مشاركات الزوار

بسكويت اليانسون2

وصفة الاخت ام اماسي لبسكويت اليانسون


مقادير الاخت ام اماسي

6 م ط دقيق نشأ+3م ط كاسترد اصفر +3م ط دقيق ارز مطحون جاهز +4بيض+ كوب سكر مطحون

2م ط خل+نصف كوب زيت +مط باكنج باودر+2 مط حليب بودره+ فنيليا + 8 مط دقيق )

بخلاط العصير نخلط الزيت + السكر + البيض+ الخل+الفانيليا مدة 3 دقائق ثم نضيف باقي المقادير

م ط حبة البركه ونعجن باليد بتكون عندك عجينه ملزقه فكيها ب 4 مط زيت او ممكن تزودي الزيت شويه

لحد ماتفك العجينه وبططيها بيدك في الصينيه ودخليها الفرن

والله رهيييب ومابتدي الجنبك ولا حته جربيهو بسرعه وردي علي
( م ط= يعني ملعقة طعام كبيره ) لانها بتكون هشه

مرات بزيدها ربع كوب حليب عشان تكون قويه شويه

قمت بتطبيقها  وفعلا تستحق التجربة

استخدمت المقادير المقاييس المعيارية بس حسيت العجينة لينة شوية

فقمت بزيادة مقادير الدقيق (بانواعه)

الخطوات المصورة علي الرابط:

بسكويت اليانسون2

بس للامانة طعم ولا اروع

فلي السمك

ام سارة

كيلو سمك فلي، نصف م ك ملح ممسوحة
ثلاثة ارباع م ص كسبرةمسحونة
ثلاثة ارباع م ص شمار مسحون
نصف م ص كركم
خمسة فصوص ثوم مبشور ناعم رشة فلفل اسود حسب الذوق
دقيق للتغطية
زيت للتحمير
الطريقة
يتبل السمك بكل ماذكر ماعدا الدقيق والزيت ويترك في الثلاجة لمدة ثلاثة ساعات

ويعدها يخرج من الثلاجة ويغطي تغطية كاملة بالدقيق وعلية رشة ملح خفيفة ويحمر علي زيت غزير ونار هادئة
بالهناء

صنية الفطير بالبيض والجبنة

ام سارة


العجينة
3ك دقيق، ملح، م ص باكنج باودر، ماء للعجن
الحشوة
3بيضات، حبة فلفلية، حبة طماطم، بصل اخضر
ملح، التغطية، بيضة واحدة، ربع ك ص حليب
ثوم مسحون ورشة خفيفة كركم لاضافة لون جميل
ربع م ص خل
الطريقة
نعجن العجينة ونتركها ترتاح نصف ساعة
نفردها خفيفة جدا تكون بحجم الصنية وتمسح بالزيت ونرص فوقها جبنة شيدر شرائح طبقة كاملة

وبعدها نضع طبقة من العجين المفرود خفيف وممسوح بالزيت وبعدة نضع خليط البيض

يعني خليط الحشوة والطماطم والبصل والفلفلية كلهم نقطعهم مربعات صغيرة
ثم نضع طبقة اخرة من العجين وبعدها التغطية المكونة من حليب وبيض وملح

ورشة صغيرة كركم وثوم مسحون وخل وندخلها الفرن

وبعد خروجها نقوم بتغطيها مباشرا حتي لاتكون جافة وبالهناء

سر البوش

ام اماسي


هو ما سر لكن بضيف للبوش طعم حلو واكييد ماجديد عليك ياسمسمه

7 حبات طماطم كبيره+كوب ماء +  شطه خضراء( قرون)+ملح + 2ليمونه+4 فصوص كبيره توم + رشه بسييييطه فلفل اسود

تخلطي المقادير دي تمااام بخلاط العصير وتختيهم في باقه او توزعيها علي قوالب التلج او في قوالب صغيره كما في الصوره

وتحتفظي بيها في الفريزر 0000وتضيفي منها مقدار باقه صغيره( الموجوده في الصوره )

لصحن البوش00 ممكن تزودي منها اكتر00 بس ماتطلعيها من بدري عشان االخلطه  ماتخمّر

يعني في لحظة عمل البوش تضيفيها للفول وهو حار شويه عشان تذوب 00ثم تضيفي باقي مقاديرك

0000 صدقوني بتدي طعم رهييييب 000ولازم  تضيفو للبوش نص م ك فول  مسحون او اقل شويه عشان تدي طعم احلي

وبالهناء علينا وعليكم

الفطير بالحليب

ام اماسي


ماعندي ليهو مقادير معينه دقيق + مويه او حليب+رشة سكر (نحن بنحبه مقرمش شويه)+ملح
والعواسه بعداك00


اللقيمات علي طريقة ام اماسي

المقادير :
2 كوب دقيق( قابل للزياده حسب نوعية الدقيق)
2 ملعقة كبيرة نشأ
2 ملعقة كبيرة كاسترد
ملعقة صغيره سكر
ملعقة صغيرة خميرة فورية
رشة ملح

2 ملعقة كبيرة قشطه( ممكن استبدالها بجبن سائل بوك)
¼2 كوب ماء عادي
الطريقة
نخلط النواشف جيدا ثم نضيف الماء والقشطه ونعجن حتي تصبح لدينا عجينه اثقل بشويه من عجينة الكيك
ثم تترك تخمر  2ساعة حتى يتضاعف حجمها
وبعدين نحمي الزيت الغزير وتصب اللقيمات ثم نشيلها وتوضع في مصفاية ثم نضعها في الشيرة وتقدم

حلي الزبادي:

ام اماسي

الطبقة الاولي:

اولا بتطحني صندوق كامل بسكويت اولكر ويضيف ليهو 3 مك سمن بلدي

وبضيف 5مك حليب سائل مخلوط بتلاته ملاعق كبار حليب بودره

بعجن البسكويت ده لمن يبقي قوامها زي قوام الفول المسحون وببططها في الصينيه

الطبقه التانيه:

علبة زبادي +2كوب حليب بودره+ نصف كوب سكر مطحون وبخلطو بخلاط العصير

وبخته من فوق للطبقه الاولي وبدخلو الفرن من فوق ياخد 5 دقائق اول مايجمد بطلعو من الفرن بس حاسبي مايحرق

الطبقه التالته:

2ظرف كريم كراميل +2كوب حليب سائل + 5مك حليب بودره + علبة قشطه+ مك نسكافيه

ديل كلهم بخلطهم بالخلاطه وبختهم في النار اول ماتغلي بكبها براحه علي الطبقه التانيه

وبدخلا التلاجه بتجمد سريع وقطيعها مربعات وبالعافيه عليكم

حلي الضمنة

ام سارة

الطريقه :

1-في صينيه صفي بسكوت أولكر مغمس في حليب سايل

2- اخلطي كأسين حليب بودرة محموس + علبة قشطه + باكيت كريم كراميل + أصبع زبده مذوبه ع النار + نصف كأس سكر بودره في الخلاط

3- ضعي نصف الخلطه على البسكوت وافرديها عليه

4- صفي طبقة ثانيه بسكوت مغمس بالحليب

5- ضعي النصف المتبقي من الخليط فوق البسكوت

6- في الخلاط 8 حبات جبن كيري + ثلاث أرباع علبة حليب مركز نستله ثم يسكب على الصينيه
7- دخليها الفرن بشرط يكون حار جداً ثم أطفئي الفرن واتركيها ثلث ساعة اواقل فقط لتتماسك
8- قطعيها بشكل مستطيل بحجم حجر الدومينو

9- ارسمي بالشوكلاته السائله ( هيرشي ) خط بنص المستطيل ونقط على الجوانب بواسطة عود خلال عشان يكون نحيف ومضبوط

واذا ماعندك شوكلاته هيرشي اخلطي ملعقة قشطه مع كاكاو بودره لين يصير لونها غامق وارسمي بالعود

وتوضع فى الثلاجة حتى تتماسك وبالهناء امس كان شكلها جنااااااااااااااااان

حلي جلد النمر

ام سارة

المكونات:

بسكويت اولكر ،زبده، 2قشطه، نص علبة حليب محلى نستله، بيضه
فانيليا، نصف كاس تمر، ملعقه نسكافيه، 4كيري، 3ملاعق حليب بودره، نصف كاس سكر

الطريقه .

الطبقه الاولى

بسكويت مطحون + زبده + شوي ماء
نفردها بالصينيه بهذا الشكل

الطبقه الثانيه
قشطه + حليب محلى نستله + بيضه فانيليا + نصف كاس تمر ( 10حبات )
ملعقه نسكافيه

نخلط الطبقه الثانيه بالخلاط وتصير بهالشكل

ونحطها فوق الطبقه الاولى وتدخل الفرن

من تحت مده ربع ساعه ومن فوق حتى تجمد

الطبقه الثالثه

علبه قشطه + 4كيري + 3ملاعق حليب بودره + نصف كاس سكر

هنا السروالبطوله تحطين شي بسيط من هذي الخلطه على الوجه

والباقي تغمقينه بشوي نسكافيه او كاكاو بودره

وتنقطين على الوجه

وكل شوي تزيدين النسكافيه او الكاكاو وتشكلين في التنقيط زي جلد النمر
مره غامق ومره فاتح ومره كبيره ومره صغيره

وتستعملين ملعقه صغيره
في التنقيط

وبعدين تدخلينها الفرن

لاتولعين الفرن خليه على حرارتة بعد الطبقه الثانيه

ويوضع في الثلاجه حتى يبرد

العريكة

ام سارة


المقادير…

دقيق بر + ماء+ملح+2م زيت

جبنة تشيدر..قشطة التاج البيضاء عشان سائلة شوية ..عسل… سمن نباتي..او بري…تمر ..سكر مطحون…

الطريقة تعجني الدقيق مع الماء والملح على حسب الكمية اللي تبغينها وتكون عجينة حتى تفك من اليد ضيفى 2م زيت
اتركيها ترتاح نصف ساعة وبعدين افرديها
تحطين الطاوة على النار وتحطين شوي سمن بري وتحطين العجينه وتفردين العجينة بالنشاب تكون ماخفيفة شديد

وماتخينة وسط وتحمر بالطوة وزيت التحمير مسح فقط بالمنديل تحمر بالجهتين

يعني تصير مثل القراصة واذا استوى تقلبينه وتحمرينه شوي وتحطينه بصحن…

وهكذا حتى الانتهاء من الكميه…

بعد كذا نقطع الاقراص ونحطها بالمفرمه حقت الخضار…وكل قرص حطي له خمسة تمرات عجوة لانو

مفرمة اللحمة بتكون عجين عجين لكن محضرة الطعام بتخليها ناشفة ومندمجة مع البلح

بعد ماتفرمين الكمية كاملة حطيها بصينيه ورشي عليها السكر المطحون حسب الرغبة بس البلح بطعمها

وزيدي ملعقة سمن او على حسب الرغبة لو ما تبغيها دسمة…

وتحطين الصينية على النار وتحركين حتى تصير حارة..

خذي صحن التقديم ولازم يكون عميق شوي وحطي طبقة من العريكة ثم طبقة من القشطة

ثم طبيقة من الجبنة المبشورة ثم بالملعقة شوي عسل زي الخطوط…

بالترتيب…

بعد كذا نحط طبقة ثانية من العريكة ثم القشطة ثم الجبنة ثم العسل هكذا حتى تنتهي الكمية…

الشكل النهائي لها….انا بعمل طبقة واحدة ومابضيف سكر للعريكة عشان فيها بلح وفيها عسل عشان كدا مافى داعى للسكر

خبز الدار

ام اماسي

كيلو دقيق سمولينا، بيضه، 2 م ش خميره، م ط ملح،

2م ط سمسم او حبه سوداء، ماء دافئ للعجن
الطريقه
ضعي كل المقادير مع بعض واعجني تمام مدة نصف ساعه
حتي تكون عندك عجينه ناعمه ثم قسميها ل3 والباقي عندك بالصور
بالمناسبه ياام ساره اديك المعلومه المهمممممممممممه دي وياريت تركزي معاي كويس وتفهميها

اهم شئ اهم شئ اهم شئ اهم شئ اهم شئ في المعجنات طريقة العجن مهما كانت مقاديرك رهيبه

ومضبوطه لو ماعجنتي كويييييييس معجناتك بتخرب وبتكون تقييييييله 000 طريقة العجن تطبقي العجينه

في بعضها عشرات المرات عشان يدخل الهواء وهاك الرابط ده شوفي طريقة العجن

وركزي كويس وياريت تشوفي كل الفيديوهات وتدرسي طريقة العجن براااااااحه

وبتركيز شديد صدقيني لو عرفتي كيف تعجني حتنافسي المخابز الفخمه

طريقة القرقوش بالخميره

ام اماسي


رووووعه واهم شئ 00اهم شئ 00اهم شئ 00اهم شئ 00اهم شئ 00اهم شئ طريقة العجن ولو نفذتي كلامي

بحذافيرو بطلع ليك قرقوش رهيييييب000
من بالليل بتعملي العجينه البايته اسمها بالانجليزي
( sour dough)
000 بتجيبي كوب ونص دقيق +2 كوب ماء+ م ص خميره ( اهم شئ تكون م ص ماتكتري ولاتنقصي)+ م ص سكر ماتكتري السكر( عشان زيادة السكر في العجين بتظهر ريحة الخميره) كلها تخلطيها بمضرب السلك وتخمريها 12 ساعه علي حسب الجو في البيت
00 تاني يوم بتجهزي كوب حليب دافي + كوب زيت ( بتقسميهو النص) + نص كوب سكر+رشة كمون اسود+مك خميره + مك باكنج باودر + رشة ملح + الخميره البايته + الدقيق تقريبا كيلو او اكتر بشويه 000 بتختي النواشف مع بعض وتحركيم زيييين بيدك 000 (الدقيق في الاول بكون زي 3كوب ) ثم تعجني بالحليب +الخميره البايته+ نصف كوب زيت00وماتنسي تعملي نص كوب زيت فقط والنص التاني خليهو لبعدين0000 وتبدي تضيفي الدقبق وتعجني بنفس طريقة الفيديو وشويه شويه تضيفي الدقيق وتعجني حتي تفك العجينه من يدك ماتكون لينه تكون قويه شوييييه000 جيبي النص التاني من الزيت وابدي قطعي العجين كرات اكبر من البيضه وامسحي كل كره بالزيت وبعدما تخلصي غطيها ساعه00 بعد ما تمر الساعه جيبي صواني الفرن وشبعيها ورا وقدام زيت 000 وخلي معاك شوية زيت في صحن صغير 00جيبي العجين بتاعك وافردي كل كره علي شكل دائره وانتي بتفردي ختي زيت في يدك وامسحي دائرة العجينه ورا وقدام ثم لفيها زي السويسرول او زي الصامولي وختيها في الصينيه ولااااااازم الدوائر تكون متلاصقه مررررره جنب بعض شوفي طريقة سمسمايه في عمل ورص القرقوش00 بعدما تخلصي خمريها تاني ساعه ودخليها الفرن علي درجه هادئه 180 وخليها تستوي براحتها بعدماتستوي وتحمر من فوق وتحت طلعي الصينيه من الفرن وبرديها وبعداك افصلي كل واحده من التانيه بالسكين 000 في البدايه بكون عندك زي خبز الصامولي طري
وابيض رصيهو في صينيه نظيفه ودخليهو الفرن من جديد وافتحي الفوق بس علي نار هادئه وراقبيهو حتي يتحمص ثم اقلبيهو علي الجهه التانيه وحمصيهو كمان بس حاااااسبي ماينحرق 00التحميص يكون علي نار هاادئه عشان يطلع مقرمش ولونه اصفر وجميل 000 نفس الطريقه دي في قرقوش العدس بس بدل الخميره البايته بنضيف خميرة العدس00 ركزي كوييييس وافهمي طريقتي والله بطلع افضل بكتير من قرقوش المخابز جربي وادعي لي

الفلافل

ام سارة

3ك حمص، ك لوبيا الابيض، حزمة بقدونس، حزمة شمار اخضر
حزمة كرات،بصلة واحدة متوسطة، ثلاثة فصوص ثوم، ملح، باكنج باودر

الطريقة

تنقعى الحمص قبل يوم مع بيكربونات
واللوبيا تنظف بالماء الساخن حتى تخرج الطبقة الخارجية
نضع الاثنين فى محضرة الطعام مع البصل والثوم والكرات والبقدونس
والشمار الاخضر وتفرم بالمحضرة لانها اسهل من ماكينة اللحمة ويتم تخزينة فى اكياس لوقت الحوجة

نطلع كيس ونضيف لية ملح وباكنج باودر عشان بديها طراوة
والفرم يكون خشن لانو كان طلع ناعم ببغى ذى اللقيمات
بالهناء انشاءاللة جربوا وادونى خبر

الطعمية بالفرن

ام اماسي

المقادير

واحد بيالة شاي زيت – نصف ملعقه صغيره فلفل اسود – ملعقه صغيره ملح –

ملعقه صغيره بكنج باودر – 2فنجال قهوه حمص مطحون – نصف حزمه شمار-ربع حزمه بقدونس-

تخلط جميع المقادير في الخلاط ثم تصب في صينيه متوسطه مدهونه وتدخل في الفرن على نار متوسطه حتى تنضج

من تحت وتحمر من اعلى ثم تقطع بشكل طولي وتحشى الصامولي طبعا ادهني الصامولي بمايونيز

ثم شريحة الطعميه ثم السلطه وهي مكونه من بصل اخضر وملفوف وخس طبعا حسب الرغبه

بامكانك تضعين ايضا شرائح بطاطس وباذنجان مقليه وممكن تقطعيها شرايح وترصيها وتزينيها

00والحمص المطحون موجود عند المحامص اللي داخل ا العثيم
الوصفه ساهله وسريعه ومابتاخد زمن تنفع للقشره وزنقات الضيوف والعجب كمان لو كان فيها شطه خضراء 0000

ام ساره ممكن نعمل فيها م نشا وم كاسترههههههههههههه
ماتكتري البقدونس عشان لونها مايكون غامق 000

الخبز البلدي

ام اماسي

من 2-3كوب دقيق ( ممكن بنقص او يزيد حسب الدقيق)، 2 مص خميره
3 مك حليب بودره، كوب ماء، 3 مك زبادي( بديهو طراوه حلوه)،
شوية ملح، 2 مك زيت، ممكن مك كستر ( بديهو لون جميييل)ههههههه

الطريقة

تعجني المقادير دي كلهانحصل على عجينه ملساء وتميل الى القساوه يعني ما تكون طريه زي عجينة الفطاير
وتخمريها وتفرديها وتخمريها تاني وتدخليها الفرن بعدما ينضج
تغطيهو ولما تجي تاكلي ياستنا رسلي لي معاك بس خساااااره انا بحبه حار بالجبنه السودانيه الرهييييبه

ومعاها كوب شاي بنعناع او كوب سفن اب باااااارد نحن هنا عندنا الهنغاريه طبعا اقرب للجبنه السودانيه

وكمان فيتا فرنسيه او فيتا السعوديه افضل السيئين زي مابقولو
وبالهناء عليك

عصيدة الزبادي

ام اماسي

علبة زبادي + كوب ماء + 3 ملعقه كبيره مليانه دقيق ابيض+م ك طحين ارز ناعم +

رشه بسيييييييطه جدا ملح ليمون ( انا بحبها حامضه شويه وكمان ملح الليمون بديها بياض ناصع)
المقادير دي كلها تخلطيها علي الباررد بمضرب السلك اليدوي(بتحسي بيها يقت تقيله شويه) وتضعيها في النار وتحركي باستمرار

عشان ماتكلكع لو حسيتيها بقت اسمك من اللازم زيديها شوية مويه ولو حسيتيها كمان بقت خفيفه بسرعه

اعملي ملعقه كبيره مع شوية مويه وضيفيها ليها بسرعه وحركي بسرعه شديده 000 القوام يكون

عندك اثثثقل من قوام الكاستر 000 او المهلبيه00 حركيها تمام حتي تفك شويه من الجوانب

ولما تنضج امسحي صحونك بشوية زيت وصبيها وخليها تبرد تماما حتي تجمد 00 ممكن بدل الزيت

تصبي في كل الصحن م ص مويه وتصبي العصيده

وبعمل مع العصيده دي ملاح نعيميه من غير لحمه بطريقة الناس الكسلانين سريييييعه ومريحه

المقادير

4 بصلات صغار + ربع كوب زيت، 4 طماطم وسط، م ك صلصه
ملح وشوييييية فلفل اسود، 4 مك فول مسحون(دكوه)، حبة ماجي ( زمان كنت بعملها لكن بعد القرحه سبتها)
2فص توم، 3كوب لبن ( روب)، 3 مك دقيق عادي اووووو طحين ارز ناااعم

الطريقه

تشوحي البصل حتي يذبل ويصفر لونه
تجيبي خلاط العصير وتختي البصل المشوح +الطماطم ( قطعيها مكعبات)+الصلصه + حبة الماجي+الثوم + كوب ماء وتخلطي تمام حتي ينعم
نضعي الخليط علي النار وتضيفي ليهو شوية مويه وتخليهو يغلي بعدها اخلطي الفول المسحون مع الروب وضيفيهو
للخليط خليهو شويه علي بعدها ذوبي الدقيق بشوية مويه وضيفيهو للخليط واضربي زيييين بمضرب السلك اليدوي
خليها تنضج ( تشوفي الوش بقي مكرمش شويه)
وتاكلوها بالهناء مع عصيدة الزبادي

صينية الدجاج بالخضار

ام اماسي

خضار ( بطاطس+جذر+فلفل اخضر ممكن كوسه بس انا ماعملتها)
4 صدور دجاج مقطع صغار
بصله صغيره مقطعه مكعبات+ ربع كوب زيت
حبة ماجي (انا مابعملو)
ملح وبهارات
4 فصوص توم
4 قرن شطه خضراء(انا مابعملها)
2 مك صلصه
3طماطم كبير
م ص فول مسحون (ده سر النكهه)
الطريقه
تغسلي صدور الدجاج بالخل والملح
تشوحي الصدور مع البصل وتضعيها علي جنب
تشوحي الخضار بعدما تقطعيهو دوائر وتضعيهو علي جنب
في خلاط العصير نضع الطماطم + التوم + الصلصه + الماجي
الفول المسحون+البهار والملح+ الشطه الخضراء+ 2كوب ماء نخلطهم تمام
بعدها نضع صدور الدجاج والخضار المشوح في صينية الفرن ونصب الخلطه من فوق ليهم

ونصب شوية زيت من فوق ونلفها بقصدير وندخلها االفرن 00بعدما تنضج رسلي لينا منها شويه وبالهناء عليكم
كمان المسقعه بعملها بنفس الطريقه بدل الدجاج بتكوني مجهزه لحمه مفرومه مطبوخه وبتمشي بنفس الخطوات
كمان سلطة الاسود بعملها بنفس الخطوات

وصفة الدونات

ام سارة

ثلاثة بيضات، ربع كوب سكر، م ك خميره،
ملح، مص باكنج باودر، ثلاثة ك دقيق، ثلاثة م ك لبن بودره، حبة بطاطس مسلوقة متوسطة الحجم

الطريقة

تقشر البطاطس وتهرس وهي ساخنة
تخلط جميع المقادير في الخلاط ماعدا الدقيق والبطاطس
تضاف البطاطس الي الخليط وتخلط جيدا
يضاف الدقيق ويعجن جيدا
يفرد العجين بسماكه واحد سنتمتر وتقطع وتحمر
وتزين بالسكر البودره
بالهناء

كيكة الجزر

ام لينه

أ/ امزجي المقادير التالية جيدا واتركيها جانبا
2 كوب سكر، 1 كوب زيت، 3 بيضات
15 أونصة أناناس معلب ( يكسبها ليونة) تقريبا كوبين
2 كوب جزر مبشور، 2 كوب زبيب أصفر، 1 ملعقة صغيرة فانيللا
2 كوب جوز محمس ( أنا بستخدم Pecan)

ثم سخني الفرن في درجة حرارة 175 درجة

ب/ أمزجي المواد الجافة التالية جيدا:
3 كوب دقيق، 2 ملعقة صغيرة بيكنج باودر
1 ملعقة صغيرة ملح، 1 ملعقة صغيرة قرفة مسحونة
1 ملعقة صغيرة بيكنج صودا
أضيفي المواد الجافة بالتدريج للمزيج الأول (المجموعة أ).
أمسحي صينية الكيك بكل الجوانب مسحا جيدا ورشيها بالدقيق.
صبي الخليط في الصينية المدهونة وادخليها الفرن.
اتركيها لمدة ساعة أو الى أن تتأكدي من نضجها بادخال سكين صغيرة في الوسط وتطلع نظيفة جافة من غير عجين.
بعد ما تطلعيها من الفرن فكي أطراف الكيكة من الجوانب بسكين صغيرة ونزليها براحة في الشبك.
واتركيها حتى تبرد. اذا ترغبي في تزيينها بالكريمة
او حتى ممكن تقسميها طوليا وتضعي الكريمة.

