انشالله اكون افدتك
سمسماية البسكويت جميل لكن ياريت لوعندك وقية نشادر تشوفيها كم ملعقة كبيرة اكون ممنونة
البسكويت ده نقطة ضعفي في الحياه لو ادوني منو 20 جردل بكملها في 20 يوم هههههه (ماتسحروني) لكن للاسف جربت عشرات الوصفات ومانجح معاي لما اتعقدت منو 000 بالمناسبه وصفتك دي زي وصفة ماما بالضبط لكن مرات بتضيف ليهو كاستر وبطلع روعه بس انا للاسف مابضبط معاي ماعارفه السر في كده شنو عموما لن استسلم ووراهو وراهو لمن يضبط معاي ودعواتك
لازم تحاولى كمان وكمان عشان تثبتى انك أمهر طباخه ولا كيف ؟
أنا كنت مابعرف اى حاجه فى المطبخ ؟ أتعلمت من امى الكثييييير . وتانى حاجه بقيت اتفرج على قنوات الطبخ وأقراء المجلات بتاعت الطبخ حتى بقيت اكتر واحده فى العيله أظبط الأكل … أى زول لما يأكل طبخى والحلويات الأنا أعملها بيقولوا ايموووو العسل عملتها لأنى بقدر أظبط الحلويات والبسكوت وأى حاجه
أم أماسي كنت ح أسألك هل جربتي أضافة كاستر أو نشأ ولا لأ ، ولقيتك ما قصرتي…
شكرا يأيموووالعسل من زمان عايزة اعرف وقية النشادر كم ملعقة شكرا على المعلومة
معليش يا سارة ما رديت عليك
المهم الوقية بتساوي 2 م ك (ملعقة طعام)
يلا عشان نجي نشرب الشاي معا انا وام اماسي
تمام ياعسل حبابكم الف
هسى دا دربى على البسكويت بعملو وبديكم خبر الليلة ناوية ما اطلع من المدونة
اها قولو ماشاءاللة حتى عملتو وجيت طبعا الطعم روعة وهشاشة جميلة بس الملامح غير واضحة انا كنت عايزة ينفش بسيط حتى لاتتغير الخطوط وعايزاهو يتوسع بالجوانب يعنى عايزة لية واحد منظر حقى دا بتاع اكل مافية منظر عملتو بالبوصة افتينى ياسمسماية
طالما الطعم جميل وهو هش 90% تمام
بس القمع الاستخدمتيهو هو البحدد شكل البسكوين
انا بحب القمع الاستخدمتو في الوصفة وبخليهو ضيق يعني سنونو لللداخل عشان العجينة تطلع زي المحفورة لما يتنفش بتظهر الاشكال
تانيا: احتمال العجينة لينة شوية
لانو زي ما عارفة الدقيق بختلف وحجم البيض برضو
بمعنى لوحسيتي العجنة لينة ممكن تضيفي دقيق شوية شوية
لكن دا المرة الاولي المرة الجاية ح يكوت مية مية
طمنتيي واللة بجرب تانى كيلو
سمسماية … هل يمكن أن أستبدل الزيت بالسمن؟
طبعا يا ام لينه وبيكووووون ابدااااااااااااااااع
لانه نكهة السمن غيييييير
انا بعمله بنفس طريقتك دي يا سمسمايه لكن لكل بيضه بضع ١ م ك كاستر عشان زوجي مابحب البيض بس بيطلع رررررائع
وبسكويتك شكله رووووووعه يا Boss ياحلو أنت
اها انا جيت بجاى يا ام ساره ههه اسمعنى ممكن يتعمل بدون المكنه بتاعتو لانو ماعارفا اجيبوها من وين
بدون المكنة ببغي بلح شام هههههههه انتي وين ساكنة عشان اوريك من وين تجيبي
انا يافطوم كنت زيك بكرة المطبخ وخاصةفي السخانة وكان عايزة اعمل بيض بوسخ العدة كلها ههههههه انتي عندك واحد من اثنين يا تزوجي انسان وتخلصي لية وتحبي المطبخ عشانو او يكون كلامة كتير في الاكل وعايزة تريحي راسك وطبعا في الحالتين انتي بتكوني طباخة ماهرة هههههه
انا والله يا ما عارفه مقاس الكبايه بالظبط محتاره والعيد علي الابواب ياريت اعرف المقاس بالظبط
الكوب مقاس 250مل او استعملي كباية العصير في البسكويت تحديدا
شكرا ليك ياسمسمايةالليلة حانعمل بسكويت العيد ويارب يطلع زى بسكويتك
ان شاء الله تتوفقي يا كمون
وعيد سعيد
