مشاركات الزوار

1,313 تعليقات

ام ساره, on مايو 1, 2010 at 8:03 م said:

شكرا ياسمسماية على الصفحة عشان ناخذ راحتنا فى الونسة ولا ماكدا ياام اماسى ههههههههه

رد
ام ساره, on مايو 1, 2010 at 8:10 م said:

بتمنى من جميع الزوار اى شخص عندة اكلة مشهور بيها ينزله على صفحة الزوار تكون مقاديرها واضحة اى حاجة بتقنها ومحبوبة لية ولاسرته وضيوفة واكيد سمسماية بتقوم باللازم ولا رايك شنو ياسمسماية

رد
ام اماسي, on مايو 1, 2010 at 8:36 م said:

ياسمسمايه اصلو ماقصرتي فينا واهتمامك بزوارك بفرحنا كتيييير ويارب نكون عند حسن ظنك اشكرك كتييييييير للاهتمام ويارب مانكون تعبناك بكثرة الاسئله لك منا كل الشكر والتحيه

رد
- ام رهف, on مايو 6, 2010 at 11:36 م said:
  
  سلاااااااام ياام اماسي حابة اشكرك على وصفة بسكويت اليانسون جربتها وطلعت اكتر من رائعة فعلا النشاوالكاسترد غير طعم الوصفة صار احلى واحلى وانشاءالله نستفيد من سمسماية وزوار سمسماية
  
  رد
ام اماسي, on مايو 1, 2010 at 8:39 م said:

اكييييد ياام ساره لكن علي شرط اضافة الكاستر +النشأ ههههههه

رد
ام ساره, on مايو 1, 2010 at 10:04 م said:

كنت بقرأ فى وصفتك ياام اماسى حقت الناعم بسرعة سرعة عايزة اشوف الكاسترد والنشأ والحمدلله ماخاب ظنى هههههههههه ومنتظرين اللقيمات وجميع ابداعات الزوار

رد
ام اماسي, on مايو 2, 2010 at 2:27 ص said:

الحمدلله ماخاب ظنك فيني انا ذاتي لو ماكتبت ن ش أ + ك اس ت ر في وصفاتي بحس انو الوصفه بتخرب كدي عليك الله يا أم ساره جربي وصفة الناعم ووريني النتيجه جربي مره بالنشأ ومره بدون شوفي ايهم الاحلي ولك تحياتي

رد
ام ساره, on مايو 2, 2010 at 9:52 ص said:

والله ياأم اماسى فرحتينى بدخولك العولمه من زمان وتواصلك فى الابداع واكيد كلنا بنفرح لكل سودانية مبدعة وربنا يكتر من امثالك واكيد بتواصلكم بتقدمو سعادة لكثير من الاسر وانشاءالله منكم بنستفيد وبننقل تجاربكم للغير واكيد منتظرين منكم الكثير ربنايديك الجمال والمال والعيال ونشاءاللة دائما تتحقق دعوة امك ليك

رد
ام ساره, on مايو 2, 2010 at 9:57 ص said:

الاخت هنوها ليك التحية وياريت تتواصلى معانا فى صفحة الزوار ونستفيد من ابداعاتك

رد
ام ساره, on مايو 2, 2010 at 12:20 م said:

اكيد بجرب الناعم وبديك خبر بالمناسبة عندى شوال دقيق ردة الاسمر شديد ماعارفة اعمل فية شنو بعمل منو العصيدة اذا عندكم افكار انجدونى بوصفات وكيف طريقة حفظة من التلف؟

رد
ام اماسي, on مايو 2, 2010 at 3:00 م said:

تحيه كبييييييره لام ساره بالنسبه للدقيق احفظيهو في باقة بلاستيك كبيره مغلقه تماما و لو كتير وزعي علي عدة باقات وحطيهو في دولاب مطبخك عادي ولو عايزه تعملي قراصه جربي الوصفه دي 3ك دقيق قمح ابيض+ كوب ونص ماء + نص كوب دقيق الرده بتاعك الاسمر+ م خميره + رشة ملح تعجني بمضرب البيض بتاع اليد العادي شديييد والعجينه بتكون سائله نوعا ما ثم خمريها ساعه بعده ضيفي ليهو مص باكنج باودر واعجني ثم صبيها في التيفال غطيها علي نار وسط ثم اقلبيها وغطيها مره تانيه والله بتكون قراصه هشه وجميله امكن الوصفه تكوني مجرباها ولو ما جربتيها جربيها وادعي لي واعملي كسره ك دقيق قمح ابيض + 2ك رده اسمر وعوسيها + شويةعجين خمير

رد
ام اماسي, on مايو 2, 2010 at 3:13 م said:

امييييين ياام ساره وانا سعيده جدا القي ناس مبدعين زيكم عشان نتعلم كلنا من بعض وتعم الفائده للجميع لان ابن ادم اذا مات انقطع عمله الا من ثلاث (علم ينتفع به) وانشاءالله مانقدمه للغير يكون نافع لهم واذا فارقنا الحياه انشاءالله بعد عمر يكون عندنا ناس خير كلما وجدوا شئ من علمنا يترحمو علينا ويدعو لينا بالمغفره امد الله في عمرنا وعمركم امييييين يارب

رد
ام اماسي, on مايو 2, 2010 at 3:17 م said:

تسلمي اختي هنوها ولك التحيه

رد
ام اماسي, on مايو 2, 2010 at 3:48 م said:

سلاااااااام لاحلي سمسمايه __ عايزنك تعملي لينا الكيكه الاسفنجيه و كمان عايزين نعرف طريقة عمل عجينة الباسطه السودانيه(البقلاوه ) عندنا في السعوديه اكثر من الف نوع من البقلاوه لكن صدقيني كلها مابتشبه بقلاوتنا الحلوه والعجينه بتاعتهم ناشفه كتيييير وعليها زبده بالارطال وااااع منها – وبنهاجر لمنطقه بعيده اسمها (غبيره) دي كلها سودانيين وكل منتجاتنا موجوده فيها وطبعا بنشتري منها الباسطه لذا اختي الغاليه ياريت لو امكن تعمليها لينا ولك منا كل الشكر والتقدير

رد
simsimaya, on مايو 2, 2010 at 4:42 م said:

ام سارة ياريت الزوار يتفاعلوا معانا
وناخد ونكسب خبرة من بعضنا
بالماسبة هنوها دي خطييييييييييييييييرة
عندها مدونة حنين المهيرة الرابط بتاعها
http://hanoha-h.blogspot.com/

بتستفيدو منها
بس مااااااااا تسرقكم مني
لانو عندها الجمااااااااال والاناقة شي حنة وشي تياب
وشي كريمات

مودتي

رد
- ام رهف, on مايو 2, 2010 at 10:27 م said:
  
  انا معجبة جدا بوصفاتك الرائعة الي دائما بطبقها والحمدلله بتنال اعجاب الاسرةوربنا يوفقككنت حابة لعرف انت وين مقيمة في السودان ولا خارج السودان واكون شاكرة
  
  رد
  - simsimaya, on مايو 2, 2010 at 11:10 م said:
    
    ام رهف العسل
    كيفك ان شاء الله بخير
    يا ستي ح اكون وين يا ام رهف قااااااااعدة هنا في السودان
    شئ واحد يوديني برة مافي
    يا كافي البلاء لا جنا ولا ابوجنا عندي
    الحمد لله
    
    مودتي
  - ام رهف, on مايو 6, 2010 at 11:31 م said:
    
    انت العسل يا سمسمايةوانا على فكرة مقيمة في قطر وبقيت كل ما اعمل وصفة من وصفاتك اصورها وارسلها لاخواتي يقولو لي اتاثرت بي مطبخ سمسماية مطبخك وادواتك جميلةووصفاتك اجمل ربنا يوفقك يارب عاوزة منك طلب لو ممكن عاوزة طريقة عمل الكنافة بالقشدة دايما ما بتظبط معاي وعندي طريقة للكنافة بعملها حوريكي ليها انشاء الله تعجبك وتسلمي يا احلي سمسماية
simsimaya, on مايو 2, 2010 at 5:12 م said:

وعليكم السلام ام اماسي
تدللي اختي ان شاء الله طلبك ح يكون قريب
بس ادعي لي ربنا يقدرني

مودتي

رد
ام اماسي, on مايو 2, 2010 at 10:58 م said:

يالله عليك ياسمسمايه ياست الابداع كلك ذوووووق وانا واثقه جدا من قدراتك وابداعاتك عشان كده طلبت منك الوصفات ومليوووووووووووووون شكر لاهتمامك

رد
ام اماسي, on مايو 3, 2010 at 12:02 ص said:

بالمناسبه العده والادوات البتشتغلي بيها رهييييبه وذوقك فظيييع هنا في السعوديه سعرها غالي وبتحصليها في المولات الكبيره بالمناسبه دي بتشتري الاواني الراقيه دي من وين في السودان

رد
- simsimaya, on مايو 3, 2010 at 8:13 م said:
  
  صحي حلوة ؟ تقريبا كل العدة بجيبها من هنا في محلات كبيرة فيها عدة حلوة شديد زي هوك كير وسابكو
  وفي حاجات بتجيني هدايا من اختي في قطر وقريبتي فلى الامارات
  لكن هنا في حجات كتيرة متنوعة بس مرات الاسعار بتكون مرتفعة
  بس بتلاقي
  
  رد
ام ساره, on مايو 3, 2010 at 10:56 ص said:

ياسمسماسة وام اماسى عندى ضيوف يوم الجمعة ناس غداء وناس عشاء عايزة افكاركم كل واحدة تتخيلهم عندهم وتعمل سفرة منتظرة افكاركم غداء وعشاء وتحلية للغداء

رد
- simsimaya, on مايو 3, 2010 at 8:05 م said:
  
  ان شاء الله بنساعدك بالافكار
  الدعوتين في نفس اليوم؟
  خلاص نشوف حاجات سهلة واعدادها بسيط وتشرفك في نفس الوقت
  لس نعرف العدد كم ؟ رجال بس ولا معاهم نسوان واطفال
  
  رد
ام ساره, on مايو 3, 2010 at 12:05 م said:

ياريت ياريت ياام اماسى لوبعرف بعوس حاولت كم مرة اتعلم من نسيبتى اللة يديها العافية لكن بائت بالفشل الزريع خليتها لكن عايزه اتعلم الرقاق اللين قالو اسهل من العواسة ولارايك شنو

رد
ام ساره, on مايو 3, 2010 at 12:12 م said:

سمسماية عندى موقع بتاع طبخ فيديو رايك شنو بعد اذنك ارسلة ليك ولاكيف؟طبعا مافى مجاملة فى الحاجات دى اقلب المواقع برفضوا وجود رابط على مواقعهم اذا حبيتى ارسلة انا حاضر ة استفيدى وفيدينا

رد
- simsimaya, on مايو 3, 2010 at 10:53 م said:
  
  ممكن تديني الرابط اشوفه
  وبعدين اقرر حتي لو ما ختيت رابط الموقع ممكن اختار بعض الوصفات
  السهله المكونات متوفرة عندنا واضيف الرابط
  
  رد
ام ساره, on مايو 3, 2010 at 8:45 م said:

الغداء ثلاثة رجال والعشاء اسره واحدة راجل ومره وعيالهم صغار من عمر 12سنة الى 3سنة

رد
- simsimaya, on مايو 4, 2010 at 6:22 م said:
  
  سلام
  معناها ما كتار
  اقول ليك خطتي لوكانو ديل ضيوفي
  في اطباق ممكن تكون في الغداء والعشاء سوا
  زي اللحوم والسلطات والفطاير
  بي الفرق في الغدا يعنى لو هم عذابة بيكونوا عايزين ملاح مفروك بكسرة او ام رقيقة كدا قدحنها تكون ساعة الغدا او طبيخ سوداني مكرب
  الاصناف المشتركة تعمليها مرة وحدة بكمية تكفي المجموعتين
  بعد داك تشوفي تعملي حاجة اضافية للعشا
  
  اما التحلية في الغدا والعشا فواهة كاملة او تعمليها سلطة
  وانا بفضل تكون كاملة
  عشان تعملي تحلية تكون لذيذة وسهلة ما بتاخد زمن
  
  قايلة ليه الكلام دا عشان ما تتعبي ولانو انت زاتك لازم تكوني ما تعبانة
  الحاجات الشوية بتكون عايزة شغل ممكن تبدي فيها من اليوم القبلة زي التوضيب واللحم مرات بتكون عايزة تتبهر قبل فترة وتخليها في التلاجة
  
  كلامي كتير
  برجع ليك
  
  رد
ام ساره, on مايو 3, 2010 at 8:46 م said:

كلهم فى نفس اليوم

رد
ام ساره, on مايو 4, 2010 at 9:57 ص said:

http://mimicooks.com/2009_08_30_archive.html

رد
ام ساره, on مايو 4, 2010 at 12:29 م said:

وينك ياام اماسى امس ماليكى حس انشاءالله الداعى خير

رد
ام ساره, on مايو 4, 2010 at 8:39 م said:

وانا منتظرة وكلامك عين العقل

رد
ام ساره, on مايو 4, 2010 at 9:56 م said:

يعنى مثلا عايزه اعمل سمك محمر على الغداء لكن عايزة لية تدبيلة كاربة ويكون ناشف من برة ومن جوة والعشاء يكون صنية سمك الدمعة حقتها احسن تكون بالصلصة ولا بالعدريب ولا بالقمر دين انا جربت بالصلة لكن ديل ماجربتهم انتى رايك شنو

رد
- simsimaya, on مايو 5, 2010 at 12:04 ص said:
  
  بالنسبة للسمك عندي تدبيلة لسمك علي الرابط
  http://simsimaya.wordpress.com/2009/03/11/%d8%b3%d9%85%d9%83-%d9%85%d9%82%d9%84%d9%8a-%d8%b9%d9%84%d9%8a-%d8%b7%d8%b1%d9%8a%d9%82%d8%aa%d9%89/
  اما صينية السمك احسن الصلصة وتكون خفيفة
  لانو ح تكون في سلطات بتكون حادقة والليل صعب الهضم
  
  رد
ام ساره, on مايو 4, 2010 at 10:04 م said:

والدجاج احسن التحمير بالزيت ولا بالفرن والمكرونة بالبشمل عايزة طعم البشاميل يكون طاعم اعمل من فوق جبنة موزريلا ولاشيدر ولابارميزان ولا كلو مع بعض عايزة الطعم مختلف مادقيق وحليب بس

رد
- simsimaya, on مايو 5, 2010 at 12:07 ص said:
  
  لانو ح تحمري السسمك احسن يكون بالفرن لو عايزاهو ناشف
  ولو عايزاهو بالخضار شوفي
  http://simsimaya.wordpress.com/2010/01/14/%d8%af%d8%ac%d8%a7%d8%ac-%d8%a8%d8%a7%d9%84%d8%ae%d8%b6%d8%a7%d8%b1-%d9%88%d8%b3%d8%b1-%d8%a7%d9%84%d8%b7%d8%b9%d9%85-%d8%a7%d9%84%d9%85%d9%85%d9%8a%d8%b2/
  
  أو
  http://simsimaya.wordpress.com/2009/09/04/%d8%af%d8%ac%d8%a7%d8%ac-%d8%a8%d8%ae%d9%84%d8%b7%d8%a9-%d8%a7%d9%84%d8%ae%d8%b6%d8%a7%d8%b1/
  
  رد
- simsimaya, on مايو 5, 2010 at 12:15 ص said:
  
  بالنسبة للباشميل خلي الجبنة موزريلا لا اعمليها جوة الصلصة
  بمعنى لما تعملي الصلصة وتتنتهي منها قبل ما تنزليها من النار اعملي الجبنة وهي مبشورة لما تسيح تنزليها وتكوني مجهزة المعكرونة وطوالي تكبي الصلصة
  خلي الصلصة شوية سايلة ما تكون تخينة
  
  رد
ام ساره, on مايو 4, 2010 at 10:11 م said:

وحابة اعمل معجنات على العشاء طبعا العجينة العشرة دقائق لكن عايزة حشوات مختلفة طبعا معاى مساعدين بنات اختى يعنى ماتشيلى همى اللة يجزيكى الف خير وعندى فرنين

رد
- simsimaya, on مايو 5, 2010 at 12:24 ص said:
  
  ربنا يحفظهم بنات اختك وعقبال بناتك يساعدوك
  بالنسبة اللحشوات
  حشوة الجبنة السائلة
  
  حشوة التونة
  
  حشوة باللحم المفروم
  
  بحشو المارتديلا
  
  ممكن تشوفي الحشوات دي اختاري منها
  ممكن اتنين
  
  رد
ام ساره, on مايو 5, 2010 at 11:37 ص said:

ياستى بستبعد التونة لانى عندى سمك بعدين انحنا فى السعودية وجبة الفطور مافى عشان كدا التعويض بكون فى العشاء انشاءالله كلو تمام تعبتك معاى ربنا يحفظك انشاءاللة وبناتى انشاءالله يساعدونى لكن مااظن لانى ماساعدة امى امى كانت مدلعانة شديد لكن للاسف النتيجة جات عكسية علينا بعد كبرنا

رد
ام ساره, on مايو 5, 2010 at 1:51 م said:

وينك ياأم أماسى والله فاقدنك دا مطر شنو شكلو غزير شديد انحنا فى جدة الحمدللة ماجاتنا لانو المرة الفاتت دمرت جدة دمار وانشاءاللة مطر خير وبركة منتظرين مشاركاتك وخاصة اللقيمات!!!

رد
ام اماسي, on مايو 5, 2010 at 10:23 م said:

عزيزتي ام ساره والله انا افتقتدكم بالاكثر ووحشتينا شديييد والله الامطار يوم الاثنين كانت غزيره مرررره وناس الدفاع المدني حذروا منها لان ماحصل في جده من كوارث خلاهم يخافو ويعملو احتياطات رهيبه والنت كان قاطع في المدينه وحتي اللحظه مامجمع معانا كويس ربنا يستر علينا وعليكم ويحفظ الجميع بالنسبه للقيمات الا تقولي لي انا حبيت النشأ والكستر حتي اديك الوصفه هههههههههه وبعداك من عيوني الاتنين وتسلمي ياغاليه وياريت العزيزه سمسمايه تطبق لينا وصفة اللقيمات وتشوفي الروعه

رد
ام اماسي, on مايو 5, 2010 at 10:38 م said:

والله يسمسمايه عدتك احلي من الحلي واختك ذوقها حلو زيك ربنا يخليكم لبعض وخليها تجيب ليك العجانه الكبيره والله رهيبه وبتريحك في كل شئ ولك تحياتي

رد
ام اماسي, on مايو 5, 2010 at 11:49 م said:

الله يعينك علي الوقفه والتعب – انا بعمل من 6_7 وصفات لسمسمايه وهي دجاج محمره (بروستد رهيب جدا )+ الارز مع اللحم (كبسه حلوه ) + فطيرة اللحم+ سلطه بسيطه 00 شهيه لذيذه -ودي ادمنت عليه وكمان بعملها لعيالي علي طووووول لو جربتيها تاني مابتخليها+معكرونه باللحم وااااااو بتجنن+سلطة الباذنجان المسلوقه مع تزيين الحواف بجرجير مفروم وسااااهله وروعه+طرق تقديم البيض المخفوق2 بقشر بيها واااااو رهيبه وبتجننن+ كرات الباذنجان واو واو واو فظيعه ومرات بعمل بطاطس مسلوقه بدل الباذنجان+طرق تقديم البيض المخفوق 3 ودي قششششششره فظيعه +صينية البطاطس بالقشطه وبختصر ليك يأم ساره كل وصفات سمسمايه طبقتها وجننتني وجننت الناس ولو بقيت شايله سمسمايه دي فوق راسي ولفيت بيها كل الدنيا مااااااحاقدر اجازيها وربنا يقدرني علي جزاها

رد
ام اماسي, on مايو 6, 2010 at 12:14 ص said:

بعمل حلي الزبادي 000والمعجنات طبعا ثابته 000مرات بعمل بفتيك000 وكمان بحمر الباذنجان اقراص وبرصو في صحن التقديم بمسحو بشوية ثوم وملح وليمون وبعمل صلصة بيتزا مسبكه وبختها من فوق لكل قرص ببشر جذر وببشر جبنه بيضاء وبزين بيها كل قرص- ومرات بجيب برجر امريكانا وبشوحه بسيط في الزيت وبرصه في صينية الفرن وببشر جبنة فرسانا موزاريلا لمن تذوب وبرصه في صحن التقديم مع التزيين000بجيب سمك فيليه ابيض بتبلو ملح وليمون وثوم وشمار اخضر بكميه كبير وفلفل اسود بتبلها ساعه وبعمل دقيق وشوية نشا وملح وفلفل اسود في القيق ببرشها في السمك وبقليهو

رد
ام اماسي, on مايو 6, 2010 at 12:32 ص said:

نتابع يأم ساره 000طبعا الفول والطعميه اساس صينية العشاء من اقرب محل بتجيبيهم000 بعمل حلي قلاب جامون الهندي بصوره فظيعه وده اساسي لسفرتي+ بجيب كفته مصريه بالرز (جاهزه طبعا ) وبضيف ليها لحمه مفرومه + بهارات + بقدونس + بيضه + ثوم و بعملها كفته + مرات بعمل صينية التوست باللحم المفروم+ الحلي بعمل بودينغ المانجو راااائع وجميل ومقاديره 2 باكيت جيلي مانجو 2كوب ماء واحد بارد والتاني حار اعملي الجلي بالطريقه العاديه وبسرعه ضيفي عليهو علبة حليب مبخر مركز كامل الدسم لونا 170 جرام=159 مل وخليهو التلاجه من 2-3 ساعات وبالهناء

رد
ام اماسي, on مايو 6, 2010 at 1:02 ص said:

نتابع يام ساره0000 بعمل كيكة قدرة قادر ومشهوره بيها 000 وكمان بعمل 2 باكيت كريم كراميل+2ونصف كاس حليب سائل +5مك نيدو+ مص نسكافيه يغلو في و بختها في قوالب التقديم وبدخلها التلاجه من3_4 ساعات مرات بضيف ليهاعلبة قشطه وبخلط كل المقادير وبختها في النار تغلي وبدخلا التلاجه والافكار كتيييره جدا شويه شويه بديك منها وياريت تعملي من الحاجات اللي ذكرتها ليك دي وتوريني الشمار بعداك وتسلم ليتا سمسمايه وتسلمي انتي كمان يا عسل وبالهناء علي ضيوفك

رد
- simsimaya, on مايو 6, 2010 at 4:25 م said:
  
  حمد لله علي السلامة
  ما شاء الله التحلية ما عندك
  بس كدي ورينا تحلية الزبادي
  
  يسلم راسك وراس ضيوفك يا ام اماسي
  والله كلامك دا قوم لي شعرة جلدي
  
  مودتي
  
  رد
ام ساره, on مايو 6, 2010 at 10:26 ص said:

واللة خميتنى جنس خم شى فهمتو وشى مافهمتو لكن بكرة شغلى كلو بكون من سمسماية ذى ماقلتى بديكى الخطوط العريضة من هسى بس عندى مشكلة صغيره فى البروست مابتحمر معاى تمام يعنى شكلو نص احمر ونص كبدى عايزة نصايحكم للتحمير الوردى ويكون كلو شكلو واحد ومقرمش انا بعمل بعد السلق الخفيف زبادى وكاتشب وملح وفلفل وتوم وكسبره وبيضين و2م دقيق كلهم مع بعض مابحب البقسماط فى الدجاج وبحمر عايزة اعرف اسرار التحمير النار هادئة والا الزيت غزير ولاشنو؟

رد
- simsimaya, on مايو 6, 2010 at 4:32 م said:
  
  بالنسبة للفراخ احسن تسلقيه بالبخار عشان السلق بيشيل المزة
  ولو ما بتحبي البقسماط جربي اعمل الكورن فلكس اهرسيه خشن
  اعمليه واهم شئ التتبيلة تكون مظبوطة 100 100
  وبعدين بالنسبة للون اول الزيت يكون غزير وخليه في حاجة غريقة وضيقة عشان يغمر قطع الدجاج
  بعدين انا بخلي الزيت يسخن ونزل الفراخ واخفض الحرارة للنص
  ولما يتحمر من تحت ويصل اللون الانت عايزاهو اقلبيه
  ولما تتطلعي القطع علي النار
  وارمي تاني وخفضي الحرارةبرضو
  
  مودتي
  
  رد
ام ساره, on مايو 6, 2010 at 10:37 ص said:

ياستىالغداء ام رقيقة ومحشى كوسا وفلفلية وطماطم وسمك سمسماية البسمسم وقيمة بطاطس ودجاج وسلطة مايونيز وسلطة خضراء وسلطة باذنجان حقت سمسماية والتحلية بطيخ وشمام وحلى الكاسترد من تحت كاسترد محشى بسكويت والطبقة الثانية جلى فراولةمقطع فية حلقات موز

رد
ام اماسي, on مايو 6, 2010 at 10:57 ص said:

بالعكس يام ساره انا حاولت بقدر الامكان اوضح ليك ولو ركزتي براحه بتفهمي الكتبتو ليك وحياتك انا جالسه ساعه كامله اكتب لمن يدي وجعتني في النهايه تجي تقولي لي ما فهمت والله احبطيني وياستي انتي ماشاءالله عليك مامحتاجه غداك شكله احسن غداء وبالهناء عليك وعلي ضيوفك

رد
ام ساره, on مايو 6, 2010 at 3:33 م said:

ورينى كيف حلا الزبادى بالنسبة للعشاء بعمل الاغلبية نواشف يعنى بوفتيك ذى ماقلتى ومينى بيتزا سمسماية وفطائر باللحم وبالجبنة حقت سمسماية وصنية المكرونة بالقشطة حقت سمسماية شكلها حلو وفول وطعمية الطعمية بعملها فى البيت العجين جاهز عندى وصنية بسبوسة محشية بالقشطة والشيرا حقتها حليب محلى اها رايك شنو؟

رد
simsimaya, on مايو 6, 2010 at 4:39 م said:

بالنسبة للتحلية تحلية ام اماسي خطيرة والعجب لو ورتنا حلو الزبادي
المهم
ممكن برضو تملي تحلية بالكريمة والقشطة والبسكويت

اول تجيبي ربع م ص نسكافيه وم ك سك وتبك فيهم موية
تبلي البسكويت سريع وترصي في صينية لحدي ما تملي الفراغات كلها
تكون خفقتي الكريمة وتدها 2 م ك قشطة وتضربيها تاني لحدي ما تمتزج وتغطي البسكويت بوتلتها وتاني تعملي طبقة بسكويت وتغطيها بباقي الكريمة
ممكن تزيني الوش بالكراميل الجاهز بتاح الحلو
تخرمي الكيس صغير وتعملي اشكال
وتدخليها في الفريزر لحد ما تجمد
قلبي معاك ياريت لو كنا قراب ام اماسي وانا كنا ساعدناك

ورينا خبرك

رد
ام ساره, on مايو 6, 2010 at 6:10 م said:

ربنا يحفظكم انشاءاللة حلا البسكويت دا شكلو رهيب بعملو ياريتكم جنبى كان عزمتكم واللة جيرتكم بتتحبة شوفى لية قطعة ارض جنبك ياسمسماية الايام دى كايسة لية لقطعة ارض مالاقياها عايزة سعر مناسب امانة لوفى زول عارض قطعة كلمونى تكون فى الخرطوم او امدرمان

رد
ام ساره, on مايو 6, 2010 at 8:15 م said:

يادوب فهمت كلامك ياأم اماسى فعلا بعد قريت بتركيز فهمت الحاصل شنو بس عايزة توضيح حلى الزبادى والحلا الهندى وكيكة قدرة قادر اها عاد ادينى الوصف الدقيق ليهم منتظرة

رد
ام اماسي, on مايو 6, 2010 at 8:20 م said:

تسلمن عزيزاتي سمسمايه وام ساره
ياريت ياسمسمايه كل ربة منزل سودانيه يكون عندها انترنت في منزلها وتفتح تشوف مطبخك وتتعلم منو وصدقيني انا اول ماجيت الرياض درست دورات طبخ وتجميل في مدارس تحفيظ القران لكن لو كنت عارفه مدونتك دي من بدري ماكنت احتجت لاي دوره لان مدونتك مدرسه كامله في فن الطبخ والابداع والله علي ماقول شهيد ويسلم راسك انتي واياديك بالنسبه لحلي الزبادي اولا بتطحني صندوق كامل بسكويت اولكر ويضيف ليهو 3 مك سمن بلدي ( عندنا هنا سمنة نجديه رووووعه زي سمنة السودان) وبضيف 5مك حليب سائل مخلوط بتلاته ملاعق كبار حليب بودره بعجن البسكويت ده لمن يبقي قوامها زي قوام الفول المسحون وببططها في الصينيه( دي طبقه اولي)
الطبقه التانيه علبة زبادي +2كوب حليب بودره+ نصف كوب سكر مطحون وبخلطو بخلاط العصير وبخته من فوق للطبقه الاولي وبدخلو الفرن من فوق ياخد 5 دقائق اول مايجمد بطلعو من الفرن بس حاسبي مايحرق
الطبقه التالته 2ظرف كريم كراميل +2كوب حليب سائل + 5مك حليب بودره + علبة قشطه+ مك نسكافيه ديل كلهم بخلطهم بالخلاطه وبختهم في النار اول ماتغلي بكبها براحه علي الطبقه التالته وبدخلا التلاجه بتجمد سريع وقطيعها مربعات وبالعافيه عليكم

رد
- simsimaya, on مايو 9, 2010 at 9:10 ص said:
  
  ام اماسي علبة الزبادي قدر شنو؟
  
  رد
ام اماسي, on مايو 6, 2010 at 8:40 م said:

الله يعينك عزيزتي ام ساره معليش دخلت النت متاخره لاني امس كنت مساهره لصباح اليوم ابني عمره سته شهور تاعبني شديد بنوم النهار كلو وبساهر بي بالليل ربنا يعين
كيف الاخبار مع تجهيزات العزومه والله قلوبنا معاك لكن ماشاءالله شايفاك ظبتي الامور وشكلك ست بيت رهييه 000و زي ماقالت سمسمايه ياريت لو كنا جنبك كان ساعدناك وبألف هناء وعافيه عليك وعلي ضيوفك

رد
ام ساره, on مايو 8, 2010 at 11:36 ص said:

واللة كنت ست بيت فاشلة اول من جيت السعودية عمرى19سنة حتى الارز الابيض بسأل كيف بعملو ههههه لكن هسى الحمدللة كنت قبل شهر بنسبة60% لكن بعد وجود سمسماية النسبة بقت 90% والباقى دا لليد الطاعمة لكن العزومه بائت بالنجااااااااااااااح والحمدللة كان قل شى رهييييييييييييييييييييب التحلية فى العشاء عملت حلا الضمنة قريب من حقك دا حلى الزبادى واكيد بجربة وصفتة رائعة شكرا ليك

رد
- simsimaya, on مايو 8, 2010 at 12:39 م said:
  
  الحمد لله يا ام سارة
  قلبي كان معاك والله
  لكن بتكوني مهدودة ارتاحي وتعالي احكي لينا بالتفصيل
  
  ننتظرك
  
  رد
ام ساره, on مايو 8, 2010 at 12:08 م said:

بسكويت اولكر
زبده
2قشطه
نص علبة حليب محلى نستله
بيضه
فانيليا
نصف كاس تمر
ملعقه نسكافيه
4كيري
3ملاعق حليب بودره
نصف كاس سكر

الطريقه .

الطبقه الاولى

بسكويت مطحون + زبده + شوي ماء
نفردها بالصينيه بهذا الشكل

الطبقه الثانيه
قشطه + حليب محلى نستله + بيضه فانيليا + نصف كاس تمر ( 10حبات )
ملعقه نسكافيه

نخلط الطبقه الثانيه بالخلاط وتصير بهالشكل

ونحطها فوق الطبقه الاولى وتدخل الفرن

من تحت مده ربع ساعه ومن فوق حتى تجمد

الطبقه الثالثه

علبه قشطه + 4كيري + 3ملاعق حليب بودره + نصف كاس سكر

هنا السروالبطوله تحطين شي بسيط من هذي الخلطه على الوجه

والباقي تغمقينه بشوي نسكافيه او كاكاو بودره

وتنقطين على الوجه

وكل شوي تزيدين النسكافيه او الكاكاو وتشكلين في التنقيط زي جلد النمر
مره غامق ومره فاتح ومره كبيره ومره صغيره

وتستعملين ملعقه صغيره
في التنقيط

وبعدين تدخلينها الفرن

لاتولعين الفرن خليه على حرارتة بعد الطبقه الثانيه

ويوضع في الثلاجه حتى يبرد

رد
ام ساره, on مايو 8, 2010 at 12:10 م said:

دا حلا جلد النمر طعمة جميل جدا وجدتة فى احدى المنتديات للامانة

رد
ام ساره, on مايو 8, 2010 at 1:03 م said:

حلى الضومنه

الطريقه :

1-في صينيه صفي بسكوت أولكر مغمس في حليب سايل

2- اخلطي كأسين حليب بودرة محموس + علبة قشطه + باكيت كريم كراميل + أصبع زبده مذوبه ع النار + نصف كأس سكر بودره في الخلاط

3- ضعي نصف الخلطه على البسكوت وافرديها عليه

4- صفي طبقة ثانيه بسكوت مغمس بالحليب

5- ضعي النصف المتبقي من الخليط فوق البسكوت

6- في الخلاط 8 حبات جبن كيري + ثلاث أرباع علبة حليب مركز نستله ثم يسكب على الصينيه
7- دخليها الفرن بشرط يكون حار جداً ثم أطفئي الفرن واتركيها ثلث ساعة اواقل فقط لتتماسك
8- قطعيها بشكل مستطيل بحجم حجر الدومينو

9- ارسمي بالشوكلاته السائله ( هيرشي ) خط بنص المستطيل ونقط على الجوانب بواسطة عود خلال عشان يكون نحيف ومضبوط

واذا ماعندك شوكلاته هيرشي اخلطي ملعقة قشطه مع كاكاو بودره لين يصير لونها غامق وارسمي بالعود

وتوضع فى الثلاجة حتى تتماسك وبالهناء امس كان شكلها جنااااااااااااااااان

رد
ام ساره, on مايو 8, 2010 at 2:22 م said:

واللة رجلينى مورمات من الوقفة لكن كل بستاهل الوقفة ونظرة ضيوفك بالانبساط دى براها بتروح التعب ياستى الغداء كان سلج وشمار مع الكسرة دا الصحن الاساسى طبعا الكسرة من برة عشان مابعرف اعوس ودجاج محمر بالفرن كلو افخاذ طلع شغل جامد الطم جميل وطلع ناشف وصنية سمك فلى بالصلصة ومعاها زبيب وفلفلية الوان وبصل شرائح وطماطم شرائح وجزر وبازيلا دى كانت حاااااااااااجة وسلطة خضراء مشكلة ومحشى خضار مشكل وقيمة بطاطس والتحلية بطيخ وشمام والمشروب سفن اب

رد
ام ساره, on مايو 8, 2010 at 2:24 م said:

ناس الغداء قالوا تانى عشاء مابنتعشى مليانين فل وقالو اكيد بنكرر الزيارة

رد
ام ساره, on مايو 8, 2010 at 2:32 م said:

اما العشاء فول وطعمية وعريكة بعملها فى البيت طلعت جناااااان وبيض مسلوق وجبنة شرائح وزيتون اسود كلو فى صحن واحد ومينى بيتزا فى سرويس وفطيرة باللحمة واحدة بالجبنة السائلة ديل الاثنين فى صحن وسمك محمر بالفرن حق السمسم طلع حاجة لاتوصف كلهم عجبهم والحلى عملت العريكة مع حلا الضومنة وصحن مطبق بالبيض مالح والمشروب كولا والاطفال سن توب وبعد الانبساط طلبو منى اسم الموقع حق سمسماية

رد
ام ساره, on مايو 8, 2010 at 2:32 م said:

فى النهاية بقول شكرا شكرا شكرا

رد
- simsimaya, on مايو 8, 2010 at 7:19 م said:
  
  يا ستي لا شكر علي واجب كلنا اخوات
  لازم نمد ايدينا لبعضنا
  وكدا كدا كسبانينا خبرات من بعضنا
  لك لك الود اختي الصغري
  
  رد
ام اماسي, on مايو 8, 2010 at 6:05 م said:

يالله يام ساره شكلك تعبتي شدييييد والله قلبي كان معاك ودعيت 000لكن ماشاءالله اختيارك للاصناف كان جميل واكيد الطعم كان احلي00 وسلامة رجليك اغسليهم بمويه داااااافيه وامسحيهم بزيـت زيتون وانشاءالله ماتشوفي الم يارب000معليش ياعزيزتي عايزه طربقة العريكه وتسللللمي

رد
- simsimaya, on مايو 8, 2010 at 7:21 م said:
  
  ام اماسي ما شفتي الصفحة الجديد
  شرح وتوضيح
  شوفيها انت وام سارة
  وانتظر رأيكم
  
  رد
ام اماسي, on مايو 8, 2010 at 8:03 م said:

تحياتي سمسمايه ماشفت الصفحه الجديده !!!!
وريني ليها وين
ومشكوووووره

رد
ام ساره, on مايو 8, 2010 at 8:06 م said:

انا رغم عيونى المزغللة اول من فتحت شفت الصفحة شرح وتوضيح بصراحة فكرة جميلة جدا وياأم اماسى العريكة من عيونى تستاهلى كل خير والليلة باركى لية صاحبت الكاسترد والنشأ عملت الفطير حق سمسماية وم كاسترد وم ك نشا واللة طلع حاجة مابتتوصف تسلم ايدينكم وناشف ومقرمش واللون اصفر جميل وطرحت العجينة لحدى مابقت ذى الشاش وبطرحة بالزيت والتقطيع بحبة يكون عشوائى بدينى احساس فطير العرس

رد
ام اماسي, on مايو 8, 2010 at 8:16 م said:

ياااااه ام ساره اخيرا عملتي النشا والكاستر مبروووووك علي وعلي وانشاءالله اديك وصفات رهيبه وتطبقيها بس بالنشا والكاستر ههههه ووصفاتك بتاعة الحلي رائعه انشاءالله بجربهم وكمان اناعملت مشبك سمسمايه في الاول القوالب جننوني جن لكن جبت قوالب اصليه وطلع تحفه لكن زدت ليهو ملعقه كبيره كاستر و2 مك نشا + 3مك دقيق كويتي وطلع عجيييييب ولازم تاكلي لي معاك من فطيرك الحلو زي ستو (ام ساره)وسلااااااام ليكم كتيييير

رد
ام اماسي, on مايو 8, 2010 at 8:21 م said:

قريبا يا سمسمايه بنزل ليك صور تطبيقاتي
واليوم عملت في الغداء صينية البطاطس بالقشطه سبحان الله طلعت شئ عجيب ربنا يحفظ اياديك من كل شر

رد
ام اماسي, on مايو 8, 2010 at 8:30 م said:

يااااااه سمسمايه شفت الصفحه الجديده والله العظيم العبره خنقتني من الفرحه ومن اهتمامك بالرد علي اسئلتنا
واشكرك من قلبي علي توضيحك لي للف الفطيره لاني كنت بتمني من زمان اعرف طريقتها وبطبقها باذن الله وبنزل ليك الصور في الفيس بوك ويارب يجعل ليك كل ماتقدميهو لينا في ميزان حسناتك يااااااااااااااااااااااااااااااااااارب

رد
ام ساره, on مايو 8, 2010 at 8:32 م said:

العريكة
المقادير…

دقيق بر + ماء+ملح+2م زيت

جبنة تشيدر..قشطة التاج البيضاء عشان سائلة شوية ..عسل… سمن نباتي..او بري…تمر ..سكر مطحون…

الطريقة تعجني الدقيق مع الماء والملح على حسب الكمية اللي تبغينها وتكون عجينة حتى تفك من اليد ضيفى 2م زيت
اتركيها ترتاح نصف ساعة وبعدين افرديها
تحطين الطاوة على النار وتحطين شوي سمن بري وتحطين العجينه وتفردين العجينة بالنشاب تكون ماخفيفة شديد وماتخينة وسط وتحمر بالطوة وزيت التحمير مسح فقط بالمنديل تحمر بالجهتين

يعني تصير مثل القراصة واذا استوى تقلبينه وتحمرينه شوي وتحطينه بصحن…

وهكذا حتى الانتهاء من الكميه…

بعد كذا نقطع الاقراص ونحطها بالمفرمه حقت الخضار…وكل قرص حطي له خمسة تمرات عجوة لانو مفرمة اللحمة بتكون عجين عجين لكن محضرة الطعام بتخليها ناشفة ومندمجة مع البلح

بعد ماتفرمين الكمية كاملة حطيها بصينيه ورشي عليها السكر المطحون حسب الرغبة بس البلح بطعمها

وزيدي ملعقة سمن او على حسب الرغبة لو ما تبغيها دسمة…

وتحطين الصينية على النار وتحركين حتى تصير حارة..

خذي صحن التقديم ولازم يكون عميق شوي وحطي طبقة من العريكة ثم طبقة من القشطة

ثم طبيقة من الجبنة المبشورة ثم بالملعقة شوي عسل زي الخطوط…

بالترتيب…

بعد كذا نحط طبقة ثانية من العريكة ثم القشطة ثم الجبنة ثم العسل هكذا حتى تنتهي الكمية…

الشكل النهائي لها….انا بعمل طبقة واحدة ومابضيف سكر للعريكة عشان فيها بلح وفيها عسل عشان كدا مافى داعى للسكر اتمنى يكون الشرح كافى واذا حابة المعصوب انا حاضرة

رد
ام اماسي, on مايو 8, 2010 at 8:40 م said:

ياسلام عليك ياسلام عليك ياسلام عليك ياسلام عليك ياسمسمايه للمره التانيه بشكرك لاهتمامك بالرد علي اسئلتنا وطريقة شرحك للف الفطائر ماشاءالله واااااضحه جدا وياريت ربنا يقدرنا علي جزاك

رد
ام ساره, on مايو 8, 2010 at 8:47 م said:

بصراحة للعزومة الافكار كانت كتيرة لكن الوقت ضيق شديد اها ياأم أماسى العريكة واضحة انا زمان مدمنة على شراها من برة هى والمعصوب وفطيرة البيض والمطبق لكن الحمدللة هسى كلو محلى

رد
ام اماسي, on مايو 8, 2010 at 8:51 م said:

مشكوووووووره ام ساره شهيتيني (تم الحفظ) طعمها قبل مااجربها تذوقته وانشاءالله بجربها وبنزل ليكم الصور قريب باذن الله 0000 وياسلام المعصوب انا بموووت فيهو ومجننه ابو العيال بيهو كتييير بجيبو لي من محل قريب لينا لكن زاد وزني بصوره رهيبه ومع ذلك ماخليتو وياريت تديني طريقتو وتسلمي ياغاليه

رد
ام اماسي, on مايو 8, 2010 at 8:55 م said:

معليش يا ام ساره عايزه مقادير العريكه بالكوب عشان 2مك زيت لازم يكون معاها مقدار معين من الدقيق والماء وشكرا لاهتمامك

رد
ام ساره, on مايو 8, 2010 at 8:56 م said:

ياسمية المشبك تعب الناس معاهو اختى فى السودان قال لية بضع القالب فى الزيت الحار وبعدين العجين بس العجين مابمسك فى القالب نوع القالب حقك شنو

رد
- simsimaya, on مايو 9, 2010 at 8:57 ص said:
  
  المشكلة ما في القالب بيكون زيتها سخن شديد
  بس تطلع القالب تستني شوية مثلا 10 ثواني وتدخلو في العجين
  لانو لما يكون حار بينزل العجين من القالب
  خليها تجرب
  
  رد
ام ساره, on مايو 8, 2010 at 8:58 م said:

الدقيق 2ك والملح طاعم ذى اللقيمات

رد
ام ساره, on مايو 8, 2010 at 9:11 م said:

الماء لحدى ماتفك العجينة منك انا بكرة بعملها 2ك دقيق وبوريكى بتعمل كم قراصة عشان كلو يكون تمام والمعصوب انا حاضرة بكرة بدخل 9صباحا بنزلة ليكى وانا منتظرة ابداعاتك انتى وسمسمة انا بعمل الدقيق الابيض مابحب الاسمر فى العريكة والاختيار راجع ليكى

رد
ام اماسي, on مايو 8, 2010 at 10:09 م said:

الله عليك يارائعه تسلمي لي انشاءالله ياام ساره وانا كمان بكره بجربها وبوريك النتيجه وفي انتظار وصفة المعصوب واكرر شكريييييييييي وتقديري وانا كذلك منتظره ابداعاتكم انتي وسمسمايه واكيييد انا كمان كل مااملك من جديد ووصفات بوريكم ليها علي طوووول وتستاهلو ياستات البنات

رد
ام اماسي, on مايو 9, 2010 at 12:35 ص said:

http://www.bigoven.com/159713-Best-Ever-Blueberry-Coffee-Cake-recipe.html

رد
ام اماسي, on مايو 9, 2010 at 12:37 ص said:

رد
ام اماسي, on مايو 9, 2010 at 12:43 ص said:

شوفي ياسمسمايه الوصفات دي جربت منها وصفات كتيره وعجبتني خاصه البان كيك معليش الرابط التاني فيهو الوصفات كلها اما الاول فهو جزء من التاني ناسف للخطا المطبعي ههههه وعندي ليك الكتير والكتير من الوصفات بس ياريت تحاولي تجربي لينا منها وتسلمي لينا

رد
ام اماسي, on مايو 9, 2010 at 12:52 ص said:

وده رابط الكيك ولو طبقتيها بالاكواب والملاعق المعياريه وااااااو رهييييبه

رد
ام اماسي, on مايو 9, 2010 at 12:55 ص said:

وكمان الرابط ده وادعي لي

رد
ام اماسي, on مايو 9, 2010 at 1:08 ص said:

و في الرابط الاخير ادخلي علي more وشوفي حلاوة الوصفات وبساطة الشرح وياريييييييييت نشوف تطبيقاتك ويسلمو هالايادي الطيبين

رد
ام اماسي, on مايو 9, 2010 at 1:14 ص said:

وكمان ادخلي علي صفحة الصور في قوقل علي
(custard or flan cake )فيها وصفات قدرة قادر بطعم فظييييع وشكل سبحان الله 000 جربي واديني رايك 000مع تحياتي

رد
ام اماسي, on مايو 9, 2010 at 1:38 ص said:

وقدرة قادر البسويها دايما وبتزبط معاي علي الرابط ده
بس عدلت فيها شويه حليب البودره بدل كاس ونصف عملت 2ك والماء واحد ونص كوب اما الكيكه بزيدها 3 مك زبادي وبذيد الدقيق 3مك جربيها واديني النتيجه

رد
ام اماسي, on مايو 9, 2010 at 1:55 ص said:

وشوفي كمان الرابط ده وحاولي اعمليهو لينا انا بعملو بطريقة شذي 2004 وبطلع رهييييب بس بنفس طريقة علب القشطه وممكن تستغني عن الجيلاتين واستعملي الجلي العادي بالنكهات وبطلع احلي وعايزه اسالك ياسمسمايه الجلاتين الورق متوفر عندنا في السودان ولا مامتوفر
عموما ده الرابطhttp://forum.hawaaworld.com/showthread.php?p=44778516#post44778516

رد
ام اماسي, on مايو 9, 2010 at 9:59 ص said:

وكمان الرابط ده فيهو وصفات حلوه جدا وانا مجرباها خاصه كيكة الكريم كراميل
ياريت تشاهدي وصفات الفيديو وتطبقي لينا منها
/

رد
- simsimaya, on مايو 9, 2010 at 10:44 ص said:
  
  الاتصار بطيئ ما فتح معاي لكن بحاولو مرة تانية
  
  رد
- simsimaya, on مايو 9, 2010 at 10:45 ص said:
  
  الاتصال بطيئ
  ما فتح معاي لكن بحاولو مرة تانية
  
  رد
ام اماسي, on مايو 9, 2010 at 10:06 ص said:

ومن وصفات الفيديو دي عملت Vanilla Chiffon Cake وطلعت تححححححححححفه عملتها بالدقيق الكويتي لانو ماكان عندي خليط الكيك جربيها واديني رايك وتحياتي

رد
simsimaya, on مايو 9, 2010 at 10:38 ص said:

عندي وصفة ليها ناوية اعملها والله
نشوفها زي وصفتي ؟

رد
ام اماسي, on مايو 9, 2010 at 10:53 ص said:

خسااااره ياسمسمه مع اني بسمع انو في السودان سرعة الاتصال رهيبه جدا حاولي وياريت يفتح معاك 000 قصدك رابط الفيديو ولا كل الروابط

رد
- simsimaya, on مايو 9, 2010 at 12:07 م said:
  
  رابط الفديو ام اماسي
  
  رد
ام اماسي, on مايو 9, 2010 at 11:09 ص said:

طيب ادخلي علي قوقل ( big oven recipes) دي فيها وصفات الكيك والخبز روووووعه

رد
ام ساره, on مايو 9, 2010 at 11:13 ص said:

صباح الخيرات ياحلوات الليلة شايفاكم داخلين الصباح

رد
- simsimaya, on مايو 9, 2010 at 12:25 م said:
  
  الليلة انا ما مشيت الشغل
  شوية تعب كدا
  
  رد
ام ساره, on مايو 9, 2010 at 11:21 ص said:

واللة حلو الواحد يفتح باب التعليق على الاكلات السابقة ببغى كأنو تذكير بالحاجة هسى كرات الحليب دى قريتها زمان لكن الليلةكأنى اول مرة اشوفها والجميل فيها كل المكونات عندى فى البيت بعملها هسى وبعدين بديكم خبر

رد
ام اماسي, on مايو 9, 2010 at 11:42 ص said:

احلي صباح لاحلي ام ساره وياريت تعمليها وتشوفي روعتها بس حاسبي تقليها علي نار هااااادئه و الزيت لااااااااااااازم يكون داااااااافئ ماحار لانها بتحرق سريع ولو نجحتي في طريقة القلي بتكون تحفه وانشاءالله تظبت معاك

رد
ام ساره, on مايو 9, 2010 at 12:04 م said:

النصيحة جات متأخرة ههههههههههه انا حتى عملتها وتذوقتها رهيبة لكن دسمة شديد وانا بخاف من السكرى لانو عندنا بالوراثة خليتها لبكرة بأكلها لانو باقى الفطير لسة قاعد بعد يكمل ماعايزة اكتلر فى الاطايب وماتنسى الليلة بعمل عريكة بس ربنا يبعد عننا الامراض

رد
ام ساره, on مايو 9, 2010 at 12:20 م said:

ياسمسماية انا بطبعى سكرية شديد بس المشكلة ابو العيال مالح شديد يعنى عايزة اهتم بموضوعة شويه عايزين الاقشى ضرورى لاننا بنحبو شديد والكوارع وام فتفت وشية الجمر يعنى كل الاطايب والكباب ياريت كل ماتلقى فرصة جربى لينا واحدة واللة بكون ممنونة

رد
ام ساره, on مايو 9, 2010 at 1:26 م said:

سلامات ماتشوفى شر وصباحك عسل انشاءاللة

رد
- simsimaya, on مايو 9, 2010 at 11:05 م said:
  
  ربي يسلمك غاليتي
  
  رد
ام اماسي, on مايو 9, 2010 at 3:47 م said:

ماشاءالله عليك جربتيها حار حار 000بالهناء علي العائله
واكيد الحلي دسم شديد لكن انا مابقدر اقاومه لما اعملو كل ماادخل المطبخ اشيل لي واحده وكلما اجي طالعه من المطبخ كمان اشيل لي اتنين حمانا الله واياكم من السكري نحن برضو العائله كلها سكري لكن انشاءالله ربنا يحمينا جميعا من شره

رد
ام اماسي, on مايو 9, 2010 at 3:51 م said:

سلامتك سمسمايه 00ربنا يحميك من كل شر ويشيل منك التعب وسلااااااااااامتك

رد
- simsimaya, on مايو 9, 2010 at 11:13 م said:
  
  شكرا ليكم شباب ان شاء الله تسأل منكم العافية
  
  رد
ام ساره, on مايو 9, 2010 at 8:52 م said:

اها ياأم أماسى انشاءاللة عملتى العريكة انا ماعملتها لانو جابو لية قشطة نوع جامد مابنفع الا التاج لكن بكرة بعملها اذا المكونات جات كاملة

رد
ام اماسي, on مايو 10, 2010 at 1:59 ص said:

هلا ام ساره بالنسبه للعريكه ماعملتها اليوم لاني كنت مشغوله جدا بكره بأذن الله بسويها وبوريك النتيجه

رد
ام ساره, on مايو 10, 2010 at 12:10 م said:

فى موضوع عجبنى جدا حابة انقلوا ليكم عن الريحة السودانية بوصف دقيق جدا

رد
ام ساره, on مايو 10, 2010 at 12:22 م said:

بصراحة انا اسفة جدا ذى مابتقول أم اماسى خطأ مطبعى الكلام الفوق دا مامع الموضوع اذا فى طريقة امسح الجزء الفوق قولوا لحدى مواقف طريفة دى دايره امسح لانى عايزة الموضوع المهم طريقة العمل انا بكرر اسفى جات عفوا ياسمسماية اتصرفى امسحى الكلام الفوق ولا خلاص الفاس وقع فى الرأس

رد
ام ساره, on مايو 10, 2010 at 12:28 م said:

اذا فى طريقة امسحى الموضوع كلة وانا بنزلة من جديد بطريقة مهذبة شوية اكون ممنونة

رد
- simsimaya, on مايو 10, 2010 at 5:07 م said:
  
  اهلا ام سارة
  مسحت الموضوع لكن بعد قريتو كويس
  انت طبعا عارفة ما عندي في شغلة الريحة دي اكل ساي
  لكن ممكن تنزليه في سودانية نجيضة علي الفيس البوك بهتمو بالحاجات دي
  عندك حساب في الفيس؟ لو ما عندك اعملي لانو ح تستفيدي من القروبات ما شاء الله نسوان نجيضااات بهناك اي شي عارفاتنو
  http://www.facebook.com/group.php?gid=112342265445904
  ولا أقول ليك
  لو حقو اعمل ليكن صفحة اسميها استراحة مطبخ سمسماية
  
  رد
ام ساره, on مايو 10, 2010 at 6:26 م said:

واللة ريحتينى راحة لانى كنت بظلل فى الموضوع وبنتى فى رجلينى وتدوس بالرجلين واليدين لمن رسلتة وقريت الموضوع وجهى بغى ذى الطماطم لكن الحمدللة الموضوع عدا على خير بكرر خالص شكرى

رد
ام ساره, on مايو 10, 2010 at 7:04 م said:

ياسمية حنين المهيرة دا لمن افتحوا الماوس نهائيا مابتحرك انتى بفتح معاكى اى موقع ادخلة الماوس تمام ماعدا حنين المهيرة ماعارفة السبب شنو

رد
- simsimaya, on مايو 10, 2010 at 8:57 م said:
  
  سلااااام كبير لاحلي ناس
  احتمال لانه تقيل شوية
  اصبري عليه بيفتح رااااائع والله
  
  رد
simsimaya, on مايو 10, 2010 at 8:59 م said:

وينك يا ام اماسي اليوم
ان شاء الله خير

رد
ام ساره, on مايو 10, 2010 at 11:36 م said:

والله انا كمان فقدتها انشاءاللة خير

رد
ام ساره, on مايو 10, 2010 at 11:38 م said:

انشاءاللة بجرب افتحة تانى شكرا على الاهتمام

رد
ام اماسي, on مايو 10, 2010 at 11:39 م said:

سلام لناس بلدي الحنان واولهم اختي العزيزه والردتها قبل اشوفا سمسمايه تسأل عليك العافيه انشاءالله — موجوووووده والله لكن مشغوله كتييير -كيفك سمسمايه من التعب انشاءالله اليوم احسن- وتحيه لام ساره وكل ناس السودان

رد
ام اماسي, on مايو 10, 2010 at 11:50 م said:

سبحان الله يام ساره انا برضو ولدي عمره 6شهور وطبعا علي طووول في رجليني ورجلينه تخبط في الكي بورد ربنا يحفظهم ويرعاههم وياااااااااااااااارب سمسمايه يرزقك بالذريه الصالحه

رد
ام اماسي, on مايو 11, 2010 at 10:03 ص said:

صباحك عسل سمسمايه000معليش سمسمايه كان مفروض استأذنك قبل ما اضع ليك الروابط000بس لاني بقدرك حبيت اديك بعض من اسرار وصفاتي 00 عموما لو في مشكله بتجيك من وضع الروابط ومن غير مجامله ياريت توريني 000 لانو عندي ليك مواقع وااااااو بتمني تشوفيها وتطبقي لينا منها

رد
ام ساره, on مايو 11, 2010 at 10:14 ص said:

اكيد انتى مافاهمة القصة امس انا كنت منزلة موضوع عن الريحة السودانية وسيد الموضوع مخرم حبتين فى الموضوع وانا قلت بنقل المفيد وبمسح الخريم لكن للاسف نزل كلو بي خريمة لكن الحمدللة سمسماية لحقت الموضوع يعنى ماموضوع روابط ههههههههههههههه

رد
ام ساره, on مايو 11, 2010 at 10:30 ص said:

ياأم اماسى الروابط حقتك كلها بEnglishوانا الانجليزى حقى تعباااااااااااااااااااان بس بقيت اتفرج فى الصور شى فهمتو وشى مافهمتو ياريت لو جربتى حاجة تترجمى لينا ومنكم نستفيد

رد
ام ساره, on مايو 11, 2010 at 10:52 ص said:

h

رد
ام ساره, on مايو 11, 2010 at 10:54 ص said:

ياريت تترجمى لية البسكويت دا شكلو بشهى اكون ممنونة

رد
ام اماسي, on مايو 11, 2010 at 2:19 م said:

ههههههههههههه والله ياام ساره موتيني من الضحك شكلك لذيذه خاااااااااالص 00 لكن ياعسل موضوع الاذن بتاعي ده ماعندو علاقه بموضوع الريحه بس انا حبيت اخد الاذن من سمسمايه لانو صفحاتها دي مخصصه للتعليقات فقط عموما تسلمي عزيزتي وحاااااااضر من عيوني حاترجم ليك 000 وتسلمي وتسلم ليك ساره

رد
ام اماسي, on مايو 11, 2010 at 2:33 م said:

ام ساره العسل في السطر التاسع من الصفحه ادخلي علي المكتوب بالاحمر (pumpikin sandwish cookies )( كعكات ساندوتش القرع ) ادخلي عليهو وبتلقي المقادير

رد
ام اماسي, on مايو 11, 2010 at 2:45 م said:

والرابط بتاع المقادير والطريقه ده لو دخلتي عليهو من recipes and meal ideasبتلقي عاااااالم من الوصفات الرهيبه ولو طبقتيها بتكونب زي نرمين هنو بتاعة قناة فتافيت ههههههههه وياريييييت نكون زيها 0000

رد
ام اماسي, on مايو 11, 2010 at 2:51 م said:

وده واحد منهم بالمناسبه اول وصفه للكيك بتشبه المبشوره بتاعتك وبمقادير روووووووعه انا شويه شويه بترجم ليك لكن لاااااااازم تجيبي الاكواب والملاعق القياسيه صدقيني لو طبقتيها بالمقاييس الوصفات بتطلع ليك ذي ماهي رووووووعه

رد
ام اماسي, on مايو 11, 2010 at 3:13 م said:

المقادير\ 2ونصف كوب دقيق لكل الاستعمالات+ملعقة شاي كربونات الصوديوم+ م ش بهار قرع حار ( ده ممكن تستغني عنه)+ نصف م ش باكنج باودر+نصف م ش ملح+ كوب سكر بني ( ممكن ابيض)+نصف كوب زبده+ نصف علبه قرع مهروس ( بنلقاهو في علب جاهز في السوبر ماركت وممكن تستغني عنه وتعملي لب المانجو او لب البرتقال+ربع كوب حليب+بيضه+م ش فانيليا
للحشو\ جبن كريمي طري+ 2مط زبده+ م ش قرفه+مش فانيليا + 4ك سكر بودره والطريقه عندك بالصور 0000 الوصفه دي ياأم ساره غريبه شويه لكن في وصفات اسهل بكتييير في نفس الموقع وموادها متوفره المهم جربي واديني النتيجه

رد
ام اماسي, on مايو 11, 2010 at 3:24 م said:

سمسمايه شوفي الرابط ده 000 حااااااجه روووعه

رد
ام اماسي, on مايو 11, 2010 at 3:26 م said:

معليييييش خطا مطبعي الرابط ده
h

رد
ام اماسي, on مايو 11, 2010 at 3:31 م said:

الليله ياسمسمايه انتي وام ساره عازماكم شاي بالكيكه دي

رد
- simsimaya, on مايو 11, 2010 at 7:50 م said:
  
  شكررررررررررررررا ام اماسي علي الحاجات الحلوة
  والعزومة مقبولة
  انتظرينا
  امر علي ام سارة ونجي عليك
  هههههههههههه
  
  مودتي
  
  رد
ام اماسي, on مايو 11, 2010 at 8:24 م said:

سلاااااام لاحلي سمسمايه 00 تشرفو كتييييير واشيلكم في راسي ويارب تجمعنا في يوم من الايام 000 لاشكر علي واجب وتستاهلي كل خير 0000 سمسمايه نفسي في ملاح الويكاب ومابعرف اعملو ياريت تعمليهو لينا قدر ما امي علمتني ليهو ماظبتو 000 واكيييد لو عملتيهو لينا حايظبط معاي وتحياتي

رد
ام ساره, on مايو 11, 2010 at 8:37 م said:

اهلييييييييييييين وسهلين كيف اخباركم معليش النت عندنا واحد ناس البيت بالتناوب يادووووووووووووووب دورى جاء والعزومه وصلت بس منتظرة سمسماية تجى لكن شكلها راكبة الطيارة السودانية ههههههه طبعا كالعادة مواعيدها مامظبوطة لكن مامشكلة ختى لينا حقنا فى الثلاجة

رد
ام اماسي, on مايو 12, 2010 at 1:00 ص said:

ههههههههههههه لما اشوف تعليقك ياام ساره بضحك لما بطني بتوجعني 000 الله يديك العافيه رجعتي لينا الضحكه من جديد والله مع الغربه والعيال والمسئوليه نسينا الضحك زاتو000 وسمسمايه شكلها حتجينا بعد اسبوع تركب في طياره وتنزل من طياره لانو نص الطيارات كلها معطله وماتنسي الطاقم علي طوووول في حالة نوووووووم ولما ويصحو يلقو مواعيد الاقلاع فااااااتت0000 غايتو باكل الكيكه ولما تصلوني بعمل ليكم كيكه تانيه و00

رد
ام اماسي, on مايو 12, 2010 at 1:06 ص said:

بالمناسبه ياسمسمايه المدونه دي كمان استفدت منها كتيير احتمال تكون مرت شوفيها وبتستفيدو منها وانتي كمان ياعزيزتي ام ساره شوفيها وورينا اكلاتك منها
http://w9faat.com/?p=11179

رد
ام اماسي, on مايو 12, 2010 at 1:16 ص said:

بالمناسبه ياام ساره انا بحب الفطير المشلتت شديد وبعملو طوالي لاولادي وبنشرب بيهو الشاي الاحمر بالنعناع طبعا في المخابز موجود ورخيص لكن الزبده فيهو واااااااع بالكيلو عشان كده بعملو في البيت جربي وصفة وصفات دي رهيييييبه واتخيل لي ممكن تتفتت وتعملي بيها العريكه و بتطلع رهيبه جربيها واحكمي
http://w9faat.com/?p=10638

رد
ام اماسي, on مايو 12, 2010 at 2:30 ص said:

وكمان استفدت من الموقع ده
http://www.cookingcafe.net/?Plink=sec&Itemid=46

رد
ام ساره, on مايو 12, 2010 at 10:28 ص said:

واللة الليلة ماقصرتى يأام أماسى اها دى المواقع التمام والفطير المشلتت دا من زمان حابة اعرفة واللة بقينا مصرين عديييييييييييييييييل ربنا يجعل ليك فى كل خطوة سلامة انشاءاللة وانشاءاللة دائما ضاحكة ومبسوطة انا من اسرة كوميدية خالص واكبر كوميديان فى البلد بكون لية صلة قرابة معاة ماعايزة افصح عن نفسى لكن تقدرى تقولى لينا باع كبير فى النكتة السودانية

رد
ام اماسي, on مايو 12, 2010 at 11:22 ص said:

ايوااااا اتاري روحك الحلوه دي ماساي خفة الدم دي جاريه في العروق بالوراثه ربنا يخليك ويحفظك وانشاءالله ترسمي الضحكه دائما في وجوه كل الناس ويارب السعاده والضحكه ماتفارق بيتك وتستاهلي ياخيتي اديك عيوني 000 يالله جربي وادعي لينا

رد
ام ساره, on مايو 12, 2010 at 11:41 ص said:

http://w9faat.com/?p=11579

رد
ام ساره, on مايو 12, 2010 at 11:49 ص said:

ياأم أماسى دى تنفع للعريكة الفطيرة ذى دى تقطعى كل فطيرة واحدة مع خمسة بلحات وتفرمى بالمحضرة لين تبغى مبربحة وبتكون دراش وانتى طبعا شفتيها جاهزة دا بسهل عليكى عملها ونفس الخطوات للمعصوب وموز مهروس مع قليل من السكر البودرة هرس ناعم بالشوكة تختى الفطيرة المفرومة فى صحن التقديم وتلخبطى معاها الموز المهروس وعلبة قشطة التاج ويوزع فوقها عسل خطوط واذا حبيتى سمن يكون ساخن وفى لحظة التقديم نفسها عشان بجمد سريع وبالهناء

رد
ام ساره, on مايو 12, 2010 at 11:54 ص said:

تسلم عيونك ودا من زوقك ياالغالية فى الرابط الفوق دا شكل الفطيرة حقت العريكة والمعصوب وعايزة اسمع الاخبار تانى وفرى العشرة حقت المعصوب ههههههههه

رد
ام ساره, on مايو 12, 2010 at 2:23 م said:

لكن العجينة مافيها باكنج باور عشان ببغيها لينة كنت ببحث لقيت الفيديو دا موتنى منhttp://www.blue-nil.com/vb/youtube.php?do=viewdetails&videoid=23 الضحك

رد
ام ساره, on مايو 12, 2010 at 2:41 م said:

الرابط شكلو ماتمام اكتبى فى قوقل الميلوحة خواجية بجيك فيديو بموت من الضحك

رد
ام ساره, on مايو 12, 2010 at 2:44 م said:

واللة ياسمسماية صفحة الزوار بقت دايرة ليها ركشة عديل سفر سفرههههههههه

رد
- simsimaya, on مايو 12, 2010 at 7:00 م said:
  
  هههههههههههههه
  دي باااااااااااالغتي فيها
  كيفكم بالله
  ما شاء الله ام سارة وام اماسي اخر نشاط
  ربنا يديكم العافية
  يحفظ ليكم عيالكم وبيوتكم
  مودتي
  
  رد
ام ساره, on مايو 12, 2010 at 7:20 م said:

ربى يحفظك انشاءالله واللة بقينا نستنى الجمعة عشان تأجزى وتتواصل معانا لكن وفرى لينا حق الاجرة بتاع الركشة

رد
ام اماسي, on مايو 12, 2010 at 9:05 م said:

هههههههه الركشه يام ساره خفبفه بتنقلب لانو الصفحه كلها روابط ودقداق دي عايزه ليها بص عدييييل 000 بالنسبه للموقع مافتح معاي حتي في قوقل ماجاني000
ونفسي اعمل العريكه لكن الايام كسل شديد ناكل في الكبسه ساااااي من الرومانسيه للمثلوثه وبيت الشوايه وسلاااااام للغاليه سمسمايه ويحفظك انتي كمان يارب

رد
ام ساره, on مايو 12, 2010 at 9:51 م said:

واللة موتينى من الضحك سمسماية ماعارفة المغتربات ديل جنهم كلام انا كنت مسكينة الكلام تجر جر منى لكن هسى بعد الغربة بقيت مابصدق الاقى زول للونسة واقول يادايم الرحمن انا وانتى ياام اماسى برانا عايزين منتدى صفحة مابتعمل حاجة

رد
ام ساره, on مايو 12, 2010 at 9:59 م said:

ههههههههه واللة مبالغة عاوزة ارسل الرابط جاء اليوتيوب عدييييييييييييييييييل معناها الصفحة عايزة لورى بعد كدا

رد
ام اماسي, on مايو 13, 2010 at 9:52 ص said:

وانا كمان ياام ساره والله كان لما يجونا ضيوف بجري الغرفه علي طوول ومابطلع الا لما يمشو 00حتي ناس بيتنا مسميني الضيفه00 لكن سبحان الله بعد الزواج فكو وطار ربربه شديه 00رايك شنو نعمل لينا منتدي ونبيع سمسمايه وشوقتيني اشوف الموضوع لكن الرابط سكر معاي مررره

رد
ام ساره, on مايو 13, 2010 at 10:06 ص said:

صباح الخير على الجميع شكلك فاتحة ياام اماسى كان فاتحة برسل ليك الفيديو زاتو امس كان موجود لكن انمسح

رد
ام ساره, on مايو 13, 2010 at 10:13 ص said:

ام اماسى اكتبى فى قوقل الهيلاهوب ميلوحة خواجية بطلع ليك يوتيوب

رد
ام ساره, on مايو 13, 2010 at 10:20 ص said:

ياسمسماية طاب يومك واللة انا وام اماسى حارسين ليك المطبخ من الحراميةنسوط ساااااااااااااااااااى غايتو اللة يستر ماتزهجى مننا وتفوتى تخلية لينا واللة فاقدنك امس ماظهرتى عايزين ياستى الدونات والسويسرول اكون ممنونة

رد
- simsimaya, on مايو 13, 2010 at 5:43 م said:
  
  ام سارة وام اماسي
  مشتاااااااااااااااقة والله
  امس يا ستاتي النت قطع اشتراك مني
  وهسي داخلة بي نظام الساعة ما قدرت امشي اسدد
  بس ان شاء الله نتواصل
  والبيت بيتكم ولو يوم ما جيت بيكون لاني مشغولة بتعرفي ظروف السودان والمناسبات
  المهم زهج ما بزهج بس اوع انتو تكبو الزوغة
  
  مودتي
  
  رد
ام ساره, on مايو 13, 2010 at 7:14 م said:

لا لا لا ما بنزوق ودى معقولة مابتجى بعد اكرامك لينا دا واللة مابتستاهلى نظام الساعة الحكومة لو عارفاك بتقدمى اى خدمة للمرأة السودانية كان عملو خطك مجان ومفتوح على طول وانحنا قاعديييييييييييييييييييييييين حارسين المطبخ ماتشيلى هم

رد
ام اماسي, on مايو 13, 2010 at 10:08 م said:

سلااااااام لاحلي ناس سمسمه وام ساره 000مشتاقين والله بالاكتر 00اليوم والله وانا جالسه في الكمبيوتر جاني هبوط حاد وعلي اثره مشيت المستوصف شوية محاليل علي ادويه الحمدلله 00 بقيت احسن بس لسه في شوية تعب ودعواتكم

رد
- simsimaya, on مايو 13, 2010 at 11:49 م said:
  
  حمد لله علي السلامة
  ان شاء الله ما تشوفي شر يا غالية
  ان شاء الله مرض عاااااافية:)
  لازم ترتاحي يا ام اماسي
  
  ربنا يكتب السلامة
  
  رد
ام اماسي, on مايو 13, 2010 at 10:12 م said:

وبهدي ليكم خبز الدار روووعه والله انا بعملو بالدقيق العادي وبطلع لي مثل خبز الفوكاشيا هش وجميل
http://www.algeria.com/forums/cuisine-cuisine/6558-khobz-eddar.html

رد
ام اماسي, on مايو 13, 2010 at 10:47 م said:

شوفي ياسمسمايه الرابط ده ياريت لو يكون عندنا مطعم كبيييييييير زي ده بايدي سودانيه 000 والله عندنا في بلدنا نساء ماساهلات ممكن يقدمن الكثير لكن مافي زول شغال بيهن وده الرابط
http://alfrasha.maktoob.com/alfrasha31/thread1275351/

رد
ام اماسي, on مايو 14, 2010 at 2:53 ص said:

سمسمايه ياريت تعملي لينا الوصفه دي

http://video.about.com/candy/Candy-Cane-Fudge.htm الفيديو تقيل شويه لكن اصبري عليهو والله وصفه رووووووووعه ياريت تجربيها

رد
ام اماسي, on مايو 14, 2010 at 3:07 ص said:

الله يسلمك سمسمايه 000 والله قدر مااحاول ارتاح الاطفال مابريحوني ونومي يادوب من 4-5 ساعات في اليوم والله علي مااقول شهيد 00 الحمدلله علي كل حال 0000 التربيه حاااااره والمسئوليه كبيره جدا بس ربنا يقدرنا علي الصبر وتسلمي اختي من كل شر

رد
ام ساره, on مايو 14, 2010 at 11:47 ص said:

سلامات ياأم اماسى ماتشوفى شر فعلا الهبوط ناتج من عدم النوم انا هسى ماشة مهوية ودايما عندى هبوط لكن بعد احس بالهبوط بشرب عصير وبرتاح بكون احسن ربى يديك العافية ويخلى ليك اولادك وتحية خاصة للمعلمة سمسماية والليلة الجمعة منتظرين الجديد يامبدعة

رد
ام ساره, on مايو 14, 2010 at 11:49 ص said:

وياريت ترجمة الخبز بعد تتعافى انشاءاللة بالسلامة

رد
ام اماسي, on مايو 14, 2010 at 8:11 م said:

الله يسلمك ام ساره 000بالله انتي كمان داخله في نفس الدوامه الله يكون في عونك ويسهل علينا وعليك 0000بالنسبه لخبز الدار0000 المقادير كالتالي0000
كيلو دقيق سمولينا
بيضه
2 م ش خميره
م ط ملح
2م ط سمسم او حبه سوداء
ماء دافئ للعجن
الطريقه
ضعي كل المقادير مع بعض واعجني تمام مدة نصف ساعه
حتي تكون عندك عجينه ناعمه ثم قسميها ل3 والباقي عندك بالصور
بالمناسبه ياام ساره اديك المعلومه المهمممممممممممه دي وياريت تركزي معاي كويس وتفهميها اهم شئ اهم شئ اهم شئ اهم شئ اهم شئ في المعجنات طريقة العجن مهما كانت مقاديرك رهيبه ومضبوطه لو ماعجنتي كويييييييس معجناتك بتخرب وبتكون تقييييييله 000 طريقة العجن تطبقي العجينه في بعضها عشرات المرات عشان يدخل الهواء وهاك الرابط ده شوفي طريقة العجن وركزي كويس وياريت تشوفي كل الفيديوهات وتدرسي طريقة العجن براااااااحه وبتركيز شديد صدقيني لو عرفتي كيف تعجني حتنافسي المخابز الفخمه يالله شوفي
الله يسلمك ام ساره 000بالله انتي كمان داخله في نفس الدوامه الله يكون في عونك ويسهل علينا وعليك 0000بالنسبه لخبز الدار0000 المقادير كالتالي0000
كيلو دقيق سمولينا
بيضه
2 م ش خميره
م ط ملح
2م ط سمسم او حبه سوداء
ماء دافئ للعجن
الطريقه
ضعي كل المقادير مع بعض واعجني تمام مدة نصف ساعه
حتي تكون عندك عجينه ناعمه ثم قسميها ل3 والباقي عندك بالصور
بالمناسبه ياام ساره اديك المعلومه المهمممممممممممه دي وياريت تركزي معاي كويس وتفهميها اهم شئ اهم شئ اهم شئ اهم شئ اهم شئ في المعجنات طريقة العجن مهما كانت مقاديرك رهيبه ومضبوطه لو ماعجنتي كويييييييس معجناتك بتخرب وبتكون تقييييييله 000 طريقة العجن تطبقي العجينه في بعضها عشرات المرات عشان يدخل الهواء وهاك الرابط ده شوفي طريقة العجن وركزي كويس وياريت تشوفي كل الفيديوهات وتدرسي طريقة العجن براااااااحه وبتركيز شديد صدقيني لو عرفتي كيف تعجني حتنافسي المخابز الفخمه يالله شوفي

رد
ام اماسي, on مايو 14, 2010 at 8:19 م said:

معليش ياسمسمايه انا نزلت الرابط وظهر لي الفيديو فقط ممكن تشوفي الفيديو وتمسحيهو بعد ذلك000 بالنسبه لطريقة العجن في اليوتيوب اكتبي
HOW TO KNEAD DOUGH
عشان تشوفي كل الفيديوهات

رد
- simsimaya, on مايو 14, 2010 at 10:23 م said:
  
  شكرا اماسي علي الفيديو
  مفيد والله شديد
  الحمد لله طريقة العجن قريبة جدا لعجنهم
  بخلي الهواا يدخل
  عشان يكون خفيف
  زمان كانت الوالدة بتعمل لينا الخبز في البيت وتعلمت منها
  
  رد
ام اماسي, on مايو 14, 2010 at 8:45 م said:

ام ساره ركزي في طريقة العجن كويييييييس ولما بنتهي الشريط بتظهر كل الفيديوهات تحت شوفي كل فيديو براهو وركزي لحدي ماتعرفي طريقة العجن كويس 000 كمان العجن ده بفيدك في العيش البلدي بطلع ليك الخبز منفووووووخ وطري ولو رجعتي السودان ماحاتحتاجي تشتري خبز المخابز المسرطن حمانا الله واياكم 00ودعواتكم

رد
ام اماسي, on مايو 14, 2010 at 11:32 م said:

لا شكر علي واجب ياغاليه واكييييييييد طريقة العجن معروفه عندك لانو معجناتك ماشاءالله من شكلها قطننننن 00 ربنا يحفظك ويرعاك 000واللهم ارحم الوالده واغفر ليها وادخلها فسيح جناتك اميييين

رد
simsimaya, on مايو 15, 2010 at 12:01 ص said:

وينك يا ام سارة الليلة

رد
ام ساره, on مايو 15, 2010 at 12:30 ص said:

مشكوووووووووووووووووووووووووووووووووورة ياأماسى على النصيحة واكيد بركز وشكرا ياسمسماية على السؤال كنت فى زيارة لاحد الاقارب يادوووووووووووووووووووووووب جيت

رد
ام اماسي, on مايو 15, 2010 at 12:35 ص said:

افتقدناك شدييييييد ام ساره 000 لاشكر علي واجب وتستاهلي ياست الكل

رد
ام ساره, on مايو 15, 2010 at 12:40 ص said:

يابت العجن دا داير لية مرة شديدة ومانعة انا عظامى عظام فرخة لكن بجتهد

رد
ام اماسي, on مايو 15, 2010 at 2:55 ص said:

هههههههههه موتيني ياام ساره من الضحك 000 والله يام ساره تري انا جاده معاك العجن بقوي عضلات اليد 000 والله انا زاتي كنت زيك يدي لو هبشته بيها ساي واحد من اولادي بتوجعني يوم كامل لكن في الفتره الاخيره بقيت بعمل لاولادي الفطائر علي طوول حسيت بعدها انو كتيير يدي بقت قويه 000 ماشفتي الصعيديات مانعات كيف 00حياتن كلها عجن والواحده لو ضربت بيدها الحيطه بتكسرا 000 يالله اتشمري وشدي حيلك واعجني

رد
ام اماسي, on مايو 15, 2010 at 3:09 ص said:

عزيزتي سمسمايه مره انا وام ساره طلبنا منك تعملي لينا الباسطه السودانيه كدي شوفي الرابط ده ممكن الوصفه دي تتعمل بيها باسطه لاني جربت اغلب الوصفات في النت وماطلعت زي حقتنا السودانيه00 الباسطه بتاعتنا بتحسي بيها لينه شويه وعجينتا ماخفيفه 00اما البقلاوه الشاميه كتير هشه وخفيفه ومليانه زبده 00 بالنسبه للباسطه ممكن تحشيها فول سوداني مجروش وعليهو رشة قرفه مطحونه وكمان رشه بسيييطه قرنفل مطحون وسكر او تعجني الحشوه بشوية شيره 00والوصفه اللي علي الرابط مقليه لكن الباسطه بعدما تلفيها تغرقيها سمن وتدخليها الفرن حاولي جربي واديني النتيجه
http://www.lakii.com/vb/showthread.php?t=608246

رد
- simsimaya, on مايو 15, 2010 at 9:56 ص said:
  
  السلام عليكم حريمااااااااااات
  والله طلباتكم كلها انا كاتباها برة ح اعملها
  بس اصبرو علي شوية
  الايام دي الربو قايم علي مع السخانة دي
  خلوني ابقي كويس وان شاء الله اعمل ليكم العاوزنو
  بس بشوف الحاجات الخفيفة بعملها
  مودتي
  
  رد
ام اماسي, on مايو 15, 2010 at 11:35 ص said:

الف سلامه عليك وماتشوفي شر 0000برررررررراحتك عزيزتي سمسمايه بس التعليق كان للنقاش عشان الواحد يضع تصور في راسه ومن منطلقه يبتكر 0000 عموما شكرا لاهتمامك

رد
ام ساره, on مايو 15, 2010 at 11:36 ص said:

اللة يشافيك ياسمسماية وانحنا ناس مستعجلين فى التعليم عشان كدا طلباتنا كتيرة لكن لازم نأخذ هدنة عشان نطبق العملتية وندقنة وانت براحتك ياغالية

رد
ام ساره, on مايو 15, 2010 at 11:44 ص said:

يأام اماسى انا الليلة فرحااااااااااااااااااااااااااااااااااااااااااانة شديد وانا من الصباح معلق فى رأسى الخبز واول من صحيت فتحت ثلاثة فيديوهات من مواقع مختلفة حقاتك وخليتهم يحملو براحتهم واثناء التحميل عملت كوب دقيق وملح وماء وبديت اعجن واعجن لمن نسيت انا بعمل فى شنو وطرحتها وخبزتها بالطوة فى البتوجاز نفس طريقة المرأة وطلع رهيييييييييييييييييييييييييييييييييييييييييييييييييييب ذى حق مطاعم الطازج منفوخ وفاضى من جوة ولين حاجة عجيبة واللة ربنا يحفظك انشاءاللة مشكورة وماقصرتى

رد
ام ساره, on مايو 15, 2010 at 12:11 م said:

ياأم اماسى شفت الرابط حق الباسطة واللة شكلها ذى الباسطة لكن دى حلا مغربى اسمة الشباكية هو شكلين دا شكل وتانى فى شكل لكن حلو تسلم الايادى

رد
ام اماسي, on مايو 15, 2010 at 12:22 م said:

يالله ياام ساره000انا والله زااااااااتي فرحت شدييييييييييييييييييد لانك طبقتي طريقة العجن صدقيني والله لو اتبعتيها في كل وصفات معجناتك اي زول حايسألك دي عملتيها كيف000 بس قولي ده سر المهنه ههههههه- كدي اول ماتعملي عجينة فطايرك اعجنيها بالطريقه دي وشوفي الفرق0000بالمناسبه امس عملت فطيرة القشطه وطلعت واااااااااو تجنن جربيها من النت وشوفي الحلاوه حاتدمني عليها اعملي بحث لفطيرة القشطه000 وكمان بنت الصحن بطريقة اريام ( بنت الصحن للحبايب) جربتها 000ويااااحلاوتها 00 ويارب ربنا يفرحك علي طووووول

رد
ام اماسي, on مايو 15, 2010 at 12:34 م said:

بالنسبه للخبز العربي ياام ساره ادخلي علي مطبخ نجاة في اليوتيوب وشوفي مقاديرها وطريقة العمل والله رهييييب بعدما تعجن شوفي طريقة تكويرها للعجينه ده كمان واحد من اسرار انتفاخ الخبز وطراوته 00 وكمان انا جربت طريقتها في عمل الدونات برضو طلعت روووعه والدونات لاااازم تعجنيها بنفس الطريقه عشان تطلع هششششششه ومنفوخه ولك التحيه

رد
ام اماسي, on مايو 15, 2010 at 12:51 م said:

ايوه ياام ساره انا جربت الشباكيه قبل كده بس بعدما اعجنها مباشرة بشكلها وبقليها 00والموجوده علي الرابط دي واحده من وصفات الشباكيه بس العجينه بتختها علي الطوه وبتخليها نصف استواء ثم تشكلها وتقليها 00وانا من نفس الوصفه مرات بعمل سمبوسه وبتكون اقرب للجاهزه 000لكن شدة مابحب الباسطه عملت وصفات كتيره وماضبطت ولما شفت شكل العجينه قلت كدي النجربها امكن من شباكيه تطلع باسطه ههههههه

رد
ام اماسي, on مايو 15, 2010 at 2:34 م said:

ام ساره هاكي طريقة القرقوش بالخميره رووووعه واهم شئ 00اهم شئ 00اهم شئ 00اهم شئ 00اهم شئ 00اهم شئ طريقة العجن ولو نفذتي كلامي بحذافيرو بطلع ليك قرقوش رهيييييب000
من بالليل بتعملي العجينه البايته اسمها بالانجليزي
( sour dough)
000 بتجيبي كوب ونص دقيق + كوب ماء+ م ص خميره ( اهم شئ تكون م ص ماتكتري ولاتنقصي)+ م ص سكر ماتكتري السكر( عشان زيادة السكر في العجين بتظهر ريحة الخميره) كلها تخلطيها بمضرب السلك وتخمريها 12 ساعه علي حسب الجو في البيت
00 تاني يوم بتجهزي كوب حليب دافي + كوب زيت ( بتقسميهو النص) + نص كوب سكر+رشة كمون اسود+مك خميره + مك باكنج باودر + رشة ملح + الخميره البايته + الدقيق تقريبا كيلو او اكتر بشويه 000 بتختي النواشف مع بعض وتحركيم زيييين بيدك 000 (الدقيق في الاول بكون زي 3كوب ) ثم تعجني بالحليب +الخميره البايته+ نصف كوب زيت00وماتنسي تعملي نص كوب زيت فقط والنص التاني خليهو لبعدين0000 وتبدي تضيفي الدقبق وتعجني بنفس طريقة الفيديو وشويه شويه تضيفي الدقيق وتعجني حتي تفك العجينه من يدك ماتكون لينه تكون قويه شوييييه000 جيبي النص التاني من الزيت وابدي قطعي العجين كرات اكبر من البيضه وامسحي كل كره بالزيت وبعدما تخلصي غطيها ساعه00 بعد ما تمر الساعه جيبي صواني الفرن وشبعيها ورا وقدام زيت 000 وخلي معاك شوية زيت في صحن صغير 00جيبي العجين بتاعك وافردي كل كره علي شكل دائره وانتي بتفردي ختي زيت في يدك وامسحي دائرة العجينه ورا وقدام ثم لفيها زي السويسرول او زي الصامولي وختيها في الصينيه ولااااااازم الدوائر تكون متلاصقه مررررره جنب بعض شوفي طريقة سمسمايه في عمل ورص القرقوش00 بعدما تخلصي خمريها تاني ساعه ودخليها الفرن علي درجه هادئه 180 وخليها تستوي براحتها بعدماتستوي وتحمر من فوق وتحت طلعي الصينيه من الفرن وبرديها وبعداك افصلي كل واحده من التانيه بالسكين 000 في البدايه بكون عندك زي خبز الصامولي طري
وابيض رصيهو في صينيه نظيفه ودخليهو الفرن من جديد وافتحي الفوق بس علي نار هادئه وراقبيهو حتي يتحمص ثم اقلبيهو علي الجهه التانيه وحمصيهو كمان بس حاااااسبي ماينحرق 00التحميص يكون علي نار هاادئه عشان يطلع مقرمش ولونه اصفر وجميل 000 نفس الطريقه دي في قرقوش العدس بس بدل الخميره البايته بنضيف خميرة العدس00 ركزي كوييييس وافهمي طريقتي والله بطلع افضل بكتير من قرقوش المخابز جربي وادعي لي واي سؤال انا تحححححححححححت امرك

رد
ام ساره, on مايو 15, 2010 at 7:17 م said:

بدعى ليكى وانشاءاللة فى كل خطوة سلامه واللة تنفعى استاذة فى الشرح افهمى كويس ههههه انا بحب الشرح الذى دا بفهمك اى خطوة وادقة الاشياء تسلمى انشاءاللة

رد
ام اماسي, on مايو 15, 2010 at 7:54 م said:

عشان قبل كده باام ساره شرحت ليك وقلتي لي شئ فهمتو وشئ مافهمتو خفت بعد كده شرحي مايكون مفهوم بالنسبه ليك بالمناسبه كنت شغاله في واحده من الجامعات بالرياض واضطريت بعدها العوده للسودان لاكمال الدكتوراه وجيت ماحصلت الوظيفه دي تاني ونسبه لظروف الان جالسه شويه في البيت وبعدها بعود للشغل مره تانيه يعني انا فعلا استاذه وتسسسسلمي

رد
ام اماسي, on مايو 15, 2010 at 8:04 م said:

معليش ياسمسمايه ملينا ليك الصفحه وازعجناك وتقلنا عليك وبكرر اعتذاري

رد
- simsimaya, on مايو 15, 2010 at 8:14 م said:
  
  لا خدو راحتكم انا زاتي بستفيد معاكم
  المهم الفايدة يا ام اماسي
  
  رد
ام ساره, on مايو 15, 2010 at 8:31 م said:

انا عندى فكرة لصفحة الزوار اذا مابتبغى صفحات امسحى الكلام العادى وخلى الكلام الفية شرح وفائدة

رد
simsimaya, on مايو 17, 2010 at 6:08 م said:

أم اماسي
ام ساره
وينكم والله افتقتكم
المفروض حارسين المدونة لحدي ما ابقي كويسة
جييت لقيتكم مافيشاااااااات

مودتي

رد
umamasi, on مايو 17, 2010 at 6:39 م said:

اهلا بالعزيزه سمسمايه 000نحن كمان افتقدناك وافتقدنا مدونتك اقصد منزلنا العزيز لكن والحمدلله ولدي عمره 6 سنوات ( مهندس ومخترع في خراب كل شئ ) ماخلي شئ في جهاز الكمبيوتر والحمدلله خربو والحمدلله اتصلح بعد تعب 000انشاءالله اليوم احسن
كان عندي بعض الاقتراحات ياريت نتشاور ونتفاكر فيها وتديني رايك بعداك

رد
- simsimaya, on مايو 17, 2010 at 9:32 م said:
  
  حمدا لله علي سلامة الجهاااز
  ههههههههههههه
  ربي يحفظلك اولادك
  شقاوة وبتروح لحالها
  
  رد
حزينه, on مايو 17, 2010 at 10:10 م said:

السلام عليكم اخواتى ام اماسى وام ساره وسمسمايه موقع جميل جدا والله انا من عشاق المطبخ ولكن كل الوصفات ما بتظبت معى يعنى انا صفر فى الممطبخ

رد
- simsimaya, on مايو 17, 2010 at 10:17 م said:
  
  اهلا حزينة
  الشغلة ما صعبة بس عيزة تركيز وتطبيق بحزافيره بالنسبة للمقادير
  وشويه شوية ح تظبط معاك والوصفة ذاتها ممكن تزيدي ونقصي
  يعنى تبقي كمية من الاصفاااااااااااار بس باليمين
  مودتي
  
  رد
umamasi, on مايو 18, 2010 at 12:52 ص said:

الله يسلمك سمسمايه مااااارديتي علي فيما يخص الاقتراحات والافكار اللي كنت اتمني اقدمها ليك 00 ولو بالقليل بنحاول نرد ليك جمايلك الطاعمه الزرعتيها في بيوتنا

رد
umamasi, on مايو 18, 2010 at 1:19 ص said:

طيب ياسمسمايه اديك واحد من الاقتراحات0000 ياريت تعملي للكل صفحه خاصه بالوصفات الغربيه المترجمه بالصور وبمقادير متوفره وبسيطه يعني نسخ ولصق 000 عشان المدونه يكون زوارها من كل الدول العربيه ونستفيد كلنا من بعض 000 لاني لاحظت 80 بالميه من شريحة النساء العربيات اللي قدمو وصفاتهن في المنتديات طبقوها من المواقع الاجنبيه وظبتت معهم ميه بالميه 000عايزين ننفتح شويه علي العالم ونعرف الكتير والكتير فيما يخص الطهي وربي يجعل ليك كل ماتقدميهو في ميزان حسناتك

رد
umamasi, on مايو 18, 2010 at 9:27 ص said:

شووووووووووووفي الابداع ده ياسمسمايه
http://forum.hawaaworld.com/showthread.php?t=2357683

رد
umamasi, on مايو 18, 2010 at 4:50 م said:

ام سااااااااااره وحشتينا 0000 بنتي اماسي عملت لي مدونه وقالت لي المدونه دي اتونسو فيها انتي وام ساره رايك شنو وكمان سمسمايه

رد
- simsimaya, on مايو 18, 2010 at 6:50 م said:
  
  شنو؟ شنو شنو ؟
  انا غير موافقة يا اماسي وام اماسي
  لية كدا
  في زول زعلكم ولا شنو؟
  
  رد
umamasi, on مايو 18, 2010 at 10:18 م said:

لااااااااااا ياستنا 0000 حاشا انتو مابتزعلو 000 مدونتك غاااااليه علينا ماااااابنقدر نفارقا0000 لكن اماسي بتي قالت لي مليتو لسمسمايه الصفحه 000احسن تكون عندكم صفحه للونسه والمناقشه في كل مايخص المراه من طبخ وصحه وتجميل وحلول لكل مشاكل البشره والشعر وككككككككككككككل شي 000 لكن مدونتك ياغاليه للطبخ واكييييد حنكون معاك بس حانخفف عليك شويه 000 وطالما مااديتيني الرد في اقتراحي ليك بحاول اعمل ترجمه للوصفات الغربيه في مدونتي وكمان بعمل ليكم صفحه 000 اسال واخصائية التغذيه تجيب علي كل الاسئله فيما يخص انواع الغذاء والفوائد والاضرار الناجمه عن تناولها وبقدم فيها وصفات للحميه والرجيم وزوجي طبيب صيدلي بساعد في تقديم الحلول للبشره والشعر وكل مايخص الامراض وعلاجها 0000 رايك شنو

رد
- simsimaya, on مايو 18, 2010 at 10:49 م said:
  
  كيف ما رديت عليك يا ام اماسي؟
  افتحي بريدك رسلت ليم ميل
  شوفيهو وردي علي
  مودتي
  
  رد
umamasi, on مايو 19, 2010 at 1:59 ص said:

معليييييش اختي العزيزه 000فرحت بردك وترحيبك 00 يالله افتحي شوفي البريد بتاعك000 وعلي راااااحتك في الرد وتسلمي

رد
umamasi, on مايو 19, 2010 at 2:17 ص said:

شوفي خبز التوست ده رائع كيف ياسمسمايه
http://pinchmysalt.com/2010/04/19/bread-bakers-apprentice-challenge-marbled-rye/

رد
umamasi, on مايو 19, 2010 at 2:42 ص said:

وكمان شوفي خبز التوست الابيض ده روعه كيف
http://yumarama.com/blog/2031/white-bread/

رد
umamasi, on مايو 19, 2010 at 2:48 ص said:

وياريت تعملي لينا ده

http://smittenkitchen.com/2009/01/light-wheat-bread/

رد
- simsimaya, on مايو 19, 2010 at 10:32 م said:
  
  ان شاء الله
  
  رد
simsimaya, on مايو 19, 2010 at 10:44 م said:

ويييييييييينك يا ام ساااره
شفقتينا عليك يا زييينة

رد
ام سارة, on مايو 20, 2010 at 12:01 ص said:

السلااااااااااااااااااااااااااام عليكم مشكورين على السؤال طبعا كالعادة الكمبيوتر خسران اها احكوا لية الجديد شنو شايفة الكنافة الرهيبة تسلم الايادى وسلام خاص لسمسماية وام اماسى

رد
ام سارة, on مايو 20, 2010 at 12:12 ص said:

سلام خاص جدا للحزينة ومرحب بيك فى صفحة الزوار وانشاءالله بتستفيدى

رد
umamasi, on مايو 20, 2010 at 6:27 ص said:

اختيييييييييييييييييي ام ساره والله وحشتيني نورتي بيتنا الجميل بقيت حارساهو براي سعيده بطلتك الحلوه

رد
أم سارة, on مايو 20, 2010 at 11:02 ص said:

اهلييييييييييييين ياأم اماسى ياعسل انتى والله الكمبيوتر مسح كل الملفات العندى زعل عليهم زعل شديد

رد
أم سارة, on مايو 20, 2010 at 11:07 ص said:

طبعا لية ثلاثة يوم دخلت مدرسة تطريز وخياطة الدوام من السبت حتى الثلاثاء من اربعة حتى 8مساء امس عملت تنورة يعنى بعد شهر كدا بكون رهيبة يام اماسى وسمسماية رسلو مقاساتكم ههههههههههههههه

رد
- simsimaya, on مايو 20, 2010 at 11:32 ص said:
  
  تمام ام سارة
  جدا كنت بحب الخياطة وعملت كم حاجة
  حتي قريباتي وبنات الجيران الوقت داك كنت في الجامعة
  يعنى مفعوصة كدا
  المهم هسي بحب مرات اعما بعض الاشياء
  بس كسولة بقيتي
  عندي ستائر عايزة اعملها لو ضبطت بفرجك عليها
  
  رد
wasfiabbas, on مايو 20, 2010 at 12:10 م said:

خسسساره كبيره ياام ساره ضياع الملفات تعب سنين يروح في لحظه انا قبل كده حصل لي و زعلت شدييييييد لكن ماباليد حيله0000ربنا يعوضك0000
ياسلام ده الكلام خير ماعملتي بدخولك لمرسة التطريز الواحد بدل مايكون قاعد زهجان احسن يستفيد ويستغل اوقاته في عمل مفيد وانا بحب الخياطه جدا لكن فاااااااشله فيها ياريت لو كنا قريبن كان اتعلمنا منك 000 وربي يسهل عليك

رد
أم سارة, on مايو 20, 2010 at 1:05 م said:

مرحب بيك انتى وين ساكنة يعنى فى اى بلد وبرضو جهزى مقاسك هههههههههههه

رد
أم سارة, on مايو 20, 2010 at 1:09 م said:

واللة ياسمسماية انا كنت ما من هواة الخياطة بس جاء عرض بتاع ماكينة اشتريتها والخيط مابعرف اركبو وفتحت فى فى الحارة الجنبنا مدرسة تحفيظ قران فيها كل شى مجان سجلت وانشاءالله انجح

رد
ام اماسي, on مايو 21, 2010 at 2:27 م said:

احلي كيكة شوكلاته منوره المنتدي تسلم اليدين الحلوين

رد
- simsimaya, on مايو 21, 2010 at 8:08 م said:
  
  رد
ام اماسي, on مايو 21, 2010 at 2:50 م said:

ياااااااااااااااااااااااااااسمسمايه عملت حلاوة الفوليه وطلعت رهيييييييييييييييييييييييييييييييييييه تسلم الايادي00000 الحلاوه دي بعملوها المصرييين في المولد بكثررررررررررررره ولو اصحاب المحلات عرفوكي كشفتي سر حلاوة الفوليه حايزعلووووووووووووووو منك شديد 000 ادخلي بيها في منتدي بيت حواء وشوفي ضجة المصريات حتكون كيف 0000 تحياتي

رد
- simsimaya, on مايو 21, 2010 at 8:21 م said:
  
  الحمد لله يا ام اماسي ضبطت معاك
  بفرح جدا لما تطبقوا وتعجبكم الحاجات
  صحي زي المصرية ياستي خليهم يزعلو شوية ونفرح نحن ستات البيوت
  الاحتكار ما كويس صح؟
  بيت حواء كنت زمان سجلت ونزلت مشاركة واحدة
  بس هسي دربي عليه
  ونشوف
  مودتي
  
  رد
حزينه, on مايو 21, 2010 at 10:45 م said:

يظهر عليكم لاتحبون الضيوف نخرج منها باى

رد
- simsimaya, on مايو 21, 2010 at 11:37 م said:
  
  ليش يا حزينة
  استغفر الله من قال انا مانحب الضيوف؟
  
  بس ما دايما بكون موجودة بالمدونة في فترات بكون مشغولة لكن برجع اتحها تاني وارد علي الزوار
  
  ما عايزين زعل حبيبتي
  مودتي
  
  رد
ام اماسي, on مايو 21, 2010 at 11:54 م said:

اقسم ليك بالله ياسمسمايه وصفاتك كللللللها بتضبط معاي ومن اول مره وبتعمل ضجه كبيره عند الاهل والجيران والاصحاب000 اما الفوليه وااااااااااااو 0000 امشي علي بيت حواء 0000 لانو ناس بيت حواء بقيمو الوصفات الرهيبه بجد وياريت ياسمسمايه تدخلي بوصفاتك الرههيبه دي في كل المنتديات ( لا للاحتكار)عشان نرفع راسنا بيك

رد
ام اماسي, on مايو 22, 2010 at 12:00 ص said:

يارييييت ياسمسمايه تنزلي رابط المدونه بتاعتك مع كل وصفه تنزليها في المنتديات000 عشان الكل يدخل ويشوف الابدااااااااااع وتسلمي

رد
أم سارة, on مايو 22, 2010 at 12:45 ص said:

دخول خاااااااااااااااااااص من اجل الحزينة لاتزعلى كلنا بنرحب بيك وانشاءاللة مع سمسماية مافى زول حزين وطلباتك اوامر انتى قولى وسمسماية بترد عليك اول من تدخل كونى واثقة وانا وام أم أماسى موجوديييييييييييييين ولا ماكدا ياستات

رد
- simsimaya, on مايو 22, 2010 at 9:08 ص said:
  
  ام سارة الحقيني الحزينة زعلت
  كلميها قول لي ليها عندنا ما بنزعل زول
  
  ام سارة دخول بقي بالرقراق مع المدرسة
  هههههههههههه
  
  رد
ام اماسي, on مايو 22, 2010 at 7:56 ص said:

هلاااااااااااااا ام ساره وحشتيننننننننننا شديد000 افتقدناك 00المدرسه دي اخدتك مننا ولا شنو؟0000 وتعالي سوا نقول للحزينه انو سمسمايه دي اطيب قلب يكفي انو دخلت قلوبنا قبل مانشوفا 000

رد
ام اماسي, on مايو 22, 2010 at 8:25 ص said:

مبروووووووك التميز في الفوليه وتستاااااااااهلي الدهب والماس00000 عايزين نشوف كمان في المنتدي وصفتك بتاعة الفايش او القرقوش لانها بالجد رووعه

رد
ام اماسي, on مايو 22, 2010 at 9:01 ص said:

سمسمايه سمسمايه ماتنسي بسكويت النشادر والكعك والتارت اغزي بيها المنتدي ولا اقول ليك اعملي غزو للمنتدي بتنزيل كل الوصفات الرائعه من خبايز وطبيخ وحلويات 0000 واصبري شهر واحد وشوفي النتيجه 000 وعندهم علي طووول مسابقات ياريت تشتركي فيها وارفعي لينا راسنا

رد
- simsimaya, on مايو 22, 2010 at 9:12 ص said:
  
  اول يام اماسي راسكم مرفوع علي الدوام
  وان شاء الله اعمل بي نصايحك
  بس هم بيقبلوا بالروابط في منتداهم؟
  في ناس ما بيحبوا الروابط
  الله يبارك فيك يا ام اماسي
  انا بتميز بيكم ومعاكم والله
  مودتي
  
  رد
ام اماسي, on مايو 22, 2010 at 9:12 ص said:

المشبك المشبك المشبك ياسمسمايه والفطير الرهيب وطرق تقديم البيض المخفوق كلها 00000 اتحركي اتحركي اتحركي لانو مدونتك دي كننننننننننننز 000شوفي حاتجنني الناس ديل كيف 0000من قلبي بتمني ليك التوفيق

رد
ام اماسي, on مايو 22, 2010 at 9:15 ص said:

ياستي نزلو ليك الرابط بتاع المدونه بتاعتك من غير ماتقولي ليهم مبرووووك وتستاهلي

رد
ام اماسي, on مايو 22, 2010 at 9:26 ص said:

معليش ياسمسمايه انا شفت رابط الوصفه وافتكرتو رابط المدونه 0000 وياستي مايقبلو بوضع الروابط ليه ؟ هم المستفيدين

رد
ام اماسي, on مايو 22, 2010 at 10:04 ص said:

جربي الوصفه دي ياسمسمايه

3 مط زبده او مرجرين
10 اونصه مارشمالوز
6 كوب كرسبي رايز ( كورن فلكس الارز المقرمش)
في طوه ذوبي الذبده علي نارهادئه ثم ضيفي المارشمالوز وحركي حتي تذوب ضيفي الارز وحركي حتي يختلطو ثم ضعيها في صينيه مغلفه بورق المونيوم وخليها تبرد وقطعيها حااااجه رووووعه للاطفال-( ممكن تضيفي ملون طعام احمر بسييييط)

رد
ام اماسي, on مايو 22, 2010 at 10:32 ص said:

شوفو ياام ساره وسمسمايه الدونات الحلوه دي جربتها وطلعت روعه

http://joepastry.com/index.php?cat=134

رد
ام اماسي, on مايو 22, 2010 at 10:35 ص said:

وتعاااااااااااالي ياام ساره شوفي الودك ( بتاع زيت الكركار بيتعمل كيف)
http://joepastry.com/index.php?m=200906

رد
أم سارة, on مايو 22, 2010 at 11:01 ص said:

اهلين بالسيدات والله بغيت الخميس والجمعة المفروض اجازة بكون لافة فى السوق من محلات الاقمشة للخيوط وووووووو
بس ربنا يعين لكن ذى ماقلتى ياسمسماية بكون متابعة بالرقراق لكن بحاول اكون متابعة بقدر الامكان والشمار طبعا حارقنى شديد سمسماية نزلت الفولية فى اى منتدى ؟

رد
أم سارة, on مايو 22, 2010 at 11:10 ص said:

واللة كركار محترم ومهذب تهذيب لكن الكركار هو زاتو بيستاهل والعجب الدونات رهيبة لكن معليش ىاأم أماسى ترجمى الدونات وبكون شاكرة

رد
ام اماسي, on مايو 22, 2010 at 2:03 م said:

ههههههههههههههههه والله موتيني من الضحك ياام ساره
الله يخليك رجعتي لينا الضحكه 000طبعا الخيوط في البلد عجييييييييييييييييه اشكال وانواع واسماءها غريبه انا بنتي في صف رابع عندهم خياطه 000كل يوم بنجيب ليها خيط نوع
شئ كوتن بارليه وواحد تاني اسمه مولونيه 000 اسماء كتيره ماليها حد000ياستي ماشاءالله عليك حاتستفيدي كتير وياريت بالمراسله تفيدينا معاك0000 وعلي راسي اترجم ليك الوصفه00000 وتسسسسسسلمي عزيزتي

رد
ام اماسي, on مايو 22, 2010 at 6:16 م said:

المقادير
8 اونصه دقيق+ 2 م ص باكنج باودر+ربع مص ملح+نصف كوب سكر+2 ط زبده طريه+بيضه+2 م ك زبادي ( بديل السور كريم)+م ص فانيليا+ربع كوب حليب0000
الطريقه
نخلط النواشف مع بعض 000في صحن اخر امزجي السوائل مع بعض 000ادعكي الزبده جيدا مع النواشف وضيفي ليها الخليط السائل00 اعجني نصف ساعه خليها ترتاح شويه 00ثم اعجنيها مره تانيه مدة 30 دقيقه000 خليها ترتاح 10 دقائق وشكليها واقليهاوبالعافيه
الاونصه فيها 32 جرام 000 اضربي 8 في 32
الدقبق تقريبا كوب وربع ( الكوب المعياري)
ام ساره انا بعمل معاها 2 مك كاستر وبديها لون وقوام عجيب بس ماتضحكي فيني ههههههههههه
لو احتاجت دقيق ممكن تزودي ولو كانت قاسيه زوديها شوية حليب

رد
ام اماسي, on مايو 22, 2010 at 6:30 م said:

عفوا للخطا المطبعي00 الذبده 2 م ط 00والزبادي 2م ط 00
في الوصفه مكتوب سور كريم ( كريمه حامضه) مقدار اونصه اي 32 جرام 00ومرات السور كريم مابكون متوفر بعمل بدلها الزبادي او اللبنه

ام ساره حصل جربتي الكيكه باللبنه ؟ والله انا جربتها وطلعت خطييييييييييره ضيفي لمقدار الكيكه المعتاده بتاعتك 3 م ك مليانه لبنه ندي او نادك ب (3 ريال ) بتطلع رووووعه ده واحد من اسرار الكيكه بتاعتي وياريت ياسمسمايه تجربي تعملي الكيكه باللبنه والله بتكون خطيره وخليها تكون وصفه مبتكره

رد
- simsimaya, on مايو 22, 2010 at 11:08 م said:
  
  ام اماسي كيفك ان شاء بخير
  ماشاء الله علي الوصفات وسرك باااااااااااتع
  ان شاء الله نطبق شوية شوية
  
  بكرة برد عليك في الميل ان شاء الكريم
  شوفي القرقوش
  مودتي
  
  رد
أم سارة, on مايو 22, 2010 at 10:30 م said:

ال8أونصة بالكوب يعنى كم ومشكوووووووووووووورة على الترجمة تعبناك معانا المرة الجاية بدخل كورس انجليزى هههههه بس اخلص الخياطة

رد
- simsimaya, on مايو 22, 2010 at 11:05 م said:
  
  ام سارة مراحب
  ياستي بتساوي كوب واحد
  
  رد
ام اماسي, on مايو 23, 2010 at 1:25 ص said:

ماشاءالله تبارك الله اطباقك كلها مميزه و فطيرة البطاطس تحفه000 ويااااااااااااااااااااااااااارب تميز في تميز علي طوول00 وطبقي شويييييييييه شويه لانو ظروف عملك كمان صعبه ربنا يعينك ويسهل عليك وفي انتظارك علي الميل وتسلمي لينا يارب

رد
ام اماسي, on مايو 23, 2010 at 1:35 ص said:

ام ساره تعبك راااااااااااااحه عيونا ليك اناحااااااااااااااااااضره اي وصفه بترجمها ليك 000 لا لا لا اوعي تدخلي كورس الانجليزي 00كفايه كورس الخياطه اللي اخدك مننا 000 ياستي انا بترجم ليك وتسلمي

رد
ام اماسي, on مايو 23, 2010 at 2:13 ص said:

ام سسسسسسسسسسسساره الحقيني حايغمي علي 0000 امشي بهناك شوفي سمسمايه عملت شنو؟
ماشاءالله 00 ماشاءالله 00 ماشاءالله ربنا يحفظها ياارب 00بس اوعي يا ام ساره تجني !!!!!!!!!!!!!!!!!!! شوفي وصفة القرقوش 2 الجديده بس اوعي تصرخي زيي

رد
أم سارة, on مايو 23, 2010 at 10:50 ص said:

واللة ماشاءاللة عليكم كأنكم بتشمو الوصفة الجديدة شم انا امس مساهرة فى المدونة دى نزلت متين غايتو حركات جنس حركات وشكرا ياسمسماية على هذا التميز ياسمية اضيفى ايملى عندك فى الهوتميل واذا ظهر عندى بعمل ليك اضافة دا طبعا اذا ماعندك مانع

رد
أم سارة, on مايو 23, 2010 at 12:01 م said:

ياسمسماية عندى وصفة فلافل رهيبة ياريت تجربيها وياام اماسى جربى وشوفى واذا عندك اى اضافة قولو
3ك حمص
ك لوبيا الابيض
حزمة بقدونس
حزمة شمار اخضر
حزمة كرات
بصلة واحدة متوسطة
ثلاثة فصوص ثوم
ملح
باكنج باودر
الطريقة
تنقعى الحمص قبل يوم مع بيكربونات
واللوبيا تنظف بالماء الساخن حتى تخرج الطبقة الخارجية
نضع الاثنين فى محضرة الطعام مع البصل والثوم والكرات والبقدونس
والشمار الاخضر وتفرم بالمحضرة لانها اسهل من ماكينة اللحمة ويتم تخزينة فى اكياس لوقت الحوجة نطلع كيس ونضيف لية ملح وباكنج باودر عشان بديها طراوة
والفرم يكون خشن لانو كان طلع ناعم ببغى ذى اللقيمات
بالهناء انشاءاللة جربوا وادونى خبر

رد
- simsimaya, on مايو 23, 2010 at 1:42 م said:
  
  ان شاء الله اجربها
  بدل اللوبيا الابيض الفاصوليا تنفع .
  بنعملها بالعدس كنا ما الفول المصري او الكبكبي
  
  شكرا
  
  رد
أم سارة, on مايو 23, 2010 at 12:06 م said:

وكمان ياحبذا لورميتى الطعمية بالقالب حقها بتتطلع منظمة وشكلها مع بعض وممكن نضعها فى سمسم قبل مانضعها فى الزيت والزيت يكون غزير وربنا يديكم العافية

رد
أم سارة, on مايو 23, 2010 at 3:01 م said:

الوبيا حق الملاح بديها طعم مختلف اما الفول مابدى نفس الطعم والخيار راجع ليك انا بعمل الكبكبى مع اللوبة بصراحة طعم مميز بصراحة مابقدر افتيك فى الفاصوليا والعدس لانى ماجربتهم طبعا فى كتير من الناس مابياكلو اللوبة بس فى الطعمية طعمة غير ماذى الملاح

رد
أم سارة, on مايو 23, 2010 at 3:05 م said:

الكرات شكلو ذى البنبون حق البصل الاخضر بس رفيع ولونة اخضر وعلى فكرة الكرات دا مع البيض حاجة رهيبة انا بعمل بية فطائر البيض

رد
ام اماسي, on مايو 23, 2010 at 6:30 م said:

تحياتي ام ساره000انا بحب الفلافل وبعملها علي طول لكن ماحصل جربتها باللوبيا البيضاء بنعملها بالكبكبي او الفول والكبكي لككن وصفتك دي بجربها باذن الله 0000مره في النت لاقتني الطعميه بالفرن و جربتها وطلعت رهيبه رهيبه بمعني الكلمه طبعا بدقيق الحمص المطحون اليك المقادير
2حبه بيض – حبه بصله صغيره – حبه طماطم صغيره – فص ثوم صغيره – واحد بيالة شاي زيت – نصف ملعقه صغيره فلفل اسود – ملعقه صغيره ملح – ملعقه صغيره بكنج باودر – 2فنجال قهوه حمص مطحون – نصف حزمه شمار- ربع حزمه بقدونس- تخلط جميع المقادير في الخلاط ثم تصب في صينيه متوسطه مدهونه وتدخل في الفرن على نار متوسطه حتى تنضج من تحت وتحمر من اعلى ثم تقطع بشكل طولي وتحشى الصامولي طبعا ادهني الصامولي بمايونيز ثم شريحة الطعميه ثم السلطه وهي مكونه من بصل اخضر وملفوف وخس طبعا حسب الرغبه بامكانك تضعين ايضا شرائح بطاطس وباذنجان مقليه وممكن تقطعيها شرايح وترصيها وتزينيها00والحمص المطحون موجود عند المحامص اللي داخل ا العثيم
الوصفه ساهله وسريعه ومابتاخد زمن تنفع للقشره وزنقات الضيوف والعجب كمان لو كان فيها شطه خضراء 0000ام ساره ممكن نعمل فيها م نشا وم كاسترههههههههههههه
ماتكتري البقدونس عشان لونها مايكون غامق 000

رد
ام اماسي, on مايو 23, 2010 at 6:44 م said:

ام ساره تعليقك بتاع القرقوش عجبني خاصه مووووب والله انا كنت عايزه اصرخ واكتب لسمسمايه ووووب لكن لقيت يدي ماشه في كلام تاني 000لكن بمسك في كلمة موووب دي عشان اتذكرك بيها طوالي وتحياتي

رد
ام اماسي, on مايو 23, 2010 at 6:58 م said:

ام ساره بالنسبه لقوالب التوست ارجعي لصفحة القرقوش 2 وشوفي تعليقي ليك

رد
ام اماسي, on مايو 23, 2010 at 7:05 م said:

سمسمايه دقيق الحمص في السودان موجود؟ عشان اديك وصفه لقرقوش العدس بطريقه حلوه ومختلفه شويه 00ولو ماكان موجود ممكن تطحني الحمص في المحامص؟ افيديني

رد
- simsimaya, on مايو 23, 2010 at 8:35 م said:
  
  مرة قلتي لي عن خميرة الحمص
  2 م ك حمص + م ك كربونات+1/2 كوب ماء ساخن
  مدة 12 ساعة صح؟
  متذكراها عايزة اعملها
  لقيتيني كيف؟
  
  رد
ام اماسي, on مايو 24, 2010 at 12:56 ص said:

لقيت ذاكرتك ماشاءالله 0000الوصفه دي انسيها خالص 000وبديك وصفه تانيه القرقوش قوامه بكون اسفنجي ولما يتحمص بكون واااااااااو000
تطحني 4 مك عدس +4مك دقيق حمص +2كوب حليب+ م ك سكر نخلطهم بالملعقه جيدا ونقفلهم في برطمان مدة يوم كامل دي بتكون خميرة اللبن- تاني يوم نفس مقادير ك بتاعة القرقوش رقم 1 وتضيفي ليها خميرة العدس المطحون والحمص المطحون 0000 وبتعمليها بنفس طريقتك صدقيني بيطلع القرقوش مررررره جميل

رد
ام اماسي, on مايو 25, 2010 at 5:34 ص said:

مشكووووووره علي الرساله ياسميه وافتحي بريدك واستلمي الرساله 0000 مع خااااالص تحياتي

رد
simsimaya, on مايو 25, 2010 at 8:34 م said:

الكل غيااااااااااب ليه ؟
لا نقبل الاعذار
فقط العقااب
وح يكون وصفة جديدة
يعنى انا البنفذ العقااب

افتقدتكم يا حريم

رد
ام اماسي, on مايو 25, 2010 at 11:27 م said:

قاعدين اليوم كلو في مدونة سمسمايه وكل مانفتح صفحه نتشهي ونمشي علي المطبخ ونااااااااكل 00لما وزننا بقي في التسعينات 00قلنا الليله شويه نعمل رجيم عشان ننزل وزننا شويه 000 بس ماقدرنا00و قلنا خلينا نتاوق بالرقراق حبه كده ونمشي 0000 لكن القصه خربت خراب دخلنا ولقينا داك ياصحن اللحمه الرهيييييب 00وحياتك نسينا الرجيم واممممممممم اكلنا صحن اللحمه كلو وكمان فتح لينا نفسنا زياده 00وقمنا بعداك من صحن لحمة سمسمايه جرينا علي مطبخنا جري واكلنا ماااااااخلينا شئ 000 نعمل شنو ياسمسمايه حقو مع كل وصفه تعمليها لينا تختي لينا جنبها حبوب قفل الشهيه 0000 الله يخليك لينا

رد
ام اماسي, on مايو 25, 2010 at 11:32 م said:

الليله ياام ساره صحن اللحمه فاااااتك عامله رجيم بالجد ولا شنو

رد
ام سارة, on مايو 25, 2010 at 11:45 م said:

يادووووووووووووووووووووب جيت داخلة البيت لكن شغل رهيب بجربوا يوم الجمعة

رد
ام اماسي, on مايو 26, 2010 at 12:22 ص said:

حمدالله علي السلامه ياام ساره بس ماخلصنا الصحن كلو انا وزينه خلينا ليك حته امشي اكليها وسوي ليك معاها كباية شاي بحرجل 000

رد
ام اماسي, on مايو 26, 2010 at 12:30 ص said:

والله ياام ساره جارتي رسلت لي اليوم صحن كعك 0000 سبحان الله حااااااااااااجه رهييييييييبه فيهو طعم زي التوفي لما سالتها قالت لي بعمل مع السكر المطحون شوية فانيليا و2م ك حليب بودره 000حليب البودره ده بضبفو للمقادير جوه الكعك لكن اسكر بيهو الكعك دي حاجه غريبه لكن والله فيهو طعم رهيييييب كدي لما تعملي الكعك جربيهو

رد
ام سارة, on مايو 26, 2010 at 11:12 ص said:

فعلا شى عجيب وامكن بتحمص لبن البودره عشان كدا بديك طعم التوفى أمى كانت دايما تسحن مع السكر هبهان للقيمات والناعم والفطير بدى طعم مميز ونعرف طوالى انو دى عملتها امى هههههههههه

رد
ام اماسي, on مايو 26, 2010 at 3:36 م said:

لا لا لا بتعملو من غير تحميص لانو لون السكر ابييييض لكن بديهو خطييييييييييييير 000لكن الحبهان انا بعملو جوه الكعك ماجربت سحنتو مع السكر00 والامهات ديل شغلهم غيييييير بشتغلو من غير مقادير وطبخهم بطلع رهيب00 ربنا يخلي ليكم ماما ويحفظها تحيييييييييياتي ليها

رد
ام اماسي, on مايو 26, 2010 at 8:30 م said:

سمسمايه شوفي الشغل ده راقي كيف 000 والله بشبهك 00 لو عندك القوالب دي عمله ساهل 000 ياللا ابدعي وسويهو لينا 00والموقع ده وصفاته عجيييبه امسكي فيهو قوي 000 راجعي كل وصفاتو 00000 ربنا يسهل عليك
http://www.mosesong.com/?cat=2&paged=3

رد
ام اماسي, on مايو 26, 2010 at 8:56 م said:

وشوفي الروعه دي ياسمسمايه انا بعملها بالفراوله

http://www.mosesong.com/?cat=2&paged=11

رد
ام اماسي, on مايو 27, 2010 at 6:55 ص said:

الحاجات دي ماعجبتك ولا شنو ياسمسمايه

رد
- simsimaya, on مايو 27, 2010 at 7:41 ص said:
  
  ل
  كيف عجبوني لكن لما الحاجة تعجبني بصاب بالزهوووووووووووول
  بعدين بحب الرد يكون عملي
  
  رد
ام اماسي, on مايو 27, 2010 at 7:00 ص said:

افتحي بريدك0000 وباريييييييييت لونزلتي ليهم المشبك او الفطير السوداني

رد
ام سارة, on مايو 28, 2010 at 12:45 ص said:

ياسمسماية فتحت البريد لكن ماظهر ايميلك حاولى اعملى اضافة تانى معليش تعبتك معاى وشنو الارهاب دا الفندان حمانا النوم هههههههههههههههههه

رد
- simsimaya, on مايو 28, 2010 at 12:57 ص said:
  
  ارهاااااااااااااب شديد
  رسلت ليك تااااااني
  يمكن بريدك مكتوب غلط
  المهم رسلت تاااااني
  
  رد
ام سارة, on مايو 28, 2010 at 1:09 ص said:

تمام يادوووووووووووووووووب وصل

رد
ام سارة, on مايو 28, 2010 at 3:38 ص said:

عملت ليك اضافة واكيد بنتواصل شكرا ليك

رد
- simsimaya, on مايو 28, 2010 at 10:02 ص said:
  
  تمام علي بركة الله
  
  رد
simsimaya, on مايو 29, 2010 at 11:41 م said:

وينك يا اماسي الدار واهل الدار
يسألون عنج
ان شاء الله تكون طيبة
شفقتينا

رد
ام سارة, on مايو 30, 2010 at 11:15 ص said:

وينك ياأم اماسى الفندان ظهر

رد
ام سارة, on مايو 30, 2010 at 3:33 م said:

وينك ياأم اماسى ولا متابعة فى صمت ليك التحية وين ماكنتى

رد
ام سارة, on مايو 31, 2010 at 12:24 م said:

واللة ليك وحشة ياأم أماسى انشاءاللة ماتكونى مريضة بس

رد
- simsimaya, on مايو 31, 2010 at 1:50 م said:
  
  كيف ام سارة
  اتوقع انو عندها مشكلة بالجهاز
  لاني رسلت ليها ميل ما ردت علي
  ياريت لو نعرف رقمها كنا اتصلنا عليها
  ان شاء الله خير
  
  رد
حزينه, on مايو 31, 2010 at 7:50 م said:

السلام عليك سمسمايه كيفكم التحيه ليك والى الاخوات ام اماسى وام ساره ويا ريت تطلعونه على اكلاتكم للاستفاده اخواتى

رد
- simsimaya, on مايو 31, 2010 at 9:46 م said:
  
  عودا حميدا حزينة وين الغيبة؟
  الصفحة دي مخصصة لتبادل الخبرات المطبخية
  ممكن تقري كل المداخلات فيها وصفات حلوة نزلتها ام اماسي وكمان ام سارة عندها وصفات حلوة اقريها
  لو عندك سؤال كلنا حاضرين
  واكيد انت عندك وصفاتك ممكن تكتبيها هنا عشان الكل يستفيد
  
  مودتي
  
  رد
ام سارة, on مايو 31, 2010 at 10:50 م said:

وينك ياالحزينة مسجلة غياب افتقدنا دخولك للمطبخ

رد
ام سارة, on مايو 31, 2010 at 10:58 م said:

ياسمسماية الليلة عملت خبز بالفرن وعجنتة تمام على قول اماسى اللة يطراها بالخير وسخانة الفرن عاااااااااااالية واتنفخ معاى لكن من فوق الطبقة خفيفة ومن تحت تخينة شديد وماهوائية يعنى من تحت مدبلب وماعارفة الخطأ وين؟

رد
- simsimaya, on يونيو 1, 2010 at 12:37 ص said:
  
  غريب يا ام سارة
  التخمير في الاول قبل ما تختيهو في القوالب كان كيفظ
  ولما قطعتيهو في القوالب خليتيهو مدة كافية عشان يقوم؟
  
  برجح تكون المشكلة من التخمير
  
  رد
ام سارة, on يونيو 1, 2010 at 11:37 ص said:

واللة ياسمسماية فرقت ام اماسى مابتنسد واللة اشتقنا ليها ربنا يجيبها بالسلامة وفعلا ياريت الواحد لوعندو تلفونها

رد
ام سارة, on يونيو 1, 2010 at 11:50 م said:

الليلة المدونة تخوف صانة جنس صنة اللة يجيبك يا ام اماسى تحركى المطبخ شوية

رد
- simsimaya, on يونيو 2, 2010 at 12:12 ص said:
  
  والله المدونة ناقصاكم انت مشغولة
  وام اماسي مختفية
  
  غايتو ام لينه والحزينة وسميةوغادة وبقية الاخوات ما مقصرين
  بيدوها طلة
  
  شوفي يا ام سارة الصفحة الجديدة ديواديني رايك
  روابط الوصفات
  
  رد
  - om Lina, on يونيو 2, 2010 at 12:18 ص said:
    
    ياسلام عليك يا سمسماية …. روابط الوصفات دي خطوة ممتازة….. كلك همة ماشاء الله….بالتوفيق
simsimaya, on يونيو 2, 2010 at 12:59 ص said:

ام لينه ادخلي صفحة من انا
واقريها

رد
om Lina, on يونيو 2, 2010 at 1:32 ص said:

اهلا سمسماية قريتها قبل ما تقولي… شكرا ليك كتيير وجد كل يوم بيزاد اعجابي بيك وبي مدونتك وواثقة انها ح تكون ذات شأن عظيم باذن الله….. وان شاء الله لو في أي تعليق على المدونة عموما ح أكتبه في صفحة الزوار كما ذكرتي….الله يحفظك

رد
- simsimaya, on يونيو 2, 2010 at 1:50 ص said:
  
  تسلمي يا ام ليه
  كلك ذوق
  
  رد
ام سارة, on يونيو 2, 2010 at 11:22 ص said:

فتحت الصفحة واللة ريحتينى من الكواسة رغم عندى المدونة لكهن فى حاجات مابلقاها

رد
ام سارة, on يونيو 2, 2010 at 11:28 ص said:

واللة فرحتونى يا ام لينة بتواصلك الدايم وسمية حسن شكلها متابعة لانو كلو مايظهر جديد بتكون اول المعلقين وغادة كمان لاحظت وجودة والحزينة تجى وتختفى بتمشى وين مابعرف ههههههههه

رد
om Lina, on يونيو 2, 2010 at 2:25 م said:

تسلمي يا أم سارة… المدونة بقت أساسية بالنسبة لي وأول حاجة بشوفها من الصباح عشان أعرف أعمل شنو للفطور أو الغداء … وبرضو وصفات الأخوات بتساعد كتير ، ربنا يجعلها في ميزان حسناتك يا سمسماية انتي وكل زوار مدونتك

رد
ام سارة, on يونيو 2, 2010 at 5:17 م said:

فعلا يا ام لينة بقت سمسماية مرجع لينا افكار الوجبات كلها من المدونة

رد
simsimaya, on يونيو 2, 2010 at 11:20 م said:

ام لينه ام سارة
يديكم العافية المتٍلة مافي

رد
zeena, on يونيو 4, 2010 at 8:22 ص said:

يا سلام على اللمة ما نسحركم و الله بقرت عديل منكم انا طبعا زيرووووووووووووووووووووووووووووووو كبير في المطبخ كل يوم عندي حجة و يمكن اكون كسلانة اكتر من حكاية عدم المعرفة

رد
- simsimaya, on يونيو 4, 2010 at 11:23 ص said:
  
  وعليكم السلام زينة
  ما شاء الله شفتي اخواتي كيف همة ونشاط
  بعدين انت ما زيروووووو بس كسلاااااااااااااانة
  كدي خلي الكسل وورينا الفن
  
  رد
ام سارة, on يونيو 4, 2010 at 12:24 م said:

ياجماعة ام اماسى مامنها خبر ؟ ياسمسماية ام اماسى ماقاعدة تفتح ايميلة واللة حيرتنا عدييييييييل

رد
ام اماسي, on يونيو 4, 2010 at 10:05 م said:

ما أجمل أن يكون لديك انسان
يسأل عنك إن غبت ….. يقترب منك اذا بعدت
انسان كهذا في هذا الزمان الذي تعيشة كنز مفقود
إذا وجدتة لا تجعلة يضيع منك هباء000اخواتي وحبيباتي العزيزات علي قلبي سمسمايه والغااااااليه فردتي ام ساره وحشتووووووووووووووووووووووني موووووووووووووووووووووت
والله الععظيم الجهاز كان فيهو مشكله والحمدلله اليوم اتصلح وعادت لي الابتسامه برجوعي لمطبخنا العزيز 00والله يااخواتي كنتو في قلبي 24 ساعه وحتي عيالي اسمكم مافارق السنتهم 00000ماشاءالله شايفه المطبخ عاااامر بالحاجات الرهيييييييه والمشاركات الحلوه 000 ويشهد الله افتقدتكم 0000والف الف الف تحيه وسلام ليكم ياغاليات

رد
simsimaya, on يونيو 4, 2010 at 10:19 م said:

الله اكبر الله اكبر
الحمد لله بعودتك والله شفقتينا رغم اني رجحت ان الجهاز يكون السبب ولك الغيبة طالت وخلتنا شفقنا بالزيادة
حمدا لله علي السلامة مطبخنا نور والله نور
اشتقت لييك عديل يا ام اماسي
مرحب بيك من جديد
واكبر بوسه لصغااااااااارك
مودتي وفرحتي

رد
ام اماسي, on يونيو 4, 2010 at 10:26 م said:

الله يسلمك يااختي الحبيبه والغاااااااليه علي قلبي سممسمايه 0000والله المطبخ منور بستو الحلوه الراقيه والجميله في كل شئ00000وانا اشتقت ليكم اكتر من الكتير يشهد الله علي اني افتقدتكم موووووووت وبوستك وصلت للعيال وهم برسلو ليك كمان اححححححححححححححلي بوسه وتسلمي علي الجديد الرائع والمفيد مااااااااعدمناك ياغاليه

رد
ام اماسي, on يونيو 4, 2010 at 10:29 م said:

ام سااااااااااااااااااااااااااااااااااره وينك ياغاااااااااااليه نحن مشتاقيييييييييين والله

رد
ام اماسي, on يونيو 5, 2010 at 1:24 ص said:

منتظره نتيجة المسابقه علي احر من الجمر 0000 وانشاءالله من الفائزات

رد
- simsimaya, on يونيو 5, 2010 at 11:26 ص said:
  
  ان شاء الله يا ام اماسي
  
  رد
Search the Web on Snap.com, on يونيو 5, 2010 at 1:34 ص said:

ياسلااااام ياسمسمايه روابط الوصفات دي فكره رهيبه جدا لكن كان من المفروض تكتبي فوق بسم الله ماشاءالله تبارك الله عشان العين يااختي 000 ربنا يحفظك ويحميك من كل شر

رد
ام سارة, on يونيو 5, 2010 at 2:17 م said:

تكبيرك ياسمسماية سمعناهو فى البيت وهسى كلنا بنكبر اللة اكبر الله اكبر والله فرحانين شديد بعودة الفردة أم أماسى وعودا حميدا واللة قطعتى قلبنا من الخوف عليك لكن بعد كدا لازم تخلى تلفونك عند سمسمايةوسعيدين جدا برجوعك

رد
ام اماسي, on يونيو 5, 2010 at 2:19 م said:

ام سااااااااااره وينك ياااااااااعسل

رد
ام اماسي, on يونيو 5, 2010 at 2:33 م said:

ام سااااااااره 000وحشتينا شديييييييييد 000 وتسلمي ياغاليه 000والله انا كمان فرحاااااانه لاني لقيت اخوات عزيزات زيكم وانتو كنز لايقدر بثمن 000ربنا يدوم المحبه بينا ويخليكم لينا 0000وانا اكثر سعاده بطلتكم اللي بتريح القلب 00000وحاااااضر ياستي تلفوني حيكون عند سمسمايه 0000كيفك مع المدرسه 00000 والجديد شنو

رد
ام سارة, on يونيو 5, 2010 at 10:13 م said:

والله المدرسة تمام طبعا اتخرجت من الدوره خلاص الليلة الامتحان لكن عملت غيااااااااااااااااااااااااااب اصلى عايزة اعيد الدوره تانى السنة طبعا خلصت لكن عايزة اسجل فى الصيفية احتمال يكون فية ستاير وحاجات حلوة بمشى يوم الثلاثاء اسجل للصيفية

رد
ام اماسي, on يونيو 6, 2010 at 6:25 ص said:

تمام والله شكلك مجتهده خالص ياام ساره وياريت علي طوول تستثمري اوقاتك في حاجات مفيده زي دي00 بس علي شرط تاني ماتزوغي من الامتحان ( خايفه تجي الطيش ولا شنو هههه)00عموما ربنا يوفقك ويسهل عليك000امس عملت بسكويت اليانسون وطلع تحفه وحاانزله في الفيس بوك تابعي معانا 0000 وتسلمي لينا

رد
ام اماسي, on يونيو 6, 2010 at 6:48 ص said:

ام لينه 000 الحزينه 000زينه 000رجلي حاااااااره ولا شنو 000 اغيب تاني عشان تطلو علي المطبخ؟ عايزين نشوف اللمه ونستفيد من بعض000وتحياتي ليكم كتير

رد
ام سارة, on يونيو 6, 2010 at 10:18 ص said:

هههههههههههههههه واللة بينى وبينك خايفة من نقص الدرجات عايزة الدرجة تكون كاملة نزلو لية الرابط حق الفيس بوك حقكم عشان اشوف الحركات

رد
ام اماسي, on يونيو 6, 2010 at 10:54 ص said:

ياستي نحن راسنا اتصمت مرررره واحده والحفظ بقي صعب شديد اعملي بخره كبيره بالصور وادخلي بيها الامتحان 00 غير كده مافي درجات كبيره ولا حاجه ههههههه

رد
ام سارة, on يونيو 6, 2010 at 11:25 ص said:

http://forum.hawahome.com/t300403.html

رد
ام سارة, on يونيو 6, 2010 at 11:26 ص said:

دى هديتى بمناسبة رجوع ام اماسى وبالهناء دا المعصوب

رد
ام سارة, on يونيو 6, 2010 at 11:30 ص said:

عذرا ياسمسماية على الرابط بس فرحانة برجعة ام اماسى

رد
ام اماسي, on يونيو 6, 2010 at 11:51 ص said:

احححححححححلي معصوب واجمل هديه 0000عشانك الليله بعملو وبديك النتيجه000ويااااارب تفرحي باولادك ويجعل ايامك كلها فرح وسعاده يااختي العزيزه0000وشكر من القلب علي احلي هديه

رد
ام سارة, on يونيو 6, 2010 at 12:12 م said:

تستاهلى يالغالية كل خير وياريت سمسماية كمان تجربو

رد
- simsimaya, on يونيو 6, 2010 at 11:08 م said:
  
  يا ام سارة انا لو عملت دا لو اكلتو بشيلوني بالاسعاف
  ههههههههههههه
  
  رد
ام سارة, on يونيو 6, 2010 at 12:14 م said:

انا اليلة عايزة اتعشى معجنات بعجينة العشرة دقائق وبديكم خبر

رد
ام اماسي, on يونيو 6, 2010 at 6:17 م said:

ام ساره عجينة العشره دقلئق مااااااادخلت راسي وبتكون لي تقيله ومعجنه بتزبط معاي فقط في خلية النحل لكن باقي المعجنات مابتطلع لي حلوه 000ضفت ليها علبة زبادي وطبعا في الحاله دي بتنقصي المويه +مك ونصف باكنج باودر + 5 ملاعق مليااااانه فل حليب بودره وظبتت معاي ياريت تعملي الاضافات دي وتديني النتيجه

رد
- simsimaya, on يونيو 6, 2010 at 11:12 م said:
  
  كتير ناس ما بتظبط معاهم بس انا والحمدلله بتضبط معاي
  بعدين في البتزا رهيبة وانا بعتمد علي ملمس العجينة
  بحس بيها لو عايزة اضافة اي شي
  ومرات بضيف جبنة سائلة
  دقيق شوفان
  بدرة توم
  حاجات زي دي
  
  رد
ام اماسي, on يونيو 6, 2010 at 6:23 م said:

وانا باذن الله عايزه اعمل عش البلبل وفول وطعميه 000

رد
ام اماسي, on يونيو 6, 2010 at 6:25 م said:

وماتنسي المعصوب كمان

رد
ام اماسي, on يونيو 6, 2010 at 6:32 م said:

ام ساااااااااره الليله اول مره اشوف منتدي منظمة كفالة ورعاية الايتام ومت من الصدمه والدهشه لقيت الاخوات كلهم بهناك ناس هنوها وطقطق وست المطبخ الرائعه سمسمايه00000والله لو كنت عارفه كان سجلت من بدري وشاركت باطباقي 000 لو ماعارفه المنتدي يا ام ساره امشي شوفيهو 000

رد
- simsimaya, on يونيو 6, 2010 at 11:19 م said:
  
  والله يا ام اماسي كل مرة اقول اكلمكم بيهو بس في شئ
  بيمسكني لكن الحمد لله مشيتي براك هناك
  كتار ماشاء الله عليهم البنات والنسوان
  اخوات في دروب الخير
  ياريت كل الناس تشارك في العمل دا
  من اجل صحبة رسولنا الكريم في جنة الخلد
  احترامي
  
  رد
ام اماسي, on يونيو 6, 2010 at 8:58 م said:

سمسمايه ويييييييينك 0000نحن من الصباح مقيلين في المطبخ رجلي حاره ولا شنو 000انشاءالله تكوني بخير

رد
- simsimaya, on يونيو 6, 2010 at 11:22 م said:
  
  موجودة مع الحر والموية القاطعة نفسي قايم
  تعب شديد والله
  
  بالجنبة
  ما قلتي سجلتي بي منو
  
  طبعا انا (دعوني أكفف دمعة)
  
  رد
ام اماسي, on يونيو 7, 2010 at 1:10 ص said:

الله يعينكم ويخفف عليكم ويسهل عليكم كل الصعاب 000 انا لسه ماسجلت لكن باذن الله بسجل قريب و بنزل ليكم وصفات من مطبخي رائعه وجديده000 لكن الايام دي بنجهز عشان ننزل السودان طبعا المدارس علي وشك الاجازه وجري شديد للاسواق000دعواتنا ليكم وانتو كمان ادعو لينا000لو عايزه اي شئ ياسمسمايه انا تحت امرك ممكن اجيبو ليك معاي وبتمني اهدي ليك الدنيا ومافيها 0000وليه الاسم الحزين ده انتي الحزن مااااابشبهك وتسلمي ياغاليه

رد
- simsimaya, on يونيو 7, 2010 at 1:26 ص said:
  
  ان شاء الله تجي بالسلامة يا ام اماسي
  وياستي ةالله ما بتقصري عايزة سلامتك والله سلامتك
  وان شاء الله نتقابل ونبل الشوق
  مودتي
  
  رد
ام اماسي, on يونيو 7, 2010 at 1:18 ص said:

وانشاءالله اكيييييد حنشارك في درب الخير ونقدم كل مانستطيع لمساعدة الايتام لانو كافل اليتيم رفيق الرسول صلي الله عليه وسلم في الجنه 00أما رسول الله صلى الله عليه وسلم فقد بلغ من عنايته باليتيم أن بشر كافليه بأنهم رفقاؤه في جنة عرضها السموات والأرض حين قال : ” أنا وكافل اليتيم في الجنة هكذا ” وأشار بالسبابة والوسطى وفرج بينهما شيئا.وقد قال ابن بطال: حق على من سمع هذا الحديث أن يعمل به ليكون رفيق النبي صلى الله عليه وسلم في الجنة ، ولا منزلة أفضل من ذلك.