طريقة تخمير عجين الكسره

ام اماسي

كوب دقيق ابيض عادي
كوب دقيق كسره
2 كوب ماء (قابل للزياده) علي حسب الدقيق
نص مص خميره
م ص سكر
المقادير دي تخلطيها بمضرب السلك اليدوي تماااام( بتكون عندك عجينه زي عجينة القطايف (سائله نوعا ما)

وتضعيها في اناء محكم الغلق واتركيها يومين او اكثر علي حسب الجو عندك
بعد اليومين بتضيفي م ص ملح ليمون ( لاضافة الحموضه) وممكن تزوديه علي حسب الرغبه كده بكون عندك عجين مختمر
تبدي تشيلي منه قدر كوب وتضيفيهو لمقدارك بتاع الكسره00
وللتخمير المستمرممكن علي طول تضيفي الدقيق بانواعه وتزوديهو رشه صغيره من السكر ورشه من الخميره وهكذا دواليك

لو عايزه رائحة التخمير تكون ظاهره زودي السكر 2م ك لان زيادة السكر في العجين بتخلي ريحة الخميره تظهر


المطبق المالح

ام سارة

2ك دقيق، م ص ملح، م ك عصير ليمون، 2م ك زيت، ماء للعجن
الحشوه
ربع كيلو لحمة مفرومة، حبة طماطم، بصلة، فصا ثوم
كرات او بصل اخضر، 2بيضة، ملح حسب الطعم
فلفل اسود، 2م زيت،

الطريقة

ينخل الدقيق والملح ثم يضاف الية الزيت ويفرك باطراف الاصابع
حت يتجانس ويعجن بالماء مع عصير الليمون ويترك العجين مدة نصف ساعة
يقشر البصل ويغسل ويقطع قطعا صغيرة
يوضع اللحم المفروم ف اناء ويرفع عل النار مع تقليبة حت يتم نضجة وذلك بتغير لونة وتفرق حبيباتة وجفافة ثم يضاف البصل
المقطع والثوم المهروس ويتبل بالملح والفلفل ويترك عل نار هادئة لمدة 7دقائق
يغسل الكرات او البصل الاخضر ويفرم ناعما ويضاف للحم بعد رفعة من النار
تغسل الطماطم وتفرم ناعما ويضاف للحم ثم يضاف البيض المخفوق
يقطع العجين بحجم صفار البيض ويرق بالمرقاق عل طاولة مرشوشة بالدقيق

ويوضع فوقها مقدار مناسب من الخليط السابق ويرق عجين اخر ويوضع فوق السابق ثم تمررعليها العجلة من الاطراف
وقد يحش العجين بخليط من الجبنة المبشور والبصل المفروم والمقدونس والكرات المفروم ناعما والبيض المخفوق بالملح والفلفل
ترص الاقراص ف صنية مدهونة بالزيت ويوضع ف الفرن وتخبز ف فرن متوسط الحرارة
لكن انا بفضل عملة بالنار لانو بالفرن بطلع ناشف بالنار امسح الطوة بملعقة زيت امسحيها بالمنديل

وحمرية بالجهتين وبعد طلوعة مباشرا اغملية بمنشفة حت يطري وهو ساخن
بالهناء

القرقور


ام اماسي

المقادير
نص كيلو دقيق، كباية حليب، نص كوب زيت
صفار بيضه + بياض بيضه+ مص خل
ذرة ملح، ربع مص باكنج باودر، م ك ملييييانه كستر
م ك مليييانه نشا، م ك دقيق تابيوكا ( اختياري)

الطريقة
نعجن العجينه زي عجينة الفطير بس الين بشويه ولو حسيتي بيها ناشفه ممكن تزودي شوية مويه ونفردها في الصينية بعد مسحها وتقطع شرائط وتلف في قوالب القرقور ويثبت في ألمؤخره وتقلي في الزيت وتتركيها تبرد وتحشيها
ممكن تعملي شيرا بيضاء وتغمسي القرقور فيها وتحشيها
للحشوه
شيرا حمرا تقيله تخلط مع زبيب وفول مدروش ناعم شويه وشوية سمنه او زبده وممكن تضيفي جوز هند حسب الرغبه

الكعك

هوما

المقادير :-

6 اكواب دقيق، 2كوب سمن، نصف كوب حليب فاتر

2م فانيليا بودرة، ملعقة باكنج باودر، ذرة ملح

الطريقة :-

ناخذ كوبين السمن ونضعهم في الفريزر لغايه مايجمدوا شوي

بعدين نخلطهم بلخلاط حتى يصير مثل القشطة .

نضيف الفانيليا + الحليب و نخلط بلخلاط . اضيف بعد ذلك المكونات الجافة ( الدقيق + الباكنج باودر + الملح )

و نعجن جيدا . قطعي الكعك بلقطاعه

نرصه في صينيه مدهونه وندخله الفرن

لمن يبرد نضع السكر البودره عليه او ممكن تضيفي علي السكر شوية فانيليا و شوية حليب بودرة

ونسحنهم ونضعهم في الكعك

وبعدين دوبيهم في فمك بلعافيه

كيكة الباونتي

هوما

المقادير:

2.5 كوب جوز هند خشن، نصف كوب زيت مازولا
1 كوب حليب بودره، ربع كوب طحين
ربع كوب سكر بودره، 1 بيضه
1 م ص فانيلا، 1 م ص بBp، 1 كوب ماء
ثلاثة أرباع كوب شيره

للتزيين:

علبة قشطه _ ثلاثة أرباع كوب سكر بودره _ 3 م ك كاكاو

( ينخل الكاكاو والسكر البودره ونخلطهم بالملعقه مع القشطه)

الطريقه:

تخلط المقادير السابقه مع بعض بالملعقه وتوضع في صينيه مدهونه زيت ثم توضع

في فرن متوسط الحراره لمدة ثلث أو نصف ساعه بحيث اننا نشغل الفرن عليها من أسفل فقط

وعندما تنضج من الجوانب ويكون السطح مازال طري نخرجها من الفرن ونصب عليها القطر البارد

ونتركها لتبرد ثم ندهن الوجه بخلطة الزينه السابقه ثم نضعها بالثلاجه لمدة نصف ساعه أوأكثر وتزين بالفستق

جربو ها لذذذذذذذيذه وخاصه لمن تكون بارده

الكيك الانجليزي English Cake

هوما

1 1/2كاس دقيق، 2 م صغيرة باكنغ بودر، 4 بيضات

5 ملاعق زبده، 1/2 كوب زبيب او فواكه مشكله، كوب سكر ناعم

الطريقه:

يخلط السكر والزبده حتي يتحانس ويصير الخليط لونه ابيض .

يضاف البيض و يخلط جيدا. تضاف باقي المقادير و تخلط جيدا.

يحضر القالب الخاص (المستطيل الشكل) و يمسح ب الزبدة و يرش بشويه دقيق و تصب العجينه فيه

يدخل الفرن في درجه حراره 180 حتي ينضج و بلهناء و العاقيه.

احلي كعك بعجوة

هوما

المقادير

1 كوب سمن جامد شويه، نصف كوب حليب

2م صغيرة BP، ذرة ملح، الدقيق حسب العجن

الطريقه

اخلطي السمن ب الخلاط ثم ضيفي له الحليب وباقي المقادير الملح و الباكنغ بودر.

ضيفي الدقيق شويه شويه لغايه ما تحسي العجبنه لمت و بقت ناعمه لكن حاسبي لاتكثري الدقيق عشان ما تطلع قويه.

غطي العجنه, وتكوني محضرة العجوة مفرومه فيها شويه سمن وممكن تضيفي

مكسرات, جوز هند ,انا افضل السادة مضاف ليها شويه هبهان

تاخذي من العجينه مقدار صغير علي شكل كوره وتفرديها علي ايدك علي شكل بيضاوي

وتضعي العجوه علي شكل اصبع وسط العجينه المفرودة وتقفليها جيدا ثم رصيهم في صينيه مدهونه بعيدين من بعض

دخلي الصينيه الفرن لغايه ماتحمر من تحت

لمن تبرد و عند التقديم رشيها بسكر ناعم مخلوط بفانليا و لبن بودره

كعك علي طريقة ام اماسي:

المقادير:

مكعبات زبدة المراعي مثلجه في الفريزر ( المكعب ابو 100 جم)
م ص باكنج باودر، م ص كافور، نصف كوب حليب مثلج
رشة ملح، 3 مك سكر مطحون، 3م ك نشأ، الدقيق حسب العجن
الطريقه

بمبشرة الخضار ابشري الذبده وضيفي ليها باقي المقادير بالترتيب واعجنيها تمام حتي تصبح لديك عجينه سهلة التشكيل

00قطعي الكعك بالقطاعه ورصيهو في الصينيه وادخليه الفرن حتي يتحمر

000واتركيه يبرد ثم يرش بالسكر البودره وبالهناء والعافيه علي الجميع
طبعا ناس هوما وام لينا مكعب الذبده ( 113 جم) ييعني يعملو 3 مكعبات ونصف000ولكم التحيه



السمك بالفرن علي طريقة هوما

المقادير

سمك فيليه مقطع لقطع صغيرة
كوب زبادي
ملعقتين طحينه
ملعقتين مايونيز
نص ملعقة مسترده
ملح-فلفل
ملعقتين شمار اخضر طازج
ملعقة شمار ناشف
عصير ليمونه كبيره..
—اختياري.. نص ملعقة صغيرة من blue cheese…

الطريقة..
تضعي السمك الفيليه في صحن باريكس بتدخل الفرن.. او .. عشان تقدمي بيه طوالي…

وتخلطي بقية المقادير مع بعض.. وتكبيهم فوق السمك.. وتغطي الصينية بي foil …

وتدخليها الفرن لمدة 25 دقيقة.. تفتحي الfoil عشان ياخد لون… حيكون السمك طلّع موية ..

وعمل مع المكونات صوص تقيلة بيضاء… بعد خمسة دقايق .. طلعيها.. لذيذة مع الرز او الخبز .

فطيرة البيض علي طريقة ام سارة


المقادير
2ك دقيق، م ص ملح، م ك عصير ليمون، 2م ك زيت، ماء للعجن
نفس عجينة المطبق
الحشوة
لكل فطيرة 2حبة بيض
جزر مبشور
فلفلية شرائح رفيعة
كرات مفروم ناعم او بصل اخضر بالبنبون حقة
ملح
قرن شطة اخضر
حبة طماطم تقطع مكعبات صغيرة
الطريقة
تترك العجينة لترتاح ربع ساعة حتي يسهل فردها
تفرد بالنشابةبشكل دائري مقاس الطوة ونمسح الطوه بزيت مسح فقط

ونضع الفطيره ونضع فوقها الحشوة وتحمر من تحت ثم تقلب علي الجهة الاخري

مكان البيض تقلب بسرعة حت لاينسكب البيض علي الطوة ومن ثم تقلب مرة اخري بجهة الفطيرة

حتي تلف بشكل السويسرول وتغطي بفوطة حتي تصبح طرية

بلح الشام علي طريقة ام ريم

صورة التطبيق لام سارة


المقادير:

2ك دقيق, نص ك سميد , وربع ك سمن ,تلات ارباع ك ماء ,ومعلقة ونص م ك سكر,معلقة صغيرة خميرة.

الخطوات:

نعجن كويس بالايد ونركها شوى ترتاح 10 دقائق ونقسمها كرات صغيرة ونبرم كل كورة زى البلحة

ونمشيا على البشارة مكان الخروم الصغيرة ونحمرها فى زيت متوسط الحرارة

و نكون مجهزين شيرة (2كسكر.اك ماء,عصرة صغيرة ليمون) تكون الشيرة باردة وبلح الشام من النار طوالى.

و بالهناء والشفاء.

عجينة بيتزا خطيرة:

ام ريم

2ك دقيق فاخر,2م ك خميرة فورية ,ونصة بيالة شاى ماء ,

ونص بيالة شاى زيت,وشوية ملح ,2 بيض

نخت السوائل والخميرة فى الخلاط العصير و نضيفهم للدقيق بس نخت اول الدقيق كباية ونص

ونزيد بالتدريج, نخمرها ساعة ونشكلها

المبشورة او المقشورة

ام سارة

ثلاثة بيضات ،ك سكر، ك سمن، م ك باكنج باودر
فانيليا، ذرة ملح، دقيق حسب العجنة حتى تفك من اليد
مقادير التزين
كاكاو، لون احمر، فول مبروش،جوزهند
مربى فراولة المربى اذا سميكة حليها بملعقتين ماء فى الخلاط
الطريقة
نعجن المقادير الاولى البيض والسكر والسمن بالمضرب ثم نضيف باقى المقادير الاولى ونعجن حتى تفك العجينة من اليد
نجيب صنية ممسوحة وتطبط فيها العجينه ذى بسكويت اليانسون ونخلى جز ء من العجينة قدر مليت اليد

ونمسح العجينه الموجوده فى الصنية بالمربى مسح فقط حتى تسبت الطبقة الثانيه من العجين

نجى للعجين القسمناه نقسم العجينة الى اثنين واحدة نلونه باللون الاحمر واحدة بالكاكاو

ونبشر عجينة الكاكاو بالمبشره ذى الموزريلا وبعدها نبشر عجينة اللون الاحمر

ونرش فوقها الفول المبروش وجوز الهند وتوضع فى الفرن كلها تنضج مع بعض بعد تتحمر نقطعها مربعات للتقديم تكون مناسبه للتقديم
بالهناء

تشيزكيك بالبلوبري

ام محجوب

القاعدة:علبة بسكويت دايجيستيف مطحون مخلوط مع 3م ك زبدة

بطن بها قاع قالب متحرك القاعدة ويدخل الثلاجة حتي الانتهاء من تجهيز الحشو واللذي يتكون من:
2علبة جيلي ليمون
1كوب ماءدافئ
1م ك جيلاتين سادة مذاب في 3م ك ماء دافئ
كوب فريش كريم
2علبة قشطة
12مكعب جبن كيري اوجبن مثلثات لكن ان بفضل كيري لان الملح فيها اقل نبدا اولا باذابة جلي الليمون في الماء الدافئ

ونحرك حتي يذوب تماما ثم نصفي الجيلاتين بمصفاة ونخلطهم معا نضيف القشطة والجبنة

ونضرب بالمضرب الكهربائي حتي ينعم في اناء اخر نخفق الكريمة حتي تتضاعف

ونخلطها مع الخلطة السابقة نصبا علي البسكويت وندخلها الثلاجة ساعتين حتي تتماسك

وبعدين نوزع علي الوجه علبة البلوبري وتبرد لمدة ساعة ثم يفك القالب وتقدم………….

وبالهنا

1,337 comments on “مشاركات الزوار

  1. شكرا ياسمسماية على الصفحة عشان ناخذ راحتنا فى الونسة ولا ماكدا ياام اماسى ههههههههه

  2. بتمنى من جميع الزوار اى شخص عندة اكلة مشهور بيها ينزله على صفحة الزوار تكون مقاديرها واضحة اى حاجة بتقنها ومحبوبة لية ولاسرته وضيوفة واكيد سمسماية بتقوم باللازم ولا رايك شنو ياسمسماية

  3. ياسمسمايه اصلو ماقصرتي فينا واهتمامك بزوارك بفرحنا كتيييير ويارب نكون عند حسن ظنك اشكرك كتييييييير للاهتمام ويارب مانكون تعبناك بكثرة الاسئله لك منا كل الشكر والتحيه

    • سلاااااااام ياام اماسي حابة اشكرك على وصفة بسكويت اليانسون جربتها وطلعت اكتر من رائعة فعلا النشاوالكاسترد غير طعم الوصفة صار احلى واحلى وانشاءالله نستفيد من سمسماية وزوار سمسماية

  4. كنت بقرأ فى وصفتك ياام اماسى حقت الناعم بسرعة سرعة عايزة اشوف الكاسترد والنشأ والحمدلله ماخاب ظنى هههههههههه ومنتظرين اللقيمات وجميع ابداعات الزوار

  5. الحمدلله ماخاب ظنك فيني انا ذاتي لو ماكتبت ن ش أ + ك اس ت ر في وصفاتي بحس انو الوصفه بتخرب كدي عليك الله يا أم ساره جربي وصفة الناعم ووريني النتيجه جربي مره بالنشأ ومره بدون شوفي ايهم الاحلي ولك تحياتي

  6. والله ياأم اماسى فرحتينى بدخولك العولمه من زمان وتواصلك فى الابداع واكيد كلنا بنفرح لكل سودانية مبدعة وربنا يكتر من امثالك واكيد بتواصلكم بتقدمو سعادة لكثير من الاسر وانشاءالله منكم بنستفيد وبننقل تجاربكم للغير واكيد منتظرين منكم الكثير ربنايديك الجمال والمال والعيال ونشاءاللة دائما تتحقق دعوة امك ليك

  7. الاخت هنوها ليك التحية وياريت تتواصلى معانا فى صفحة الزوار ونستفيد من ابداعاتك

  8. اكيد بجرب الناعم وبديك خبر بالمناسبة عندى شوال دقيق ردة الاسمر شديد ماعارفة اعمل فية شنو بعمل منو العصيدة اذا عندكم افكار انجدونى بوصفات وكيف طريقة حفظة من التلف؟

  9. تحيه كبييييييره لام ساره بالنسبه للدقيق احفظيهو في باقة بلاستيك كبيره مغلقه تماما و لو كتير وزعي علي عدة باقات وحطيهو في دولاب مطبخك عادي ولو عايزه تعملي قراصه جربي الوصفه دي 3ك دقيق قمح ابيض+ كوب ونص ماء + نص كوب دقيق الرده بتاعك الاسمر+ م خميره + رشة ملح تعجني بمضرب البيض بتاع اليد العادي شديييد والعجينه بتكون سائله نوعا ما ثم خمريها ساعه بعده ضيفي ليهو مص باكنج باودر واعجني ثم صبيها في التيفال غطيها علي نار وسط ثم اقلبيها وغطيها مره تانيه والله بتكون قراصه هشه وجميله امكن الوصفه تكوني مجرباها ولو ما جربتيها جربيها وادعي لي واعملي كسره ك دقيق قمح ابيض + 2ك رده اسمر وعوسيها + شويةعجين خمير

  10. امييييين ياام ساره وانا سعيده جدا القي ناس مبدعين زيكم عشان نتعلم كلنا من بعض وتعم الفائده للجميع لان ابن ادم اذا مات انقطع عمله الا من ثلاث (علم ينتفع به) وانشاءالله مانقدمه للغير يكون نافع لهم واذا فارقنا الحياه انشاءالله بعد عمر يكون عندنا ناس خير كلما وجدوا شئ من علمنا يترحمو علينا ويدعو لينا بالمغفره امد الله في عمرنا وعمركم امييييين يارب

  11. سلاااااااام لاحلي سمسمايه __ عايزنك تعملي لينا الكيكه الاسفنجيه و كمان عايزين نعرف طريقة عمل عجينة الباسطه السودانيه(البقلاوه ) عندنا في السعوديه اكثر من الف نوع من البقلاوه لكن صدقيني كلها مابتشبه بقلاوتنا الحلوه والعجينه بتاعتهم ناشفه كتيييير وعليها زبده بالارطال وااااع منها – وبنهاجر لمنطقه بعيده اسمها (غبيره) دي كلها سودانيين وكل منتجاتنا موجوده فيها وطبعا بنشتري منها الباسطه لذا اختي الغاليه ياريت لو امكن تعمليها لينا ولك منا كل الشكر والتقدير

  12. ام سارة ياريت الزوار يتفاعلوا معانا
    وناخد ونكسب خبرة من بعضنا
    بالماسبة هنوها دي خطييييييييييييييييرة
    عندها مدونة حنين المهيرة الرابط بتاعها

    http://hanoha-h.blogspot.com/

    بتستفيدو منها
    بس مااااااااا تسرقكم مني
    لانو عندها الجمااااااااال والاناقة شي حنة وشي تياب
    وشي كريمات

    مودتي

    • انا معجبة جدا بوصفاتك الرائعة الي دائما بطبقها والحمدلله بتنال اعجاب الاسرةوربنا يوفقككنت حابة لعرف انت وين مقيمة في السودان ولا خارج السودان واكون شاكرة

      • ام رهف العسل
        كيفك ان شاء الله بخير
        يا ستي ح اكون وين يا ام رهف قااااااااعدة هنا في السودان
        شئ واحد يوديني برة مافي
        يا كافي البلاء لا جنا ولا ابوجنا عندي
        الحمد لله

        مودتي

      • انت العسل يا سمسمايةوانا على فكرة مقيمة في قطر وبقيت كل ما اعمل وصفة من وصفاتك اصورها وارسلها لاخواتي يقولو لي اتاثرت بي مطبخ سمسماية مطبخك وادواتك جميلةووصفاتك اجمل ربنا يوفقك يارب عاوزة منك طلب لو ممكن عاوزة طريقة عمل الكنافة بالقشدة دايما ما بتظبط معاي وعندي طريقة للكنافة بعملها حوريكي ليها انشاء الله تعجبك وتسلمي يا احلي سمسماية

  13. وعليكم السلام ام اماسي
    تدللي اختي ان شاء الله طلبك ح يكون قريب
    بس ادعي لي ربنا يقدرني

    مودتي

  14. يالله عليك ياسمسمايه ياست الابداع كلك ذوووووق وانا واثقه جدا من قدراتك وابداعاتك عشان كده طلبت منك الوصفات ومليوووووووووووووون شكر لاهتمامك

  15. بالمناسبه العده والادوات البتشتغلي بيها رهييييبه وذوقك فظيييع هنا في السعوديه سعرها غالي وبتحصليها في المولات الكبيره بالمناسبه دي بتشتري الاواني الراقيه دي من وين في السودان

    • صحي حلوة ؟ تقريبا كل العدة بجيبها من هنا في محلات كبيرة فيها عدة حلوة شديد زي هوك كير وسابكو
      وفي حاجات بتجيني هدايا من اختي في قطر وقريبتي فلى الامارات
      لكن هنا في حجات كتيرة متنوعة بس مرات الاسعار بتكون مرتفعة
      بس بتلاقي

  16. ياسمسماسة وام اماسى عندى ضيوف يوم الجمعة ناس غداء وناس عشاء عايزة افكاركم كل واحدة تتخيلهم عندهم وتعمل سفرة منتظرة افكاركم غداء وعشاء وتحلية للغداء

    • ان شاء الله بنساعدك بالافكار
      الدعوتين في نفس اليوم؟
      خلاص نشوف حاجات سهلة واعدادها بسيط وتشرفك في نفس الوقت
      لس نعرف العدد كم ؟ رجال بس ولا معاهم نسوان واطفال

  17. ياريت ياريت ياام اماسى لوبعرف بعوس حاولت كم مرة اتعلم من نسيبتى اللة يديها العافية لكن بائت بالفشل الزريع خليتها لكن عايزه اتعلم الرقاق اللين قالو اسهل من العواسة ولارايك شنو

  18. سمسماية عندى موقع بتاع طبخ فيديو رايك شنو بعد اذنك ارسلة ليك ولاكيف؟طبعا مافى مجاملة فى الحاجات دى اقلب المواقع برفضوا وجود رابط على مواقعهم اذا حبيتى ارسلة انا حاضر ة استفيدى وفيدينا

    • ممكن تديني الرابط اشوفه
      وبعدين اقرر حتي لو ما ختيت رابط الموقع ممكن اختار بعض الوصفات
      السهله المكونات متوفرة عندنا واضيف الرابط

  19. الغداء ثلاثة رجال والعشاء اسره واحدة راجل ومره وعيالهم صغار من عمر 12سنة الى 3سنة

    • سلام
      معناها ما كتار
      اقول ليك خطتي لوكانو ديل ضيوفي
      في اطباق ممكن تكون في الغداء والعشاء سوا
      زي اللحوم والسلطات والفطاير
      بي الفرق في الغدا يعنى لو هم عذابة بيكونوا عايزين ملاح مفروك بكسرة او ام رقيقة كدا قدحنها تكون ساعة الغدا او طبيخ سوداني مكرب
      الاصناف المشتركة تعمليها مرة وحدة بكمية تكفي المجموعتين
      بعد داك تشوفي تعملي حاجة اضافية للعشا

      اما التحلية في الغدا والعشا فواهة كاملة او تعمليها سلطة
      وانا بفضل تكون كاملة
      عشان تعملي تحلية تكون لذيذة وسهلة ما بتاخد زمن

      قايلة ليه الكلام دا عشان ما تتعبي ولانو انت زاتك لازم تكوني ما تعبانة
      الحاجات الشوية بتكون عايزة شغل ممكن تبدي فيها من اليوم القبلة زي التوضيب واللحم مرات بتكون عايزة تتبهر قبل فترة وتخليها في التلاجة

      كلامي كتير
      برجع ليك

  20. يعنى مثلا عايزه اعمل سمك محمر على الغداء لكن عايزة لية تدبيلة كاربة ويكون ناشف من برة ومن جوة والعشاء يكون صنية سمك الدمعة حقتها احسن تكون بالصلصة ولا بالعدريب ولا بالقمر دين انا جربت بالصلة لكن ديل ماجربتهم انتى رايك شنو

  21. والدجاج احسن التحمير بالزيت ولا بالفرن والمكرونة بالبشمل عايزة طعم البشاميل يكون طاعم اعمل من فوق جبنة موزريلا ولاشيدر ولابارميزان ولا كلو مع بعض عايزة الطعم مختلف مادقيق وحليب بس

  22. وحابة اعمل معجنات على العشاء طبعا العجينة العشرة دقائق لكن عايزة حشوات مختلفة طبعا معاى مساعدين بنات اختى يعنى ماتشيلى همى اللة يجزيكى الف خير وعندى فرنين

  23. ياستى بستبعد التونة لانى عندى سمك بعدين انحنا فى السعودية وجبة الفطور مافى عشان كدا التعويض بكون فى العشاء انشاءالله كلو تمام تعبتك معاى ربنا يحفظك انشاءاللة وبناتى انشاءالله يساعدونى لكن مااظن لانى ماساعدة امى امى كانت مدلعانة شديد لكن للاسف النتيجة جات عكسية علينا بعد كبرنا

  24. وينك ياأم أماسى والله فاقدنك دا مطر شنو شكلو غزير شديد انحنا فى جدة الحمدللة ماجاتنا لانو المرة الفاتت دمرت جدة دمار وانشاءاللة مطر خير وبركة منتظرين مشاركاتك وخاصة اللقيمات!!!