عملنا االبسكويت انا وصاحباتى وطلع لذيذ وكل سنة وانت طيبة جزاك الله عنا الف خير وحانقرا المزيد من الوصفات الشهية ونطبقها
والله يا سمسمه جيتيني في الجرح
انا مغتربه في لندن وماكنت بعرف حاجه في الخبايز
بس جربت وصفاتك وطلعت وااااااااااو
الكل علق تسلمي ياعسل
وكل سته وانتي طيبه
ياسمسماية عملت البسكويت ورسلت ليك الصور في ملف التعريف معاه كباية شاي بالهناء اخر ثلاثة صور في ملف التعريف نزليهم في تطبيقات الزوار
الله علي البسكويت
تم الاجراء
ومشتاااااااااااقين
بالله خبر ام اماسي شنو؟
نفسي الاقيها والله
والله ام اماسي مامنها اي خبر وانا قلت كمان بعد تصل السودان بترسل لية رقمها السوداني بس ماكلمتني خالص والغريبة مفروض تنسق معاكي من هنا قبل تسافر انا قلت بتاخذ رقمك بس الغائب عذرة معاه المدارس عندنا بتفتح يوم السبت يعني في خلال الاسبوع دا بتصل ربنا يسهل امورة
والله ياسمسماية مشتاقين شديد بس الايام دي صايمين الستة من شوال تعب وارهاق شديد وداخلين علي مدارس انتي اخبارك شنو وين زينة وام محجوب وام لينة
والله هنيئا لك وربنا يقبل ان شاء الله ويعينك
زينة كوسه وهي برضومشغولة العيال ح بنزلو المدارس خلاص مع التجهيزات
وام محجوب بخير وعافية بس النت عندها قاطع واليوم والله سالت عنكم
اما ام لينة هي بخير اليوم اتصلت علي وتحدثنا وهي بخير وعافية
ما شاء الله عليها ربنا يحفظها وعيلتها ويحفظكم انتو كمان من كل شر
لك الود والتحية بابتسامة ندية
السلام عليكى ياسمسماية والله جميل وتسلم ايدك لك الود والتحية
وعليك السلام ورحمة الله
ربي يسلمك ام ملاذ
وكل سنة وانت طيبة
مشكورة سمسماية بس ياريت لو توريني الوقية مقاسة كيف بالمعلقة لانه انا في السعودية والوقية ي مابعرفوها
ولك كل الشكر علي المجهود الواضح
تسلمي يا بت جلابي
الوقية تعادل 2 ملعقة كبيرة (طعام)
انا عملتو طلع منفخ وحلو لكن من جوة لين
حمرتيه كويس؟ لين ولا رطب؟
طالما منفوخ وخفيف بيجف ان شاء الله بس خلي الهوا يضربو
لكن دايما نخلي الحراة متوسطة عشان يتحمر علي راحته وأكبر كمية من الرطوبة تطلع
بي كدا بيجف من جوة
مشكورة وربنا يخليك لينا
من جوة رطب مازي حق الناس البكون هش ومقرمش
برضو لو النشادر ما كويسة بيكون رطب
لازم النشادر تتأكدي انها جديدة وريحتها قوية ولما تختيها في اللبن تفور وتطلع من الكباية
اناعملت ملعقة كبيرة باكنج باودر هل في فرق
لا ان شاء الله ما يفرق
الاخت سمسماية هل يمكن استبدال البيض بالكستر
صراحة ما حصل عملت بالكاستر بس في ناس بتعملله بس بلاحظ انه بيكون جاف عكس اللي فيه بيض بيكون هش
دمتي نادية
هل يمكن استبدال البيض بالكاسترد
يسلموووو ايديك على الوصفات صراحه كل وصفه احلا من التانيه بس انا من زمان كان نفسى اجرب البسكويت وصرااااحه طلع رهييب شكراااا كتير
مساء الخير
ماعارفة اشكرك كيف ياسمسمة
عملت البسكويت وضفت ليو كم ملعقة نشا
وطلع حاجة حلوووووة شدييييد
Slam ya simsmaya ,lw ma endi nshadir momkin aaml shno badalo
للاسف النشادر مهم جدا عشان يبقي بسكويت
سلام انا معجبة جدا باللي بتقدميه من وصفات وحابة أطلب طلب
ابغى منك طريقة عمل الكريمة اللي تتحط على أشكال البيتي فور
واتمني تقبليني صديقك عندك … تحياتي لك …
شكرا يا سمسمايه من دربي دا على المطبخ بسويه وبكتب ليك طلع كيف