رد
- simsimaya, on يونيو 7, 2010 at 1:29 ص said:
  
  ان شاء الله يجتمع كل كافل يتيم مع رسول الحبيب صلي الله عليه وسلم
  في الجنات العلا
  ننتظرك بهناك يد بيد من اجل مسح دمعة علي خد يتيم
  دمتي غاليتي
  
  رد
ام اماسي, on يونيو 7, 2010 at 6:40 ص said:

اللهم اميييييييييييييييين يارب العالمين000 ربنا يجمعنا واياكم دائما وابدا في عمل الخير

رد
ام اماسي, on يونيو 7, 2010 at 8:14 ص said:

سمسمايه وام ساره عندي ليكم هديه رووووعه وسريه للغايه0000 وهي الطريقه الصحيحه في عمل الخبز البلدي او العربي وبطلع خبز بجننن ومعليييييييييش عزيزتي سمسمايه علي الرابط0000لاحظو كيف بتكور العجينه وبتخليها تكون زي البالونه وده السر في انتفاخ الخبز بصوره روووووووعه 000 لاحظي كيف بتدخل اصابعها جوه العجينه وبتققفلها بعداك بخفه المهم شوفو الفيديو بتركيز وطبقي لينا الخبز العربي ياسمسمايه 0000 انا بعملو بنفس الطريقه وبطلع عجييييييييييب بس دعواتكم ياغاليات

رد
- simsimaya, on يونيو 7, 2010 at 9:20 م said:
  
  شكرا يا ام اماسي دايما بتجي بالمفيد
  الفيديو حلو والشغلة مهاراااااااااااارة يعني
  بس سؤال التقطيع دا قبل التخمير مش؟
  مرة عملت الخبز العربي ما شاء الله انتفخ وحتي قشرته بيهو
  كنت عاملة غداء وطالعة زيارة
  ما صدقو انو انا العاملة الخبز
  بس كانت الاستدارة مااااااااااااااا مية مية
  قولي 90% لكن عجييييييييييب
  تسلمي
  
  رد
ام اماسي, on يونيو 7, 2010 at 8:18 ص said:

سمسمايه حبيبتي اسفه جدا للفيديوهات والروابط لكن والله من قلبي عايزه افيدكم وياريت عشان مايعمل مشكله بعدما تشوفيهو تحذفيهو وبكرر اعتذاري

رد
- simsimaya, on يونيو 7, 2010 at 9:23 م said:
  
  لا ما مشكلة نخليهو تاني يوم للاستفادة
  وننتظر خبز ام سارة
  
  رد
ام اماسي, on يونيو 7, 2010 at 8:31 ص said:

ممكن تعملي خبز الهمبرجر بنفس الطريقه000 وكمان الدونات بتكون هشه ومجوفه بصوره رهيبه انا بفرد كل كره فرد خفيف وبقطعها بالكبايه وبجي تاني في الوسط بقطعها بغطي البيبسي الكبير وبخمرها نصف ساعه وبقليها بتكون دونات احلي من دونات بيت الدونات ياللا جربو وادوني رايكم

رد
Search the Web on Snap.com, on يونيو 7, 2010 at 8:45 ص said:

بالنسبه للخبز البلدي انا بقلب صينية الفرن علي وجهها وبخت الخبز من فوق ليها ودرجة الحراره 250 فهرنهايت بالضبط زي الطريقه اللي في الرابط ده

http://www.noveleats.com/bread/how-to-make-pita-bread/

رد
ام اماسي, on يونيو 7, 2010 at 8:53 ص said:

بالنسبه للخبز البلدي انا بقلب صينية الفرن علي وجهها وبخت الخبز من فوق ليها ودرجة الحراره 250 فهرنهايت بالضبط زي الطريقه اللي في الرابط ده

http://www.noveleats.com/bread/how-to-make-pita-bread/

رد
ام اماسي, on يونيو 7, 2010 at 9:02 ص said:

ياسمسمايه لو رجعتي لمطبخ نجاة في اليوتيوب شوفي طريقتها في عمل الخبز العربي بتعملو بنفس الطريقه ومقاديرها حلوه ومضبووووطه ميه الميه وكمان مقاديرها في الدونات واااااااو 000ارجعي لمطبخ نجاة وشوفي الروعه

رد
ام اماسي, on يونيو 7, 2010 at 9:12 ص said:

ياريت سمسمايه مرات كده نشوف وصفاتك بالفيديو ممكن تظهر الايادي وتلبسي عليها قفازات لانو في بعض الوصفات بيصعب علينا التطبيق مثلا طريقة قلي المشبك وطريقة لف الفطائر لانو عندك طرق لف حلوه صفحة الشرح والتوضيح ممكن تختي لينا فيها الفيديوهات اقل من دقبقه وغيرها من الوصفات 0000بنحلم معاك في الحلو والمفيد وياريت احلامنا تتحقق

رد
- simsimaya, on يونيو 7, 2010 at 9:27 م said:
  
  ان شاء الله يا ام اماسي لي قدام
  هسي ان بستخدم كاميرا الموبايل لما اجيب كاميرا وبعدين الفيديو
  ههههههههههههه
  العافية درجات
  تسلمي ومشكورة علي الاهتمام
  
  رد
ام سارة, on يونيو 7, 2010 at 10:25 ص said:

ماشاءاللة عليكم نشاط شديد بالنسبة لعجينة العشرة دقائق زابطة معاى واعمل كمان عملت ليها الاضافات دى وكمان طلعت تمام عملت بيتزا هوت دوغ وفطيرة محشية جبنة شيدر وزيتون بس وقطعت عجينة مثلثات وحشيته جبنة موزريلا وقطعة سجق مسلوق ولفيتها ذى الكروسان ومسحتها من بيض من فوق ورشة حبة سوداء من فوق وخلاص

رد
- simsimaya, on يونيو 7, 2010 at 9:29 م said:
  
  ام سارة ما شاء الله عليك
  كمان تنوع في الحشوات
  ميه ميه
  
  رد
ام سارة, on يونيو 7, 2010 at 10:29 ص said:

ياأم أماسى كل ماترسلى وصفة خبز انا طوالى بقوم اجيب الدقيق وبقرا وبعجن لمن اخلص النت بتكون العجينة تمام وشكرا على الهدية

رد
ام سارة, on يونيو 7, 2010 at 10:39 ص said:

ياسمسماية طبعا المصوب اكلة دسمة شديد بس مايكون عندك سكرى لانو عندنا صاحبنا دخل المطعم وفى ورقة الطلبات مكتوب معصوب طوالى عمك صحح علية وهو جيعان شديد وماعندو غير عشرة ريال وعندو سكرى اول من جابوه ليهو لغى السمن مطفح بفوق قال قلتة اكيد دى كمونية مسبكة لكن لية بالملعقة وعمك اكل لقمة كبيرة وانصدم بطعم السكر لكن واصل فى الاكل لانو جيعان وماعندو قروش وعلى اثرها نقل بالاسعاف وتانى تاب توبة نصوحة منو

رد
- simsimaya, on يونيو 7, 2010 at 9:33 م said:
  
  دا بالضبط الخايفة منو يا ام سارة وهنا الاسعاف بيجي بعد الزول يموت
  
  رد
ام اماسي, on يونيو 7, 2010 at 12:38 م said:

ام ساره يامجتهده ماشاءالله عليك عملتي عشاء تمام لكن اختك الايام دي بقت كسلانه والقرحه كمان قايمه علي مؤلماني الم شديد والحمدلله 0000والله امس ماااقدرت عملت ليهم حاجه جبنا كبسه هامور من بيت الشوايه عشيت بيها العيال وخلاص وانا اتعشيت بي كباية حليب باااااره عشان القرحه000اما عجينة العشره دقائق مابياني مرررره واحده اصلو ابت تزبط معاي 00 ونفسي اكل المعصوب لكن اليوم باذن الله بحاول اعملو بس ادعي لي بالشفاء

رد
ام اماسي, on يونيو 7, 2010 at 12:49 م said:

عليك الله عملتي الخبز ياام ساره؟ وطلع كيف؟ ظبت معاك ميه ميه ؟
احلي شئ انك تطبقي علي طوول 000انا كمان زيك بعدما اخلص الوصفه واحفظها كويس علي طوول بقوم بعملها ولو ماظبتت بعملها مره ومرتين وممكن اعمل ليها اضافات من عندي لمن تضبط عشان كده والحمدلله بقيت شيف ممتاز وعامله ارهاب لضيوفي وجيراني00 النت خدمنا كتييير واستفدنا منو كتير والحمدلله000وتستاهلي نهدي ليك الدنيا كلها

رد
ام اماسي, on يونيو 7, 2010 at 12:54 م said:

هههههههه مسكين الراجل 000لكن بيني وبينك المعصوب لااااااايقاوم عيالي بموتو عليهو وعلي طووول بنشتريهو من المحلات بس الله يستر علينا من السكري ويحمينا منو

رد
ام اماسي, on يونيو 7, 2010 at 1:13 م said:

الخبز البلدي ياام ساره انا طواااالي بعملو مع انو المخابز ماشاءالله مليااااانه لكني بفضل اكل البيت 000 بعملو صغار زي البطبوط المغربي وبفرزنه والصباح بحشي بيهو للعيال 000 خاصه انو العيال طفشو من اكل فطيرة كاكو ولوزين والكرواسون والكيك 0000بعملو بنفس طريقة الفيديو وبفرده خفيف وبخمرها نصف ساعه وبختها في صاج تيفال علي البوتجاز000 بكون رهييييب ياريت تجربي الطريقه دي

رد
ام اماسي, on يونيو 7, 2010 at 7:26 م said:

وينكم يازوار مطبخ سمسمايه رجلي ناااااار عليكم ننسحب ولا شنو؟

رد
- simsimaya, on يونيو 7, 2010 at 9:36 م said:
  
  لا تنسحب ما نتسحبي ..!
  هم كل زول فيهم عندو غيبة كدة مع مشغوليات الحياة
  لكن بيكون بزوروا المدونة وبيطلعو سريع
  ما شاء الله انا بعرفهم بي عدد الزوار
  خليك بيجو انا متأكدة والعجب لو عرفوك شيف درجة اولي
  
  رد
ام سارة, on يونيو 7, 2010 at 7:28 م said:

مشيت الليلة بس مالقيت عندى دقيق لكن بكرة بجربة لكن فى العجينة باكنج باودر ولابس خميرة وملح انا عايزاة بالفرن؟

رد
ام اماسي, on يونيو 8, 2010 at 3:42 ص said:

لا ياستي انا بمززززززززززح فقط وبقول كده عشان اطلع لي بنفر نفرين يردو علي لكن شكهم فعلا الحياه شاغلاهم شديييييد نحن كمان الحياه مش شاغلانه ساي مجننانه جن عدييييييل والحمدلله لكن الواحد بفرق وبرتاح مع اخوات عزيزات زيكم وكمان بلقي منكم الفايده والعلم والكلام الحلو لانو نحن في غربه حقيقيه 00 والله مرات كتيره ياسمسمايه لما نمشي الاسواق لو شفنا طرف توب سوداني ساي نقعد نبتسم ونرتاح لشوفتهم 000انا بقول كده لاني عارفه بنات بلدي عندهم الكتير والكتير وعايزه اطلع منهم المتخبئ ونستفيد من بعض عموما ربنا يعينهم ويعيننا

رد
ام اماسي, on يونيو 8, 2010 at 4:04 ص said:

ام ساره خميره فقط انا مابعمل باكنج بودر 000
من 2-3كوب دقيق ( ممكن بنقص او يزيد حسب الدقيق)
2 مص خميره
3 مك حليب بودره
كوب ماء
3 مك زبادي( بديهو طراوه حلوه)
شوية ملح
2 مك زيت
ممكن مك كستر ( بديهو لون جميييل)ههههههه
تعجني المقادير دي كلهانحصل على عجينه ملساء وتميل الى القساوه يعني ما تكون طريه زي عجينة الفطاير
وتخمريها وتفرديها وتخمريها تاني وتدخليها الفرن بعدما ينضج
تغطيهو ولما تجي تاكلي ياستنا رسلي لي معاك بس خساااااره انا بحبه حار بالجبنه السودانيه الرهييييبه ومعاها كوب شاي بنعناع او كوب سفن اب باااااارد نحن هنا عندنا الهنغاريه طبعا اقرب للجبنه السودانيه وكمان فيتا فرنسيه او فيتا السعوديه افضل السيئين زي مابقولو
وبالهناء عليك

رد
Search the Web on Snap.com, on يونيو 8, 2010 at 4:16 ص said:

بالمناسبه ياسمسمايه انا مرات بضيف كريم كراميل للمعجنات برضو بديها لون جمييييل وطعم وقوام رائع و وماتنسي مرات بضيف لبسكويت اليانسون 3 م ك كريم كراميل بشيل ريحة البيض ولونه بكون احلي بالنسبه لبسكويت اليانسون طبقت يانسون الاخت ام محمد او المحراب وضفت ليهو 3 مك كريم كراميل طلع تحفه 00 الله يجزي الاخت المحراب كل خير وتحياتي

رد
Search the Web on Snap.com, on يونيو 8, 2010 at 4:19 ص said:

سمسمايه اسمها محراب النيل مش كده ؟تحياتنا لها

رد
ام اماسي, on يونيو 8, 2010 at 4:21 ص said:

سمسمايه اسمها محراب النيل مش كده ؟تحياتنا لها

رد

رد
- simsimaya, on يونيو 8, 2010 at 8:42 ص said:
  
  صباح سكر ام اماسي
  اول شي محراب النيل اختي وحبيبتي (ام محمد)اتمني انك تتعرفي عليها هي وهنوها ما شاء الله عليهن نسوان تمام
  ومعاكم في السعودية
  
  رد
ام اماسي, on يونيو 8, 2010 at 4:23 ص said:

بالمناسبه ياسمسمايه انا مرات بضيف كريم كراميل للمعجنات برضو بديها لون جمييييل وطعم وقوام رائع و وماتنسي مرات بضيف لبسكويت اليانسون 3 م ك كريم كراميل بشيل ريحة البيض ولونه بكون احلي بالنسبه لبسكويت اليانسون طبقت يانسون الاخت ام محمد او المحراب وضفت ليهو 3 مك كريم كراميل طلع تحفه 00 الله يجزي الاخت المحراب كل خير وتحياتي

رد
ام اماسي, on يونيو 8, 2010 at 4:26 ص said:

Search the Web on Snap.com, ده جنني جن( معلييييش للخطا المطبعي) ام ساره ماتضحكي علي ههههههههه

رد
- simsimaya, on يونيو 8, 2010 at 8:44 ص said:
  
  انا زاتي قلت سجمي دا بعرفني نت وين؟
  ههههههههههههههههه
  
  رد
ام اماسي, on يونيو 8, 2010 at 4:33 ص said:

سمسمايه ماااااعلقتي لي علي الفيديو 0000 اكيييد طريقة العجن دي بتكوني عارفاها عايزنك تناقشينا شويه في موضوع الخبز العربي

رد
- simsimaya, on يونيو 8, 2010 at 8:47 ص said:
  
  شفتو يا ام اماسي وعجبتني جدا فكرة تدويرة العجينة
  ورديييييييييييييييييييت عليك وسألت سعااااااااااااااااال
  امشي شوفي وردي علي سعاااااااااااااااالي
  رديت غاليتي
  
  رد
ام سارة, on يونيو 8, 2010 at 11:00 ص said:

صباح الخيرات على الحلوت
بنات بلدى النجيضات
السمحات وظريفات
هع هع

رد
ام سارة, on يونيو 8, 2010 at 11:04 ص said:

ههههههههههه ياسمسماية اتمنى حفظ حقوقى فى الشعر
انا خايفة من سرقة الكلمات ههههههههه بكرة تلقى الفنانين يغنو بيها هههههههههههه

رد
ام سارة, on يونيو 8, 2010 at 11:06 ص said:

كل واحدة تزيد للشعر دا بيتين وخلونا نتفاوض مع محمد وردى ولا محمد الامين ههههه

رد
ام سارة, on يونيو 8, 2010 at 11:13 ص said:

الذيذة فى مدونة سمسماية دى بتخلى الزول يتكلم براهو هههههههههه وكمان بضحك براهو ههههههههه

رد
ام اماسي, on يونيو 8, 2010 at 12:34 م said:

والله ياسمسمايه وام ساره صحيت يادوووووووووب لاني مساهره مع ولدي ل6 صباحا وقمت زهجااااااانه وتعبانه لكن والله اول مافتحت الجهاز ودخلت علي مشاركات المطبخ وقريت تعليقاتكم مت من الضحك وحسيت انو الزهج والتعب راحو شويه والله انتو عسل والله ماااازلت بضحك 0000 ياسمسمايه شايفاك مستغربه في نت00 ده حاج قوقل بعرفك اول ماتكتبي مطبخ س يتمها ليك طوالي ياستي مطبخك معروووووف الله يديمه علينا وعلي الجميع

رد
ام اماسي, on يونيو 8, 2010 at 12:45 م said:

ده شنو ياام ساره الشعر الجميل ده 0000 لازم يتوثق عشان مايطلشوهو منك ههههههه000ياسلااااام محمد الامين مرررره واحده لوتغني ليك بالقصيده دي صدقيني بعدها بعتزل الفن طوالي0000 احسن نديها لهيفاء وهبي لانو غناها كلو ونسه ههههههههههه

رد
ام اماسي, on يونيو 8, 2010 at 12:51 م said:

ماشاءالله عليهم ياسمسمه المحراب وهنوهاشكلهم بنات راقيات ومبدعات وياريت يتفاعلو معانا في صفحة الزوار ويتم التعارف بيننا تحييييييياتي ليهم

رد
ام اماسي, on يونيو 8, 2010 at 1:13 م said:

ايوه ياسمسمايه التقطيع ده قبل التخمير000 لكن بالنسبه لطريقة العجن بتاعتي انا بخمرو قبل ما اكوره بنص ساعه عشان العجينه ترتاح وتتشكل ليك بارتياح00 وبعد مااكورها بالطريقه دي بديهاربع ساعه وبعد ماافردها بديها من ربع ساعه- نص ساعه حسب الجو000بس تاني لما تعملي غداء بي حاجاتك الحلوه دي لااااااازم تعزمينا معاك عشان ماتفوتنا الحلاوه والطعامه00 وياستي عوضينا العزومه واعمليهو لينا في مطبخك عشان ناكلو معاك

رد
ام اماسي, on يونيو 8, 2010 at 1:50 م said:

ماشاءالله تبارك الله الصور بتاعتك نظيفه انا كنت قايلاها بالكاميرا 000وانشاءالله يوم نفتح المدونه ونلقي عمل يدك بالفيديو وتكون احلي مفااااجاه 0000ولو ربنا مد في العمر نحن في الانتظار وتسلمي

رد
om Lina, on يونيو 8, 2010 at 3:04 م said:

السلام عليكم أخت أم أماسي
ماشاء الله عليك …..نشيطة وشيف درجة أولى ، عجبتني الوصفة وان شاء الله أطبقها …. فعلا مرات الناس بتكون ملخومة بمشاغل الحياة لكن دايما بفتح المدونة من الصباح طلة سريعة كده….

رد
ام اماسي, on يونيو 8, 2010 at 5:16 م said:

اهلا بالغاليه ام لينا
الله يبارك فيك ويخلي ليك لينا000والله فعلا الناس بقت مشغووووله كتير حتي الاهل انشغلو عن بعض والمحنه بقت مازي زمان الله يرحم جدودنا ناس المحنه الفياضه البتصل لعاشر جار 0000 وانشاءالله ربنا يعين الكل
بالنسبه للخبز الطريقه دي ناااااجحه جدا خاصه للمبتدئين وماتنسي كمان خبزنا كلو بقي محسنات وسرطانات حمانا الله 00يعني عملتي عمل كمييييييييه من الخبز البلدي وفرزنتيها بتريحك اسبوع كامل من اكل الخبز المحسن وشويه شويه ممكن تستغني خالص من خبز الافران000
ومشكووووووووووره علي الرد وياريت نتبادل الخبرات وخلينا نشوف وصفاتك وابداعاتك

رد
ام اماسي, on يونيو 8, 2010 at 5:29 م said:

ام ساره انا بديك منشعري
البنات الدمهن شربات
البنلاقيهن في مطبخ سمسمايه 0000ويدونا احلي تحيات

رد
ام اماسي, on يونيو 8, 2010 at 5:41 م said:

ام ساااااااره عملتي الخبز ؟ منتظره في مطار الرياض من الصباح عشان استلم الخبز وامشي اتغدي بيهو لكن شكلك نمتي ونسيتينا

رد
om Lina, on يونيو 8, 2010 at 5:55 م said:

أم أماسي أختك ما عندها أي ابداعات بس شاطرة في التطبيق …. بحاول أتذكر عندي شنو ممكن أكتبو ليكم …وبالنسبة للخبز العربي ده فتشتو كتير بالنت لكن كنت عاوزة زول يديني وصفة مجربة ومضمونة زيك كده… شكرا ليك كتير …

رد
ام اماسي, on يونيو 8, 2010 at 7:06 م said:

سمسمايه ام ساره ام لينا وغيرهم من اخواتي المشاركات في اللحظه دي جابو خبر وفاة خالي العزيز جدا علي قلبي
محمد التوم ارجووووووووووكم الدعاء له بالمغفره

رد
- simsimaya, on يونيو 8, 2010 at 7:57 م said:
  
  انا لله وانا اليه راجعون
  ربنا يرحمه رحمة واسعة ويغفر له
  اللهم تجاوز عن سيئاته
  
  رد
ام سارة, on يونيو 8, 2010 at 9:11 م said:

احسن الله عزاكم وربنا يسكنة فسيح جناتة مع الصديقين والشهداء وانالله وانا الية راجعون

رد
om Lina, on يونيو 9, 2010 at 3:23 ص said:

انا لله وانا اليه راجعون … نسأل الله له الرحمة والمغفرة … وأحسن الله عزاءكم … ربنا يصبرك

رد
ام سارة, on يونيو 9, 2010 at 11:09 ص said:

انا سعيدة جدا بتواصلك معانا يا ام لينة ومنتظرين الابداع انشاءاللة حاجة خفيفة

رد
om Lina, on يونيو 9, 2010 at 3:11 م said:

والله أنا الاسعد بي معرفتكم وان شاء الله قريب أقدر أكتب حاجة مفيدة ..بالمناسبة كل مرة بقرأ شوية من حواراتكم واضحك .. ربنا يحفظكم وبالله ادعو لي معاكم

رد
om Lina, on يونيو 9, 2010 at 3:14 م said:

أم أماسي كيفك اليوم ان شاء الله أحسن …حال الدنيا تجمع ناس وتفرق ناس …ان شاء الله ربنا يجمعنا بيهم جميعا في دار الخلود..

رد
ام سارة, on يونيو 9, 2010 at 3:33 م said:

انتى مقيمة فى الرياض يا أم لينة؟ وام اماسى انشاءاللة ربنا يصبركم

رد
ام سارة, on يونيو 9, 2010 at 6:30 م said:

يازوار عايزة طريقة عمل الكاتشب والمايونيز تكون طريقة مجربة وظابطة اكون ممنونة

رد
ام اماسي, on يونيو 9, 2010 at 8:41 م said:

بسم الله الرحمن الرحيم

الحمد لله على ما قدَّر و قضى، و لله ما أخذ، و له ما أعطى وكل شيء عنده بأجل مسمى، وانا لله وانا اليه راجعون -مشكورات اخواتي علي مواساتي
لا يراكم الله مكروهاً في عزيزاً لديكم

رد
ام اماسي, on يونيو 9, 2010 at 8:49 م said:

الحمدلله اخواتي العزيزات والله كان بالنسبه لي الوالد والخال 000 والله فراقه حااااااااار لكن ده حال الدنيا والحمدلله وكلنا لها وانا لله وانا ايه راجعون
بكرر شكري عزيزاتي سمسمايه ام ساره وام لينا
حفظكم الله ورعاكم

رد
om Lina, on يونيو 10, 2010 at 3:23 ص said:

أبدا يا أم سارة لكن أمنية حياتي اني أعيش في المدينة المنورة…أنا مقيمة في نيوجيرسي بالولايات المتحدة

رد
ام سارة, on يونيو 10, 2010 at 11:44 ص said:

ياأم اماسى ربنا يجعلعها اخر احزانكم

رد
ام سارة, on يونيو 10, 2010 at 11:47 ص said:

صباح الخير يأم لينة شكرا على التوضيح ربنا يرد غربتكم انشاءاللة كلمنى شوية عن امريكا عن الحياة فبها والاكل كيف عندكم امكن نججيكى زياره هههههههههههه ولا شنو ياسمسماية

رد
- simsimaya, on يونيو 10, 2010 at 1:27 م said:
  
  هههههههههههههه
  ايوة صح نشوف بلد العجم
  كيفك ام سارة
  
  رد
om Lina, on يونيو 10, 2010 at 2:54 م said:

أهلا بيكي يا أم سارة … مع العولمة دي الحياة بقت واحدة في العالم كله فيما عدا اختلاف الطقس.. بالنسبة لي أنا بعمل أكلنا السوداني وأولادي بحبوا الطبايخ ومرات كتيرة بلقى وصفات من التلفزيون وبطبقها، لكن أكلنا السوداني ده ما في زيو.. وان شاء الله نتلاقى قريب

رد
ام سارة, on يونيو 10, 2010 at 4:08 م said:

واللة طبعا الليلة الخميس الشغل كتير لمن عندى هبوط طبعا كل خميس بنقلب البيت طبعا عنكبوت مافى عشان نزعف لكن الحيط بتكون مغبرة والاولاد الله يهديهم عاملين الحيط سبوره يرسموا بالاقلام عليها وانا شغالة غسيل فيها لمن احس بفقدان التوازن بجى داخلة عندكم بقول امكن القى لية عصير ليمون ساى هههههههههههه

رد
ام سارة, on يونيو 10, 2010 at 4:11 م said:

ياام لينة كويس انك كلمتينا بالطقس عشان الواحد يعمل حسابة وكمان سمسماية دى عندها ربو يعنى لازم تلبس ثقيل ههههه

رد
ام سارة, on يونيو 10, 2010 at 4:15 م said:

اها ياحريم اى واحدة تورينا بكرة كان ربنا احيانا غداها شنو عشان الماعارف اسوى شنو يستفيد من افكاركم طبعا اقلب الناس الجمعة دى بكون يوم الكسرة

رد
- simsimaya, on يونيو 10, 2010 at 5:14 م said:
  
  الجمعة دي نحنا نا قراصة سااااااي
  فطير بملاح التقلية وشعيرية او سكسكانية وسلطة وشطة بيكون متأخر علبال ما جا كل زول من بيتو بفطرو ويشربو الشاي (اساسي) وبمشو الصلاة
  وبعد الصلاة بتون في تحلية خفيفة والقهوة وكان الله يحب المحسنين
  
  لكت بكرة ح اغير الشعيرية يمكن اعمل فطير
  
  رد
ام سارة, on يونيو 10, 2010 at 4:34 م said:

انا بفكر اعمل كبسة اولا اقطع الدجاجة طوليا الى نصفين واقطع بصلة شرائح واضعة فى النار مع الزيت تتقلب شوية واضع معاها البهارات الصحيحة هبهان وفصوص ثوم وفلفل اسود وقرفة وورق غار وكسبرة ناشفة اقلب لمن تظهر ريحة البهار واضع الدجاج يتقلب حتى يتغير لونة واقطع ثلاثة حبات طماطم وفلفلية وجزر مبشور كلهم اضعهم على الدجاج واقلب واضيف عليها شوية موية وملح حتى ينضج الدجاج اطلعة واضيف للدمعة موية تنجض الارز واطعمها بالملح واصلصها واخليها شوية تفور وبعدين اضع الارز حتى ينضج اما بالنسبة للدجاج اتبلة بتدبيلة الضلع حقت سمسماية وادخلة الفرن بعدين اضع الارز على صنية مدورة واضع فيها الارز ومن فوق لية الدجاج وصحن فية صلطة فيها طماطم وبصل اخضر وكرنب يعنى ملفوف وخس ليمون وشطة خضراء

رد
- simsimaya, on يونيو 10, 2010 at 5:17 م said:
  
  قبل كم يوم عملت برياني بالدجاج علي طريقتي السمسماوية
  ان شاء الله انزلوا ليكم
  
  بكرة بستني صحني من الكبسة
  
  رد
ام سارة, on يونيو 10, 2010 at 4:36 م said:

سلطة ياجماعة ماصلطة خطأمطبعى هههههههههههههه بس ماتكونو جعتو

رد
ام سارة, on يونيو 10, 2010 at 4:42 م said:

اذا فى اى تعديل ياريت التبية قبل ما اسوطة طبعا عليه بيبسيى وتحلية مافى اى زول يقرش لية بلحتين وينوم ههههه لكن شاى المغرب معاهو كيكة الشكولاتة حقت سمسماية وكان اللة يحب المحسنين ريقى نشف مافى زول ادانى كباية ليمون ماشة اعملة براى هههههههههه ودعتكم الله

رد
ام اماسي, on يونيو 10, 2010 at 5:12 م said:

اللهم امين ياام ساره ونسأل الله حسن الخاتمه للجميع 000وخليك معانا علي طول ام لينا عشان نستفيد من بعض وشكر كتير لاهتمامكم بالسؤال عني

رد
- simsimaya, on يونيو 10, 2010 at 5:42 م said:
  
  اشتقنا لك ام اماسي
  خليك قريبة لننسي احزاننا وهمومنا
  اللمة حلوة
  
  رد
ام اماسي, on يونيو 10, 2010 at 7:40 م said:

وانا كتيييييير فاقداكم ومشتاقه ليكم000 والله حتي في حزني العميييق ده انتو في قلبي وماغبتو عن بالي ربنا يخليكم لينا ونكون دائما اخوات متحابات في الله ورسوله وفي عمل الخير 000 وربنا يجمعنا في يوم من الايام000 وتسسسسسسلمي اختي الرائعه سمسمايه

رد
ام سارة, on يونيو 10, 2010 at 9:10 م said:

بكرة معزومين معاى غداء بس ياأم لينة اركبى طيارة مواعيدها تمام ومشتاقين ياأم اماسى والشوق كتير للغالية سمسماية

رد
ام سارة, on يونيو 10, 2010 at 9:11 م said:

يا سمسماية كان بتنزلى البريانى بكرة ننتظر قبل ما اعمل الغداء ولا بتأخر شوية

رد
- simsimaya, on يونيو 10, 2010 at 10:00 م said:
  
  ممكن انزلوا ليك بساهر فيهو
  وبكرة تصحي بتلاقيه ان شاء الله
  بس قولي النت ينستر معاي
  
  رد
ام اماسي, on يونيو 11, 2010 at 2:10 ص said:

انا غايتو ياسمسمايه مجهزه كباية اللبن ( الروب) ومنتظره عشان اهضم بيهو بس مايكون فيهو ماجي عشان عندي القرحه وبتعبني شديد 00 لكن مامشكله ببلع حبتين زانتاك وربك كريم000وتسلمي ياست الكل

رد
ام اماسي, on يونيو 11, 2010 at 2:14 ص said:

ام ساره والله انتي كمان وحشتينا كتييير والله مع زحمة الضيوف والعزاء والالم بسرق خمسه دقائق وبدخل المدونه عشان اسلم عليكم 000 ماشاءالله الكبسه بتاعتك جوعتني مع اني لي ماقادره اكل اي شئ 00 بسويها باذن الله 00 عملتها مره واااحده وماعجبت اولادي تاني اصلو ماعملتها 000 ومنتظرين سمسمايه بالبرياني مع كباية لبن نادك 0000وتسلمي غاليتي

رد
ام سارة, on يونيو 11, 2010 at 7:11 ص said:

منتظرين البريانى صاحييييييييييييييييين وياأماسى اشربى اكتيفيا وربنا يشفيكى

رد
zeena, on يونيو 11, 2010 at 12:13 م said:

انا ما عارفة ليش كل ما احاول اشارك ما اقدر اتواصل معاكم كم مرة بعلق لكن تعليقى ما بيظهر

رد
- simsimaya, on يونيو 11, 2010 at 6:08 م said:
  
  زنزونة لو عايزة تتواصلي خليك في صفحة الزوار (ماتنصي تعلقي علي الجديد كلو واحد براهو )
  هنا بتلاقي شمارات الوصفات والتعليقات وكمان ام اماسي شيف درجة اولي واختك سارة ما شاء الله اما ام لينة ملكة التطبيقات
  
  رد
  - om Lina, on يونيو 14, 2010 at 3:43 ص said:
    
    بمناسبة التطبيقات كنت حابة أنزل تزكية لكل الوصفات الجربتها منك يا سمسماية وتستاهل خمسة نجمات :
    أولا بديت بي الترمس ثم الفطير السوداني ، طبيخ الرجلة، عجينة العشرة دقايق و الفطيرة على شكل وردة ، الكعك ، اليانسون (الوصفتين) ، كيكة الشيكولاتة ، الشريق، كرات الكوسة، رول اللحمة ، سلطة التونة، صينية البطاطس بالقشطة، أصابع الكفتة، ملاح التقلية وأخيرا الخبز بي وصفة أم أماسي…
  - simsimaya, on يونيو 14, 2010 at 7:47 م said:
    
    تسلمي يا ام لينه يعني فعلا اسم علي مسمي
    ملكة التطبيقات
ام اماسي, on يونيو 11, 2010 at 12:25 م said:

تسلمي ام ساره 000وفي انتظار البرياني ياسمسمه

رد
ام اماسي, on يونيو 11, 2010 at 2:02 م said:

ام لينه اشتقنا ليك وين الحي بيك

رد
- om Lina, on يونيو 11, 2010 at 5:50 م said:
  
  بالأكتر يا أم أماسي … بس لخمة الدنيا وأمبارح جربت وصفتك بتاعت بسكويت اليانسون وفعلا زي ما قلتي ما بتدي الجنبك ..ماشاء الله عليك…لكن وريني قصتك شنو مع الكاستر والنشأ !؟
  
  رد
ام سارة, on يونيو 11, 2010 at 3:32 م said:

يازينا الحمدللة المرة دى ظبط معاكى وطلع تعليقك وياريت تتواصلى معانا

رد
ام سارة, on يونيو 11, 2010 at 3:35 م said:

نهاركم سعيد ياحلوات سمسماية وام اماسى وام لينة وزينة والحزينة وسمية حسن وغادة وهنوها وحنين المهيرة

رد
- om Lina, on يونيو 11, 2010 at 5:54 م said:
  
  الله يسعدك يا أم سارة …دايما بطل على المدونة وبقرأ تعليقاتك لكن بكون مستعجلة وما بقدر أرد …خليك كده دايمة نشيطة ومواصلة…ربنا يحفظك…
  
  رد
- simsimaya, on يونيو 11, 2010 at 7:21 م said:
  
  يسعد ايامك ام سارة وكل زوار المطبخ
  
  رد
ام سارة, on يونيو 11, 2010 at 3:38 م said:

وطقطق

رد
ام اماسي, on يونيو 11, 2010 at 6:23 م said:

غاليتي ام لينا دوشة الحياه ابدا مابتنتهي خاصه مع الاطفال وطلباتهم المااااااااعندها حد 000 ربنا يعين
ياسلاااام جربتي بسكويت اليانسون؟ انا بسكويت اليانسون ده ماااااااابستغني عنه لانو الضيوف علي طووول بجونا00بعملو بالباقات الكبيره وبحفظه00وكمان عيالي بموووووتو عليهو00
بالنسبه للكاستر والنشا انا بعتبرهم من ا قوي محسنات الطعام خاصه في البسكويتات والخبايز والمعجنات المقليه بتدي قوام ولون وطعم غييييير امسكي فيهم قوي 000وكمان ضيفي ليهم طحين الارز الناااااعم 00ونشا البطاطس 00ونشا التابيوكا00وخميرة البطاطس طبعا الحاجات دي متوفره عندكم في امريكا بكثره انا بديك بعض الوصفات وتطبقيها وشوووووووفي الابداع

رد
ام اماسي, on يونيو 11, 2010 at 6:47 م said:

وكمان ياام لينا عندكم منتجات كنج ارثر من دقيق ونشا ومحسنات وااااااااااااااااااو منها00 جودتها لايعلي عليها وبتدي نتايج فظييييييييييعه

نشا البطاطس انا بضيفو للقيمات بتكون تماما زي لقمة القاضي بتاعة المحلات

خميرة البطاطس بضيفها للمعجنات وده سرررررررررررررر عجيب

نشأ التابيوكا وطحين الارز الناااااااعم بضيفهم للفطير السوداني+ القرقور + القراقيش الحلوه والمالحه والنتيجه بتكون مووووووووووب علي قول ام ساره

ياريت تشتري الحاجات دي كلها وتخليها علي طووول في مطبخك وانا شويه شويه بديك بيها وصفات طبقيها وشوفي الفرق

رد
- simsimaya, on يونيو 11, 2010 at 7:15 م said:
  
  ام اماسي انا بحتج…!؟ لانو الوصفات حتكون ليناس وناس لا
  هسي انا اجيب ليك خميرة البطاطس من وين ولا دقيق البطاطس ولا حتي دقيق الارز والشي التاني دا اسمو شنو؟ ايوة تابيوكا
  خفي علينا خفي او ادينا ليها بداااااااااااااائل
  هههههههههههههه
  
  لا ام لينة والله تستاهل نحن بنحفظ لوصفات يمكن بكرة احلي
  ان شاء الله
  
  رد
ام اماسي, on يونيو 11, 2010 at 7:16 م said:

زينه يازينه شرفتينا 000خليك معانا وورينا ابداعاتك 000عايزين مطبخنا يكون عامر بالحاجات الحلوه والناس الحلوين

رد
ام اماسي, on يونيو 11, 2010 at 7:45 م said:

ههههههههههههههه000ضحكتيني ياسمسمه لما انشرقت 000بس ضحكه اخرها وجع شديد

ااااااااااخ ياسمسمايه هبشتي الجرح اللي فينا!!!!
سودانا الله يكون عونه000نحن يتقصنا الكتير والكتير والكتير0000ماشفتي الحاصل شنو في دنيا الغيرنا 00000لو شفتي !!!!!!!!!!!
حاتكتشفي وللاسف اننا متاخرين عن العالم بمئات السنين في حاجات كتييييييييره 0000والحمدلله
انا بتمني الحاجات دي تكون متوفره عندنا عشان ابداعكم يزيد ابداااااااااع
نشا البطاطس وخميرة البطاطس البديل ليهم موية البطاطس او بطاطس مسلوق لكن برضو مابدي نتايج مرضيه

الارز المطحون 000 بتجيبي ارز وبتنقعيو نصف ساعه وبتنشفيهو وبعداك اطحنيهو علي مراحل حتي ينعم
طبعا التابيوكا للاسف مااااافي ليها بديل (ممكن النشا العادي )
في اشياء واسرار طعام كتيييييييره ياسمسمه لو وريتك ليها حاتستغربي والعجب لو طبقتيها!!!!!!! سبحان الله حاتكتشفي الروعه بعناها الحقيقي000وياريت بكره يكون احلي
تسلمي غااااااااليتي

رد
om Lina, on يونيو 11, 2010 at 8:10 م said:

حيرتيني يا أم أماسي… متين عرفتي الحاجات دي كلها وكيف؟؟!! هل درست معهد في المجال ده!!؟ ما شاء الله تبارك الله… بشوف حاجات كتيرة وكل مرة بجرب حاجة وبنساها… وبعدين حتى الماركات ناس كنج آرثر عارفاها ..تبارك الله … خطيرة خطيرة جد… ودقيق الأرز ده في واحدة سودانية قالت لي بتعمل بيهو العصيدة قمت جبت و ما عملتها وأخيرا استفدت منه في بسكويت اليانسون… سمسماية ماشاء الله عليك عارفاك ما بتتحيري وح تقدري تعملي الحاجات دي براك …. صراحة أول ما شفت المدونة قلت دي أكيد ما قاعدة في السودان …ربنا يحفظك وليك الشكر كونك عرفتينا بالأخوات أم أماسي وأم سارة وبتمنى ألاقيكم قريب…

رد
ام اماسي, on يونيو 11, 2010 at 11:26 م said:

غاليتي ام لينا تسلمي علي الكلام الحلو ده والله رفعتي من معنوياتي كتييير وشجعتيني اديك الكتير والكتير من اسرار ووصفات حلوه 000اولا عزيزتي انا تخصصي علم اغذيه 00 ومشيت بلدان كتيره وتذوقت واطلعت علي انواع كتيييره من الاطعمه وطريقة عملها00 وكمان انا بعشق الطبخ مووووووت وبطلع علي الاف الوصفات خاصه الانجليزيه وبطبقها 00 الحمدلله لدي الكتير والكتير واي سؤال انا حاااااااضره وتسلمي عزيزتي وبأذن الله كلنا نلتقي ونبل الشوق

رد
- om Lina, on يونيو 12, 2010 at 3:44 ص said:
  
  ما شاء الله …. ربنا يحفظك بس طولي بالك معانا نحن محتاجين نتعلم الكثير…
  
  رد
ام سارة, on يونيو 12, 2010 at 12:55 ص said:

كل الونسة الحلوة دى فاتتنى التحية لكل سودانية خارج وداخل البلاد ياام لينة شكرا على اسلوبك الراقى وانا سعيدة بتواصلك وسمسماية عينى عليكى باردة الليلة شكلك مروقة وام اماسى موووووووووووووووب علينا انتى انسانة مبدعة وعندك الكثييييييييييييير لكن بتمرقى فية براحة براحة ههههههههههههه وانحنا مستعجلييييييييييين عايزين نشوف ابداعاتك خلاص شبعنا فى بسكويت اليانسون هههههههه ادينا حاجة جديدة

رد
ام سارة, on يونيو 12, 2010 at 1:03 ص said:

ياأم اماسى الليلة جربت الخبز طلع جناااااااااان بكرة برسل ليكم منو للفطور هههههههههه عشان الغداء كبسة شربنة بية الشاى وهو حاااااااااار

رد
ام سارة, on يونيو 12, 2010 at 1:20 ص said:

من بكرة ماشة اجيب لية شوال نشأ وشوال كاسترد ههههههه ومنتظراك للوصفات وكمان عندى دقيق الارز

رد
ام اماسي, on يونيو 12, 2010 at 1:33 ص said:

ام ساااااااره عزبزتي وحشتيني والله000وضحكتيني موووت والله افتقدت قفشاتك الحلوه معاي 000والونسه الحلوه دي افتقدناك فيها شديد النومه شالتك ولا شنو 000
كدي اعملي لي بسكويت اليانسون ده ورسلي لينا الصور
ومن ناحيتي انا حااعمل ليكم وصفات حلوه 000بس انتظروني شويه بعمل في التجهيزات 0000 وبعدما انتهي بنزلها ليكم كللللللها بالصور000الفطائر 00 اللقيمات 000 الكيك 000 القرقوش وحاجات تانيه احلي من الحلي 00كده رضيتي عني ولا لا 0000انا عيوني ليكم يااخواتي وحبيباتي00وفرحتيني بالخبز عليك الله طلع حلو؟ انا انتظرتك من زمان في المطار وشريتيني شره طويله 0000ارجعي للتعليقات بتاعة الخبز العربي وشوفي انا وسمسمايه انتظرناك كيف؟

اخيرا بكره حاناكلو 00000 تسلمي لينا ياغاليه

رد
ام اماسي, on يونيو 12, 2010 at 1:37 ص said:

ههههههههههههههه والله موتيني عديييييل من الضحك 00حتي الكتابه غلبتني00

رد
ام اماسي, on يونيو 12, 2010 at 1:50 ص said:

ام ساره انتي يادووووب ماشه تجيبيهم؟ 0000انا كل اسبوع بخلص شوال نشأ وشوال كستر هههههههههه000دقيق الارز جبتي الناعم ولا الخشن شويه؟
دقيق الارز الناعم المهلبيه بتاعتو رهييييبه مررره واكيييد جربتها 000كمان الكريم كراميل بضيف ليهو ملعقه كبيره طحين ارز ناعم بطلع متماسك ورهييب 0000الكلام ده كلو انا بوثقو ليك بالصور وجربي وشوووووووووفي00 بعدها ياام ساره حاتجيبي كل اسبوع شولات نشا وكاستر ههههههه000 احلي تحيه ليك ياسكر ونشا وكاستر ههههههه

رد
ام اماسي, on يونيو 12, 2010 at 2:00 ص said:

ام لينا عصيدة الزبادي ممكن تعمليها بدقيق الارز الناااعم + الدقيق العادي + رشه بسييييطه ملح ليمون 0000ودقيق الارز بخليها تكون متمااااسكه وبديها طعم حلو

رد
- om Lina, on يونيو 12, 2010 at 3:40 ص said:
  
  براحة علي يا أم أماسي أديني المقادير بالضبط عشان ما ألخبط … يعني مثلا نسبة دقيق الأرز للدقيق العادي!!…
  
  رد
ام اماسي, on يونيو 12, 2010 at 2:52 ص said:

سمسمايه وام ساره استعدوا لبرنامج الرجيم لكن قبل مانبدا بديكم شوية معلومات

اتباع النظام الغذائي لتخفيف الوزن (الريجيم) لوحده قد يؤدي إلى نزول الوزن ولكن بالمقابل يؤدي إلى إضعاف العمليات الحيوية في الجسم وبالتالي تقليل كمية الطاقة المستهلكة تبعا لتقليل كمية الأكل المتناولة وكذلك يؤدي إلى نقص كتلة العضلات وكثافة العظام وذلك يحدث عند عدم ممارسة الرياضة أثناء عمل الريجيم مع نزول الوزن الذي يكون قد حصل ليس لفقدان الكتلة الدهنية وحدها بل يرافقه فقدان للكتلة العضلية.
والدراسات الحديثة تؤكد فوائد ممارسة الرياضة مع اتباع نظام غذائي لتخفيف الوزن إذ يحافظ النظام المشترك بينهما إلى زيادة نشاط العمليات الحيوية وتقليل الكتلة الدهنية دون فقدان لكتلة العضلات وكثافة العظام ومن الجدير ذكره أنه عند المحافظة على كتلة العضلات قوية يزيد من قدرة العضلة على حرق الدهون وبالتالي التخلص من الدهون المتراكمة ومن ثم تخفيف الوزن.
ملاحظة مهمة يجب أن نعرفها أنه من الطبيعي جدا أن لا ينزل الوزن خلال الشهر الأول من ممارسة الرياضة وذلك لزيادة وزن الكتلة العضلية في الجسم، إلا أن ثبات الوزن هو حالة مؤقتة يتبعها نزول الوزن مع الاستمرار بممارسة الرياضة وزيادة قوة الكتلة العضلية مهم جدا لزيادة قدرتها على حرق الدهون وبالتالي فقدان الوزن.000يعني قبل مانبدا لااااااازم الرياضه 000الرياضه0000 الرياضه

رد
- simsimaya, on يونيو 12, 2010 at 5:39 م said:
  
  تمام عال العال
  دا بداية كويسة معلومات حلوة
  بس كيف ننطلق
  
  رد
ام اماسي, on يونيو 12, 2010 at 3:02 ص said:

رياضه لتنزيل الكرش والارداف ( معليش سمسمه علي الرابط)
http://www.eyeoftraveler.com/vb/showthread.php?t=738

رد
ام اماسي, on يونيو 12, 2010 at 3:12 ص said:

الرجيم الكيميائي هو نوع من الرجيم يعتمد علي تحديد نوعية وكمية معينة من الغذاء لمدة لا تقل عن أسبوع يتطابق فية الوجبات الغذائية الثلاث كل يوم ، لكن يجب مراعاة تطبيق تلك التعليمات الهامة قبل البدء في تنفيذ هذا النوع من الرجيم.

1- يجب الإلتزام التام بترتيب الوجبات دون أدنى خطأ, لأن هذا البرنامج يعتمد على نوعية وترتيب الأكل وليس على كمية ومقدار السعرات به.

2- يجب ممارسة الرياضة 30 دقيقة يوميا على الأقل ويفضل الركض أو الدراجة أو السباحة , كذلك الأيروبكس ( يجب أن يصل الجسم لمرحلة العرق والنهجان مع الرياضة).

3- يجب أن تأخذ الأمر بدية شديدة وبإرادة قوية ولا تجعل أي شيء يثنيك عن الاستمرار بنفس العزيمة.

4- يجب الإكثار بشرب الماء.

الإسبوع الأول:
الإفطار اليومي نصف برتقاله أو نصف جريب فروت + ( 1-2) بيضة مسلوقة ( يمكن تناول البرتقال في صورة عصير طازج )

الفطور كما هو لمدة اسبوع كامل .

السبت :
الغداء: 2 بيضة مسلوقة + سلطة .
العشاء: 2 بيضة مسلوقة أو 2 كوب زبادي صغير منزوع الدسم + 1 برتقالة أو جريب فروت.

الأحد
الغداء: لحم مشوي أو مسلوق + سلطة.
العشاء: 2 بيضة مسلوقة + 1 برتقالة أو جريب فروت.

الإثنين
نفس يوم الأحد.

الثلاثاء:
الغداء: 2 بيضة مسلوقة + جبن قريش ( أو أي جبن أبيض منزوع الدسم ) + خضار مسلوقة.
العشاء: 2 بيضة مسلوقة أو كوب زبادي صغير منزوع الدسم + خضار مسلوق + طماطم.

الأربعاء:
الغداء : سمك أو ربيان ( مسلوق أو مشوي أو تونه بدون زيت التونه )
العشاء : 2 بيضة مسلوقة + خضار مسلوقه.

الخميس
الغداء: لحم مشوي أو مسلوق + طماطم + 1 برتقاله أو جريب فروت.
العشاء: خليط من الفواكه الطازجة ( ماعدا التمر – التين – العنب – الموز – المانجو )

الجمعة
الغداء: دجاج + طماطم + خضار مسلوق + 1 برتقاله أو جريب فروت.
العشاء: دجاج + طماطم + 1 برتقاله.

الإسبوع الثاني:
السبت : طوال اليوم أي نوع فاكهة وبأي كمية ( ماعدا العنب – المانجو – التمر – الموز – التين ).

الأحد: أي نوع من الخضار المسلوقة وأي نوع سلطة ( ماعدا البطاطس أو البقوليات الجافة ).

الإثنين: طوال اليوم أي نوع فاكهة السابقة وأي نوع من الخضار المسلوقة والسلطة في أي وقت و بأي كمية.

الثلاثاء: سمك أو ربيان أو تونه ( كما سبق ذكره ) وبأي كمية + سلطة.

الأربعاء: طوال اليوم لحم مشوي أو مسلوق أو دجاج مسلوق أو مشوي و بأي كمية خضار مسلوق صنف واحد .

الخميس والجمعة: فاكهة صنف واحد فقط في اليومين ( تفاح فقط – كمثري فقط – خوخ فقط – برتقال فقط – شمام فقط – مشمش فقط – أو جوافه فقط ) وبأي كمية وفي أي وقت.

الإسبوع الثالث
الكمية المذكورة في كل يوم توزععلى اليوم كله بدون موعد محدد ولكم بدون زيادة بالكمية.

السبت: 4 شرائج صغيرة لحم مشوي أو دجاج – 3 طماطم – 4 خيار – علبة تونه كبيره من غير الزيت – 1 توست – 1 برتقاله او جريب فروي.

الأحد: 2 شريحة صغيرة لحم مشوي – 3 طماطم – 4 خيار – 1 توست أو ربع رغيف خبز أسمر. – 1 تفاحة – 1 برتقاله.

الإثنين: 1 ملعقة جبن قريش أو أي جبم آخر منزوع الدسم – 1 علبة تونه – طبق صغير خضار – 2 طماطم – 2 خيار – 1 توست محمص أو ربع رغيف محمص.

1 برتقاله او جريب فروت.

الثلاثاء: نصف دجاجة – 3 طماطم – 4 خيار – 1 توست أو ربع رغيف محمص – 1 برتقاله او جريب فروت .

الأربعاء: ربع دجاجة – 2 بيضة – 1 خس – 3 طماطم – 4 خيار – 1 برتقاله.

الخميس : 2 صدر دجاجه – ثمن كيلو جبن اي نوع خالي السم – 1 توست – 2 طماطم – 2 خيار – 1 زبادي بدون دسم – 1 برتقاله او جريب فروت.

الجمعة : 1 ملعقة جبن ( كما سبق ) – علبة تونه – طبق صغير خضار مسلوق – 2 طماطم – 2 خيار – 1 توست محمص – 1 برتقاله او جريب فروت.

الاسبوع الرابع
كما سبق ذكره في الإسبوع الأول.

رد
om Lina, on يونيو 12, 2010 at 3:46 ص said:

معقولة يا أم أماسي تدينا وصفة الخبز العربي واليانسون وتقولي جيبوا النشأ والدقيق وما شابه ذلك وتاني تجي تقولي ريجيم ..!!!!!

رد
- simsimaya, on يونيو 12, 2010 at 5:42 م said:
  
  مش عليك الله؟
  عاوزين رجيم فيهو خبز وشيكولاتة وكل شي حلو وممزمز
  هههههههههههه
  
  رد
ام اماسي, on يونيو 12, 2010 at 8:13 ص said:

هههههههههههه كلام غريب !!!!!!مش كده ياام لينا00000عايزاك ترجعي لوصفة سمسمايه الجديده( برياني الدجا)وتشوفي تعليقاتنا
سمسمايه وام ساره خربوها مرررررره واحده قالو عايزين مني برنامج للرجيم وانا تميت ليهم الناقصه ههههههههههه

رد
- simsimaya, on يونيو 12, 2010 at 5:45 م said:
  
  والله يا ام اماسي بالجد عاوزين البرنامج دا
  وان شاء الله كمان ننزل وصفات للرجيم
  منها تابعنا النظام
  ومنها نزلنا وصفات جديدة ومفيدة
  (لسااااااااااان ساي )
  
  رد
ام اماسي, on يونيو 12, 2010 at 8:50 ص said:

بالنسبه لعصيدة الزبادي ياام لينا
علبة زبادي + كوب ماء + 3 ملعقه كبيره مليانه دقيق ابيض+م ك طحين ارز ناعم + رشه بسيييييييطه جدا ملح ليمون ( انا بحبها حامضه شويه وكمان ملح الليمون بديها بياض ناصع)
المقادير دي كلها تخلطيها علي الباررد بمضرب السلك اليدوي(بتحسي بيها يقت تقيله شويه) وتضعيها في النار وتحركي باستمرار عشان ماتكلكع لو حسيتيها بقت اسمك من اللازم زيديها شوية مويه ولو حسيتيها كمان بقت خفيفه بسرعه اعملي ملعقه كبيره مع شوية مويه وضيفيها ليها بسرعه وحركي بسرعه شديده 000 القوام يكون عندك اثثثقل من قوام الكاستر 000 او المهلبيه00 حركيها تمام حتي تفك شويه من الجوانب ولما تنضج امسحي صحونك بشوية زيت وصبيها وخليها تبرد تماما حتي تجمد 00 ممكن بدل الزيت تصبي في كل الصحن م ص مويه وتصبي العصيده 00وبالهناء عليك

رد
- simsimaya, on يونيو 12, 2010 at 5:54 م said:
  
  ما قصرتي معاها
  تقريبا بعملها نفس الطريقة يا ام اماسي
  
  رد
ام اماسي, on يونيو 12, 2010 at 8:54 ص said:

القياس بالكوب العادي وملاعق الاكل العاديه

رد
ام اماسي, on يونيو 12, 2010 at 9:07 ص said:

طبعا انا بفضل اعمل عصيدة الزبادي باللبن(الروب) ومقاديري

2كوب لبن (روب) ( انا بفضل نادك لانه تقيييييل )

كوب ماء

8 م ك دقيق كويتي+ رشه بسيييييطه ملح ليمون
الدقيق ممكن يكون قابل للزياده (حسب نوعية الدقيق)

رد
ام اماسي, on يونيو 12, 2010 at 9:49 ص said:

وبعمل مع العصيده دي ملاح نعيميه من غير لحمه بطريقة الناس الكسلانين سريييييعه ومريحه 0000المقادير
4 بصلات صغار + ربع كوب زيت
4 طماطم وسط
م ك صلصه
ملح وشوييييية فلفل اسود
4 مك فول مسحون(دكوه)
حبة ماجي ( زمان كنت بعملها لكن بعد القرحه سبتها)
2فص توم
3كوب لبن ( روب)
3 مك دقيق عادي اووووو طحين ارز ناااعم
الطريقه
تشوحي البصل حتي يذبل ويصفر لونه
تجيبي خلاط العصير وتختي البصل المشوح +الطماطم ( قطعيها مكعبات)+الصلصه + حبة الماجي+الثوم + كوب ماء وتخلطي تمام حتي ينعم
نضعي الخليط علي النار وتضيفي ليهو شوية مويه وتخليهو يغلي بعدها اخلطي الفول المسحون مع الروب وضيفيهو
للخليط خليهو شويه علي بعدها ذوبي الدقيق بشوية مويه وضيفيهو للخليط واضربي زيييين بمضرب السلك اليدوي
خليها تنضج ( تشوفي الوش بقي مكرمش شويه)
وتاكلوها بالهناء مع عصيدة الزبادي

رد
- om Lina, on يونيو 12, 2010 at 2:04 م said:
  
  يا سلاااام ..عذبتينا بالوصف..وهسه ما عارفة اعمل شنو ولا شنو….الليلة بجرب البرياني وبكرة ان شاء الله العصيدة والملاح.. انتي عارفة انا لازم اسجل الحاجات دي كلها في كراس عشان الذاكرة بقت خربة.
  