  25. عزيزتي ام ساره والله انا افتقتدكم بالاكثر ووحشتينا شديييد والله الامطار يوم الاثنين كانت غزيره مرررره وناس الدفاع المدني حذروا منها لان ماحصل في جده من كوارث خلاهم يخافو ويعملو احتياطات رهيبه والنت كان قاطع في المدينه وحتي اللحظه مامجمع معانا كويس ربنا يستر علينا وعليكم ويحفظ الجميع بالنسبه للقيمات الا تقولي لي انا حبيت النشأ والكستر حتي اديك الوصفه هههههههههه وبعداك من عيوني الاتنين وتسلمي ياغاليه وياريت العزيزه سمسمايه تطبق لينا وصفة اللقيمات وتشوفي الروعه

  26. والله يسمسمايه عدتك احلي من الحلي واختك ذوقها حلو زيك ربنا يخليكم لبعض وخليها تجيب ليك العجانه الكبيره والله رهيبه وبتريحك في كل شئ ولك تحياتي

  27. الله يعينك علي الوقفه والتعب – انا بعمل من 6_7 وصفات لسمسمايه وهي دجاج محمره (بروستد رهيب جدا )+ الارز مع اللحم (كبسه حلوه ) + فطيرة اللحم+ سلطه بسيطه 00 شهيه لذيذه -ودي ادمنت عليه وكمان بعملها لعيالي علي طووووول لو جربتيها تاني مابتخليها+معكرونه باللحم وااااااو بتجنن+سلطة الباذنجان المسلوقه مع تزيين الحواف بجرجير مفروم وسااااهله وروعه+طرق تقديم البيض المخفوق2 بقشر بيها واااااو رهيبه وبتجننن+ كرات الباذنجان واو واو واو فظيعه ومرات بعمل بطاطس مسلوقه بدل الباذنجان+طرق تقديم البيض المخفوق 3 ودي قششششششره فظيعه +صينية البطاطس بالقشطه وبختصر ليك يأم ساره كل وصفات سمسمايه طبقتها وجننتني وجننت الناس ولو بقيت شايله سمسمايه دي فوق راسي ولفيت بيها كل الدنيا مااااااحاقدر اجازيها وربنا يقدرني علي جزاها

  28. بعمل حلي الزبادي 000والمعجنات طبعا ثابته 000مرات بعمل بفتيك000 وكمان بحمر الباذنجان اقراص وبرصو في صحن التقديم بمسحو بشوية ثوم وملح وليمون وبعمل صلصة بيتزا مسبكه وبختها من فوق لكل قرص ببشر جذر وببشر جبنه بيضاء وبزين بيها كل قرص- ومرات بجيب برجر امريكانا وبشوحه بسيط في الزيت وبرصه في صينية الفرن وببشر جبنة فرسانا موزاريلا لمن تذوب وبرصه في صحن التقديم مع التزيين000بجيب سمك فيليه ابيض بتبلو ملح وليمون وثوم وشمار اخضر بكميه كبير وفلفل اسود بتبلها ساعه وبعمل دقيق وشوية نشا وملح وفلفل اسود في القيق ببرشها في السمك وبقليهو

  29. نتابع يأم ساره 000طبعا الفول والطعميه اساس صينية العشاء من اقرب محل بتجيبيهم000 بعمل حلي قلاب جامون الهندي بصوره فظيعه وده اساسي لسفرتي+ بجيب كفته مصريه بالرز (جاهزه طبعا ) وبضيف ليها لحمه مفرومه + بهارات + بقدونس + بيضه + ثوم و بعملها كفته + مرات بعمل صينية التوست باللحم المفروم+ الحلي بعمل بودينغ المانجو راااائع وجميل ومقاديره 2 باكيت جيلي مانجو 2كوب ماء واحد بارد والتاني حار اعملي الجلي بالطريقه العاديه وبسرعه ضيفي عليهو علبة حليب مبخر مركز كامل الدسم لونا 170 جرام=159 مل وخليهو التلاجه من 2-3 ساعات وبالهناء

  30. نتابع يام ساره0000 بعمل كيكة قدرة قادر ومشهوره بيها 000 وكمان بعمل 2 باكيت كريم كراميل+2ونصف كاس حليب سائل +5مك نيدو+ مص نسكافيه يغلو في و بختها في قوالب التقديم وبدخلها التلاجه من3_4 ساعات مرات بضيف ليهاعلبة قشطه وبخلط كل المقادير وبختها في النار تغلي وبدخلا التلاجه والافكار كتيييره جدا شويه شويه بديك منها وياريت تعملي من الحاجات اللي ذكرتها ليك دي وتوريني الشمار بعداك وتسلم ليتا سمسمايه وتسلمي انتي كمان يا عسل وبالهناء علي ضيوفك

    • حمد لله علي السلامة
      ما شاء الله التحلية ما عندك
      بس كدي ورينا تحلية الزبادي

      يسلم راسك وراس ضيوفك يا ام اماسي
      والله كلامك دا قوم لي شعرة جلدي

      مودتي

  31. واللة خميتنى جنس خم شى فهمتو وشى مافهمتو لكن بكرة شغلى كلو بكون من سمسماية ذى ماقلتى بديكى الخطوط العريضة من هسى بس عندى مشكلة صغيره فى البروست مابتحمر معاى تمام يعنى شكلو نص احمر ونص كبدى عايزة نصايحكم للتحمير الوردى ويكون كلو شكلو واحد ومقرمش انا بعمل بعد السلق الخفيف زبادى وكاتشب وملح وفلفل وتوم وكسبره وبيضين و2م دقيق كلهم مع بعض مابحب البقسماط فى الدجاج وبحمر عايزة اعرف اسرار التحمير النار هادئة والا الزيت غزير ولاشنو؟

    • بالنسبة للفراخ احسن تسلقيه بالبخار عشان السلق بيشيل المزة
      ولو ما بتحبي البقسماط جربي اعمل الكورن فلكس اهرسيه خشن
      اعمليه واهم شئ التتبيلة تكون مظبوطة 100 100
      وبعدين بالنسبة للون اول الزيت يكون غزير وخليه في حاجة غريقة وضيقة عشان يغمر قطع الدجاج
      بعدين انا بخلي الزيت يسخن ونزل الفراخ واخفض الحرارة للنص
      ولما يتحمر من تحت ويصل اللون الانت عايزاهو اقلبيه
      ولما تتطلعي القطع علي النار
      وارمي تاني وخفضي الحرارةبرضو

      مودتي

  32. ياستىالغداء ام رقيقة ومحشى كوسا وفلفلية وطماطم وسمك سمسماية البسمسم وقيمة بطاطس ودجاج وسلطة مايونيز وسلطة خضراء وسلطة باذنجان حقت سمسماية والتحلية بطيخ وشمام وحلى الكاسترد من تحت كاسترد محشى بسكويت والطبقة الثانية جلى فراولةمقطع فية حلقات موز

  33. بالعكس يام ساره انا حاولت بقدر الامكان اوضح ليك ولو ركزتي براحه بتفهمي الكتبتو ليك وحياتك انا جالسه ساعه كامله اكتب لمن يدي وجعتني في النهايه تجي تقولي لي ما فهمت والله احبطيني وياستي انتي ماشاءالله عليك مامحتاجه غداك شكله احسن غداء وبالهناء عليك وعلي ضيوفك

  34. ورينى كيف حلا الزبادى بالنسبة للعشاء بعمل الاغلبية نواشف يعنى بوفتيك ذى ماقلتى ومينى بيتزا سمسماية وفطائر باللحم وبالجبنة حقت سمسماية وصنية المكرونة بالقشطة حقت سمسماية شكلها حلو وفول وطعمية الطعمية بعملها فى البيت العجين جاهز عندى وصنية بسبوسة محشية بالقشطة والشيرا حقتها حليب محلى اها رايك شنو؟

  35. بالنسبة للتحلية تحلية ام اماسي خطيرة والعجب لو ورتنا حلو الزبادي
    المهم
    ممكن برضو تملي تحلية بالكريمة والقشطة والبسكويت

    اول تجيبي ربع م ص نسكافيه وم ك سك وتبك فيهم موية
    تبلي البسكويت سريع وترصي في صينية لحدي ما تملي الفراغات كلها
    تكون خفقتي الكريمة وتدها 2 م ك قشطة وتضربيها تاني لحدي ما تمتزج وتغطي البسكويت بوتلتها وتاني تعملي طبقة بسكويت وتغطيها بباقي الكريمة
    ممكن تزيني الوش بالكراميل الجاهز بتاح الحلو
    تخرمي الكيس صغير وتعملي اشكال
    وتدخليها في الفريزر لحد ما تجمد
    قلبي معاك ياريت لو كنا قراب ام اماسي وانا كنا ساعدناك

    ورينا خبرك

  36. ربنا يحفظكم انشاءاللة حلا البسكويت دا شكلو رهيب بعملو ياريتكم جنبى كان عزمتكم واللة جيرتكم بتتحبة شوفى لية قطعة ارض جنبك ياسمسماية الايام دى كايسة لية لقطعة ارض مالاقياها عايزة سعر مناسب امانة لوفى زول عارض قطعة كلمونى تكون فى الخرطوم او امدرمان

  37. يادوب فهمت كلامك ياأم اماسى فعلا بعد قريت بتركيز فهمت الحاصل شنو بس عايزة توضيح حلى الزبادى والحلا الهندى وكيكة قدرة قادر اها عاد ادينى الوصف الدقيق ليهم منتظرة

  38. تسلمن عزيزاتي سمسمايه وام ساره
    ياريت ياسمسمايه كل ربة منزل سودانيه يكون عندها انترنت في منزلها وتفتح تشوف مطبخك وتتعلم منو وصدقيني انا اول ماجيت الرياض درست دورات طبخ وتجميل في مدارس تحفيظ القران لكن لو كنت عارفه مدونتك دي من بدري ماكنت احتجت لاي دوره لان مدونتك مدرسه كامله في فن الطبخ والابداع والله علي ماقول شهيد ويسلم راسك انتي واياديك بالنسبه لحلي الزبادي اولا بتطحني صندوق كامل بسكويت اولكر ويضيف ليهو 3 مك سمن بلدي ( عندنا هنا سمنة نجديه رووووعه زي سمنة السودان) وبضيف 5مك حليب سائل مخلوط بتلاته ملاعق كبار حليب بودره بعجن البسكويت ده لمن يبقي قوامها زي قوام الفول المسحون وببططها في الصينيه( دي طبقه اولي)
    الطبقه التانيه علبة زبادي +2كوب حليب بودره+ نصف كوب سكر مطحون وبخلطو بخلاط العصير وبخته من فوق للطبقه الاولي وبدخلو الفرن من فوق ياخد 5 دقائق اول مايجمد بطلعو من الفرن بس حاسبي مايحرق
    الطبقه التالته 2ظرف كريم كراميل +2كوب حليب سائل + 5مك حليب بودره + علبة قشطه+ مك نسكافيه ديل كلهم بخلطهم بالخلاطه وبختهم في النار اول ماتغلي بكبها براحه علي الطبقه التالته وبدخلا التلاجه بتجمد سريع وقطيعها مربعات وبالعافيه عليكم

  39. الله يعينك عزيزتي ام ساره معليش دخلت النت متاخره لاني امس كنت مساهره لصباح اليوم ابني عمره سته شهور تاعبني شديد بنوم النهار كلو وبساهر بي بالليل ربنا يعين
    كيف الاخبار مع تجهيزات العزومه والله قلوبنا معاك لكن ماشاءالله شايفاك ظبتي الامور وشكلك ست بيت رهييه 000و زي ماقالت سمسمايه ياريت لو كنا جنبك كان ساعدناك وبألف هناء وعافيه عليك وعلي ضيوفك

  40. واللة كنت ست بيت فاشلة اول من جيت السعودية عمرى19سنة حتى الارز الابيض بسأل كيف بعملو ههههه لكن هسى الحمدللة كنت قبل شهر بنسبة60% لكن بعد وجود سمسماية النسبة بقت 90% والباقى دا لليد الطاعمة لكن العزومه بائت بالنجااااااااااااااح والحمدللة كان قل شى رهييييييييييييييييييييب التحلية فى العشاء عملت حلا الضمنة قريب من حقك دا حلى الزبادى واكيد بجربة وصفتة رائعة شكرا ليك

    • الحمد لله يا ام سارة
      قلبي كان معاك والله
      لكن بتكوني مهدودة ارتاحي وتعالي احكي لينا بالتفصيل

      ننتظرك

  41. بسكويت اولكر
    زبده
    2قشطه
    نص علبة حليب محلى نستله
    بيضه
    فانيليا
    نصف كاس تمر
    ملعقه نسكافيه
    4كيري
    3ملاعق حليب بودره
    نصف كاس سكر

    الطريقه .

    الطبقه الاولى

    بسكويت مطحون + زبده + شوي ماء
    نفردها بالصينيه بهذا الشكل

    الطبقه الثانيه
    قشطه + حليب محلى نستله + بيضه فانيليا + نصف كاس تمر ( 10حبات )
    ملعقه نسكافيه

    نخلط الطبقه الثانيه بالخلاط وتصير بهالشكل

    ونحطها فوق الطبقه الاولى وتدخل الفرن

    من تحت مده ربع ساعه ومن فوق حتى تجمد

    الطبقه الثالثه

    علبه قشطه + 4كيري + 3ملاعق حليب بودره + نصف كاس سكر

    هنا السروالبطوله تحطين شي بسيط من هذي الخلطه على الوجه

    والباقي تغمقينه بشوي نسكافيه او كاكاو بودره

    وتنقطين على الوجه

    وكل شوي تزيدين النسكافيه او الكاكاو وتشكلين في التنقيط زي جلد النمر
    مره غامق ومره فاتح ومره كبيره ومره صغيره

    وتستعملين ملعقه صغيره
    في التنقيط

    وبعدين تدخلينها الفرن

    لاتولعين الفرن خليه على حرارتة بعد الطبقه الثانيه

    ويوضع في الثلاجه حتى يبرد

  42. حلى الضومنه

    الطريقه :

    1-في صينيه صفي بسكوت أولكر مغمس في حليب سايل

    2- اخلطي كأسين حليب بودرة محموس + علبة قشطه + باكيت كريم كراميل + أصبع زبده مذوبه ع النار + نصف كأس سكر بودره في الخلاط

    3- ضعي نصف الخلطه على البسكوت وافرديها عليه

    4- صفي طبقة ثانيه بسكوت مغمس بالحليب

    5- ضعي النصف المتبقي من الخليط فوق البسكوت

    6- في الخلاط 8 حبات جبن كيري + ثلاث أرباع علبة حليب مركز نستله ثم يسكب على الصينيه
    7- دخليها الفرن بشرط يكون حار جداً ثم أطفئي الفرن واتركيها ثلث ساعة اواقل فقط لتتماسك
    8- قطعيها بشكل مستطيل بحجم حجر الدومينو

    9- ارسمي بالشوكلاته السائله ( هيرشي ) خط بنص المستطيل ونقط على الجوانب بواسطة عود خلال عشان يكون نحيف ومضبوط

    واذا ماعندك شوكلاته هيرشي اخلطي ملعقة قشطه مع كاكاو بودره لين يصير لونها غامق وارسمي بالعود

    وتوضع فى الثلاجة حتى تتماسك وبالهناء امس كان شكلها جنااااااااااااااااان

  43. واللة رجلينى مورمات من الوقفة لكن كل بستاهل الوقفة ونظرة ضيوفك بالانبساط دى براها بتروح التعب ياستى الغداء كان سلج وشمار مع الكسرة دا الصحن الاساسى طبعا الكسرة من برة عشان مابعرف اعوس ودجاج محمر بالفرن كلو افخاذ طلع شغل جامد الطم جميل وطلع ناشف وصنية سمك فلى بالصلصة ومعاها زبيب وفلفلية الوان وبصل شرائح وطماطم شرائح وجزر وبازيلا دى كانت حاااااااااااجة وسلطة خضراء مشكلة ومحشى خضار مشكل وقيمة بطاطس والتحلية بطيخ وشمام والمشروب سفن اب

  44. ناس الغداء قالوا تانى عشاء مابنتعشى مليانين فل وقالو اكيد بنكرر الزيارة

  45. اما العشاء فول وطعمية وعريكة بعملها فى البيت طلعت جناااااان وبيض مسلوق وجبنة شرائح وزيتون اسود كلو فى صحن واحد ومينى بيتزا فى سرويس وفطيرة باللحمة واحدة بالجبنة السائلة ديل الاثنين فى صحن وسمك محمر بالفرن حق السمسم طلع حاجة لاتوصف كلهم عجبهم والحلى عملت العريكة مع حلا الضومنة وصحن مطبق بالبيض مالح والمشروب كولا والاطفال سن توب وبعد الانبساط طلبو منى اسم الموقع حق سمسماية

    • يا ستي لا شكر علي واجب كلنا اخوات
      لازم نمد ايدينا لبعضنا
      وكدا كدا كسبانينا خبرات من بعضنا
      لك لك الود اختي الصغري

  46. يالله يام ساره شكلك تعبتي شدييييد والله قلبي كان معاك ودعيت 000لكن ماشاءالله اختيارك للاصناف كان جميل واكيد الطعم كان احلي00 وسلامة رجليك اغسليهم بمويه داااااافيه وامسحيهم بزيـت زيتون وانشاءالله ماتشوفي الم يارب000معليش ياعزيزتي عايزه طربقة العريكه وتسللللمي

  47. انا رغم عيونى المزغللة اول من فتحت شفت الصفحة شرح وتوضيح بصراحة فكرة جميلة جدا وياأم اماسى العريكة من عيونى تستاهلى كل خير والليلة باركى لية صاحبت الكاسترد والنشأ عملت الفطير حق سمسماية وم كاسترد وم ك نشا واللة طلع حاجة مابتتوصف تسلم ايدينكم وناشف ومقرمش واللون اصفر جميل وطرحت العجينة لحدى مابقت ذى الشاش وبطرحة بالزيت والتقطيع بحبة يكون عشوائى بدينى احساس فطير العرس

  48. ياااااه ام ساره اخيرا عملتي النشا والكاستر مبروووووك علي وعلي وانشاءالله اديك وصفات رهيبه وتطبقيها بس بالنشا والكاستر ههههه ووصفاتك بتاعة الحلي رائعه انشاءالله بجربهم وكمان اناعملت مشبك سمسمايه في الاول القوالب جننوني جن لكن جبت قوالب اصليه وطلع تحفه لكن زدت ليهو ملعقه كبيره كاستر و2 مك نشا + 3مك دقيق كويتي وطلع عجيييييب ولازم تاكلي لي معاك من فطيرك الحلو زي ستو (ام ساره)وسلااااااام ليكم كتيييير

  49. قريبا يا سمسمايه بنزل ليك صور تطبيقاتي
    واليوم عملت في الغداء صينية البطاطس بالقشطه سبحان الله طلعت شئ عجيب ربنا يحفظ اياديك من كل شر

  50. يااااااه سمسمايه شفت الصفحه الجديده والله العظيم العبره خنقتني من الفرحه ومن اهتمامك بالرد علي اسئلتنا
    واشكرك من قلبي علي توضيحك لي للف الفطيره لاني كنت بتمني من زمان اعرف طريقتها وبطبقها باذن الله وبنزل ليك الصور في الفيس بوك ويارب يجعل ليك كل ماتقدميهو لينا في ميزان حسناتك يااااااااااااااااااااااااااااااااااارب

  51. العريكة
    المقادير…

    دقيق بر + ماء+ملح+2م زيت

    جبنة تشيدر..قشطة التاج البيضاء عشان سائلة شوية ..عسل… سمن نباتي..او بري…تمر ..سكر مطحون…

    الطريقة تعجني الدقيق مع الماء والملح على حسب الكمية اللي تبغينها وتكون عجينة حتى تفك من اليد ضيفى 2م زيت
    اتركيها ترتاح نصف ساعة وبعدين افرديها
    تحطين الطاوة على النار وتحطين شوي سمن بري وتحطين العجينه وتفردين العجينة بالنشاب تكون ماخفيفة شديد وماتخينة وسط وتحمر بالطوة وزيت التحمير مسح فقط بالمنديل تحمر بالجهتين

    يعني تصير مثل القراصة واذا استوى تقلبينه وتحمرينه شوي وتحطينه بصحن…

    وهكذا حتى الانتهاء من الكميه…

    بعد كذا نقطع الاقراص ونحطها بالمفرمه حقت الخضار…وكل قرص حطي له خمسة تمرات عجوة لانو مفرمة اللحمة بتكون عجين عجين لكن محضرة الطعام بتخليها ناشفة ومندمجة مع البلح

    بعد ماتفرمين الكمية كاملة حطيها بصينيه ورشي عليها السكر المطحون حسب الرغبة بس البلح بطعمها

    وزيدي ملعقة سمن او على حسب الرغبة لو ما تبغيها دسمة…

    وتحطين الصينية على النار وتحركين حتى تصير حارة..