والله مشيت سويتو بالكيلو دقيق طلع لين وزدت دقيق حاسه بالعجينه قويت اسوي شنو في الحاله دي ما بينفع ازيد زيت؟؟ يلا بسويه كده واشوف النتيجه
العجينة في الاول بتحسي بيها لينة لكن لما تعجني بتبدي تشرب وتتماسك وتلم يعني ما كنتي تزيدي الدقيق قبل العجينة ما تفك من يدك
اضافة زيت بعد كدا ما بتنفع ولا حليب لانه صعب بيكون العجن اعمليه كدا يمكن في المكنة يلين شوية
بس لازم تخلي في بالك المرات الجاية تتقيدي بالمقادير
تسلمي يا راقية ….انا جربت البسكويت والناعم وتارت البطاطس ….بس الناعم طلع متماسك شديد ورطب وانا ماعرفت ليه وتاني شي في تارت البطاطس اضفت ثلاث ملاعق دقيق بدلا من حبوب الشوفان لانهم مايحبوه وطلعت والله روعة تسلمي والله….وكل سنه وانتي طيبة
الله يسلمك
بالنسبة للكعك بتكوني كترتي الزبادي فيه عشان كدا بقي رطب
لازم ما تحيدي عن المقادير لانه زيادة او نقصان بتفرق
في الكعك لو حسيتي العجينة جافة شوية تضيفي سمن ما زيادي او حاي او موية
لانهم برطبوه
دمتي
تشكري علي الرد وانشاء الله بعد العيد حاجربه تاني بس حابه انزل ليك التطبيقات عن قريب …تسلمي
والله ياسمسمايه عملت البسكويت طلع مقرمش وحلو شديد تسلم يدك وكل سنه وانتي طيبه وربنا يجزيك كل خير بالجد نفعتينا شديد
سلامات سمساميه لوسمحتى عايزه اعرف المكنه المستعمله فى الصوره دى .اسمها شنو ؟ ولو ممكن معلومات توضيحيه .شكرا
الله يسلمك
بالنسبة للمكنة دي مفرمة لحمة من منوليكس
شكرا سمسماية علي الوصفات الرائعة مثلك .. وربنا يوفقك ويديك الصحة والعافية يااااارب
سؤالي ممكن اعمل خلطة البسكويت من غير بيض؟ تسلمي كتييييييييييييييييييير
km ysawy kylo aldgyg b alkbaya
hello dear “Simsimaya!!!”, sorry i don’t know how to write Arabic here but i can read it and understand it good….well, my name is Manal Salah and i am a fellow Sudanese woman that loves her country’s hospitality, and its generous and delicious cuisine. but unfortunately, i live is the USA. and my knowledge of how to cook Sudanese food was very limited until i bumped into your website and boy am so glad i did
because now i know more than i have ever known about my country’s spectacular cuisine especially this biscuit its my all times favorite and i have been searching for this recipe for more than6 month..i just wanna share my insight about our food with you if i am permitted..i feel very sad when i find so many Egyptian, Ethiopian, Syrian and most middle eastern recipes demonstrated both in words and videos all other the internet but, fail to find anything about Sudanese food. its really upsetting to not have any Sudanese cooking books in libraries, or Chefs to ask about the origins of our food or restaurants in the US. to go to when there are thousands of other North- African restaurants like Lebanese etc… that’s why i encourage what you do and i am inspired to start caring more about Sudanese food so that others can recognize how versatile, important and delicious our cuisine is ….i love what you do you are an inspiration i really appreciate your work……. .