  رد
ام سارة, on يونيو 12, 2010 at 12:04 م said:

طبعا الريجيم خطير واللة عندى عزيمة قوية للتطبيق بس الشى دا مافية خبز وبنزل كم كيلو؟انا عايزة انزل 25 كيلو خخخخخ ودقيق الارز عندى ناعم ذى النشأ وريحتة جوز هند عملتو فى بسكويت اليانسون طلع دمااااااااااااار

رد
ام سارة, on يونيو 12, 2010 at 12:11 م said:

لكن بعد الريجيم بنكاكى عديل من البيض هههههههه

رد
ام سارة, on يونيو 12, 2010 at 12:16 م said:

لكن ببدأ البرنامج بكرة عشان الليلة عندى باقى الكبسة وباقى كيكة الشوكولاتة ههههههه اما الرياضة بعمل حقت البيت وحقت الشارع دى عايزة ترتيب مع ابو العيال

رد
ام سارة, on يونيو 12, 2010 at 12:23 م said:

واللة النومة ماشالتنى لكن كنت بشاهد فى برنامج الشروق مرت من هنا قلت امكن يوم نشوف سمسماية ههههه وتطلع ليها هدية عجانة هههههههههههه

رد
ام سارة, on يونيو 12, 2010 at 12:28 م said:

ان عندى منهج سعودى كتب يعنى بتاعت التدبير المنزلى فيها الاساسيات وحاجات جميلة بحاول كل مرة انزل ليكم حاجة يعنى بتكون حاجات ضمان شركة ههههههههه مافيها خطأ الا يكون مطبعى يا ام اماسى هههه

رد
ام سارة, on يونيو 12, 2010 at 12:30 م said:

معليش الكلام نسانى اصبح عليكم صباح الخيرات لكل الاميرات الحلوات

رد
ام اماسي, on يونيو 12, 2010 at 2:51 م said:

هلا ام ساره 00 الرجيم بنزلك من 8-10 كيلو في الشهر
هههههههههه بعد شهر نمشي نرقد مع الدجاجتين بتاعة البرياني حق سمسمايه هههههههههههه 00عليك ياام ساره امشي ارجعي لصور برياني الدجاج واتخيلينا نحن بعد شهر نكون مشرفين الدجاج بهناك هههههه
والله ياام ساره مااااااافي شئ مستحيل ممكن في يوم سمسمايه تشرفنا في التلفزيون والله 00اكتر واحده تستاهل تقدم برامج المطبخ ويكفيينا عنوان مطبخ سمسمايه
انا عندي مكتبه كاااااامله بتاعة طبخ وبطبق الكتير من الوصفات مرات بتضبط ومرات يعني000لكن عندي اطباق النخبه ده بالدنيا وصفاته رهييييييبه ومضمونه انشاءالله يكون عندك 00وسلامات

رد
ام اماسي, on يونيو 12, 2010 at 2:57 م said:

تسلمي ام لينا وتستااااهلي وانا حااااااااضره لاي سؤال

رد
ام اماسي, on يونيو 12, 2010 at 3:02 م said:

سمسمه الغاليه اشتقنا ليك وين انتي 0000اكيييييد مع الشغل والتعب والسخانه ربنا يعينك ويسهل عليك00 توحشناك برشه علي قول التوانسه 00عملنا ملاح النعيميه وعصيدة الزبادي تعالي خذي نصيبك 000

رد
ام اماسي, on يونيو 12, 2010 at 3:14 م said:

الغداء اليوم عملتو صينية خضار بالدجاج وطلع رووووووعه 0000يللا يا اخواتي عازماكم معاي

رد
om Lina, on يونيو 12, 2010 at 3:16 م said:

وينك يا سمسماية مختفية ..اشتقنا ليك….. الشعار الجميل بتاع سمسماية ذهبي اللون في صفحة من أنا فيهو حرف ناقص بس قلت ألفت انتباهك ليهو …

رد
- simsimaya, on يونيو 12, 2010 at 8:47 م said:
  
  شكرا ام لينة
  تصدقي ما كنت ملاحظة ليه الا بعد كلامك
  تم التعديل يا عسل
  
  رد
  - om Lina, on يونيو 13, 2010 at 8:30 ص said:
    
    تعجبني فيك الهمة…ماشاء الله
ام سارة, on يونيو 12, 2010 at 4:07 م said:

مقبولة العزيمة يارائعة لكن ماينفع تقولى اسم الاكلة وخلاص لازم شرح دقيق مع الاسم الدجاج حق سمسماية عملتية بالفرن ولا وصفة تانية

رد
ام سارة, on يونيو 12, 2010 at 4:10 م said:

مساء الخير ياام لينة بالنسبة لحفظ الكتابة ماتنقلى فى كراس اشترى فلاش وانسخى علية

رد
ام سارة, on يونيو 12, 2010 at 4:11 م said:

ياأم أماسى الريجيم فبة خبز؟

رد
ام اماسي, on يونيو 12, 2010 at 5:55 م said:

ام ساره الخبز الاسبوع التالت 000 اتجرستي ولا شنو 00الخبز الاسبوع الاول ماااااااافي واصبري لازم تاكلي من غير خبز
الرجيم ده لو قاسي انا بديك واحد تاني رايك شنو فيهو خبز رايك شنو؟

رد
ام اماسي, on يونيو 12, 2010 at 6:25 م said:

صينية الدجاج بالخضار
خضار ( بطاطس+جذر+فلفل اخضر ممكن كوسه بس انا ماعملتها)
4 صدور دجاج مقطع صغار
بصله صغيره مقطعه مكعبات+ ربع كوب زيت
حبة ماجي (انا مابعملو)
ملح وبهارات
4 فصوص توم
4 قرن شطه خضراء(انا مابعملها)
2 مك صلصه
3طماطم كبير
م ص فول مسحون (ده سر النكهه)
الطريقه
تغسلي صدور الدجاج بالخل والملح
تشوحي الصدور مع البصل وتضعيها علي جنب
تشوحي الخضار بعدما تقطعيهو دوائر وتضعيهو علي جنب
في خلاط العصير نضع الطماطم + التوم + الصلصه + الماجي
الفول المسحون+البهار والملح+ الشطه الخضراء+ 2كوب ماء نخلطهم تمام
بعدها نضع صدور الدجاج والخضار المشوح في صينية الفرن ونصب الخلطه من فوق ليهم ونصب شوية زيت من فوق ونلفها بقصدير وندخلها االفرن 00بعدما تنضج رسلي لينا منها شويه وبالهناء عليكم
كمان المسقعه بعملها بنفس الطريقه بدل الدجاج بتكوني مجهزه لحمه مفرومه مطبوخه وبتمشي بنفس الخطوات
كمان سلطة الاسود بعملها بنفس الخطوات

رد
ام اماسي, on يونيو 12, 2010 at 6:36 م said:

هلا بالغاليه سمسمتنا نورتي 000والله كلامك صاح لما نجي لبرنامج الرجيم بكون كلام سااااي00ياستي نحن عاااااااوزين وصفاتك الدسمه والحلوه بلا رجيم بلارجيم الرجيم انا بعمل فيهو لي سنه وفي النهايه وزني زاد 10 كيلو 000اها نعمل شنوبعدده؟ياستي ناااااااااكل00 وكمان سمسمه بتساعدنا في عمل الحاجات الحلوه مش كده ياسمسمه

رد
- simsimaya, on يونيو 12, 2010 at 8:52 م said:
  
  أشم رائحة شواء
  شنو مرة رجيم ومرة صواني دجاج
  ورونا نرسا علي وين
  ولا النص كويس ههههه
  
  رد
ام اماسي, on يونيو 12, 2010 at 6:54 م said:

ام ساره صدور الدجاج ممكن تشوحيها بالفلفل الاسود المطحون (نصف م ص )مع شوية زيت وتستغني عن البصل بتكون ريحتها رهييبه وكذلك اللحمه المفرمه انا بشوحها بالفلفل الاسود وببشرعليها جذر بخليها تتشوح شويه وبضيف ليها باقي المقادير من بصل مبشور وطماطم وصلصه وفلفل اخضر وبهار0000

رد
ام سارة, on يونيو 12, 2010 at 7:17 م said:

يديك العافية ياام اماسى انا عايزة تشجيع فى الريجيم ياحريم ماتهبطو عزيمتى ياام اماسى انا عايزة واحد فية خبز ردة

رد
- simsimaya, on يونيو 12, 2010 at 8:55 م said:
  
  يلا يا ام سارة انا بشجعك انا بديت من اسبوع
  نزلت 2 كيلو مع الرياضة
  اها رايك شنو
  ما باكل خبز
  لكن الرجيم بتاع ام اماسي دا بالذاتى الاسبوع الثاني صعععععععععععععععب
  
  رد
ام سارة, on يونيو 12, 2010 at 7:19 م said:

انا طبعا من عشاق الفلفل الاسود والشطة الخضراء خاصة فى ام فتفت

رد
ام سارة, on يونيو 12, 2010 at 7:21 م said:

سمسمااااااااااااااااااااااااااااااااااااااااااااااااااااااااااااية معاكى ضيوف ولاشنو؟

رد
- simsimaya, on يونيو 12, 2010 at 9:00 م said:
  
  لا بس جسمي مكسر من الرياضة
  
  رد
  - ام سارة, on يونيو 12, 2010 at 9:05 م said:
    
    ههههههههههههه بس ماتكونى بديتى الريجيم
ام سارة, on يونيو 12, 2010 at 7:32 م said:

ياام اماسى مؤلف اطباق النخبة ام عبدالعزيز؟وبكم الكتاب؟

رد
ام اماسي, on يونيو 12, 2010 at 8:24 م said:

ام فتفت دي عممممممممري مااكلتها لاني مااااابحب اللحوم النيه وخصوصا المراره ومشتقاتها ولا بعاين ليها وريحتها بتتعبني مرررره 000بتاكليها كيف ياام ساره؟
ايوه ياعسل مؤلف الكتاب أمل بنت يحيي الجهيمي (ام عبدالعزيز) وسعره 120 ريال 0000رهيييييب والله 00انا ممكن انزل ليك الوصفات اللي جربتها وضبطت معاي

رد
ام سارة, on يونيو 12, 2010 at 9:03 م said:

تمام وان منتظرة الوصفات ام فتفت بناكلها نجيضة مانية اول شى بنقطعها ونغسلها بالملح والليمون والعجين غسيل حبوبات نظيييييييييييف ونجيب حلة ونختها فيها بدون اى حاجة معاها نختها فى الناربتقوم بطلع موية اها الموية دى بنكشحهاوبتكون نصف استواء تقومى ياستى تجيبى صحن وتعملى فية اتى وليمون وشطة حمراء وفلفل اسود وتوم وحبة طماطم ودكوة وتنزلى ام فتفت من النار وتلخبطى معاها خليط الدكوة ومعاها ملح وتاكليها حاااااااااااااااااارة من النار حاجة رهييييييييييييبة وماتنسى البصل شرائح وبالهناء

رد
ام سارة, on يونيو 12, 2010 at 9:08 م said:

ياسمسماية اكتبى لينا البرنامج حقك

رد
ام اماسي, on يونيو 12, 2010 at 9:22 م said:

ام ساره اليك برنامج تاني رجيم البروتينات
الاسبوع الاول
السبت
الفطور
4 مك فول مصري وشوية ملح وربع مص زيت زيتون او سمسم للنكهه + ربع خبزه رده +كوب عصير برتقال بسكر الفواكه او سكر سبليندا بتحصليهو في كارفور او سكر ستيفا 00 سكر الفواكه العادي موجود في كل السوبر ماركت

الغداء
اعملي حلة طبيخ فاصوليا كبيييره وختيها في الفريزر( بشرح ليك طريقتها ) كل مره خذي منها 4 مك بربع خبزه رده
+ كوب شاي بسكر الرجيم

العشاء
قطعة تفاحه وبس
اليوم التاني
الاحد
الفطور
2بيضه مسلوقه + صحن سلطه معاهو بقدونس وخس
الغداء نفس الغداء بتاع يوم السبت+كوب شاي
العشاء
كوب حليب خااااالي الدسم ( رشاقه)
الاثنين
الفطور
شاي بحليب خالي الدسم مع 2 قطعة شابوره بر
الغداء
بطاطسه وسط مسلوقه ومقطعه مكعبات +ليمونه + شوية ملح +شوية توم+2مك زبادي خالي الدم تخلطيهم مع بعض وتاكليها بربع خبزه بر+ عصير ليمون
العشاء
قطعة تفاحه وبس
التلاتاء
الفطور
علبة زبادي خالي الدسم +ربع خبزه بر

الغداء نفس يوم السبت
العشاء
3 حبات طعميه نشفيها من الزيت تمااااااااااام مع قطعة 2خيار + ربع خبزة بر
الاربعاء
الفطور نفس يوم السبت
الغداء
اعملي شوربه عدس كالاتي بهارخفيييييف وحبة طماطم مكعبات+ بصله صغيره مبشوره تخلطيهم وتضيفيهم للعدس وتعمليها شوربه خفيفه
تاخدي منها 2كمشه مع نصف خبزه بر+ كوب عصير قريب فروت
العشاء
قطعة تفاحه وبس
الخميس
الفطور
صحن سلطه بشوية توم وليمون وربع م ص زيت سمسم+ ربع خبزه بر+موزه

الغداء
نصف دجاجه مشويه + كوب عصير قريب فروت
العشاء تفاحه
الجمعه
الفطور
نفس يوم السبت + كوب عصير ليمون
الغداء
نفس يوم السبت
العشاء
سلطة روب بزبادي خالي الدسم

رد
ام اماسي, on يونيو 12, 2010 at 9:39 م said:

اها ياأم ساره ده رجيم تماااااام بس ماتنقصي ولاتزيدي
ممكن لوحبيتي تزدودي عصائر برتقال وليمون وقريب فروت بسكر الفواكه مااااااتنسي ممكن تعملي شاي اخضر 3 مرات في اليوم بسكر الاسبليندا الخالي من السعرات
وطبيخ الفاصوليا كالاتي
اولا تنقعي الفاصوليا وتسلقيها بشوية باكنج باودر وتصفيها من المويه
المقادير
2بصله + ربع كوب زيت + م ص صلصه +بهار وملح خفييييف +2فصوص توم+ 4 طماطم
وتطبخيها عادي
وبالعافيه عليك

رد
ام اماسي, on يونيو 12, 2010 at 9:43 م said:

بعدما تخلصو الاسبوع ده ببدا معاكم الاسبوع التاني

رد
ام اماسي, on يونيو 12, 2010 at 9:52 م said:

ياسمسمه ماشاءالله عليك بديتي الرجيم؟ ونزلتي 2 كيلو ؟ انا غايتو عشان البيبي بتاعي عمره 7 شهور مابقدر اعمل ليهو رجيم وماااابقدر استغني عن اكلك البشحتف الروح00 انتي وام ساره اعملوهو براااكم ولا شنو؟

رد
- simsimaya, on يونيو 12, 2010 at 11:19 م said:
  
  لا العمل الجماعي كويس
  بس انتي ممكن تخففي شوية والرضاعة برضو بتنزل الوزن
  المهم حاولي معانا وادعي لينا
  انا تقريبا زي برنامجك دا بس خبز مافي
  لحوم مسلوق او مشوية بيض لبن خالي الدسم
  سكر لا نشويات لا
  خضار وسلطة
  بس ما في جدول مخصص
  
  رد
ام اماسي, on يونيو 12, 2010 at 10:10 م said:

الله ياام ساره شهيتيني ام فتفت طالما نجيضه لبعملها في افرب وقت وبرسل ليك معاي وتسلم اياديك

رد
ام اماسي, on يونيو 12, 2010 at 10:22 م said:

لسد الشهيه

جيبي كوب شوفان +3 كوب ماء انقعيهو 4 ساعات واشربي منو اي كميه000 كمان بنفع لمرضي الكلي حيث يقوم بغسيل م الكلي وتخفيف الام الكلي

جيبي7جذرات واسلقيهم ب4كوب ماء واخلطيهم وكل ما تحسي بالجوع اشربي كوب وبالهناء

رد
- simsimaya, on يونيو 12, 2010 at 11:41 م said:
  
  دي كويس عشان نملا المعدة
  ما نحس بالجوع
  
  رد
ام اماسي, on يونيو 13, 2010 at 3:16 ص said:

ياسمسمه برنامجك برضو كمان حلو 0000 انا كتييير بعمل زيي برنامجك ده بس للاسف الرضاعه بتجوعني وبتخليني اكل بكميات كبيره 00واليوم كلو ممكن اكون باكل (دي مشكله كبيره مش كده)000لكن بحاول اتشجع معاكم واعمل الرجيم00 وجهاز السير موجود عندي بجري 45 دقيقه مرتين في اليوم من الصباح مره علي معده فارغه عشان الكرش
وبالليل مره مع اخذ شهيق وزفير للمعده والكرش
كمان عندي شنطة النساء لاثقال اليد (6 كيلو) عشان تشد المنطقه الفوق وبرضو مااستعملتها كتير فرحت بيها الايام الاولي وبعدها ركنتها
والشوفان ده انا مجرباهو بسد الشهيه بصوره رهيبه بس ماتصفيهو اشربيهو تقييييل وشوفي
وعندي كمان الحزام الحراري لشد البطن كمان استعملتو ايام ووقفت بعد ذلك ( كسل شديد) وربنا يعين

رد
- simsimaya, on يونيو 13, 2010 at 10:26 ص said:
  
  والله مشكلة لكن ركزي علي الخضار والفاكهة بين الوجبات يعني ساعات الجوعة
  وما شاء الله عندك المعينات بس شوية نشاط
  
  رد
ام اماسي, on يونيو 13, 2010 at 7:10 ص said:

سمسمايه العسل عندي ليكم طريقه روووعه للدونات (مثل دونات كربيسبي كريم) وبمقادير مضبوطه ميه الميه بالفيديو انزلها ليك ولا لا؟
طبعا دونات كريسبي كريم من اروع مااكلت

رد
- simsimaya, on يونيو 13, 2010 at 10:24 ص said:
  
  طبعا دي عايزة سؤال
  نزليها وبعد يومين بحذفها عشان ما تتقل المدونة
  يلا ننتظر
  
  رد
om Lina, on يونيو 13, 2010 at 8:40 ص said:

سؤال يا سمسماية : على الهامش الأيمن في “راسلني” هل ده بيصلك ايميل ولا بيظهر كما التعليق؟

رد
- simsimaya, on يونيو 13, 2010 at 10:21 ص said:
  
  يصلنى ايميل يا عسل
  ولا يظهر لاحد
  
  رد
om Lina, on يونيو 13, 2010 at 8:41 ص said:

أقصد “يمكنكم مراسلتي”

رد
ام اماسي, on يونيو 13, 2010 at 2:13 م said:

تسلمي غاليتي سمسمه
شوفي العجينه ماقاسيه00 لينه وملزقه في اليد( اقسي شويه من عجينة اللقيمات ) 00بس بفكها بشوية دقيق وكمان بعد التخمير مافردها شديد عشان تظل محافظه علي شكلها و تخميرها 00وده بديك انتفاخ وهشاشه رهيبه 00(منال العالم بتقول عشان تطلع معجناتك هشه وطريه لااااازم بعدما تخميرها تدللي العجينه يعني ماتفرديها شديد) وده السر في انتفاخ وطراوة وهشاشه وروعة المعجنات00انا الفطائر بتاعتي نفس الطريقه دي00 بعد ما اخمرها برش السطح بشويييية دقيق وببططها بخفه بيدي وبرررراحه شديد عشان تكون محافظه علي شكلها وبتكون ملزقه شويه و بشكلها برررراحه مابضغطها وبخمرها مره تانيه نصف ساعه او اكتر حسب الجو
واكييد ياسمسمه المعلومات دي عارفاها
انا الوصفه دي جربتها كتير والنتيجه كانت روعه00 ومره اضفت ليها 2 مك حليب بودره + مك زبادي+ ملعقه ك كستر برضو ظبتت معاي وطلعت حلوه مررره
واليك الفيديو عزيزتي

http://the99centchef.blogspot.com/2009/05/krispy-kreme-doughnut-recipe-video.html

رد
ام اماسي, on يونيو 13, 2010 at 2:29 م said:

ام ساره وينك 0000الرجيم رخم بيك ولا شنو 000تعالي شوفي الدونات 000افتقدناك ياستنا

رد
om Lina, on يونيو 13, 2010 at 3:38 م said:

أم أماسي يا خطيرة كيفك…. مشكورة على كل الوصفات الرائعة وكمان ما تقولي رمضان على الأبواب ….ربنا يجعلها في ميزان حسناتك ما تتخيلي وصفات العصيدة دي ح تنفعي كيف… قبل كم يوم كنت بتصفح في المدونة لقيت في أخت كانت سألت عن الوصفة دي فان شاء الله تكون قرتها وسجلتها…

رد
ام اماسي, on يونيو 13, 2010 at 5:52 م said:

ام لينا ياعسل تسلمي يارائعه 000كلامك الحلو زيك بخلينا نتشجع اكتر ونديكم الكتير والكتير وتسلمي ياست الذوق 00 بالنسبه لرمضان خيراتو كتيييره وكل مره بديكم منها وتستاهلو يابنات البلد الاصيلات
طبعا عصيدة الزبادي رهييبه00 خاصه في بلد الغربه بتنفع كتير000
ولو عندك كمان دقيق كسره ابيض انا ممكن اوريك طريقه حلوه للتخمير عشان تعملي بيهو عصيدتنا وكمان تعملي حلو النشا بالكستر -النشا السودانيه بتعرفيها؟
بس التطبيق اهم شئ ياام لينا 00ولك كل الود والتقدير

رد
ام اماسي, on يونيو 13, 2010 at 6:34 م said:

ام ساره وحشتينا 000طال غيابك000لعل المانع خير0000طلي علينا شويه

رد
ام اماسي, on يونيو 13, 2010 at 6:43 م said:

ام ساره اشتريتي شوال الكستر والنشا ؟عشان اديك و وصفات ووووووو 00قطر بتكمل الشولات دي في 10 يوم 0000 ياللا اظهري وردي

رد
ام سارة, on يونيو 13, 2010 at 6:59 م said:

انا قاعدة لكن الكمبيوتر طبعا كالعادة والريجيم ببدأ بكرة بالفول والفاصوليا ههههههههه والنشا والكاسترد جاهزيييييييييييين ومشكورين على السؤال عايزة افتح الدونات لكن للاسف السماعة خربانة ماعارفة بالصور بفهم ولا لا اشوف وارد عليكم

رد
- simsimaya, on يونيو 14, 2010 at 7:53 م said:
  
  معناها اليوم بديتي الرجيم
  يلا خلونا نتشجع
  ياريت كلو زول يكتب يومياته
  
  رد
om Lina, on يونيو 13, 2010 at 7:51 م said:

أم أماسي شكرا كتير على كرمك… اليوم جربت العيش و أول واحدة جربتها بالبوتجاز والباقيات بالفرن …. المهم انو طلع ظريف جدا لكن الظاهر اني خليتو مدة طويلة لمن بدأ ينشف … باذن الله المرة الجاية ح أعمل حسابي… بالنسبة للنشا السودانية كييييف ده كلامك !! أنا من عشاقها لكن الواحد اتعود يتنازل عن حاجاتو المفضلة لعدم معرفة تطبيقها بغير مكوناتها الأساسية……
أما بالنسبة لتطبيق وصفاتكم انتي وسمسماية بطبقها بالحتة ولو شفتيني امبارح حايمة بفتش في نشأ البطاطس بس تضحكي علي…..

رد
om Lina, on يونيو 13, 2010 at 8:01 م said:

أم سارة العزيزة الظاهر عليك اتجهجهتي!! حددي موقفك رجيم ولا دوناااااااااااااااااااات… فول وفاصوليا ولا نشااااااا وكااااااسترد …..

رد
ام سارة, on يونيو 13, 2010 at 9:49 م said:

هههههههههههههههههههههههههه

رد
ام اماسي, on يونيو 14, 2010 at 2:11 ص said:

تمام ياام لينا ايوه كده طبقي علي طوول ومره ومرتين بتكتشفي الاخطاء وبتصلحيها 00انا ياما وياما رميت في الذباله
لكن في النهايه بتضبط معاي00 واقسم ليك قرقوش العدس عملتو في شهرين متواصلين 00كل مره بشكل00 لما في النهايه حققت الرقم القياسي في روعته00 واللي كنت مجنناهم بالسؤال عن القرقوش وطريقته اصبحو الان مجنني جن عشان اعملو ليهم 00وكمان حاجات كتيييره ياما تعبت فيها لكن في النهايه ظبتت مليون في الميه00 اهم شئ انك ماتيأ سي وماتحبطي لو ماضبطت معاك 00 جربي وجربي وجربي و في النهايه حتكوني شيف ممتاز 000كمان ممكن تزودي اوتنقصي في المقادير لانو طبعا الدقيق بختلف وجودة المواد ليها اثر كبير في ضبط الوصفات00 والخبز يكون في 200 او 250 درجه وضغيه في اناء محكم القفل عشان الخبز ماينشف 000 ههههههه عاد نشاا لبطاطس ده لااااازم تجيبيهو وكمان خميرة البطاطس رووووعه في عمل خبز التوست والفطائر باريت تحصليهم ومشكووووووره يارائعه

رد
ام اماسي, on يونيو 14, 2010 at 2:16 ص said:

احلي تحيه لاحلي سمسمه كيفك مع الرجيم اليوم 0000اولادي بسلمو عليك كتيير خاصه اماسي وقالت حتجيب ليك معاها دبدوب وعروسة فله هديه

رد
- simsimaya, on يونيو 14, 2010 at 10:32 م said:
  
  احلي تحية لاحلي عيال
  واكبر بوسة وضمة حنية لاماسي وام اماسي
  حبيبتي اماسي مشكوووووورة وهديتك وصلت وهدية مقبولة
  (انا بحب الدبدوبااااات ما تكلمي زول كويس؟)
  
  رد
ام اماسي, on يونيو 14, 2010 at 2:21 ص said:

ام لينا امشي لمطبخ نجاة في اليوتيوب وشوفي طريقتها الرهييييبه في عمل الخبز العربي 00وكمان مقاديرها مضبوطه 00وتسلمي

رد
- om Lina, on يونيو 14, 2010 at 3:31 ص said:
  
  شكرا أم أماسي .. شفتها …و فعلا تستحق المشاهدة والتطبيق..
  
  رد
ام اماسي, on يونيو 14, 2010 at 2:37 ص said:

الليله ياسمسمه بديت الرجيم نفس طريقتك شوربة خضار خفيييييفه وركزت علي الخضار والفاكهه بس بالجنبه كده اكلت حتة شوكلاته مع العيال وكمان شلت لي حبتين من الشيبس رايك شنو في اختك

رد
- simsimaya, on يونيو 14, 2010 at 7:50 م said:
  
  هههههههههههههه الرجيم ما عندك بداية قوية بالشيكولاتة والشيبس
  يا زولة حتة صغيرة ما بتعمل حاجة حق النفيسة
  وان شاء الله ربنا يقدرنا يا ام اماسي وان شاء الله
  ام سارة برضو تكون مواصلة بس ام لينه ما قالت شي
  تكون من صاحبات القوام الرشيق
  الحمد لله مواصلة انا بس بحس بالتعب
  وكمية من السلطة زي البطة
  ههههههههههههههههه
  
  رد
ام اماسي, on يونيو 14, 2010 at 2:48 ص said:

سمسمايه اشتهينا العرديب والقنقليز اعملي لينا عصائر وماتنسي سر النكهه (النشأ)
انا مرات بعمل عصير الكركديه وبخلطو ببودرة جيلي الفراوله او التوت او الكرز بطلع رهيب

رد
- simsimaya, on يونيو 14, 2010 at 7:45 م said:
  
  تسلمي يا ام اماسي فعلا مشروباتنا عجييييييب
  انا بعمل القنقليز بالسحلب بيطلع مبالغة
  ومرات بخلط معاهو بدرة الصمغ العربي ما يتخليهو يروق
  وبرضو العرديب وبدرة الدوم والكركدي بالدوم
  ان شاء الله يكون في يوم للمشروبات وماتقولي رمضان علي الابواب
  دايرين نقول للعصاير الجاهزة وداعا
  
  رد
  - om Lina, on يونيو 14, 2010 at 10:39 م said:
    
    نحن بانتظار هذه الوصفات على أحر من الجمر..
simsimaya, on يونيو 14, 2010 at 9:59 ص said:

تمت المشاهدة
بساطة شدييد واتقان
ان شاء الله يوم اعملها بعد الرجييييييم
ههههههههههههههههههه

رد
simsimaya, on يونيو 14, 2010 at 8:35 م said:

الحمد لله تمت صفحة الروابط يا حرووووووووم
وان شاء الله اضيف الجديد اول بأول
الله اكبر الله اكبر
بكن يطيب لي المسير

رد
ام اماسي, on يونيو 14, 2010 at 10:07 م said:

اهلا بالغاليه علي قلوبنا سمسمه
ماشاءالله تبارك الله 00ماشاءالله تبارك الله الصفحه تحكي
عن تميز ودهشه ينشران الابداع والجمال والروعه في مدرسة سمسمايه000ربنا حفظك ويحميك يامن علمتينا كيف
نصنع الابداع00000

رد
- simsimaya, on يونيو 14, 2010 at 10:26 م said:
  
  وااااااااو كل دا وانا نايم
  يا ام اماسي براحة براحة عليّ
  جد يدهشني اعجابكم وانا اري هذة الوصفات
  بسيطة وعادية فقط يميزها التفافكم وتصفيقكم لها
  فتتدلل وتتمايل فرحا وطربا لتبدو بكامل انوثتها فتثير اعجابكم
  دمتم لي اخوات غاليات
  وبكن ابقي وبدعمكن استند
  
  رد
om Lina, on يونيو 14, 2010 at 10:11 م said:

ما شاء الله … وألف مبروك … نظام وجمال …الى الأمام بحفظ الله

رد
- simsimaya, on يونيو 14, 2010 at 10:29 م said:
  
  الله يبارك في ايامك يا ام لينة
  الفضل يرجع ليك لانك اشرتي الي وضع روابط للوصفات
  لتكون قريبة والوصول اليها سهل ويسير
  دمتي غاليتي
  
  رد
ام اماسي, on يونيو 14, 2010 at 10:23 م said:

الرجيم البعمل فيهو ده اسمه رجيم ( النقيسه الدنيه) ههههه00 ربنا يقدرنا علي مواصلة الرجيم
وااااااااااو لقيتك خطيييييييييييييييره في عمل العصائر وين ياغاليه من زمان؟ كان اتعلمنا منك وجننا الناس انا كتير بزور الاسر السودانيه وبقدمو عصائر كركديه وقنقليز وعرديب بطريقه عجييييييييبه لكن قدر ما اسال ماااااابوروني وقيت بخبص براي يعنيبعمل اضافات من عندي وكتيييير باءت بالفشل0000ياريت تعملي لينا صفحه خاااااصه بالعصائر السودانيه ونكون ممنونين ليك كتييييييييير 0000ربي يخليك لينا

رد
ام اماسي, on يونيو 14, 2010 at 10:47 م said:

السحلب ياسمسمه مشروبنا المفضل في الاسره لانو طبعا
نحن مصريين من جانب الوالد وسودانييين مصريين من جانب الوالده لكن ولدنا واتربيناااااا في السودان وعلاقتنا بمصر اصبحت زيارات وبس كمان السحلب بنفع في علاج قرحة المعده 000 وفي انتظار العصائر

رد
- simsimaya, on يونيو 15, 2010 at 12:48 ص said:
  
  يعني بالعربي ان هجين مصري سوداني
  كيد خلطة حلوة جابت ام اماسي
  
  رد
ام اماسي, on يونيو 14, 2010 at 11:13 م said:

ياسمسمه اقسم بالله العظيم وصفاتك غييييييييير عاديه 000
واعجابنا بيك في شخصك ومعاملتك واهتمامك وطيبتك وروعة وصفاتك في قلوبنا جوووووووه ومهما صفقنا او قلنا او حكينا ما حانقدر نديك ونوفيك حقك والفرح والطرب مليتي بيهو بيوتنا وطبقنا وصفاتك وانبهرو بيها ضيوفنا00 تسلمي ياست الطيبه والقلب الجميل

رد
ام اماسي, on يونيو 15, 2010 at 9:58 ص said:

تسلمي سمسمه وكلك ذوق 000انتي احلي

رد
ام اماسي, on يونيو 15, 2010 at 10:05 ص said:

ام ساره شكلك زعلانه مننا ولاشنو؟
حيرتينا وقلقتينا !!!!!!!!!
وين انتي؟
وين تعليقاتك وردودك الحلوه 0000لو زعلناك امسحيها لينا في وشنا00 وانا من غيرك يدي واحده يعني ماقادره اصفق
(اليد الواحده ماااااابتصفق ) وسلام كتيييييييير ليك والشوق اكتر

رد
- simsimaya, on يونيو 15, 2010 at 10:49 ص said:
  
  ام سارة والله توحشناااااااك برشه
  اظهر وبان عليك الامان
  يبدو انو جهازها فيهو مشكلة لانها شكت منه
  يارب يتصلح سريع
  
  رد
ام اماسي, on يونيو 15, 2010 at 11:01 ص said:

رمضان قرب وبالمناسبه دي بديكم وصفتي لملاح الروب الابيض 000000
3 كوب زبادي+ كوب ماء +3قرن شطه + 3 فص توم 0+ بصله صغير ه
المقادير دي كلها بختها في جردل بالاستيك صغير وبخليها تتخمر 6 ساعات
بعدها بصفيها وبديها رشه خفييييفه ملح وبضيف ليها 3 -4مك دقيق ابيض وبخلطها زييين بمضرب السلك اليدوي حتي يذوب الدقيق ثم اضعها علي نار هادئه واتركها ربع ساعه
حتي يثخن الخليط
( ممكن البصله البصله والشطه الخضراء ماتصفيهم)
بالنسبه لناس الخليج انا بستعمل زبادي الفلاحه خطييييير مرررره في عمل النعيميه وملاح الروب
ممكن تضيفيو ليها رشه بسيييطه من اجينو موتو
بدل الدقيق الابيض ممكن نعمل طحين الارز
ولكم تحياتي

رد
- simsimaya, on يونيو 15, 2010 at 11:35 ص said:
  
  دي وصفة ملاح الروب بتاع الاعراس بعملو الارز عشان يكون ناصع البياص بس انا بضيف فول سوداني ابيص بسيط
  والعجب لو ختيتي سمن بلدي في وشو واااااااااااااااو
  دا بالتكل بالعصيدة
  لكن ملاح الروب السمسماوي ممكن بالكسرة لانو بيكون قوامة غيييييييير
  
  رد
ام اماسي, on يونيو 15, 2010 at 11:12 ص said:

ام ساره علي قول سمسمتنا اظهر وبان عليك الامان000
اظهري عشان نعمل وصفات لرمضان

رد
ام اماسي, on يونيو 15, 2010 at 1:49 م said:

ملاح الروب السمسماوي ده زيو ماااااااافي 000 شوفي تعليقي ليك في صفحة ملاح الروب الابيض000
خليتيني اتمطق ياسمسمه انا عامله شوية رجيم واشتهيت اعمل لي ملاح روب سمسماوي بالسمنه 000اعمل شنو مع النفيسه دي؟

رد
- simsimaya, on يونيو 15, 2010 at 1:57 م said:
  
  هههههههههههههههههه
  قولي ربي صبرني
  واستغفري يا ام اماسي
  
  رد
om Lina, on يونيو 15, 2010 at 3:55 م said:

السلام عليكم يا سمسماية
ياأختي والله مشكورة على مجهوداتك العظيمة جدا وبتمنى التطور الدائم للمدونة …. وبنشكرك برضو على تسهيل مهمة البحث بوضع صفحة روابط الوصفات….عندي اقتراح تاني لكن أرجو ما تزهجي مني وتقولي دي كل يوم طالعة لي بي فكرة جديدة….. دي حاجة بس كمالية ما مهمة جدا لكن حبذا لو يظهر اسم الوصفة عند الاشارة بالفأرة على الصورة و قبل النقر عليها …. سلام و أعفي لي

رد
- simsimaya, on يونيو 15, 2010 at 4:09 م said:
  
  ام لينه ولا يهمك
  انا كنت قايلة اسم الوصفة بيظهر ليكم
  لاناسم الوصفة بيظهر لي
  لكن بحل ليكم الاشكال
  اشوف السبب شنو
  
  رد
- simsimaya, on يونيو 15, 2010 at 4:51 م said:
  
  كدي شوفي الوصفات الاولي في الصفحة
  لو ظهرت معاك قولي عشان اعدل الباقي
  
  رد
om Lina, on يونيو 15, 2010 at 6:52 م said:

ممتااااز …نعم ظهرت …أشكرك جدا

رد
ام سارة, on يونيو 15, 2010 at 7:25 م said:

السلام عليكم مشكورييييييييييييييييين عل السؤال طبعا الجهاز يادوب اتصلح وبعد الغيبة د كل زول عايز اقعد لكن الاولية ل ابو العيال هس انا قالو لية وصلية قلت بالمرة ادخل اكشف شوية لكن بعدين بدخل بروااااااااااااقة ودمتم سالمين

رد
UmAhmed, on يونيو 15, 2010 at 9:22 م said:

Alsalmo 3alykoum
M3akoum UmAhmed,,,,Mashalllaa Mashalllaa,,,,,rbna yezeedkoum bizn allah,,hajaa ro3aa jidn,,,,, gazkoum allah kair 3ala a lmjhodat al fnanaaa

amis jrbta bskweet al yansoon,,,tl3 rheeeeeeeeeeeb,,,wasfatkoum fnana ya semsemayaa w um amasi,,,shokrn kteeeeeeer…..

Om Lina katr kairik inti awal zool warani al mwki3 da

رد
- simsimaya, on يونيو 16, 2010 at 1:03 ص said:
  
  ام احمد اهلا بيك يا ستي وين الغيبة؟
  
  ان شاء الله تجربي كل الوصفات وتعجبك زي بسكويت اليانسون
  منتظرين ابداعاتك ووصفاتك
  
  رد
UmAhmed, on يونيو 15, 2010 at 9:24 م said:

Al lela shakli ha abeet hina,,agra la fatni daa,loool

رد
om Lina, on يونيو 15, 2010 at 9:24 م said:

يااا أم أحمد شرفتي كتير وزي ما قلت ليك اطلعي فوق وشوفي الرابط المرسلاهو أم أماسي لطريقة العجن

رد
UmAhmed, on يونيو 15, 2010 at 9:29 م said:

Inti hinaa,,looool,,,ok

رد
ام سارة, on يونيو 15, 2010 at 9:38 م said:

الدونات رهيبة بكرة بجربها انا عندي وصفة بالبطاطس المسلوقة والسكر لبودرة بعملو بالحليب ما بالمويه اما بالنسبة للريجيم حدث ولاحرج ههههههههه ش كرات الحليب الهندي وش سمك محمر وبطاطس وللاسف هههههههه

رد
- simsimaya, on يونيو 15, 2010 at 11:09 م said:
  
  ههههههههههههه
  الله يعينك
  
  رد
zeena, on يونيو 15, 2010 at 10:14 م said:

والله شكلكم ستات بيوت تماااااااااااااااااااااااااااااااااام يعني نحنا بس ح نتفرج و ان شاء الله نتعلم………….

رد
- simsimaya, on يونيو 15, 2010 at 11:11 م said:
  
  شنو التواضع دا يا زينة
  بقولوا البعرفونا ما يحضرونا
  بالله طلعي لينا المستخبي
  يعني شيلي منها وادينا برضو
  تبادل خبرات
  يلا ننتظر
  
  رد
ام اماسي, on يونيو 16, 2010 at 12:34 ص said:

ام احمد هلا ومرحب بيك ونورتي صفحتنا 000الحمدلله بسكويت اليانسون ضبط معاك000وعليك بالهناء والعافيه وياريت تتواصلي معانا في مطبخ الابداع عشان تستفيدي وتفيدينا معاك 0000ياللا شدي الهمه وورينا وصفاتك000 وتسلمي

رد
ام اماسي, on يونيو 16, 2010 at 12:47 ص said:

ام لينا كيفك 000طلتك علينا بتفرحنا كتييير 000 وتسلمي ياغاليه

رد
ام اماسي, on يونيو 16, 2010 at 12:49 ص said:

حمدلله علي السلامه ياام ساره ونورتي

رد
ام اماسي, on يونيو 16, 2010 at 1:02 ص said:

ياام ساره شكلك شغاله رجم مارجيم 000انا كنت قايله روحي براي مهوووووووسة طبخ لكن لقيتك زييي واكتر بشويه 000ياستي الناس بتموت ياللا نستمتع بالحياه وبنعم الله علينا00
الرسول عليه الصلاة والسلام يقول عليكم بصحبة النعم فان النعم تزول000وكذلك من وصاياه في النِّعم والمحافظة عليها ابقاءً لها قوله عليه السلام : احسنوا جوار النِّعم واحذروا أن تنتقل عنكم الى غيركم، ويارب دمها نعمه واحفظها من الزوال يارب
وفرحتي قلوبنا بطلتك الحلوه

رد
- simsimaya, on يونيو 16, 2010 at 1:07 ص said:
  
  دي ثورة مضادة للرجيم
  يا ام اماسي الرجيم برضو فيه صحبه للنعم
  نختار ونظبط ونمزمز الحاجات الما بتزيد الوزن
  ليه عايزة تكسليني
  خليكم في الخط
  واليوم الفري اقلبو الهوبه
  
  رد
UmAhmed, on يونيو 16, 2010 at 1:33 ص said:

Semsemayaa,,shklik mulkhbtani be zool tani,ana awal mra asharik,,fa ma geeba wala hagaa,,loooool

رد
- simsimaya, on يونيو 16, 2010 at 10:37 ص said:
  
  يا ام احمد اهلا بيك انحنا الزول من يخت كراعو هنا بنعتبر نفسنا بنعرفو من زمااااان
  لانو في لغة مشتركة بيناتنا يالغالية
  وتسلمي يسلم احمد
  
  رد
ام اماسي, on يونيو 16, 2010 at 1:54 ص said:

ضحكتيني مووووووت باسمسمه000
الرجيم حاجاتو كلللللللها مسييييييييييييخه لاسكر لا سمن لاشوكلاته لاحلويات(نقطة ضعفي) ولا اي شي 0000
اها نصاحب شنو في الرجيم؟
لكن يااختي العزيزه في النهايه كلامك هو الصحيح عشان الجسم الصحي السليم واللي مابكون اللا بالرجيم اكبر نعمه من عند المولي عز وجل مش كده ياعسل 000 لكن
خلينا نعمل حاجاتك الحلوه اللذيذه ونششششششششبع منها وبعداك نعمل رجيم0000 انا جيت داخله توي من السوق وجريت علي مطبخ سمسمه لقيت الوافل وطير لي سعابيلي وكان ما عملتو واكلتو بتجنن عديييل 0000 اها رجيم بي وين؟

رد
- simsimaya, on يونيو 16, 2010 at 10:42 ص said:
  
  ان شاء الله الضحكة ما تفارق سنك
  نصحابو مالو ياستي
  هسي الوافل دا اعمليهو بدقيق القمح الكامل
  وبدل الذبدة زيت وخلي اللبن قليل الدسم
  واصلو السكر شوية ما بيأثر
  واكلي منو شوية
  تكوني اديتي النفيسه حقها
  وما حسيتي انك عاملة رجيم
  هههههههههههههه
  (اسمع كلامك ….. والله انا مرات برضو بس لازم)
  
  رد
om Lina, on يونيو 16, 2010 at 7:17 ص said:

أهلا أم أماسي …تعجبني فرفشتك…أنسي الريجيم و أخدي من كل بستان زهرة…شوية من ده وشوية من داك، وأعملي حسابك لأنو “شوية” دي مسألة نسبية (:

رد
UmAhmed, on يونيو 16, 2010 at 7:45 ص said:

أم أماسي جزاك الله خير منورة بوجودكم ،،،لكن انتو فنيات عاليه ما شاء الله ،،إن شاء الله نستفيد من بعض.

و شفت اللنك يا أم لينه فعلن فنااااًن

رد
ام اماسي, on يونيو 16, 2010 at 11:42 ص said:

غايتو ياسمسمه بحاول اعملو بالبدائل وربنا يقدرنا علي ردع النفيسه 000كمان اقول ليك شئ القرحه من3 يوم هاجمتني هجوم مدمر 00الم شديد لاني اتعشيت بأقشي مشطط وكااااااارب ومنذ ذلك اليوم ماقدرت اكل الا المسلوق واالخالي تماما من البهارت والحمدلله00 وشكلي حااستمر علي كده ادعو بالشفاء

رد
- simsimaya, on يونيو 16, 2010 at 5:18 م said:
  
  ام اماسي خلي بالك القرحة عايزة المحافظة
  واوع من الجوع
  ربنا يشفيك
  
  رد
ام سارة, on يونيو 16, 2010 at 11:42 ص said:

صباح الخير ياسمسماية وام اماس وام لينة وتحية خاصة لاام احمد وشكرا لانضمامها للعقد الفريد

رد
ام اماسي, on يونيو 16, 2010 at 11:51 ص said:

هلا بالغاليه ام لينه وانا والله طلتك بتفرحني وتعليقاتك بتدي الواحد دفعه قويه انو يشارك في الصفحه الرائعه دي وبقوه كمان000واكيد يااختي التوازان في كل بضبط الميزان وخير الامور الوسط000يارب اقدر اعمل بنصايحكم وتسلمن ياغاليات

رد
ام اماسي, on يونيو 16, 2010 at 11:56 ص said:

تسلمي ام احمد واكيييد انتي كمان مبدعه 00يللا ورينا ابداعاتك

رد
ام اماسي, on يونيو 16, 2010 at 11:58 ص said:

صباحك سكر زياده ياام ساره

رد
ام سارة, on يونيو 16, 2010 at 12:42 م said:

وصفة الدونات من المنهج السعوي
ثلاثة بيضات

ربع كوب سكر
م ك خميره
ملح
مص باكنج باودر
ثلاثة ك دقيق
ثلاثة م ك لبن بودره
حبة بطاطس مسلوقة متوسطة الحجم
الطريقة
تقشر البطاطس وتهرس وهي ساخنة
تخلط جميع المقادير في الخلاط ماعدا الدقيق والبطاطس
تضاف البطاطس الي الخليط وتخلط جيدا
يضاف الدقيق ويعجن جيدا
يفرد العجين بسماكه واحد سنتمتر وتقطع وتحمر
وتزين بالسكر البودره
بالهناء

رد
ام سارة, on يونيو 16, 2010 at 12:46 م said:

د ي طبعا الوصفه الاساسية بس اذا عندكم ا تخريمة ممكن نشا ولا كاسترد ههههههه ا وارد فيها

رد
ام سارة, on يونيو 16, 2010 at 12:49 م said:

ياام اماسي ابدي لينه في اطباق النخبه المجربه عندك عايزين نعمل مخزون كويس لرمضان والعيد اذا اللة احيانا

رد
ام اماسي, on يونيو 16, 2010 at 2:14 م said:

وااااااااااااو ياام ساره ايوه كده طلعي المستخبي والحاجات الحلوه 000وصفة الدونات دي من مقاديرها شكلها رهييييبه بجلابها وبديك النتيجه 00 مع اضافة مك نشا + مك كستر+ مك طحين ارز(ههههههههه)

وحااااضر ياستنا حاانزل ليك وصفات النخبه وتابعي معاي 000 وياريت كمان تنزلي لينا وصفات من المنهج السعودي عشان نستفيد 00 وانا كمان عندي كتب كتيييره ووصفاتها رووووعه00 بأذن الله قدر مااستطيع بنزل ليكم منها ودعواتكم

رد
ام اماسي, on يونيو 16, 2010 at 2:19 م said:

خطا مطبعي كتييير ياام ساره 000 الكبر حصل والحمدلله
في السطر التاني من التعليق (بجربها) بس ماتقولي المرأه دي خرفت وبقت تخرم وتكتب كلام ماياهو (ههههههههه)

رد
ام اماسي, on يونيو 16, 2010 at 2:28 م said:

ياام ساره المقادير دي بالكوب العادي ولا القياسي؟

رد
om Lina, on يونيو 16, 2010 at 3:07 م said:

معليش يا جماعة انتو بتتكلمو عن الدونات وأنا بالي في طبيخ الرجلة…… يا أم أحمد اذا بتحبي الرجلة زيي اتبعي الطريقة السمسماوية دي بالحتة و كمية السبانخ بتكون الكيس المجمد عبوة رطل واحد وأهم حاجة تختاري البتكون مقطعة ناااعمة…

رد
ام سارة, on يونيو 16, 2010 at 4:12 م said:

حاشاك الخرف ياام اماسي اول ماانتبهتا لكن دان رجعتة شفتها وموتتني من الضحك ياستي بكرة بنزل ليكم كيكة الليمون والبرتقال ولسة الجايي اكتر انتروني معليش في حروف معطله عندي ويا ام لينة شكلك راكبة محطه غلط ههههه

رد
ام سارة, on يونيو 16, 2010 at 4:13 م said:

الكوب العاد ياام اماسي

رد
om Lina, on يونيو 16, 2010 at 5:13 م said:

والله يا أم سارة خجلتوني كل واحدة نزلت وصفة وأنا قاعدة ما بقدم حاجة…على كل من الحاجات البعملها دائما وبحبها .. كيكة الجزر وبرضو خلية النحل بي وصفة غير بتاعت سمسماية و ان شاء الله بنزلها لي بكرة ….

رد
ام اماسي, on يونيو 16, 2010 at 5:40 م said:

تسلمي ام ساره وفي انتظار وصفاتك الرائعه 000 بالنسبه لوصفاتي بساهر بعدين وبنزلها ليكم

رد
ام اماسي, on يونيو 16, 2010 at 5:57 م said:

ياام لينا مافي داعي للخجل نحن يد واااااحده وكلنا لبعض
ووجودك معانا بالدنيا كلها حتي لو مانزلتي اي وصفه 000 وتسلمي غاليتي

رد
ام اماسي, on يونيو 16, 2010 at 6:05 م said:

ياام ساره بمناسبة الخضار المجمد انا زمان كنت بستعمل منتجات مونتانا وامريكانا وماكانت ميه الميه بس اكتشفت مؤخرا منتجات بسمه خاصه في الملوخيه المفرومه المجمده روووووووعه والله كأنها طازجه وبتريحك كتير من توريق الخضره
000انا حصلتها في كارفور 000 وياريت تحصليها وتجربيها

رد
ام سارة, on يونيو 16, 2010 at 7:52 م said:

اللة يجزيك خير ياام اماسي خاصة يوم الجمعة الملوخية بتاخذ وقت كارفور ف شمال جدة وانا ف جنوب جدة لكن جنب هايبر بندة وساوث مول بشوفهم لو موجوده وانشاءالله دائما مبتسمه

رد
ام سارة, on يونيو 16, 2010 at 7:54 م said:

ياام لينة والله وجودك بالدنيا الليلة وين سمسماية البيت محروس وستو تكوس هههههههه

رد
- simsimaya, on يونيو 16, 2010 at 9:54 م said:
  
  موجودة كنت بعمل ليك في حاجة كدا
  ح انزلها ان شاء الله
  بعدين انتو اسياد البيت
  
  رد
ام سارة, on يونيو 16, 2010 at 7:57 م said:

وينك يازينة الرزينة مشتاقين والله

رد
- simsimaya, on يونيو 16, 2010 at 9:55 م said:
  
  هسي ناديتيها لي شنو ؟ شفتي كلامها
  انا اكل الدوم واللالوب
  حقارتها تكتل
  
  رد
zeena, on يونيو 16, 2010 at 8:02 م said:

ام اماسي ……سلامات ……….لكن جد بالغتي عددددددددددددددديل سمسماية دي الرجيم بالدفرة تقوم تصدقك .وتمزمز………..قولي ليها الاكلات دي مسيخة و مافي داعي الواحد ياكل موية بس كفاية………..و لو جعتي اكلي دومة…..ههههههههههه………….ولا لالوبة…..

رد
- simsimaya, on يونيو 16, 2010 at 9:57 م said:
  
  كويس يازينة
  عشان كلامك دا بكرة فيري وبعدو فيري وبعدو برضو فيري
  
  رد
zeena, on يونيو 16, 2010 at 8:04 م said:

تسلمي ام سارة ……….بس امتحانات العيال…………ما شاء الله قروبكم لذيذ ……………وانتو ناس رايعين يظهر عليكم………

رد
UmAhmed, on يونيو 16, 2010 at 8:40 م said:

السلام عليكم يا جماعة،، ما شاء الله،، إن شاء الله نتلمى في الحرم …أنا بقرا في الوصفات الفوق حاجات فنااانا

بإذن الله أحول أجرب حاجات منها..أم سارة أهلين بيكي و يا أم لينة شكرا ليكي وأنا بعملها بالسبانخ الفرش( ما تشوفي

بعملها دي أزين مرتين بس،هههة) ما حصل جربت الجاهزه لكن حقو أجربها…

سمسيماية تسلمي وشكرا ليكي…معلش أنا يا جماعة إحتمال أتاخر في الرد لانو ما بعرف اكتب بالعربي دى سريع وما عندي

كيبورد عربي لازم أمشي اكتب في النت وأجي أنزلو

رد
- simsimaya, on يونيو 16, 2010 at 9:58 م said:
  
  ام احمد ما عندك مشكلة علي راحتك
  المهم تكوني معاااااااانا
  
  رد
ام سارة, on يونيو 16, 2010 at 9:53 م said:

امين ياام احمد انتي برضو في امريكا مع ام لينة

رد
ام سارة, on يونيو 16, 2010 at 9:57 م said:

منترنك يازينة وليك التحية ولعيالك وربنا ينجحهم

رد
UmAhmed, on يونيو 16, 2010 at 10:51 م said:

أيوة يا أم سارة لكن أنا في ولايه تانية

رد
UmAhmed, on يونيو 16, 2010 at 10:56 م said:

يا أم أماسي لقيتك عرفة حاجات أمريكا كلها ماشاء الله وفي حاجات أول مرة أعرفها منك …فنانة

ممكن توريني لو سمحتي استعمالات نشا التابيوكا؟ وبعدين أول مرة أسمع بخميرة البطاطس ،،،دي القاها وين؟ وبردو بتستعملها في شنو

معليش كترت عليك الاسئله

رد
UmAhmed, on يونيو 16, 2010 at 11:03 م said:

بدون توصيه يا سمسماية مدونتك طوالي فيها جزاكم الله خير
وعشان نتبادل الخبرات زي ما اتفقنا( وإن شاء الله ربنا يجعلو في ميزان حسناتنا)،،أنا بنصح انكم تجربو في الطبخ ورق الغار Bay leave(في الشوربة ،دمعة الدجاج أو اللحم(الدمعات يعني)(دا من تجربتي)،،،بيدي نكهة فنانه جدا …ما تنسونا من الدعاء

رد
- simsimaya, on يونيو 16, 2010 at 11:18 م said:
  
  تسلمي يا ام احمد
  انا سمعت بورق الغار بس هنا في السودان مرة فتشتو ما لقيتو
  لكن تاني بفتشو بعتمدو
  مشكوووووووورة
  
  رد
ام سارة, on يونيو 17, 2010 at 12:01 ص said:

اهلين سمسماية شوقتينا للحاجة البتسوي فيها دي مافي تصريح والله ماتستاهلي الدوم انتي تاكلي كرز وعنب بس هههههه

رد
ام سارة, on يونيو 17, 2010 at 12:07 ص said:

ورق الغار دا انا بجيبة مع بهار الكبسة ببيعو بهار مشكل خاص بالكبسه فية ورق غار وليمون اسود وكسبره وشمار وبصلة محمر ناشف وهبهان وقرنفل وقرفة د كلها ملخبطة مع بعض وكلها بهارات صحيحه

رد
ام سارة, on يونيو 17, 2010 at 12:13 ص said:

ياسمسماية يارائعة الابداع حق وصفاتي انا وام اماسي طالع بطريقة خطيره مشكووووووووووووووووووووره وماقصرتي

رد
- om Lina, on يونيو 17, 2010 at 3:09 ص said:
  
  والله يا أم سارة انتو مبدعات ونسوان تمام ….ربنا يديكم العافية
  
  رد
simsimaya, on يونيو 17, 2010 at 12:13 ص said:

يا اخواتي الصفحة دي ما لاحظتن عليها شي
التغيير دا ما ظاااااهر؟

رد
om Lina, on يونيو 17, 2010 at 2:26 ص said:

ما شاء الله ….. ربنا يزيد ويبارك وتكون المدونة في تطور دائم

رد
- simsimaya, on يونيو 17, 2010 at 10:12 ص said:
  
  تسلمي
  
  رد
ام اماسي, on يونيو 17, 2010 at 2:31 ص said:

ياالله يااااااااااااااااسمسمتنا يارائعه 000انا من الفرحه العبره سدت حلقي ومااااااااااااعااااااااااااااااااااااااارفه اقول ليك شنو؟ دي احلي مفااااااااااجاه لينا 00وده شرف كبيييير لينا اننا نحظي باهتمام احلي سمسمه00
والله جيت زهجاااااانه من السوق وكثافتي 100000000
بسبب درامات اولادي وشقاوتهم صراخ ولعب وجري وواحد يمشي منك بهناك تروحي تجري تفتشي ليهو بهناك00 المهم الواحد راسه عمل دخاااان من الزهج 00لكن والله جيت داخله البيت وجريت علي النت 00قلت اشوف اخواتي وحبيباتي اخبارهم شنو؟ ولقيت المفاجاه الحلو ه 00وصفاتنا مرسومه بيد فنانه رااااااائعه سموها سمسمايه المبدعه 00
واقسم ليك في نفس الثانيه امتصيت الزهجه وعدادها نزل صفر والحمدلله000
نحن عاجزين عن تقديم الشكر والثناء ولو تحدثنا عن تميزك ستعاتبنا الاسطر لقصورها عن تقديم فائق التقدير والاحترام
فهذه الشهادة لانقارنها أمام كرمك الوفير وأحسانك 00كوني
كالنجم … الذي يقضي عمره كله
من اجل بث النور للجميع دون ان ينتظر من احد يرفع رأسه ويقول شكراً 0000000000000
والله قدمتي لينا الكتير والكتير والكتير ويارب يجعله ليك في ميزان حسناتك
وجزاك الله كل خير

رد
- om Lina, on يونيو 17, 2010 at 3:06 ص said:
  
  تستاهلي أكتر يا أم أماسي والله انتي فنانة وطباخة ماهرة … وعاجباني تعبيراتك جدا… (كثافتي 100000000) و الدخان البيطلع من الراس … تسلمي وربنا يخللي ليك أولادك..
  
  رد
- simsimaya, on يونيو 17, 2010 at 10:19 ص said:
  
  ام اماسي الاطفال نور العين الليلة تشيليهم بكرة يشيلون جووووووووة الجوة
  ربنا يكبرهم ويحفظهم
  بعدين تعالي هنا مش حراام وصفات زي دي تضيع وسط الكلام
  دي وصفات مكتوبة بخبراتكم ونحن عايزين نطبق منها فمن حقكم علي انها تكون مجموعة مع بعض عشان تكون مرجع ونستفيد منها
  فيا ستي دا قليل في حقكم ولو فى حاجة اكتر من كدا اعملها ليمن من عيوني من جوة
  
  بالجنبة :
  زهجااانة من دوشة العيال ولا من جوعة الرجيييييييييم
  هههههههههههههه
  
  رد
Homa, on يونيو 17, 2010 at 2:34 ص said:

سلام ياحلوات ياعسولات
أم آماسي
أم ساره
ام احمد
ام لينا
زينا
وست البيت العسل سمسمايه
انا متبعاكي من زمان من منتدي لك
لكي التحيه

ومتبعاكم من فتره ياأم آماسي وأم ساره
لكم كل الحب والتحيه

والبركه فيكي ياأم آماسي في خالك ربنا يرحمه وىثبته عند السؤال وىدخله وسيع جناته ويرحم موتانا و موتي المسلمين والمسلمات.

عفوا عايزه طريقه تخمير العجين للكسره كنت بعمل زبادي و ملح ليمون بس عايزه طريقه اتبعها دوما.

سمسمه المدونه جميله والليله أضفتي اكلات ام آماسي وام ساره في صفحه الزوار يديكي العافيه و يجعله في ميزان حساناتك انتي و الحبايب.

لكم كل الحب والود

رد
- simsimaya, on يونيو 17, 2010 at 10:23 ص said:
  
  اهلا هوما والله شرف لينا انضمامك
  وياستي انا برضو كنت متابعاااك بس انت بتكوني في ركن الرجيم والتغذية
  وانا في الطبخ والاكل هههههههههههههه
  وبعرف كعكك الرااااااائع
  تسلمي وخليك قريبة
  مودتي
  
  رد
ام اماسي, on يونيو 17, 2010 at 2:40 ص said:

وكمان احلي مفاجاه وجود الاخوات ام ساره ام لينا ام احمد زينه ولمتهم الجميله ونقاشاتهم الحلوه اتمني من المولي القدير ان تدوم اللمه وتعم الفايده والضحكه والابتسامه للجميع

رد
Homa, on يونيو 17, 2010 at 2:40 ص said:

معليش فسيح جناته غلطه مطبعيه
ام آماسي
كيف العصاير للنشاء
لكن جننتي النشأ جن زي ما أنا مجننه حليب البودره في اي عجينه بخته
ب لله نوروني لي سنوات من السودان

تحياتي

أنا

رد
om Lina, on يونيو 17, 2010 at 3:02 ص said:

سمسماية والأخوات زي ما قلت ليكم ح أنزل كيكة الجزر اللي بحبها جدا واتمنى تعجبكم

كيكة الجزر

أ/ امزجي المقادير التالية جيدا واتركيها جانبا
2 كوب سكر
1 كوب زيت
3 بيضات
15 أونصة أناناس معلب ( يكسبها ليونة) تقريبا كوبين
2 كوب جزر مبشور
2 كوب زبيب أصفر
1 ملعقة صغيرة فانيللا
2 كوب جوز محمس ( أنا بستخدم Pecan)

ثم سخني الفرن في درجة حرارة 175 درجة

ب/ أمزجي المواد الجافة التالية جيدا:
3 كوب دقيق
2 ملعقة صغيرة بيكنج باودر
1 ملعقة صغيرة ملح
1 ملعقة صغيرة قرفة مسحونة
1 ملعقة صغيرة بيكنج صودا
أضيفي المواد الجافة بالتدريج للمزيج الأول (المجموعة أ).
أمسحي صينية الكيك بكل الجوانب مسحا جيدا ورشيها بالدقيق.
صبي الخليط في الصينية المدهونة وادخليها الفرن.
اتركيها لمدة ساعة أو الى أن تتأكدي من نضجها بادخال سكين صغيرة في الوسط وتطلع نظيفة جافة من غير عجين.
بعد ما تطلعيها من الفرن فكي أطراف الكيكة من الجوانب بسكين صغيرة ونزليها براحة في الشبك.
واتركيها حتى تبرد. اذا ترغبي في تزيينها بالكريمة
او حتى ممكن تقسميها طوليا وتضعي الكريمة.