    خذي صحن التقديم ولازم يكون عميق شوي وحطي طبقة من العريكة ثم طبقة من القشطة

    ثم طبيقة من الجبنة المبشورة ثم بالملعقة شوي عسل زي الخطوط…

    بالترتيب…

    بعد كذا نحط طبقة ثانية من العريكة ثم القشطة ثم الجبنة ثم العسل هكذا حتى تنتهي الكمية…

    الشكل النهائي لها….انا بعمل طبقة واحدة ومابضيف سكر للعريكة عشان فيها بلح وفيها عسل عشان كدا مافى داعى للسكر اتمنى يكون الشرح كافى واذا حابة المعصوب انا حاضرة

  52. ياسلام عليك ياسلام عليك ياسلام عليك ياسلام عليك ياسمسمايه للمره التانيه بشكرك لاهتمامك بالرد علي اسئلتنا وطريقة شرحك للف الفطائر ماشاءالله واااااضحه جدا وياريت ربنا يقدرنا علي جزاك

  53. بصراحة للعزومة الافكار كانت كتيرة لكن الوقت ضيق شديد اها ياأم أماسى العريكة واضحة انا زمان مدمنة على شراها من برة هى والمعصوب وفطيرة البيض والمطبق لكن الحمدللة هسى كلو محلى

  54. مشكوووووووره ام ساره شهيتيني (تم الحفظ) طعمها قبل مااجربها تذوقته وانشاءالله بجربها وبنزل ليكم الصور قريب باذن الله 0000 وياسلام المعصوب انا بموووت فيهو ومجننه ابو العيال بيهو كتييير بجيبو لي من محل قريب لينا لكن زاد وزني بصوره رهيبه ومع ذلك ماخليتو وياريت تديني طريقتو وتسلمي ياغاليه

  55. معليش يا ام ساره عايزه مقادير العريكه بالكوب عشان 2مك زيت لازم يكون معاها مقدار معين من الدقيق والماء وشكرا لاهتمامك

  56. ياسمية المشبك تعب الناس معاهو اختى فى السودان قال لية بضع القالب فى الزيت الحار وبعدين العجين بس العجين مابمسك فى القالب نوع القالب حقك شنو

    • المشكلة ما في القالب بيكون زيتها سخن شديد
      بس تطلع القالب تستني شوية مثلا 10 ثواني وتدخلو في العجين
      لانو لما يكون حار بينزل العجين من القالب
      خليها تجرب

  57. الماء لحدى ماتفك العجينة منك انا بكرة بعملها 2ك دقيق وبوريكى بتعمل كم قراصة عشان كلو يكون تمام والمعصوب انا حاضرة بكرة بدخل 9صباحا بنزلة ليكى وانا منتظرة ابداعاتك انتى وسمسمة انا بعمل الدقيق الابيض مابحب الاسمر فى العريكة والاختيار راجع ليكى

  58. الله عليك يارائعه تسلمي لي انشاءالله ياام ساره وانا كمان بكره بجربها وبوريك النتيجه وفي انتظار وصفة المعصوب واكرر شكريييييييييي وتقديري وانا كذلك منتظره ابداعاتكم انتي وسمسمايه واكيييد انا كمان كل مااملك من جديد ووصفات بوريكم ليها علي طوووول وتستاهلو ياستات البنات

  59. شوفي ياسمسمايه الوصفات دي جربت منها وصفات كتيره وعجبتني خاصه البان كيك معليش الرابط التاني فيهو الوصفات كلها اما الاول فهو جزء من التاني ناسف للخطا المطبعي ههههه وعندي ليك الكتير والكتير من الوصفات بس ياريت تحاولي تجربي لينا منها وتسلمي لينا

  60. و في الرابط الاخير ادخلي علي more وشوفي حلاوة الوصفات وبساطة الشرح وياريييييييييت نشوف تطبيقاتك ويسلمو هالايادي الطيبين

  61. وكمان ادخلي علي صفحة الصور في قوقل علي
    (custard or flan cake )فيها وصفات قدرة قادر بطعم فظييييع وشكل سبحان الله 000 جربي واديني رايك 000مع تحياتي

  62. وقدرة قادر البسويها دايما وبتزبط معاي علي الرابط ده
    بس عدلت فيها شويه حليب البودره بدل كاس ونصف عملت 2ك والماء واحد ونص كوب اما الكيكه بزيدها 3 مك زبادي وبذيد الدقيق 3مك جربيها واديني النتيجه

  63. وشوفي كمان الرابط ده وحاولي اعمليهو لينا انا بعملو بطريقة شذي 2004 وبطلع رهييييب بس بنفس طريقة علب القشطه وممكن تستغني عن الجيلاتين واستعملي الجلي العادي بالنكهات وبطلع احلي وعايزه اسالك ياسمسمايه الجلاتين الورق متوفر عندنا في السودان ولا مامتوفر
    عموما ده الرابطhttp://forum.hawaaworld.com/showthread.php?p=44778516#post44778516

  64. وكمان الرابط ده فيهو وصفات حلوه جدا وانا مجرباها خاصه كيكة الكريم كراميل
    ياريت تشاهدي وصفات الفيديو وتطبقي لينا منها
    /

  65. ومن وصفات الفيديو دي عملت Vanilla Chiffon Cake وطلعت تححححححححححفه عملتها بالدقيق الكويتي لانو ماكان عندي خليط الكيك جربيها واديني رايك وتحياتي

  66. خسااااره ياسمسمه مع اني بسمع انو في السودان سرعة الاتصال رهيبه جدا حاولي وياريت يفتح معاك 000 قصدك رابط الفيديو ولا كل الروابط

  67. واللة حلو الواحد يفتح باب التعليق على الاكلات السابقة ببغى كأنو تذكير بالحاجة هسى كرات الحليب دى قريتها زمان لكن الليلةكأنى اول مرة اشوفها والجميل فيها كل المكونات عندى فى البيت بعملها هسى وبعدين بديكم خبر

  68. احلي صباح لاحلي ام ساره وياريت تعمليها وتشوفي روعتها بس حاسبي تقليها علي نار هااااادئه و الزيت لااااااااااااازم يكون داااااااافئ ماحار لانها بتحرق سريع ولو نجحتي في طريقة القلي بتكون تحفه وانشاءالله تظبت معاك

  69. النصيحة جات متأخرة ههههههههههه انا حتى عملتها وتذوقتها رهيبة لكن دسمة شديد وانا بخاف من السكرى لانو عندنا بالوراثة خليتها لبكرة بأكلها لانو باقى الفطير لسة قاعد بعد يكمل ماعايزة اكتلر فى الاطايب وماتنسى الليلة بعمل عريكة بس ربنا يبعد عننا الامراض

  70. ياسمسماية انا بطبعى سكرية شديد بس المشكلة ابو العيال مالح شديد يعنى عايزة اهتم بموضوعة شويه عايزين الاقشى ضرورى لاننا بنحبو شديد والكوارع وام فتفت وشية الجمر يعنى كل الاطايب والكباب ياريت كل ماتلقى فرصة جربى لينا واحدة واللة بكون ممنونة

  71. ماشاءالله عليك جربتيها حار حار 000بالهناء علي العائله
    واكيد الحلي دسم شديد لكن انا مابقدر اقاومه لما اعملو كل ماادخل المطبخ اشيل لي واحده وكلما اجي طالعه من المطبخ كمان اشيل لي اتنين حمانا الله واياكم من السكري نحن برضو العائله كلها سكري لكن انشاءالله ربنا يحمينا جميعا من شره

  72. اها ياأم أماسى انشاءاللة عملتى العريكة انا ماعملتها لانو جابو لية قشطة نوع جامد مابنفع الا التاج لكن بكرة بعملها اذا المكونات جات كاملة

  73. فى موضوع عجبنى جدا حابة انقلوا ليكم عن الريحة السودانية بوصف دقيق جدا

  74. بصراحة انا اسفة جدا ذى مابتقول أم اماسى خطأ مطبعى الكلام الفوق دا مامع الموضوع اذا فى طريقة امسح الجزء الفوق قولوا لحدى مواقف طريفة دى دايره امسح لانى عايزة الموضوع المهم طريقة العمل انا بكرر اسفى جات عفوا ياسمسماية اتصرفى امسحى الكلام الفوق ولا خلاص الفاس وقع فى الرأس

  75. اذا فى طريقة امسحى الموضوع كلة وانا بنزلة من جديد بطريقة مهذبة شوية اكون ممنونة

    • اهلا ام سارة
      مسحت الموضوع لكن بعد قريتو كويس
      انت طبعا عارفة ما عندي في شغلة الريحة دي اكل ساي
      لكن ممكن تنزليه في سودانية نجيضة علي الفيس البوك بهتمو بالحاجات دي
      عندك حساب في الفيس؟ لو ما عندك اعملي لانو ح تستفيدي من القروبات ما شاء الله نسوان نجيضااات بهناك اي شي عارفاتنو

      http://www.facebook.com/group.php?gid=112342265445904

      ولا أقول ليك
      لو حقو اعمل ليكن صفحة اسميها استراحة مطبخ سمسماية

  76. واللة ريحتينى راحة لانى كنت بظلل فى الموضوع وبنتى فى رجلينى وتدوس بالرجلين واليدين لمن رسلتة وقريت الموضوع وجهى بغى ذى الطماطم لكن الحمدللة الموضوع عدا على خير بكرر خالص شكرى

  77. ياسمية حنين المهيرة دا لمن افتحوا الماوس نهائيا مابتحرك انتى بفتح معاكى اى موقع ادخلة الماوس تمام ماعدا حنين المهيرة ماعارفة السبب شنو

  78. سلام لناس بلدي الحنان واولهم اختي العزيزه والردتها قبل اشوفا سمسمايه تسأل عليك العافيه انشاءالله — موجوووووده والله لكن مشغوله كتييير -كيفك سمسمايه من التعب انشاءالله اليوم احسن- وتحيه لام ساره وكل ناس السودان

  79. سبحان الله يام ساره انا برضو ولدي عمره 6شهور وطبعا علي طووول في رجليني ورجلينه تخبط في الكي بورد ربنا يحفظهم ويرعاههم وياااااااااااااااارب سمسمايه يرزقك بالذريه الصالحه

  80. صباحك عسل سمسمايه000معليش سمسمايه كان مفروض استأذنك قبل ما اضع ليك الروابط000بس لاني بقدرك حبيت اديك بعض من اسرار وصفاتي 00 عموما لو في مشكله بتجيك من وضع الروابط ومن غير مجامله ياريت توريني 000 لانو عندي ليك مواقع وااااااو بتمني تشوفيها وتطبقي لينا منها

  81. اكيد انتى مافاهمة القصة امس انا كنت منزلة موضوع عن الريحة السودانية وسيد الموضوع مخرم حبتين فى الموضوع وانا قلت بنقل المفيد وبمسح الخريم لكن للاسف نزل كلو بي خريمة لكن الحمدللة سمسماية لحقت الموضوع يعنى ماموضوع روابط ههههههههههههههه

  82. ياأم اماسى الروابط حقتك كلها بEnglishوانا الانجليزى حقى تعباااااااااااااااااااان بس بقيت اتفرج فى الصور شى فهمتو وشى مافهمتو ياريت لو جربتى حاجة تترجمى لينا ومنكم نستفيد

  83. ههههههههههههه والله ياام ساره موتيني من الضحك شكلك لذيذه خاااااااااالص 00 لكن ياعسل موضوع الاذن بتاعي ده ماعندو علاقه بموضوع الريحه بس انا حبيت اخد الاذن من سمسمايه لانو صفحاتها دي مخصصه للتعليقات فقط عموما تسلمي عزيزتي وحاااااااضر من عيوني حاترجم ليك 000 وتسلمي وتسلم ليك ساره

  84. ام ساره العسل في السطر التاسع من الصفحه ادخلي علي المكتوب بالاحمر (pumpikin sandwish cookies )( كعكات ساندوتش القرع ) ادخلي عليهو وبتلقي المقادير

  85. والرابط بتاع المقادير والطريقه ده لو دخلتي عليهو من recipes and meal ideasبتلقي عاااااالم من الوصفات الرهيبه ولو طبقتيها بتكونب زي نرمين هنو بتاعة قناة فتافيت ههههههههه وياريييييت نكون زيها 0000

  86. وده واحد منهم بالمناسبه اول وصفه للكيك بتشبه المبشوره بتاعتك وبمقادير روووووووعه انا شويه شويه بترجم ليك لكن لاااااااازم تجيبي الاكواب والملاعق القياسيه صدقيني لو طبقتيها بالمقاييس الوصفات بتطلع ليك ذي ماهي رووووووعه

  87. المقادير\ 2ونصف كوب دقيق لكل الاستعمالات+ملعقة شاي كربونات الصوديوم+ م ش بهار قرع حار ( ده ممكن تستغني عنه)+ نصف م ش باكنج باودر+نصف م ش ملح+ كوب سكر بني ( ممكن ابيض)+نصف كوب زبده+ نصف علبه قرع مهروس ( بنلقاهو في علب جاهز في السوبر ماركت وممكن تستغني عنه وتعملي لب المانجو او لب البرتقال+ربع كوب حليب+بيضه+م ش فانيليا
    للحشو\ جبن كريمي طري+ 2مط زبده+ م ش قرفه+مش فانيليا + 4ك سكر بودره والطريقه عندك بالصور 0000 الوصفه دي ياأم ساره غريبه شويه لكن في وصفات اسهل بكتييير في نفس الموقع وموادها متوفره المهم جربي واديني النتيجه

    • شكررررررررررررررا ام اماسي علي الحاجات الحلوة
      والعزومة مقبولة
      انتظرينا
      امر علي ام سارة ونجي عليك
      هههههههههههه

      مودتي

  88. سلاااااام لاحلي سمسمايه 00 تشرفو كتييييير واشيلكم في راسي ويارب تجمعنا في يوم من الايام 000 لاشكر علي واجب وتستاهلي كل خير 0000 سمسمايه نفسي في ملاح الويكاب ومابعرف اعملو ياريت تعمليهو لينا قدر ما امي علمتني ليهو ماظبتو 000 واكيييد لو عملتيهو لينا حايظبط معاي وتحياتي

  89. اهلييييييييييييين وسهلين كيف اخباركم معليش النت عندنا واحد ناس البيت بالتناوب يادووووووووووووووب دورى جاء والعزومه وصلت بس منتظرة سمسماية تجى لكن شكلها راكبة الطيارة السودانية ههههههه طبعا كالعادة مواعيدها مامظبوطة لكن مامشكلة ختى لينا حقنا فى الثلاجة

  90. ههههههههههههه لما اشوف تعليقك ياام ساره بضحك لما بطني بتوجعني 000 الله يديك العافيه رجعتي لينا الضحكه من جديد والله مع الغربه والعيال والمسئوليه نسينا الضحك زاتو000 وسمسمايه شكلها حتجينا بعد اسبوع تركب في طياره وتنزل من طياره لانو نص الطيارات كلها معطله وماتنسي الطاقم علي طوووول في حالة نوووووووم ولما ويصحو يلقو مواعيد الاقلاع فااااااتت0000 غايتو باكل الكيكه ولما تصلوني بعمل ليكم كيكه تانيه و00

  91. بالمناسبه ياام ساره انا بحب الفطير المشلتت شديد وبعملو طوالي لاولادي وبنشرب بيهو الشاي الاحمر بالنعناع طبعا في المخابز موجود ورخيص لكن الزبده فيهو واااااااع بالكيلو عشان كده بعملو في البيت جربي وصفة وصفات دي رهيييييبه واتخيل لي ممكن تتفتت وتعملي بيها العريكه و بتطلع رهيبه جربيها واحكمي

    http://w9faat.com/?p=10638

  92. واللة الليلة ماقصرتى يأام أماسى اها دى المواقع التمام والفطير المشلتت دا من زمان حابة اعرفة واللة بقينا مصرين عديييييييييييييييييل ربنا يجعل ليك فى كل خطوة سلامة انشاءاللة وانشاءاللة دائما ضاحكة ومبسوطة انا من اسرة كوميدية خالص واكبر كوميديان فى البلد بكون لية صلة قرابة معاة ماعايزة افصح عن نفسى لكن تقدرى تقولى لينا باع كبير فى النكتة السودانية

  93. ايوااااا اتاري روحك الحلوه دي ماساي خفة الدم دي جاريه في العروق بالوراثه ربنا يخليك ويحفظك وانشاءالله ترسمي الضحكه دائما في وجوه كل الناس ويارب السعاده والضحكه ماتفارق بيتك وتستاهلي ياخيتي اديك عيوني 000 يالله جربي وادعي لينا

  94. ياأم أماسى دى تنفع للعريكة الفطيرة ذى دى تقطعى كل فطيرة واحدة مع خمسة بلحات وتفرمى بالمحضرة لين تبغى مبربحة وبتكون دراش وانتى طبعا شفتيها جاهزة دا بسهل عليكى عملها ونفس الخطوات للمعصوب وموز مهروس مع قليل من السكر البودرة هرس ناعم بالشوكة تختى الفطيرة المفرومة فى صحن التقديم وتلخبطى معاها الموز المهروس وعلبة قشطة التاج ويوزع فوقها عسل خطوط واذا حبيتى سمن يكون ساخن وفى لحظة التقديم نفسها عشان بجمد سريع وبالهناء

  95. تسلم عيونك ودا من زوقك ياالغالية فى الرابط الفوق دا شكل الفطيرة حقت العريكة والمعصوب وعايزة اسمع الاخبار تانى وفرى العشرة حقت المعصوب ههههههههه

  96. لكن العجينة مافيها باكنج باور عشان ببغيها لينة كنت ببحث لقيت الفيديو دا موتنى منhttp://www.blue-nil.com/vb/youtube.php?do=viewdetails&videoid=23 الضحك

  97. الرابط شكلو ماتمام اكتبى فى قوقل الميلوحة خواجية بجيك فيديو بموت من الضحك

  98. واللة ياسمسماية صفحة الزوار بقت دايرة ليها ركشة عديل سفر سفرههههههههه

    • هههههههههههههه
      دي باااااااااااالغتي فيها
      كيفكم بالله
      ما شاء الله ام سارة وام اماسي اخر نشاط
      ربنا يديكم العافية
      يحفظ ليكم عيالكم وبيوتكم
      مودتي

  99. ربى يحفظك انشاءالله واللة بقينا نستنى الجمعة عشان تأجزى وتتواصل معانا لكن وفرى لينا حق الاجرة بتاع الركشة

  100. هههههههه الركشه يام ساره خفبفه بتنقلب لانو الصفحه كلها روابط ودقداق دي عايزه ليها بص عدييييل 000 بالنسبه للموقع مافتح معاي حتي في قوقل ماجاني000
    ونفسي اعمل العريكه لكن الايام كسل شديد ناكل في الكبسه ساااااي من الرومانسيه للمثلوثه وبيت الشوايه وسلاااااام للغاليه سمسمايه ويحفظك انتي كمان يارب

  101. واللة موتينى من الضحك سمسماية ماعارفة المغتربات ديل جنهم كلام انا كنت مسكينة الكلام تجر جر منى لكن هسى بعد الغربة بقيت مابصدق الاقى زول للونسة واقول يادايم الرحمن انا وانتى ياام اماسى برانا عايزين منتدى صفحة مابتعمل حاجة

  102. ههههههههه واللة مبالغة عاوزة ارسل الرابط جاء اليوتيوب عدييييييييييييييييييل معناها الصفحة عايزة لورى بعد كدا

  103. وانا كمان ياام ساره والله كان لما يجونا ضيوف بجري الغرفه علي طوول ومابطلع الا لما يمشو 00حتي ناس بيتنا مسميني الضيفه00 لكن سبحان الله بعد الزواج فكو وطار ربربه شديه 00رايك شنو نعمل لينا منتدي ونبيع سمسمايه وشوقتيني اشوف الموضوع لكن الرابط سكر معاي مررره

  104. صباح الخير على الجميع شكلك فاتحة ياام اماسى كان فاتحة برسل ليك الفيديو زاتو امس كان موجود لكن انمسح

  105. ياسمسماية طاب يومك واللة انا وام اماسى حارسين ليك المطبخ من الحراميةنسوط ساااااااااااااااااااى غايتو اللة يستر ماتزهجى مننا وتفوتى تخلية لينا واللة فاقدنك امس ماظهرتى عايزين ياستى الدونات والسويسرول اكون ممنونة

    • ام سارة وام اماسي
      مشتاااااااااااااااقة والله
      امس يا ستاتي النت قطع اشتراك مني
      وهسي داخلة بي نظام الساعة ما قدرت امشي اسدد
      بس ان شاء الله نتواصل
      والبيت بيتكم ولو يوم ما جيت بيكون لاني مشغولة بتعرفي ظروف السودان والمناسبات
      المهم زهج ما بزهج بس اوع انتو تكبو الزوغة

      مودتي

  106. لا لا لا ما بنزوق ودى معقولة مابتجى بعد اكرامك لينا دا واللة مابتستاهلى نظام الساعة الحكومة لو عارفاك بتقدمى اى خدمة للمرأة السودانية كان عملو خطك مجان ومفتوح على طول وانحنا قاعديييييييييييييييييييييييين حارسين المطبخ ماتشيلى هم

  107. سلااااااام لاحلي ناس سمسمه وام ساره 000مشتاقين والله بالاكتر 00اليوم والله وانا جالسه في الكمبيوتر جاني هبوط حاد وعلي اثره مشيت المستوصف شوية محاليل علي ادويه الحمدلله 00 بقيت احسن بس لسه في شوية تعب ودعواتكم

    • حمد لله علي السلامة
      ان شاء الله ما تشوفي شر يا غالية
      ان شاء الله مرض عاااااافية:)
      لازم ترتاحي يا ام اماسي

      ربنا يكتب السلامة

  108. الله يسلمك سمسمايه 000 والله قدر مااحاول ارتاح الاطفال مابريحوني ونومي يادوب من 4-5 ساعات في اليوم والله علي مااقول شهيد 00 الحمدلله علي كل حال 0000 التربيه حاااااره والمسئوليه كبيره جدا بس ربنا يقدرنا علي الصبر وتسلمي اختي من كل شر

  109. سلامات ياأم اماسى ماتشوفى شر فعلا الهبوط ناتج من عدم النوم انا هسى ماشة مهوية ودايما عندى هبوط لكن بعد احس بالهبوط بشرب عصير وبرتاح بكون احسن ربى يديك العافية ويخلى ليك اولادك وتحية خاصة للمعلمة سمسماية والليلة الجمعة منتظرين الجديد يامبدعة

  110. الله يسلمك ام ساره 000بالله انتي كمان داخله في نفس الدوامه الله يكون في عونك ويسهل علينا وعليك 0000بالنسبه لخبز الدار0000 المقادير كالتالي0000
    كيلو دقيق سمولينا
    بيضه
    2 م ش خميره
    م ط ملح
    2م ط سمسم او حبه سوداء
    ماء دافئ للعجن
    الطريقه
    ضعي كل المقادير مع بعض واعجني تمام مدة نصف ساعه
    حتي تكون عندك عجينه ناعمه ثم قسميها ل3 والباقي عندك بالصور
    بالمناسبه ياام ساره اديك المعلومه المهمممممممممممه دي وياريت تركزي معاي كويس وتفهميها اهم شئ اهم شئ اهم شئ اهم شئ اهم شئ في المعجنات طريقة العجن مهما كانت مقاديرك رهيبه ومضبوطه لو ماعجنتي كويييييييس معجناتك بتخرب وبتكون تقييييييله 000 طريقة العجن تطبقي العجينه في بعضها عشرات المرات عشان يدخل الهواء وهاك الرابط ده شوفي طريقة العجن وركزي كويس وياريت تشوفي كل الفيديوهات وتدرسي طريقة العجن براااااااحه وبتركيز شديد صدقيني لو عرفتي كيف تعجني حتنافسي المخابز الفخمه يالله شوفي
    الله يسلمك ام ساره 000بالله انتي كمان داخله في نفس الدوامه الله يكون في عونك ويسهل علينا وعليك 0000بالنسبه لخبز الدار0000 المقادير كالتالي0000
    كيلو دقيق سمولينا
    بيضه
    2 م ش خميره
    م ط ملح
    2م ط سمسم او حبه سوداء
    ماء دافئ للعجن
    الطريقه
    ضعي كل المقادير مع بعض واعجني تمام مدة نصف ساعه
    حتي تكون عندك عجينه ناعمه ثم قسميها ل3 والباقي عندك بالصور
    بالمناسبه ياام ساره اديك المعلومه المهمممممممممممه دي وياريت تركزي معاي كويس وتفهميها اهم شئ اهم شئ اهم شئ اهم شئ اهم شئ في المعجنات طريقة العجن مهما كانت مقاديرك رهيبه ومضبوطه لو ماعجنتي كويييييييس معجناتك بتخرب وبتكون تقييييييله 000 طريقة العجن تطبقي العجينه في بعضها عشرات المرات عشان يدخل الهواء وهاك الرابط ده شوفي طريقة العجن وركزي كويس وياريت تشوفي كل الفيديوهات وتدرسي طريقة العجن براااااااحه وبتركيز شديد صدقيني لو عرفتي كيف تعجني حتنافسي المخابز الفخمه يالله شوفي

  111. معليش ياسمسمايه انا نزلت الرابط وظهر لي الفيديو فقط ممكن تشوفي الفيديو وتمسحيهو بعد ذلك000 بالنسبه لطريقة العجن في اليوتيوب اكتبي
    HOW TO KNEAD DOUGH
    عشان تشوفي كل الفيديوهات

    • شكرا اماسي علي الفيديو
      مفيد والله شديد
      الحمد لله طريقة العجن قريبة جدا لعجنهم
      بخلي الهواا يدخل
      عشان يكون خفيف
      زمان كانت الوالدة بتعمل لينا الخبز في البيت وتعلمت منها