سلام
ما شاء الله يا سمسماية بس لو تعرفي كيف احنا المغتربين مستفيدين من وصفاتك
انا من السويد اتولت واتربيت في السودان بس حاليا عايشه في السويد
وحابه اسالك عن النشادر لو في بديل ليه لانو انا ما لقيت نشادر هنا و احنا بنحب البسكويت شديد
و شكرا وسلامي ليك و لاحلا بلد في الدنيا و ناسه الطيبين
النشادر ما بعرف ليه بديل لكن هو موجود مستخدم كدي فتشي بالاسماء دي
ammonium carbonate
أو
hartshorn
أو
baking ammonia
الاخت سوسو كيف الاحوال انشاء الله بخير وسلامي لجميع الاخوات المشاركات الاخت المقيمة في السويد كيف ما عندكم نشادر انتو بالزات عندكم كل شئ لان المول بتاع العرب هناك كثير انا اختك سودتنية مقيمة في النرويج ما بعيدة منك واتمني التواصل مع بعض وشكرا
merci ya simsimaya ana salta wa lket alnashader wa 7a a7wel ajreb al6are2a bita3tek ma3a eni motakeda 100% enaha 7a ta6la3 raw3a,,,,,,,,,,,,, walahiy ya Amira u5ti fe3lan hena fi molat katera bita3at al3arab di bas enti bi ta3rfe enu allahja al3arbiya di bi te5talef men bald le balad wa shokran lek bardo wa insha alah yom keda tajena zeyara li sweden
سمسماية ما عندي مكنة ممكن افردو واعملو صوابع مثلا
ماشاء الله عليك ربنا يعطيك الف عافيه
حبيبه البلد العايشين فيه رطوبه عاليه ودائما بطلع لين ورطب وغير مقرمش لو تركته يبرد شويه بيكون طري ولو خزنته سخن بيخرب كيف اخليهو قوي ومقرمش افيديني افادك الله وشكرا
سمسماية العسل تسلم اياديك بس عندي طلب صغيروني، ماما الله يديها العافية بتحب تعمل بسكويت النشادر من غير سبب المره دي قالت إلا تعملو بالزبادي قدر ما قلت ليها ما لقيت ليك الوصفة قالت نهائي دايراهو بالزبادي، فالحل شنو؟ هل بدل الحليب نعمل زبادي ولا كيف؟ وكل سنة وانت طيبة
سلامات ياسمسم كيف امورك وماشاءالله حاجاتك كلها ابداع
تسلمى ياسمسمايه على كل حاجه انا اتعلمت منك كتير جزاك الله كل خير وموفقه دايما
والله انا ماكنت بعرف حاجه ربنا يخليك ويحفظك يااحلى سمسمايه
هلا سمسميه ايش اخر وصفت الكفتا بلفرن