رد
- simsimaya, on يونيو 17, 2010 at 10:29 ص said:
  
  تبوأت مكانها فووووووووق يا ملكتنا
  تسلمي
  
  رد
  - om Lina, on يونيو 17, 2010 at 3:02 م said:
    
    شكرا يا ست الذوق والنظام
ام اماسي, on يونيو 17, 2010 at 3:17 ص said:

هلا بالاخت هوما نورررررررررتي الصفحه 0000الله يبارك فيك اختي العزيزه (ربنا يرحمه ويغفر ليه) ومشكوووووووره علي مواساتك لي وربنا لايراكم مكروه في عزيز لديكم00000وخليك معانا علي طوووول بتلقي الجديد والمفيد 000 واي سؤال معلمة المطبخ سمسمه وتلميذاتها حاضريييييين 000
بالنسبه لطريقة تخمير الكسره
كوب دقيق ابيض عادي
كوب دقيق كسره
2 كوب ماء (قابل للزياده) علي حسب الدقيق
نص مص خميره
م ص سكر
المقادير دي تخلطيها بمضرب السلك اليدوي تماااام( بتكون عندك عجينه زي عجينة القطايف (سائله نوعا ما) وتضعيها في اناء محكم الغلق واتركيها يومين او اكثر علي حسب الجو عندك
بعد اليومين بتضيفي م ص ملح ليمون ( لاضافة الحموضه) وممكن تزوديه علي حسب الرغبه كده بكون عندك عجين مختمر
تبدي تشيلي منه قدر كوب وتضيفيهو لمقدارك بتاع الكسره00
وللتخمير المستمرممكن علي طول تضيفي الدقيق بانواعه وتزوديهو رشه صغيره من السكر ورشه من الخميره وهكذا دواليك
انا الزبادي مابعمله عشان مدة الحفظ بتاعته بتنتهي سريع وكده بكون عندك زبادي منتهي الصلاحيه موجود في العجين المخمر اتمني اكون افدتك واي سؤال انا حاضره

رد
- simsimaya, on يونيو 17, 2010 at 10:33 ص said:
  
  ست بيت تماااااااام
  طبعا هنا ما بنحتاج لطريقتكم دي لانو الخماااار طوالي موجود
  بعدين انتي لما تجي اعملي الخمار الجاف وشيليهو معاااااك
  والله سمح
  واسألي زينة تقول ليك كيف مريح
  
  رد
- simsimaya, on يونيو 17, 2010 at 10:34 ص said:
  
  رفع هناااااك
  
  رد
ام اماسي, on يونيو 17, 2010 at 3:34 ص said:

وكمان يااختي هوما لو عايزه رائحة التخمير تكون ظاهره زودي السكر 2م ك لان زيادة السكر في العجين بتخلي ريحة الخميره تظهر
اما بالنسبه للنشأ والكستر هدول الاتنين شغفي في الحياه لا ن اغلبية وصفاتي لما بدخل فيها النشأ والكستر بتكون حاااااجه كده خاصه اللقيمات والدونات والمشبك والفطير السوداني والقرقور والبتي فور وبسكويت النشادر والكعك ومديدة الحلبه والكريم كراميل والكيك وغيرهم 00كلهم مجتمعين من غير نشأ وكستر لاشئ (شفتي ريدتي للكستر والنشأ دي قدر شنو)
ولك التحيه

رد
om Lina, on يونيو 17, 2010 at 3:43 ص said:

رهيبة يا ام أماسي …

رد
ام اماسي, on يونيو 17, 2010 at 3:52 ص said:

وااااااااااو ياام لينه يارائعه ايوه كده ورينا الحاجات الحلوه 000 انا بمووووت في كيكة الجزر لانها مغذيه وصحيه وطعمها جميل جدا 0000تسلم ايدك ياست الكل باذن الله بجربها في اقرب فرصه وبديك النتيج0000بس ممكن استغني عن جوز البقان؟
المقادير بتاعتك بالكوب العادي ولا الاكواب المعيلريه وتسلمي ياعسل

رد
- om Lina, on يونيو 17, 2010 at 7:16 ص said:
  
  شكرا يا أم أماسي رفعتي معنوياتي…ممكن تعملي اي مكسرات تانية (أول مرة أعرف انو اسمه جوز البقان..شكرا).. المقاييس كلها معيارية
  ملعقة صغيرة = teaspoon
  كوب = 8 أونصات أو 250 مل
  بالهنا ان شاء الله… ودي شهادة من اختصاصية أغذية يا جماعة انو دي كيكة مغذية وصحية (:
  
  رد
ام اماسي, on يونيو 17, 2010 at 4:16 ص said:

ياسلام ياام لينا كلك ذوق00 رجعت وقريت تعليقك فوق
وبقول ليك انتي كمان ست الذوق والاحساس الحلو 00والله تعبيرك انتي مكمل الرقي والرزانه والذوق 0000
انا ياستي كلامي كلو بقي قنابل ومتفجرات ودخاخين
لانو اولادي والحمدلله دمروا الدنيا كلها والحرب مابتقيف الا لما ينومو والحمدلله علي كل حال 000انشاءالله حالك مايكون زي حالي ياام لينا 0000 واقول ليك حاجه ياام لينا من حالتي الصعبه بسبب العيال يوم حاتفتحو الصفحه دي وتلقوني قاااااعده وبسلم علي كل واحده فيكم بس ماتخافو(ههههههههههه)

رد
- om Lina, on يونيو 17, 2010 at 7:18 ص said:
  
  ههههههههههههههههههههههههه والله موتيني من الضحك واتخيلت منظرك
  
  رد
ام اماسي, on يونيو 17, 2010 at 4:53 ص said:

زينه شرفتينا 00يارائعه وحنينه 00000 سلامات 000بس تعايني لينا بالرقراق وتمشي 000 شكلك مشغووووووله مع العيال 000 ربنا يعينك وبسهل عليك
ويازينه الزينه سمسمه دي تستاهل تاكل العسل كلو 0000وتستاهل نحن نبقي نحل (هههههههه) ونديها من عسلنا 0000مش كده ياسمسمه
وياسلام يازينه شهيتيني الدوم واللالوب انا طولت منهم سنين وسنين00 لكن بعد ايام بنمشي السودان وداك يالانتقام مااابخلي دومه ولا لالوبه ولانبقه في السوق000
بقضي علي الاخضر واليابس ( اختك ام اماسي دي نفيستها عجيبه خلاص)
وياست الكل فرحتينا بطلتك ولك التحيه

رد
Homa, on يونيو 17, 2010 at 5:06 ص said:

المصحيكي هسي شنو

رد
Homa, on يونيو 17, 2010 at 5:08 ص said:

حبيبتي

يديكي العافيه
تصدقي قاعده اشوف في الروابط فوق

شكرا

رد
Homa, on يونيو 17, 2010 at 5:17 ص said:

المديده بلنشاء بدل الدقيق ولا شنو

لكن ما شاء الله كنت قايله نفسي طباخه لكن لقيت الاروع مني المعلمه سمسمه وتلميذاتها

بمزززززززززززززح

الله يخليكم وىحرسكم
مااااااااشاء الله

رد
Homa, on يونيو 17, 2010 at 6:48 ص said:

انتي عارفه انو بنعمل الكسره بدقيق البارلي و دقيق الذره.

رد
om Lina, on يونيو 17, 2010 at 7:29 ص said:

سؤال يا اخواتنا…شنو فائدة البيكربونات عند نقع البقوليات (زي ما في وصفة أم سارة بتاعت الفلافل) وأم أماسي برضو مرة قالت بنضع بيكربونات مع الفاصوليا !! ؟ أرجو الافادة

رد
Homa, on يونيو 17, 2010 at 8:25 ص said:

سلام يا ام لينا
علي حسب علمي والله اعلم انه يساعد في تسريع استواء الفول
والفاصوليا وتلين الحمص عند النقع يجعلها أكثر سهولة في الهضم.

ىمنع الغازات برضك

رد
- simsimaya, on يونيو 17, 2010 at 10:38 ص said:
  
  صح الصح
  
  رد
- om Lina, on يونيو 17, 2010 at 3:05 م said:
  
  شكرا يا هوما على المعلومة…..(: البيكربونات ح تتعب معاي تعب شديد
  
  رد
ام سارة, on يونيو 17, 2010 at 11:29 ص said:

صباح الخير سمسمايه ام اماسي ام لينه ام احمد زينه الحزينه وسلاااااااااااااااااااااااااااااااااااااااااااام خااااااااااااااااااااااااااااص لهوما انا سعيدة جدا بوجودك معانا الحمدللة كل يوم صفحة الزوار بزيد

رد
- om Lina, on يونيو 17, 2010 at 3:30 م said:
  
  صباح الفل والياسمين عليك يا أم سارة وعلى كل الأخوات
  
  رد
ام سارة, on يونيو 17, 2010 at 11:31 ص said:

ياام لينة ابدااااااااااااااااااع واللة تسلمي

رد
- om Lina, on يونيو 17, 2010 at 3:07 م said:
  
  من ذوقك بس يا أم سارة
  
  رد
ام سارة, on يونيو 17, 2010 at 12:00 م said:

المطبق المالح
2ك دقيق
م ص ملح
م ك عصير ليمون
2م ك زيت
ماء للعجن
الحشوه
ربع كيلو لحمة مفرومة
حبة طماطم
بصلة
فصا ثوم
كرات او بصل اخضر
2بيضة
ملح حسب الطعم
فلفل اسود
2م زيت
الطريقة
ينخل الدقيق والملح ثم يضاف الية الزيت ويفرك باطراف الاصابع
حت يتجانس ويعجن بالماء مع عصير الليمون ويترك العجين مدة نصف ساعة
يقشر البصل ويغسل ويقطع قطعا صغيرة
يوضع اللحم المفروم ف اناء ويرفع عل النار مع تقليبة حت يتم نضجة وذلك بتغير لونة وتفرق حبيباتة وجفافة ثم يضاف البصل
المقطع والثوم المهروس ويتبل بالملح والفلفل ويترك عل نار هادئة لمدة 7دقائق
يغسل الكرات او البصل الاخضر ويفرم ناعما ويضاف للحم بعد رفعة من النار
تغسل الطماطم وتفرم ناعما ويضاف للحم ثم يضاف البيض المخفوق
يقطع العجين بحجم صفار البيض ويرق بالمرقاق عل طاولة مرشوشة بالدقيق ويوضع فوقها مقدار مناسب من الخليط السابق ويرق عجين اخر ويوضع فوق السابق ثم تمررعليها العجلة من الاطراف
وقد يحش العجين بخليط من الجبنة المبشور والبصل المفروم والمقدونس والكرات المفروم ناعما والبيض المخفوق بالملح والفلفل
ترص الاقراص ف صنية مدهونة بالزيت ويوضع ف الفرن وتخبز ف فرن متوسط الحرارة
لكن انا بفضل عملة بالنار لانو بالفرن بطلع ناشف بالنار امسح الطوة بملعقة زيت امسحيها بالمنديل وحمرية بالجهتين وبعد طلوعة مباشرا اغملية بمنشفة حت يطري وهو ساخن
بالهناء

رد
- simsimaya, on يونيو 17, 2010 at 11:25 م said:
  
  تسلمي ام سارة
  المطبق انا كنت قايلاهو زي المطبق المغربي
  بيفردو العجينة ويختو الحشوة وبيطبقو العجينة علي الحشوة
  وبيعملوها في الصاج او الفرن
  جربتها بالطريقة المغربية دي وطلع ابدااااع وتااني عدتها كمان وكما
  بعملها في الصاج
  
  رد
ام اماسي, on يونيو 17, 2010 at 2:03 م said:

تسلمي سمسمه علي الكلام الحلو البفرح القلوب 000 ويارب ثقتك فينا وفي خبراتنا تكون في محلها 000 وانشاءالله ماااااانخيب ظنك ابدا في يوم من الايام 00ومشكووووووووووره مره تانيه 00000الي مانهايه علي اهتمامك

رد
- simsimaya, on يونيو 17, 2010 at 11:27 م said:
  
  انا يا ام اماسي ابدا ما ح يخيب ظني بعون الله
  
  رد
ام اماسي, on يونيو 17, 2010 at 2:14 م said:

العزيزه هوما انا والحمدلله يومي مقلوب ليلي نهار ونهاري ليل
يعني بالليل ببقي صاحيه مع ناس ام لينا00 لانو ولدي الصغير رضيع وبساهر بي للصباح والحمدلله

رد
- om Lina, on يونيو 17, 2010 at 3:08 م said:
  
  شايفاك بتدخلي وقت متأخر شديد عندكم و قلت بيكون عندك قلق النوم زيي
  
  رد
ام اماسي, on يونيو 17, 2010 at 2:22 م said:

صباحك نووووور ام ساره وماشاءالله علي المطبق الحلو بس ممكن اضيف شوييييية نشا وكستر؟هههههههه

رد
ام سارة, on يونيو 17, 2010 at 2:46 م said:

لا دي عاد ماسبقك عليها زول هههههههههههه

رد
ام سارة, on يونيو 17, 2010 at 2:48 م said:

الليمون مع العجين بدي طعم راااااااااااااائع ياام اماسي وانشاءالله بعدين انزل ليكم فكيره البيض واللة عجييييييييييييييييبة

رد
ام سارة, on يونيو 17, 2010 at 2:50 م said:

فطيرة البيض اسفة للخطأ المطبع

رد
om Lina, on يونيو 17, 2010 at 3:11 م said:

شكرا يا أم سارة وصفة بسيطة وظريفة ان شاء الله أطبقها قريب

رد
ام اماسي, on يونيو 17, 2010 at 6:56 م said:

ام ساره انا قلت فكيرة البيض دي اكله جديده ولاشنو؟
لكن بعداك عرفتها 000 وتسلم اياديك ياستنا

رد
ام اماسي, on يونيو 17, 2010 at 7:18 م said:

بالمناسبه ياام لينا انا بعمل الباكنج باور في البقوليات ( الفول المصري – الكبكي – والفاصوليا وغيرهم) ماااااااااابعمل البيكربونات لان البيكربونات بعمل علي تغيير اللون للاسود
اما الباكنج باودر ممتاز جدا وعلي قول هوما بعمل علي تسريع استواء الفول وبعمل علي تلييينها ( علي قول امي بخلي الفول زي العجوه لييين وجميل) وكمان لما احمر البصله للطبيخ وقبل مااضيف اللحمه بديها ربع م ص باكنج باودر عشان البصله تموت سرييييع والملاح بكون مسببببببك ومافي اي اثر للبصل (اكيد المعلومه دي بتكوني عارفاها)

اما السهر ياستي والحمدلله للساعه 6 صباحا حتي انوم
والله المستعان

رد
- simsimaya, on يونيو 17, 2010 at 8:57 م said:
  
  يا ام اماسي لو عملتي الكربونات مع موية النقع وغسلتيها كويس
  وبعدين نجضتيها ما بيكون اللون اسود
  ودا من واقع تجربة
  انا ما بستخدم الباكنج بودر في تدويب البصل والبقوليات
  
  رد
ام سارة, on يونيو 17, 2010 at 9:09 م said:

طبعا المطبق اكلة في الخليج متوفرة عشان كدا اي زول عايش في السعودية بكون من عشاق المطبق ولا شنو يا ام اماسي

رد
ام سارة, on يونيو 17, 2010 at 9:11 م said:

ياسمسماية الليلة جربت الكعك وطلع واااااااااااااااااااااو صاقعة مشكورة ياغالية

رد
- simsimaya, on يونيو 17, 2010 at 11:30 م said:
  
  الحمد لله طلع صااقعة
  عملتيه بالسمن البلدي؟
  ولو اخوي عرف بيركب الطيارة ويجيك ههههههه
  بالهنا ان شاء الله
  
  بالجنبة:
  الرجيم وين؟
  
  رد
ام اماسي, on يونيو 17, 2010 at 9:56 م said:

ام احمد ويييييينك 0000معليييش علي الرد المتاخر
بالنسبه لدقيق التابيوكا ونشا التابيوكا انا بديك معلومات كتيره عنه بس خليك متابعه00000

التابيوكا : نبات استوائى ينمو في شرق أسيا له جذر نشوى شكله يشبه البطاطا يعمل منه دقيق التابيوكا وهو دقيق أبيض ويوجد في البقالات الاسيوية مثل الاندنوسية
وفي المملكه العربيه السعوديه يوجد في هايبر بنده والدانوب وكارفور وسعره رخيص جدا 000واستعمالاته كتييييييييره لا حصر لها
مثلا مرضي حساسية القمح (اسمه العلمي مرض «سيلياك» وهو نوع من الحساسية الخطيرة ينتج لدى البعض عن تناول دقيق القمح ومنتجاته بكافة انواعها)يستعملونه هو ودقيق الارز كبديل لدقيق القمح وهو خالي من الغلوتين 000وكمان الصينيين بستعملوه في اغلبية الاطعمه
واضافته للخبز والحلويات والمعجنات والخبايز
بديك نتايج رهيييييبه لون وهشاشه وطعم عجيب 00انا بضيفه لبسكويت اليانسون والفطير السوداني والقرقور وبسكويت النشادر وبدي نتيجه سبحان الله مابقدر اوصف ليك روعتها 00وبما انك مقيمه في انجلترا بتحصليه في اقرب سوبر ماركت

رد
- simsimaya, on يونيو 17, 2010 at 11:41 م said:
  
  الليلة يا ام اماسي مشيت السوبر ماركت عارفة لقيت شنو؟
  دقيق الارز بايدي سودانية
  تتححستو لقيتو نااااعم بس لسه مافتحتو
  والله فرحت شديد وقلت عقبال البطاطس والتابيوكا
  
  رد
ام اماسي, on يونيو 17, 2010 at 10:20 م said:

مشكووووره سمسمه علي المعلومه وبجرب بعمل بطريقتك
اما طريقة استعمال الباكنج بودر مع البقوليات والبصله دي طريقة الوالده الله يحفظها كدي جربيها واديني النتيجه

رد
ام اماسي, on يونيو 17, 2010 at 10:34 م said:

وااااااااو علي المطبق ياام ساره انا بموت عليهو ودائما بعمله
وبحشيهو بنفس الحشوه بتاعتك وتسلمي لينا ياست الكل

رد
ام اماسي, on يونيو 17, 2010 at 10:50 م said:

ياسلااااام ياام ساره جربتي كعك سمسمه؟ اناال كعك المشي بالعجوه السمسماوي جربته وطلع دمااااااااااار واعتمدته عندي ومااااااابعمل غيره صدقيني رهييييييييييييييييييييييييب وماااافي زيه 0000وقدمته ايام الولاده بسمنة نجديه وزبدة نادك وكسسسسسسر الدنيا كلها
عملتي كعك العجوه ولا الكعك العادي؟

رد
ام اماسي, on يونيو 17, 2010 at 10:58 م said:

ياسمسمسمااااااااااااايه اغيثيني0000
روابط الوصفات اللي عملتيها لينا دي ماااااااافي مصلحتي ابد ابدا ابدا 00000كل ماافتحها واعاين ليهابتجنن من حلاوة الوصفات وبشتهي كل صحن فيها 0000اقسم ليك بالله العظيم دي الحقيقه 0000 اها انا اعمل شنو ؟
طبعا انا مجنونة كعك وام ساره طيرت لي سعابيلي بيهو زياده وكمان كل ماافتح وصفة الكعك بتاعك اجري اعمله
والوزن ماشاءالله حدث ولاحرج وريني الحل ؟

رد
- simsimaya, on يونيو 17, 2010 at 11:49 م said:
  
  يا ام اماسي اعملي رايحة
  ما تفتحي الصفحة دي
  
  رد
ام اماسي, on يونيو 17, 2010 at 11:02 م said:

ياسمسمه وريني طريقة اضافة البيكربونات مع البقوليات بالتفصيل واكون شاااااااااكره

رد
- simsimaya, on يونيو 18, 2010 at 12:01 ص said:
  
  ياستي عادي لما تجي تبلي مثلا الفول المصري بعد تغسليه كويس
  وتكبي فيهو المويه تضيفي م ص كربونات وتخليهو فيها لحدي لما تجي تشديهو في النار
  تغسلي الفول كويس وترفعيهو في النار وكما لو رميتي بلحة
  تكوني ما قصرتي وكسبت طعم ولون
  
  انا الفول لما انزلو من النار بفتح الحلة وبكون محضرة عصير ليمون وبضيفو ليهو بيكون لونو احمر كانو دمعة ولو دخل الثلاجة بيحافظ علي لونو الاحمر
  
  رد
ام سارة, on يونيو 17, 2010 at 11:07 م said:

ياستي انا عملته العادي طبعا جربت وصفات كثيرة والنتيجة ماكانت مرضية لكن دي صاروووووووووووووووووخ لكن خليكي زيي انا كنت زمان كل مالقيت وصفة بعمل بالكيلو خاصة الكعك لكن الليلة عملت خمسة حبات بس في الصنية كلها وطلع ابداع يعن المقاس بكباية الشاي

رد
ام اماسي, on يونيو 17, 2010 at 11:13 م said:

طريقة اضافة الباكنج بودر للبصله كالاتي

بحمر البصله حتي تصفر وبديها مويه وشوية باكنج باودر وبقفل الحله ربع ساعه عشان البصله تموت شويه بعدها بضيف اللحمه وبواصل عمل الطبيخ عادي
الباكنج بودر مابضيفه للبصله واللحمه والمويه في ان واحد لانه بخلي اللحمه تنهرس وخاصه انه حلة الطبيخ بتاخد وقت عشان ماتستوي
الطريقه دي بتخلي حلة طبيخك تطلع في اقل من ساعه وصدقوني طريقه مريحه وسريعه جدا في عمل الطبيخ جربوها وادعو لي

رد
ام سارة, on يونيو 17, 2010 at 11:22 م said:

يا ام اماسي عايزة طريقة القرقور اكون ممنونة

رد
ام اماسي, on يونيو 17, 2010 at 11:44 م said:

تسلمي ام ساره 00بس ليه خمسه حبات انا كنت عايزه منك صحن كبيييير عشان مشتهيه كعك سمسمه ده000لكن مامشكله الجايات اكتر من الرايحات

رد
ام اماسي, on يونيو 17, 2010 at 11:46 م said:

حاضر ياام ساره ومن عيوني00 بس امشي شوفي سمسمه بهناك عملت شنو وتعالي!

رد
om Lina, on يونيو 17, 2010 at 11:48 م said:

شفتي بالله كيف يا أم سارة !! كعك خرافي …أنا جربته قبل كم يوم وكنا معزومين تخريج خبزته ولظروف كده ما مشينا بس بقيت داخلة ومارقة من المطبخ شايلة لي كعكة في ايدي… لا يقاوم

رد
ام اماسي, on يونيو 18, 2010 at 12:13 ص said:

القرقور
المقادير
نص كيلو دقيق
كباية حليب
نص كوب زيت
صفار بيضه + بياض بيضه+ مص خل
ذرة ملح
ربع مص باكنج باودر
م ك ملييييانه كستر
م ك مليييانه نشا
م ك دقيق تابيوكا ( اختياري)

الطريقة
نعجن العجينه زي عجينة الفطير بس الين بشويه ولو حسيتي بيها ناشفه ممكن تزودي شوية مويه ونفردها في الصينية بعد مسحها وتقطع شرائط وتلف في قوالب القرقور ويثبت في ألمؤخره وتقلي في الزيت وتتركيها تبرد وتحشيها
ممكن تعملي شيرا بيضاء وتغمسي القرقور فيها وتحشيها
للحشوه
شيرا حمرا تقيله تخلط مع زبيب وفول مدروش ناعم شويه وشوية سمنه او زبده وممكن تضيفي جوز هند حسب الرغبه

رد
ام اماسي, on يونيو 18, 2010 at 12:18 ص said:

ياام لينا بيني وبينك كده 00مامشيتي التخريج لظروف 000ولا عشان كملتي الكعك كلو وما خليتي فيهو شئ؟ههههههه وريني الحقيقه؟

رد
Search the Web on Snap.com, on يونيو 18, 2010 at 12:29 ص said:

صباحكم سكر ومساءكم عسل

شكراً ليكم وترحيبكم بي ويديكم العافيه
وللمعلمه سماسم الف تحيه ورقصني ياجدع……ههههههه
ام ساره أنا القرقور بعمله بعجينه العشر دقائق و بيطلع رووعه
والمطبق رائع وانا بموت فيه تسلم يداكي
بنات أو مدامات
عايزه احسن ملاح شرموط بللحمه المفرومه انا بعيده من الأمدادات الا كل حين ومين …بعمله حلو ببس مرات بتلقي كرضمات لحمه ومرات لا عايزه اشوف الفرق

رد
ام اماسي, on يونيو 18, 2010 at 12:32 ص said:

تسسسسسسسلمي سمسمه طريقه شكلها بتضبط الفول تمممممام بجربها وبعتمدها باذن الله
اما طريقتي في الفول
اولا بنقع الفول 12 ساعه
بضع الفول + الماء في حلة الضغط 0000 بتركه نصف ساعه علي النار وبجي بفتح حلة الضغط ( بفتح علي حلة الضغط مويه بااااره من فوق لغطاء الحله وبظل فاتحه المويه حتي يختفي البخار عشان ماتنفجر معاك ) وبضيف ليها م ص باكنج باودر وبرجع بقفلها مره تانيه نصف ساعه حتي تستوي بس حاسبي الفول ماتخليهو في النار كتير وتنسيهو عشان مااااينهرس معاك0بعدها بضيف 3 شرائح صغيره ليمون وبقفل الحله 000لون الفول بالطريقه دي بكون ابيض

رد
Homa, on يونيو 18, 2010 at 12:35 ص said:

صباحكم سكر ومساءكم عسل

شكراً ليكم وترحيبكم بي ويديكم العافيه
وللمعلمه سماسم الف تحيه ورقصني ياجدع……ههههههه
ام ساره أنا القرقور بعمله بعجينه العشر دقائق و بيطلع رووعه
والمطبق رائع وانا بموت فيه تسلم يداكي
بنات أو مدامات
عايزه احسن ملاح شرموط بللحمه المفرومه انا بعيده من الأمدادات الا كل حين ومين …بعمله حلو ببس مرات بتلقي كرضمات لحمه ومرات لا عايزه اشوف الفرق.

رد
- simsimaya, on يونيو 18, 2010 at 9:46 م said:
  
  اهلا هوما
  مدام عايزة الجدع يرأصك استعدي
  حنجيب موسيقة حسب الله
  كيفك يا عسل
  
  رد
- simsimaya, on يونيو 18, 2010 at 10:27 م said:
  
  هوما بالنسبة للحم في ملاح الشرموط عشان اللحم ما تكرضم
  اول ما تحمري البصل وتدقيها لو ما مجففة تختيها في النار وتضيفي اللحمة وبملعقة الخشب تصوطيها بسرعة وتقلبيها لحدي ما تتفتفت وبعداك تتمي الطبخة بتلاقي اللحمة شبه دايبة
  
  رد
Homa, on يونيو 18, 2010 at 12:41 ص said:

دقيق تابيوكا اسمه شنو بلانجليزي …يامرسي
لقيتك صاحيه يا أم اماسي
ماشاءالله عليكي وعلي ست البيت والزوار وأنا
ماشه ميتين السودان وساكنه وووين هناك?

رد
UmAhmed, on يونيو 18, 2010 at 12:44 ص said:

سلام يا جماعة ما شاء الله بس الزول يغيب يوم واحد جيت لقيت الصفحة مليانة،عليكم االله واصلو الابداعات دي

شكرا كتيير يا أم أماسي على الوصفة وشكلي كدا الليلة لازم أجرب كعك سمسماية
ويا أم لينة جزكي الله خير على الوصفة الفنانة وإن شاء الله برضو أجربها

رد
- simsimaya, on يونيو 18, 2010 at 9:50 م said:
  
  ام احمد انت بس خليك قريبة
  لانو بعد دا الركشة ذاتها ممنوعة في الطريق السريع
  
  رد
ام سارة, on يونيو 18, 2010 at 12:51 ص said:

كيفك ياهوما ياعسل انتي عجينة العشرة دقائق عشان طرية انا عايزة المقرمش حق السودان ان ام اماسي فهمتني

رد
ام سارة, on يونيو 18, 2010 at 12:54 ص said:

لنا ام لثلاثة اطفال بنتين وولد ربنا يحرسهم

رد
Homa, on يونيو 18, 2010 at 12:57 ص said:

ازيك يا ام ساره
طبعاً انا ما ذقت حق السودان
لكن ام اماسي فادتك

رد
Homa, on يونيو 18, 2010 at 12:59 ص said:

ربنا يحميهم ويخليهم ليكي

رد
ام سارة, on يونيو 18, 2010 at 1:08 ص said:

ياهوما انا بعمل الشرموط الاخضر باللحمة المقطعة مكعبات عشان بنحب اللحمة تكون واضحة بعمل بصلتين كبار مع الزيت في النار وبضع اللحمة صافي مقطعة ذي حقت الملاح العادي تشوح حتي يتغير لونها بضيف الموية والملح والفلفل الاسود وحبة طماطم صغيرة بتدية طعم خطير ماتخاف مابتغير لونة ونخل الملاح لين ينضج وبعدين بكمشة ناخذ اللحمة والبصل والطماطم ومعاهم شوية من الشوربة ونضعهم في الخلاط ونخلطهم خلطة خفيفة جدا انتبه خفيفة بس عشان اللحم مايدوب كلو يكون ذي المدوق بالمدق حق السودان وترجيعة للحلة مع باقي الشوربة وتضيف لية ثوم وكسبرة ويغلي علي نار هادئة وتلايقية بالويكة بس لازم الويكة تكون تمام
بالهناء اتمني اكون افدتك

رد
- simsimaya, on يونيو 18, 2010 at 10:21 م said:
  
  دا بنسميه ملاح شرموط ابيض وبتعمل مرات باللحمة لكن بندقها بالمدق
  طبعا انا ابدا ما بتيتعمل الخلاط للملاح بيشيل طعمووو ههههه
  لو ما عندي بصلة جاهزة بحمر البصل وبدقوو للملاح الاحمر وبعمل الشرموط او اللحم المفروم
  ويتم الباقي يعني علي طريقة الحبوبات والامهات (تقليدية انا)
  
  رد
ام سارة, on يونيو 18, 2010 at 1:18 ص said:

يا ام اماسي القرقور احسن بالزيت ولا بالفرن وبطلع مقرمش

رد
ام سارة, on يونيو 18, 2010 at 1:24 ص said:

ليه فصلتي صفار البيض من بياض البيض مدام بتعملو مع بعض

رد
Homa, on يونيو 18, 2010 at 1:29 ص said:

شكراً ياروعه يا ام ساره
هو في شرموط أخضر …يعني الفرق الصلصه
اختك ماطبخت الا هنا وخاصه ماكنت بحب الا ملاح الروب الاييض لكن الغربه وعشان زوجي اتعلمت وبقيت كويسه
انا بعمله نفس طريقتك بس بللحمه المفرومه وفي الخلاط بخت بصله
صغيره نيه وبخلطها مع باقي الحاجات البصله المحمره وصلصه وطماطم وكمان عندي ويكه تمام
يعني انا متابعه تمام……تيب

رد
ام اماسي, on يونيو 18, 2010 at 1:30 ص said:

هههههههه والله موتيني من الضحك ياهوما وبقيت ماااقادره امسك الماوس 0000 الله يديك العافيه 000 وقفتي قلبي من الضحك00000ويامرسي دي حلوه 0000 انتي بتقربي لي ولا شنو ؟ هههههههه
ياستي اسمه tapioca flour
السودان ماشه بعد شهر باذن الله بعد غياب 4 سنين
ساكنه في مدينة الرياض

رد
ام اماسي, on يونيو 18, 2010 at 1:45 ص said:

القرقور ياام ساره انا بقليهو بالزيت 00وبالفرن برضو بطلع ليك كويس بس بكون قوي شويه وبطلع ليك زي حلوي الكورني المغربيه والجزائريه 000اما بالزيت بكون مقررررمش وهش 00
الصفار دائما بدي النعومه والهشاشه في الخبايز
والبياض بدي القرمشه
وصفار+ بيضه =هشاشه + لون اصفر جميل + نعومه + قرمشه يعني حاجه متكامله واتمني اكون افدتك ياستنا

رد
ام اماسي, on يونيو 18, 2010 at 2:06 ص said:

ياهوما000 القرقور بعجينة العشره دقائق بكون طري ( يعني عجينة ال10 دقائق دي لو بالزيت بنسميها فطائر مقليه طريه 000 ولو بالفرن نقول عليها فطائر الاقماع ) اما القرقور ده شي تاني اقرب او زي الفطير السوداني بس بتلف بالاقماع وبكون مقرررررمش 0000فهمتيني ياستي

رد
Homa, on يونيو 18, 2010 at 2:08 ص said:

بكون قريبتك بلنسب يا عسل
نشأ البطاطسpotato starch ولا عندو أسم تاني

رد
Homa, on يونيو 18, 2010 at 2:11 ص said:

فهمت يا حلو

رد
Homa, on يونيو 18, 2010 at 2:19 ص said:

أمبارح لقيت ليك كتاب النخبه وعملت ليه downloadبسرعه شكلو حلو شديد

ب لله ماتحرمونا من ابداعاتكم انتي وام ساره والBossالكبير
استفدت منها سمسمايه السكرررر من سنوات من منتدي لكِ
يديكم العافيه وتبدعوا واحنا… أيه….نستفيد

رد
ام اماسي, on يونيو 18, 2010 at 2:21 ص said:

ياهوما ام ساره ماقصرت معاك جربي وصفتها في ملاح الشرموط شكلها رهيييبه مره 00 وكمان جربي وصفة سمسمايه والله خطييييييييره مررررره ارجعي للرابط وشوفيها 00
انا طريقتي بالضبط زي طريقتك بس مابخت بصله نيه في الخلاطه وامكن دي تكون معلومه جديده علي (شكلها سر النكهه ) بجربها بطريقتك باذن الله

رد
- simsimaya, on يونيو 18, 2010 at 10:32 م said:
  
  طبعا يا ام اماسي البصلة النيه في ملاح الشرموط بتدي طعم غير
  برضو انا بضيف البصل للملاح الاخضر (المفروكة) مع الخضار بحش البصل وبضيفو وبيدوب مع الفرك (الفرك بالمفراكة مش مفراكة الكهرباء
  بس البصلة سرها بااااااااااااتع
  
  رد
  - ام اماسي, on يونيو 20, 2010 at 6:50 ص said:
    
    سبحان الله اول مره اسمع بالبصله النيه وتاني حااعتمدها باذن الله00000
    الملاح الاخضر وصفته كيف؟ قصدك ملاح الخضره؟
    معليش ياسمسمه اديني ليها بالتفصيل
ام اماسي, on يونيو 18, 2010 at 2:23 ص said:

ام هوما انتي ساكنه وين في السودان 00000 ومقيمه وين بره0000عندك عيال؟

رد
ام اماسي, on يونيو 18, 2010 at 2:39 ص said:

العزيزه هوما لو استفدتي من سمسمه ردي ليها جمايلها وافيديها وافيدينا معاك طلعي المستخبي وخلي الفايده تعم الجميع ( لكن شكلك كده وماتزززززعلي مني بخيله شويييييه) يللا ايدنا في ايد بعض وخلينا ناخد الاجر كلنا من رب العباد وتسلمي ياعزيزتي

رد
Homa, on يونيو 18, 2010 at 2:42 ص said:

حبيبت ام أماسي
انا قصدي بللحمه المفرومه فريش
شفت طريقه سماسم
انا في كندا من ١٠ سنوات
وقبلها مولوده في الخبر ودرست في الرياض
واهلي ساكنين القوز
وعندي خالي رحمه الله ساكن الرياض الحته المقابل الجريف
عندي ولد في grade 12 وعنده امتحان بكره وهداك فاتح الmusic بأعلي صوت

وكمان عندي بت زي العسل

وراجل قريبك زي للسكر

الله يخليهم لي ويخييكم انتو كمان……لي برضه

وانا عسل اسود…هههههههه

كيف لقيتيني

رد
- simsimaya, on يونيو 18, 2010 at 10:36 م said:
  
  ربنا يخليهم ليك ياعسل وام العسل ومرة العسل
  ويرد غربتكم ان شاء الله
  
  انت شايقية؟ ولا ساي ساكنين القوز
  
  هوما انت بتعرفي أغلب ناس القوز شوايقة
  
  رد
ام اماسي, on يونيو 18, 2010 at 2:45 ص said:

ياسلااااااااام ياسمسمه مبروووووكض

رد
Homa, on يونيو 18, 2010 at 2:45 ص said:

لالالالالالا زعلت منك
انتو والله احسن مني كثير
أنا بخيله حررررررررام عليكي يا شيخه

رد
ام اماسي, on يونيو 18, 2010 at 2:59 ص said:

شفتي شقاوة الاولاد ياسمسمه قبل مااخلص الرد عملو ارسال00000
عايزه اقول ليك مبروووووووك لميتي اخيرا في طحين الارز 000
والله فرحت كتيييير 000وعقبال ماتلقي نشا البطاطس وخميرة البطاطس وتسلمي ياست الكل

رد
Homa, on يونيو 18, 2010 at 3:05 ص said:

آمر انتَ يا جميل
لكن ما حاكون زي الBoss سماسم وزيك ياتغذيه انتي وام ساره
حي الله انا مختبرات وعايشه في كندا محل الtake away حتي السودان مشيته قبل كام سنه في وفاه ابي واختي
يعني انتو فين وانا فين

بس برضك عايزه شنو عشان مأكون بخيييييييله

رد
ام اماسي, on يونيو 18, 2010 at 3:18 ص said:

ماشاءالله تبارك الله ربنا يحفظهم ويخليهم ليك 00000وربنا يرحم والدك واختك ويدخلهم فسيح جناته 00
وحقيقه والله بلدك بعيييييده وربنا يحفظك ويحفظ عيالك ويردكم لبلدنا الحبيب سالمين غانمين امين يارب
وانتي والله احلي من عسل النحل

رد
ام اماسي, on يونيو 18, 2010 at 3:40 ص said:

وياستي هوما حاشا والله حاشا عليك من البخل بس كنت عايزه اطلع المستخبي عشان نستفيد منك وكمان ناس كندا ديل وااااااااااااو 00 انا قريبتي في كندا بس وااااااو BIG BOSS وعلم علم في فن الطهي 00 وخاصه انه المواد متوفره في كندا بكل انواعها وده بخلي الواحد يبدع ويبتكر
وياستي المختبرات مكمله للتغذيه نحن الغذاء وانتو فحص الامراض وعلاحها
والوجبات الجاهزه عندكم مشكوك في امرها مش كده ؟لانو الناس ديل بدخلو الخمور والعياذ بالله في كل شئ بس ياريت لو تقللي منها وتسلمي ياستنا

رد
Homa, on يونيو 18, 2010 at 4:14 ص said:

حبيبتي
انا عارفاكي بتمزحي
قريبتك دي وووووين
ياروحي المحلات هنا معظمها مملوكه لعرب والحمدلله اكثر الاشياء حلال والحمدلله
وانا ما من أكلي الطعام بره البيت وحتي لو نفسي مطاعم الحلال متوفره كتير شاورما, فلافل ,عجائن وفطاير
حتي اصحاب البلد ياكلوا
كندا دي multiculture country

وتسلمي

رد
Homa, on يونيو 18, 2010 at 4:30 ص said:

هذه طريقه الكعك السوداني ادتني ليه الاخت الغاليه ام ديمه

جزاها الله خير

ودي طريقه معتمده من سنوات خلت

وهي رهيبه جداً

المقادير :-

6 اكواب دقيق

2كوب سمن

نصف كوب حليب فاتر

2م فانيليا بودرة

ملعقة باكنج باودر

ذرة ملح

الطريقة :-

ناخذ كوبين السمن ونضعهم في الفريزر لغايه مايجمدوا شوي

بعدين نخلطهم بلخلاط حتى يصير مثل القشطة .

نضيف الفانيليا + الحليب و نخلط بلخلاط . اضيف بعد ذلك المكونات الجافة ( الدقيق + الباكنج باودر + الملح )

و نعجن جيدا . قطعي الكعك بلقطاعه

نرصه في صينيه مدهونه وندخله الفرن

لمن يبرد نضع السكر البودره عليه او ممكن تضيفي علي السكر شوية فانيليا و شوية حليب بودرة

ونسحنهم ونضعهم في الكعك

وبعدين دوبيهم في فمك بلعافيه

بديت معاكم أتمني يعجبكم

رد
- simsimaya, on يونيو 18, 2010 at 10:41 م said:
  
  ايوة دي الوصفة البقصدها لييك يا هوما يا عسلنا
  
  رد
Homa, on يونيو 18, 2010 at 4:43 ص said:

ودي كمان طريقه سهله ولذيذه جدا للباونتي وطعمها زي الجاهز بالضبط جربوها وقولولي رايكم شنو

المقادير:

2.5 كوب جوز هند خشن
نصف كوب زيت مازولا
1 كوب حليب بودره
ربع كوب طحين
ربع كوب سكر بودره
1 بيضه
1 م ص فانيلا
1 م ص بBp
1 كوب ماء
ثلاثة أرباع كوب شيره

للتزيين:

علبة قشطه _ ثلاثة أرباع كوب سكر بودره _ 3 م ك كاكاو

( ينخل الكاكاو والسكر البودره ونخلطهم بالملعقه مع القشطه)

الطريقه:

تخلط المقادير السابقه مع بعض بالملعقه وتوضع في صينيه مدهونه زيت ثم توضع في فرن متوسط الحراره لمدة ثلث أو نصف ساعه بحيث اننا نشغل الفرن عليها من أسفل فقط وعندما تنضج من الجوانب ويكون السطح مازال طري نخرجها من الفرن ونصب عليها القطر البارد ونتركها لتبرد ثم ندهن الوجه بخلطة الزينه السابقه ثم نضعها بالثلاجه لمدة نصف ساعه أوأكثر وتزين بالفستق

جربو ها لذذذذذذذيذه وخاصه لمن تكون بارده

أها
خفت ياام اماسي
قصرت
بس برضه مازيكم

رد
- simsimaya, on يونيو 18, 2010 at 10:44 م said:
  
  عالم تخاااااااااااف من ام اماسي
  ايوه يا ام اماسي خليك ورا كل الوصفات
  عشان الكل يستفيد
  واي وحدة تعمل وصفة من الوصفات دي تقول رايها لو اضافت شئ برضو تقول عشان التوثيق
  
  رد
هوما, on يونيو 18, 2010 at 4:53 ص said:

هذه طريقتي المتواضعه في عمل القرقوش

المقادير

5 اكواب دقيق قابله للزياده

1 ملعقه محلب

2 ملعقه طعام حبه سوداء

2 ملعقه صغيره خميره بيره

2 ملعقه صغيره سكر

ا ملعقه كركم

1 كوب زيت

ماء حسب العجن

الطريقه;

نضع الخميره و السكر مع نصف كوب ماء دافئ ونتركهم مده 10 دقائق حتي تظهر الرغوة علي السطح.

في وعاء اخر نضع الدقيق والملح ,المحلب ,الكمون ,الزيت وتفركه جيدا حتي يتخلل الزيت

الدقيق ثم نضيف الخميرة وبعد كده نعجن بالماء حتي نحصل علي عجينه متماسكه

نتركها لتخمر حتي ترفخ مدة 40 دقيقه.

وبعد كده تكملوا

زي ام اماسي ما عملت

رد
هوما, on يونيو 18, 2010 at 5:04 ص said:

ودي طريقتي في عمل الكيك الانجليزي English Cake

1 1/2كاس دقيق

2 م صغيرة باكنغ بودر

4 بيضات

5 ملاعق زبده

1/2 كوب زبيب او فواكه مشكله

كوب سكر ناعم

الطريقه:

يخلط السكر والزبده حتي يتحانس ويصير الخليط لونه ابيض .

يضاف البيض و يخلط جيدا.

تضاف باقي المقادير و تخلط جيدا.

يحضر القالب الخاص (المستطيل الشكل) و يمسح ب الزبدة و يرش بشويه دقيق و تصب العجينه فيه

يدخل الفرن في درجه حراره 180 حتي ينضج و بلهناء و العاقيه.

جربوه

اها بخيله لسه ولالالالالالالالالالالا

رد
- simsimaya, on يونيو 18, 2010 at 10:54 م said:
  
  بحبوووووووووووو شديييييييييد
  لانو عذااااااااااااب
  شكرا
  
  رد
هوما, on يونيو 18, 2010 at 5:18 ص said:

ودي وصفتي لاحلي كعك بعجوة

المقادير

1 كوب سمن جامد شويه

نصف كوب حليب

2م صغيرة BP

ذرة ملح

الدقيق حسب العجن

الطريقه

اخلطي السمن ب الخلاط ثم ضيفي له الحليب وباقي المقادير الملح و الباكنغ بودر.

ضيفي الدقيق شويه شويه لغايه ما تحسي العجبنه لمت و بقت ناعمه لكن حاسبي لاتكثري الدقيق عشان ما تطلع قويه.

غطي العجنه, وتكوني محضرة العجوة مفرومه فيها شويه سمن وممكن تضيفي مكسرات, جوز هند ,انا افضل السادة مضاف ليها شويه هبهان

تاخذي من العجينه مقدار صغير علي شكل كوره وتفرديها علي ايدك علي شكل بيضاوي وتضعي العجوه علي شكل اصبع وسط العجينه المفرودة وتقفليها جيدا ثم رصيهم في صينيه مدهونه بعيدين من بعض

دخلي الصينيه الفرن لغايه ماتحمر من تحت

لمن تبرد و عند التقديم رشيها بسكر ناعم مخلوط بفانليا و لبن بودره

اها يا حلوات كييييييييف

رد
ام اماسي, on يونيو 18, 2010 at 5:26 ص said:

واااااااااو ياهوما ده الكلام ايوه كده 000 من زمان ويييين 00يلا نتنافس في الوصفات وحتي الانجليزيه منها نترجمها للعربيه عشان نستفيد ونفيد بنات بلدنا الغاليات000
قريبتي تقريبا في في اونتاريو 000
زمان كانت بتقول لي لحوم الخنزير والطعام المخلوط بالنبيذ مغطيه علي المنطقه ومابتقدر تاكل من بره لانها مااابتثق في الاكل بتاعهم 0000 وكمان اغلبية المنتجات داخل فيها دهن الخنزير 0000حتي الخبز البلدي كانت بتعملو في البيت 00 امكن المطاعم الشاميه جنبها متوفره قليل وبعض المطاعم المصريه 0000بس الوضع عندك مختلف لانو حولك مطاعم عربيه واكيييد ماعندك مشكله
انا مره اشتريت دقيق فرينه كندي رهييييب من الدانوب اسمه FIVE ROSES FLOUR رهييب جدا في عمل الخبز حصل استعملتيهو؟
ومره زوجي مشي بعثه اسبوع لتورنتو وحكي لي عن الداون تاون وااااااااو اتمنيت اكون معاهو 000 لكن قريب باذن الله احتمال اجيكم بهناك وتسلمي علي الكعك ياستنا

رد
ام اماسي, on يونيو 18, 2010 at 5:44 ص said:

واااااااااو ياهوما ياستنا فاجاتيني 000تراكي ماااااااااهينه 000 ياخطيره حيرتيني وسكتيني00 رفعت راسي ولقيت الوصفات ماشاءالله 00وين انتي من زمان 0000ماشاءالله عليك والله طلعتي اخطر مننا وفتينا بهناك 0000 والله انتي ست الكرم والذوق ومابناديك تاني الا بي ست الكرم والذوق وتسلمي لينا ياغاليه و وصفاتك اكييييد بجربها وبديك النتيجه انا ناويه اعمل ليكم مفاجات بس شويه كده وتشوفوها وتسلمي ياست الكرم والذوق

رد
- simsimaya, on يونيو 18, 2010 at 10:57 م said:
  
  والله انتو كل وحدة اخطر من التانية
  دي المنافسة الشريفة
  وخليكم كدا وما يسحروكم
  تحياااااتي لكن
  
  رد
  - ام اماسي, on يونيو 20, 2010 at 7:01 ص said:
    
    تسلمي سمسمتنا وكلك ذوق
ام اماسي, on يونيو 18, 2010 at 5:57 ص said:

ياهوما نحن والحمدلله اتهرينا اكل من بره وخااااصه الكبسه
والشاورما ووجبات كنتاكي وهيرفي وماكدونادز وتشيلز 0000وووووووو مطاعم ماليها حد خاصه ايام الحمل لانو الوحام بتاعي فظيييييييع مابقدر احمر بصله في البيت 00 وياستي مشكووووووووره علي الوصفات الرائعه

رد
ام اماسي, on يونيو 18, 2010 at 6:01 ص said:

ام لينا وحشتينا وين انتي

رد
هوما, on يونيو 18, 2010 at 6:15 ص said:

لالالالالا يا ام اماسي انا ولا حاجه جنبكم
انا ساكنه في ادمنتون في البرتا والمدينه اغلبها عرب ولبنانيين
عندنا اكبر جامع بناه القذافي والدكاكين العربيه والبقلاوات والحاجات ماشاء الله عامره
ايوة بستعمل الدقيق دي
ويا عسل اهلاً وسهلاً أذا ما شالتك الأرض تشيلك عيونا

رد
هوما, on يونيو 18, 2010 at 6:19 ص said:

ماعندك مشكله في الترجمه
عندي شويه حاجات من صاحباتي و معتمده بنزلها ليكم أن شاءالله

رد
UmAhmed, on يونيو 18, 2010 at 6:29 ص said:

أم أماسي معليش لكن خميرة البطاطس اسمها شنو بالانجليزي ،،قدر ما فتشتا ما لقيتها؟

رد
ام اماسي, on يونيو 18, 2010 at 6:32 ص said:

وانا عندي وصفه جاااامده جدا للكعك نبدا بسم الله

4 مكعبات زبدة المراعي مثلجه في الفريزر ( المكعب ابو 100 جم)
م ص باكنج باودر
م ص كافور
نصف كوب حليب مثلج
رشة ملح
3 مك سكر مطحون
3م ك نشأ
الدقيق حسب العجن
الطريقه

بمبشرة الخضار ابشري الذبده وضيفي ليها باقي المقادير بالترتيب واعجنيها تمام حتي تصبح لديك عجينه سهلة التشكيل 00قطعي الكعك بالقطاعه ورصيهو في الصينيه وادخليه الفرن حتي يتحمر 000واتركيه يبرد ثم يرش بالسكر البودره وبالهناء والعافيه علي الجميع
طبعا ناس هوما وام لينا مكعب الذبده ( 113 جم) ييعني يعملو 3 مكعبات ونصف000ولكم التحيه

رد
- simsimaya, on يونيو 18, 2010 at 11:10 م said:
  
  بمووووووووت في الكعك بس الكافور دا بخت بداوا هبهان لو سمحتي
  يا أبلة :
  
  رد
ام اماسي, on يونيو 18, 2010 at 6:43 ص said:

وااااااو ماشاءالله محل سكنك جميل جدا انا كنت فاكره انك ساكنه وسط العجم علي قول سمسمه 000لكن الحمدلله العرب كتيرين عندكم 00 لان العيشه في بلد الخواجات (علي قول امهاتنا) مووووت بالبطئ 000 الله يحفظكم من كل شر وسلامة عيونك ياست الكرم والذوق

رد
ام اماسي, on يونيو 18, 2010 at 6:51 ص said:

هلا بالعزيزه ام احمد اسمها instant mashed potato flakes انشاءالله تحصليها ولو لقيتيها انا بديك وصفه راااااائعه للخبز التوست والفطائر كأنها جاااااهزه وتسلمي ياستنا

رد
هوما, on يونيو 18, 2010 at 7:04 ص said:

انا بموت واعشق الكعك السوداني وماببدله بشئ
رووووووعه يا روعه…..وسلمت يداكي

رد
- simsimaya, on يونيو 18, 2010 at 11:12 م said:
  
  ووووووب علينا من الكعك وسيرة الكعك والناس البتحب الكعك
  والعجب انا يا هوما ضعيييفة جنبو
  حتو لو عاملة رجيييييم بكسر النظام بقع فوقو
  بس زينة ما تقرأ الكلام دا
  بضييع معاها
  
  رد
  - ام اماسي, on يونيو 19, 2010 at 6:06 ص said:
    
    هههههههههه اصلو ماكنت قايله في زول بحب الكعك زي ام اماسي لكن لقيتك ياسمسمه اووووووووو فتينا بهناااااااك
    انا كنت بقول ليهم لوفتشتوني بتلقوني قاعده في جردل كعك ههههههههه0000ويازينييييييينه تعالي شوفي اختك والحقيها قبل ماتكسر الرجيم
ام اماسي, on يونيو 18, 2010 at 7:06 ص said:

انا حصلتها في الدانوب بس ماكانت رقائق حبيبات عريضه شويه ومكتوب عليها potato instant

بتحصليها مع منتجات كنج ارثر او منتجات مارثا وطبعا الرقائق دي افضل بكتير من الخميره الموجوده عندي لانها اصليه

رد
ام اماسي, on يونيو 18, 2010 at 7:14 ص said:

ياام احمد الخميره العاديه اسمها
Instant mashed potatoes ياريت اكون افدتك

رد
ام اماسي, on يونيو 18, 2010 at 7:20 ص said:

تسلمي هوما 000 وانا كمان نقطة ضعفي الكعك وماببدله باي شئ في الدنيا وكمان بمووووت في قرقوش العدس ( الفايش الصعيد) وعلي طوووول بعمله 00 وياريت لو كنتي جنبي كان ارسل ليك الجردل في الجردل وتسلمي ياستنا

رد
هوما, on يونيو 18, 2010 at 7:31 ص said:

رسلي لي بلDHL بقبله

ما عندك مشكله
تسلمي

رد
UmAhmed, on يونيو 18, 2010 at 7:44 ص said:

Gazki allah kair ya Um amasi ,,ha amshee aftshi tani

رد
ام سارة, on يونيو 18, 2010 at 12:49 م said:

ياهوما يا ابدااااااااااااااااااااااااااااااع والله كريمه كرم فياض مشكوره وربنا يخلي ليك اسرتك انشاءالله

رد
ام سارة, on يونيو 18, 2010 at 12:51 م said:

تمام يا ام اماسي حركتي لينا المواهب المدفونة تسلمي علي القرقور سلمي علي اماسي الحلوة

رد
ام اماسي, on يونيو 18, 2010 at 2:52 م said:

والله ياهوما تستاهلي ارسل ليك الحلي كله وتسلمي ياست الكرم والذوق

رد
ام سارة, on يونيو 18, 2010 at 2:57 م said:

ملاح نعمية خطييييييييييييييييييير
2علبة زبادي
2حبة طماطم حمراء
2م ك دقيف
2م ك ويكة
ملعقة ونصف فول مسحون
3بصلات
ملح وكسبرة وفلفل اسود
الطريقة
نحمر البصل ف زيت غزير حت لاتحترق ويكون لونها برتقالي فاتح
نضع جميع المكونات ف الخلاط حتي الويكةبس مابنضيف الملح والبهار الا بعد النضج
نضعهم علي نار هادئة حتي يستوي وبعدين اضيف الملح والبهار ويؤكل مع العصيدة ويوضع فوقة زيت سمسم ف البداية بتحسي الملاح تقيل لكن بعد اضافة الملح ببغي عادي وبالهناء

رد
- simsimaya, on يونيو 18, 2010 at 11:18 م said:
  
  تماااام ام سارة
  ح اجرب طريقتك دي بس ما بختو في الخلاط ههههههههه
  لانو بعمل الدقيق بدل الويكة لان الويكة بتخليهو لا يوق زي ملاح اللبن
  لكن بجرب الويكة يمكن السر فيها
  
  رد
ام سارة, on يونيو 18, 2010 at 3:02 م said:

انا معتمداه من ثمانية سنة هو في الحقيقة وصفة اختي الكبيره ام راكان الله يديها العافية

رد
ام سارة, on يونيو 18, 2010 at 3:06 م said:

بعدين مافية اي موية عشان كدا بكون جامد ولذيذ ياريت تجربوه قبل رمضان يا ام اماسي اذا عايزاه حامض اعملي زبادي نادك واذا عايزاه عادي اعملي المراعي

رد
ام اماسي, on يونيو 18, 2010 at 4:30 م said:

مش كده ياام ساره000 لكن المواهب دي ماااابتجي الا بشوية دفره 00وماشاءالله تبارك الله هوما طلعت خطييييييييره ذوق ورقي وابداع وطيبه 000 وديل بنات بلدي الاصيلات 000 علم00 وفهم00 وابداع 00وقلب طيب 00واخلاق عاليه00000000
وتسلمي علي ملاح النعيميه الحلو والله خلاني اتمطق عدييييل 000وكمان ياام ساره جربي زبادي الفلاحه بالجردل الصغير 000 وااااااو طعمه زي السمن البلدي وحموضته عاليه شويه 00علي طووول كنت بعمل بيهو ملاح الروب والنعيميه لكن بعد القرحه خليته00000ومشكووووره علي الملاح الحلو زي ستو
بالمناسبه ياام ساره انا عندي ود خالي اخصائي مختبر في الهيئه السعوديه للمواصفات والمقاييس والجوده قال لينا منتجات نادك والمزرعه من افضل المنتجات وطبيعيه ميه الميه
وناس المراعي وغيرهم بضيفو مواد غير طبيعيه كتيير لتعزيز وتحسين النكهه 000اعملي مقارنه بينهم وشوفي الفرق وتسلمي

رد
ام سارة, on يونيو 18, 2010 at 5:46 م said:

والله الملاح دا رهيب انتي كدي جربي وريني رايك انا بقصد علب الزبادي الكبيره انا يا ام اماسي ما بحب الروب الحامض عشان كدا بعمل المراعي ونادك دا حامض انا مابحبو

رد
ام سارة, on يونيو 18, 2010 at 5:48 م said:

الليلة وين سمسماية وباقي السيدات ولا ديل ناس الليل واخره هههههههههه

رد
- simsimaya, on يونيو 18, 2010 at 11:32 م said:
  
  شكرا علي السؤال
  انا مع الجمعة وما ادراك ما الجمعة
  
  رد
ام سارة, on يونيو 18, 2010 at 6:13 م said:

يا ام اماسي عندي كيس مكتوب عليه مسحوق الارز باتيري ياهو دا دقيق الارز ولا انا شايلة النمرة غلط ههههههه ريحتة جميلة شديد ريحة جوز هند وعملتو ف ي بسكويت اليانسون طلع رهيب ارجو الافادة

رد
ام اماسي, on يونيو 18, 2010 at 7:44 م said:

تسلمي ام ساره وملاحك الحلو ده حااعمله بالمراعي عشان حموضته فعلا اخف من نادك وبرسل ليك معاي 000
بالنسبه لطحين الارز انواع وانواع وباسماء مختلفه بس انا بصراحه ماقاعده انتبه للاسم بشوف مكتوب طحين الارز وبشتريهو علي طول 000اعملي بيهو مهلبيه ياام ساره والله طعمها رهيب واعملي شيره حمراء تقييييييييله وصبيها بعدما تقلبيها في الصحن و شوفي الروعه

رد
ام اماسي, on يونيو 18, 2010 at 7:50 م said:

وكمان ياام ساره السمبوسه بطحين الارز وااااااااااااااو مكمله الروعه وماااااابتشرب زيت 0000 بتكون مقررررمشه وهشه ولونها اصفر وجميل 000بديك وصفتها وجربي واحكمي0000 ياام ساره عملتي القرقور؟

رد
ام اماسي, on يونيو 18, 2010 at 7:58 م said:

ام ساره اماسي بنتي بتسلم عليك كتييييير وبترسل ليك بوووووووسه كبييييييييييره وبتقول ليك ياخالتو انا بتمني اشوف فردة ماما العسل ام ساره

رد
om Lina, on يونيو 18, 2010 at 8:09 م said:

السلام عليكم يا أخواتنا
ما شاء الله ونسة تقيلة …ربنا يحفظكم….وينك يا سمسماية من امبارح ؟
لا والله يا أم أماسي لظروف خارجة عن ارادتنا ما مشينا التخريج وبالعكس كنت عاوزة أقشر بالكعك وكده…..شكرا على وصفة القرقور وعندي سؤالين بالخصوص ده:
الأول انو و زي ما قالت أم سارة ليه بنفصل البياض من الصفار طالما مزجناهم الأتنين في وقت واحد؟؟!؟
والثاني قوالب القرقور جبتيها من السودان؟ ومشكورة

رد
- simsimaya, on يونيو 18, 2010 at 11:43 م said:
  
  ام لينة كيفك اليوم مشغووووووولة ومعانا اخواني واولادهم
  بالنسبة للقرقور اعتقد تقصد ام اماسي صفاربيضة + بيضة كاملة
  
  ان شاء الله اكون افدتك
  
  رد
ام اماسي, on يونيو 18, 2010 at 8:10 م said:

سمسمه ويييييييييينك ياغاليه يانور عيوننا

رد
- simsimaya, on يونيو 18, 2010 at 11:44 م said:
  
  ام اماسي مشكورة علي السعااااااال
  
  جيييييييييييييييييييييت
  
  رد
simsimaya, on يونيو 18, 2010 at 9:28 م said:

سلااااااااااام حرووووووووووووم سلاااااااااااام
اليوم مع الجمعة واللمة تعب شدييييييييييييييد :36_1_5[1]:
الله يعينكم بس مرات بطلع ليكم بي وصفة
عندكم عندي شئ بس ما الليلة يمكن بكرة
هي عادية بس …………
امشي اقرا الفات وشوف الحاصل شنو
مودتي

رد
هوما, on يونيو 18, 2010 at 11:45 م said:

يا ستات يا حلوين

كيفكم واخباركم

أمشي اجيب بنتي من المدرسه وامشي الChinese store للدقيق
ام اماسي
الinstant mashed potato flakes
دي البعملو بيه الmashed potato الجاهز
سمسم
مشتاقين و منتطرين يا عسول

رد
- ام اماسي, on يونيو 19, 2010 at 4:15 ص said:
  
  اهلا بالعزيزه هوما ونحن كمان شوقنا اكتر 000امس انبسطت معاك كتيييير 00وسعدت كثيرا بمعرفتك00000وياريت تتواصلي معانا علي طوووول
  بس معليش مافهمت قصدك شنو في البطاطس المهروسه
  او هريس البطاطس الجاهز 000 ياريت توضحي اكتر
  
  رد
ام اماسي, on يونيو 19, 2010 at 1:17 ص said:

هلا بالغلا سمسومه الغاليه 000 والله احلي من لمة الاخوان ماااااافي ربنا يخليكم لي بعض ويحفظكم ودعوة امي (يكفيكم شر الحاسدين والراصدين ) اميييين يارب
بس سعااااااال 00واكيد ب كمان بتكوني مهدووووده من الوقفه والتعب 00000 قلوبن معاك وتسلمي ياست الكل

رد
ام سارة, on يونيو 19, 2010 at 1:24 ص said:

نورتي ياسمسمايه وربنا يخليكم لبعض

رد
- simsimaya, on يونيو 19, 2010 at 1:43 ص said:
  
  تسلمي يالغلا
  
  رد
ام سارة, on يونيو 19, 2010 at 1:28 ص said:

كيفك يام اماسي وبوسة كبيييييييييييييييييره لي اماسي والقرقور ماعملتو لاني عندي وجع ضهر شديد طبعا عندي حروف ماشغالة عشان كدا كتبت ضهر

رد
- simsimaya, on يونيو 19, 2010 at 1:46 ص said:
  
  كفاااارة يا ام سارة عدوك ان شاء الله
  
  رد
ام اماسي, on يونيو 19, 2010 at 1:31 ص said:

اسفه ياسمسمه للخطأ المطبعي 0000بس سعاااااااال عملتي ليهم شنو في الغداء 0000اكييييد ابدعتي

رد
- simsimaya, on يونيو 19, 2010 at 1:43 ص said:
  
  غدا شنو يوم الجمعة دا فطور؛ هم بجو 12 تقريبا ويفطرو قبل الصلاة طوالي
  فطورنا ثااااااابت ملاح تقلية (ملاح عمة زي اولاد اخواني بيقولوا) بالفطير معاهو حاجة حلوة
  وسلطة خضراء بالبصلو صحن شطة كبيييير
  بس اليوم عملت الحاجة الحلو حاااجة بنزلها ليكم بكرة ان شاء الله (للتشويق)
  
  رد
ام اماسي, on يونيو 19, 2010 at 1:42 ص said:

مرحبا اختي ام لينا افتقدناك0000 ومعلييييييش للخطا المطبعي في وصفة القرقور 00 وزي ماقالت سمسمه انا بقصد صفاربيضه + بيضه كامله000والله ماانتبهت للخطأ ده وام ساره العزيزه تشيل وتسأل فيني بس مافهمت قصدها كويس 00000واسفه حبيباتي للخطا مره ثانيه0000
الاقماع موجوده عندنا بكثره في المحلات وباشكالها وانواعها

رد
simsimaya, on يونيو 19, 2010 at 1:49 ص said:

تصبحو علي خير يا ناس الليل واخره
تحياتي لكل البتجي من بعد ما انوم ههههههه
البيت بيتكم

رد
- ام اماسي, on يونيو 19, 2010 at 3:45 ص said:
  
  لا لا لا ياسمسمه ماتمشي قبل ما تنزلي لينا الطبق000 مابنقدر علي الانتظار
  
  رد
om Lina, on يونيو 19, 2010 at 1:56 ص said:

مشكورين سمسماية و أم أماسي على التوضيح بخصوص القرقور…. و يا أم سارة سلامتك ألف سلامة…. وشايفة خلاص تعبيرك بتاع ناس الليل وآخره بقى معتمد من الجهات العليا (:

رد
- ام اماسي, on يونيو 19, 2010 at 4:29 ص said:
  
  لاشكر علي واجب ياام لينا
  
  رد
ام سارة, on يونيو 19, 2010 at 2:01 ص said:

مشكورين سمسماية وام لينة وام اماسي يا ام لينة انا زاتي بقيت مع ناس الليل واخرة هههههههههه

رد
ام سارة, on يونيو 19, 2010 at 2:03 ص said:

لكن شايلة عكازي ولافة سااااااااااااااي مرات بجي بالنهار ومرات بالليل

رد
ام اماسي, on يونيو 19, 2010 at 2:04 ص said:

الف الف الف سلامه عليك ياام ساره وماتشوفي شر 000 الضهر ده وجعه قاسي بس الراحه اهم شي 000 واعملي مساج بزيت الزيتون والله ممتاز في تسكين الالام 00لان زيت الزيتون فيه الميفيناميك اسيد وهو مضاد لالتهاب المفاصل ومخفف للحرارة ومسكن للألم، مركزياً ومحيطياً00 وطبعا دي الماده الاساسيه الموجوده في البندول والمسكنات عموما00 ربنا يشفيك

رد
ام سارة, on يونيو 19, 2010 at 2:08 ص said:

مافي داعي ياسمسمايه تجهجهينا وتنومي والله ام اماسي بكون سعابيله مرقت ههههههههههه

رد
- ام اماسي, on يونيو 19, 2010 at 3:57 ص said:
  
  ياام ساره سعابيلي زغللت عدييل 000 لكن ما باليد حيله
  حااقعد ازغلل كده للصباح والله كريم علي
  
  رد
ام سارة, on يونيو 19, 2010 at 2:11 ص said:

ياريت يا ام اماسي لواقدر اعمل مساج ضهري منتهي يعني لايحتمل اللمسة بس ربك يعين

رد
ام اماسي, on يونيو 19, 2010 at 2:19 ص said:

ليه ياسمسمه ماشه ماتقعدي تتونسي شويه0000 هههههههه 000لكن الليله شكلك تعباااااانه 0000اقول حاجه امشي نومي والصباح رباح 000راحتك اهم لينا من كل شي والونسه ملحوقه مش كده؟
وانتي من اهل الخير

رد
هوما, on يونيو 19, 2010 at 2:24 ص said:

بسابيس كيف أنتو؟
سلامتك ياام ساره وناس كندا كرامتك

رد
ام اماسي, on يونيو 19, 2010 at 2:43 ص said:

ربنا يشفيك ويعافيك ام ساره والله وجعتي قلبي00 انتي الالم مابشبهك بس اهم شئ الراحه وسلااااامتك

رد
ام اماسي, on يونيو 19, 2010 at 2:47 ص said:

هلا هلا بالغاليه هوما كيفك 000 ولدك امتحن كيف؟

رد
هوما, on يونيو 19, 2010 at 2:53 ص said:

قال كويس
امتحن اليوم Math
ويوم الاثلاثاء عندو Biology
الله يستر بس هنا ممكن يعمل upgrade لشهادتو قبل الجامعه

رد
هوما, on يونيو 19, 2010 at 3:04 ص said:

ام ساره ام النكته و الضحك
كيف حبيبتي هسي
والله قبل فتره كان عندي وجع ظهر ما خليت حاجه لمن دكتورتي ادتني حبوب قويه شديد
سلامتك تاني

رد
ام اماسي, on يونيو 19, 2010 at 3:14 ص said:

انا قااااااااااااعده ياام ساره منتظره صحن سمسمايه

رد
ام اماسي, on يونيو 19, 2010 at 3:29 ص said:

ربنا يوفقه 000خليهو يقرا سورة يس قبل الامتحان
وسورة قريش للاطمئنان 0000
وقبل الامتحان خليهو يدعي بهذا الدعاء
ياعلي ياعظيم ياحليم ياعليم انت ربي وعلمك حسبي فنعم الرب ربي ونعم الحسب حسبي تنصر من تشاء وانت العزيز الرحيم 0000 ويقرا بعدها اية الكرسي 00000وبالتوفيق باذن الله

رد
هوما, on يونيو 19, 2010 at 4:19 ص said:

يديكي العافيه
ولدك كيف
شكراً للأدعيه
تسلمي يا عسل

رد
ام اماسي, on يونيو 19, 2010 at 4:50 ص said:

ولدي صااااااحي سهر شديد0000اخر لعب وضحك والحمدلله علي السهر والتعب000الليله عملتي شنو من مطبخنا

رد
هوما, on يونيو 19, 2010 at 6:40 ص said:

هسي عست الكسره وحاأعمل ملاحك بتاع النعيميه
وحأعمل القرقوش أن شاء الله
الاسبوع الفات عملت المنين بطريقه سمسم وطريقتك
زمان كنت بعمل المنين بعصير القريب فروت….