  112. ام ساره ركزي في طريقة العجن كويييييييس ولما بنتهي الشريط بتظهر كل الفيديوهات تحت شوفي كل فيديو براهو وركزي لحدي ماتعرفي طريقة العجن كويس 000 كمان العجن ده بفيدك في العيش البلدي بطلع ليك الخبز منفووووووخ وطري ولو رجعتي السودان ماحاتحتاجي تشتري خبز المخابز المسرطن حمانا الله واياكم 00ودعواتكم

  113. لا شكر علي واجب ياغاليه واكييييييييد طريقة العجن معروفه عندك لانو معجناتك ماشاءالله من شكلها قطننننن 00 ربنا يحفظك ويرعاك 000واللهم ارحم الوالده واغفر ليها وادخلها فسيح جناتك اميييين

  114. مشكوووووووووووووووووووووووووووووووووورة ياأماسى على النصيحة واكيد بركز وشكرا ياسمسماية على السؤال كنت فى زيارة لاحد الاقارب يادوووووووووووووووووووووووب جيت

  115. يابت العجن دا داير لية مرة شديدة ومانعة انا عظامى عظام فرخة لكن بجتهد

  116. هههههههههه موتيني ياام ساره من الضحك 000 والله يام ساره تري انا جاده معاك العجن بقوي عضلات اليد 000 والله انا زاتي كنت زيك يدي لو هبشته بيها ساي واحد من اولادي بتوجعني يوم كامل لكن في الفتره الاخيره بقيت بعمل لاولادي الفطائر علي طوول حسيت بعدها انو كتيير يدي بقت قويه 000 ماشفتي الصعيديات مانعات كيف 00حياتن كلها عجن والواحده لو ضربت بيدها الحيطه بتكسرا 000 يالله اتشمري وشدي حيلك واعجني

  117. عزيزتي سمسمايه مره انا وام ساره طلبنا منك تعملي لينا الباسطه السودانيه كدي شوفي الرابط ده ممكن الوصفه دي تتعمل بيها باسطه لاني جربت اغلب الوصفات في النت وماطلعت زي حقتنا السودانيه00 الباسطه بتاعتنا بتحسي بيها لينه شويه وعجينتا ماخفيفه 00اما البقلاوه الشاميه كتير هشه وخفيفه ومليانه زبده 00 بالنسبه للباسطه ممكن تحشيها فول سوداني مجروش وعليهو رشة قرفه مطحونه وكمان رشه بسيييطه قرنفل مطحون وسكر او تعجني الحشوه بشوية شيره 00والوصفه اللي علي الرابط مقليه لكن الباسطه بعدما تلفيها تغرقيها سمن وتدخليها الفرن حاولي جربي واديني النتيجه

    http://www.lakii.com/vb/showthread.php?t=608246

    • السلام عليكم حريمااااااااااات
      والله طلباتكم كلها انا كاتباها برة ح اعملها
      بس اصبرو علي شوية
      الايام دي الربو قايم علي مع السخانة دي
      خلوني ابقي كويس وان شاء الله اعمل ليكم العاوزنو
      بس بشوف الحاجات الخفيفة بعملها
      مودتي

  118. الف سلامه عليك وماتشوفي شر 0000برررررررراحتك عزيزتي سمسمايه بس التعليق كان للنقاش عشان الواحد يضع تصور في راسه ومن منطلقه يبتكر 0000 عموما شكرا لاهتمامك

  119. اللة يشافيك ياسمسماية وانحنا ناس مستعجلين فى التعليم عشان كدا طلباتنا كتيرة لكن لازم نأخذ هدنة عشان نطبق العملتية وندقنة وانت براحتك ياغالية

  120. يأام اماسى انا الليلة فرحااااااااااااااااااااااااااااااااااااااااااانة شديد وانا من الصباح معلق فى رأسى الخبز واول من صحيت فتحت ثلاثة فيديوهات من مواقع مختلفة حقاتك وخليتهم يحملو براحتهم واثناء التحميل عملت كوب دقيق وملح وماء وبديت اعجن واعجن لمن نسيت انا بعمل فى شنو وطرحتها وخبزتها بالطوة فى البتوجاز نفس طريقة المرأة وطلع رهيييييييييييييييييييييييييييييييييييييييييييييييييييب ذى حق مطاعم الطازج منفوخ وفاضى من جوة ولين حاجة عجيبة واللة ربنا يحفظك انشاءاللة مشكورة وماقصرتى

  121. ياأم اماسى شفت الرابط حق الباسطة واللة شكلها ذى الباسطة لكن دى حلا مغربى اسمة الشباكية هو شكلين دا شكل وتانى فى شكل لكن حلو تسلم الايادى

  122. يالله ياام ساره000انا والله زااااااااتي فرحت شدييييييييييييييييييد لانك طبقتي طريقة العجن صدقيني والله لو اتبعتيها في كل وصفات معجناتك اي زول حايسألك دي عملتيها كيف000 بس قولي ده سر المهنه ههههههه- كدي اول ماتعملي عجينة فطايرك اعجنيها بالطريقه دي وشوفي الفرق0000بالمناسبه امس عملت فطيرة القشطه وطلعت واااااااااو تجنن جربيها من النت وشوفي الحلاوه حاتدمني عليها اعملي بحث لفطيرة القشطه000 وكمان بنت الصحن بطريقة اريام ( بنت الصحن للحبايب) جربتها 000ويااااحلاوتها 00 ويارب ربنا يفرحك علي طووووول

  123. بالنسبه للخبز العربي ياام ساره ادخلي علي مطبخ نجاة في اليوتيوب وشوفي مقاديرها وطريقة العمل والله رهييييب بعدما تعجن شوفي طريقة تكويرها للعجينه ده كمان واحد من اسرار انتفاخ الخبز وطراوته 00 وكمان انا جربت طريقتها في عمل الدونات برضو طلعت روووعه والدونات لاااازم تعجنيها بنفس الطريقه عشان تطلع هششششششه ومنفوخه ولك التحيه

  124. ايوه ياام ساره انا جربت الشباكيه قبل كده بس بعدما اعجنها مباشرة بشكلها وبقليها 00والموجوده علي الرابط دي واحده من وصفات الشباكيه بس العجينه بتختها علي الطوه وبتخليها نصف استواء ثم تشكلها وتقليها 00وانا من نفس الوصفه مرات بعمل سمبوسه وبتكون اقرب للجاهزه 000لكن شدة مابحب الباسطه عملت وصفات كتيره وماضبطت ولما شفت شكل العجينه قلت كدي النجربها امكن من شباكيه تطلع باسطه ههههههه

  125. ام ساره هاكي طريقة القرقوش بالخميره رووووعه واهم شئ 00اهم شئ 00اهم شئ 00اهم شئ 00اهم شئ 00اهم شئ طريقة العجن ولو نفذتي كلامي بحذافيرو بطلع ليك قرقوش رهيييييب000
    من بالليل بتعملي العجينه البايته اسمها بالانجليزي
    ( sour dough)
    000 بتجيبي كوب ونص دقيق + كوب ماء+ م ص خميره ( اهم شئ تكون م ص ماتكتري ولاتنقصي)+ م ص سكر ماتكتري السكر( عشان زيادة السكر في العجين بتظهر ريحة الخميره) كلها تخلطيها بمضرب السلك وتخمريها 12 ساعه علي حسب الجو في البيت
    00 تاني يوم بتجهزي كوب حليب دافي + كوب زيت ( بتقسميهو النص) + نص كوب سكر+رشة كمون اسود+مك خميره + مك باكنج باودر + رشة ملح + الخميره البايته + الدقيق تقريبا كيلو او اكتر بشويه 000 بتختي النواشف مع بعض وتحركيم زيييين بيدك 000 (الدقيق في الاول بكون زي 3كوب ) ثم تعجني بالحليب +الخميره البايته+ نصف كوب زيت00وماتنسي تعملي نص كوب زيت فقط والنص التاني خليهو لبعدين0000 وتبدي تضيفي الدقبق وتعجني بنفس طريقة الفيديو وشويه شويه تضيفي الدقيق وتعجني حتي تفك العجينه من يدك ماتكون لينه تكون قويه شوييييه000 جيبي النص التاني من الزيت وابدي قطعي العجين كرات اكبر من البيضه وامسحي كل كره بالزيت وبعدما تخلصي غطيها ساعه00 بعد ما تمر الساعه جيبي صواني الفرن وشبعيها ورا وقدام زيت 000 وخلي معاك شوية زيت في صحن صغير 00جيبي العجين بتاعك وافردي كل كره علي شكل دائره وانتي بتفردي ختي زيت في يدك وامسحي دائرة العجينه ورا وقدام ثم لفيها زي السويسرول او زي الصامولي وختيها في الصينيه ولااااااازم الدوائر تكون متلاصقه مررررره جنب بعض شوفي طريقة سمسمايه في عمل ورص القرقوش00 بعدما تخلصي خمريها تاني ساعه ودخليها الفرن علي درجه هادئه 180 وخليها تستوي براحتها بعدماتستوي وتحمر من فوق وتحت طلعي الصينيه من الفرن وبرديها وبعداك افصلي كل واحده من التانيه بالسكين 000 في البدايه بكون عندك زي خبز الصامولي طري
    وابيض رصيهو في صينيه نظيفه ودخليهو الفرن من جديد وافتحي الفوق بس علي نار هادئه وراقبيهو حتي يتحمص ثم اقلبيهو علي الجهه التانيه وحمصيهو كمان بس حاااااسبي ماينحرق 00التحميص يكون علي نار هاادئه عشان يطلع مقرمش ولونه اصفر وجميل 000 نفس الطريقه دي في قرقوش العدس بس بدل الخميره البايته بنضيف خميرة العدس00 ركزي كوييييس وافهمي طريقتي والله بطلع افضل بكتير من قرقوش المخابز جربي وادعي لي واي سؤال انا تحححححححححححت امرك

  126. بدعى ليكى وانشاءاللة فى كل خطوة سلامه واللة تنفعى استاذة فى الشرح افهمى كويس ههههه انا بحب الشرح الذى دا بفهمك اى خطوة وادقة الاشياء تسلمى انشاءاللة

  127. عشان قبل كده باام ساره شرحت ليك وقلتي لي شئ فهمتو وشئ مافهمتو خفت بعد كده شرحي مايكون مفهوم بالنسبه ليك بالمناسبه كنت شغاله في واحده من الجامعات بالرياض واضطريت بعدها العوده للسودان لاكمال الدكتوراه وجيت ماحصلت الوظيفه دي تاني ونسبه لظروف الان جالسه شويه في البيت وبعدها بعود للشغل مره تانيه يعني انا فعلا استاذه وتسسسسلمي

  128. انا عندى فكرة لصفحة الزوار اذا مابتبغى صفحات امسحى الكلام العادى وخلى الكلام الفية شرح وفائدة

  129. أم اماسي
    ام ساره
    وينكم والله افتقتكم
    المفروض حارسين المدونة لحدي ما ابقي كويسة
    جييت لقيتكم مافيشاااااااات

    مودتي

  130. اهلا بالعزيزه سمسمايه 000نحن كمان افتقدناك وافتقدنا مدونتك اقصد منزلنا العزيز لكن والحمدلله ولدي عمره 6 سنوات ( مهندس ومخترع في خراب كل شئ ) ماخلي شئ في جهاز الكمبيوتر والحمدلله خربو والحمدلله اتصلح بعد تعب 000انشاءالله اليوم احسن
    كان عندي بعض الاقتراحات ياريت نتشاور ونتفاكر فيها وتديني رايك بعداك

  131. السلام عليكم اخواتى ام اماسى وام ساره وسمسمايه موقع جميل جدا والله انا من عشاق المطبخ ولكن كل الوصفات ما بتظبت معى يعنى انا صفر فى الممطبخ

    • اهلا حزينة
      الشغلة ما صعبة بس عيزة تركيز وتطبيق بحزافيره بالنسبة للمقادير
      وشويه شوية ح تظبط معاك والوصفة ذاتها ممكن تزيدي ونقصي
      يعنى تبقي كمية من الاصفاااااااااااار بس باليمين
      مودتي

  132. الله يسلمك سمسمايه مااااارديتي علي فيما يخص الاقتراحات والافكار اللي كنت اتمني اقدمها ليك 00 ولو بالقليل بنحاول نرد ليك جمايلك الطاعمه الزرعتيها في بيوتنا

  133. طيب ياسمسمايه اديك واحد من الاقتراحات0000 ياريت تعملي للكل صفحه خاصه بالوصفات الغربيه المترجمه بالصور وبمقادير متوفره وبسيطه يعني نسخ ولصق 000 عشان المدونه يكون زوارها من كل الدول العربيه ونستفيد كلنا من بعض 000 لاني لاحظت 80 بالميه من شريحة النساء العربيات اللي قدمو وصفاتهن في المنتديات طبقوها من المواقع الاجنبيه وظبتت معهم ميه بالميه 000عايزين ننفتح شويه علي العالم ونعرف الكتير والكتير فيما يخص الطهي وربي يجعل ليك كل ماتقدميهو في ميزان حسناتك

  134. ام سااااااااااره وحشتينا 0000 بنتي اماسي عملت لي مدونه وقالت لي المدونه دي اتونسو فيها انتي وام ساره رايك شنو وكمان سمسمايه

  135. لااااااااااا ياستنا 0000 حاشا انتو مابتزعلو 000 مدونتك غاااااليه علينا ماااااابنقدر نفارقا0000 لكن اماسي بتي قالت لي مليتو لسمسمايه الصفحه 000احسن تكون عندكم صفحه للونسه والمناقشه في كل مايخص المراه من طبخ وصحه وتجميل وحلول لكل مشاكل البشره والشعر وككككككككككككككل شي 000 لكن مدونتك ياغاليه للطبخ واكييييد حنكون معاك بس حانخفف عليك شويه 000 وطالما مااديتيني الرد في اقتراحي ليك بحاول اعمل ترجمه للوصفات الغربيه في مدونتي وكمان بعمل ليكم صفحه 000 اسال واخصائية التغذيه تجيب علي كل الاسئله فيما يخص انواع الغذاء والفوائد والاضرار الناجمه عن تناولها وبقدم فيها وصفات للحميه والرجيم وزوجي طبيب صيدلي بساعد في تقديم الحلول للبشره والشعر وكل مايخص الامراض وعلاجها 0000 رايك شنو

  136. معليييييش اختي العزيزه 000فرحت بردك وترحيبك 00 يالله افتحي شوفي البريد بتاعك000 وعلي راااااحتك في الرد وتسلمي

  137. السلااااااااااااااااااااااااااام عليكم مشكورين على السؤال طبعا كالعادة الكمبيوتر خسران اها احكوا لية الجديد شنو شايفة الكنافة الرهيبة تسلم الايادى وسلام خاص لسمسماية وام اماسى

  138. سلام خاص جدا للحزينة ومرحب بيك فى صفحة الزوار وانشاءالله بتستفيدى

  139. اختيييييييييييييييييي ام ساره والله وحشتيني نورتي بيتنا الجميل بقيت حارساهو براي سعيده بطلتك الحلوه

  140. اهلييييييييييييين ياأم اماسى ياعسل انتى والله الكمبيوتر مسح كل الملفات العندى زعل عليهم زعل شديد

  141. طبعا لية ثلاثة يوم دخلت مدرسة تطريز وخياطة الدوام من السبت حتى الثلاثاء من اربعة حتى 8مساء امس عملت تنورة يعنى بعد شهر كدا بكون رهيبة يام اماسى وسمسماية رسلو مقاساتكم ههههههههههههههه

    • تمام ام سارة
      جدا كنت بحب الخياطة وعملت كم حاجة
      حتي قريباتي وبنات الجيران الوقت داك كنت في الجامعة
      يعنى مفعوصة كدا
      المهم هسي بحب مرات اعما بعض الاشياء
      بس كسولة بقيتي
      عندي ستائر عايزة اعملها لو ضبطت بفرجك عليها :)

  142. خسسساره كبيره ياام ساره ضياع الملفات تعب سنين يروح في لحظه انا قبل كده حصل لي و زعلت شدييييييد لكن ماباليد حيله0000ربنا يعوضك0000
    ياسلام ده الكلام خير ماعملتي بدخولك لمرسة التطريز الواحد بدل مايكون قاعد زهجان احسن يستفيد ويستغل اوقاته في عمل مفيد وانا بحب الخياطه جدا لكن فاااااااشله فيها ياريت لو كنا قريبن كان اتعلمنا منك 000 وربي يسهل عليك

  143. مرحب بيك انتى وين ساكنة يعنى فى اى بلد وبرضو جهزى مقاسك هههههههههههه

  144. واللة ياسمسماية انا كنت ما من هواة الخياطة بس جاء عرض بتاع ماكينة اشتريتها والخيط مابعرف اركبو وفتحت فى فى الحارة الجنبنا مدرسة تحفيظ قران فيها كل شى مجان سجلت وانشاءالله انجح

  145. ياااااااااااااااااااااااااااسمسمايه عملت حلاوة الفوليه وطلعت رهيييييييييييييييييييييييييييييييييييه تسلم الايادي00000 الحلاوه دي بعملوها المصرييين في المولد بكثررررررررررررره ولو اصحاب المحلات عرفوكي كشفتي سر حلاوة الفوليه حايزعلووووووووووووووو منك شديد 000 ادخلي بيها في منتدي بيت حواء وشوفي ضجة المصريات حتكون كيف 0000 تحياتي

    • الحمد لله يا ام اماسي ضبطت معاك
      بفرح جدا لما تطبقوا وتعجبكم الحاجات
      صحي زي المصرية ياستي خليهم يزعلو شوية ونفرح نحن ستات البيوت
      الاحتكار ما كويس صح؟
      بيت حواء كنت زمان سجلت ونزلت مشاركة واحدة
      بس هسي دربي عليه
      ونشوف :)
      مودتي

    • ليش يا حزينة
      استغفر الله من قال انا مانحب الضيوف؟

      بس ما دايما بكون موجودة بالمدونة في فترات بكون مشغولة لكن برجع اتحها تاني وارد علي الزوار

      ما عايزين زعل حبيبتي
      مودتي

  146. اقسم ليك بالله ياسمسمايه وصفاتك كللللللها بتضبط معاي ومن اول مره وبتعمل ضجه كبيره عند الاهل والجيران والاصحاب000 اما الفوليه وااااااااااااو 0000 امشي علي بيت حواء 0000 لانو ناس بيت حواء بقيمو الوصفات الرهيبه بجد وياريت ياسمسمايه تدخلي بوصفاتك الرههيبه دي في كل المنتديات ( لا للاحتكار)عشان نرفع راسنا بيك

  147. يارييييت ياسمسمايه تنزلي رابط المدونه بتاعتك مع كل وصفه تنزليها في المنتديات000 عشان الكل يدخل ويشوف الابدااااااااااع وتسلمي

  148. دخول خاااااااااااااااااااص من اجل الحزينة لاتزعلى كلنا بنرحب بيك وانشاءاللة مع سمسماية مافى زول حزين وطلباتك اوامر انتى قولى وسمسماية بترد عليك اول من تدخل كونى واثقة وانا وام أم أماسى موجوديييييييييييييين ولا ماكدا ياستات

    • ام سارة الحقيني الحزينة زعلت
      كلميها قول لي ليها عندنا ما بنزعل زول

      ام سارة دخول بقي بالرقراق مع المدرسة
      هههههههههههه :)

  149. هلاااااااااااااا ام ساره وحشتيننننننننننا شديد000 افتقدناك 00المدرسه دي اخدتك مننا ولا شنو؟0000 وتعالي سوا نقول للحزينه انو سمسمايه دي اطيب قلب يكفي انو دخلت قلوبنا قبل مانشوفا 000

  150. مبروووووووك التميز في الفوليه وتستاااااااااهلي الدهب والماس00000 عايزين نشوف كمان في المنتدي وصفتك بتاعة الفايش او القرقوش لانها بالجد رووعه

  151. سمسمايه سمسمايه ماتنسي بسكويت النشادر والكعك والتارت اغزي بيها المنتدي ولا اقول ليك اعملي غزو للمنتدي بتنزيل كل الوصفات الرائعه من خبايز وطبيخ وحلويات 0000 واصبري شهر واحد وشوفي النتيجه 000 وعندهم علي طووول مسابقات ياريت تشتركي فيها وارفعي لينا راسنا

    • اول يام اماسي راسكم مرفوع علي الدوام
      وان شاء الله اعمل بي نصايحك
      بس هم بيقبلوا بالروابط في منتداهم؟
      في ناس ما بيحبوا الروابط
      الله يبارك فيك يا ام اماسي
      انا بتميز بيكم ومعاكم والله :)
      مودتي

  152. المشبك المشبك المشبك ياسمسمايه والفطير الرهيب وطرق تقديم البيض المخفوق كلها 00000 اتحركي اتحركي اتحركي لانو مدونتك دي كننننننننننننز 000شوفي حاتجنني الناس ديل كيف 0000من قلبي بتمني ليك التوفيق

  153. معليش ياسمسمايه انا شفت رابط الوصفه وافتكرتو رابط المدونه 0000 وياستي مايقبلو بوضع الروابط ليه ؟ هم المستفيدين

  154. جربي الوصفه دي ياسمسمايه

    3 مط زبده او مرجرين
    10 اونصه مارشمالوز
    6 كوب كرسبي رايز ( كورن فلكس الارز المقرمش)
    في طوه ذوبي الذبده علي نارهادئه ثم ضيفي المارشمالوز وحركي حتي تذوب ضيفي الارز وحركي حتي يختلطو ثم ضعيها في صينيه مغلفه بورق المونيوم وخليها تبرد وقطعيها حااااجه رووووعه للاطفال-( ممكن تضيفي ملون طعام احمر بسييييط)

  155. اهلين بالسيدات والله بغيت الخميس والجمعة المفروض اجازة بكون لافة فى السوق من محلات الاقمشة للخيوط وووووووو
    بس ربنا يعين لكن ذى ماقلتى ياسمسماية بكون متابعة بالرقراق لكن بحاول اكون متابعة بقدر الامكان والشمار طبعا حارقنى شديد سمسماية نزلت الفولية فى اى منتدى ؟

  156. واللة كركار محترم ومهذب تهذيب لكن الكركار هو زاتو بيستاهل والعجب الدونات رهيبة لكن معليش ىاأم أماسى ترجمى الدونات وبكون شاكرة

  157. ههههههههههههههههه والله موتيني من الضحك ياام ساره
    الله يخليك رجعتي لينا الضحكه 000طبعا الخيوط في البلد عجييييييييييييييييه اشكال وانواع واسماءها غريبه انا بنتي في صف رابع عندهم خياطه 000كل يوم بنجيب ليها خيط نوع
    شئ كوتن بارليه وواحد تاني اسمه مولونيه 000 اسماء كتيره ماليها حد000ياستي ماشاءالله عليك حاتستفيدي كتير وياريت بالمراسله تفيدينا معاك0000 وعلي راسي اترجم ليك الوصفه00000 وتسسسسسسلمي عزيزتي

  158. المقادير
    8 اونصه دقيق+ 2 م ص باكنج باودر+ربع مص ملح+نصف كوب سكر+2 ط زبده طريه+بيضه+2 م ك زبادي ( بديل السور كريم)+م ص فانيليا+ربع كوب حليب0000
    الطريقه
    نخلط النواشف مع بعض 000في صحن اخر امزجي السوائل مع بعض 000ادعكي الزبده جيدا مع النواشف وضيفي ليها الخليط السائل00 اعجني نصف ساعه خليها ترتاح شويه 00ثم اعجنيها مره تانيه مدة 30 دقيقه000 خليها ترتاح 10 دقائق وشكليها واقليهاوبالعافيه
    الاونصه فيها 32 جرام 000 اضربي 8 في 32
    الدقبق تقريبا كوب وربع ( الكوب المعياري)
    ام ساره انا بعمل معاها 2 مك كاستر وبديها لون وقوام عجيب بس ماتضحكي فيني ههههههههههه
    لو احتاجت دقيق ممكن تزودي ولو كانت قاسيه زوديها شوية حليب

  159. عفوا للخطا المطبعي00 الذبده 2 م ط 00والزبادي 2م ط 00
    في الوصفه مكتوب سور كريم ( كريمه حامضه) مقدار اونصه اي 32 جرام 00ومرات السور كريم مابكون متوفر بعمل بدلها الزبادي او اللبنه

    ام ساره حصل جربتي الكيكه باللبنه ؟ والله انا جربتها وطلعت خطييييييييييره ضيفي لمقدار الكيكه المعتاده بتاعتك 3 م ك مليانه لبنه ندي او نادك ب (3 ريال ) بتطلع رووووعه ده واحد من اسرار الكيكه بتاعتي وياريت ياسمسمايه تجربي تعملي الكيكه باللبنه والله بتكون خطيره وخليها تكون وصفه مبتكره