رد
- ام اماسي, on يونيو 19, 2010 at 2:24 م said:
  
  ماشاءالله تبارك الله ست بيت تمام
  
  رد
- simsimaya, on يونيو 20, 2010 at 12:46 م said:
  
  هوما انت ان الكسرة حقتك خميرة شديد ولا شنو
  شالتك نومة ولا مالك ما ظهرتي
  قللي الخمااااااااار يا غالية
  ههههههههههههه
  
  رد
هوما, on يونيو 19, 2010 at 7:03 ص said:

الوصفه دي رهيبه أخدتها من أم محمود
عملتها وضيوفي جنوا عليها وعجبتهم
معتمده

هي السمك بالفرن …

المقادير

سمك فيليه مقطع لقطع صغيرة
كوب زبادي
ملعقتين طحينه
ملعقتين مايونيز
نص ملعقة مسترده
ملح-فلفل
ملعقتين شمار اخضر طازج
ملعقة شمار ناشف
عصير ليمونه كبيره..
—اختياري.. نص ملعقة صغيرة من blue cheese…

الطريقة..
تضعي السمك الفيليه في صحن باريكس بتدخل الفرن.. او .. عشان تقدمي بيه طوالي… وتخلطي بقية المقادير مع بعض.. وتكبيهم فوق السمك.. وتغطي الصينية بي foil … وتدخليها الفرن لمدة 25 دقيقة.. تفتحي الfoil عشان ياخد لون… حيكون السمك طلّع موية .. وعمل مع المكونات صوص تقيلة بيضاء… بعد خمسة دقايق .. طلعيها.. لذيذة مع الرز او الخبز .

جربوها رووووووووعه

طبعاً عندي وصفات كثيررره جربتها محفوظه عندي( سر اقوله ليكم وبعيد عنكم عندي زهايمر) لاني بصراحه اتعلمت الطبيخ من النت اجنبي وعربي وسوداني

اما الخبيز والحلي من صغيره…كانت هوايه

تسلموا

رد
- simsimaya, on يونيو 19, 2010 at 11:05 م said:
  
  دا الشغل النضيف
  ان شاء الله يوم اقشر بيها بس الـ Blue Cheese دي ما معانا ههههههههههه
  
  رد
ام سارة, on يونيو 19, 2010 at 7:53 ص said:

صباح الخير ياهوما ياعسل وتسلمي وربنا ينجح ولدك

رد
ام سارة, on يونيو 19, 2010 at 7:55 ص said:

والله السمك شكلو ابداع ومية مية بجربو

رد
- ام اماسي, on يونيو 20, 2010 at 9:32 ص said:
  
  ياهوما دي اسمها gorgonzola cheese ؟ مش كده؟
  الجبنه دي ايطالية المنشأ و بخلوها تقعد فترات طويله جدا في الهواء حي تتكون فيها بكتريا نافعه لونها ازرق 00 بس انا بخاف منها ماااباكلها
  
  رد
ام سارة, on يونيو 19, 2010 at 8:01 ص said:

تسلمي يا ام اماسي والله حننتيني انتي بتنومي كيف ومتين ولدك شكلو متعبك لكن حاولي خلي ينوم بالليل ويصحي بالنهار

رد
- ام اماسي, on يونيو 19, 2010 at 2:35 م said:
  
  كيفك اليوم ياام ساره من الم الضهر انشاءالله احسن دعيت ليك بالشفاء في صلاة الفجر 00000
  اختك الله يكون في عونها 00 والله مرات بنوم الساعه 9 صباحا لحدي الساعه 1 ظهر وتاني مابنوم الا اليوم التاني لقيتيني كيف ؟
  
  رد
هوما, on يونيو 19, 2010 at 9:58 ص said:

ام ساره
كيف ظهرك حبيبتي ان شاءالله أحسن
جربي السمك رووووووعه
وصفه مريومه و معتمده

ام اماسي
الsoure dough بتاعت القرقوش عجينه سائله ولا لينه
الملاح روعه اول مره اعمله بدقيق الارز

سمسم مشتاقين يا بركه
تصبحوا علي خير

رد
- ام اماسي, on يونيو 19, 2010 at 4:06 م said:
  
  ياهوما الsour dough starter في القرقوش بعمله اتقل شويه من عجينة القطايف (يعني سائله نوعا ما) 0000 وفي الخبز وبعض المعجنات بتكون تقيله مثلا (نصف كوب دقيق + نصف كوب ماء + م ص خميره+ رشة سكر)
  
  رد
ام سارة, on يونيو 19, 2010 at 10:37 ص said:

ياسمسماية انا من عشاقة وبحبو بالبيض واحيانا بالتونة المطبوخة يعني تونة وبصل وفلفلية منجضة اما حق البيض بعمل فيةكرات او بصل اخضر كتير وحبة طماطم واحدة عشان الطماطم بجم مويةوجزر مبشور وفلفلية وكل مطبقة واحدة فيها بيضين المطبقة بتملي الطوة وبعد النضج بقطعوا مربعات والعجب كان قطعتي ليك قرن شطة اخضر في الخلطة واللة دمااااااااااااااااااااار وبنس الطريقة بعمل فطيرة البيض بس الفرق بينة وبين المطبق داك من طبقتين عجين والفطيرة من طبقة واحدة تختي عجينة مطروحه خالص وبعدين تختي خليط البيض وديل طبعا كلهم في الطوة بعد تنضج الفطيرة من تحت اغلبيها بكمشة عريضة بجهة البيض عشان بكون مااستوي طبعا البيض بنجض سريع نقلب تاني بجهة الفطيرةانا عشان اقلبها بغطيها بغطاية حلة وبقلبها فيهاوهي في النار بلفها ذي السويسرول وبغطيها سريع بقطعة تبقي ذي السندوتش واسألي ام اماسي من الطعم بتكون اكلتها كتير
بالهناء

رد
ام سارة, on يونيو 19, 2010 at 10:57 ص said:

فطيرة البيض
المقادير
2ك دقيق، م ص ملح، م ك عصير ليمون، 2م ك زيت، ماء للعجن
نفس عجينة المطبق
الحشوة
لكل فطيرة 2حبة بيض
جزر مبشور
فلفلية شرائح رفيعة
كرات مفروم ناعم او بصل اخضر بالبنبون حقة
ملح
قرن شطة اخضر
حبة طماطم تقطع مكعبات صغيرة
الطريقة
تترك العجينة لترتاح ربع ساعة حتي يسهل فردها
تفرد بالنشابةبشكل دائري مقاس الطوة ونمسح الطوه بزيت مسح فقط ونضع الفطيره ونضع فوقها الحشوة وتحمر من تحت ثم تقلب علي الجهة الاخري مكان البيض تقلب بسرعة حت لاينسكب البيض علي الطوة ومن ثم تقلب مرة اخري بجهة الفطيرة حتي تلف بشكل السويسرول وتغطي بفوطة حتي تصبح طرية
بالهناء

رد
- ام اماسي, on يونيو 19, 2010 at 2:53 م said:
  
  رهييييييبه ياام ساره ياملكة الفطاير 0000 سلمت يداك
  
  رد
- simsimaya, on يونيو 19, 2010 at 11:02 م said:
  
  انا مجنوووووووونة بيض بحبو بكل الوصفات
  دي ان شاء الله اطبقها
  بموت فيهو
  
  رد
ام اماسي, on يونيو 19, 2010 at 2:50 م said:

تسلمي هوما علي الوصفه الطااااااعمه دي0000بكره باذن الله بعملها في الغداء وتسلمي

رد
ام سارة, on يونيو 19, 2010 at 5:12 م said:

ملكة مرة واحدة ياعزيزتي انحنا لسة بنباري سااااااااااااي والله الله يعينك علي السهر بالنهار اشغلي ولدك باللعب والونسه وبالليل خلية ينوم

رد
- ام اماسي, on يونيو 20, 2010 at 5:44 ص said:
  
  ام ساره انتي احلي ملكه والله 00 وملكة الفرفشه والابتسامه كمان وست بيت تمااااام
  بس ولدي الحمار ده ماخلينا ليهو شئ عشان ينوم بدري شكلي كده حاديهو ملعقه كبييييييييييييييييييره سيدوفان عشان ينوم 10 يوم هههههههه 00
  ولدي الصغير( عمره سنتين) بقول لي ياماما الولد ده احسن ترميهو بالشباك عشان عذبك اها بدل ما ارميه احسن اديهو لحبيبتي ام ساره تربي مع عيالك رايك شنو
  
  رد
ام سارة, on يونيو 19, 2010 at 5:16 م said:

يا ام اماسي بيني وبينك الفطيرة اسهل لية من المطبق وبعدين الميزه الحلوة فيها ذي السندوتش وهي حاااااااارة تلفي لكل زول واحدة والله متعة وطعم لايقاوم

رد
- ام اماسي, on يونيو 20, 2010 at 5:41 ص said:
  
  واااااااااو ياام ساره شهيتيني اقوم اعملها هسي ولا شنو
  
  رد
ام سارة, on يونيو 19, 2010 at 5:27 م said:

وينكم الليله ياحلوات السودانية والكندية والامريكية والسعودية طبعا ناس كندا ناموا هسي الصباح دا هوما نامت عشره صباحا لكن الكلام ناس السودان ديل نوم الدجاج بدرييييييي ومابانو لسه اما زينة الرزينة دي مابتزور الا في المناسبات السعيدة ههههه وام لينة تجي وتختفي وام احمد بنشوفة طشااااااااااااااش اما انا وام اماسي الدبابين اسود الغابة نضال شديدههههههههههههه

رد
- simsimaya, on يونيو 19, 2010 at 6:07 م said:
  
  ام سارة كيفك انا صاحية بس
  كنت مشغولة مع عمة ترباس
  ههههههههههههههههههه
  
  رد
Search the Web on Snap.com, on يونيو 19, 2010 at 5:35 م said:

اما ناس سمية حسن وغادة العمدة وهنوها وطقطق ديل بجوا يباركو العيد وتاني مابجوا الا العيد الجايي هههه

رد
zeena, on يونيو 19, 2010 at 5:57 م said:

سلامات يا ام سارة و الله و لا رزانة و لا شي بس خيابة شديدة ما بعرف اي حاجة بس بتعلم منكم ………….و الله ما عندي شى اقوله …………اخجلتم تواضعنا قصدي خيابتنا…………ههههههههههههههههههه

رد
- simsimaya, on يونيو 19, 2010 at 6:10 م said:
  
  زنزونة خلي البخل بتاعك دا وطلعي المستخبي
  ولا افضحك احسن تتطلعي العندك قبل ما اقووووووول
  
  رد
ام سارة, on يونيو 19, 2010 at 6:09 م said:

يابت ونستك بالدنيا وانشاء تحشي معانا البصل ههههههههه داخلة قولي سلام ومارقة قولي مع السلامة ههههه

رد
ام اماسي, on يونيو 19, 2010 at 6:12 م said:

ههههههههههههه الله يديك العافيه ياام ساره ياملكة النكته والابتسامه ضحكتيني مووووووت
لكن ياام ساره بعد ايام قليله بفارقكم شويه كده نسبه لظروف السفر لكن بديكم طله خفييييفه سلام سلام وبفوت
لانو مااااابهون علي فراقكم وتسلمي لينا

رد
simsimaya, on يونيو 19, 2010 at 6:12 م said:

ام سارة وزنزونة امشو شوفو العمة
عمة ترباس
وتعالن

رد
simsimaya, on يونيو 19, 2010 at 6:16 م said:

سلاااااااااااااااااااام حروم سلام
يلا يا ام اماسي وام لينة وهوما وام احمد وكل الزوار
عمة ترباس
بس ما عملتها كبيرة شديد عشان تكون عملية تتشال كويش
بس الطعم دماااااااار
يا ام اماسي قشرته بدقيق الارز عملتو في الوصفة
هههههههههههههه
بقيت زيك

رد
- ام اماسي, on يونيو 20, 2010 at 6:28 ص said:
  
  ياسمسمه انا مااااابستغني عن دقيق الارز ابدا 00 لانه بدي نكهه وطعم ولون عجيييب في المعجنات المقليه امسكي فيهو قوي وابتكري بيهو وصفات مثل المهلبيه وكيكة الارز وبسكويت الارز (والسمبوسه الهنديه باضافة م ك ونص لان السمبوسه الهنديه اصلا بدقيق الارز) وشوفي الحلاوه والطعم
  ماشاءالله عمة ترباس رهيييييبه والطعم اكيييييد احلي
  ربنا يحفظك من كل شر
  
  رد
ام اماسي, on يونيو 19, 2010 at 6:16 م said:

زينه يارزينه شرفتينا 000 والله حاشا عليك من الخيابه واكييييد بتكوني ست العارفين يكفي انك اخت سمسمه

رد
ام سارة, on يونيو 19, 2010 at 6:25 م said:

شفتي يازينة جاتك ام اماسي بالرد الماخمج طبعا في المنطق استاذة مسافرة متين يا ام اماسي

رد
simsimaya, on يونيو 19, 2010 at 10:16 م said:

يا نسوان بقيتن تدخلن متاخرات بتوقتو مع نسوان امريكا وكندا
عايزات تدونا السهر عشان يرفدونا من الشغل
بنتظرك لمن تجن واعمل ليكن محاكمة هههههه

رد
om Lina, on يونيو 19, 2010 at 10:47 م said:

سلام سمسماية … ابدعتي في عمة ترباس دي …ما قادرين نواكب والله كل يوم فن جديد… ما شاء الله… نحن ذاتنا بقينا ننوم وناس السعودية مدورين الونسة..

رد
- simsimaya, on يونيو 19, 2010 at 11:08 م said:
  
  سلام يا ام لينة كيفك ؟
  شفتي النسوان ديل بقن ناس الليل وآخره
  عمة ترباس دي لو شفتي النسوان في المناسبات بعملوها كبيييرة
  قدر الضربة بس انا عملتها ليكم حنكوشة رقيقة
  زيكم كدا وقدر خشمكم ههههههههههه
  
  رد
ام اماسي, on يونيو 19, 2010 at 11:18 م said:

والله تسلمي لي انتي يارائعه ياام ساره واليوم كله

رد
- simsimaya, on يونيو 19, 2010 at 11:27 م said:
  
  اهلا يا ام اماسي الليله حارساكم
  في باب المطبخ هههههههههههههه
  
  رد
ام اماسي, on يونيو 19, 2010 at 11:25 م said:

غايتو ساسمسمه انا خشمي بقي كبيييير من الاكل الكتير والرمرمه00 عشان كده حاادخل حبتين في وقت واحد عشان اكل اكبر كميه منها

رد
- simsimaya, on يونيو 19, 2010 at 11:31 م said:
  
  ههههههههههههههههههه
  دي بالغتي فيها يا ام اماسي يا عسل
  كبير قدر شنو اصلو؟ ما بيكون اكبر من حقي
  بس بنضمو عشان يبين صغير زي خشم ام لينة وزينة والناس الرشيقة
  الما بتحب الاكل
  :
  
  رد
  - ام اماسي, on يونيو 20, 2010 at 6:14 ص said:
    
    لا لا ياستنا انتي سمسمه الحلوه وخشمك اكييييد صعنووووني وحلو زي السمسمه000 زوله بالروعه دي اكييييد شبهها وحلاوتها وخشمها احلي من الحلو 0000 ولا ماكده ياسمسمه000 الخشم الكبير ده خليهو لينا نحن لانو
    من كترة الكواريك مع العيال الخشم بقي قدر الماوس بتاع الكمبيوتر000 ومن النفسيات والتعب معاهم 000اليوم كله راسنا بقي داخل التلاجه اها عاد كواريك + رمرمه دي تساوي شنو0000 اكيييييد خشم اكبر من عمة ترباس زاتو
ام سارة, on يونيو 19, 2010 at 11:42 م said:

اهلييييييييييييين يالحنكوشات الليلة عاد ترباس حميتنو النوم من النضمي

رد
- simsimaya, on يونيو 19, 2010 at 11:48 م said:
  
  ههههههههههه
  با قيلك هو بنوم بدري تلقي يادوب انتهي ليهو من حفلة
  ربنا يهديهو ويهدينا
  النوم البدري دا ما ليهو
  بس بكون اتشرق كدا كم مرة ويقول في سرو الطراني دا منو
  ما عارفنا ختينا عمتو في الزيت الحار
  ههههههههههههههههههههههه
  
  رد
ام سارة, on يونيو 19, 2010 at 11:46 م said:

ههههههههه واللة ياسمسماية موتيني من الضحك علي قول محمد موسي قال المرة شدت خشمة ماكبير روج فوق وروج تحت هههههههه

رد
- simsimaya, on يونيو 19, 2010 at 11:49 م said:
  
  ههههههههههههههههههه
  
  رد
ام سارة, on يونيو 19, 2010 at 11:55 م said:

ههههههههههههههههههههههههههههه

رد
simsimaya, on يونيو 20, 2010 at 2:11 ص said:

تصبحو علي خير
غلبني اساهر اكتر من كدا

رد
ام اماسي, on يونيو 20, 2010 at 5:50 ص said:

ماشاءالله تبارك الله ست الدار وام ساره مساهرين؟ اصلو ماممكن ! عاديناكم بحمي السهر ولا شنو؟

رد
ام اماسي, on يونيو 20, 2010 at 5:59 ص said:

انا الليله مدسيه من ترباس عشان كده ماساهرت معاكم 000
غايتو ياسمسمه الليله قليتي عمم ترباس كلها ( مقدار ال3 كوب عمل ليك اكتر من 20 حبه مش كده) 00اها ترباس لو جاء وما لقي العمم بتاعتو 00 يعمل فيك وفينا شنو ؟ انتي قليتيها ونحن اكلناها و كملنا الناقصه 000 مش احسن ننتخبي

رد
UmAhmed, on يونيو 20, 2010 at 7:45 ص said:

سلاااااام يا الأعزاء سمسماية،أم ساره ،أم أماسي،أم لينة،،زينة وهوما (إن شاء الله ما أكن نسيت زول)

بالغت يا سمسمايه في عمت ترباس دي،،خطيرة شديد احنا ما بنقدر نباريك،،فناناا ،،اهة يا أخونا أنا نعسانة بجيكم جرييييييب انتظروووني ؛)

وكفارة يا أم ساره معليش جات متاخرة إن شاء الله أسا أحسن

رد
- simsimaya, on يونيو 20, 2010 at 12:52 م said:
  
  ام احمد نوم العافية ان شاء الله
  عمة ترباس منتظراااك
  
  رد
ام اماسي, on يونيو 20, 2010 at 7:59 ص said:

ام احمد غاليتنا اشتقنا ليك كتيييير ليه الغيبه دي 0000اخواتك افتقدوك000الجديد شنو عندك ؟ وطبقتي شنو في وصفات سمسمه ؟

رد
ام سارة, on يونيو 20, 2010 at 11:47 ص said:

مرحبا يام احمد وتسلمي من كل شر وينك عاملة غياب

رد
ام سارة, on يونيو 20, 2010 at 11:51 ص said:

وينك ياهوما ذهاب دون عودة حتي ترباس ماجابك وسلامتك من الزهايمر انا الشي البعرفو انو بصيب الناس فوق 65سنة وبدعي ليك دائما ربنا يشفيك انشاءالله

رد
ام سارة, on يونيو 20, 2010 at 12:10 م said:

يا ام اماسي انا طبعا الرودود الفوق مابشوفها طوالي لكن انتي و ولدك الكبير شكلكم شانين حرب علي النونو ربنا يعينة عليكم وسارة قالت ليكي جيبيوة بنشتري ليهو لعبات وبنشربه يانسون عشان مايبكي ههههه لكن ياام اماسي اذا ببكي طوالي لازم يكون في سبب يا اما عندة مقص او لوز اذا بياخذ حليب صناعي لانو الرضاعة وهو برضع بدخل كمية من الهواء بتعمل غازات ولوز وانشاء معافة وانحنا فاتحين الشبابيك قلنا يمكن يجي واقع في اي وقت ههههههههه

رد
ام اماسي, on يونيو 20, 2010 at 2:44 م said:

والله ياام ساره النونو ده حلو حلا 000 وما عندو بكاء كتير بالعكس لذيذ وروحه حلوه بتاع ضحك ولعب وفرفشه لكن مشكلته الوحيده السهر 000 كهربته بتكون عاااااليه بالليل اخر لعب وضحك وعايز الناس كلها تكون صاحيه معاهو عشان يلعب000وسهره ده خرب لي نظامي تماما 000
حاولت ابرمجه علي نوم النهار لكن والحمدلله اخوانه الكبار مابخلوه ينوم يلعبو ويصرخو ومسببين لينا ازعاج كتير 000 غايتو ربنا يعين 00000هههههههههه بس ماتنسي خلي شباكك مفتوح علي طووول وخلي ساره تنتظره ( بوسه كبيييييييره لساره الحلوه) امكن ارميهو ليك في اي وقت هههههههه00000قولي لساره جهزي دواء السيدوفان عشان ينوم بيهو ههههههه

رد
- simsimaya, on يونيو 20, 2010 at 3:19 م said:
  
  ام اماسي الولد ما لكم عليه مدام حلو وضحاك خليهو يلعب
  ومدام في رمي بالشباك انا زاااااااتي بفتح الشباك والباب
  وباب الشارع كمان ولا اقول ليك بفتح الحدود
  ههههههههههههههه
  يمكن يقع عندي بس تانب با بديهو لى زول
  ربنا يحفظو ليك
  
  رد
  - ام اماسي, on يونيو 20, 2010 at 3:45 م said:
    
    ياسلااااام ياسمسمه انا مش اديك ولدي وبس000 نحن نديك ارواحنا زاتها ويااااحظنا وحظه لو حظي بتربيتك اكيييد حيكون اححححححلي نونو 000خلاص ياام ساره انا بدي النونو لسمسمه وانتي بديك التلاته الباقيين رايك شنو؟
    النونو ياسمسمه لو سمع كلامك الحلو ده حايحيك جاري جري 00000ويارب يرزقك بود الحلال وتخلفو احلي العيال
ام اماسي, on يونيو 20, 2010 at 2:47 م said:

هوما اشتقنا ليك كتيييير وين انتي

رد
ام اماسي, on يونيو 20, 2010 at 2:51 م said:

ام ساره شفتي الحاجه الحلوه القاعده في الصحن بهناك ؟0000سمسمايه بقت بتلعب باعصابنا عدييييل 000 نحن سعابيلنا دي نقع بيها وين ؟

رد
- simsimaya, on يونيو 20, 2010 at 3:20 م said:
  
  تشويق وكدا
  
  رد
ام اماسي, on يونيو 20, 2010 at 3:51 م said:

بس الشحتفه دي ياسمسمه بتخلينا نزيد 2 كيلو في اليوم عشان كل ما نمشي نعاين في الصحن نجري جري علي المطبخ وناكل يرضيك كده ياسمسمه ؟

رد
- simsimaya, on يونيو 20, 2010 at 7:21 م said:
  
  خلاص يا ام اماسي ان شاء الله
  بنزلها ليكم عشاااااااان شحتفتكم دي ما بتعجبني
  بتكتر الجري للمطبخ ههههههههههههه
  والكيلوجرامات
  
  رد
  - ام اماسي, on يونيو 20, 2010 at 7:57 م said:
    
    تسلمي لي ياروووووووووحي انتي وياعسلنا انتي 000الله يخليك لينا
zeena, on يونيو 20, 2010 at 6:18 م said:

لكن العمة ما عمة……….ترباس و حسين خوجلي والثاني داك اسمه منو؟ يعنى عملتي لينا يا سمية المشاكل الرجال لو شافو حتكون نقة شديدة

رد
- simsimaya, on يونيو 20, 2010 at 7:23 م said:
  
  القلّع يا زينة
  مشاكل شنو؟ بس ما تورهم ليها
  لا بعد تسوها وكل زول اعملو ليهو زي عمتو
  والعجب العمة لو بي عزبه تعب شدييييد
  ههههههههههههههههههه
  
  رد
zeena, on يونيو 20, 2010 at 6:27 م said:

سلامات حبيبات قلبي ام اماسي ام سارة هوما ام احمد ام لينا الحزينةالسعيدة باذن الله وبقترح ياريت لو اي وحدة كتبت وصفة تطبقها و تصورها لينا و ترسلها لي سمسماية تنزلها لينا…………و لو رسلتو لينا كمان نذوقها تكونوا ما قصرتوا ههههههههههههههه

رد
- simsimaya, on يونيو 20, 2010 at 7:35 م said:
  
  اقتراح ممتاز يعني وصفاتكم تكون بصور تطبيقاتكم
  لانو
  العين تأكل قل الفم احياناً
  هههههههههههه
  ننتظر رايكن
  
  رد
  - ام اماسي, on يونيو 20, 2010 at 8:18 م said:
    
    هلا ومرحبا باحلي زينه
    انا مش قلت ليك يازينه انتي ماااااااااهينه! 00000لو رجعتي للتعليق بتاعي00 في مره ذكرت اني بعمل ليكم في مفاجات00
    وللاسف كشفتي سري 00000انا اقسم بالله العظيم الواحد الاحد بعمل في وصفات (اهداء لمطبخ سمسمايه )وناويه بعدها استشير الغاليه سمسمه لتقوم بتنزيلها في المطبخ الرائع 000جيتيني عدييييييل من الباب00 ياخي انتي مش رائعه انتي الروعه زاتها لانك قصرتي لي المسافه وتسلمي ياروعه وتسلمي سمسمه علي الاوكي00 يوم او يومين باذن الله ببدا انزل ليكم الوصفات00 والله ارتحت راحه للموضوع ده 00وانبسطت كتير لاني كنت خايفه انه مايكون في طريقه لتنزيل الوصفات 00 وشكر شكرا شكرا شكرا كتييييير للمفاجأه الحلوه دي 000وربنا يقدرنا علي جزاكن حبيباتي
  - simsimaya, on يونيو 20, 2010 at 8:44 م said:
    
    يا ام اماسي نحن اتفقنا وقلنا اي شي بيدعم المدونة نحن برحب لبيهو
    يلا شدي الهمة يا عسل
ام سارة, on يونيو 20, 2010 at 7:26 م said:

يا ام اماسي الليلة عملت الفطير المشلتت المحشي جبنة شيدر طلع جنااااااااااااااااااااااااااااااااااااااااااااان ورائئئئئئئئئئئئئع ورهيييييييييييييييييييييييييييييييييييييب وحلو ذيك كدا ياعسل

رد
- simsimaya, on يونيو 20, 2010 at 7:53 م said:
  
  مشلتت مرة وحدة يا ام سارة
  بقيتي خطييييييييررة والله
  
  رد
zeena, on يونيو 20, 2010 at 8:08 م said:

يلا يا ام سارة ورينا الصور بتاعت المشلتت …………

رد
ام اماسي, on يونيو 20, 2010 at 8:26 م said:

وااااااو يام ساره انا بموووووووووت في الفطير المشلتت واساااااااسي عندنا في البيت والاسره 000احلي شئ في الدنيا00 والعجب كمان بعسل ابو اسد والسمن البلدي ممممممم مااابتدي الجنبك0000 وجبنة الشيدر كمان لما تحشي بيها المعجنات والفطائر دمااااااااااار 00000يارييييييييت وعلي قول الرزينه زينه نشوف الصور وتسلمي ياغاليه

رد
ام سارة, on يونيو 20, 2010 at 8:32 م said:

بتنزل صور اذا عملت نسخ ولصق في محل الكتابة

رد
- simsimaya, on يونيو 20, 2010 at 8:42 م said:
  
  لا سارة ما بتنزل كدا ا الا تعملي داون لوود
  رسليها لي اتاشمنت بالميل وانا ليها بعمل داونلوود في حساب المدونه
  
  رد
ام سارة, on يونيو 20, 2010 at 8:44 م said:

طبعا صفحة الزوار تطورات شديدة طبعا جوالي كاميرة مافية ههههههههههه نوعة ابوكشاف ههههههههه لكن اذا الحكاية فيها تنزيل صور واجب التغير هههههههههه

رد
ام سارة, on يونيو 20, 2010 at 8:48 م said:

يعني ارسل الصور في ايميلك وبعدين تنزليهم في المدونة طبعا في المستقبل هههههههههههههه

رد
ام سارة, on يونيو 20, 2010 at 8:59 م said:

يازينة مشكوره علي الاقتراح فعلا اكثر من رائع تسلمي

رد
ام اماسي, on يونيو 20, 2010 at 9:20 م said:

يللا ياام ساره يافردتي ياعسلي شدي الهمه وجيبي جوال ابو كاميرا سريع عشان نبببببببببدع في مطبخنا الرائع

رد
ام اماسي, on يونيو 20, 2010 at 9:31 م said:

عايزين تارت البطاطس بحشو اللحم00عايزين تارت البطاطس بحشو اللحم00عايزين تارت البطاطس بحشو اللحم00عايزين تارت البطاطس بحشو اللحم00عايزين تارت البطاطس بحشو اللحم00يلا يانسوان نطلع مظاهرات ونحتج 0000 لو الليله مانزل بكره كللللللللللللللنا اعتصااااااااااااااااام 00000مع تحيات قائدة مسيرة المطبخ ههههههههههههههه

رد
ام اماسي, on يونيو 20, 2010 at 9:47 م said:

بالمناسبه ياسمسمه 00زينه00 ام ساره 00 هوما00 ام احمد 00ام لينا 00 الحزينه 00 ناس منتديات عالم حواء عاملين دوره(لائحة الشيف) في فنون الطهي والله مفيده شديد ياريت تتابعو الدوره دي وتدوهم مره مره طله عشان تستفيدن

رد
- simsimaya, on يونيو 21, 2010 at 12:11 ص said:
  
  ان شاء الله
  عندي اشتراك معاهم بس نسيت الباس
  ما مشكلة بكون متابعة ان شاء الله
  مشكووووووووورة
  
  رد
ام سارة, on يونيو 20, 2010 at 11:21 م said:

ياام اماسي طالعين معاك الماهرة لكن بنخاف من البنبان ههههههههه

رد
ام سارة, on يونيو 20, 2010 at 11:25 م said:

عايزين تارت البطاطس باللحمة عايزين تارت البطاطس باللحمة
عايزين تارت البطاطس باللحمة عايزين تارت البطاطس باللحمة
عايزين تارت البطاطس باللحمة عايزين تارت البطاطس باللحمة
عايزين تارت البطاطس باللحمة عايزين تارت البطاطس باللحمة
عايزين تارت البطاطس باللحمة عايزين تارت البطاطس باللحمة
عايزين تارت البطاطس باللحمة عايزين تارت البطاطس باللحمة
عايزين تارت البطاطس باللحمة عايزين تارت البطاطس باللحمة
عايزين تارت البطاطس باللحمة عايزين تارت البطاطس باللحمة

رد
ام سارة, on يونيو 20, 2010 at 11:27 م said:

حسي انقرش من الكواريك وين الادارة

رد
- simsimaya, on يونيو 20, 2010 at 11:31 م said:
  
  ممنوع منعا باتا اي تجمعات واي مظهر من مظاهر الاحتجاج
  ونزولا لرغباتكم ولمكانتكم عندنا (لا لتهديداتكم) سوف نري امكانية نزول الوصفة بعد
  نصف ساعة من الان
  انتهي
  ههههههههههههه
  لقيتومي كيف؟
  
  رد
ام سارة, on يونيو 20, 2010 at 11:50 م said:

تسلم الادارة الرشيدة علي موقفها الجاد والدال علي العطاء المستمر الله اكبر اللة اكبر

رد
ام اماسي, on يونيو 21, 2010 at 12:23 ص said:

الله اكبر الله اكبر عاشت عاشت عاشت سمسمايه 00واولادي كمان بقو يهتفو وراي عاشت عاشت عاشت سمسمايه سمسمايه 00شايلين مساند الكراسي ويهتفو 00بو العيال جاء جاري يضحك وقال لينا الحمدلله سمسمايه جننت المره واولادها
لكن ياام ساره شفتي الناس لما تتكاتف بحصل شنو؟
الله يديكم العافيه ياسمسمه وام ساره موتوني عدييييل من الضحك 00000 وتسلمي ياسمسمه علي تسليمك الرايه البيضاء وربنا يقدرنا علي جزاك ياست الكل

رد
- simsimaya, on يونيو 21, 2010 at 12:33 ص said:
  
  نحن يا ام اماسي في المدينة الفاضلة
  مافي مظاهرات مافي احتجاج
  بس طلبات والطلبات مجابة قبل ما تتقال
  بس نحس بيها نلي طوالي
  وربي يحفظ عيالك وابو عيالك ويسعدكم قادر يا كريم
  بوسي العيال واعتذري لابو العيال لو ازعجناهو
  ومدي يديكم وافتحو خشمكم كبييير
  هههههههههههههه
  
  رد
ام اماسي, on يونيو 21, 2010 at 1:22 ص said:

تسلمي سمسمه 000 والله الوصفه تستاهل يكسرو فيها الدنيا من حلاوتها وطعامتها00 وياستي مااافي ازعاج ولا حاجه بالعكس نحن لما نجيب سيرتك بنفرح وننبسط ونبتسم 00000ممممممممم الحمدلله بس ماشبعنا عايزين تاني هههههههههه0000ربي يحفظك ويخليك

رد
- simsimaya, on يونيو 21, 2010 at 11:04 م said:
  
  تسلمي غاليتى ام اماسي
  والله كلامكم دا بيخلي بعض من فرح يختلس طريقه
  ليدلف ليضئ ويومض داخلي
  ويردد ان الدنيا لازلت بخير
  
  رد
  - ام اماسي, on يونيو 22, 2010 at 10:20 ص said:
    
    والله كلامك الجميل ده بحرك فينا روح الاخوه الصادقه من جوووووه وتسلمي يااختي العزيزه
ام اماسي, on يونيو 21, 2010 at 1:48 ص said:

اكيييييد ياسمسمايه مدينه فاضله لو ماكده ماكنا زرناها يكفي اننا بقينا ساكنين عدييييل فيها 00000000بس حبينا نعمل شوية حركه وفرفشه وقلنا نحرك الغايبين شويه 0000

تسلمي ياستنا

رد
- simsimaya, on يونيو 21, 2010 at 11:06 م said:
  
  فرفشي زي ما عايزة ياستي
  يسعدني جد ان تسعدوا داخل التكل بتاعكم
  ههههههههههههه
  
  التكل دي الحنكوشات يمتنعوا
  ههههههههههههههه
  
  رد
  - ام اماسي, on يونيو 22, 2010 at 1:51 م said:
    
    التكل بتاعنا ده اححححلي تكل يكفي عرفنا فيهو سمسمايه 0ام ساره0 زينه0 ام لينا 0هوما 0ام احمد وغيرهم
om Lina, on يونيو 21, 2010 at 6:17 م said:

سمسماية … جئتك اليوم بطلب ويمكن نسميه اقتراح… يا ريت لو يكون في Printable Version لكل وصفة عشان مرات الواحدة بتكون شغاله في المطبخ وايدها متسخة فبيكون أحسن تكون قدامها ورقة تقرأ وتواصل في عمل الوصفة المعنية… أنا شخصيا عندي كراس كل ما ألقى وصفة بطبعها والصقها فيهو ويمكن يكون في ناس كتير كده ويمكن برضو لأسباب فنية الواحدة ما تقدر تشوفها مباشرة من الكمبيوتر اما لعطل في جهاز الكمبيوتر او لانقطاع التيار الكهربائي أو النت يفصل …. وطبعا في الحالة دي ممكن الناس تستغنى عن الصور يمكن واحدة تكفي….. معليش لاقتراحاتي المتعبة . واذا القصة صعبة ما ضروري دي كلها بس كماليات ومدونتك (أقصد مدونتنا) بشكلها الحالي ده مية المية… وربنا يوفق

رد
- simsimaya, on يونيو 21, 2010 at 9:46 م said:
  
  والله لو في امكانية ما بتردد يا ام لينة
  بس في حال ما لقيت الخاصية دي ممكن الواحد من المتصفح
  الزول يدي امر طباعة للوصفة الهو عايزها
  دمتي
  
  رد
  - ام اماسي, on يونيو 22, 2010 at 10:15 ص said:
    
    اهلااااااااا اختي ام لينا ومشتاقين كتييير وين الحي بيك ؟ قلتي لي باين عليك من عشاق مجلة ميكي 0000اكيييييد مجلة ميكي كان لينا معاها ايام مابتتنسي كنت املك منها المجلدات الكبيره من شدة شغفي بيها00 وكمان ياااااما قرينا مجلة سمير وماجد وغيرها من الحاجات الحلوه ( حليل ايام الطفوله)
    لكني االان اصبحت من عشاق مطبخ سمسمايه00 تعرفي ليه؟
    مطبخ سمسمه حرك فينا روح الدعابه وروح الضحك والابتسامه وخلانا ننسي الغربه اللي خلتنا نبقي زي الالات نصحى من النووم نشتغل وناكل ونرجع ننوم تاني
    عشرة سنين من الغربه اصبحنا فيها جامدين جادين وطبيعة الوظيفه يغلب عليها الامر والجديه والالتزام بالمواعيد والزهج والزله والتعامل مع الناس الاغراب 00 أي نعم المرتب عالي والبلد مغريه لكن الثمن اللى بتدفعه بيكون من اعصابك ونفسيتك وراحة بالك
    ولما يعدى عليك عيد وانتي قاعده لوحدك وعارفه ان الناس كلها ملمومة فى بيت العيلة احساس السعاده عندك بنعدم تماما 00 وفي مطبخ سمسمايه لقيت بنات بلدي العزيزات الي بقدر اتفاهم معاهم من غير مصطلحات وكلفه 00وحسيت اني قربت شويه من السودان وحسيت كمان اني محتاجه اكون معاهم بكل حاجاتي 00
    قلت مره نطبخ سواء ومره نخلق الابتسامه ومره نفيد ومره نستفيد ,ومره نختلف ومره نتفق في الراي ومره نعمل شوية مواضيع نحرك بيها الناس شويه ومره نفرفش عشان القصه تكون متكامله 00 في مطبخ سمسمه لقينا الطيبه00 والاخلاق العاليه00 والابداع 00 والفن00 والتعامل من القلب 00والعطاء 00والعلم00 وكل شئ جميل عليك الله تكل بالروعه مش بحرك فيك احاسيسك بكل حاجاتها 0000 وتسلمي ياستنا
هوما, on يونيو 22, 2010 at 8:20 ص said:

سلالالالالالالالام ياحلوات
وعادت لكم هوما بلطبق اليقين من مرررريوم حبيبتي
طبق رووووووووووعه اولادي حبوهوا كثيرررر

المقادير
خبز عربي (ياريت لو يكون ما ممكن يتأكل، يعني شوية نشف) او ممكن رقاق الباسطة الجاهزة
شوربة دجاج او لحمة
لحمة مفرومة معصجه من غير صلصة
شرائح جبنة شيدر
سمنة او زبدة او مارجرين
جبنه بارميزان

الطريقه

نمسح صينية بي السمنة ونفرش الخبز بعد ما نفصلة، ما يكون مطبّق… ونعمل من الخبز اكتر من طبقة… بعداك في منتصف الطريق، نكب اللحمة المفرومة وشرائح الجبنة الشيدر، ونرش فيها شوية بارميزان، وملعقة سمنة نوزعها كويس… ونكب فيها نص كمية الشوربة… ونواصل الطبقات تاني … في النهاية، نرش شوية بارميزان وسمنة… وندخلها الفرن وهي مغطّية بي foil.. ونخليها لمدة ثلث ساعة.. بعداك نشيل الfoil.. ونخليها تاخد لون…. بتتقطّع زي الفطيرة.. ومافي زول حيعرف انه ده عيش .. (سليقة) هههههه.. والضيوف حتعجبهم جداً…انا مرات بعملها لينا في البيت، لما اتحيّر.. ومعاه سلطة خضراء..

رد
- simsimaya, on يونيو 22, 2010 at 8:11 م said:
  
  سلام هوما
  السليقة ما عندك لكن هههههههه
  رائعة وريحة السمنه طااااااااااااقة
  
  رد
هوما, on يونيو 22, 2010 at 8:42 ص said:

كيف ياحلوات الوصفه روووووووعه ومعتمده ودائماً بدعي لمريوم ,ممكن تعملوه بستخدام عجينه الكريب
الليله بقيت هااماسي
مشيت الchinease stores ولقيت الtapioca starch ولقيت الRice flour والpotato flour كان عندي دجاج مبهمر في الفريزر بلsoya sauce وفول مسحون ,زبادي,بهارات دجاج,شويه صلصه
جبت شويه دقيق مع الtapico starch وغطيت الدجاج بيه وحمرته
عملت ال dip
في طوة وضعت ٢ ملعقه مارجرين خليتها تسيح في النارووضعت٢ ملعقه soya sauce,٢ م دبس رمان,٢م توباسكو صوص , ٢ م BBQ sauce ,ثوم بودره, شويه صلصه
روووووووووعه
عملت سلطه كوسلو

تسلم يداكي يا هوما الامووووره…..

رد
- simsimaya, on يونيو 22, 2010 at 8:15 م said:
  
  اقل اضافات في وصفتك الاصلية بتديك طعم غيييير
  وبتحسي كانها وصفة جديدة
  ودا المطلوب نستفيد من خبرات بعض
  وممسك في ام اماسي وحاجاتها البتضيفها
  نشأ وكاستتتتتتتتتتتتتتتر
  
  رد
هوما, on يونيو 22, 2010 at 9:02 ص said:

سمسم العسل
بسمع عن عمه ترباس وأول مره اشوفها ….تسلم أيديك ..يا عسووول
وسمعت المظاهرات في كندا للتارت…بحب البطاطس بكل اشكاله لكي كل الحب يا رائعه الله يديكي العافيه
انا ما شايقيه
انا لخبط …لخبط اشي محسيه علي صوارده
وعلاقتك شنو بلقوز؟؟؟؟؟

ام سرسووووور
انا بمزح بلزهايمر كيف ظهرك , أن شاء الله بخير والمطبق شكله روعه حأعمله أن شاء الله والبيض كمان شكله طيب

ام أماسي
كيف يا بنت , ب لله كل استعمالات الtapico قبل السفر

انتي قصدك الinstant mashed potato flakes
دي البعملو بيه الmashed potato الجاهز
البتستعمليوه انتي

زينه
اسمك حلو عندي صديقتي بنتها اسمها زينا عسل واكيد انت عسل زي فنانتنا سمسم

ام احمد و ام لينا
ووووين ياحلوات…

رد
- simsimaya, on يونيو 22, 2010 at 8:29 م said:
  
  عمة ترباس لو شفتيها في الاعراس قدر الضربة
  بس هنا عملنها قدر خشمنا ههههههههههه
  
  القةوز كان ناس عمتي ساكنين هناك عندنا برضو اهلنا
  قلتي يمكن تطلعي سري
  
  رد
ام سارة, on يونيو 22, 2010 at 10:58 ص said:

وينك ياهوما ياعسل وصفاتك اكثر من رائعة بس عايزة اسأل سؤال مريومة الماخذة عقلك دي منو واللة بالزهايمر لية كم يوم عيني ماشافت النوم وماخليت موقع كاتب عنو والا قريتة اللة يسامحك لكن انا سعيدة انو ماعندك بس الحاجات دي مافيها مزح عشان القلوب الضعيفة زينا وربنا يشفي كل المسلمين

رد
ام سارة, on يونيو 22, 2010 at 11:01 ص said:

ياهوما بدل ا لخبز ممكن اعمل لازانيا

رد
ام اماسي, on يونيو 22, 2010 at 11:08 ص said:

احلي سلاااااام لاحلي هوما 000كيف ولدك مع الاختبارات؟ انشاءالله يكون اختبر تمام التمام؟
وطلعت لينا هوما بالحاجات الجميله
ايوه كده اتحفينا يالحاجات الرهيبه000 لكن انتي ماكده وطار الحمام
ياهاااماسي اقصد ياهوما نشا التابيوكا فعلا رهيب مع المقالي وعندي طريقه جميله للبروستد والسمك
بيضه تختيها في الفريزر شويه تبرد
نصف كوب نشأ تابيوكا ممكن( نشأ عادي )+ نصف كوب دقيق عادي + م ص كستر (بديها لون حلو)+ملح + رشة فلفل + ثوم مطحون + ربع كوب ماء( قابل للزياده )
كل المقادير تخلطيها وتغلفي بيها الدجاج او السمك (بعدما تتبليهم بالليمون والبهارات والتوم) وتدخليها التلاجه ساعتين حتي تتماسك ثم تقليهم بالزيت + السمن علي نار هادئه ( كنتاكي بس)
وصفتك شكلها سليقه مستورده هههههههههه
انا بستعمل الinstant mashed potato للفطاير والخبزبتكون كمحسن وبتخلي الخبز والفطاير زي الجاهزه بالضبط و بديك وصفات ليها باذن الله
ماتنقطعي مننا شديد كده انشاءالله كلمة سلام وامشي وتسلمي ياعسل000

رد
ام سارة, on يونيو 22, 2010 at 11:11 ص said:

تسلمي يا ام اماسي فعلا في المدونة الواحد بلغي نفسة والفوائد كثيييييييييييييييييييييييييييييييييرة الواحد زمان بكون مساهر في التلفزيون وياكل لان المدونة بتشبع بالعين بكدا بتكون وفرته كيلو الشحم حق كل يوم هههههههههههههههيعني ريجيم من غير حرمان ودا غير المعرفة واهم شي الصحبة الطيبة الواحد من زمان كايس ناس يشاركوة الراي ويفهموه وتكون بينهم صفات مشتركة شو ماعملنا ياسمسماية مابنكون عملنا حاجة ليكي التقدير والوفاء

رد
- simsimaya, on يونيو 22, 2010 at 8:35 م said:
  
  ام سارة تسلمي يا غالية
  ان ما عايزة جزاء ولا شكر
  لانو بين الاخوان ما في شكر
  ودمتي اخت عزيزة
  
  رد
ام اماسي, on يونيو 22, 2010 at 11:18 ص said:

ام ساره يااختي العزيزه مشتاقين والله 0000كيف ضهرك اكيد مع طلعة المظاهرات يكون تعبك شويه(الشر بره وبعيد انشاءالله) ماناسيه وصفات كتاب النخبه اليوم بنزل ليك منها باذن الله 0000 دمتي غاليتي

رد
ام اماسي, on يونيو 22, 2010 at 11:31 ص said:

مش كده ياام ساره0000
احساسي واحساسك ده انا متاكده بكون عند كل اصبحت صديقه للمدونه وتسلمي علي الكلام الرائع والحلو زي ستو

رد
ام سارة, on يونيو 22, 2010 at 11:32 ص said:

صباح الخير ياام اماسي كيف حالك مع جري الاسواق والسفر ماقرب خلاص وعايزاك ياستي تديني انواع الاكل الفيها صوديوم وبوتاسيوم اكون شاكرة

رد
ام سارة, on يونيو 22, 2010 at 11:39 ص said:

واللة الليلة الحمدللة الضهر تمااااااااااااااااااااااااااام وبشكركم كلكم علي السؤال ربنا يخليكم لية لكن رمضان قرب وعايزين نقدم طلب للادارة بتقديم ملاح الروب حق الاعراس ومابنقبل اي حل وسط شدي حيلك ياسمسماية الحاجة الجاية لازم الروب

رد
- simsimaya, on يونيو 22, 2010 at 8:43 م said:
  
  ان شاء الله يا ام سارة
  وكل سنة وانتم طيبين
  
  رد
ام اماسي, on يونيو 22, 2010 at 11:53 ص said:

ياهوما انا بعمل الصوص بنفس طريقتك مع اضافة شوية نشأ ورشة زنجبيل وشطه حاره وشوية مايونيز بس مابضيف صوص الباربكيو
ومرات الصوص بتاعك ده بعمله كتتبيله للدجاج المشوي والريش مع اضافة البهارات بس من غير مرجرين بطلع دمااااااار

رد
ام اماسي, on يونيو 22, 2010 at 1:33 م said:

صباحك سكر زياده ياام ساره
ياااااااه هو جنس جري والحمدلله000 والله بقيت ماقادره اضع رجلي في الارض من شدة الالم والتورم والبيت كله ملان اكياس ومقلوب راسا علي عقب و ربنا يسهل انشاءالله
والسفر باذن الله حيكون بعد 3 اسابيع
بالنسبه للاكل الفيهو بوتاسيوم
اللحوم + الاسماك + الدجاج بدون جلد+ البطاطس + العسل الاسود+الطماطم+ المانجو + العدس + الفاصوليا البيضاء والخضراء+ الخبز الابيض+ الذره + الفواكه المجففه+ القرنبيط+ الموز+ البطيخ+ البامبي
اما الصوديوم موجود في الاطعمة الجاهزة مثل الاجبان والزيتون واللحوم والخضار المعلبة ومنتجات الطحين الأبيض كالخبز والكعك والفطائر والأطعمة المعلبة جميعها واللحم المدخن والمملح والبسطرمة بالاضافة الي المخلل والزيتون والتونا والسردين وملح الطعام+
السمك ( القريدس ) ، الزيتون الأخضر ، الجبنة ، نخالة الحبوب ( خاصة الذرة ) ، سمك السردين ، الحليب ، الفاصوليا الحمراء ، القمح ، اليقطين ، كبد البقر ، البيض ، صوص الصويا ، الاغذية المعلبة وغالبية الاطعمة المعالجة اتمني اكون افدتك ياغاليه

رد
ام اماسي, on يونيو 22, 2010 at 2:22 م said:

ياام ساره من شويه دخلت علي صفحة الكعك وقريت تعليقك وشفتك اتحيرتي في وصفات الكعك وان كمان بزيدك اكتر يللا ادخلي علي الصور في قوقل وشوفي عااااالم من الوصفات للكعك
melting moments recipes

mexican wedding cake

russian tea cake

4-greek cookies

انا كعك التلج ده جربته من احد المواقع الانجليزيه وطلع جميل جدا اقرب للغريبه 000شوفي وجربي

رد
- simsimaya, on يونيو 22, 2010 at 8:46 م said:
  
  واااااااااااااو يا ام اماسي ابدااااااع
  تشكرات
  
  رد
ام اماسي, on يونيو 22, 2010 at 3:32 م said:

معليش ياام ساره الوصفه بتاعة كعك التلج 2 كوب سمن+ م ص باكنج باودر والدقيق قابل للزياده 00 اسفه للخطا المطبعي00
الكبر والخرف حصل والحمدلله
واليكم القواعد الاساسيه لعمل الكعك الناعم
*قلة السمن في الكعك والخبايز بخلي الكعك ناشف وقوي *زيادة الدهن طبعا بتدي هشاااشه ولو ذاد اكتر من اللازم بتخليهو يتفتت في اليد
*زيادة السوائل بتخلي الكعك والخبايز تكون قويه
*زيادة الباكنج بودر بتخلي الكعك يكون مشقق ومنتفخ (وماااااحلو )لكل كيلو 2 م ص باكنج باودر او ملعقه كبيره ممسووووحه
* استعمال التلج والحليب البارد في الكعك بخلي الكعك يكون رملي وخفيف وشوييييه مقرمش
*اضافة النشا بخلي الكعك والبتي فور يكون متماسك
* رش السكر المطحون للكعك وهو حار بخلي السكر يمتص السمن او يتشربه وبخليهو يخرب سريع (يعتت)
(لذا يجب اضافة السكر المطحون في اليوم التاني )
*اضافة النشا للسكر المطحون بخلي مظهر الكعك يكون ابيض وناصع وجميل ومابخليهو يتشرب السمن
*اضافة شويه من حليب البودره والفانيليا للسكر المطحون بديهو طعم رهيييييب وعن تجربه
اتمني اكون افدتكم

رد
- simsimaya, on يونيو 22, 2010 at 8:47 م said:
  
  100% كفيتي ووفيتي
  
  رد
om Lina, on يونيو 22, 2010 at 4:04 م said:

يا سلاااام يا أم أماسي فعلا محتاجين لمعلومات زي دي ومش للكعك بس، عموما في المطبخ….
بشكرك جدا جدا

رد
ام سارة, on يونيو 22, 2010 at 4:10 م said:

نصائح بالجد مفيدة وفعلا كلها اذا الناس مشت عليها بطلع الكعك ابداااااااع تسلمي علي الصوديوم والبوتاسيوم شكرا وربنا يسهل عليكم ويوصلكم بالسلامة

رد
ام اماسي, on يونيو 22, 2010 at 5:31 م said:

بارك الله فيكم اخواتي ام لينه وام ساره

رد
om Lina, on يونيو 22, 2010 at 5:53 م said:

يا سمسماية يا مبدعة… والله دي كانت أجمل مفاجأة …شكرا ليك كتييييير …أصلا دخلت أعدل كلمة “طعم جميل ” كان قصدي نكهة جميلة .. وفوجئت بالصورة ..أخجلتي تواضعي (: ….. موفقة دايما باذن الله

رد
- simsimaya, on يونيو 22, 2010 at 8:50 م said:
  
  تستحقي يا ملكتنا
  والله انت ما تتخيلي فرحتي بالصور كانت كيف
  وبسرعة نزلتها هنا
  راائع والله رااائع
  
  رد
zeena, on يونيو 22, 2010 at 6:00 م said:

هوما ……….يا ذوق شكرا …………وين الشباب ام اماسي ام سارة ام احمد الحزينة ام لينا و كل المبدعين …………سلااااااااااااااااااااااااااااااااااااااااااااااااااااااااام

رد
- simsimaya, on يونيو 22, 2010 at 8:52 م said:
  
  مرحب زنزونة كيفك
  شفتي كيف ام لينه كان تطبيقها
  والاحلي اقتراحك بتنزيل الصور
  دمتم عونا لي
  
  رد
zeena, on يونيو 22, 2010 at 6:02 م said:

ام لينا يا رايعة التطبيق روعة ما شاء الله…………و اكيد الطعم زي الشكل

رد
om Lina, on يونيو 22, 2010 at 6:15 م said:

أشكرك يا زينة …ده بس من ذوقك… أنا ما عملت حاجة من عندي…الفضل يرجع لأختك الفنانة وانتي أكيد رائعة زيها.

رد
ام اماسي, on يونيو 22, 2010 at 6:17 م said:

ده شنو ياام لينا المفاجأه الخطيييييره دي والله ابدعتي عدييييييل ماشاءالله تبارك الله شغلك جميل وراقي 00
تسلمي ياستنا علي الابداع وربنا يزيدك كمان وكمان

رد
ام اماسي, on يونيو 22, 2010 at 6:32 م said:

ياحريم انا ماعندي صور للوصفات مخزنه في الجهاز 0000مخزناها في الكاميرا والكاميرا محتاجه بس لحجار بطاريه ومشغولين شديد وماقادرين نتناولها من اقرب محل 0000ممكن ارسل لكم صورة النونو بدل الطبق وتاكلوهو لي وتريحوني من سهره هههههههههه

رد
- simsimaya, on يونيو 22, 2010 at 8:56 م said:
  
  لا لا لا انا احتج
  ما حد يجي قريب النونو
  لاني بزعل بالجد والله يا ام اماسي
  خلينا نا كل الكميرا احسن
  هههههههههههه
  
  ربنا يحفظه
  
  رد
  - ام اماسي, on يونيو 23, 2010 at 12:51 ص said:
    
    كل شئ ولا زعلك ياسمسمه 000خلاص سحبت كلامي النونو لا 00 لان سمسايه الغاليه بقت احلي ماما تانيه ليهو وانا خلاص بقيت مابقدر اتصرف معاهو الا بأذنك00لكن ياستي رايك شنو ياستنا اصور ليك التلاته الباقين بدل النونو ؟ هههههههههه
om Lina, on يونيو 22, 2010 at 6:32 م said:

أشكرك يا أم أماسي أنا ذاتي فوجئت… والله سمسماية فيها الخير والبركة اتعلمنا منها الكثييير …الله يخليك ويحفظ ليك أولادك … برضو ما بحصلكم انتي وأم سارة ما شاء الله عليكم

رد
simsimaya, on يونيو 22, 2010 at 6:44 م said:

ام لينة ملكة التطبيق ام اماسي زينة ام سارة هوما ام احمد سلااااااااااااااااااام ومشتاااااااااااقين
النجري نقرأ فوق واجي راجعة للونسة

رد
ام سارة, on يونيو 22, 2010 at 7:16 م said:

يا ام لينة ياخطييييييييييييييييييييرة واللة ماشفتيني فرحانة قدر شنو والله الشغل عندك ياملكة التطبيق وانشاءاللة تكون دي بدايه لحاجات كتيرة يلا يا ام اماسي شدي حيلك وورينا حاجاتك الرهيبة وتحية لزينة وكمان عايزين تطبيقاتك ياصاحبة الاختراع شكرا يارائعة ياسمسماية ياحلوة انتي

رد
- simsimaya, on يونيو 22, 2010 at 8:57 م said:
  
  تسلمي يا غالية
  وانت كمان ننتظر تطبيقاتك
  لما تجيبي الكاميرا
  
  رد
om Lina, on يونيو 22, 2010 at 7:25 م said:

كلك ذوق يا أم سارة…..شكرا جزيلا…. بحاول أطبق أكثر ما يمكن قبل ما الاجازة تخلص وايدي تمشي على الوصفات وتاني أطبق من غير ورقة…. شكرا ليكم كلكم يا اخواتي

رد
ام اماسي, on يونيو 22, 2010 at 7:52 م said:

غاليتي سمسمايه ايه الحاجات الرهيبه دي 000ماشاءالله عليك 00نعم الاداره 00متابعه واهتمام دائم وتعب وجهد متواصل وانشاءالله المدونه تمشي في تطور اكتر واكتر 000
بس عندي حتة اقتراح
ياريت تعملي دعايه لمطبخ سمسمايه في المنتديات السودانيه بالصور المتحركه عشان في االاف من الناس ما عارفين المدونه الرائعه دي 00ودي خساره كبيره جدا انه اخواتنا السودانيات مايكونن عندهن علم باروع مدونه للطبخ
حتي لو كانت مدفوعة القيمه نحن ممكن نتشارك ونساهم مع بعض وتسلمي يااختي العزيزه

رد
- simsimaya, on يونيو 22, 2010 at 9:10 م said:
  
  ان شاء وانتو ايدكم معاي وشجعوني
  اما بخصوص الدعاية هي مهمة لكن ما بتشغلني هسي
  بس في كتير من المنتديات السودانية وغير السودانية منزلين الرابط
  
  طبعا انا بقدر اعرف من تتبعي للروابط الميدخلو منها الناس
  وما شاء الله امبارح بس كان زوار المدونة 1079 زائر دا مؤشر كويس
  بالاضافة الي متابعة المدونات النامية علي الوردبرس مرات بتكون المدونة رقم (1) ودا كل بفضل الله وفضلكم فلكم مني الشكر
  وكلما كانت المدونة في المقدمة كثير من المدونيين بيدخلو عليها ومرات بيعلقو كما
  ومن من يطلب ان اضع رابط مدونته وهو يضع رابط مدونتي
  وبي كدا بكون عملت دعاية ليهم ولي
  
  دمتي غاليتي
  
  رد
UmAhmed, on يونيو 22, 2010 at 8:03 م said:

ما اتعرفت عليك يا أم لينة دي شنو الصور الرهيبة دي..فنااانه…..كيف يا جماعة ما شاء الله كلو مرة أدخل القى حاجات مفيدة شديد جزاكم الله خير

رد
- simsimaya, on يونيو 22, 2010 at 9:47 م said:
  
  فنانة مش يا ام احمد
  المواهب بدات تظهر
  ربي يديك العافية ام احمد
  
  رد
- om Lina, on يونيو 23, 2010 at 2:25 ص said:
  
  شفتي كيف يا أم أحمد!! أحسن نستفيد من الاجازة .. وانتي لازم تطبقي كم حاجة قبل ما تتلخمي … سمسماية وكل الاخوات اتعلمنا منهم الكثير …ربنا يجزيهم كل خير
  
  رد
ام سارة, on يونيو 22, 2010 at 10:48 م said:

انا طبعا عاملة ليكي دعاية في الفيس بوك كل اصحابي منزلين الرابط ودي اقل حاجة نعملهايعني اي زول في صفحتو منزل الرابط

رد
- simsimaya, on يونيو 22, 2010 at 11:15 م said:
  
  مشكورة ام سارة
  والله ما قصرتي معايا
  نردها ليك في الحلو ان شاء الله
  
  رد
ام اماسي, on يونيو 23, 2010 at 12:35 ص said:

ماشاءالله ده المطلوب ياسمسمه وانتي اكيييد ادري بمدي ارتفاع الكيرف من زوار وتعليقات وغيرهم 000
انا عندي هنا اكتر من 16 اسره من اهل واقارب وغيرهم ماعندهم درايه بالمدونه ولما اخبرهم المدونه بندهشو من شدة الروعه 00 عشان كده انا نبهتك للحته دي000

اتمني ان ترتقي المدونه لاعلي المستويات لان المطبخ السوداني بحاجه الي ان يزيد ابداع بابداع سمسمايه

رد
ام اماسي, on يونيو 23, 2010 at 1:12 ص said:

وصفات من كتاب النخبه 1
كرات الزيتون المقليه

المقادير
كاس ونصف جبن موزاريلا مبشور
كاس ونصف جبن شيدر مبشور
ربع كاس حليب سائل
نصف كاس دقيق
الحشو
كاس زيتون اسود او اخضر او حلقات نقانق او ماترغبين
الطريقه
تعجن مقادير العجينه سويا حتي تتكون لديك عجينه متماسكه
نقطع قطع صغيره من العجين وتحشي بالزيتونه ( او ماترغبين)
ثم تكور العجينه عليها ثم تجمع في طبق وتوضع في الفريزر واذا تجمدت توضع في علبة بلاستيك لحين الحاجه
حيث تخرج من الفريزر وهي متجمده وتقلي

رد
ام سارة, on يونيو 23, 2010 at 1:33 ص said:

ماتقولي انا بموت في الجبنة الشيدر تسلمي جات في الجرح هههههههه

رد
ام اماسي, on يونيو 23, 2010 at 2:47 ص said:

تستاهلي ياااااعسل 000ولااااااااازم نشوف تطبيقاتك ووصفاتك بالصور

رد
ام سارة, on يونيو 23, 2010 at 10:46 ص said:

شماااااااااااااااااااااااااااااااااااار خطييييييييييييييييييييييييييييير ماعايزين تعرفوا شنو

رد
ام اماسي, on يونيو 23, 2010 at 11:02 ص said:

شنووووووووووووووووووووووو الشمار ياام ساره؟
اشتريتي الجوال؟

رد
ام سارة, on يونيو 23, 2010 at 11:50 ص said:

لا لا لا لالا لاخلينا نحرر الموضوع شوية

رد
ام سارة, on يونيو 23, 2010 at 11:53 ص said:

شمار خاص لكل السيدات

رد
ام سارة, on يونيو 23, 2010 at 11:55 ص said:

يا ام اماسي عشان انتي فردتي العزيزة بنزل ليكي الشمار دوره كاملة كيف تتقنين الطبخ رهييييييييييبة

رد
ام سارة, on يونيو 23, 2010 at 11:57 ص said:

http://www.lakii.com/vb/showthread.php?t=266162

رد
ام سارة, on يونيو 23, 2010 at 12:08 م said:

طبعا انا زاتي صبر ماعندي اها ياسيدات انشاءاللة تستفيدو منها ام اماسي وام لينة وام احمد وهوما وزينةوالحزينة وغادة العمدة وسمية حسن وطبعا ياسمساية انا ماذكرت اسمك لانك توب مامحتاجة ربنا يخليك

رد
ام اماسي, on يونيو 23, 2010 at 12:35 م said:

واااااااااااااو ياام ساره تسلم ايدك 00000حااااااااااجه ماتخلص وشغل ميه ميه 0000 انا علي طول في منتدي لك 00لكن سبحان الله ماانتبهت للدوره دي00 جزاك الله كل خير وتسلمي لي يااختي وفردتي الغاليه00

رد
om Lina, on يونيو 23, 2010 at 1:39 م said:

يا سلاااام عليك يا أم سارة …شكرا وربنا يكرمك….فتحت الرابط وشايفة في أغلب الوصفات بيقولوا “طحين بالخميرة” وما عرفتو ، في دقيق هنا اسمو self-rising هل يا ترى هو المقصود !؟…هل عند فكرة انتي أو أم أماسي…..