    • ام اماسي كيفك ان شاء بخير
      ماشاء الله علي الوصفات وسرك باااااااااااتع
      ان شاء الله نطبق شوية شوية

      بكرة برد عليك في الميل ان شاء الكريم
      شوفي القرقوش :)
      مودتي

  160. ال8أونصة بالكوب يعنى كم ومشكوووووووووووووورة على الترجمة تعبناك معانا المرة الجاية بدخل كورس انجليزى هههههه بس اخلص الخياطة

  161. ماشاءالله تبارك الله اطباقك كلها مميزه و فطيرة البطاطس تحفه000 ويااااااااااااااااااااااااااارب تميز في تميز علي طوول00 وطبقي شويييييييييه شويه لانو ظروف عملك كمان صعبه ربنا يعينك ويسهل عليك وفي انتظارك علي الميل وتسلمي لينا يارب

  162. ام ساره تعبك راااااااااااااحه عيونا ليك اناحااااااااااااااااااضره اي وصفه بترجمها ليك 000 لا لا لا اوعي تدخلي كورس الانجليزي 00كفايه كورس الخياطه اللي اخدك مننا 000 ياستي انا بترجم ليك وتسلمي

  163. ام سسسسسسسسسسسساره الحقيني حايغمي علي 0000 امشي بهناك شوفي سمسمايه عملت شنو؟
    ماشاءالله 00 ماشاءالله 00 ماشاءالله ربنا يحفظها ياارب 00بس اوعي يا ام ساره تجني !!!!!!!!!!!!!!!!!!! شوفي وصفة القرقوش 2 الجديده بس اوعي تصرخي زيي

  164. واللة ماشاءاللة عليكم كأنكم بتشمو الوصفة الجديدة شم انا امس مساهرة فى المدونة دى نزلت متين غايتو حركات جنس حركات وشكرا ياسمسماية على هذا التميز ياسمية اضيفى ايملى عندك فى الهوتميل واذا ظهر عندى بعمل ليك اضافة دا طبعا اذا ماعندك مانع

  165. ياسمسماية عندى وصفة فلافل رهيبة ياريت تجربيها وياام اماسى جربى وشوفى واذا عندك اى اضافة قولو
    3ك حمص
    ك لوبيا الابيض
    حزمة بقدونس
    حزمة شمار اخضر
    حزمة كرات
    بصلة واحدة متوسطة
    ثلاثة فصوص ثوم
    ملح
    باكنج باودر
    الطريقة
    تنقعى الحمص قبل يوم مع بيكربونات
    واللوبيا تنظف بالماء الساخن حتى تخرج الطبقة الخارجية
    نضع الاثنين فى محضرة الطعام مع البصل والثوم والكرات والبقدونس
    والشمار الاخضر وتفرم بالمحضرة لانها اسهل من ماكينة اللحمة ويتم تخزينة فى اكياس لوقت الحوجة نطلع كيس ونضيف لية ملح وباكنج باودر عشان بديها طراوة
    والفرم يكون خشن لانو كان طلع ناعم ببغى ذى اللقيمات
    بالهناء انشاءاللة جربوا وادونى خبر

    • ان شاء الله اجربها
      بدل اللوبيا الابيض الفاصوليا تنفع .
      بنعملها بالعدس كنا ما الفول المصري او الكبكبي

      شكرا

  166. وكمان ياحبذا لورميتى الطعمية بالقالب حقها بتتطلع منظمة وشكلها مع بعض وممكن نضعها فى سمسم قبل مانضعها فى الزيت والزيت يكون غزير وربنا يديكم العافية

  167. الوبيا حق الملاح بديها طعم مختلف اما الفول مابدى نفس الطعم والخيار راجع ليك انا بعمل الكبكبى مع اللوبة بصراحة طعم مميز بصراحة مابقدر افتيك فى الفاصوليا والعدس لانى ماجربتهم طبعا فى كتير من الناس مابياكلو اللوبة بس فى الطعمية طعمة غير ماذى الملاح

  168. الكرات شكلو ذى البنبون حق البصل الاخضر بس رفيع ولونة اخضر وعلى فكرة الكرات دا مع البيض حاجة رهيبة انا بعمل بية فطائر البيض

  169. تحياتي ام ساره000انا بحب الفلافل وبعملها علي طول لكن ماحصل جربتها باللوبيا البيضاء بنعملها بالكبكبي او الفول والكبكي لككن وصفتك دي بجربها باذن الله 0000مره في النت لاقتني الطعميه بالفرن و جربتها وطلعت رهيبه رهيبه بمعني الكلمه طبعا بدقيق الحمص المطحون اليك المقادير
    2حبه بيض – حبه بصله صغيره – حبه طماطم صغيره – فص ثوم صغيره – واحد بيالة شاي زيت – نصف ملعقه صغيره فلفل اسود – ملعقه صغيره ملح – ملعقه صغيره بكنج باودر – 2فنجال قهوه حمص مطحون – نصف حزمه شمار- ربع حزمه بقدونس- تخلط جميع المقادير في الخلاط ثم تصب في صينيه متوسطه مدهونه وتدخل في الفرن على نار متوسطه حتى تنضج من تحت وتحمر من اعلى ثم تقطع بشكل طولي وتحشى الصامولي طبعا ادهني الصامولي بمايونيز ثم شريحة الطعميه ثم السلطه وهي مكونه من بصل اخضر وملفوف وخس طبعا حسب الرغبه بامكانك تضعين ايضا شرائح بطاطس وباذنجان مقليه وممكن تقطعيها شرايح وترصيها وتزينيها00والحمص المطحون موجود عند المحامص اللي داخل ا العثيم
    الوصفه ساهله وسريعه ومابتاخد زمن تنفع للقشره وزنقات الضيوف والعجب كمان لو كان فيها شطه خضراء 0000ام ساره ممكن نعمل فيها م نشا وم كاسترههههههههههههه
    ماتكتري البقدونس عشان لونها مايكون غامق 000

  170. ام ساره تعليقك بتاع القرقوش عجبني خاصه مووووب والله انا كنت عايزه اصرخ واكتب لسمسمايه ووووب لكن لقيت يدي ماشه في كلام تاني 000لكن بمسك في كلمة موووب دي عشان اتذكرك بيها طوالي وتحياتي

  171. سمسمايه دقيق الحمص في السودان موجود؟ عشان اديك وصفه لقرقوش العدس بطريقه حلوه ومختلفه شويه 00ولو ماكان موجود ممكن تطحني الحمص في المحامص؟ افيديني

    • مرة قلتي لي عن خميرة الحمص
      2 م ك حمص + م ك كربونات+1/2 كوب ماء ساخن
      مدة 12 ساعة صح؟
      متذكراها عايزة اعملها
      لقيتيني كيف؟ :)

  172. لقيت ذاكرتك ماشاءالله 0000الوصفه دي انسيها خالص 000وبديك وصفه تانيه القرقوش قوامه بكون اسفنجي ولما يتحمص بكون واااااااااو000
    تطحني 4 مك عدس +4مك دقيق حمص +2كوب حليب+ م ك سكر نخلطهم بالملعقه جيدا ونقفلهم في برطمان مدة يوم كامل دي بتكون خميرة اللبن- تاني يوم نفس مقادير ك بتاعة القرقوش رقم 1 وتضيفي ليها خميرة العدس المطحون والحمص المطحون 0000 وبتعمليها بنفس طريقتك صدقيني بيطلع القرقوش مررررره جميل

  173. الكل غيااااااااااب ليه ؟
    لا نقبل الاعذار
    فقط العقااب
    وح يكون وصفة جديدة
    يعنى انا البنفذ العقااب

    افتقدتكم يا حريم

  174. قاعدين اليوم كلو في مدونة سمسمايه وكل مانفتح صفحه نتشهي ونمشي علي المطبخ ونااااااااكل 00لما وزننا بقي في التسعينات 00قلنا الليله شويه نعمل رجيم عشان ننزل وزننا شويه 000 بس ماقدرنا00و قلنا خلينا نتاوق بالرقراق حبه كده ونمشي 0000 لكن القصه خربت خراب دخلنا ولقينا داك ياصحن اللحمه الرهيييييب 00وحياتك نسينا الرجيم واممممممممم اكلنا صحن اللحمه كلو وكمان فتح لينا نفسنا زياده 00وقمنا بعداك من صحن لحمة سمسمايه جرينا علي مطبخنا جري واكلنا ماااااااخلينا شئ 000 نعمل شنو ياسمسمايه حقو مع كل وصفه تعمليها لينا تختي لينا جنبها حبوب قفل الشهيه 0000 الله يخليك لينا

  175. يادووووووووووووووووووووب جيت داخلة البيت لكن شغل رهيب بجربوا يوم الجمعة

  176. حمدالله علي السلامه ياام ساره بس ماخلصنا الصحن كلو انا وزينه خلينا ليك حته امشي اكليها وسوي ليك معاها كباية شاي بحرجل 000

  177. والله ياام ساره جارتي رسلت لي اليوم صحن كعك 0000 سبحان الله حااااااااااااجه رهييييييييبه فيهو طعم زي التوفي لما سالتها قالت لي بعمل مع السكر المطحون شوية فانيليا و2م ك حليب بودره 000حليب البودره ده بضبفو للمقادير جوه الكعك لكن اسكر بيهو الكعك دي حاجه غريبه لكن والله فيهو طعم رهيييييب كدي لما تعملي الكعك جربيهو

  178. فعلا شى عجيب وامكن بتحمص لبن البودره عشان كدا بديك طعم التوفى أمى كانت دايما تسحن مع السكر هبهان للقيمات والناعم والفطير بدى طعم مميز ونعرف طوالى انو دى عملتها امى هههههههههه

  179. لا لا لا بتعملو من غير تحميص لانو لون السكر ابييييض لكن بديهو خطييييييييييييير 000لكن الحبهان انا بعملو جوه الكعك ماجربت سحنتو مع السكر00 والامهات ديل شغلهم غيييييير بشتغلو من غير مقادير وطبخهم بطلع رهيب00 ربنا يخلي ليكم ماما ويحفظها تحيييييييييياتي ليها

  180. ياسمسماية فتحت البريد لكن ماظهر ايميلك حاولى اعملى اضافة تانى معليش تعبتك معاى وشنو الارهاب دا الفندان حمانا النوم هههههههههههههههههه

    • كيف ام سارة
      اتوقع انو عندها مشكلة بالجهاز
      لاني رسلت ليها ميل ما ردت علي
      ياريت لو نعرف رقمها كنا اتصلنا عليها
      ان شاء الله خير

  181. السلام عليك سمسمايه كيفكم التحيه ليك والى الاخوات ام اماسى وام ساره ويا ريت تطلعونه على اكلاتكم للاستفاده اخواتى

    • عودا حميدا حزينة وين الغيبة؟
      الصفحة دي مخصصة لتبادل الخبرات المطبخية
      ممكن تقري كل المداخلات فيها وصفات حلوة نزلتها ام اماسي وكمان ام سارة عندها وصفات حلوة اقريها
      لو عندك سؤال كلنا حاضرين
      واكيد انت عندك وصفاتك ممكن تكتبيها هنا عشان الكل يستفيد

      مودتي

  182. ياسمسماية الليلة عملت خبز بالفرن وعجنتة تمام على قول اماسى اللة يطراها بالخير وسخانة الفرن عاااااااااااالية واتنفخ معاى لكن من فوق الطبقة خفيفة ومن تحت تخينة شديد وماهوائية يعنى من تحت مدبلب وماعارفة الخطأ وين؟

    • غريب يا ام سارة
      التخمير في الاول قبل ما تختيهو في القوالب كان كيفظ
      ولما قطعتيهو في القوالب خليتيهو مدة كافية عشان يقوم؟

      برجح تكون المشكلة من التخمير

  183. واللة ياسمسماية فرقت ام اماسى مابتنسد واللة اشتقنا ليها ربنا يجيبها بالسلامة وفعلا ياريت الواحد لوعندو تلفونها

  184. الليلة المدونة تخوف صانة جنس صنة اللة يجيبك يا ام اماسى تحركى المطبخ شوية

    • والله المدونة ناقصاكم انت مشغولة
      وام اماسي مختفية

      غايتو ام لينه والحزينة وسميةوغادة وبقية الاخوات ما مقصرين
      بيدوها طلة

      شوفي يا ام سارة الصفحة الجديدة ديواديني رايك
      روابط الوصفات

      • ياسلام عليك يا سمسماية …. روابط الوصفات دي خطوة ممتازة….. كلك همة ماشاء الله….بالتوفيق

  185. اهلا سمسماية قريتها قبل ما تقولي… شكرا ليك كتيير وجد كل يوم بيزاد اعجابي بيك وبي مدونتك وواثقة انها ح تكون ذات شأن عظيم باذن الله….. وان شاء الله لو في أي تعليق على المدونة عموما ح أكتبه في صفحة الزوار كما ذكرتي….الله يحفظك

  186. فتحت الصفحة واللة ريحتينى من الكواسة رغم عندى المدونة لكهن فى حاجات مابلقاها

  187. واللة فرحتونى يا ام لينة بتواصلك الدايم وسمية حسن شكلها متابعة لانو كلو مايظهر جديد بتكون اول المعلقين وغادة كمان لاحظت وجودة والحزينة تجى وتختفى بتمشى وين مابعرف ههههههههه

  188. تسلمي يا أم سارة… المدونة بقت أساسية بالنسبة لي وأول حاجة بشوفها من الصباح عشان أعرف أعمل شنو للفطور أو الغداء … وبرضو وصفات الأخوات بتساعد كتير ، ربنا يجعلها في ميزان حسناتك يا سمسماية انتي وكل زوار مدونتك

  189. فعلا يا ام لينة بقت سمسماية مرجع لينا افكار الوجبات كلها من المدونة

  190. يا سلام على اللمة ما نسحركم و الله بقرت عديل منكم انا طبعا زيرووووووووووووووووووووووووووووووو كبير في المطبخ كل يوم عندي حجة و يمكن اكون كسلانة اكتر من حكاية عدم المعرفة

    • وعليكم السلام زينة
      ما شاء الله شفتي اخواتي كيف همة ونشاط
      بعدين انت ما زيروووووو بس كسلاااااااااااااانة
      كدي خلي الكسل وورينا الفن :)

  191. ياجماعة ام اماسى مامنها خبر ؟ ياسمسماية ام اماسى ماقاعدة تفتح ايميلة واللة حيرتنا عدييييييييل

  192. ما أجمل أن يكون لديك انسان
    يسأل عنك إن غبت ….. يقترب منك اذا بعدت
    انسان كهذا في هذا الزمان الذي تعيشة كنز مفقود
    إذا وجدتة لا تجعلة يضيع منك هباء000اخواتي وحبيباتي العزيزات علي قلبي سمسمايه والغااااااليه فردتي ام ساره وحشتووووووووووووووووووووووني موووووووووووووووووووووت
    والله الععظيم الجهاز كان فيهو مشكله والحمدلله اليوم اتصلح وعادت لي الابتسامه برجوعي لمطبخنا العزيز 00والله يااخواتي كنتو في قلبي 24 ساعه وحتي عيالي اسمكم مافارق السنتهم 00000ماشاءالله شايفه المطبخ عاااامر بالحاجات الرهيييييييه والمشاركات الحلوه 000 ويشهد الله افتقدتكم 0000والف الف الف تحيه وسلام ليكم ياغاليات

  193. الله اكبر الله اكبر
    الحمد لله بعودتك والله شفقتينا رغم اني رجحت ان الجهاز يكون السبب ولك الغيبة طالت وخلتنا شفقنا بالزيادة
    حمدا لله علي السلامة مطبخنا نور والله نور
    اشتقت لييك عديل يا ام اماسي
    مرحب بيك من جديد
    واكبر بوسه لصغااااااااارك
    مودتي وفرحتي

  194. الله يسلمك يااختي الحبيبه والغاااااااليه علي قلبي سممسمايه 0000والله المطبخ منور بستو الحلوه الراقيه والجميله في كل شئ00000وانا اشتقت ليكم اكتر من الكتير يشهد الله علي اني افتقدتكم موووووووت وبوستك وصلت للعيال وهم برسلو ليك كمان اححححححححححححححلي بوسه وتسلمي علي الجديد الرائع والمفيد مااااااااعدمناك ياغاليه

  195. ياسلااااام ياسمسمايه روابط الوصفات دي فكره رهيبه جدا لكن كان من المفروض تكتبي فوق بسم الله ماشاءالله تبارك الله عشان العين يااختي 000 ربنا يحفظك ويحميك من كل شر

  196. تكبيرك ياسمسماية سمعناهو فى البيت وهسى كلنا بنكبر اللة اكبر الله اكبر والله فرحانين شديد بعودة الفردة أم أماسى وعودا حميدا واللة قطعتى قلبنا من الخوف عليك لكن بعد كدا لازم تخلى تلفونك عند سمسمايةوسعيدين جدا برجوعك

  197. ام سااااااااره 000وحشتينا شديييييييييد 000 وتسلمي ياغاليه 000والله انا كمان فرحاااااانه لاني لقيت اخوات عزيزات زيكم وانتو كنز لايقدر بثمن 000ربنا يدوم المحبه بينا ويخليكم لينا 0000وانا اكثر سعاده بطلتكم اللي بتريح القلب 00000وحاااااضر ياستي تلفوني حيكون عند سمسمايه 0000كيفك مع المدرسه 00000 والجديد شنو

  198. والله المدرسة تمام طبعا اتخرجت من الدوره خلاص الليلة الامتحان لكن عملت غيااااااااااااااااااااااااااب اصلى عايزة اعيد الدوره تانى السنة طبعا خلصت لكن عايزة اسجل فى الصيفية احتمال يكون فية ستاير وحاجات حلوة بمشى يوم الثلاثاء اسجل للصيفية

  199. تمام والله شكلك مجتهده خالص ياام ساره وياريت علي طوول تستثمري اوقاتك في حاجات مفيده زي دي00 بس علي شرط تاني ماتزوغي من الامتحان ( خايفه تجي الطيش ولا شنو هههه)00عموما ربنا يوفقك ويسهل عليك000امس عملت بسكويت اليانسون وطلع تحفه وحاانزله في الفيس بوك تابعي معانا 0000 وتسلمي لينا

  200. ام لينه 000 الحزينه 000زينه 000رجلي حاااااااره ولا شنو 000 اغيب تاني عشان تطلو علي المطبخ؟ عايزين نشوف اللمه ونستفيد من بعض000وتحياتي ليكم كتير

  201. هههههههههههههههه واللة بينى وبينك خايفة من نقص الدرجات عايزة الدرجة تكون كاملة نزلو لية الرابط حق الفيس بوك حقكم عشان اشوف الحركات

  202. ياستي نحن راسنا اتصمت مرررره واحده والحفظ بقي صعب شديد اعملي بخره كبيره بالصور وادخلي بيها الامتحان 00 غير كده مافي درجات كبيره ولا حاجه ههههههه

  203. احححححححححلي معصوب واجمل هديه 0000عشانك الليله بعملو وبديك النتيجه000ويااااارب تفرحي باولادك ويجعل ايامك كلها فرح وسعاده يااختي العزيزه0000وشكر من القلب علي احلي هديه

  204. ام ساره عجينة العشره دقلئق مااااااادخلت راسي وبتكون لي تقيله ومعجنه بتزبط معاي فقط في خلية النحل لكن باقي المعجنات مابتطلع لي حلوه 000ضفت ليها علبة زبادي وطبعا في الحاله دي بتنقصي المويه +مك ونصف باكنج باودر + 5 ملاعق مليااااانه فل حليب بودره وظبتت معاي ياريت تعملي الاضافات دي وتديني النتيجه

    • كتير ناس ما بتظبط معاهم بس انا والحمدلله بتضبط معاي
      بعدين في البتزا رهيبة وانا بعتمد علي ملمس العجينة
      بحس بيها لو عايزة اضافة اي شي
      ومرات بضيف جبنة سائلة
      دقيق شوفان
      بدرة توم
      حاجات زي دي :)

  205. ام ساااااااااره الليله اول مره اشوف منتدي منظمة كفالة ورعاية الايتام ومت من الصدمه والدهشه لقيت الاخوات كلهم بهناك ناس هنوها وطقطق وست المطبخ الرائعه سمسمايه00000والله لو كنت عارفه كان سجلت من بدري وشاركت باطباقي 000 لو ماعارفه المنتدي يا ام ساره امشي شوفيهو 000

    • والله يا ام اماسي كل مرة اقول اكلمكم بيهو بس في شئ
      بيمسكني لكن الحمد لله مشيتي براك هناك
      كتار ماشاء الله عليهم البنات والنسوان
      اخوات في دروب الخير
      ياريت كل الناس تشارك في العمل دا
      من اجل صحبة رسولنا الكريم في جنة الخلد
      احترامي

    • موجودة مع الحر والموية القاطعة نفسي قايم
      تعب شديد والله

      بالجنبة
      ما قلتي سجلتي بي منو

      طبعا انا (دعوني أكفف دمعة) :(

  206. الله يعينكم ويخفف عليكم ويسهل عليكم كل الصعاب 000 انا لسه ماسجلت لكن باذن الله بسجل قريب و بنزل ليكم وصفات من مطبخي رائعه وجديده000 لكن الايام دي بنجهز عشان ننزل السودان طبعا المدارس علي وشك الاجازه وجري شديد للاسواق000دعواتنا ليكم وانتو كمان ادعو لينا000لو عايزه اي شئ ياسمسمايه انا تحت امرك ممكن اجيبو ليك معاي وبتمني اهدي ليك الدنيا ومافيها 0000وليه الاسم الحزين ده انتي الحزن مااااابشبهك وتسلمي ياغاليه

    • ان شاء الله تجي بالسلامة يا ام اماسي
      وياستي ةالله ما بتقصري عايزة سلامتك والله سلامتك
      وان شاء الله نتقابل ونبل الشوق
      مودتي

  207. وانشاءالله اكيييييد حنشارك في درب الخير ونقدم كل مانستطيع لمساعدة الايتام لانو كافل اليتيم رفيق الرسول صلي الله عليه وسلم في الجنه 00أما رسول الله صلى الله عليه وسلم فقد بلغ من عنايته باليتيم أن بشر كافليه بأنهم رفقاؤه في جنة عرضها السموات والأرض حين قال : ” أنا وكافل اليتيم في الجنة هكذا ” وأشار بالسبابة والوسطى وفرج بينهما شيئا.وقد قال ابن بطال: حق على من سمع هذا الحديث أن يعمل به ليكون رفيق النبي صلى الله عليه وسلم في الجنة ، ولا منزلة أفضل من ذلك.