رد
ام سارة, on يونيو 23, 2010 at 3:53 م said:

تستاهلو ياحلوات واللة يا ام لينة ماعارفة كيف شكلو امكن ام اماسي تكون عندها فكرة وياريت تنزلي لينا صور الكعك حقك

رد
- om Lina, on يونيو 23, 2010 at 10:41 م said:
  
  شكرا أم سارة على اهتمامك …. الكعك ما تم ليهو يومين خلص ، ان شاء الله قريب اعملو …
  
  رد
- om Lina, on يونيو 24, 2010 at 1:20 ص said:
  
  ان شاء الله لو عندي وصفة جديدة بنزلها بالصور كما اقترحت الأخت زينة… أما وصفات سمسماية فالغنى حلو في خشم سيدو…
  
  رد
ام اماسي, on يونيو 23, 2010 at 6:09 م said:

ام لينا ازيك ياعسل ياملكة التطبيق 00والله طبقك منورالصفحه
بالنسبه لل self rising flour ايوه نعم مقصود بيهو طحين بالخميره وتسلمي باروعه

رد
- om Lina, on يونيو 23, 2010 at 10:37 م said:
  
  شكرا أم أماسي .. ربنا يخليك لينا يا معلمة
  
  رد
ام اماسي, on يونيو 23, 2010 at 6:34 م said:

ياسلااااااااام ياام ساره الان بتصفح في وصفات الدورات واااااااااااااااااااااو شئ عجيب 0000وصفات جميله وسهله
ربنا يجعله ليك في ميزان حسناتك

رد
ام سارة, on يونيو 23, 2010 at 7:27 م said:

تسلمي يالغالية ودا من ذوقك في السعودية دقيق الخميرة دا اسمو شنو وفي منو انواع يا ام اماسي

رد
- simsimaya, on يونيو 23, 2010 at 8:55 م said:
  
  يا ام سارة لو ما موجود ممكن تعمليهو براك
  كوب واحد من دقيق الخميرة(زاتي التخمير) بيساوي
  1 كوب دقيق متعدد الاستعمالات+ 11/2 م ص باكنج بودر+1/2 م ص ملح
  
  طبعا هنا ما عندنا
  لكن في السعودية بيكون موجود بام اماسي تدلك
  س ما تتحيري طوالي امشي علي البديل
  لانو شعارنا لا للحيرة ههههههههههههه
  
  رد
simsimaya, on يونيو 23, 2010 at 8:50 م said:

سلاااااااااااااام حروم سلاااااااااااااااام
كيفكم والله مشتاااااااقة
مشكورة ام سارة علي اللنك
وام ماسي مسكورة علي تنبيهنا لدورة الشيف ابداااااااع ومميزة والله
ياريت كل الحريم يمشو عليها لانها فيها أسألة من البنات فعلا بتفيد والله وهي بتدي ملاحظات عجييييب

رد
- om Lina, on يونيو 23, 2010 at 10:44 م said:
  
  مشكورة يا سمسماية على المعلومة…. الايام المقبلة ح أكون مشغولة جدا لكن بحاول اتابع باذن الله…
  
  رد
  - simsimaya, on يونيو 23, 2010 at 11:38 م said:
    
    ربنا يسهل ليك امرك يا ام لينه
    ارمي سلام مع شغلتك وما تنقطعي
ام سارة, on يونيو 23, 2010 at 10:00 م said:

ههههههههه اسمه دقيق الخميرة باللة فية باكنج باودر دنيا عجيبة مشكوره ياسمسماية علي عدم الحيرة وبالمناسبة انا طوالي بلاقي البديل يعني مثلا الليلة كنت عايزة اعمل للعشاء صدور دجاج محشية اولا لقيت عندي لحمة بس وثانية ماعندي دقيق ولا بيض لكن مدام فيلازم اتصرف جبتة اللحمة المكعبات وطرحتها ذي البفتيك وقطعتها شرائح رقيقة ذي الشاورما وتبلتها بملح وفلفل وشوحتهم بالزيت وجبتة صنية الفرن عملت طبقة شرائح بصل وطبقة فلفلية وطبقة باذنجان محمر وطبقة لحمة وطبقة طماطم شرائح ورشيتهم بدمعة صلصة يعني في طوة التحمير عملتة موية وصلصة وملح وفلفل في النار شوية ورشيت بيهم الصنية وخليتها استوت ورصيتها رص جبنة شيدر شرائح بس ساحت وطلعتها طوالي حاجة عجيبة شوفي من شنو طلعت شنو هههه

رد
- simsimaya, on يونيو 23, 2010 at 11:27 م said:
  
  ايوة يا ام سارة دا البنسعي ليهو في مطبخنا دا بالموجود نعمل احلي طبق بس شوية شجاعة ومعرفة بمذج المكونات والبهار الصحيح وكدا بنكون ذاتو كسرنا الرتين والاطباق المكررة وماتحيرنااااااااااااا
  تسلمي ياغالية
  
  رد
ام اماسي, on يونيو 24, 2010 at 2:39 ص said:

احلي سلام لاحلي سمسمه 00وحشتينا كتيييير
كيف مع الشغل والتعب والسخااااااانه
الايام دي نحن سخانه مووووت وموية المواسير بتغلي عدييييل والحمدلله
وياستي لاشكر علي واجب دي قطره من بحرك وتستاهلي نديك عيونا ياسيدة العطاء 0000

رد
ام اماسي, on يونيو 24, 2010 at 3:41 ص said:

غاليتي ام ساره الدقيق ذاتي التخمير حلو جدا في عمل الكيك والمعجنات والبسكويتات وزي ماقالت ليك غاليتنا سمسمه دقيق ومضاف ليهو باكنج بودر
تلاقينه في كل مكان ياام ساره ومكتوب عليه ذاتي التخمير
وفيه منه انواع كتيييييره و بشتريهو من هايبر بنده والعثيم
انا بستعمل ماركة الممتاز من رياض فود- ونوع اخر منتجات بيست ميكس-ونوع امريكي اسمه هوم برايد

القرقوش بعمله بالدقيق العادي اسمه النصر ( رهيييب جدا10 كيلو ب9 ريال بتلقيهو في اسواق العثيم
طبعا القرقوش عندنا اساااااااسي بعمله بكميات كبيره يعني مخزون شهر (لااااااازم شاي الصباح والمغرب يكون بقرقوش العدس)
وتسلمي غاليتي

رد
ام اماسي, on يونيو 24, 2010 at 4:13 ص said:

المعلمه الفاضله سمسمه اكدت علي اهمية متابعة دورة لائحة الشيف في منتديات عالم حواء وفي تعليقها بتقول انه فيها اسئله من البنات مفيده جدا ومن منطلق الكلام ده
اقتبست ليكم معلومه مهمه من دورة لائحة الشيف في فنون
الطهي ( منتديات عالم حواء) 000000000وهي بتقول

الجميع يتسائل كيف يتم تحمير الدجاج في داخل الفنادق والمطاعم بهذه الطريقة الجميلة واللذيذة ويحاول الكثيرون للوصول الى درجة التحمير هذه وتوحدها على جميع ارجاء الدجاجة .
في داخل المطابخ العالمية يتم تحمير الدجاج بطريقة ما يسمى روستو الدجاج وهي طريقة سهلة جدا ولا تحتاج الى شيء ومن احد اهم اهداف هذه الطريقة انها تحافظ على شكل الدجاجة كما هو
نستعمل السمن في تحمير الدجاج سمن وليس زيت لان الزيت حرارته عالية سيؤدي الى تنشيف الدجاجة وعدم احمرارها بالتساوي بحيث ستخرج اماكن فيها الاحمرار اكثر من اماكن بينما المواد الدهنية في السمن ستحافظ على طراوة الدجاجة ودرجة حرارة السمن واحدة بحيث ستؤدي الى احمرار الدجاجة بالكامل ومن جميع الجهات بنفس الدرجة ان شاء الله ( تابعو طريقة عمل روستو الدجاج)

رد
ام سارة, on يونيو 24, 2010 at 9:35 ص said:

سؤال تاااااااااااااااااني الدقيق زاتي التخمير دا اذا عايزة اعملو في الكيك اضيف باكنج باودر للكيك

رد
ام سارة, on يونيو 24, 2010 at 9:42 ص said:

يابنات الشيف اسامة علي النيل الازرق كل يوم الساعة خمسة وربع بتوقيت مكة المكرمة وقناة النيل للاسرة والطفل فيها برنامج من كل بلد اكلة الساعة ستة وعشرة انا فتحت في المواعيد دي لقيتهم شغالات ماعارفة مواعيدهم بالضبط متين لكن قناة النيل دي مصرية في نايل سات برنامج تحفة

رد
ام اماسي, on يونيو 24, 2010 at 12:55 م said:

الدقيق الذاتي الاختمار بغنيك عن اضافة الباكنج بودر 000
غايتو انا مابضيف باكنج بودر والوصفه بتطلع مضبوطه

مشكوووووره ام ساره وماقصرتي تب 000 باذن الله حنتابع البرنامج وياريت علي طوووول ناتي بالجديد والمفيد
جزاك الله كل خير

رد
ام اماسي, on يونيو 24, 2010 at 1:53 م said:

هوماااااااااااااااااااااااا وين انتي؟
وحشتينا كتييييييييييييييير
اظهر وبان عليك الامان

رد
ام سارة, on يونيو 24, 2010 at 2:38 م said:

البرامج دي بالمساء

رد
ام سارة, on يونيو 24, 2010 at 2:41 م said:

يا ام لينة وينك جربي كريات الحليب الهندية شةفي الروابط ونزلي الصور والله عجيييييييييييييييييبة غايتو انحنا علقنا فيها قبلنا

رد
ام اماسي, on يونيو 24, 2010 at 3:04 م said:

ياام ساره الليله عندي ليكم مفاجاه 000000انتظرونااااااااااااااااا

رد
- ام اماسي, on يونيو 24, 2010 at 8:57 م said:
  
  بوسه كبييييييييييييييييره وقلده صااااادقه من القلب لاغلي واحلي سمسمه والله ماااااقصرتي فينا00 وربنا يقدرنا علي جزاك 000نحن اتعلمنا منك الكتير والكتير و وجات اللحظه عشان نرد الجميل
  تسلمي ياعزيزتي
  
  رد
  - simsimaya, on يونيو 24, 2010 at 10:08 م said:
    
    تسلمي يا ام اماسي
    ببادلك ضمة حنية لاغلي ام اماسي
    ياستي لاجميل لاشئ وسلمي
zeena, on يونيو 24, 2010 at 8:18 م said:

سلامات لكل الرايعين حبايبنا …………..ام اماسي ابداااااااااااااع بس سمسماية و نحنا كمان عاوزين نصيبنا…………….و بعدين بقيتي زي سمسماية و تشويق و انتظرونا يعني نعمل اعتصام و لا مظاهرات……………..لا انتظار بعد اليوم …………….لالالالالالالالالالالالالالالالالالالا……….لا انتظار …….عرض على طول

رد
- simsimaya, on يونيو 24, 2010 at 10:10 م said:
  
  يلا انت كمان يا صاحبة الاقتراح
  تطبيقاتك بالصور ننتظر
  ولا للتشويق ولا للتأخير
  مشتااااااااقين ادينا رنة ياخي هههههههه
  
  رد
ام اماسي, on يونيو 24, 2010 at 8:41 م said:

سلااااااامات يازينه ياعسل مشكوره حبيبيتي 0000
تستاهلي الصحن كلو 00يلا مدي يدك وبالهناء والعافيه عليك00
عندي ليكم تطبيقات كتييييييره بالصور بس انتظرونا000تشويق وكده ههههههههههه 000بس مظاهرات لا 000لانو من يوم المظاهرات جاتني لوز رهيبه من الكواريك هههههه
نحن كمان منتظرين ابداعاتك ياعسل

رد
ام اماسي, on يونيو 24, 2010 at 9:02 م said:

عشان عيونك يازينه اليوم برسل لسمسمه تطبيقي لكرات الحليب الهنديه السمساويه وتاكلوها حار حار

رد
- simsimaya, on يونيو 24, 2010 at 10:12 م said:
  
  انتظر ي ام اماسي
  
  رد
ام سارة, on يونيو 24, 2010 at 9:53 م said:

يا اماسيييييييييييييييييييييييييي ياخطيييييييييييييييييييرة واللة شغلك ابدااااااااااااااااع والعجب العدة انا خليت بسكويت اليانسون بقيت اعاين في العدة ههههههههههههه وراجين كريات الحليب سرعة سرعة واللة اشهد انك انسانة رائعة وانا مبسوطة جدا من الصور وقبل ماتنزلي السودان نزلي باقي الصور

رد
- simsimaya, on يونيو 24, 2010 at 10:14 م said:
  
  كنت عايزة اقول نفس كلامك دا
  العدة رهيييييييبةوا لبسكويت كمل الباقي
  والصور تحكي الروعة
  
  مشتااااااقين ام سارة والله
  
  رد
ام سارة, on يونيو 24, 2010 at 9:58 م said:

انا غايتو يا ام اماسي نفسي دخلت في كباية الشاي دي معليش ياجماعة خلوني اشرب انا اول

رد
simsimaya, on يونيو 24, 2010 at 10:32 م said:

الحريم ديل بقن يتأخرن ولا يجن بدرى
الشيء شنو؟
مشتااااااااااااااقة مشتااااقة

رد
ام اماسي, on يونيو 24, 2010 at 10:47 م said:

تستااااااااااااااااااهلو ياأحلي واغلي واجمل اخوات في الدنيا
سمسمايه الروح وام ساره التوأم 000000
والله كلامكم الحلو ده خلاني افرح من جووووووووه
اسال الله ان يحعل ايامكم كلها فرح وسعاده وتسلمو لي عزيزاتي
يللا مدوا ايديكم وتعالو بس خلو قرمه قرمه للاخوات ام لينا وام احمد وهوما اللذيذه وغيرهم من الاخوات العزيزات
العلب دي فيها نشأ – كاستر _ طحين ارز _ طحين تابيوكا 00
ههههههههه مخصوص صورتها ليكم عشان كلما تفتحو الصفحه تذكروا النشا والكستر ههههههههه

رد
- simsimaya, on يونيو 25, 2010 at 8:50 م said:
  
  تسلمي يا ام اماسي ياذوق
  ودعوة مقبولة
  
  رد
ام اماسي, on يونيو 24, 2010 at 11:50 م said:

سمسومه امشي علي الميل وشوفي كيف طبقت الكرات الهنديه السمسماويه 0000ومنتظره الدرجات بفارغ الصبر بس مااااااااتجامليني

رد
- simsimaya, on يونيو 25, 2010 at 12:56 ص said:
  
  ام اماسي مشيت وما لقيت حاجة….!؟
  بس لما جيت لقيت احلي تطبيق محكر في الصفحة
  ما قدر بنتظر بكامل زينته وحيدا وجا جااااااااااااري
  بس لانى اندهشت من روعته لم اعاتبه
  سمااااااااااااااااااااااح يا سيد السماااااااااااح
  
  رائع ام اماسي
  
  رد
ام اماسي, on يونيو 25, 2010 at 12:06 ص said:

كباية الشاي بردت ياام ساره مشيتي وين؟ تعالي اشربيها00
عملتها ليك بنعناع فريش 000بسرعه تعالي اشربيهو قبل الشاي مابيقي ليك مويه00

بكره اعمل ليك الكعك السمسماوي بالقهوه ولا الشاي؟

رد
ام اماسي, on يونيو 25, 2010 at 1:47 ص said:

واااااااااااااااااااااااااو ياسمسمه اشيلك وين ؟ واختك ويييييين؟
شايلاك جووووووووووووه قلبي يااحلي اخت 0000
العبره سدت حلقي والفرحه ملت قلبي يااااااروعه انتي00000
فاجأتيني احححححححححلي مفاجأه

ومااااعارفه اقول ليك شنو؟
تسلمي ياغااااليه وربنا يقدرنا علي جزاك

رد
- simsimaya, on يونيو 25, 2010 at 8:56 م said:
  
  والله يا ام اماسي انت الفاجأتيني احلي مفاجأة
  بالتطبيق ولا تقولي شي اكثر وصلني احساسك يا غالية
  وتسلم عيونك غاليتي والفضل لله وحجه
  كلنا هنا بنتعلم من بعضنا
  انا دعوة منكم تكفيني
  ادعو لي ان يسهل الله امري
  
  رد
ام اماسي, on يونيو 25, 2010 at 2:03 ص said:

يااااااااااااااااااه ياسمسمه العبره سدت حلقي00
حقيقه وحقيقه وحقيقه انت اكثر من رائعه000
لو شلتك في راسي ولفيت بيك الدنيا كلللللها مااااابقدر اجازيك00000يامن علمتينا كيف نصنع احلي الاشياء
ياروعه
تسلمي لي يااختي وحبيبتي الغااااااليه علي قلبي و
الفضل كله يرجع ليك ياغاليه00 وتسلمي وتسلمي وتسلمي من كل شر

رد
om Lina, on يونيو 25, 2010 at 5:37 ص said:

السلام عليكم يا أخواتي ….ما شاء الله المدونة عامرة بالجديد …. رهيبة يا أم أماسي وعجبتني كرات الحليب دي ان شاء الله بجربها…. الى الأمام دوما يا سمسماية….ويا أم سارة يا طيوبة كيفك….زينة و أم أحمد وهوما وبقية الأخوات ان شاء الله طيبين…

رد
- ام اماسي, on يونيو 25, 2010 at 10:53 ص said:
  
  تسلمي ام لينه 000يللا نشوف جديدك
  
  رد
- simsimaya, on يونيو 25, 2010 at 8:59 م said:
  
  اهلا ام لينة
  عامرة بوجودك اختى
  وياريت تجربي كرات الحليب مررررررررررة حلوة
  
  رد
ام سارة, on يونيو 25, 2010 at 9:29 ص said:

يا ام اماسي ياابداع واللة رفعتي راسنا مع سمسماية انتي وام لينة كرات الحليب لاتقاوم تسلمي يدينك وامس كنت في المول جبتة دقبق الارز والكاسترد والنشأ والخل والقشطة والدقيق وحاجات كثيرة وجاهزين للجديد ههههههههه

رد
- simsimaya, on يونيو 25, 2010 at 9:13 م said:
  
  يلا يا ام سارة ننتظر الابداعات والتميز
  
  رد
zeena, on يونيو 25, 2010 at 10:48 ص said:

جد دماااااااااااااااااااااااااااااااااااار يا ام اماسي……………..لكن دماااااااااااااااااااااااار لينا نحنا …………..ززنعاين بس………..ما شاء الله

رد
- simsimaya, on يونيو 25, 2010 at 9:17 م said:
  
  ليه يا زنزونة تعاااااااااايني خشي علي مطبخ زنزونة
  وتفنني
  
  خلي النقة الكتيرة قطعتي التلفون هههههههه
  
  رد
zeena, on يونيو 25, 2010 at 10:54 ص said:

سمسماية الجوال كان مقطووووووووووووووووووووووووووووووووووووووووع ………………النقة كتيررررررررررررررررررررررررررررررة

رد
ام اماسي, on يونيو 25, 2010 at 11:18 ص said:

راسك مرفوع ياأم ساره ياأحلي فرده00000وعقبال مانشوف وصفاتك الرهييييييبه 000 انا متشوووووقه اشوفها منوره الصفحه000
وطالما جبتي الحاجات دي يلا سرييييييييييييييييع عايزين نشوف ابداعاتك ياعسل
الجديد عندك شنو ياام ساره؟
الليله وبعد اذنك سمسمتي بحاول انزل ليكم تطبيقي لعمة ترباس والفطير السوداني السمسماوي

رد
ام اماسي, on يونيو 25, 2010 at 11:34 ص said:

يازينه يارزينه تسلمي علي كلامك الحلو 0000
والله كنت بتمني اللمه تكون في البيت الكبير باركويت ونشرب الشاي ونتسامر ونحكي ويبقي الحلم حقيقه 000
عايزين نشوف حاجاتك الحلوه
سلام كتيييييييير للعيال

رد
zeena, on يونيو 25, 2010 at 12:13 م said:

يا ريت يا ام اماسي بس انا ما ح اسافر السنة دي السودان ………لكن الجايات اكتر باذن الله…….و تسلمي

رد
- ام اماسي, on يونيو 25, 2010 at 1:03 م said:
  
  مصيره الحي يلاقي يازينة الزينين0000ربنا يردكم لاهلكم سالمين غانمين 000اللهم امين
  
  رد
ام سارة, on يونيو 25, 2010 at 12:37 م said:

اها يا ام اماسي ختينا الطواقي ومتحكرين مستنين العمم ههههههه وخشمنا الكبير دا بتمطق للفطير

رد
- ام اماسي, on يونيو 25, 2010 at 1:16 م said:
  
  هههههههههه الله يديك العافيه ياام ساره موتيني من الضحك 000بالله جهزي معاها عصايه راقيه من الابنوس و كده عشان اللبسه تكون جامده ههههههههههههه
  
  رد
ام سارة, on يونيو 25, 2010 at 12:41 م said:

ياسمسماية والله مشتاقين كتيييييييييييييييييييير والايام اخذتي هدنة ام اماسي شغلت الناس شوية وانتي طبعا مبسوطة ههههههههه لكن راجيييييييييييييييين الروب الابيض

رد
ام سارة, on يونيو 25, 2010 at 12:43 م said:

وينك يا ام لينة شنو من ديك وعيك عايزين الزيادة

رد
ام سارة, on يونيو 25, 2010 at 12:45 م said:

هوما وام احمد شدو حيلكم

رد
ام سارة, on يونيو 25, 2010 at 12:47 م said:

زينة الرزينة شنو يعني ماتدينا شوية من الابداع اكيد ماخذاه بالوراثة

رد
ام اماسي, on يونيو 25, 2010 at 1:36 م said:

يللا يازينه و ياام ساره وام لينه وام احمد وهوما اللذيذه نفرّح
سمسمايه شويه ونوريها تطبيقاتنا عشان تعرف انه تعبها وعطاءها الجميل لاخواتها السودانيات ماراح هدر 0000ياما وياما وياما قدمت من وصفات واطباق حلوه
تعالو نفرح سمسمتنا

رد
ام سارة, on يونيو 25, 2010 at 4:12 م said:

طالعة لية مشوار حالتي يا ام اماسي قلت البس مصطفي ولدي دا من عممك لكن شكلهن متاخرات شوية ههههههههه نمشي ونجي

رد
- ام اماسي, on يونيو 26, 2010 at 3:25 ص said:
  
  هههههههههه لبستي ولدك شنو بدل العمه؟
  معليش انا اتاخرت عليك لانه جوني ضيوف وجلسو معنا حتي الواحده صباحا (نظام عشاء وكده)00000
  والله تعبت شديد والوقفه كانت طويييله والحمدلله0000
  لكن الحمدلله انسترت معاهم وطلع ليهم عشاء بسيط وجميل
  بوسي لي مصطفي بوسه كبييييييره
  بكره شاي الصباح بالفطير انشاءالله
  
  رد
ام سارة, on يونيو 25, 2010 at 4:16 م said:

ياسماية اها الجديد شنو في حاجة في الطريق ولا هدنة شوية ياسمسماية مافي طريقة نسجل الاسماء حقتنا وتكون موجودة في المدونة تحت او بالجنبة واذا دخل الزول يكون طاهر ذي المنتديات يعني

رد
- simsimaya, on يونيو 25, 2010 at 11:47 م said:
  
  ام سارة كيفك
  والله يا سارة ما في طريقة
  هسي انتو لو موجودين انا زااااااااتي مابعرفكم في ولا لا
  لكن ان شاء الله بكرة يكون احلي ههههههههههههه
  الموضوع ما هدنة بس مرات المزااااااج
  بحب اشتغل وانا مزاجي عالي
  لكن بوعدددددددددددددكم الجاي بيبسطكم
  
  رد
ام اماسي, on يونيو 26, 2010 at 3:53 ص said:

سمسمه كيف حالك0000مشتاقين والله
عودتينا علي المفاجاّت الحلوه00 وبقينا علي طوووول نفتح المدونه ونعاين لأحدث التدوينات عشان نشوف الابداع000
يللا ياسمسمه عايزين حاجات رمضان وكده 00
عملت فطير سوداني حلو مرررره 000 ورسلت ليك منه صحن 0000اماسي مشت دقت جرس الباب بتاعكم ومااافي زول فتح ليها00 الظاهر عليكم طلعتو مشوار 00000
000بعدها رسلته ليك في الميل 000 ماتنسي اشربي بيهو شاي الصباح وخلي منه لاخواتي العزيزات ام ساره وزينه وام لينه وام احمد وهوما الطول غيابها
تحياتي ياعسلنا

رد
simsimaya, on يونيو 26, 2010 at 8:20 ص said:

مشكورة ام اماسي علي الفطير الصباحي
عارفة كأننا في بيت عرس وجابولينا شاي الصباح بالفطير
نكهة وطعم مميز لا يقاوم
دمتي مبدعة

رد
ام اماسي, on يونيو 26, 2010 at 11:07 ص said:

سمسمه الغاليه
تستاهلي ياستنا أأكلك ليهو بيدي 000وقصاد كل لقمه اديك بوسه كبيره في راسك واتلو كلمة شكرا شكرا شكرا يامن علمتينا كيف يكون الفن الحقيقي في الطبخ
سأظل اكرر كلمة شكرا شكرا شكرا يااختاه وسأظل ادعي لك دوما في كل صلاة بان يرزقك الله الصحه والعافيه ويكفيك من كل شر000

رد
ام سارة, on يونيو 26, 2010 at 11:24 ص said:

كيفك يا ام اماسي مصطفي جالس من الصباح والشاي برد قدامو قلت ليهو ياولدي اشرب من بسكويت اليانسون دا لمن اماسي تجيب الصحن لكن معناها نعمل التقلية والعصيدة والشعيرية والسكسكانيةبعدين اماسي تجين الفطير ونديها بوسة كبيييييييييييره مصطفي دا عمرة اربعة سنة

رد
ام سارة, on يونيو 26, 2010 at 11:31 ص said:

شكراليك يا ام اماسي الفطير وصل والطعم جنااااااااان والله طالع ماشاءالله حق سمسماية بالضبط والله نورتي الصفحة يا ام اماسي وتعليقاتك ابدااااااااااااع

رد
ام اماسي, on يونيو 26, 2010 at 12:04 م said:

ههههههههههه انشاءالله بسكويت اليانسون يكون نال اعجابه00000ولو عايز زياده انا برسل ليهو تاني000
اها الليله شدي الهمه وسوي ليهم ملاح التقليه والعصيدة والشعيرية والسكسكانية وختي معاهم صحن الفطير ههههه
ربنا يمد في عمرك ويكبر ليك ساره وتشوفي جديدها ونجي نعمل معاك فطير عرسها0000
تسلمي ام ساره كلك ذوق ياغاليه والصفحه منووووره بوجودكم 00000000000
ربنا يخلي ليك عيالك ويحفظهم ليك

رد
ام اماسي, on يونيو 26, 2010 at 12:50 م said:

ام لينه وينك 00000 والله مشتاقين كتير 00عايزين نشوف تطبيقاتك 0000 يللا شدي حيلك

رد
om Lina, on يونيو 26, 2010 at 1:57 م said:

سلااام أم أماسي…. شغلك رهيب ماشاء الله… والله أنا مشغولة شوية لكن أول ما أروق كده بحاول أشوف وصفة جديدة وانزلها حسب ما اقترحت الأخت زينة أما تطبيقات وصفات سمسماية فهي ما شاء الله عليها ما قصرت…..
الفطير أكيد عملتي لمستك بتاعت النشأ والكاسترد..وبعدين بحييك على استخدام ماكينة المكرونة دي تصدقي ما فكرت استخدمها ابدا……

رد
ام اماسي, on يونيو 26, 2010 at 2:30 م said:

هلا بالغاليه ام لينا افتقدتك وافتقدت تشجعيك وكلامك الحلو000شكلك مشغوووله شديد ربنا يعينك انشاءالله00000
الفطير عملته بنفس مقادير سمسمه ومااضفت عليهو اي شئ000 امابالنسبه للفطير بتاع النشا والكاستر بعمله ليكم وصفه كامله وبنزاها ليكم بالصور باذن الله000 حاانزل ليكم كل تطبيقاتي من مطبخ سمسمه بالاضافه الي وصفاتي الخاصه من فطائر وقرقوش ولقيمات والقرقور والفطير باللبن
وغيرهم 000انتظروني وخليكم متابعين
بعمل ليكم الان في القرقوش بالخميره لوظبت معاي ميه ميه بنزله ليكم بالصور باذن الله وتسلمي يالغاليه

رد
ام اماسي, on يونيو 26, 2010 at 2:55 م said:

عزيزتي سمسمه
في وصفة القرقوش بالخميره كتبت كوب ماء 000وهي في الاصل 2 كوب ماء 00000اسفه جدا للخطأ المطبعي
لو في امكانيه ارجو ان تقومي بتعديلها واكون شاااااااكره

رد
ام اماسي, on يونيو 26, 2010 at 6:44 م said:

زنزووووووونه ياعسل ايه الحلاوه والطعامه دي0000والله احلي مفاجأه 000000 واااااااااااو الملاح شكله رهييييب والطعم اكييييد احلي 00000 شهيتيني ليه مرررررره0000تسلم اياديك ياعسل
عملتيهو بالشرموط المجفف ولا باللحمه المفرمه؟
عاد متيييين امشي السودان عشان اطبق الاصناف الحلوه دي بالشرموط المجفف00000واحلي تحيه للعسل زينه الرزينه

رد
ام اماسي, on يونيو 26, 2010 at 7:46 م said:

ياام لينه انا ماكينة المكرونه دي يدي اليمين في المطبخ مااااابستغني عنها ابدا00 بستعملها في فرد اغلبية المعجنات ومرييييحه كتير000 خاصه في الفطير السوداني بتفرد سريع ومابتاخد وقت في الفطير بفرد من (1-2-3-4-5)
العجينه بتكون سمكها رفيع عشان يكون مقرمش( معلومه اخذتها من الرائعه سمسمه)
وبفرد بيها الخبز كمان 0000ياريت تستعمليها وتشوفي الفرق

رد
ام اماسي, on يونيو 26, 2010 at 10:54 م said:

ترقبووووووووووووووووووووووووووووووو وصفة اللقيمات الكاااااااااااااااااااااااارثه000000000احلي احلي احلي وصفه للقيمات

رد
ام سارة, on يونيو 26, 2010 at 11:47 م said:

يازينة والله الملاح العين تاكل قبل الطعم المنر الابداع والطعم اكيييييييييييييد رائع والعصيدة ماشاءاللة ناعمة وبيضاء في الحقيقة عمل مرتب تسلم الايادي يارب دائما منورة الصفحة

رد
ام سارة, on يونيو 26, 2010 at 11:54 م said:

يا ام اماسي مصطفي ناااااااايم اصحيوة للقيمات ولا اخلية يتم نومتة ويشرب بيهم شاي الصباح كان الصباح اماسي دي شكلها النوع البمشي وبتلفت وكان في شكلة في الشارع بعد يصالحوا حتي تمشي يعني بعدتصل بتكون الساعة 12عشان كدا المرة دي رسلي واحد من الاولاد سرعة سرعة

رد
ام اماسي, on يونيو 27, 2010 at 12:53 ص said:

هههههههههههههههههههه والله ياام ساره موتيني من الضحك0000الله يديك لينا العافيه ومايحرمنا من روحك الحلوه دي00000 الشكله لسه ماخلصت بعدما يتصالحو بجي عليكم
هههههههههههههههه0000
والله ياام ساره ابو العيال كان متحمس ينزل لي الصور لكن من التعب نام بسرعه0000بكره قبل مايمشي للدوام باذن الله بخليهو ينزلها لي عشان حبيبي الغالي مصطفي يشرب الشاي من يد خالتو ام اماسي
انا صااااحيه منتظره الملاح0000اما العصيده ماشاءالله تبارك الله تحححححفه 00وتسلمي لي ياغاليه

رد
ام سارة, on يونيو 27, 2010 at 1:08 ص said:

حرام واللة الرجال ديل قاعدة احن في حالهم خلاص براحتك اما فوفو دا خلية ياكل كرات الحليب لمن اختة اماسي تصل وانا زاتي راجية الملاح وسمسماية الا كان بتهز في الروب يادوووب ههههههههه

رد
- simsimaya, on يونيو 27, 2010 at 1:11 ص said:
  
  هههههههههههههه
  ما اسمو هز الروب خشّ الروب
  قاموس العامية من مطبخ سمسماية
  
  رد
ام سارة, on يونيو 27, 2010 at 1:17 ص said:

هههههههههههههههههههههههههههههه انا ياسمسماية اهل العوض زاتنا مامحتاجين ترجمة

رد
ام سارة, on يونيو 27, 2010 at 1:20 ص said:

لكن بيني وبيك خش دي جديدة علية اول مرة اسمعة هههههههههههه

رد
- ام اماسي, on يونيو 27, 2010 at 1:59 ص said:
  
  انا خش دي زاتي ماسمعت بيها هههههههههه
  
  رد
  - simsimaya, on يونيو 27, 2010 at 10:31 ص said:
    
    يا جماعة الخير مش قلت ليكم
    معانا حناااااااااااااكيش
    هههههههههههههههه
    خش اي هز بطريقة منتظمة وبسرع ثابتة
    ههههههههههه
    قاموس العامية من مطبخ سمسماية
ام اماسي, on يونيو 27, 2010 at 1:32 ص said:

والله ياام ساره الكاميرا مخزنه فيها عشرات الوصفات وصفحة مشاركات الزوار دي ماااا اظن تكفي لينا 00000والله لما افتحها بتاخد زمن طويييييل وتفتح بعد تعب 00000اها رايكم شنو امشي علي مدونة ابو العيال فاااااااااضيه املاها ليكم بالوصفات تمشو تشوفوها وتجو راجعين تاني لمطبخ سمسمه
رايك شنو ياسمسمه؟

رد
- simsimaya, on يونيو 27, 2010 at 10:41 ص said:
  
  ما شاء الله يا ام اماسي
  اول حاجة لازم الصور تخزنيها في الجهاز بتاعك عشان الكميرا تخف
  وفكرة حلوة جدا انك تنزلي وصفات في المدونة هناك
  لانو ما شاء الله عندك وصفات كتيرة وحلوة
  وانا زاتي بمشي بهناك
  بس لما اجي راجعة بجيب الكل حتى انتي
  يلا ابدي طوالي
  بالتوفيق
  
  رد
UmAhmed, on يونيو 27, 2010 at 6:28 ص said:

السلااااااام عليكم يا جماعة الخير مشتاقيين كيف الأخبار ،،ما شاء الله شايفه فوج ابداعات ومطبخ تاني جوا مطبخ سمسماية …بعد دا يا سمسمايه كلو واحدة دايرة تنشر تدفع أول;) هههههة….لكن ما شاء الله حاجات فنانة شديد

رد
- simsimaya, on يونيو 30, 2010 at 12:08 ص said:
  
  قلتي كدا
  خلاص انت ح تكوني المحاسب
  
  رد
ام سارة, on يونيو 27, 2010 at 11:57 ص said:

تمام يا ام اماسي ابدي طوالي وادينا خبر

رد
ام اماسي, on يونيو 27, 2010 at 2:20 م said:

ياسمسمه صفحة المدونه بتاعتك بتتحمل تشيل كم وصفه عشان انزل عندك الوصفات الاساسيه

رد
ام اماسي, on يونيو 27, 2010 at 2:46 م said:

الكاميرا ياسمسمه ذاكرتها كبيره واشترينا كرت ذاكره اضافيه يعني بتشيل كميه كبيره جدا من الصور0000
الصور بنزلها ليكم باذن الله في مدونة ابو العيال بعدما اجي من السودان لانه الايام دي استعدادات تقيييييله للسفر000
ممكن ياسمسمه صفحة الشرح والتوضيح تستغليها في تنزيل وصفات الزوار وتطبيقاتهم لوصفاتك ؟
ممكن تقومي بمسح التعليقات الجانبيه بتاعة الونسه في صفحة الزوار عشان تخفف الصفحه شويه؟ لانه لسسسسسه في جعبتنا الكثير والكثير من وصفات ونقاشات
رايك شنو ؟
بعد اذنك سمسمه الصور اتي ساقوم بتنزيلها في مدونة زوجي كلها مهداه الي مطبخ سمسمايه
(يعني حصريه لمطبخ سمسمايه)
في انتظار ردك

رد
ام اماسي, on يونيو 27, 2010 at 3:16 م said:

المدونه حنسميها – (وصفات سودانيه هديه لمطبخ سمسمايه)انزل ليكم فيها كل الصور فقط ونظل مستمرين في النقاش والاسئله معاك بجاي000رايك شنو؟

رد
ام اماسي, on يونيو 28, 2010 at 8:51 ص said:

ام ساره وينك وحشتينا 00الليله حاتشربي شاي المغرب باللقيمات والقرقوش بالخميره 00000استعدي

رد
ام سارة, on يونيو 28, 2010 at 10:11 ص said:

قاعدة مشتاقين واللة وشرفنا كتير اختك ام ريم وربنا يخليكم لبعض هي في السودان ولا موجوده معانا هنا والله يا ام اماسي الايام دي عندي صداع يشديد بس بقاوم عشان اتواصل معاكم والليلة الغداء حاجة خفيفة عشان نشرب الليلة باللقيمات

رد
ام سارة, on يونيو 28, 2010 at 10:13 ص said:

ياسمسماية وين مسجلة غياب

رد
ام اماسي, on يونيو 28, 2010 at 12:26 م said:

الف الف الف سلامه عليك وماتشوفي شر غاليتي
امسحي شعرك بزيت سمسم وغرقيهو تماااام باذن الله يخفف ليك الصداع0000اكيد السهر والتعب من الاسباب الرئيسيه للصداع حاولي ارتاااااااحي 000 ربنا يشفيك وقلوبنا معاك
اختي ام ريم ساكنه جنبي في مدينة الرياض 000انشاءالله تتواصل معاكم 0000خلي الغداء خفيف عشان شاي المغرب واهم شئ تدي فوفو معاك مع بوسه كبيييره من خالتو ام اماسي وتسلمي ياعسل

رد
ام ريم, on يونيو 28, 2010 at 12:47 م said:

دى اول مشاركة لى معاكم يارب تستفيدو منها وتعجكم وهى بلح الشام:

المقادير:

2ك دقيق, نص ك سميد , وربع ك سمن ,تلات ارباع ك ماء ,ومعلقة ونص م ك سكر,معلقة صغيرة خميرة.
نعجن كويس بالايد ونركها شوى ترتاح 10 دقائق ونقسمها كرات صغيرة ونبرم كل كورة زى البلحة ونمشيا على البشارة مكان الخروم الصغيرة ونحمرها فى زيت متوسط الحرارة و نكون مجهزين شيرة (2كسكر.اك ماء,عصرة صغيرة ليمون) تكون الشيرة باردة وبلح الشام من النار طوالى. و بالهناء والشفاء.

رد
- ام اماسي, on يونيو 28, 2010 at 2:27 م said:
  
  ايوه كده ياام ريومه ياعسل ورينا ابداعتك 00000
  منوووووره الصفحه ياعسل وفرحتينا بوجودك 00000
  واحلي بلح شام من احلي ام ريم0000تسلمي عزيزتي
  
  رد
ام سارة, on يونيو 28, 2010 at 12:49 م said:

فوفو كمان بسلم عليكي وكمان حنونة بسلم عليكي عمرها سنة ونصف

رد
- ام اماسي, on يونيو 28, 2010 at 2:36 م said:
  
  بوسه كبيييييييييييييره لاحلي فوفو وحنونه 000ربنا يحفظهم ليك ويخليك ليهم يارب
  
  رد
ام سارة, on يونيو 28, 2010 at 12:50 م said:

حنونة دي اخر العنقود عسل بس وسماحة وطعامة شديدة

رد
- ام اماسي, on يونيو 28, 2010 at 6:24 م said:
  
  اكييييييييد حتكون عسل وسمحه وحلاوه شديده امها منو؟
  ربنا يحفظهم ويخليهم ليك
  
  رد
ام ريم, on يونيو 28, 2010 at 12:51 م said:

يام اماسى وييييييييين عش البلبل باللبنة والعسل شوقتينا ليهو يا الاحلى من العسل انتى.

رد
- ام اماسي, on يونيو 28, 2010 at 2:15 م said:
  
  عسلنا ام ريم مشتاقين ياستنا كيفك من يوم امس 0000
  انا القهوه ساهرت بي للصباح(هههههههههههه)
  وحاااااضر ياعسل بعمل ليكم عش البلبل في اقرب فرصه
  وتعالي في البيت عشان تاكليهو معاي 000
  سعيده بوجودك معانا ياغاااااااليه
  
  رد
ام سارة, on يونيو 28, 2010 at 12:54 م said:

شكرا ياريم ياعسل انتي علي بلح الشام بس بسأل الاكبر انتي ولا ام اماسي ليكم تحية كبيرة

رد
ام اماسي, on يونيو 28, 2010 at 2:07 م said:

ام ريم ياام ساره عسلنا كله دي حتالة البيت ودلوعتنا

رد
ام اماسي, on يونيو 28, 2010 at 2:55 م said:

عش البلبل الرهييييب
المقادير:
1 ونصف كاس دقيق( قابل للزياده حسب نوعية الدقيق)
ملعقة كبير خميرة فورية
4ملاعق كبيره مليااااانه حليب جاف
ربع كاس زيت
3 ملعقه كبيره زبادي
ملعقه كبيره سكر
نصف كأس حليب سائل
ملعقة صغيرة بكنج بودر
ذرة ملح
الطريقة
تعجن المقادير كلها ثم تترك تخمر لمدة ساعة
ثم تفرد في صينية ويدهن سطحها (باللبنة والسكر المطحون)
ويرش فوقها جبن موازريلا المبشور
ثم بالفرن من أسفل ولما تنضج من أعلى
ثم تدهن بالعسل ابو اسد وشوية سمن وتقطع مثلثات
بنزلها ليكم بالصور باذن الله

رد
ام ريم, on يونيو 28, 2010 at 6:05 م said:

ياسلام عليك يام اماسى والله لما حسيت بطعم عش البلبل فى خشمى على كدا جايا جايا. منتظرين اللقيمات لانو مااتغديت كويس

رد
ام اماسي, on يونيو 28, 2010 at 8:08 م said:

انا عارفاك ياام ريم مابتقدري تقاومي عش البلبل ده 000
بس ماتكتري منه عشان الرجيم وكده0000
بعمله ليك عشان عارفاك مابتحبيهو الا من يدي ونجي نشرب بيهو القهوه سوا وتسلمي ياغاليه

رد
ام اماسي, on يونيو 28, 2010 at 8:14 م said:

اللقيمات ياام ريم وام ساره رسلت اماسي من النهار لناس سمسمايه بس الظاهر عليها سمسمه عجبها اللقيمات والقرقوش ونامت بيهم (هههههههههههه)

رد
ام اماسي, on يونيو 28, 2010 at 8:41 م said:

سمسمااااااااااااااايه وييييييييييين انتي مامشتاقين وكده

رد
simsimaya, on يونيو 28, 2010 at 8:44 م said:

السلام عليكم ورحمة الله
مشتااااااااااااااقة والغياااااااااااب بأسبااااااااااااااااااااب
لاني اكلت اللقيمااااااااااااات من جنب الباااااااااااااب

مراحب بالكل الجداد والقدام وبجي برواقة ارحب وارد علي الناس
جهازي اجااااااااااركم الله فيهو مشكلة ليهو كم يوم
بس الليلة حمته زاااااااااااايدة
معاهو الدكتور قال شوية كدا بيخلص
اللي اللقاء

رد
ام اماسي, on يونيو 28, 2010 at 9:01 م said:

وحشتينا ياسمسمه 0000والف الف سلامه علي الجهاز انشاءالله اجر وعافيه 00000اديهو 5 حبات بندول عشان الحراره تنزل 00او اعملي ليهو كمادات غرقيهو بمويه باااااارده عشان ماتجيهو تشنجات هههههههه000 تنمني ليهو الشفاء العااااااااجل
0وتسلمي ياغاليه

رد
- simsimaya, on يونيو 29, 2010 at 11:51 م said:
  
  ربنا يجيب العواقب سليمة
  
  رد
ام سارة, on يونيو 28, 2010 at 9:09 م said:

الف سلامة ياسمسماية ادية م كاستر وم نشأ هسي يقوم ذي الحصان هههههههه

رد
- simsimaya, on يونيو 29, 2010 at 11:50 م said:
  
  والله دا لو شربتو نشأ ومديدة راسو ما يرجع
  جن يمكن
  
  رد
om Lina, on يونيو 28, 2010 at 11:41 م said:

هههههههه حلوة منك يا أم سارة….سلام عليكم جميعا ومشتاقين كتير … ربنا يسهل يا سمسماية وترجعي تداومي…. ويا أم أماسي ما شاء الله عليك شغلك تمام التمام والظاهر أختك أم ريم برضو سائرة على دربك .. وان شاء الله نتعلم منكم الكثير …… أنا ما قادرة امسك نفسي من كريات الحليب الهندية دي امبارح عملتها وهسه تقريبا كملت ….. ح احاول أرجع تاني لي كرات الكوسة (:

رد
- ام اماسي, on يونيو 29, 2010 at 2:05 ص said:
  
  ام لينه مشتاقين كتيييييير والله 0000شوفتك شفاء لينا بالله ماتحرمينا منها ياروعه000000
  رجعت لوصفة اللقيمات بتاع سمسمه وقريت تعليقك ( اضافة نشأ البطاطس) انشاءالله الوصفه تكون ظبتت معاك000عايزين نشوووووووووووووف تطبيقك لكرات الحليب وشدي الهمه في تطبيق الوصفات التانيه 00000مع خاااالص حبي وتقديري
  
  رد
- simsimaya, on يونيو 29, 2010 at 11:47 م said:
  
  ام لينة لك كل الشوق
  غايتو رجعت مسارقة ساااااااااااااي
  
  رد
ام سارة, on يونيو 29, 2010 at 12:06 ص said:

كيفك يا ام لينة مشتاقين كتير والله انا كماتدن الليلة عملتها حاجة عجيبة

رد
ام سارة, on يونيو 29, 2010 at 12:14 ص said:

اللقيمات دماااااااااااااااااااااااااااااار ماشاءاللة تبارك الرحمن والله رائعة شكلها هوائية من جوة ومقرمشة من برة صاح انا بحبها بالسكر المطحون بتطلع كيف

رد
- ام اماسي, on يونيو 29, 2010 at 2:26 ص said:
  
  تسلمي ام ساره والله انت الاحلي واكيد بتعملي اححححلي منها بس شدي الهمه وجيبي الجوال وورينا ابداعاتك00000الطريقه بتاعتي دي00 اللقيمات بكون مقررررمش ومجوف من جوه 0000 اما لو عايزاها بالسكر المطحون ضيفي للمقادير 3 مك زيت + 2 مك حليب بودزه بتكون ليك هشه شويه 00 طريقة التقطيع بالملعقه علي اليد اليمني وتقبضي العجين بيدك اليسري وتضغطي عليهو وتقطعيهو (بالملعقه بعدما تبليها بالزيت)
  لو عايزه اللقيمات يكون مقررررمش بعد ما ينتفخ تماما في الزيت وطي النارر شديد واقليهو علي نار هاااادئه وقلبي باستمرار
  اما نفس الوصفه دي لو قليتي القيمات في زيت حار بطلع ليك لين مامقرمش وتسلمي ياغاليه
  
  رد
ام سارة, on يونيو 29, 2010 at 12:25 ص said:

ياحريييييييييييييييييييييييييييييييم اللقيمات جابوها وين انتو

رد
ام سارة, on يونيو 29, 2010 at 12:27 ص said:

عندي سؤال قبل مااطبقة بكرة بتقطيقها بشكل مرتب كيف بالملعقة

رد
ام اماسي, on يونيو 29, 2010 at 1:37 ص said:

كلمة شكر قليله في من سأسطر لها كلمات شكري00

وكلمة شكر تعجز أن تلبي كل ماتحويه كلمات شكرٍ00أهديها

لمن تستحق مني التقدير والشكر والاحترام 00وثلاثة أحرف

تصاغ لمعنى كلمة شكر قد لاتـفـي بحق من أقدم لها

شكري فيامن تستحق الشكر عذرا لكـِ أن قصرت في معاني الشكر إليكـِ

شكراً سمسمتي أجزلتي إلينا العطاء000 ووهبت

لناالإخاء’’ونثرتي بيننا معاني الوفاء’’ شكراًسمسمتي زرعتي

الحب جوانا’ وغرستي الصفاء فينا ’’ ومددتي أكـفكـ بالحنان

ليحتوينا’’ شكراً سمسمتي أبداعك يسري فينا ’’ومواهبكـ تفجرت في ينابعُنا’’

إلى كل من سكن في أحضان مطبخ سمسمه أهدي إليهن كلمات شكري حباً وعرفاناً لكل خطوةٍ تخطى لأجل

سمسمايه ولكل إبداع يحلق في سماء مطبخ سمسمايه ~~ ولكل دعوةٍ أطلقت في عنان السماء من أجل

سمسمايه~~ ~~ ولكل من أجزل العطاء من أجل سمسمايه
لك التحيه سمسمايه ومشكووووووووره علي الاهتمام الجميل ربنا يجعله ليك في ميزان حسناتك وجزاك الله كل خير

رد
- simsimaya, on يونيو 29, 2010 at 11:39 م said:
  
  كلماتك تدهش تواضعي وتخجل روحي
  لك التحية
  ما عارفة اقول ليك شنو
  بس شكرا علي كل كلمة وحرف
  
  رد
ام اماسي, on يونيو 29, 2010 at 3:06 ص said:

معلييييييييييييش ياجماعه اسفه للخطأ المطبعي في وصفة اللقيمات 2 كوب وربع ماء 0000اسفه لاني بكتب سرييييييع
العجينه لو حسيتو بيها تقيله ممكن تزودو شوية مويه (حسب نوعية الدقيق)

رد
ام اماسي, on يونيو 29, 2010 at 4:10 ص said:

ياام ساره ماشفتي القرقوش بالخميره؟

رد
ام سارة, on يونيو 29, 2010 at 11:02 ص said:

المرة دي كمبيوتر سمسماية قلب الصفحة فوق تحت باقي الوصفات فاتت وين مابعرف حقت ام لينة وزينة وبعدين امس كان عندي تعليق الصباح لقيتة مافي

رد
- simsimaya, on يونيو 29, 2010 at 11:35 م said:
  
  جهازي الايام دي قالب الهوبه عديييييييييل ههههههههه
  
  رد
ام سارة, on يونيو 29, 2010 at 11:05 ص said:

القرقوش والله ابداااااااااااااااااااااااااع تسلمي تسلمي والليلة بطبق اللقيمات وبديكي خبر

رد
ام سارة, on يونيو 29, 2010 at 11:50 ص said:

ياسمسماية امس جاني ولد اختي ومعاهو كاميرة بتاعت كمبيوتر وصورت فطيرة اللحم والعريكة لكن رسائل الهوت ميل عندي ماشغالة طبعتهم في ملف التعريف تصوير تعبان لكن بادي الغرض اذا ممكن تنقليهم عندك وتنزليهم هن اخر صور في ملف التعريف اخر 3صور دي الفطيرة وفوقهم 2صورة دي العريكة

رد
- simsimaya, on يونيو 29, 2010 at 11:33 م said:
  
  علم وتمّ
  
  رد
ام سارة, on يونيو 29, 2010 at 1:34 م said:

وكمان بتلقي تطبيق للقيمات ام اماسي

رد
zeena, on يونيو 29, 2010 at 6:24 م said:

سلاماااااااااااااااااااات شباب ام لينا و ام احمد و ام سارة و ام ريم و ام اماسي و الحزينة و سمسماية ………………..و كل الناس الحلوين
سمسماية رمضان جاي و العصيدة و عرفناها بس الحلومر كيف………….اعملي لينا حاجة تشبه و طعمها زيه ………

رد
- simsimaya, on يونيو 29, 2010 at 11:30 م said:
  
  كل سنة والناس تامين لامين زنزونة
  الابري دا الوحيد لا بديل ليهو لكن عشان نشحتف ليك روحك
  نزلناه تالني في صفحة جدييييييييييييييية براااااااه
  ورمضان كريم
  
  رد
ام سارة, on يونيو 29, 2010 at 11:20 م said:

مشكورة ياسمسماية معليش التصوير تعبان شديد لكن بوعدكم بتصوير حلو

رد
- simsimaya, on يونيو 29, 2010 at 11:26 م said:
  
  يا ستي العافية درجااااااااااااات
  كدا حلوة
  
  رد
ام اماسي, on يونيو 29, 2010 at 11:45 م said:

دي شنو المفاجآت الحلوه دي ياام ساره 00000يمي يمي يمي العريكه طيرت لي سعابيلي 00000ماشاءالله تبارك الله شغلك رهييييييييييييب 000اتمنيت اكون معاك واستمتع باحلي عريكه واحلي لقيمات من يد ام ساره 000اللقيمات كمان شكله روووووعه بس ماوريتيني طلع ليك لين 00ولا مقرمش ولا هش و00000000عايزاك تديني تعليق في الحته دي0000000انا قمت بتعديل وصفة اللقيمات الماء 2كوب وربع بدلا عن كوب وتسلم يديك الحلوين علي الوصفات الرهييييييييييييه دي

رد
ام اماسي, on يونيو 30, 2010 at 12:01 ص said:

ام ساره عايزه ايميلك ممكن 00وشيلي ايميلي من سمسمايه عايزه اوريك حاجات حلوه كده للبشره والشعر

رد
- simsimaya, on يونيو 30, 2010 at 12:22 ص said:
  
  تبادل ايملات ما معانا
  الا اعرف الوصفااااااااااااات هههههههههههه
  شمار وكدا
  
  رد
ام اماسي, on يونيو 30, 2010 at 12:55 ص said:

اكيييييييد ياعسل ياسمسمتنا حااوريك اسرارواسرار بس تابعيني في الميل0000مرسله ليك شمار عن البشره بس انزل ليك الصوره

رد
ام اماسي, on يونيو 30, 2010 at 1:51 ص said:

مشكوووووووووووره يارائعه ياسمسمتنا

رد
om Lina, on يونيو 30, 2010 at 1:53 ص said:

كنت ح أقول كده…. ما معانا خيانات يا أم أماسي … ما معقول تقولي الكلام قدامنا وتشحتفينا…..

رد
ام اماسي, on يونيو 30, 2010 at 3:33 ص said:

معقوله دي ياعسل نحن نخونكم؟
ياام لينه اي حرف يسطر في المدونه دي معناه شامل الكل
سمسمايه -ام لينا -ام ساره – ام احمد -هوما – ام رهف
ام ريم وكل المشاركات بمطبخ سمسمه 000بس انتو اختفيتو شويه مننا وانا وام ساره بقينا برانا قلت نتشجع مع بعض واديها من الحاجات المحتكره عندي0000
وياستي انا عيوني ليكم بس انتو اظهرو وخلونا نتناقش عشان الكل يستفيد

رد
ام سارة, on يونيو 30, 2010 at 11:02 ص said:

ياسمسماية ادي ام اماسي ايميلي وانا بضيفك عندي بعد تجيني اضافتك عشان كمان نشيل ارقام التلفونات من بعض وانحنا في بلد واحدة

رد
- ام اماسي, on يونيو 30, 2010 at 8:16 م said:
  
  تسلمي ام ساره استلمت الايميل وبرسل ليك رقم الهاتف
  
  رد
ام سارة, on يونيو 30, 2010 at 11:05 ص said:

ياجماعة مافي خيانة روقوا المنقة هههههههههه انحنا عيونا ليكم وبالعكس لو اندمجنا انا وام اماسي بنجيكم بوصفات الخليج كلو ههههههههه

رد
- simsimaya, on يونيو 30, 2010 at 6:14 م said:
  
  نروق شنو؟ انتن كان ما انا كشفتكن كنت قلتن شنو
  الليلة شيلن شيلتكن مع با قي النسوان
  
  ما تخافوا بجي احجزكم هههههههههههه
  
  رد
  - ام اماسي, on يونيو 30, 2010 at 7:32 م said:
    
    باقي النسوان خليهن يظهروا لينا و يتناقشن معانا ونشوفن عايزين شنو وانشاءالله كل شئ محتكر وسري بنديهو ليهن كريمات وحاجات شعر وبنخليهن ينورن زي اللمبه
    مخيرين يانسوان لو ماظهرتن بنشتغل برانا انا وسمسمه وام ساره
    بالجمبه كده ياسمسه خفت منهن
ام سارة, on يونيو 30, 2010 at 11:21 ص said:

يا ام اماسي اللقيمات روعة مقرمشة وفاضية من جوة ولونها ذي الدهب بس الكميرة هي الاضاءة فيها بنية وبالنسبة للعريكة مالاحطي انها في باقة هههههههه عشان ادي ناس البيت الاحساس الكامل انها من برة ههههههه طبعا ياسمسماية عندنا بتنباع في باقات بلاستيكية

رد
- simsimaya, on يونيو 30, 2010 at 6:12 م said:
  
  ان شاء الله اجربها وانزلها في الصفحة الرئيسة زي اليانسون
  
  رد
ام سارة, on يونيو 30, 2010 at 11:40 ص said:

بشري سااااااااااارة يا ام اماسي حنين المهيرة اشتغل فية حنة رهييييييييييييييبة قبل السفر شوفي ليكي واحدة

رد
- ام اماسي, on يونيو 30, 2010 at 7:56 م said:
  
  انا امس حاولت ادخل لحنين المهيره بس الصفحه شويييه تقيله بحاول اليوم ادخل ليها عشان نشوف ابداعاتها انا صفر في الحنه خلينا نتعلم شويه وانا كمان عندي ليك مفاجات بس بديكم ليها حبه حبه في الميل00بس ماتسعني ام ليناهههههههههه
  
  رد
ام سارة, on يونيو 30, 2010 at 11:43 ص said:

مسؤلة من الخير ياسمسماية كم مرة حاولت ادخل مع سودانية نجيضة لكن دون جدوي رسلت ليهم كم مرة طلب العضوية لكن بدون رد كيف ادخل عليهم

رد
- simsimaya, on يونيو 30, 2010 at 6:10 م said:
  
  ام سارة ناس نجيضة ديل قبوبهم مقفول شديد
  يلا ما بوافقو الا تكون جاتك دعوة من زول مسجل عندهم
  وتكوني علي ضمانته
  اديني اسمك في الفيس واعمل ليك دعو او ارسل لام شادن (صحبتي) واتوسط ليك عندها هههههههههههه
  
  رد
ام ريم, on يونيو 30, 2010 at 5:38 م said:

مساء سعيد وجميل لاحلى حريم فى ومافى (ههههههه) شعر عدييييييييل الليلة عملت ملاح الروب وطلع طعمو خطيرررررررر بس فى النهاية بقى ذى الانقطع شوية ورونى الغلط شنو ضرووووووووووووى

رد
- simsimaya, on يونيو 30, 2010 at 6:04 م said:
  
  مساء سعيد يا ام ريم
  انقطع ولا خفيف؟
  لو بقي تقيل اثناء ماهو في النار وبعداك انقطع احتما تكوني غطيتيهو هو حاااااااااار لاز الغطي يكون مرفوع شوية
  لكن لو خفيف من البداية ممكن تزيدي شوية نشأ مع ملاحظة كلما يبرد بيبقي تقيل.
  وريني الحصل بالضبط
  
  رد
zeena, on يونيو 30, 2010 at 7:00 م said:

سمسماية فكرة مساهمات الزوار لوحدها حلوة و ان شاء الله نساهم فيها

رد
ام اماسي, on يونيو 30, 2010 at 8:04 م said:

ليه مارسلتي منه ياام ريم ؟
حتي لو كان في باقة ملاح الرجله الرسلتها ليك 000تذكريها؟

رد
ام سارة, on يونيو 30, 2010 at 8:48 م said:

يا ام ريم حسب خبرتي في ملاح الروب البقطعو وجود الملح عشان كدا الملح ماتضيفية الا بعد انجض الملاح يعني منها وعايزة تنزلية

رد
zeena, on يوليو 1, 2010 at 7:12 م said:

و الله يا ام اماسي علقت و قلنا مافي كلام عديل كدة …………و قلنا ليك ما عزمتين بس سمسماية …………و يلا ورين بقيت الاكلات القلتي ح تنزليها و اهم شئ الفول البوش نحنا جبنا الفول و منتظرين الوصفة ………مش يا ام سارة و ام ريم و ام محمد و الحزينة المختفية و ام لينا

رد
simsimaya, on يوليو 1, 2010 at 10:59 م said:

ما قلتي لي العصيدة دي بالزيادي ولا عادي شكلها عذبتك شديد
والملاح برضو ياتو تقلية؟ تقية منو في الحريم ولا التقلية الام
ههههههههههههههه

رد
simsimaya, on يوليو 1, 2010 at 11:05 م said:

لانو عايزة انزلها ليك
ما شاء الله الصور اوضح والعافية درجاااااات

رد
ام سارة, on يوليو 2, 2010 at 12:01 ص said:

ياستي دي العصيدة العادية وتقلية سمسمايةالحلوة طبعا اللحمة عادية مامجففة

رد
ام سارة, on يوليو 2, 2010 at 12:09 ص said:

والله العصيدة دي عندي معاها تاريخ طويييييييييييل عشان كدا بقت مافيها عذاب بس شغل زول عايز يخلص والجو في جدة موووووووووووووت مابنصدق متييييييييييييييين نمرق من المطبخ

رد
ام ريم, on يوليو 2, 2010 at 1:40 ص said:

ازيكم يانسوان بكترت الوصفات الحلوة دى ماقادر اتحرك من جنب النت بس عندى سؤال قرقوش العدس العدس حب ولا مطحون وكم معلقة ضرررررررررررورى لانو ضاربانة جوعة ههههه دى مقادير عجينة بيتزا خطيرة:
2ك دقيق فاخر,2م ك خميرة فورية ,ونصة بيالة شاى ماء , ونص بيالة شاى زيت,وشوية ملح ,2 بيض نخت السوائل والخميرة فى الخلاط العصير و نضيفهم للدقيق بس نخت اول الد
قيق كباية ونص ونزيد بالتدريج, نخمرها ساعة ونشكلها

رد
- simsimaya, on يوليو 2, 2010 at 11:26 ص said:
  
  ام ريم مشكورة علي الوصفة ان شاء الله ارفعها فوق
  بالنسبة لسؤالك جاوبت عليك في القرقوش هنا
  لانك سألتي قبل يومين ورديت عليك علي طول
  اما المكية برضو موجودة في الوصفة ممكن تزيدي شوية
  مودتي
  
  رد
simsimaya, on يوليو 2, 2010 at 11:28 ص said:

جمعة مباركة يا حرووووووم
لحدي ما اخلص من الجمعة والقراصة
الذي منو هههههههههههه

رد
ام سارة, on يوليو 2, 2010 at 1:34 م said:

الله انتي الرائعة يا سمسماية وشكرا علي التعليق الحاو ياحلوة وانحنا شو ماعملنا ليك قليل قليل قليل ربنا يمد في ايامك ويسعدك ويسهل امورك وينور طريقك ويديكي من حيث لانحتسبوسلام كتير لضيوف الجمعة

رد
- simsimaya, on يوليو 2, 2010 at 11:49 م said:
  
  تسلمي يا ام سارة
  ربنا يخليكم ويديكم العافية
  
  رد
zeena, on يوليو 2, 2010 at 7:46 م said:

و الله انا رسلت تطبيقي للقيمات لسمسماية و جيت للزوار لكن و الله ح اغير راي و اول لي سمسماية بلاش تنزليهو لما شفت حاجاتكم يا ام سارة و ام اماسي جد ما شاء الله ……………وام اماسي دي مطلوب القبض عليها مقدمة ضدها دعوى باسم البووووووووووووووووووووووووش

رد
- simsimaya, on يوليو 3, 2010 at 12:18 ص said:
  
  وصلت اللقيمات وشربنا بيها الشاي المقنن
  تسلمي
  ام اماسي اختفت اصلها بتعمل في البوش ولا بتاكل فيهو
  هههههههههههههههه
  بعد دا نعمل مظاهرات
  البوش البوش
  
  رد
ام محجوب, on يوليو 2, 2010 at 11:42 م said:

سلامات ياجماعة…… بالجد انا سعيدة بالمطبخ الرائع دة وكمان عشان صاحبة المطبخ عملت لينا الصفحة دي للونسات والوصفات وكدة الواحد يضمن مافي حاجة بتفوت عليهو وبالله انحفونا بالوصفات الرهيبة دي باستمرار

رد
- simsimaya, on يوليو 3, 2010 at 12:22 ص said:
  
  سلاااااااااااااام عليك يا ام جنانا
  والله نحن الاسعد ياريت تتواصلي معانا طوالي
  هنا بتلقي الونسات المفيدة وتبادل الخبرات يعني تشيلي وتدي
  ولا شنو يا جماعة؟
  
  رد
ام سارة, on يوليو 3, 2010 at 1:21 ص said:

يا هلا ويامراحب يا ام محجوب وشرفتينا كتير وياريت تتواصلي معانا

رد
ام سارة, on يوليو 3, 2010 at 1:24 ص said:

البوش البوش البوش البوش البوش البوش البوش البوش
البوش البوش البوش البوش البوش البوش البوش البوش
البوش البوش البوش البوش البوش البوش البوش البوش
البوش البوش البوش البوش البوش البوش البوش البوش
البوش البوش البوش البوش البوش البوش البوش البوش
البوش البوش البوش البوش البوش البوش البوش البوش

رد
ام سارة, on يوليو 3, 2010 at 1:28 ص said:

انا اسفة يا ام اماسي لقيت الناس جارية وجريت معاهم ناس زينة والجماعة ماقايلة المطاهرات ضدك هههههههه
لكن راس القائد زينة انتي مرة صاحبتي انا بقول الحقيقة

رد
ام سارة, on يوليو 3, 2010 at 1:30 ص said:

واللة فقدناك يا ام اماسي وين مسجلة غياب اكيد في الاسواق فرصة الخميس والجمعة

رد
ام سارة, on يوليو 3, 2010 at 1:36 ص said:

يازينة اللقيمات شكلها مقرمش يمي يمي لكن المرة الجاية
انا وانتي نعمل بالشيرا وعليك الله كل ماتطبقي حاجة نزليها

رد
- zeena, on يوليو 3, 2010 at 1:33 م said:
  
  ام سارة ما تباريني لانو انا فريق الخيبانات و انت تماااااااااااااااام مع ستات البيوت
  
  رد
simsimaya, on يوليو 3, 2010 at 1:38 ص said:

كهربتنا قطعت زالبطارية ماشيه في النازل
سلاااااااااااااااام للكل

رد
zeena, on يوليو 3, 2010 at 1:35 م said:

يعني لي حق

رد
- ام اماسي, on يوليو 3, 2010 at 9:40 م said:
  
  تسلمن لي عزيزاتي 0000وعقبال مانشوف تطبيق زينه (بعد سنه باذن الله) ههههههههه
  
  رد
zeena, on يوليو 3, 2010 at 1:41 م said:

ام اماسي يا الله انت شايقية !!! فطيرك باللبن حاجة كدى عندنا البحبوه بقولوا ليهو العشي ابو لبن يعني حلو زي عشى الفطير باللبن (الروب)
و البوش تمااااااااااااااااام و فكرة الفريزر دي حلوة و اختار للوقت لكن نحنا بنعمله لحظي يعني بنشوح البصل في الزيت شوية و بعدين نضيف الثوم و نقلب و بعد كدى نضيف عصير الطماطم و نخليهو يسبك شوية و بعدين نضيف الفوووووووووووووول و يبقى طبعا روووووووعة حاجة ما توصف انتظروني سنة و لا كم اشهر اعمله ليكم هههههههههههههه (التوقيع:كسلالالالالالالالالان جدا)

رد
- ام اماسي, on يوليو 3, 2010 at 3:43 م said:
  
  انا محسيه يازينه لكن الفطير ده عندنا اسااااااااسي في العشاء0000وكمان بناكلو بالروب 0000
  طريقتك للبوش حلوه جدا بنسميها (فول مطبوخ ) ومرات لما اعمله بطريقتك دي بعدما اضيف الفول بكسر لي كم بيضه من فوق (بيض عيون وبرش الفلفل الاسود والشطه الخضراء وبدخلها الفرن تنضج من فوق بتكون تححححفه( يعني فول مطبوخ بالبيض )
  000ههههههههههه حاشا عليك من الكسل 0000لكن اقول ليك حاجه نحن زااااااتنا بقينا كسلانين من كل شي 0000العيال وتعبهم وشقاوتهم وسهرهم خلو طاقتنا تنفد مررررررررره0000ههههههههه بعد سنه عدييييل كده الله يديك العافيه يازينه وتسلمي
  
  رد
- ام سارة, on يوليو 4, 2010 at 2:18 ص said:
  
  انا كمان يازينة بعملو بنفس الطريقة وبزود م ص صلصة وبعد يغلي بفت الرغيف وهو في النار وبطفي النار بعد اغلب الرغيف طوالي وبنسمية فول مطبوخ وينفع للفول البايت في التلاجة بغير ملامحة وبطلع جنااااااااااان
  
  رد
ام اماسي, on يوليو 3, 2010 at 2:04 م said:

الملكه سمسمتنا0000
في اللحظه دي انا والله ببكي والعبره سدت حلقي00000 من فرحتي ليك
مشيت منتدي لك ولقيت الاوسمه تتلألأ في سماء سمسمايه( الملكه )والالقاب تتضاءل دون شخصك الذي تعجز الكلمات في وصفه وتتواري الاحرف خوفا من تحمل المسئوليه في مدحه 00حقا انت مبدعه
ماقدرت امسك نفسي من البكاء 0000
ويااااااااااحريم البسن تيابكن واجرن جري علي منتدي لك ركن الحلويات وشوفو الابداااااااااع

رد
- simsimaya, on يوليو 3, 2010 at 6:45 م said:
  
  يا ام اماسي انت بي صِحك؟
  
  والله يا ام اماسي خايفة تكوني مدياني اكثر ممكا استحق
  ياستي شكرا ليك علي شعور النبيل ودا بيدل علي اخوة صادقة
  تفرح لنجاحات الآخرين
  اسعدني احساسك المرهف ولكن دمعك غالي جدا
  واي دمعة تنزل تبلل هذا الخد استحي منها
  وتخجلني ايضا وتحملني مسئولية اكبر
  وتدفعني للمضي
  معكم وبكم ابقي
  
  رد
ام اماسي, on يوليو 3, 2010 at 2:38 م said:

سمسمايه
اولا الشكر لله الذي انعم علينا بمعرفتك
ثم شكرا لك لانك جعلتينا نتذوق الفرح كما الطعام الطيب
شكرا لانك جعلتي لفرحنا مذاقا بنكهتك
شكرا لاهتمامك بتنزيل الوصفات 0000شكرا 00شكرا

رد
- simsimaya, on يوليو 3, 2010 at 6:47 م said:
  
  والله شكرا وشكرا وشكرا
  
  ما عارفة اكتب ليك وارد اقول شنو؟
  وان شاء الله الفرح لا يفارقكن اخواتي العزيزات
  
  رد
أم رنيم, on يوليو 3, 2010 at 3:13 م said:

الراقية سمسماية
الأعزاء أم أماسى أم سارة
تحياتى ليكم جميعاً والتحية بالجد للمجهود الرائع اللى بتبذلوا الأخت سمسماية فى المدونة الجميلة دى أنا جديدة فى المدونة ولسة مازلت مبهورة بيها وكل يوم بجرب حاجة منها تسلم إيدك يا سمسماية وتقبلونى معكم وعندى وصفت جميلة إنشاء الله أنزلها ليكم

رد
- simsimaya, on يوليو 3, 2010 at 6:57 م said:
  
  اهلا ومرحب بام رنيم
  وشكرا علي الاطراء
  وان شاء الله نكونى واحدة مننا لانو بمجرد ما تدخلي المطبخ دا نحن طوالي بنطلع ليك اقامة دائما دون تعقيدات ورسوم هههه
  وننتظر تواصلك ووصفاتك
  
  رد
أم رنيم, on يوليو 3, 2010 at 3:34 م said:

عزراً – وصفات

رد
zeena, on يوليو 3, 2010 at 5:20 م said:

هلا هلا ام رنيم ……….

رد
- ام اماسي, on يوليو 3, 2010 at 9:33 م said:
  
  مررررررررحبا ام رنيم 0000اهل بيك وسط اخواتك000
  شرفتينا كتيييييييير
  
  رد
ام اماسي, on يوليو 3, 2010 at 8:16 م said:

هههههههههههه والله ياسمسمه وزينه موتوتوني عديييييييل من الضحك 00000الله يديكم العافيه

رد
ام اماسي, on يوليو 3, 2010 at 8:28 م said:

ههههههههههههه والله يازينه وسمسمايه موتوني عديييل من الضحك 00000الله يديكم العافيه
القرقوش يازينه سميته باسم القرقوش السمسماوي البردان000
البسوي القرقوش الاخت ( كسلاااااااااان جدا ) وننتظر تطبيقك قرييييب جدا والا حانطلع مظاهرات ههههههههه

رد
ام سارة, on يوليو 3, 2010 at 10:34 م said:

تحية خاااااااااااااااااااااصة للاخت ام رنيم ومرحب بيكي اخت عزيزة وطبقي وصوري

رد
ام سارة, on يوليو 3, 2010 at 10:49 م said:

والله تستاهلي الاوسمة وفعلا العبرة خنقتنا وصفقنا جنس صفيق وكواريك ابونا قايل اسبانيا جابت هدف ههههههههه
واللة مبسوطين مع انك دائما متميزةلانك رائعة رائعة رائعة

رد
ام اماسي, on يوليو 4, 2010 at 2:13 م said:

ام ساره العسل مشتاقين00000الجديد شنو عندك في المطبخ 00000عايزين لينا وصفه وكده
واحلي سلاااااااام لاحلي ام ساره

رد
ام سارة, on يوليو 4, 2010 at 2:43 م said:

انشاءاللة المساء بحاول انزل من المنهج سلام كتيييييييييير للعيال

رد
zeena, on يوليو 5, 2010 at 6:40 ص said:

عاوزيييييييييييين نشوفه الا نشووووووووووووووووووووووفه ههههههههههههههههه

رد
ام اماسي, on يوليو 5, 2010 at 10:23 ص said:

هلا هلا هلا بالغاااااااااااااليه هنوها شرفتينا ونورتينا000والله فرحت كتير لما شفت اسمك 000معقوله دي ناكل برانا ومانخلي للعزيزه هنوها انتي تستاهلي نديك الحلو كله يارائعه0000ماشاءالله مدونتك جميله جدا جدا 000وفيها مواضيع ممتعه ومفيده جدا والله بتمني نتشارك ونتفاعل معاك في كل مايخص المراه (تجميل 0عنايه بالبشره والشعر وغيره وغيره) بس طريق الدخول للتعليقات في مدونتك طويل شويه ياريت يكون بطريقه اسهل من كده 0000 بالمناسبه انا عندي قصه مع زيت الحيه لما اجيك بهناك بحكيها ليك وعندنا ليك الكتير والكتير 0000تسلمي ياغاليه

رد
ام اماسي, on يوليو 5, 2010 at 10:54 ص said:

هههههههههه مدي يدك واكلي بالهناء والعافيه0000وياريت تحاولي تتعلمي العواسه شويه شويه ياام ساره والله الفطير ده ماااافي زيه ومريح جدا للمعده 000
مرات الفطير ده ياام ساره بعمل ليهو حشوه باللحمه المفرومه وبلفه وبقليهو في الزيت 0000
تسلمي ياعسل

رد
ام محجوب, on يوليو 5, 2010 at 11:35 ص said:

سلام ياحريم ونهاركم سعيد يارب….دخلت قلت انزل ليكن وصفة لكن اندهشت من الا
شياءات العجيبة البتعملوها قمت ترترت برااااااااااااااحة لكن اول ما اعصابي تهدا بنزل ليكم بس ادعو انو الموضوع يمشي تمام

رد
- ام اماسي, on يوليو 5, 2010 at 8:02 م said:
  
  ههههههههههه باين عليك عسسسسسسسسسل ياام محجوب 0000اكييييييد وصفاتك احلي واحلي00 يللا شدي الهمه وورينا وصفتك ونحن في الانتظار علي احر من الجمر
  تسسسسلمي يارائعه
  
  رد
  - simsimaya, on يوليو 5, 2010 at 10:58 م said:
    
    ما بنقدر نحكم غياااااااااااااااابي الا وصفة
    قولي ليها عايزين وصفة
    بس بدون مظاهرات
    ههههههههههه
    عشان حسك ما بنقرش
    زي يوم البوش
    هههههه
- zeena, on يوليو 5, 2010 at 10:14 م said:
  
  حركاااااااااااااااااااااات ام محجوب……….ترتري و لا جريتي و اندسيتي
  
  رد
ام سارة, on يوليو 5, 2010 at 2:55 م said:

المبشورة او المقشورة
ثلاثة بيضات
ك سكر
ك سمن
م ك باكنج باودر
فانيليا
ذرة ملح
دقيق حسب العجنة حتى تفك من اليد
مقادير التزين
كاكاو
لون احمر
فول مبروش
جوزهند
مربى فراولة المربى اذا سميكة حليها بملعقتين ماء فى الخلاط
الطريقة
نعجن المقادير الاولى البيض والسكر والسمن بالمضرب ثم نضيف باقى المقادير الاولى ونعجن حتى تفك العجينة من اليد
نجيب صنية ممسوحة وتطبط فيها العجينه ذى بسكويت اليانسون ونخلى جز ء من العجينة قدر مليت اليد ونمسح العجينه الموجوده فى الصنية بالمربى مسح فقط حتى تسبت الطبقة الثانيه من العجين نجى للعجين القسمناه نقسم العجينة الى اثنين واحدة نلونه باللون الاحمر واحدة بالكاكاو ونبشر عجينة الكاكاو بالمبشره ذى الموزريلا وبعدها نبشر عجينة اللون الاحمر ونرش فوقها الفول المبروش وجوز الهند وتوضع فى الفرن كلها تنضج مع بعض بعد تتحمر نقطعها مربعات للتقديم تكون مناسبه للتقديم
بالهناء

رد
- ام اماسي, on يوليو 5, 2010 at 6:10 م said:
  
  والله من يوم ماكلمتيني بالمبشوره دي ياام ساره بقت معشعشه لي في راسي وناويه اعملها لكن بنتظرك تعمليها وبعداك بطبقها
  انا عندي جارتي فلسطينيه بتعملها بصوره رهيييييبه وجربتها بمقاديرها مره واحده وماظبتت معاي لانه الكوب بتاعها بختلف طبعا0000عموما في انتظار احلي مبشوره من احلي ام ساره وتسلمي غاليتي
  
  رد
ام سارة, on يوليو 5, 2010 at 3:00 م said:

ياسمسماية تعبناكي معانا بالنقل فوق المبشورة انشاءاللة قريب بطبقها وبنزل الصور عشان كدا جبتها بهنا

رد
ام سارة, on يوليو 5, 2010 at 3:05 م said:

واللة يا ام اماسي انتي عسل وكلامك عسل وبترفعي معنويات الزول ربنا يحفطك ويجعل ايامك كل سعادة

رد
ام سارة, on يوليو 5, 2010 at 3:10 م said:

ياهنوها يارائعة انتي الواحد يعمل ليكي وليمة مخصوص انحنا مابنصدق دخولك عندنا ليكي كل الود والاحترام والمدونة جنااااااااااااااااااااان وربنا يحميك انشاءاللة

رد
ام سارة, on يوليو 5, 2010 at 3:13 م said:

وين رفيقة الدرب زينة الرزينة عايزين حاجة كدا يعني

رد
- zeena, on يوليو 5, 2010 at 10:33 م said:
  
  حاجة منك ههههههههههه حاجة وانت قاعدة معقولة دي
  
  رد
ام سارة, on يوليو 5, 2010 at 3:15 م said:

ياسمسماية اعملي نداااااااااااااااااااااء لهوما شوفيها وين مختفية

رد
- simsimaya, on يوليو 5, 2010 at 10:54 م said:
  
  رسلت ليها وام لينة
  ام لينة ردت علي وهي بخير بس مشغولة بتحصيرات السفر للسودان
  فيكم الخير اخواتي
  
  رد
ام اماسي, on يوليو 5, 2010 at 6:34 م said:

والله ياام ساره انتي العسل كللللللله وكلامك احلي من العسل وخفة دمك اضافت لينا الابتسامه والضحكه اللي بدأت تتلاشي مع الغربه القاسيه000انتو كنوز ثمينه جدا والواحد بعتز وبفتخر بصداقتكم الرائعه وتستاهلو كل خير وعن نفسي انتو علي راسي من فوق 00000وتسلمن لي عزيزاتي

رد
ام اماسي, on يوليو 5, 2010 at 7:44 م said:

والله ياام ساره انا اشتقت للاخت هوما كتيييييييييييير ودائما برجع لمواضيعها وتعليقاتها الفوق000 بجد افتقدناها00000
ياريت تطل علينا لو بكلمة سلااااااااام 000وماعارفين اخبار نتيجه ولدها شنو؟ 000000تحياااااااااتنا ليها بشده
وربنا يسهل عليها

رد
- simsimaya, on يوليو 5, 2010 at 10:57 م said:
  
  ان شاء الله ترجع لينا لما ترد علي بديكم خبرها
  
  انا ما مشتاااااااااقين لي؟
  خلاص اغييييييب منكم كم يوم اشوف البحصل شنو؟
  في نداءات ولا مظاهرات؟
  ههههههههههههههه
  ههههههههههههه
  
  رد
simsimaya, on يوليو 5, 2010 at 10:49 م said:

سلام حروم سلام

رد
ام سارة, on يوليو 6, 2010 at 9:30 م said:

يابنات عملت م ك نشا للدقيق حق التغطية بتاع السمك اداني طعم وشكل حلو شديد

رد
simsimaya, on يوليو 6, 2010 at 10:26 م said:

ياستي انا عارفاكم والله بس حبيت اشاغلكم
وبعدين السعودية دي المظاهرات ممنوعة فيها يقوم يرحلوكم
هههههههههههههههههه
تعالي المطار هنا ابدي المظاهراااااااااات زول بيسألك مافي
ههههههههههههه
دمتي

رد
simsimaya, on يوليو 6, 2010 at 10:30 م said:

ههههههههههههه
ما قدر دا

رد
simsimaya, on يوليو 6, 2010 at 10:34 م said:

شنو التشويق دا
يا ام جنانا

رد
simsimaya, on يوليو 6, 2010 at 10:51 م said:

لسة انت ما نزلتي الوصفة ؟
اها دي قعدة
هههه

رد
simsimaya, on يوليو 6, 2010 at 10:58 م said:

انا زاتي منتظرة معاااااااك
هههههه
تكون عايزانا نطلع مظاهرات

رد
simsimaya, on يوليو 6, 2010 at 11:08 م said:

ربنا يعينا ان شاء الله
وتجي بالسلامة
ويكون لينا نصيب في اللقاء

رد
ام سارة, on يوليو 6, 2010 at 11:48 م said:

ام محجوب بس ماتكوني نمتي عيونا نشفن من المعاينة

رد
ام سارة, on يوليو 6, 2010 at 11:57 م said:

واللة ياسمسماية كان جات زينة هسي بتقوم المطاهرات

رد
ام سارة, on يوليو 7, 2010 at 12:00 ص said:

ياسمسماية المبشورة دي ليها ثلاثة يوم هنا ماترفعيها فوق هههههه

رد
ام محجوب, on يوليو 7, 2010 at 12:18 ص said:

تشيزكيك بالبلوبري

القاعدة:علبة بسكويت دايجيستيف مطحون مخلوط مع 3م ك زبدةيبطن بها قاع قالب متحرك القاعدة ويدخل الثلاجة حتي الانتهاء من تجهيز الحشو واللذي يتكون من:
2علبة جيلي ليمون
1كوب ماءدافئ
1م ك جيلاتين سادة مذاب في 3م ك ماء دافئ
كوب فريش كريم
2علبة قشطة
12مكعب جبن كيري اوجبن مثلثات لكن ان بفضل كيري لان الملح فيها اقل نبدا اولا باذابة جلي الليمون في الماء الدافئ ونحرك حتي يذوب تماما ثم نصفي الجيلاتين بمصفاة ونخلطهم معا نضيف القشطة والجبنة ونضرب بالمضرب الكهربائي حتي ينعم في اناء اخر نخفق الكريمة حتي تتضاعف ونخلطها مع الخلطة السابقة نصبا علي البسكويت وندخلها الثلاجة ساعتين حتي تتماسك وبعدين نوزع علي الوجه علبة البلوبري وتبرد لمدة ساعة ثم يفك القالب وتقدم………….وبالهنا

اكلوهو واقيفو صف بكرة ان شاء الله انزل ليكم المولتن كيك

رد
ام سارة, on يوليو 7, 2010 at 12:52 ص said:

واللة ماهينة شغل عجيب تسلمي فغلا شغل يستاهل السهر واقفين في الصف من هسي

رد
- zeena, on يوليو 7, 2010 at 6:35 ص said:
  
  قال تسلم غشتكم وين الصووووووووووووووور اهم حاجة العزومة نااااااااااااااااااااااااااااااقصة يا ام محجوب………حررررررررررررررررررررركااااااااااااات
  
  رد
ام محجوب, on يوليو 7, 2010 at 9:50 ص said:

يسعد صباحكم يا جماعة الصور في حوزة الست الريسة بتنزل ان شا الله بس خليكم قريبين

رد
- zeena, on يوليو 7, 2010 at 6:19 م said:
  
  ام محجوب حركااااااااااااااااااات ……………راس الخروف و لا التور ده لسه حليلو ابوي…………
  
  رد
  - simsimaya, on يوليو 7, 2010 at 10:23 م said:
    
    راس الخروف دا طلع خلاص
    ههههههههههههه
حنين مهيرة, on يوليو 7, 2010 at 8:55 م said:

سلام ياقبائل عيوني حوصن من القراية ولم اصل الي المنتصف بعد عليكن سماحة ونسة كدي انجيب قهوتي واجي

رد
- simsimaya, on يوليو 7, 2010 at 10:40 م said:
  
  خلاص يا هنوها المفروض ما تغيبي عشان تكوني مواكبة الونسات
  وتحافظي علي العيون هههههههههههه
  جيبي لي معاك فنجان صغير ولو في كرات حليب جيبي لي معاك
  بس زينة ما تشوفها
  هههه
  
  رد
simsimaya, on يوليو 7, 2010 at 10:37 م said:

ام سارة اها المبشورة رفعناها ليك بس ما رسلتي الصور
ام اماسي تاني ما ظهرت ربي يسهل امرك
والغايباااااااااااات والحاااااااااضرات

ام سارة والله ما قادرة ما اقول
سلااااااااااااااام حرووووووووووووووم سلام
هههههههههههههههه

رد
zeena, on يوليو 7, 2010 at 10:38 م said:

هي يا ام محجوب دقر يا عين …….زيدت بعد العزومة عشرة كيلو يلا اعمل لينا كمان حاجة تنزلين العشرة كيلو دي

رد
هوما, on يوليو 9, 2010 at 9:45 ص said:

ام اماسي
ياااااااعسوووووووله

بموووووووووت فيكم والله

يديكي العافيه
وعليك علي لو كحلت عيني بشوفتها اقلدها ليك قلده

رد
- ام اماسي, on يوليو 9, 2010 at 3:02 م said:
  
  عسلنا هوما
  فرحتينا بطلتك والله
  ويارب تشوفي الماما بالسلامه ويشفيها ويعافيها ويديها الصحه والعافيه 00000
  
  رد
ام اماسي, on يوليو 9, 2010 at 10:11 ص said:

ياسمسمه جبت بصله بيضاء مجففه غير مطحونه وعايزه اعمل ملاح تقليه وريني الطريقه بالتفصيل واكون شااااكره

رد
ام اماسي, on يوليو 10, 2010 at 3:32 ص said:

الليله ياسمسمه اتاكدت ميه الميه انه كراعي حاااااااااره000هههههههههه0000

رد
حنين المهيرة, on يوليو 10, 2010 at 6:02 ص said:

وينكم يا حبايب
اها خفافيش الليلة ظهروا هنوها تناديكم

ام اماسي ياسكرتنا كراعك ما احر من كراعي
وينكم والعسل ام سارة مختفية وين
واين زنووووووون والاخرين
لا وابو السماسم زاتو خالي الدار خلا

حالي قلت افضفض معاكن امي عيانة وباكر عندها عملية ادعوا معاي ربنا يرفعها ويسلمها

رد
- ام اماسي, on يوليو 10, 2010 at 6:57 ص said:
  
  اختنا وعسلنا وسكرنا هنوها الف الف الف سلامه للوالده ويارب العمليه تنجح وتقوم بالسلامه اقري ليها سورة يس بالمبينات 0000 والله قلوبنا ودعوااااااااااتنا معاك 000
  
  رد
حنين المهيرة, on يوليو 10, 2010 at 6:13 ص said:

ام اماسي ده رابط النعيمية
والبصلة اسحنيها بالسحانة وبمشي حالها وحتي لو ماسحنتيها حمريها اول بحبة زيت واضيفي عليها باقي المواد وبالمضرب الكهربائي او المفراكة الكهربائية علي قولة ناس السودان مابتظهر برضو ده لو ماسحنتيها وحمرتيها بس وملاح النعيمية لو اديتيهو ملعقة صغيرة سكر قبل الويكة بتدي طعم حلو
اتمنا اكون افدتك وده رابط النعيمية يا غالية

http://simsimaya.wordpress.com/2008/06/07/%D8%A7%D9%84%D9%86%D8%B9%D9%8A%D9%85%D9%8A%D8%A9-%D8%B5%D9%81%D8%A9-%D8%B3%D9%88%D8%AF%D8%A7%D9%86%D9%8A%D8%A9-%D9%85%D9%85%D9%8A%D8%B2%D8%A9/

رد
ام اماسي, on يوليو 10, 2010 at 7:10 ص said:

تسلمي تسلمي تسلمي غاليتي هنوها والله ماااااقصرتي معاي ربنا بقدرني علي جزاك 0000والله انتو اخوات عزيزات جدا علي قلوبنا وانا سعيده جدا جدا بمعرفتكم الجميله0000 وبشكرك من اعمااااااااقي علي اهتمامك 00000ربنا يشفي الوالده ويعافيها ويطمنك عليها 00000انشاءالله انا اليوم اقرا ليها قران وادعي ليها00 وتسلمي ياهنوها ياغاليه

رد
ام سارة, on يوليو 10, 2010 at 11:36 ص said:

سلااااااااام لكل من سأل عني وتحية كبيرة جدا ياهوما والف حمدللة علي السلامة وربنا يشفي الماما ودعواتنا ليها بالشفاء العاجل وقلوبنا معاكي
حنين المهيرة تحية من القلب وانا سعيدة بوجودك معانا ودوما انشاءالله
ام اماسي كيف حالك مشتااااااااااااااااااااقين
ام ريم اليوم بنزل تطبيقي لبلح الشام حقك واللة رائع وجميل جدا جدا انحنا بنسمية المكرونة
وسلام لكل السيدات

رد
ام سارة, on يوليو 10, 2010 at 11:44 ص said:

ياسمسماية مشتاقييييييييين واللة طبعا بدل المبشورة نزلت ليكي تطبيقي لبلح الشام حق ام ريم واللة الطعم خطييييييييير انا زمان كنت بعملو لكن بعمل الدقيق قدر السميد عشان كدا بتعبني تعب في اللف لكن حق ام ريم دا بنعمل بسهولة عجيبة ياريت تجربوة والله جميل بس ناس الخليج بسموة مكرونة لانة شكلة ذي المكرونة

رد
هوما, on يوليو 10, 2010 at 12:00 م said:

ام ساره
كيفك يديك العافيه
لاني ملقوفه ولقيت عمك تنقو ومجله الصبيان في صفحه سمسم
قلت اكيد أنتي رسلت ليك مسج بلعنجليزي يا مرسي
شكراً للدعوات وأن شاءالله ما تشوفو شر

رد
ام محجوب, on يوليو 13, 2010 at 11:44 م said:

زنزونة كيفك ياخي حاجات مالحة ممكن لكن الحلو وانتي معانا معقولة بس؟ماانتي احلي من الحلا…ايه رايك في المكنة دي

رد
Emma, on يوليو 14, 2010 at 5:03 ص said:

السلام عليكم ورحمة الله تعالى وبركاته
اخواتي العزيزات الراقيات ، انا مشتركة جديدة معاكم في المدونة دي لوتسمحلي الاخت سمسماية بكدة ……….. بصراحة انا زيكم مهتمة جدا بمجال الطبخ وتجريب الوصفات الجديدة ……… ودخلت المدونة هنا بالصدفة كنت بفتش علي وصفة مزبوطة للفطير السوداني …….. وطبعا فرحت جدا لما لقيتها هنا في المدونة المميزة والممتازة دي ……. وفرحت اكتر واتشديت ليها لما قريت كلماتكم البتعبر عن بنات راقيات ومميزات وبيحبو الحياة و” ايجابيات” …….. ودي اكتر حاجة شجعتني اني اشترك هنا واشارككم بمعلوماتي المتواضعة عن المطبخ ………. فياريت لوتسمحولي اني اكون اخت ليكم في الله وانشاءالله حتلقوني هنا طوالي بعد كدة ……. لانو الواحد مابيصدق يتعرف ليهو على ناس مايحس انو بيضيع وقتو لما يتكلم معاهم ويتونس ونسة هادفة ويفرق على روحو في الزمن الصعب دة ………. وأكييييييييييد بخص بكلامي دة كلو الاخت سمسمايا طبعا لانها هي صاحبة الفضل في اني اعرف انو لسة الدنيا بخير من خلال المدونة دي ………… اجمل الامنيات بالتوفيق ليكم في حياتكم ……….و…. إلى لقاء …………

رد
Emma, on يوليو 14, 2010 at 6:03 ص said:

هنوها, على يوليو 14, 2010 في 5:44 ص Said:
سلااااااااااااااااااام وينكم يا عالم مشتاقون وكده
اولا برحب بالاخت الغالية ايما اتمنا اكون نطقت الاسم صاح وكتر خيرك بالنيابة عن اخواتي النايمات هسع انا طبعا بجي بحرس المدونة بالليل هههههههه وفعلا حتلاقي هنا ناس ناضجين وقلوبهم ذي القشطة ام سمسمتنا دي فعالم براها ولا ازكيها علي الله بالجد نعم الاخت وخير الاصدقاء وقد لاتقدر ترد عليك لانو الكمبيوتر حقها ضارب سحروهو بعيد عنك بعد الابري الابيض مباشرة الحالة دي الرقاق ما وصل ههههه
لكن مراااااااااااااااااحب يا ايما والدار دارك

…………………………………………………………………………
ههههههههههههههههههههههههههههههههههههههههههه
واللهي ضحكتيني شديد ياهنوهة بكلام العين الصابت سمسمة بعد الابري الابيض دي ……….. الله يستر منها لمن يجي الرقاق ……….. ” والله يجيبو بالسلامة “ويصلح جهاز سمسة وحفظو هو والرقاق من كل العيون لانو انا الرقاق دة بالذات مابتفاهم فيهو ……… وممكن اخسر اي زول بسببو ………. وشكرا على ردك وترحيبك بي ودي حاجة ماغريبة على ناس المدونة النايمين حسة ديل لانهم زي ماقلتي فعلا واضح من طريقة كلامهم انهم قلوبهم بيضا وربنا يخلينا لبعض ويديم المودة …….. اما بالنسبة لحكاية حراستك البي الليل دي……… انتي شغالة في شركة الهدف زيي ولاشنو؟! لانو انا برضو زي ماتقولي كدة بساهر بالليل وبحرس الكتير من المواقع والمدونات ……… فأكيد نحن زملاء في الشركة بس مااتلاقينا قبل كدة ……. وبعدين القالليك الدنيا حسة ليل منو ؟؟؟الصبح مااذن عندك وماصليتي ولاشنو؟الظاهر انك نعسانة وماجايبة خبر ……….. وعلى فكرة …….. انا برضو زرت المدونة حقتك عن طريق الرابط الموجود هنا وعجبتني المواضيع الفيها ………. بس بصراحة ماقدرت اشوفها كلها لانو من امبارح وانا حاتلة بيهنا بقرا في الونسة وبشوف في الوفات الهنا ” اصلي لمن القى اي حاجة ليها علاقة بالطبيخ بنسى اي حاجة تاني وممكن اقعد بالساعات مع المواضيع دي ……. لكن انشاءالله حاازورها تاني واقرا مواضيعها بالتفصيل …….. شكرا ليك مرة تانية على ترحيبك وانشاءالله حنتقابل هنا كتير بما اننا ناس ” الهدف” انا وانتي ……….

رد
ام اماسي, on يوليو 14, 2010 at 8:54 ص said:

الحمدلله ياهنوها أقصد ياايما نحن ناضجييييييييين وقلوبنا ذي القشطه وقلوبنا بيضاء00 لأننا مسلمين قبل كل شئ0000والحمدلله الواحد عقله يوزن بلد بكاملها 000لكن فينا الدم السوداني الحار شويه وفينا الصراحه المطلقه لو عايزين نقول كلام للزول بنقوله في وشه مابنلف ولا بندور 0000وصفاتنا دي خلتنا نقدر ندير جامعات بمسئوليه تهد الجبال وخلي الناس تعاملنا باحترام 00وعقلنا ده جبناه من ابهات بديرو في بلدنا الان0000والحمدلله نحن نفخر بذلك
وشكرا لك

رد
- Emma, on يوليو 15, 2010 at 8:02 ص said:
  
  فعلا ياام اماسي كلامك صاح مليون في المية ومامحتاج اصلا اني اأكد عليهو …….. والحمدلله عدد خلقه ورضانفسه وزنة عرشه ومداد كلماته على نعمة الاسلام لانها الاساس لكل حاجة طيبة في الدنيا دي ، ومافي احسن من الصراحة والخط المستقيم بين كل النقاط مش بين نقطتين بس …… وخليك على كدة حترتاحي دنيا واخرة والله يكملك بعقلك انشاءالله ……. شكرا على ردك و ……… اسوة بالحبيب عليه الصلاة والسلام …….. أسأل مثبت القلوب ان يثبت قلبك وقلوب جميع المسلمين على دينه سبحانه وتعالى ……….
  
  رد
ام اماسي, on يوليو 14, 2010 at 9:28 ص said:

شكرا كتييير اختي سمسمايه علي اهتمامك بنا 000وترحيبك بكل حاجاتنا000 وشكرا علي اللحظات الرائعه التي قضيناها في المطبخ الرائع 00جعله الله لك في ميزان حسناتك00وشكرا لك لانك جعلتيني اتعرف واتواصل مع الراااائعه جدا جدا ام ساره00وشكرا كتيير للأخوات المشاركات بصفحة الزوار وشكرا علي كل حرف سطر بأسمي000معليش انا بسجل انسحاااااااااب نهائي من المطبخ 00سوف اشتاق لكم لكن ماباليد حيله
وداعا

رد
ام اماسي, on يوليو 14, 2010 at 9:36 ص said:

مشكوووووره ياغاليه 000بس انا كنت بمزح عشان احركك شويه 000ولاننا اشتقنا لسمسمه وافتقدنا سلامها كنا عايزين السلام يجينا من خلالك 00وسماح ياست السماح

رد
هنوها, on يوليو 14, 2010 at 10:39 ص said:

السلام عليكم با حبايب ابشركم اتصلت علي السمسماية وهي بخير والكمبيوتر تقريبا اتصلح وقد تداوم بعدين حلوة تداوم دي ههههههه وبتسال منكم والله شديد

رد
هنوها, on يوليو 14, 2010 at 10:51 ص said:

لاااااااااااااااااااااااااا يا ام اماسي في شنو ؟اوعك تكوني زعلتي مني
والله انا تعبانة وداخله فقط عشان افرحكم انو اتصلت علي سمسم وابلغكم سلامها لقيت ردك قريت كلامي الف مرة وكمان كلام الاخت ايما ما لقيت شي او علي حسب اعتقادي عموما يشهد الله اني ما اقصد شي في كلامي غير كل ماهو طيب ولاداعي للانسحاب فهذا مطبخ سمسماية وهي لاذنب لها وحق الخوة البينكم يفرض الا تنسحبي

ودمتي اخت عزيزة اعتز اني التقيتها يوما عبر كل كلمة رائعة كتبتها

دمتم بعافية
في رعاية الله

رد
ام محجوب, on يوليو 14, 2010 at 11:36 ص said:

صباح بلونالحليب وعطر الورد وله مذاق العسل
وينكم يا احلي لمة والله وحشتوني
ام اماسي ياعسلي ايه القرارات الخطيرة دي اولا لازم تعرفي انوحاجة زي دي غيرمسموح بها علي الطلاق ونحن ماحنطلع مظاهرات نحن حنعتصم ونضرب عن الطعام اذا قلتي كلام زي دة تاني

رد
- ام اماسي, on يوليو 15, 2010 at 1:18 ص said:
  
  ام محجووووووووب ياعسل وياسكر كلامك ده علي راسي من فوق 000انا بقدر اسيبكم ياغاليات ؟ والله انتو الواحد يمسك فيكم قووووووي ومايفرط فيكم لانكم كننننننننننننز 000صدقيني والله دي مامجامله 000والله معزتكم كبيييييره في جواي 000تسسسسسسسسسسلمي غاليتي 000والله ماعارفه اقول ليك شنو؟ لكن انتو احلي من العسل زاتو000ربنا يخليكم لي
  
  رد
simsimaya, on يوليو 14, 2010 at 9:49 م said:

السلام عليكم ورحمة الله
اخواتي الغوالي
افرد ازرعي لاضمكن الي صدري ضمة محبة وشوق وحنين حنين الي هذا الجمع -والذي احسبه حبا في الله-
لاسلم عليكن واحدة واحدة باسمائكن والقابكن اسلم علي اخوات احسهن قريبات جدا مني واكاد اسمع سؤالهم بأذني
اخوات احسست في هذه المدة انني افتقدهن كثيرا وان لقاءكن داخل هذا المطبخ وكانه لقاء حي استشعره بكل حواسي وكم وكم فرت الدمعة من عيني لتعبر عن الحب والشكر والامتنان عندما تعجز الكلمات من صياغة ما احس به فلكن الحب
انا ادعو لكن الله ان يسلمكن من كل شر ويحفظكن ويخفظ يعيالكم وازواجكن

مودتي مودني مقرونة بالشكر والاحترام
سمسماية

رد
simsimaya, on يوليو 14, 2010 at 10:06 م said:

ما شاء الله لقيتكم حارسين المطبخ دي المحرية فيكم
ولو عارفة انتو ح تسألو من مني بهذا الشوق والهذه المحبة
كنت خسرتا الجهاز زماااااااااااااااان
لكن تااااااااااااااااني بخسرو
ههههههههههه
اول شي برحب بالاخت ايما بقول ليها انت في دارك وبين اخواتك
وان شاء الله تلاقينا زي ما قلت وتثبت لك الايام
هنوها مشكورة علي الاتصال فانت اخت غالية وما غريب عليك
ام اماسي حبيبتي فعلا نحن شعب كل الصفات ىالجميلة يتحلي بها وقلوبنا بيضاء مثل القشطة كما قلتي والاخت هنوها
بعدين الكلام المكتوب دا شنو ما تتقلي عيار الهزار البنات ديل قلبهم رهيف ما بتحمل
شفتي هنوها كيف اتخلعت وام محجوب قعدت تتمتم
هههههههههههههه
وين ام سارة ما ظهرت اليوم وهوما وام احمد وام رنيم وام لينه الايام دي في السودان وام احمد الاخري وام ريم
وزينة ان شاء الله اجازة سعيدة
وكل كل الاخوات ما عايزة انسي اسم لكن ان حصل
فانتن في القلب متربعات
اتمني من الله ايجمعنا في الخير وبالخير
مودتي

رد
ام اماسي, on يوليو 15, 2010 at 3:15 ص said:

اختي الغاليه سمسمه

لو كل من عاشر لقى مثلك إنسان
كان إمتلت روح البشر بالمحبة000000
ولو السماء تمطر قلوب جميله
انا اشهد انك اول قطرة من مطرها0000000
تسسسسسسسسلمي غاليتي

رد
UmAhmed, on يوليو 15, 2010 at 6:14 ص said:

السلااام عليكم و رحمه الله تعالى وبركاته يا أهل الخير

الاخوت العزيزات جدا،،أولا جزاكم الله خير على سؤالكم الدائم عن اخوتكم وإن شاء الله

ربنا يديم الاخوه البينتنا دي لله ذي ما قالت العزيزة سمسماية ،،،معليش أنا مرات كتيرة

بزور المدونة وما بكتب لانو ذي ما قلت لكم ما بعرف اكتب بالعربي سريع وما عندي كيبورد عربي

وانتو ما شاء الله بتكتبو بسرعة،،ههههه،يعني أنا على بال ما أمشي و- اكتب وأرجع تاني بكون بكرة جا ….

لكن ونستكوم ووصفتكم رهيبة ويا أم أماسي فعلا جزاك الله خير على النشا والكاستر ،،دايمن بتذكرك بيهم..

في أمان الله

رد
ام اماسي, on يوليو 15, 2010 at 6:50 ص said:

ام احمد يااااااااااااغاليه والله اشتقنا ليك وافتقدناك كثيرا 000
والله اليوم كنت براجع في صفحة الزوار من البدايه ومريت علي تعليقاتك الحلوه 000واتذكرت ايام اللمه الجميله 00 واتمنيت اننا نتواصل ونتناقش ونسأل بعض في كل مفيد وجديد000اتمني لما ارجع من السودان القي اللمه والناس الحلوه مجتمعين من جديد ونلقي الجديد والمفيد 000النشا والكستر عندي ليكم مجلد وصفات لما ارجع من السفر واوريكم اسرارالوصفات تاني كل واحده حتنوم وخاته تحت سريرها شوالات نشا وكستر ههههههههههههههه00لك التحيه غاليتي000سلام شدييييييد لام لينه العسل

رد
Emma, on يوليو 15, 2010 at 9:02 ص said:

يا سلام يا ايما نشيلك فوق فوق في راسنا و اكيد ح تكوني اضافة لينا و يلا حبي الحياة

ياسلااااااااااااااااااااام عليك انتي يازينة وانتي فعلا زينة …………….

والله يسلم راسك ، والله كلامك خجلني وعقد لساني عديييييييييييييل وانا اصلا مابعرف اعبر بالكلام كويس وانتي زدتي الطين بلة ، ووالله قربت الدمعة تفر من عيني زي سمسماية …….. ” قصدي دمعة العين طبعا ماحقت القراصة “…………. !!! وشكرا على حسن ظنك والله يقدرني اكون عندو ……… وبمناسبة ” يلاحبي الحياة دي ” ……… اكيد لازم تتحب مع اخوات زيكم ……… وبيني وبينك ” ذكرتني بالغنية الفي دعاية فير اند لافلي ” ………….. ههههههههههههه ……. الله يخلينا لبعض ………….

رد
zeena, on يوليو 17, 2010 at 8:53 ص said:

بالضبط كدى يا ام سارة انت قلت بتعملي في تجارب لرمضان صيام و عاهو اكيد سفرة رمضان يلا بتفطوري شنو
هههههههههههههههههه

رد
zeena, on يوليو 17, 2010 at 9:28 ص said:

اهم حاجة البلح و الشوربة او النشا يعني حاجة دافئة اما الفطور فيهو البليلة و الطبق الرئيسي بيكون قراصة او عصيدة و تاني حاجات خفيفة يعني سلطات طعمية بيض لحمة(لحمة معمولة اي شئ) و لكن لما ما يكون في الطبق الرئيسي بيكون الفول حبيب الكل و نحنا في رمضان بنقاطع الطبيخ و نعلن الحرب عليه (بس تقلية او نعمية او ملاح روب)
بعد كده العصير و اهم حاجة الابري (السنة دي مافي) ومعاهو عصير مانجو او جوافة او برتقالاو قنقليز

رد
ام سارة, on يوليو 17, 2010 at 1:59 م said:

يازينة موتيني من الضحك نقول تور تقولي احلبوه نقول صايمين تقولي سفرة ههههه انحنا العصيدة شي اساسي وابري كلنا مافي السنة دي والبليلة والبلح وطعمية وفول وسامبوسة تقدري تقولي طبق اساسي محشية جبنة سادة جبنة الطيب غير مالحة والحاجة الحلوة لاغني عنها غالبا ماتكون كنافة محشية قشطة ومرات بسبوسة الشيرا حقتها حليب لونا واحيانا دجاج محمر والعصير توت ومنقة جمدة بالحليب وفراولة مجمدة بالحليب والبرتقال والليمون شي اساسي للعطش وكدا والعشاء شوربة او قراصة بالدمعة او كبسةوسلطة

رد
ام سارة, on يوليو 17, 2010 at 2:03 م said:

يلا يانسوان ادونا افكاركم في النشا والشوربة النشا بالقضيم تخصص منو ياياحريم اتفاعلو معانا حركيهم شوية يازينة

رد
om lina, on يوليو 18, 2010 at 4:50 م said:

السلام عليكم يا أخواتي والله اشتقت ليكم كتييير … أنا في السودان الحبيب وريحة الحلومر تفوح من كل جانب ….مرحب بالاخوات الجديدات ويا سمسماية كيفك كده مشتاقين… ابدعتي في الابري الابيض …والله انتي فنااااانة
ما ح اقدر اتواصل معاكم بانتظام في الفترة دي لكن كل شوية بدخل اشوف الجديد…. جيت قشرت بالمدونة ووصفاتها الرائعة

رد
ام سارة, on يوليو 22, 2010 at 7:21 م said:

واللة خجلتوني عدييييل هو انا زاتي ببغي براكم مابقدر لكن بجي الطيش هههههه لكن عشان خاطركم ياحلوين بزوركم مرة مرة

رد
- simsimaya, on يوليو 23, 2010 at 9:18 ص said:
  
  ام سارة كيفك
  ان شاء من الناجحات الاوائل ياستي
  من قلتي انسحااااااااااب قلت كدي روقي ياسمسماية
  نشوف النسوااان بسون شنو لو ما رجعت عن قرارها
  انا بدخل بالقوة الجبرية لانو ما عندنا ابدا انسحاب
  ممكن نقبل دخول مطقطع وتسجيل حضور
  لكن انسخاااااااب لا والف لا
  وكويس ان حنيتي عليهن
  والله رحمك من عذاب الجبر
  ههههههههههههههه
  
  حمدا لله علي السلامة
  
  رد
ام جود, on يوليو 23, 2010 at 9:20 ص said:

السلام عليكم سمسمايه تسلمي لينا وربنا يزيدك و طبعا معظم وصفاتك طبقتها والله جميله وتغير حتى زوجي واصاحابو بقو كل ما يلقوني عامله حاجه جديده يقول لي الليله الاكل من سمسمايه واتمنى المزيد من الوصفات .

رد
- simsimaya, on يوليو 23, 2010 at 10:11 ص said:
  
  وعليكم السلام ورحمة الله
  الف مرحب بيك ام جود
  وتسلمي ياستي وشهادتك دا اعتز بها وتاج علي راسي
  وان شاء الله بالهنا انت واسرتك وضيوفكم
  
  رد
simsimaya, on يوليو 23, 2010 at 9:21 ص said:

يسلم قلبك من الوجع
خلاص توأمك رجعت
كنت ناوية عليها نية
بس ربنا سرها وسترني معاها
هههههههههههه

رد
- ام اماسي, on يوليو 23, 2010 at 10:01 ص said:
  
  هههههههههه الحمدلله ياام ساره رجعتي لينا بالسلامه 00
  ده سمسمه هتعمل فيك عمليه انما ايه محدش راح يلحقك هههههههههه
  تسلمي غاليتي سمسمه والله انتي العسل كله
  
  رد
ام محجوب, on يوليو 23, 2010 at 11:42 م said:

سلاااااااااام يا اعز الناس
بتباااااااااااااااالغوا عديل كدة لا سؤال ولا نداء ولا حتي بيان في القنوات الفضائية لشجب واستنكار غياب ام محجوب؟ايش فيكم انتو ؟طبعا دخلت وبديت الصفحة من الاول قلت كدي النشوف السال مني منو واقرا واقرا واقرا وكل ما اشوف اسمي اخد لي صنة اقول هي في زول فقدني لكن واااااااااااشريري زول جاب خبري مافي عشان كدة انا زعلااااااااااااااااانة وكان ماحنستوني شديييييييييييييد مابدخل

رد
ام اماسي, on يوليو 24, 2010 at 1:38 ص said:

عصير العرديب لرمضان
تعملي عصير عرديب عادي + سكر + 2مك نشأ +المشروب الغازي فروت سمارت بنكهة الرمان (الحبه بريال موجود في كل السوبر ماركت وكمان عند الحريم في الاسواق) + ثلج مجروش تخلطي المقادير دي تماااااااام بالخلاط وتصبيه في الكاسات واستمتعي باحلي مشروب
(المشروب الغازي بنكهة الرمان نفس طعم عصير العرديب وفيهو حموضه تجنن ) جربوه وادعن لي

رد
ام سارة, on يوليو 24, 2010 at 1:39 ص said:

ههههههههههه ياسمسماية موتيني من الضحك اللة يسلمك ياغالية لكن مع التقلية الرهيبة دي مافي اوائل واللة من يوم الاربعاء ماقريت حرف وكمان عملتة غياب مامشيت عشان ماحافطة ههههههه طبعا بدرس مع الانجليزي سورة الكهف وعندي ولدي يومي بدرس سورة وبكرة يسمع عمرة ثلاثة سنة كان شفتي التسميع ههههههه مابتعرفية بتكلم هندي ولا اسباني هههههه وبنتي كل يوم بتسمع سورة صغيرة يعني البيت في الليل خلوة بس وكل مايغلبني الحفط بجي داخلة عليكم

رد
ام سارة, on يوليو 24, 2010 at 1:45 ص said:

ابداع يا ام اماسي عودتينا دايما علي العطاء الدفاق حتي وانتي في عز زحمة السفر بتفكري فينا تسلمي

رد
ام اماسي, on يوليو 24, 2010 at 3:43 ص said:

ياام ساره والله انتو بتستاهلو الواحد يديكم الدنيا كلها ياغاليات
تسلمي اختي العزيزه

رد
ام اماسي, on يوليو 24, 2010 at 4:09 ص said:

ام محجووووووووووووب وينك افتقدناك ماباركتي لي الرجوع هههههههههههه شكلك مشغوووووله ربنا يديك العافيه 000 طلي علينا 0000وتحياتنا ياغاليه

رد
ام محجوب, on يوليو 27, 2010 at 9:37 م said:

هلا

رد
simsimaya, on يوليو 31, 2010 at 11:11 م said:

الليلة والله انا اسعد زول بتعرفو لي؟
اكيد ما تعرفوا سبب السعادة والفرحة الا اذا انا قلت ليكم
لاقيت زولة رقيقة وعسل وشفاف قلبها ابيض زي القشطة
اهم حاجة ونااااااااااااااااااااااسة وعسل
هي اختي وغاليتي um lina والله تشرفت جدا بزيارتها
واحسست معها بالفة غريبة
كانني قابلتها من قبل
شرفتيني والله شرفتيني يا غالية
وسعدت جدا بك شقيقتك وطفلتك الحلوة
اسعدك الله اختي دنيا واخرة

رد
ام سارة, on يوليو 31, 2010 at 11:49 م said:

ياسلام ياسمسماية واللة انا

رد
simsimaya, on اغسطس 1, 2010 at 12:13 ص said:

ام سارة وباقي النسوان شوفو صفحة شرح وتوضيح
عملت ليكم ملاح التقلية2 باللحمة المفرومة
والمرة دي عملتها بالفطير (القراصة)

رد
om Lina, on اغسطس 14, 2010 at 10:12 ص said:

السلاااام عليكم ورحمة الله أخواتي العزيزات في مطبخ سمسماية … سمسماية زينة أم سارة أم أماسي هوما أم محجوب أم ريم أم رنيم أم أحمد ندى هنوها ايما وكل الاخوات كل سنة وانتن بخير ورمضان كريم عليكن …
اشتقت ليكم وللمدونة وان شاء الله اتابع واشوف الجديد معاكم في رمضان.
كان لي الشرف العظيم في لقيا الحبيبة سمسماية وما بقدر أوصف مدى اعتزازي بي معرفتها ….ما عاوزة أشكّرها قدامها لكن والله ذوق ولطف و روعة لا مثيل لهم …. تألف النفس صحبتها واستمتعت بالحديث معها ولكن دائما الوقت ما بيسمح بالمزيد …. ان شاء ربنا يجمعنا تاني في ساعات الخير وان شاء الله كل واحدة منكن تحظى بما حظيت به من شرف رفيع.

رد
- simsimaya, on اغسطس 14, 2010 at 8:46 م said:
  
  حمدا لله علي السلامة
  ياستي انا والله تشرفت بلقائك
  اذا كان الاحساس يمكن تعبر عنه الكلامات لوصفت لك احساس
  ذلك اليوم يوم ان جئتي لزيارة يا الله… ما اروع تلك اللحظات
  والله ما عارفة الاحساس داك شنو
  حسيت كان شقيقتي جاءت من سفر بعيد
  لا ادري احساس لم احسه من قبل ولكن فرحت به كثيرا
  وحدثت كل من قابلني بزيارتك … يا غالية
  
  رد
om Lina, on اغسطس 14, 2010 at 10:25 ص said:

أم محجوب العزيزة والله أنا برضو اتاسفت اني ما قدرت ألاقيك لكن والله شوفة سمية ومعرفتها كأني لاقيتكم انتي وزينة … جد اتمنيت لقياك من ما سمعته عنك من سمسماية لكن ما مسألة سوء حظ ، يمكن ربنا كاتب لينا نتلاقى في وقت أرحب و أحسن من كده… تحياتي لمحجوب وأبقوا عشرة على سمسماية الرائعة.

رد
om Lina, on اغسطس 14, 2010 at 10:28 ص said:

شكرا يا أم سارة ان شاء الله كمان الاقيك وأسعد بمعرفتك كما سعدت بمعرفة سمسماية. تحياتي للاولاد.

رد
zeena, on اغسطس 14, 2010 at 9:39 م said:

تسلمي ام لينا و ان شاء الله عقبالك يارب ………..و منتظرين الابداعات الرمضانية

رد
ام سارة, on اغسطس 15, 2010 at 1:17 م said:

تحية كل السيدات ورمضان كريم وحمدللة علي السلامة يازينة نورتي المطبخ انا جربت حاجات كتيرة وطلعت جنانورونا متين المسابقة عشان الترتيبات وكدا ههههه

رد
zeena, on اغسطس 28, 2010 at 9:53 ص said:

تسلمي ياست الكل انت الاصل و ست البيت……….و بعدين ما عارفة الجماعة مختفين ليش في رمضان………..و طبعا ام محجوب تجي جارية حركات و تطلع يعني عملي مافي هههه

رد
zeena, on سبتمبر 3, 2010 at 9:39 ص said:

هلا هلا يا كوكي …………المطبخ عامر بيك …………..و البيت بيتك بس نوريك اولا شروطنا …………اول حاجة تعملي تطبيقات للاكلات ……….و اهم حاجة ترسلي لينا منها الفي امريكا و الفي كندا و حلوات السعودية و ناس قطر و الامارات ما تنسيها برضو فيها عضوات و بنات السودان احلى بنات ……….رايك شنو……………ههههههههههههههههههههه

رد
- simsimaya, on سبتمبر 3, 2010 at 6:02 م said:
  
  ههههههههههههه يا زينة خلعتي البت
  خليها تستريح شوية ونديها الضيافة
  وبعدين نبدأ في الشروط
  واهم حاجة ما تنساااااااااااني انا
  ههههههههههههه
  
  رد
simsimaya, on سبتمبر 3, 2010 at 6:00 م said:

اهلا وسهلا اختي عزيزة وغالية
ونحن ما عندنا عضوة جديدة الكل سيد البيت وال ما دخلتي المدونة بقيتي ست البيت يا كوكي
وانا بهنئ انفسنا بانضمامك لي مطبخ سمسماية
واهلا وسهلا
جانا العيد

رد
zeena, on سبتمبر 25, 2010 at 9:59 م said:

بالغتوا يابنات وينكم يعني من ام اماسي سافرت و الدار خلا اتحركوا شوية ………….يا ام سارة بقيتي تظهري بهناك بهناك………..ام محجوب وينك …..ام ريم ام لينا هنوها

رد
- simsimaya, on سبتمبر 25, 2010 at 10:43 م said:
  
  بالله نادي الحريم ديل عليك الله
  هسي ام اماسي تجي تلقي الدار خلا بتزعل منكم
  يلا منتظرنكم
  
  رد
ام سارة, on سبتمبر 28, 2010 at 4:46 م said:

انا موجودة يازينة بس بقيت اكسل ادخل مشاركات الزوار عشان التحميل فيها تقيل وعايز اقل شي خمسة دقائق حتي اصل محل الكتابة لكن شغالة تطبيق وكل طلع تمام والطعم جنان ربنا يدي سمسماية الهناء والسعادة والايام الطيبة

رد
zeena, on أكتوبر 1, 2010 at 10:02 م said:

اولا يا ام سارة مشتاااااااااااااااااااقون و عشان الصفحة تقيلة بقترح على سمسماية مسح الاشياء القديمة بالذات الونسات و تبقى بس الوصفات عشان نستفيد منها.
تانيا زينة سااااااااااااااكت اتاريك عاملة حركات في التطبيقات و انا قاعدة ساكت ما سامعة بس بالصدفة و الله انت بقيتي حاجة تمااااااااااااااااااااااااااااااااااااااااااااااااااااااااااااااااااااااام

رد
simsimaya, on أكتوبر 7, 2010 at 6:51 ص said:

السلام عليكن اخواتي
معليش لانشغاللي ولكن اليوم بعد العمل سوف ارد علي الجميع
لكن التحية

رد
simsimaya, on أكتوبر 9, 2010 at 5:36 م said:

رد
zeena, on أكتوبر 14, 2010 at 6:10 م said:

و الله يا بنات المطبخ مبالغة وينكم جد مشتااااااااااااااقين اظهروا ان شاء الله يوم واحد في الاسبوع و يا ام اماسي باااااااااااااااااااااااالغتي عدييييييييل وينك

رد
neeso salah, on نوفمبر 25, 2010 at 11:11 ص said:

صراحه ما عارفه اقول ليك شنو يا سمسمايه بالجد الصفحه اكتر من رائعه , والزوار كمان مشاركاتها حلوه خالص , شهيتونى اتفنن معاكم والله بس حبه حبه انشاءلله وحتساعدينى مش كدا , تسلم الايادى

رد
- simsimaya, on نوفمبر 26, 2010 at 10:44 م said:
  
  تسلمي نييسو ومشكووووورة غاليتي
  مودتي
  
  رد
zeena, on نوفمبر 25, 2010 at 7:09 م said:

سلاماااااااااااااااااااات ميسو ………..انت الاروع بس نحنا بننتظر مشاركااااااااااااااتك الحلوة اكيد و اكيد انت مبدعة و يلا سرعة نحنا جوعانييييييييييييييييييييييييييييييييييييييييييييييييييييين هههههههههه

رد
2010 in review « مطبخ سمسماية, on يناير 2, 2011 at 2:33 م said:

[...] مشاركات الزوار [...]

رد
- ام ريم, on يناير 24, 2011 at 7:57 م said:
  
  سلام عليكم يا سمسماية كيف اخبارك وكيف اخباركم يا زوار سمسماية واشتقت ليكم كتير ومعليش على الانقطاع بس كان لظروف كتيييييييرة والحمد لله انها عدت
  
  رد
  - simsimaya, on يناير 25, 2011 at 12:32 ص said:
    
    حمد لله علي السلامة
    واحشاااااااااااااااااااااااانا يا زولة
  - om lina, on فبراير 1, 2011 at 4:34 م said:
    
    حمدالله على السلامة يا أم ريم والله المدونة افتقدت ناس كتير ويا ريت الناس ترجع زي زمان وتنتعش صفحة مشاركات الزوار .
om lina, on فبراير 1, 2011 at 4:43 م said:

سمسماية العزيزة… تحياتي ليك ولكل الاخوات …أولا شكرا على انك نزلتي لي تطبيقي مع انو كان ما قدر المقام وكده.. تانيا عندي عتاب دايرة أقوله من بدري وهو انو عندك بعض الوصفات بتنزليها في الفيس بوك بس و في ناس ما عندهم حساب فيهو (زيي كده) حقهم ح يضيع …أنا مرات كتيرة بدخل بي الرابط بتاعك (قروب مطبخ سمسماية) وبلقاك منزلة وصفات (شفهية) مهمة ….أرجو وضعنا في الاعتبار…ودمتي (ملاحظة: شايفة صفحة مشاركات الزوار بقت تفتح أسرع شوية)

رد
simsimaya, on فبراير 2, 2011 at 9:14 ص said:

اهلا يا ام لينة لا شكر علي واجب ومشكوووووووورة علي اهتمامك ابدا مافي حاجات بتنزل في القروب ونا بتنزل في المدون اول حاجة بنزل في المدونة وبشير ليها في القروب بس مرات بعمل ليهم جو وبنزل الصورة بدون وصفة وبقول ليهم ترقبوها وبنزلها في المدونة بعد كم يوم للتشويق بس اعضاء القروب هم البنزلو بعض الوصفات في القروب يعني انا براءة
لك التحية

رد
هنوها, on فبراير 6, 2011 at 5:51 ص said:

سلام ياكرام
انا جيت مافي كباية شاي ولاقهوة وبالعدم كابتشينو هههههه
مشتاقين كميات

رد
- simsimaya, on فبراير 6, 2011 at 6:52 م said:
  
  الشاي في النار يا هنوها قلنا بعد نرمي الزلابية نفرع الشاي شرفتينا
  
  رد
هنوها, on فبراير 6, 2011 at 5:23 م said:

اين اهل الدار ليه مافي حد؟

رد
- simsimaya, on فبراير 6, 2011 at 7:13 م said:
  
  مصنقرة برااااااي تعالي جاي
  
  رد
zeena, on فبراير 6, 2011 at 7:33 م said:

و الله ليكم وحشة انتو قاعدين بي جاي انا كل ما امر مافي حد عشان كدي كسلت و سلام خاص لام لينا و هنوها

رد
nana hasan, on فبراير 15, 2011 at 10:46 م said:

ازيكم يابنات حبيت اشارككم واستفيد من خبراتكم ممكن ترحبوا بيا

رد
- simsimaya, on فبراير 16, 2011 at 12:43 ص said:
  
  نانا الف الف مرحب والدار دااارك وسعداء بانضمامك يا حبيبة
  مودتي
  
  رد
ام براءة, on فبراير 17, 2011 at 9:05 م said:

سلام يا نسوان المدونة…سؤال لو عايزة انزل مشاركة اعمل شنوووووووو؟؟؟؟؟؟؟؟

رد
هنوها, on فبراير 19, 2011 at 3:49 ص said:

ام براءة حبابك الف مشاركتك لو كتابة اكتبها هنا في مشاركة الزوار ولو صور وكتابة ارسليها بالايميل لسمسماية او لوعندك حساب علي الفيسبوك انزليها في المطبخ هناك وهي بتنزلها ان شاء الله ومنتظرين ابداعاتك

رد
ام براءة, on فبراير 19, 2011 at 10:41 م said:

شكرا يت هنوها يديك الف عافية…قريب ح لنزل مشاركتى فى صفحتكم الجميلة دى

رد
- simsimaya, on فبراير 22, 2011 at 5:40 م said:
  
  هنوها ردت ووفت يا ام براءة
  
  رد
Alfatih Aljafari, on مارس 13, 2011 at 8:07 م said:

أنا مغرم بفنون الطبخ (رغم انو ما عندي ليه زمن)
لكن هذه المدونة شجعتني لضخ الدماء في هوايتي الضائعة و سوف ابداء ببسكويت الينسون و ربك يستر

رد
قمر الضواحي, on أبريل 12, 2011 at 3:30 ص said:

ام اماسي تحية اجلال وتقدير ليك
شكلك فنااااااااااانة في المطبخ
بس من غير مواخذة حااااااارقني الشمار ومشطشطني (بحب الحار) وعاوزة اسالك من عدتك رهيييييبة بتجيبيهم من وين؟؟؟؟ زوق رفيع تسلمي والعين تاكل قبل الفم احيانا حاجة تفتح النفس
ارجو الرد لاني بحب العدة والقشرات وانا ساكنة الرياض لو بتعرفي محلات هنا
شكرا لصدرك الرحب وتحملك البرية والنقة

رد
simsimaya, on أبريل 12, 2011 at 11:01 م said:

قمر القمورة كيفك واهلا بيك
ساكنة رياض بلدنا ولا ريااض السعودية
المهم اغلب العدة من هنا بصراحة ما مرات بتصادفني في بعض المحلات في هوم كير ولا سابكو وبرضو سوق امدرمان فيه حتجات حلوة يعني انت حظك تمشي تلقي حاجة حلو نازلة وبعدين النسولن يعجبوك بيشيلو اول باول
وفئ حاجات بتجينا من برة بس ما كتيرة
دمتي

رد
Zoola, on مايو 10, 2011 at 8:11 ص said:

Good job , I wish you all best you made us proud .

رد
سوسا, on يوليو 6, 2011 at 11:34 م said:

اليكم وصفتى كفته بالرز المصرى
مقادير عجينه الكفته
نصف كيلو لحمه مفرومه بس لازم تكون حمرا من غير دهون -كوب رز مصري مغسول ومنقوع -بصله كبيره مفرومه ناعم -5فصوص ثوم -كسبره خضرا -بقدونس من كل نوع نصف ضمه مقطعين صغير والاحسن انك تخرطيهم بمخرطه الملوخيه -ملح-كمون- فلفل اسود -شطه -بهارات مشكله من كل نوع نصف ملعقه صغيره عدا الملح تظبطيه علي ذوقك
نفرم كل المقادير مع بعض في مفرمه اللحمه اكتر من مره حتي نحصل علي عجينه ناعمه
تعمل على شكل اصابع وتقلى
[IMG]http://forum.hawahome.com/nupload/407024_1309981442.jpg[/IMG]

وهذا شكل الكفتة – ووكن تفرزنيها بالفريز لوقت الحاجه ( يعنى تخرجينها عجينه وتشكليها

رد
om ahmad, on يوليو 17, 2011 at 12:32 م said:

الله يعطيك الف عافيه ويوسع ليك رزقك حقيقه مشكورة على الموقع افدتينا جداجدا واي حاجه جربتها ماشاء الله بتظبط طوالي…بس كان نفسي القى عندك المكرونة بالباشميل ياريت تنزيليها لينا
ومشكورة

رد
om rayyan, on اغسطس 23, 2011 at 4:36 ص said:

السلام عليكم ورحمة الله
وكل رمضان وعيد وانتو طيبين
شكرا لسمسمايه الرائعه ،انا مغتربه وعندي مشكله في اجادة (المولاحات) لكن اكلي الرمضاني السنه دي كان مظبط مع وصفاتك، وكلنا مبسوطين خالص
ويا ام اماسي جربت عصيدة الزبادي وملاح النعيميه – طلعو شي يستاهل الثناء
جزاكن الله عنا كل الخير

رد
hanoha, on سبتمبر 22, 2011 at 3:40 م said:

سمسماية العسل عايزة اسالك في انواع الدقيق بتاعت السودان اها السمح ياتوا والزيت كمان للمعجنات والفطائر والسمنة البلدية واحسن سمنة
راسي ضارب افيديني افادك الله

رد
رنا, on سبتمبر 29, 2011 at 10:32 م said:

لو سمحتي يا سمسماية عايزة وصفة التشيز كيك ويا ريت بالمكونات (البدائل) المتوفرة في السوبرماركت الهنا في السودان

رد
- simsimaya, on أكتوبر 16, 2011 at 11:46 ص said:
  
  ان شاء الله يا رنا
  
  رد
ام ريم, on أكتوبر 10, 2011 at 3:04 م said:

ازيك سمسماية ممكنة تورينى طريقة عجنة الكرواسوان البيطبقوها كم مرة ديك وشكرا مقدما

رد
- simsimaya, on أكتوبر 16, 2011 at 11:57 ص said:
  
  اهلا وسهلا
  دا رابط
  http://simsimaya.wordpress.com/2009/10/07/%d9%83%d8%b1%d9%88%d8%a7%d8%b3%d9%88%d9%86-%d8%a8%d8%ad%d8%b4%d9%88-%d8%a7%d9%84%d8%ac%d8%a8%d9%86/
  
  رد
ام منيه, on أكتوبر 12, 2011 at 5:57 م said:

السلام عليكم
معكم ام منية

رد
redroz, on أكتوبر 22, 2011 at 12:56 م said:

السلام عليكم ار جو منكم ان تشرحوا لى طريقة عمل قرقوش الردة للرجيم

رد
أم مصطفى, on مارس 7, 2012 at 4:19 ص said:

أم مصطفى
السلام عليكم والله كل يوم اقعد في موقع سمسماية عشان اختار لي وصفة اعملها في الغدا من كتر وصفاتكم الجميلة يجى معياد الغدا وما اكون عملت حاجة لكن ان شاء الله اجرب كل مرة وصفة لكن ممكن وصفات خفيفة للرجيم عشان عاوزة انزل وزنى وعاوزة وصفات تنفع للرجيم وشكرا ليكم

رد
ام سارة, on مارس 15, 2012 at 9:57 م said:

السلام عليكم يا اهل الدار واللة مشتاقة ليكم شديد وبالذات سيدة المطبخ السوداني سماسم وجميع الزوار ام اماسي الغالية وزينة الرزينة وام لينة وام محجوب وام ريم وام محمد وام مصطفى وهوما ورنا هنوها العزيزة بالجد انتو علي البال طوالي

رد
ام عبير, on مايو 20, 2012 at 5:19 م said:

ماشاءالله وتبارك الله ربنا يخليك لينا ياسمسماية طبعا انا من مواليد السعودية واستفدت كتير من مدونتك كل مايكون في عزومة اجي للمدونة اختار الاكلات وامشي اطبق والحمد لله كل الاكلات نجحت معاي من بامية مفروكة والكسرى الحمد لله بسويها لاننا في قرية مكان يجبوا منها الكسرى مافي .ومحشي وكمونية وسلطة الجزروالحلبة وبسكويت الشاي انشاء اكون صديقة جديدة معاكم لكن حكاية الصور اصبروا لمن اتعلمها

رد