    • ان شاء الله يجتمع كل كافل يتيم مع رسول الحبيب صلي الله عليه وسلم
      في الجنات العلا
      ننتظرك بهناك يد بيد من اجل مسح دمعة علي خد يتيم
      دمتي غاليتي

  208. سمسمايه وام ساره عندي ليكم هديه رووووعه وسريه للغايه0000 وهي الطريقه الصحيحه في عمل الخبز البلدي او العربي وبطلع خبز بجننن ومعليييييييييش عزيزتي سمسمايه علي الرابط0000لاحظو كيف بتكور العجينه وبتخليها تكون زي البالونه وده السر في انتفاخ الخبز بصوره روووووووعه 000 لاحظي كيف بتدخل اصابعها جوه العجينه وبتققفلها بعداك بخفه المهم شوفو الفيديو بتركيز وطبقي لينا الخبز العربي ياسمسمايه 0000 انا بعملو بنفس الطريقه وبطلع عجييييييييييب بس دعواتكم ياغاليات

    • شكرا يا ام اماسي دايما بتجي بالمفيد
      الفيديو حلو والشغلة مهاراااااااااااارة يعني
      بس سؤال التقطيع دا قبل التخمير مش؟
      مرة عملت الخبز العربي ما شاء الله انتفخ وحتي قشرته بيهو
      كنت عاملة غداء وطالعة زيارة
      ما صدقو انو انا العاملة الخبز
      بس كانت الاستدارة مااااااااااااااا مية مية
      قولي 90% لكن عجييييييييييب
      تسلمي :)

  209. سمسمايه حبيبتي اسفه جدا للفيديوهات والروابط لكن والله من قلبي عايزه افيدكم وياريت عشان مايعمل مشكله بعدما تشوفيهو تحذفيهو وبكرر اعتذاري

  210. ممكن تعملي خبز الهمبرجر بنفس الطريقه000 وكمان الدونات بتكون هشه ومجوفه بصوره رهيبه انا بفرد كل كره فرد خفيف وبقطعها بالكبايه وبجي تاني في الوسط بقطعها بغطي البيبسي الكبير وبخمرها نصف ساعه وبقليها بتكون دونات احلي من دونات بيت الدونات ياللا جربو وادوني رايكم

  211. ياسمسمايه لو رجعتي لمطبخ نجاة في اليوتيوب شوفي طريقتها في عمل الخبز العربي بتعملو بنفس الطريقه ومقاديرها حلوه ومضبووووطه ميه الميه وكمان مقاديرها في الدونات واااااااو 000ارجعي لمطبخ نجاة وشوفي الروعه

  212. ياريت سمسمايه مرات كده نشوف وصفاتك بالفيديو ممكن تظهر الايادي وتلبسي عليها قفازات لانو في بعض الوصفات بيصعب علينا التطبيق مثلا طريقة قلي المشبك وطريقة لف الفطائر لانو عندك طرق لف حلوه صفحة الشرح والتوضيح ممكن تختي لينا فيها الفيديوهات اقل من دقبقه وغيرها من الوصفات 0000بنحلم معاك في الحلو والمفيد وياريت احلامنا تتحقق

    • ان شاء الله يا ام اماسي لي قدام
      هسي ان بستخدم كاميرا الموبايل لما اجيب كاميرا وبعدين الفيديو
      ههههههههههههه
      العافية درجات
      تسلمي ومشكورة علي الاهتمام :)

  213. ماشاءاللة عليكم نشاط شديد بالنسبة لعجينة العشرة دقائق زابطة معاى واعمل كمان عملت ليها الاضافات دى وكمان طلعت تمام عملت بيتزا هوت دوغ وفطيرة محشية جبنة شيدر وزيتون بس وقطعت عجينة مثلثات وحشيته جبنة موزريلا وقطعة سجق مسلوق ولفيتها ذى الكروسان ومسحتها من بيض من فوق ورشة حبة سوداء من فوق وخلاص

  214. ياأم أماسى كل ماترسلى وصفة خبز انا طوالى بقوم اجيب الدقيق وبقرا وبعجن لمن اخلص النت بتكون العجينة تمام وشكرا على الهدية

  215. ياسمسماية طبعا المصوب اكلة دسمة شديد بس مايكون عندك سكرى لانو عندنا صاحبنا دخل المطعم وفى ورقة الطلبات مكتوب معصوب طوالى عمك صحح علية وهو جيعان شديد وماعندو غير عشرة ريال وعندو سكرى اول من جابوه ليهو لغى السمن مطفح بفوق قال قلتة اكيد دى كمونية مسبكة لكن لية بالملعقة وعمك اكل لقمة كبيرة وانصدم بطعم السكر لكن واصل فى الاكل لانو جيعان وماعندو قروش وعلى اثرها نقل بالاسعاف وتانى تاب توبة نصوحة منو

  216. ام ساره يامجتهده ماشاءالله عليك عملتي عشاء تمام لكن اختك الايام دي بقت كسلانه والقرحه كمان قايمه علي مؤلماني الم شديد والحمدلله 0000والله امس ماااقدرت عملت ليهم حاجه جبنا كبسه هامور من بيت الشوايه عشيت بيها العيال وخلاص وانا اتعشيت بي كباية حليب باااااره عشان القرحه000اما عجينة العشره دقائق مابياني مرررره واحده اصلو ابت تزبط معاي 00 ونفسي اكل المعصوب لكن اليوم باذن الله بحاول اعملو بس ادعي لي بالشفاء

  217. عليك الله عملتي الخبز ياام ساره؟ وطلع كيف؟ ظبت معاك ميه ميه ؟
    احلي شئ انك تطبقي علي طوول 000انا كمان زيك بعدما اخلص الوصفه واحفظها كويس علي طوول بقوم بعملها ولو ماظبتت بعملها مره ومرتين وممكن اعمل ليها اضافات من عندي لمن تضبط عشان كده والحمدلله بقيت شيف ممتاز وعامله ارهاب لضيوفي وجيراني00 النت خدمنا كتييير واستفدنا منو كتير والحمدلله000وتستاهلي نهدي ليك الدنيا كلها

  218. هههههههه مسكين الراجل 000لكن بيني وبينك المعصوب لااااااايقاوم عيالي بموتو عليهو وعلي طووول بنشتريهو من المحلات بس الله يستر علينا من السكري ويحمينا منو

  219. الخبز البلدي ياام ساره انا طواااالي بعملو مع انو المخابز ماشاءالله مليااااانه لكني بفضل اكل البيت 000 بعملو صغار زي البطبوط المغربي وبفرزنه والصباح بحشي بيهو للعيال 000 خاصه انو العيال طفشو من اكل فطيرة كاكو ولوزين والكرواسون والكيك 0000بعملو بنفس طريقة الفيديو وبفرده خفيف وبخمرها نصف ساعه وبختها في صاج تيفال علي البوتجاز000 بكون رهييييب ياريت تجربي الطريقه دي

    • لا تنسحب ما نتسحبي ..!
      هم كل زول فيهم عندو غيبة كدة مع مشغوليات الحياة
      لكن بيكون بزوروا المدونة وبيطلعو سريع
      ما شاء الله انا بعرفهم بي عدد الزوار
      خليك بيجو انا متأكدة والعجب لو عرفوك شيف درجة اولي :)

  220. مشيت الليلة بس مالقيت عندى دقيق لكن بكرة بجربة لكن فى العجينة باكنج باودر ولابس خميرة وملح انا عايزاة بالفرن؟

  221. لا ياستي انا بمززززززززززح فقط وبقول كده عشان اطلع لي بنفر نفرين يردو علي لكن شكهم فعلا الحياه شاغلاهم شديييييد نحن كمان الحياه مش شاغلانه ساي مجننانه جن عدييييييل والحمدلله لكن الواحد بفرق وبرتاح مع اخوات عزيزات زيكم وكمان بلقي منكم الفايده والعلم والكلام الحلو لانو نحن في غربه حقيقيه 00 والله مرات كتيره ياسمسمايه لما نمشي الاسواق لو شفنا طرف توب سوداني ساي نقعد نبتسم ونرتاح لشوفتهم 000انا بقول كده لاني عارفه بنات بلدي عندهم الكتير والكتير وعايزه اطلع منهم المتخبئ ونستفيد من بعض عموما ربنا يعينهم ويعيننا

  222. ام ساره خميره فقط انا مابعمل باكنج بودر 000
    من 2-3كوب دقيق ( ممكن بنقص او يزيد حسب الدقيق)
    2 مص خميره
    3 مك حليب بودره
    كوب ماء
    3 مك زبادي( بديهو طراوه حلوه)
    شوية ملح
    2 مك زيت
    ممكن مك كستر ( بديهو لون جميييل)ههههههه
    تعجني المقادير دي كلهانحصل على عجينه ملساء وتميل الى القساوه يعني ما تكون طريه زي عجينة الفطاير
    وتخمريها وتفرديها وتخمريها تاني وتدخليها الفرن بعدما ينضج
    تغطيهو ولما تجي تاكلي ياستنا رسلي لي معاك بس خساااااره انا بحبه حار بالجبنه السودانيه الرهييييبه ومعاها كوب شاي بنعناع او كوب سفن اب باااااارد نحن هنا عندنا الهنغاريه طبعا اقرب للجبنه السودانيه وكمان فيتا فرنسيه او فيتا السعوديه افضل السيئين زي مابقولو
    وبالهناء عليك

  223. بالمناسبه ياسمسمايه انا مرات بضيف كريم كراميل للمعجنات برضو بديها لون جمييييل وطعم وقوام رائع و وماتنسي مرات بضيف لبسكويت اليانسون 3 م ك كريم كراميل بشيل ريحة البيض ولونه بكون احلي بالنسبه لبسكويت اليانسون طبقت يانسون الاخت ام محمد او المحراب وضفت ليهو 3 مك كريم كراميل طلع تحفه 00 الله يجزي الاخت المحراب كل خير وتحياتي

    • صباح سكر ام اماسي
      اول شي محراب النيل اختي وحبيبتي (ام محمد)اتمني انك تتعرفي عليها هي وهنوها ما شاء الله عليهن نسوان تمام
      ومعاكم في السعودية

  224. بالمناسبه ياسمسمايه انا مرات بضيف كريم كراميل للمعجنات برضو بديها لون جمييييل وطعم وقوام رائع و وماتنسي مرات بضيف لبسكويت اليانسون 3 م ك كريم كراميل بشيل ريحة البيض ولونه بكون احلي بالنسبه لبسكويت اليانسون طبقت يانسون الاخت ام محمد او المحراب وضفت ليهو 3 مك كريم كراميل طلع تحفه 00 الله يجزي الاخت المحراب كل خير وتحياتي

  225. سمسمايه ماااااعلقتي لي علي الفيديو 0000 اكيييد طريقة العجن دي بتكوني عارفاها عايزنك تناقشينا شويه في موضوع الخبز العربي

    • شفتو يا ام اماسي وعجبتني جدا فكرة تدويرة العجينة
      ورديييييييييييييييييييت عليك وسألت سعااااااااااااااااال
      امشي شوفي وردي علي سعاااااااااااااااالي
      رديت غاليتي :)

  226. ههههههههههه ياسمسماية اتمنى حفظ حقوقى فى الشعر
    انا خايفة من سرقة الكلمات ههههههههه بكرة تلقى الفنانين يغنو بيها هههههههههههه

  227. كل واحدة تزيد للشعر دا بيتين وخلونا نتفاوض مع محمد وردى ولا محمد الامين ههههه

  228. الذيذة فى مدونة سمسماية دى بتخلى الزول يتكلم براهو هههههههههه وكمان بضحك براهو ههههههههه

  229. والله ياسمسمايه وام ساره صحيت يادوووووووووب لاني مساهره مع ولدي ل6 صباحا وقمت زهجااااااانه وتعبانه لكن والله اول مافتحت الجهاز ودخلت علي مشاركات المطبخ وقريت تعليقاتكم مت من الضحك وحسيت انو الزهج والتعب راحو شويه والله انتو عسل والله ماااازلت بضحك 0000 ياسمسمايه شايفاك مستغربه في نت00 ده حاج قوقل بعرفك اول ماتكتبي مطبخ س يتمها ليك طوالي ياستي مطبخك معروووووف الله يديمه علينا وعلي الجميع

  230. ده شنو ياام ساره الشعر الجميل ده 0000 لازم يتوثق عشان مايطلشوهو منك ههههههه000ياسلااااام محمد الامين مرررره واحده لوتغني ليك بالقصيده دي صدقيني بعدها بعتزل الفن طوالي0000 احسن نديها لهيفاء وهبي لانو غناها كلو ونسه ههههههههههه

  231. ماشاءالله عليهم ياسمسمه المحراب وهنوهاشكلهم بنات راقيات ومبدعات وياريت يتفاعلو معانا في صفحة الزوار ويتم التعارف بيننا تحييييييياتي ليهم

  232. ايوه ياسمسمايه التقطيع ده قبل التخمير000 لكن بالنسبه لطريقة العجن بتاعتي انا بخمرو قبل ما اكوره بنص ساعه عشان العجينه ترتاح وتتشكل ليك بارتياح00 وبعد مااكورها بالطريقه دي بديهاربع ساعه وبعد ماافردها بديها من ربع ساعه- نص ساعه حسب الجو000بس تاني لما تعملي غداء بي حاجاتك الحلوه دي لااااااازم تعزمينا معاك عشان ماتفوتنا الحلاوه والطعامه00 وياستي عوضينا العزومه واعمليهو لينا في مطبخك عشان ناكلو معاك

  233. ماشاءالله تبارك الله الصور بتاعتك نظيفه انا كنت قايلاها بالكاميرا 000وانشاءالله يوم نفتح المدونه ونلقي عمل يدك بالفيديو وتكون احلي مفااااجاه 0000ولو ربنا مد في العمر نحن في الانتظار وتسلمي

  234. السلام عليكم أخت أم أماسي
    ماشاء الله عليك …..نشيطة وشيف درجة أولى ، عجبتني الوصفة وان شاء الله أطبقها …. فعلا مرات الناس بتكون ملخومة بمشاغل الحياة لكن دايما بفتح المدونة من الصباح طلة سريعة كده….

  235. اهلا بالغاليه ام لينا
    الله يبارك فيك ويخلي ليك لينا000والله فعلا الناس بقت مشغووووله كتير حتي الاهل انشغلو عن بعض والمحنه بقت مازي زمان الله يرحم جدودنا ناس المحنه الفياضه البتصل لعاشر جار 0000 وانشاءالله ربنا يعين الكل
    بالنسبه للخبز الطريقه دي ناااااجحه جدا خاصه للمبتدئين وماتنسي كمان خبزنا كلو بقي محسنات وسرطانات حمانا الله 00يعني عملتي عمل كمييييييييه من الخبز البلدي وفرزنتيها بتريحك اسبوع كامل من اكل الخبز المحسن وشويه شويه ممكن تستغني خالص من خبز الافران000
    ومشكووووووووووره علي الرد وياريت نتبادل الخبرات وخلينا نشوف وصفاتك وابداعاتك

  236. ام ساااااااره عملتي الخبز ؟ منتظره في مطار الرياض من الصباح عشان استلم الخبز وامشي اتغدي بيهو لكن شكلك نمتي ونسيتينا

  237. أم أماسي أختك ما عندها أي ابداعات بس شاطرة في التطبيق …. بحاول أتذكر عندي شنو ممكن أكتبو ليكم …وبالنسبة للخبز العربي ده فتشتو كتير بالنت لكن كنت عاوزة زول يديني وصفة مجربة ومضمونة زيك كده… شكرا ليك كتير …

  238. سمسمايه ام ساره ام لينا وغيرهم من اخواتي المشاركات في اللحظه دي جابو خبر وفاة خالي العزيز جدا علي قلبي
    محمد التوم ارجووووووووووكم الدعاء له بالمغفره

  239. احسن الله عزاكم وربنا يسكنة فسيح جناتة مع الصديقين والشهداء وانالله وانا الية راجعون

  240. انا لله وانا اليه راجعون … نسأل الله له الرحمة والمغفرة … وأحسن الله عزاءكم … ربنا يصبرك

  241. انا سعيدة جدا بتواصلك معانا يا ام لينة ومنتظرين الابداع انشاءاللة حاجة خفيفة

  242. والله أنا الاسعد بي معرفتكم وان شاء الله قريب أقدر أكتب حاجة مفيدة ..بالمناسبة كل مرة بقرأ شوية من حواراتكم واضحك .. ربنا يحفظكم وبالله ادعو لي معاكم

  243. أم أماسي كيفك اليوم ان شاء الله أحسن …حال الدنيا تجمع ناس وتفرق ناس …ان شاء الله ربنا يجمعنا بيهم جميعا في دار الخلود..

  244. يازوار عايزة طريقة عمل الكاتشب والمايونيز تكون طريقة مجربة وظابطة اكون ممنونة

  245. بسم الله الرحمن الرحيم

    الحمد لله على ما قدَّر و قضى، و لله ما أخذ، و له ما أعطى وكل شيء عنده بأجل مسمى، وانا لله وانا اليه راجعون -مشكورات اخواتي علي مواساتي
    لا يراكم الله مكروهاً في عزيزاً لديكم

  246. الحمدلله اخواتي العزيزات والله كان بالنسبه لي الوالد والخال 000 والله فراقه حااااااااار لكن ده حال الدنيا والحمدلله وكلنا لها وانا لله وانا ايه راجعون
    بكرر شكري عزيزاتي سمسمايه ام ساره وام لينا
    حفظكم الله ورعاكم

  247. أبدا يا أم سارة لكن أمنية حياتي اني أعيش في المدينة المنورة…أنا مقيمة في نيوجيرسي بالولايات المتحدة

  248. صباح الخير يأم لينة شكرا على التوضيح ربنا يرد غربتكم انشاءاللة كلمنى شوية عن امريكا عن الحياة فبها والاكل كيف عندكم امكن نججيكى زياره هههههههههههه ولا شنو ياسمسماية

  249. أهلا بيكي يا أم سارة … مع العولمة دي الحياة بقت واحدة في العالم كله فيما عدا اختلاف الطقس.. بالنسبة لي أنا بعمل أكلنا السوداني وأولادي بحبوا الطبايخ ومرات كتيرة بلقى وصفات من التلفزيون وبطبقها، لكن أكلنا السوداني ده ما في زيو.. وان شاء الله نتلاقى قريب

  250. واللة طبعا الليلة الخميس الشغل كتير لمن عندى هبوط طبعا كل خميس بنقلب البيت طبعا عنكبوت مافى عشان نزعف لكن الحيط بتكون مغبرة والاولاد الله يهديهم عاملين الحيط سبوره يرسموا بالاقلام عليها وانا شغالة غسيل فيها لمن احس بفقدان التوازن بجى داخلة عندكم بقول امكن القى لية عصير ليمون ساى هههههههههههه

  251. ياام لينة كويس انك كلمتينا بالطقس عشان الواحد يعمل حسابة وكمان سمسماية دى عندها ربو يعنى لازم تلبس ثقيل ههههه

  252. اها ياحريم اى واحدة تورينا بكرة كان ربنا احيانا غداها شنو عشان الماعارف اسوى شنو يستفيد من افكاركم طبعا اقلب الناس الجمعة دى بكون يوم الكسرة

    • الجمعة دي نحنا نا قراصة سااااااي
      فطير بملاح التقلية وشعيرية او سكسكانية وسلطة وشطة بيكون متأخر علبال ما جا كل زول من بيتو بفطرو ويشربو الشاي (اساسي) وبمشو الصلاة
      وبعد الصلاة بتون في تحلية خفيفة والقهوة وكان الله يحب المحسنين

      لكت بكرة ح اغير الشعيرية يمكن اعمل فطير

  253. انا بفكر اعمل كبسة اولا اقطع الدجاجة طوليا الى نصفين واقطع بصلة شرائح واضعة فى النار مع الزيت تتقلب شوية واضع معاها البهارات الصحيحة هبهان وفصوص ثوم وفلفل اسود وقرفة وورق غار وكسبرة ناشفة اقلب لمن تظهر ريحة البهار واضع الدجاج يتقلب حتى يتغير لونة واقطع ثلاثة حبات طماطم وفلفلية وجزر مبشور كلهم اضعهم على الدجاج واقلب واضيف عليها شوية موية وملح حتى ينضج الدجاج اطلعة واضيف للدمعة موية تنجض الارز واطعمها بالملح واصلصها واخليها شوية تفور وبعدين اضع الارز حتى ينضج اما بالنسبة للدجاج اتبلة بتدبيلة الضلع حقت سمسماية وادخلة الفرن بعدين اضع الارز على صنية مدورة واضع فيها الارز ومن فوق لية الدجاج وصحن فية صلطة فيها طماطم وبصل اخضر وكرنب يعنى ملفوف وخس ليمون وشطة خضراء

    • قبل كم يوم عملت برياني بالدجاج علي طريقتي السمسماوية
      ان شاء الله انزلوا ليكم

      بكرة بستني صحني من الكبسة :)

  254. اذا فى اى تعديل ياريت التبية قبل ما اسوطة طبعا عليه بيبسيى وتحلية مافى اى زول يقرش لية بلحتين وينوم ههههه لكن شاى المغرب معاهو كيكة الشكولاتة حقت سمسماية وكان اللة يحب المحسنين ريقى نشف مافى زول ادانى كباية ليمون ماشة اعملة براى هههههههههه ودعتكم الله

  255. اللهم امين ياام ساره ونسأل الله حسن الخاتمه للجميع 000وخليك معانا علي طول ام لينا عشان نستفيد من بعض وشكر كتير لاهتمامكم بالسؤال عني

  256. وانا كتيييييير فاقداكم ومشتاقه ليكم000 والله حتي في حزني العميييق ده انتو في قلبي وماغبتو عن بالي ربنا يخليكم لينا ونكون دائما اخوات متحابات في الله ورسوله وفي عمل الخير 000 وربنا يجمعنا في يوم من الايام000 وتسسسسسسلمي اختي الرائعه سمسمايه

  257. بكرة معزومين معاى غداء بس ياأم لينة اركبى طيارة مواعيدها تمام ومشتاقين ياأم اماسى والشوق كتير للغالية سمسماية

  258. يا سمسماية كان بتنزلى البريانى بكرة ننتظر قبل ما اعمل الغداء ولا بتأخر شوية

  259. انا غايتو ياسمسمايه مجهزه كباية اللبن ( الروب) ومنتظره عشان اهضم بيهو بس مايكون فيهو ماجي عشان عندي القرحه وبتعبني شديد 00 لكن مامشكله ببلع حبتين زانتاك وربك كريم000وتسلمي ياست الكل

  260. ام ساره والله انتي كمان وحشتينا كتييير والله مع زحمة الضيوف والعزاء والالم بسرق خمسه دقائق وبدخل المدونه عشان اسلم عليكم 000 ماشاءالله الكبسه بتاعتك جوعتني مع اني لي ماقادره اكل اي شئ 00 بسويها باذن الله 00 عملتها مره واااحده وماعجبت اولادي تاني اصلو ماعملتها 000 ومنتظرين سمسمايه بالبرياني مع كباية لبن نادك 0000وتسلمي غاليتي

  261. منتظرين البريانى صاحييييييييييييييييين وياأماسى اشربى اكتيفيا وربنا يشفيكى

  262. انا ما عارفة ليش كل ما احاول اشارك ما اقدر اتواصل معاكم كم مرة بعلق لكن تعليقى ما بيظهر

    • زنزونة لو عايزة تتواصلي خليك في صفحة الزوار (ماتنصي تعلقي علي الجديد كلو واحد براهو :) )
      هنا بتلاقي شمارات الوصفات والتعليقات وكمان ام اماسي شيف درجة اولي واختك سارة ما شاء الله اما ام لينة ملكة التطبيقات

      • بمناسبة التطبيقات كنت حابة أنزل تزكية لكل الوصفات الجربتها منك يا سمسماية وتستاهل خمسة نجمات :
        أولا بديت بي الترمس ثم الفطير السوداني ، طبيخ الرجلة، عجينة العشرة دقايق و الفطيرة على شكل وردة ، الكعك ، اليانسون (الوصفتين) ، كيكة الشيكولاتة ، الشريق، كرات الكوسة، رول اللحمة ، سلطة التونة، صينية البطاطس بالقشطة، أصابع الكفتة، ملاح التقلية وأخيرا الخبز بي وصفة أم أماسي…

    • بالأكتر يا أم أماسي … بس لخمة الدنيا وأمبارح جربت وصفتك بتاعت بسكويت اليانسون وفعلا زي ما قلتي ما بتدي الجنبك ..ماشاء الله عليك…لكن وريني قصتك شنو مع الكاستر والنشأ !؟

  263. يازينا الحمدللة المرة دى ظبط معاكى وطلع تعليقك وياريت تتواصلى معانا

  264. نهاركم سعيد ياحلوات سمسماية وام اماسى وام لينة وزينة والحزينة وسمية حسن وغادة وهنوها وحنين المهيرة

    • الله يسعدك يا أم سارة …دايما بطل على المدونة وبقرأ تعليقاتك لكن بكون مستعجلة وما بقدر أرد …خليك كده دايمة نشيطة ومواصلة…ربنا يحفظك…

  265. غاليتي ام لينا دوشة الحياه ابدا مابتنتهي خاصه مع الاطفال وطلباتهم المااااااااعندها حد 000 ربنا يعين
    ياسلاااام جربتي بسكويت اليانسون؟ انا بسكويت اليانسون ده ماااااااابستغني عنه لانو الضيوف علي طووول بجونا00بعملو بالباقات الكبيره وبحفظه00وكمان عيالي بموووووتو عليهو00
    بالنسبه للكاستر والنشا انا بعتبرهم من ا قوي محسنات الطعام خاصه في البسكويتات والخبايز والمعجنات المقليه بتدي قوام ولون وطعم غييييير امسكي فيهم قوي 000وكمان ضيفي ليهم طحين الارز الناااااعم 00ونشا البطاطس 00ونشا التابيوكا00وخميرة البطاطس طبعا الحاجات دي متوفره عندكم في امريكا بكثره انا بديك بعض الوصفات وتطبقيها وشوووووووفي الابداع

  266. وكمان ياام لينا عندكم منتجات كنج ارثر من دقيق ونشا ومحسنات وااااااااااااااااااو منها00 جودتها لايعلي عليها وبتدي نتايج فظييييييييييعه

    نشا البطاطس انا بضيفو للقيمات بتكون تماما زي لقمة القاضي بتاعة المحلات

    خميرة البطاطس بضيفها للمعجنات وده سرررررررررررررر عجيب

    نشأ التابيوكا وطحين الارز الناااااااعم بضيفهم للفطير السوداني+ القرقور + القراقيش الحلوه والمالحه والنتيجه بتكون مووووووووووب علي قول ام ساره

    ياريت تشتري الحاجات دي كلها وتخليها علي طووول في مطبخك وانا شويه شويه بديك بيها وصفات طبقيها وشوفي الفرق

    • ام اماسي انا بحتج…!؟ لانو الوصفات حتكون ليناس وناس لا
      هسي انا اجيب ليك خميرة البطاطس من وين ولا دقيق البطاطس ولا حتي دقيق الارز والشي التاني دا اسمو شنو؟ ايوة تابيوكا
      خفي علينا خفي او ادينا ليها بداااااااااااااائل :) :)
      هههههههههههههه

      لا ام لينة والله تستاهل نحن بنحفظ لوصفات يمكن بكرة احلي
      ان شاء الله

  267. ههههههههههههههه000ضحكتيني ياسمسمه لما انشرقت 000بس ضحكه اخرها وجع شديد

    ااااااااااخ ياسمسمايه هبشتي الجرح اللي فينا!!!!
    سودانا الله يكون عونه000نحن يتقصنا الكتير والكتير والكتير0000ماشفتي الحاصل شنو في دنيا الغيرنا 00000لو شفتي !!!!!!!!!!!
    حاتكتشفي وللاسف اننا متاخرين عن العالم بمئات السنين في حاجات كتييييييييره 0000والحمدلله
    انا بتمني الحاجات دي تكون متوفره عندنا عشان ابداعكم يزيد ابداااااااااع
    نشا البطاطس وخميرة البطاطس البديل ليهم موية البطاطس او بطاطس مسلوق لكن برضو مابدي نتايج مرضيه

    الارز المطحون 000 بتجيبي ارز وبتنقعيو نصف ساعه وبتنشفيهو وبعداك اطحنيهو علي مراحل حتي ينعم
    طبعا التابيوكا للاسف مااااافي ليها بديل (ممكن النشا العادي )
    في اشياء واسرار طعام كتيييييييره ياسمسمه لو وريتك ليها حاتستغربي والعجب لو طبقتيها!!!!!!! سبحان الله حاتكتشفي الروعه بعناها الحقيقي000وياريت بكره يكون احلي
    تسلمي غااااااااليتي

  268. حيرتيني يا أم أماسي… متين عرفتي الحاجات دي كلها وكيف؟؟!! هل درست معهد في المجال ده!!؟ ما شاء الله تبارك الله… بشوف حاجات كتيرة وكل مرة بجرب حاجة وبنساها… وبعدين حتى الماركات ناس كنج آرثر عارفاها ..تبارك الله … خطيرة خطيرة جد… ودقيق الأرز ده في واحدة سودانية قالت لي بتعمل بيهو العصيدة قمت جبت و ما عملتها وأخيرا استفدت منه في بسكويت اليانسون… سمسماية ماشاء الله عليك عارفاك ما بتتحيري وح تقدري تعملي الحاجات دي براك …. صراحة أول ما شفت المدونة قلت دي أكيد ما قاعدة في السودان …ربنا يحفظك وليك الشكر كونك عرفتينا بالأخوات أم أماسي وأم سارة وبتمنى ألاقيكم قريب…

  269. غاليتي ام لينا تسلمي علي الكلام الحلو ده والله رفعتي من معنوياتي كتييير وشجعتيني اديك الكتير والكتير من اسرار ووصفات حلوه 000اولا عزيزتي انا تخصصي علم اغذيه 00 ومشيت بلدان كتيره وتذوقت واطلعت علي انواع كتيييره من الاطعمه وطريقة عملها00 وكمان انا بعشق الطبخ مووووووت وبطلع علي الاف الوصفات خاصه الانجليزيه وبطبقها 00 الحمدلله لدي الكتير والكتير واي سؤال انا حاااااااضره وتسلمي عزيزتي وبأذن الله كلنا نلتقي ونبل الشوق

  270. كل الونسة الحلوة دى فاتتنى التحية لكل سودانية خارج وداخل البلاد ياام لينة شكرا على اسلوبك الراقى وانا سعيدة بتواصلك وسمسماية عينى عليكى باردة الليلة شكلك مروقة وام اماسى موووووووووووووووب علينا انتى انسانة مبدعة وعندك الكثييييييييييييير لكن بتمرقى فية براحة براحة ههههههههههههه وانحنا مستعجلييييييييييين عايزين نشوف ابداعاتك خلاص شبعنا فى بسكويت اليانسون هههههههه ادينا حاجة جديدة

  271. ياأم اماسى الليلة جربت الخبز طلع جناااااااااان بكرة برسل ليكم منو للفطور هههههههههه عشان الغداء كبسة شربنة بية الشاى وهو حاااااااااار

  272. من بكرة ماشة اجيب لية شوال نشأ وشوال كاسترد ههههههه ومنتظراك للوصفات وكمان عندى دقيق الارز

  273. ام ساااااااره عزبزتي وحشتيني والله000وضحكتيني موووت والله افتقدت قفشاتك الحلوه معاي 000والونسه الحلوه دي افتقدناك فيها شديد النومه شالتك ولا شنو 000
    كدي اعملي لي بسكويت اليانسون ده ورسلي لينا الصور
    ومن ناحيتي انا حااعمل ليكم وصفات حلوه 000بس انتظروني شويه بعمل في التجهيزات 0000 وبعدما انتهي بنزلها ليكم كللللللها بالصور000الفطائر 00 اللقيمات 000 الكيك 000 القرقوش وحاجات تانيه احلي من الحلي 00كده رضيتي عني ولا لا 0000انا عيوني ليكم يااخواتي وحبيباتي00وفرحتيني بالخبز عليك الله طلع حلو؟ انا انتظرتك من زمان في المطار وشريتيني شره طويله 0000ارجعي للتعليقات بتاعة الخبز العربي وشوفي انا وسمسمايه انتظرناك كيف؟

    اخيرا بكره حاناكلو 00000 تسلمي لينا ياغاليه

  274. ام ساره انتي يادووووب ماشه تجيبيهم؟ 0000انا كل اسبوع بخلص شوال نشأ وشوال كستر هههههههههه000دقيق الارز جبتي الناعم ولا الخشن شويه؟
    دقيق الارز الناعم المهلبيه بتاعتو رهييييبه مررره واكيييد جربتها 000كمان الكريم كراميل بضيف ليهو ملعقه كبيره طحين ارز ناعم بطلع متماسك ورهييب 0000الكلام ده كلو انا بوثقو ليك بالصور وجربي وشوووووووووفي00 بعدها ياام ساره حاتجيبي كل اسبوع شولات نشا وكاستر ههههههه000 احلي تحيه ليك ياسكر ونشا وكاستر ههههههه

  275. ام لينا عصيدة الزبادي ممكن تعمليها بدقيق الارز الناااعم + الدقيق العادي + رشه بسييييطه ملح ليمون 0000ودقيق الارز بخليها تكون متمااااسكه وبديها طعم حلو

    • براحة علي يا أم أماسي أديني المقادير بالضبط عشان ما ألخبط … يعني مثلا نسبة دقيق الأرز للدقيق العادي!!…

  276. سمسمايه وام ساره استعدوا لبرنامج الرجيم لكن قبل مانبدا بديكم شوية معلومات

    اتباع النظام الغذائي لتخفيف الوزن (الريجيم) لوحده قد يؤدي إلى نزول الوزن ولكن بالمقابل يؤدي إلى إضعاف العمليات الحيوية في الجسم وبالتالي تقليل كمية الطاقة المستهلكة تبعا لتقليل كمية الأكل المتناولة وكذلك يؤدي إلى نقص كتلة العضلات وكثافة العظام وذلك يحدث عند عدم ممارسة الرياضة أثناء عمل الريجيم مع نزول الوزن الذي يكون قد حصل ليس لفقدان الكتلة الدهنية وحدها بل يرافقه فقدان للكتلة العضلية.
    والدراسات الحديثة تؤكد فوائد ممارسة الرياضة مع اتباع نظام غذائي لتخفيف الوزن إذ يحافظ النظام المشترك بينهما إلى زيادة نشاط العمليات الحيوية وتقليل الكتلة الدهنية دون فقدان لكتلة العضلات وكثافة العظام ومن الجدير ذكره أنه عند المحافظة على كتلة العضلات قوية يزيد من قدرة العضلة على حرق الدهون وبالتالي التخلص من الدهون المتراكمة ومن ثم تخفيف الوزن.
    ملاحظة مهمة يجب أن نعرفها أنه من الطبيعي جدا أن لا ينزل الوزن خلال الشهر الأول من ممارسة الرياضة وذلك لزيادة وزن الكتلة العضلية في الجسم، إلا أن ثبات الوزن هو حالة مؤقتة يتبعها نزول الوزن مع الاستمرار بممارسة الرياضة وزيادة قوة الكتلة العضلية مهم جدا لزيادة قدرتها على حرق الدهون وبالتالي فقدان الوزن.000يعني قبل مانبدا لااااااازم الرياضه 000الرياضه0000 الرياضه

  277. الرجيم الكيميائي هو نوع من الرجيم يعتمد علي تحديد نوعية وكمية معينة من الغذاء لمدة لا تقل عن أسبوع يتطابق فية الوجبات الغذائية الثلاث كل يوم ، لكن يجب مراعاة تطبيق تلك التعليمات الهامة قبل البدء في تنفيذ هذا النوع من الرجيم.

    1- يجب الإلتزام التام بترتيب الوجبات دون أدنى خطأ, لأن هذا البرنامج يعتمد على نوعية وترتيب الأكل وليس على كمية ومقدار السعرات به.

    2- يجب ممارسة الرياضة 30 دقيقة يوميا على الأقل ويفضل الركض أو الدراجة أو السباحة , كذلك الأيروبكس ( يجب أن يصل الجسم لمرحلة العرق والنهجان مع الرياضة).

    3- يجب أن تأخذ الأمر بدية شديدة وبإرادة قوية ولا تجعل أي شيء يثنيك عن الاستمرار بنفس العزيمة.

    4- يجب الإكثار بشرب الماء.

    الإسبوع الأول:
    الإفطار اليومي نصف برتقاله أو نصف جريب فروت + ( 1-2) بيضة مسلوقة ( يمكن تناول البرتقال في صورة عصير طازج )

    الفطور كما هو لمدة اسبوع كامل .

    السبت :
    الغداء: 2 بيضة مسلوقة + سلطة .
    العشاء: 2 بيضة مسلوقة أو 2 كوب زبادي صغير منزوع الدسم + 1 برتقالة أو جريب فروت.

    الأحد
    الغداء: لحم مشوي أو مسلوق + سلطة.
    العشاء: 2 بيضة مسلوقة + 1 برتقالة أو جريب فروت.

    الإثنين
    نفس يوم الأحد.

    الثلاثاء:
    الغداء: 2 بيضة مسلوقة + جبن قريش ( أو أي جبن أبيض منزوع الدسم ) + خضار مسلوقة.
    العشاء: 2 بيضة مسلوقة أو كوب زبادي صغير منزوع الدسم + خضار مسلوق + طماطم.

    الأربعاء:
    الغداء : سمك أو ربيان ( مسلوق أو مشوي أو تونه بدون زيت التونه )
    العشاء : 2 بيضة مسلوقة + خضار مسلوقه.

    الخميس
    الغداء: لحم مشوي أو مسلوق + طماطم + 1 برتقاله أو جريب فروت.
    العشاء: خليط من الفواكه الطازجة ( ماعدا التمر – التين – العنب – الموز – المانجو )

    الجمعة
    الغداء: دجاج + طماطم + خضار مسلوق + 1 برتقاله أو جريب فروت.
    العشاء: دجاج + طماطم + 1 برتقاله.

    الإسبوع الثاني:
    السبت : طوال اليوم أي نوع فاكهة وبأي كمية ( ماعدا العنب – المانجو – التمر – الموز – التين ).

    الأحد: أي نوع من الخضار المسلوقة وأي نوع سلطة ( ماعدا البطاطس أو البقوليات الجافة ).

    الإثنين: طوال اليوم أي نوع فاكهة السابقة وأي نوع من الخضار المسلوقة والسلطة في أي وقت و بأي كمية.

    الثلاثاء: سمك أو ربيان أو تونه ( كما سبق ذكره ) وبأي كمية + سلطة.

    الأربعاء: طوال اليوم لحم مشوي أو مسلوق أو دجاج مسلوق أو مشوي و بأي كمية خضار مسلوق صنف واحد .

    الخميس والجمعة: فاكهة صنف واحد فقط في اليومين ( تفاح فقط – كمثري فقط – خوخ فقط – برتقال فقط – شمام فقط – مشمش فقط – أو جوافه فقط ) وبأي كمية وفي أي وقت.

    الإسبوع الثالث
    الكمية المذكورة في كل يوم توزععلى اليوم كله بدون موعد محدد ولكم بدون زيادة بالكمية.

    السبت: 4 شرائج صغيرة لحم مشوي أو دجاج – 3 طماطم – 4 خيار – علبة تونه كبيره من غير الزيت – 1 توست – 1 برتقاله او جريب فروي.

    الأحد: 2 شريحة صغيرة لحم مشوي – 3 طماطم – 4 خيار – 1 توست أو ربع رغيف خبز أسمر. – 1 تفاحة – 1 برتقاله.

    الإثنين: 1 ملعقة جبن قريش أو أي جبم آخر منزوع الدسم – 1 علبة تونه – طبق صغير خضار – 2 طماطم – 2 خيار – 1 توست محمص أو ربع رغيف محمص.

    1 برتقاله او جريب فروت.

    الثلاثاء: نصف دجاجة – 3 طماطم – 4 خيار – 1 توست أو ربع رغيف محمص – 1 برتقاله او جريب فروت .

    الأربعاء: ربع دجاجة – 2 بيضة – 1 خس – 3 طماطم – 4 خيار – 1 برتقاله.

    الخميس : 2 صدر دجاجه – ثمن كيلو جبن اي نوع خالي السم – 1 توست – 2 طماطم – 2 خيار – 1 زبادي بدون دسم – 1 برتقاله او جريب فروت.

    الجمعة : 1 ملعقة جبن ( كما سبق ) – علبة تونه – طبق صغير خضار مسلوق – 2 طماطم – 2 خيار – 1 توست محمص – 1 برتقاله او جريب فروت.

    الاسبوع الرابع
    كما سبق ذكره في الإسبوع الأول.

  278. معقولة يا أم أماسي تدينا وصفة الخبز العربي واليانسون وتقولي جيبوا النشأ والدقيق وما شابه ذلك وتاني تجي تقولي ريجيم ..!!!!!

  279. هههههههههههه كلام غريب !!!!!!مش كده ياام لينا00000عايزاك ترجعي لوصفة سمسمايه الجديده( برياني الدجا)وتشوفي تعليقاتنا
    سمسمايه وام ساره خربوها مرررررره واحده قالو عايزين مني برنامج للرجيم وانا تميت ليهم الناقصه ههههههههههه

    • والله يا ام اماسي بالجد عاوزين البرنامج دا
      وان شاء الله كمان ننزل وصفات للرجيم
      منها تابعنا النظام
      ومنها نزلنا وصفات جديدة ومفيدة
      (لسااااااااااان ساي :) )

  280. بالنسبه لعصيدة الزبادي ياام لينا
    علبة زبادي + كوب ماء + 3 ملعقه كبيره مليانه دقيق ابيض+م ك طحين ارز ناعم + رشه بسيييييييطه جدا ملح ليمون ( انا بحبها حامضه شويه وكمان ملح الليمون بديها بياض ناصع)
    المقادير دي كلها تخلطيها علي الباررد بمضرب السلك اليدوي(بتحسي بيها يقت تقيله شويه) وتضعيها في النار وتحركي باستمرار عشان ماتكلكع لو حسيتيها بقت اسمك من اللازم زيديها شوية مويه ولو حسيتيها كمان بقت خفيفه بسرعه اعملي ملعقه كبيره مع شوية مويه وضيفيها ليها بسرعه وحركي بسرعه شديده 000 القوام يكون عندك اثثثقل من قوام الكاستر 000 او المهلبيه00 حركيها تمام حتي تفك شويه من الجوانب ولما تنضج امسحي صحونك بشوية زيت وصبيها وخليها تبرد تماما حتي تجمد 00 ممكن بدل الزيت تصبي في كل الصحن م ص مويه وتصبي العصيده 00وبالهناء عليك

  281. طبعا انا بفضل اعمل عصيدة الزبادي باللبن(الروب) ومقاديري

    2كوب لبن (روب) ( انا بفضل نادك لانه تقيييييل )

    كوب ماء

    8 م ك دقيق كويتي+ رشه بسيييييطه ملح ليمون
    الدقيق ممكن يكون قابل للزياده (حسب نوعية الدقيق)

  282. وبعمل مع العصيده دي ملاح نعيميه من غير لحمه بطريقة الناس الكسلانين سريييييعه ومريحه 0000المقادير
    4 بصلات صغار + ربع كوب زيت
    4 طماطم وسط
    م ك صلصه
    ملح وشوييييية فلفل اسود
    4 مك فول مسحون(دكوه)
    حبة ماجي ( زمان كنت بعملها لكن بعد القرحه سبتها)
    2فص توم
    3كوب لبن ( روب)
    3 مك دقيق عادي اووووو طحين ارز ناااعم
    الطريقه
    تشوحي البصل حتي يذبل ويصفر لونه
    تجيبي خلاط العصير وتختي البصل المشوح +الطماطم ( قطعيها مكعبات)+الصلصه + حبة الماجي+الثوم + كوب ماء وتخلطي تمام حتي ينعم
    نضعي الخليط علي النار وتضيفي ليهو شوية مويه وتخليهو يغلي بعدها اخلطي الفول المسحون مع الروب وضيفيهو
    للخليط خليهو شويه علي بعدها ذوبي الدقيق بشوية مويه وضيفيهو للخليط واضربي زيييين بمضرب السلك اليدوي
    خليها تنضج ( تشوفي الوش بقي مكرمش شويه)
    وتاكلوها بالهناء مع عصيدة الزبادي

    • يا سلاااام ..عذبتينا بالوصف..وهسه ما عارفة اعمل شنو ولا شنو….الليلة بجرب البرياني وبكرة ان شاء الله العصيدة والملاح.. انتي عارفة انا لازم اسجل الحاجات دي كلها في كراس عشان الذاكرة بقت خربة.

  283. طبعا الريجيم خطير واللة عندى عزيمة قوية للتطبيق بس الشى دا مافية خبز وبنزل كم كيلو؟انا عايزة انزل 25 كيلو خخخخخ ودقيق الارز عندى ناعم ذى النشأ وريحتة جوز هند عملتو فى بسكويت اليانسون طلع دمااااااااااااار

  284. لكن ببدأ البرنامج بكرة عشان الليلة عندى باقى الكبسة وباقى كيكة الشوكولاتة ههههههه اما الرياضة بعمل حقت البيت وحقت الشارع دى عايزة ترتيب مع ابو العيال

  285. واللة النومة ماشالتنى لكن كنت بشاهد فى برنامج الشروق مرت من هنا قلت امكن يوم نشوف سمسماية ههههه وتطلع ليها هدية عجانة هههههههههههه

  286. ان عندى منهج سعودى كتب يعنى بتاعت التدبير المنزلى فيها الاساسيات وحاجات جميلة بحاول كل مرة انزل ليكم حاجة يعنى بتكون حاجات ضمان شركة ههههههههه مافيها خطأ الا يكون مطبعى يا ام اماسى هههه

  287. هلا ام ساره 00 الرجيم بنزلك من 8-10 كيلو في الشهر
    هههههههههه بعد شهر نمشي نرقد مع الدجاجتين بتاعة البرياني حق سمسمايه هههههههههههه 00عليك ياام ساره امشي ارجعي لصور برياني الدجاج واتخيلينا نحن بعد شهر نكون مشرفين الدجاج بهناك هههههه
    والله ياام ساره مااااااافي شئ مستحيل ممكن في يوم سمسمايه تشرفنا في التلفزيون والله 00اكتر واحده تستاهل تقدم برامج المطبخ ويكفيينا عنوان مطبخ سمسمايه
    انا عندي مكتبه كاااااامله بتاعة طبخ وبطبق الكتير من الوصفات مرات بتضبط ومرات يعني000لكن عندي اطباق النخبه ده بالدنيا وصفاته رهييييييبه ومضمونه انشاءالله يكون عندك 00وسلامات

  288. سمسمه الغاليه اشتقنا ليك وين انتي 0000اكيييييد مع الشغل والتعب والسخانه ربنا يعينك ويسهل عليك00 توحشناك برشه علي قول التوانسه 00عملنا ملاح النعيميه وعصيدة الزبادي تعالي خذي نصيبك 000

  289. وينك يا سمسماية مختفية ..اشتقنا ليك….. الشعار الجميل بتاع سمسماية ذهبي اللون في صفحة من أنا فيهو حرف ناقص بس قلت ألفت انتباهك ليهو …

  290. مقبولة العزيمة يارائعة لكن ماينفع تقولى اسم الاكلة وخلاص لازم شرح دقيق مع الاسم الدجاج حق سمسماية عملتية بالفرن ولا وصفة تانية

  291. مساء الخير ياام لينة بالنسبة لحفظ الكتابة ماتنقلى فى كراس اشترى فلاش وانسخى علية

  292. ام ساره الخبز الاسبوع التالت 000 اتجرستي ولا شنو 00الخبز الاسبوع الاول ماااااااافي واصبري لازم تاكلي من غير خبز
    الرجيم ده لو قاسي انا بديك واحد تاني رايك شنو فيهو خبز رايك شنو؟

  293. صينية الدجاج بالخضار
    خضار ( بطاطس+جذر+فلفل اخضر ممكن كوسه بس انا ماعملتها)
    4 صدور دجاج مقطع صغار
    بصله صغيره مقطعه مكعبات+ ربع كوب زيت
    حبة ماجي (انا مابعملو)
    ملح وبهارات
    4 فصوص توم
    4 قرن شطه خضراء(انا مابعملها)
    2 مك صلصه
    3طماطم كبير
    م ص فول مسحون (ده سر النكهه)
    الطريقه
    تغسلي صدور الدجاج بالخل والملح
    تشوحي الصدور مع البصل وتضعيها علي جنب
    تشوحي الخضار بعدما تقطعيهو دوائر وتضعيهو علي جنب
    في خلاط العصير نضع الطماطم + التوم + الصلصه + الماجي
    الفول المسحون+البهار والملح+ الشطه الخضراء+ 2كوب ماء نخلطهم تمام
    بعدها نضع صدور الدجاج والخضار المشوح في صينية الفرن ونصب الخلطه من فوق ليهم ونصب شوية زيت من فوق ونلفها بقصدير وندخلها االفرن 00بعدما تنضج رسلي لينا منها شويه وبالهناء عليكم
    كمان المسقعه بعملها بنفس الطريقه بدل الدجاج بتكوني مجهزه لحمه مفرومه مطبوخه وبتمشي بنفس الخطوات
    كمان سلطة الاسود بعملها بنفس الخطوات

  294. هلا بالغاليه سمسمتنا نورتي 000والله كلامك صاح لما نجي لبرنامج الرجيم بكون كلام سااااي00ياستي نحن عاااااااوزين وصفاتك الدسمه والحلوه بلا رجيم بلارجيم الرجيم انا بعمل فيهو لي سنه وفي النهايه وزني زاد 10 كيلو 000اها نعمل شنوبعدده؟ياستي ناااااااااكل00 وكمان سمسمه بتساعدنا في عمل الحاجات الحلوه مش كده ياسمسمه

  295. ام ساره صدور الدجاج ممكن تشوحيها بالفلفل الاسود المطحون (نصف م ص )مع شوية زيت وتستغني عن البصل بتكون ريحتها رهييبه وكذلك اللحمه المفرمه انا بشوحها بالفلفل الاسود وببشرعليها جذر بخليها تتشوح شويه وبضيف ليها باقي المقادير من بصل مبشور وطماطم وصلصه وفلفل اخضر وبهار0000

  296. يديك العافية ياام اماسى انا عايزة تشجيع فى الريجيم ياحريم ماتهبطو عزيمتى ياام اماسى انا عايزة واحد فية خبز ردة

    • يلا يا ام سارة انا بشجعك انا بديت من اسبوع
      نزلت 2 كيلو مع الرياضة
      اها رايك شنو :)
      ما باكل خبز
      لكن الرجيم بتاع ام اماسي دا بالذاتى الاسبوع الثاني صعععععععععععععععب